بخصوص السباكة والكهرباء لفيلا.. ممكن. مساعده [الأرشيف]

مشاهدة النسخة كاملة : بخصوص السباكة والكهرباء لفيلا.. ممكن. مساعده

الـخـور

11-07-2020, 09:35 AM

السلام عليكم

يالربع حد عنده شركة ممتازه لاعمال السباكة والكهرباء والصرف الصحي.. شغلهم احترافي ونظيف . والسعر يكون مناسب

حد عنده تجربه يفيدنا ؟؟
جزاكم الله خير

معماري قطري

11-07-2020, 11:06 AM

عليكم السلام ورحمة الله وبركاته

أعرف ناس بس مشغولين في مشاريع كبيرة تبي تجرب حظك شوف شريف 55376134

ابراهيم 2012

11-07-2020, 07:48 PM

بعد عندي الي شغال معي الحين مقاول سباكه وكهرباء ويسلم وامين بشغله لو تبغيه ارسلك رقمه

الـخـور

14-07-2020, 07:53 PM

تسلم اخوي معماري قطري

اخوي ابراهيم.. راجع الخاص

ابراهيم 2012

14-07-2020, 11:41 PM

إنشاءالله

ابراهيم 2012

15-07-2020, 09:48 PM

بعد عندي الي شغال معي الحين مقاول سباكه وكهرباء ويسلم وامين بشغله لو تبغيه ارسلك رقمه

بغيت أحد من الاخوه يفيدني انا ارد علي الرسائل الخاصه والبريد عندي فاضي ماتروح الرسائل

ابراهيم 2012

15-07-2020, 09:56 PM

حاولت ارسل مادري ايش المشكله

الـخـور

16-07-2020, 11:12 AM

وصل اخوي ابراهيم.. بيض الله وجهك

ولد المنصور

16-07-2020, 11:32 PM

السلام عليكم

يالربع حد عنده شركة ممتازه لاعمال السباكة والكهرباء والصرف الصحي.. شغلهم احترافي ونظيف . والسعر يكون مناسب

حد عنده تجربه يفيدنا ؟؟
جزاكم الله خير

وعليكم السلام اخوي ,,,
موضوع الكهربا ء والماء لا تستهين فيه ابداااا وبذات الكهربا ,, الصاله اللي فوق عندي قبل كم شهر احترقت والسبب واير المكيف ,,
والحمدلله قدر ولطف في القضاء ...
وبعدها اتفقت مع شركه لو بارد للكهرباء وشيكت على البيت كامل ولقيت بعض الاخطاء والتوصيلات الخطا ...
المهم ياخوي وياخواني موضوع اعمال الكهرباء مهم جدااااااااااااا ..
وربي يحفظ من يعز عليكم ...

معماري قطري

17-07-2020, 12:40 AM

وعليكم السلام اخوي ,,,
موضوع الكهربا ء والماء لا تستهين فيه ابداااا وبذات الكهربا ,, الصاله اللي فوق عندي قبل كم شهر احترقت والسبب واير المكيف ,,
والحمدلله قدر ولطف في القضاء ...
وبعدها اتفقت مع شركه لو بارد للكهرباء وشيكت على البيت كامل ولقيت بعض الاخطاء والتوصيلات الخطا ...
المهم ياخوي وياخواني موضوع اعمال الكهرباء مهم جدااااااااااااا ..
وربي يحفظ من يعز عليكم ...

كلامك صحيح والمشكلة لو عندك اي صيانة هذيلا أوقات يخربون اللي انعمل صح

الله يعوضك ويعوض كل متضرر ونتمنى تحقيقات سريعة وتوثيق للعقود حتى يكون ارجاع الحق لصاحبه سريع وبدون تعقيد وحتى كل واحد وشركة يسوون شغلهم صح

بغيت رقم الشركة ذي ونبذة عنها لو ممكن للاستفادة مستقبلاً

ابراهيم 2012

17-07-2020, 08:38 AM

وصل اخوي ابراهيم.. بيض الله وجهك

ووجهك بارك الله فيك

ابراهيم 2012

17-07-2020, 08:40 AM

وعليكم السلام اخوي ,,,
موضوع الكهربا ء والماء لا تستهين فيه ابداااا وبذات الكهربا ,, الصاله اللي فوق عندي قبل كم شهر احترقت والسبب واير المكيف ,,
والحمدلله قدر ولطف في القضاء ...
وبعدها اتفقت مع شركه لو بارد للكهرباء وشيكت على البيت كامل ولقيت بعض الاخطاء والتوصيلات الخطا ...
المهم ياخوي وياخواني موضوع اعمال الكهرباء مهم جدااااااااااااا ..
وربي يحفظ من يعز عليكم ...
وشي مهم بعد من اعمال الكهرباء توزيع الاحمال خاصه بحراره الصيف لو فيها اخطاء ممكن تسكر عليك الكهرباء من العمومي

