اقتراح لردع المستهترين في الطريق

[قطري2022]

هنالك سائقون لايفقهون بمعنى القيادة الصحيحة للسيارة ، بحكم انهم اتوا من مناطق نائية ولم يقودون سيارات من قبل ، وعددهم كبير جدا ، وهنالك ايضا محترفين في القيادة لكنهم مستهترون .

قد نجد هذان النوعان ينعطفون فجاة على الاخرين ، او يقودون السيارة ببطء شديد لان مزاجهم حينها يتطلب ذلك ، او بسبب البحث عن غرض له مفقود تحت الكرسي ، او بسبب العبث بالهاتف ، او بسبب البحث عن زبون بالنسبة لسيارات الاجرة ، وتلك الامور تغضب الاخرين كثيرا وقد تعطلهم عن اعمالهم بل وقد تتسبب في حوادث خطيرة لاقدر الله تعالى .

وكما سمعنا مسبقا ( من امن العقولك اساء الادب ) وفي الوقت نفسه لا افضل ايقاع عقوبة من اول او ثاني خطا ، لذا اقترح ان يسجل اول انذاران للمخالف على نظام ادارة المرور وذلك عن طريق جهاز كمبيوتر في سيارات المرور ، وفي حال الوقوع بمخالفة ثالثة يتم دفع مبلغ رادع وليس بكبير مايقارب 300 ريال ، والهدف من التسجيل على النظام هو انه اذا تم ضبط ذات المخالف مرة اخرى من قبل شرطي اخر ، ستظهر مخالفته السابقة لتحديد المخالفة اللاحقة .

فمن لايحترم القانون ولا يحترم السائقين الاخرين سيخاف القانون وسيخاف الخسارة ، لذلك سيضطر للتركيز اكثر .

[ماجد البدر]

اكثر شي يقهرني موضوع القيادة في شوارعنا الجميلة و الجديدة التي بها 4 او 5 مسارات ما شاء الله ولكن كل الي يسوقون ماخذين يسار المسار الاخير يسار او الي جنبه ويحاججك لو هرنت له او بغيته يفتح الطريق

اشوف ان مافي توعيه للاجانب ولا قوانين صارمه والله كنا نشوفهم في الخط بين ابوظبي و دبي كيف يمشوون يمين و الشاحنات و السيارات الصغير الي يبي يمشي ببطئ وكيف ملتزمين لان فيه صرامه و فيه توعيه بل وغرامه على الي يمشي شوي شوي في خط سريع فهو يهلك نفسه و الاخريين

والواحد مايقدر يوقف لكل احد ويفهمه ولا من حقك اتوقف الناس وممكن مايتفهم كلامك ويعتبره تهديد له
شوف العالم في 22 فبراير ولا الشمال او الجنوب يقهرونك ولا تعرف شتسوي خط اليسار سريع وانت تبي تمشي بسرعة متوسطه و الحبيب الخط الثاني يسار راقد على الخط يمشي 80 ويعتقد انه هو الصح ز الي يبي يطوف يطوف يسار

ليش مسويين 4 خطوط 5 و6 في بعض الشوارع
لادوريات تخالف ولا توعيه ماشيين بالبركه

[قطري2022]

اكثر شي يقهرني موضوع القيادة في شوارعنا الجميلة و الجديدة التي بها 4 او 5 مسارات ما شاء الله ولكن كل الي يسوقون ماخذين يسار المسار الاخير يسار او الي جنبه ويحاججك لو هرنت له او بغيته يفتح الطريق

اشوف ان مافي توعيه للاجانب ولا قوانين صارمه والله كنا نشوفهم في الخط بين ابوظبي و دبي كيف يمشوون يمين و الشاحنات و السيارات الصغير الي يبي يمشي ببطئ وكيف ملتزمين لان فيه صرامه و فيه توعيه بل وغرامه على الي يمشي شوي شوي في خط سريع فهو يهلك نفسه و الاخريين

والواحد مايقدر يوقف لكل احد ويفهمه ولا من حقك اتوقف الناس وممكن مايتفهم كلامك ويعتبره تهديد له
شوف العالم في 22 فبراير ولا الشمال او الجنوب يقهرونك ولا تعرف شتسوي خط اليسار سريع وانت تبي تمشي بسرعة متوسطه و الحبيب الخط الثاني يسار راقد على الخط يمشي 80 ويعتقد انه هو الصح ز الي يبي يطوف يطوف يسار

ليش مسويين 4 خطوط 5 و6 في بعض الشوارع
لادوريات تخالف ولا توعيه ماشيين بالبركه
صح لسانك
فعلا اكثر شي يقهر

[وليف الشوق]

انا معك لكن عقوبة ومخالفة 300 ريال هل هي رادع ؟ الرادع الوحيد في ظل هالرظوف وكثرة عدد السيارات والسواقين يجب سحب الرخصه طول العمر

[مرتبش]

انا معك لكن عقوبة ومخالفة 300 ريال هل هي رادع ؟ الرادع الوحيد في ظل هالرظوف وكثرة عدد السيارات والسواقين يجب سحب الرخصه طول العمر

اعتقد المبالغة في اسعارالمخالفات ادت الى الخوف من استخدامها (مثال عدم لبس الكمام .. يمرون امام الشرطي وكأنه مايشوفهم)..وأدت لسيارات في الشوارع بدون تجديد الرخصة والتأمين .. هذي مشاكل يجب النظر فيها قبل اقرار اي مخالفة ضخمة في اي مجال

[قطري2022]

