العازل

[ابراهيم 2012]

103459.
فيه شركه مرت علي الفيلا وعرضت علي عازل جديد يسونه رش وضمان مائه سنه ياريت لو احد جربه يفيدنا بيصير اخر شي كانه نفس كرستال

[ابراهيم 2012]

عندي فديو لاكن علي واتس اب يصير اضيفه بالموضوع لان حاولت ماعرفت

[sara jsm]

https://top4top.io/index.php

هاي موقع تحميل .. اذا الفيديو اقل من دقيقه بيتحمل بسرعه ..
:

عطنا اسم الشركة يمكن عندهم موقع عالانستغرام

[ابراهيم 2012]

https://i.top4top.io/m_1677dlv0o0.mov

[ابراهيم 2012]

هاي فديو لتجربه العازل انا كلمت المهندس المسؤول عطاني موعد باكر ان شاءالله اعرف منه التفاصيل وبنزلها هي والفيديوهات وكل شي عن الشركه مشكوره اخت ساره علي الرابط

[qatar 86]

ف شنو يستخدم هالعازل ؟؟

[ابراهيم 2012]

عازل مائي لجميع المباني انا سويت للبسمنت والحمدالله خلصت والحين بمرحله البلاستر رغم اني تعاقدت مع المتخصصه للعوازل وعندي ضمان علي شغلهم بالبسمنت والحمامات والبنتهاوس لاكن للامان فكرت اسوي البسمنت من الجهه الخارجيه بارتفاع نصف متر ونصف متر من الارضيات حول الفيلا كامله عشان اسكر بعد الزوايا الي بين الحائط والارضيات اكون امنت البسمنت مليون بالميه مستقبلا من اي تسريبات مياه جوفيه مع غرفه المصعد

[معماري قطري]

والله هالعازل غريب .. هل هو حراري ويبدو لي كذلك لكن بعد مبين إنه صابغين به غطاء معدني .. إحتمال يعكس الحرارة ( حرارة الاشتعال ) ولا يسبب إشتعال لكن حرارة المحيط الخارجي لازم تتسرب ولو عندهم تجارب مخبرية لقدرته على العزل الحراري بيكون جيد .. قريب من طابوق السيبوريكس شفت له تجربة عملية حاطين موقد قوي تحته وتمسك بيدك سطح الطابوقة اللي بسمك 10 سم ما توصلك الحرارة .. وجنبه حاطين طابوقة عادية وتحتها شمعة بسيطة لكن ما تقدر تخلي يدك ثواني من شدة الحرارة

بس هل عزله للحرارة يعني عزله للماء والا بتاع كلو .. وسعره كم بيكون؟

[ابراهيم 2012]

انا شفت معهم فديو يوم المعاينه يبين رش كانه صبغ علي الجدران وبعد ثواني يبين كانه طبقه نفس الي بالفديو ماياثر فيها اي شي السعر المتر 150 ريال ان شاءالله يجيني المهندس ويجلس معي اعرف كل شي عن العازل بنزله للاستفاده انا فتحت الموضوع توقعت احد بالاخوه متابع ويعرف شي عنه ويفيدنا

[معماري قطري]

انا شفت معهم فديو يوم المعاينه يبين رش كانه صبغ علي الجدران وبعد ثواني يبين كانه طبقه نفس الي بالفديو ماياثر فيها اي شي السعر المتر 150 ريال ان شاءالله يجيني المهندس ويجلس معي اعرف كل شي عن العازل بنزله للاستفاده انا فتحت الموضوع توقعت احد بالاخوه متابع ويعرف شي عنه ويفيدنا

أي مادة جديدة مهم تشوف شهادات الاختبارات من مختبرات الدولة وترخيصها والسعر غالي مب رخيص .. لو مفكر في بدائل فيه كثيرة وأرخص على سبيل المثال عوازل متموجة تجي معدنية أو من مواد ثانية وتعيش طول العمر للبيسمنت والا أبسطها تركب بلاط بلاصق قوي حتى بورسلان رخيص بتحصل بحدود 40 ريال للمتر وتسوي نظام تصريف المياه الجوفية بتضمن سيستم سعره مناسب ويدوم وما بيوصل نص سعر الصبغ ذيه .. بعدين نصيحة إذا بتعزل اعزل كامل الأسطح لتعزل عزل جزئي