معماري قطري

17-07-2020, 03:50 PM

وشي مهم بعد من اعمال الكهرباء توزيع الاحمال خاصه بحراره الصيف لو فيها اخطاء ممكن تسكر عليك الكهرباء من العمومي

في بيتي القديم كانت تواجهني هذي المشكلة وطلبت تقوية للكهرباء وقصتها قصة تمديد كيبل أكبر ومشى الحال .. تقريباً ما لها علاقة بالتوزيع علاقتها أكبر مرتبطة بالحمل الكهربائي الاجمالي

في بيتي الجديد الحمل اللي حسبه الاستشاري كبير وطلبوا غرفة للكهرباء في الحوش وبنيناها وكانت خطتي وتصميمي ابني حوض سباحة داخلي ومكيف وكان محسوب له حمل كهربي كبير بس ما بنيته الا بعد حول 5 سنين من السكن وكنت مخطط له ومخلي بايب لتمديد الكيبل .. مقاول الكهرباء اللي مدد الكيبل وقت تنفيذ الحوض قال لي عندك كهرباء اضافية تقدر تبني ملحق كامل لو تبغي في الحوش أو دور علوي كامل

الحمل الكهربي يعتمد على الاستشاري المصمم وعلى موافقات كهرماء والتوزيع كذلك مهم ومواصفات القواطع

معماري قطري

17-07-2020, 04:01 PM

كهرماء قايمة بواجب كبير في ترخيص مقاولين الكهرباء والمفروض ما يشتغل في الكهرباء الا مقاول مرخص وأي واحد يحط يده وهو غير مرخص يعاقب عقاب قوي والمفروض عقود الكهرباء توثقها وتحفظها مكاتب خاصة خدمية لكهرماء وذلك للرجوع اليها وقت المطالبات .. الصرف الصحي شغل دائرة الصرف الصحي في اشغال ولو يضيفون له السباكة ويفكونا من وجع الراس مكتب صغير في دوائر الخدمات الحكومية يخلونه لتوثيق وحفظ العقود ولازم اللي يشتغلون فيها مرخصين بعد من أشغال

ابراهيم 2012

17-07-2020, 11:49 PM

لو سويت غرفه بالحوش معناه عطوك كيبل 150 لان من هاي الرقم وفوق لازم غرفه

معماري قطري

18-07-2020, 02:38 AM

لو سويت غرفه بالحوش معناه عطوك كيبل 150 لان من هاي الرقم وفوق لازم غرفه

الله أعلم كم بس عاجبني الاستشاري وشكلي بارجع له حتى لو كان غالي .. ميزتي ما اوجع الراس أقول هذا اللي ابيه معمارياً واتدخل بحدود المعقول في باقي التخصصات وهم لهم تجربة قديمة معاي وأكيد الوقت الحالي قل الشغل الكبير عندهم بس ادارة مشروع الكورنيش بتستهلك كل طاقاتهم .. عادي عندي لو يخلص التصميم 2022 بس أهم شيء يكون متكامل وخالي من المشاكل وسعره معقول بحدود 150000 زين كتصميم وحساب كميات ومناقصة واشراف .. المشكلة عندي بيتين بيتي وبيت ولدي وآخر واحد نصحته يصمم معاهم ورحت معاه بيته بيت واحد كلف عقده 240000 شامل اشراف لمدة سنة مع تصميم داخلي للجبس وتوزيع الاثاث واشوفهم أبدعوا فيه

سعود.