اعتقد المبالغة في اسعارالمخالفات ادت الى الخوف من استخدامها (مثال عدم لبس الكمام .. يمرون امام الشرطي وكأنه مايشوفهم)..وأدت لسيارات في الشوارع بدون تجديد الرخصة والتأمين .. هذي مشاكل يجب النظر فيها قبل اقرار اي مخالفة ضخمة في اي مجال
هلا بمرتبش
ياليت توضح اكثر

[سهم فضة]

والله في ناس لا فيها احترام ولا ذات خصوصا بعض الشباب ،، لا حيا ولا مستحى ماسك لك اليمين ولا يجيك طاير مستهد تقول ميت لة حد ،، ويلصق ويلحم فالسيارة اللي قدامة مايراعي يمكن يكون فيها شايب او عايلة دريول بيت او محد انتبه لك او او او او ،،، وين عقولهم والله لو اني من المرور لا اسحبهم واحد واحد واعطيهم كيا صغيره نفس مالت المعصره 3 شهور يروح ويجي فيها ،، لين يصطلب ويصير رجال ،، لاشايف الناس ولا شايف حد قدامة ترا السواقة ذوق وفن واخلاق ،، اتمنى من المرور تفعيل مخالفة عدم ترك مسافة ،، و يفعلون الكاميرات فالشوارع يكون اذا مثل هذه العينة اللي مو حاشمة احد سووت حادث او تسببت بحادث ياخذون شريط فيديو الحادث ويعرضونة عالنيابة باانة استهتار ورعونة .

[sara jsm]

اتوقع الدور الاكبر على مركز تعليم السواقه ..
خاصة حق فئة العمال والدريوليه اللي في بلادهم مافي الا السياكل والتوك توك ..
اما بالنسبه للشباب عندنا فـ لازم يكون في توعيه اكثر والاغلب مايفهم ويحسب الشارع شارع ابوه ..
هالفئة لازم سحب رخصة وغرامة كبيرة لين يستعدل ..

[قطري2022]

والله في ناس لا فيها احترام ولا ذات خصوصا بعض الشباب ،، لا حيا ولا مستحى ماسك لك اليمين ولا يجيك طاير مستهد تقول ميت لة حد ،، ويلصق ويلحم فالسيارة اللي قدامة مايراعي يمكن يكون فيها شايب او عايلة دريول بيت او محد انتبه لك او او او او ،،، وين عقولهم والله لو اني من المرور لا اسحبهم واحد واحد واعطيهم كيا صغيره نفس مالت المعصره 3 شهور يروح ويجي فيها ،، لين يصطلب ويصير رجال ،، لاشايف الناس ولا شايف حد قدامة ترا السواقة ذوق وفن واخلاق ،، اتمنى من المرور تفعيل مخالفة عدم ترك مسافة ،، و يفعلون الكاميرات فالشوارع يكون اذا مثل هذه العينة اللي مو حاشمة احد سووت حادث او تسببت بحادث ياخذون شريط فيديو الحادث ويعرضونة عالنيابة باانة استهتار ورعونة .

صدقتي

[قطري2022]

اتوقع الدور الاكبر على مركز تعليم السواقه ..
خاصة حق فئة العمال والدريوليه اللي في بلادهم مافي الا السياكل والتوك توك ..
اما بالنسبه للشباب عندنا فـ لازم يكون في توعيه اكثر والاغلب مايفهم ويحسب الشارع شارع ابوه ..
هالفئة لازم سحب رخصة وغرامة كبيرة لين يستعدل ..

كلام صحيح مية بالمية

[Ahmed86]

بالنسبة لي هذي الفئة أهون من اللي يكون الطريق سيد واحد و في سرا مواتر طويل ، و يتجاوز من اليمين او يعكس السير عشان يسقط قدامهم كلهم (يعني مخالفة عكس سير و مخالفة تجاوز) ، و كأنه وقته أغلى من وقت الناس

المفروض يصرحون للناس تاخذ صور أو فيديوهات للأشخاص اللي يخالفون

[قطري2022]

بالنسبة لي هذي الفئة أهون من اللي يكون الطريق سيد واحد و في سرا مواتر طويل ، و يتجاوز من اليمين او يعكس السير عشان يسقط قدامهم كلهم (يعني مخالفة عكس سير و مخالفة تجاوز) ، و كأنه وقته أغلى من وقت الناس

المفروض يصرحون للناس تاخذ صور أو فيديوهات للأشخاص اللي يخالفون

اقتراح ممتاااز ، لكن بدون مايذكرون من الي صور منعا للمشاكل والمشاجرات

[طلعة الروح]

في نوعية اشوفهم طايرين ومستعجلين
وقدامه اشاره حمرا يهدي ويوقف
ويتضح ان الاستعجال طبع او صفه عند الشخص
مايحب يشوف حد يمشي قدامه بدون ما يفلش له
الحمدلله الظاهره بدت تختفي شوي شوي
مع زيادة الوعي المروري ومهارة السايق نفسه
الشارع يبقى شارع ويجب احترام الجميع
لانه من عمر الدنيا في اغبياء وفي منتبهين
والسايق بفطنته يقدر يتجنب هالانواع

[طلعة الروح]

بالنسبة لي هذي الفئة أهون من اللي يكون الطريق سيد واحد و في سرا مواتر طويل ، و يتجاوز من اليمين او يعكس السير عشان يسقط قدامهم كلهم (يعني مخالفة عكس سير و مخالفة تجاوز) ، و كأنه وقته أغلى من وقت الناس

المفروض يصرحون للناس تاخذ صور أو فيديوهات للأشخاص اللي يخالفون

عيل وين راحت الكاميرات اللي تصور من يقطع الخط المتصل من اليمين
ويجيك المسج السياره مطلوبه من قبل التحريات مع نقطه مروريه
وغرامه ظ،ظ*ظ*ظ* ريال