18-07-2020, 02:51 AM

لو سويت غرفه بالحوش معناه عطوك كيبل 150 لان من هاي الرقم وفوق لازم غرفه

250 وفوق لازم غرفه
200 وتحت عادي الديبي داخل البيت

Azizuk

18-07-2020, 10:50 AM

250 وفوق لازم غرفه
200 وتحت عادي الديبي داخل البيت

خلاص ياسعود ماعاد كهرماء تطلب غرفة للمنازل

يطلبون صندوق بمقاسات محدده

الغرف للقصور اللي يطلبون لها محول كهرباء يكون جزاء من ارض المالك

انا طلبو مني اذا حاب تشيل الغرفه عادي شيلها وركب لنا صندوق

بس راح اخليها مخزن هدمها راح يكلفني

حتى حجم قوة الكهرباء راح تتحدد على حسب حجم الارض والمبنى

يعني اذا عندك مبنى بحجم معين يحددون لك حجم قوة الكهرباء اللي يحتاجها المبنى من حجم اطنان المكيفات

على سبيل المثال بيتك يحتاج 70 طن حجم قوة مكيفات وانت حاط 100 طن راح يعطونك حمولة مكيفات كهرباء 70 طن فقط

مهندس خرائط الكهرباء يحط كثر مايحط غير مقبول

بتروح تحط مسبح بتحط لك مصعد على انها زيادة احمال في الاخير راح يعطونك على حجم المبنى والارض تتحدد قوة الكهرباء

سعود.

18-07-2020, 12:37 PM

معماري قطري

19-07-2020, 01:52 AM

خلاص ياسعود ماعاد كهرماء تطلب غرفة للمنازل

يطلبون صندوق بمقاسات محدده

الغرف للقصور اللي يطلبون لها محول كهرباء يكون جزاء من ارض المالك

انا طلبو مني اذا حاب تشيل الغرفه عادي شيلها وركب لنا صندوق

بس راح اخليها مخزن هدمها راح يكلفني

حتى حجم قوة الكهرباء راح تتحدد على حسب حجم الارض والمبنى

يعني اذا عندك مبنى بحجم معين يحددون لك حجم قوة الكهرباء اللي يحتاجها المبنى من حجم اطنان المكيفات

على سبيل المثال بيتك يحتاج 70 طن حجم قوة مكيفات وانت حاط 100 طن راح يعطونك حمولة مكيفات كهرباء 70 طن فقط

مهندس خرائط الكهرباء يحط كثر مايحط غير مقبول

بتروح تحط مسبح بتحط لك مصعد على انها زيادة احمال في الاخير راح يعطونك على حجم المبنى والارض تتحدد قوة الكهرباء

على خبري الاستشاري يحسب الحمل الكهربي لكل شيء يشتغل على الكهرب .. عندك عدد مكيفات هذي ينحسب لها حسب حاجتها وبالعكس يزيدون شوي معامل أمان .. أكيد معامل الأمان والحمل الكهربي بيقل لو مسوي عزل جيد بس طاقة التبريد الابتدائية لو يحتاج بيتك 100 كمتوسط في البداية حتى لو معزول بيحتاج ممكن 150 بعدين بتقل الطاقة لين وصلت الحرارة للبرودة المطلوبة

الليتات لها حمل ثاني وصخانات الماء كذلك ومخارج الكهرباء للأجهزة الكهربية .. الحمل الكهربي ما يعني استهلاكك لازم يوصله يعني الطاقة اللي يحتاجها بيتك لو شغلت أغلب الأجهزة وكهرماء فيها ناس فاهمين ولا يبون الأذية كل شوي جايهم تلفون الكهرباء انقطعت من المحول الرئيسي

بوجاسم_قطر

04-08-2020, 02:30 AM

بعد عندي الي شغال معي الحين مقاول سباكه وكهرباء ويسلم وامين بشغله لو تبغيه ارسلك رقمه

السلام عليكم

اخوي ممكن اطرشلي الرقم ماعليك امر.

بوخالد911

06-08-2020, 01:58 AM

وعليكم السلام اخوي ,,,
موضوع الكهربا ء والماء لا تستهين فيه ابداااا وبذات الكهربا ,, الصاله اللي فوق عندي قبل كم شهر احترقت والسبب واير المكيف ,,
والحمدلله قدر ولطف في القضاء ...
وبعدها اتفقت مع شركه لو بارد للكهرباء وشيكت على البيت كامل ولقيت بعض الاخطاء والتوصيلات الخطا ...
المهم ياخوي وياخواني موضوع اعمال الكهرباء مهم جدااااااااااااا ..
وربي يحفظ من يعز عليكم ...

أتوقع حاط لك واير كهربا بو 1.5 ملي
هذا ما يستحمل مكيف بو طنين
بيحتر الواير ويتسبب لحريق الله يكافينا الشر.

ببيتي الجديد حرصت على الواير يكون 6 ملي صناعة تركية