[ابراهيم 2012]

وين احصلها هاي العوازل لو ممكن اسم الشركه ورقم التليفون انا مسوي عازل وضمان عليه ومسوي بعد بئر مياه جوفيه احتياط اقل من مستوي البسمنت بمتر ونصف الماي تتجمع فيه واسحبها بنظام دينما غاطس من ثلاث شهور ماسحبت شي والحمدلله لللحين مافي اي تسريبات بالبسمنت لاكن عندي وسوسه شوي بغيت اسوي بعد عازل جدران فقط بالبسمنت قبل البلاستر اكون امنت البسمنت مليون بالميه من اي تسريبات

[ابراهيم 2012]

https://c.top4top.io/m_1678ifmpy0.mov
هاي الفديو ارسله لي المهندس البوم للعازل لان الفديو الاول لعازل لاكن نوع مختلف

[معماري قطري]

شغل حلو وتكلفته فيه بس يبقى السؤال هذي مواد كيماوية ولازم لها اختبارات صحية وبيئية وموافقات من الدولة .. فوق هذا اللي يخوف فيها طريقة خلطها لو نسبة تغيرت بالغلط استوت ما تسوى شيء والضمان الغير مشروط من الشركة هو أهم شيء .. بس لو بتركبه ركبه للبيسمنت كامل النص التحتي ما بينفعك لو عندك جدار 20 في 20 خل نقول لمساحة 400 متر مربع وعندك ارتفاع 3 متر بيكون عندك مجموع أطوال 80 في ارتفاع 3 = 240 متر مربع في تكلفة 150 ريال بيطلع لك 36000 ريال بعد معقول وتكون متطمن

[ابراهيم 2012]

الشركه من قبل العيد باسبوعين كان الاصول يسووا البسمنت عندي انا للحين اراكض وراهم واخر شي قالوا بعد عشر ايام لان مواعيدهم مزدحمه معناه اكيد الشركه امورها تمام انا مسوي عقد مع ضمان مع المتخصص واموري تمام معهم واخدوا مبلغهم كامل بعد ماخلصوا شغلهم هاي زياده امان فقط مامحتاج كل هاي المساحه التسريبات كانت بالجدران بمكان بسيط وتم حقن المكان من المتخصصه وللحين ثلاث شهور اظن مافي اي تسريبات

[معماري قطري]

انا ضعت اخوي ابراهيم .. إنت تقول حصل تسريب هل التسريب بعد الدفان حول جدران البيسمنت وهو المتوقع؟

هل هذا العازل بيستخدم من الداخل بدون حفر ومعرفة مشكلة التسريب؟

يبين لي بنيانك جديد وكثير مستفيدين منه ويجربون منتجاتهم وأهم شيء يسوون شغل مربح لهم .. لكل شيء أُصول وتبغي الأُصول الصحيحة هي حفر الدفان حول الجدران من الخارج وتركيب نظام الفرنش درينيج اللي شرحته وحطيت له فيديوهات كثيرة .. بما إنه فيه ماي هذي ضرورة لإزالة ضغط الماء وتصريفه بعيد

شيء ثاني ممكن التسريب الحاصل وانت تقول بسيط يكون عزلوا على الفتحات اللي في الجدران وهي فتحات صغيرة فيها بايبات بلاستيك يدخل فيها حديد تدعيم القوالب الخشبية هذي تكون سهلة الاختراق لعدم وجود مادة خلفها ولازم تركب مادة عازلة ايبوكسي أو بعضهم يقص قطعة حديد ويخليها داخل ويحشي فوقها بمادة اسمنتية قوية

بعدين انت تبغي هذا العازل ما يمنع تبغي غيره ممكن تبغي مواد صلبة مثل أبسطها Corrugated metal sheets بعد ممكنة وفيه نفس النوعية خليط مواد وتعيش بعمر المبنى .. عاد حولها تدفن بكسر حجر وتعزل التربة الجانبية حتى ما تسد بايبات الصرف بقماش خاص يمرر المياه ولا يمرر الطمي وسامحني هذا الحل الأمثل ومن منظور محايد لا انا مستفيد ولا شيء يمكن فايدتي يكون بنيانك صح وصححت معلومة بيثبت الوقت خطأها لك .. حتى العزل الاسمنتي وحطيت عنه صور وتقرير في موضوع مراجعة المخططات المعمارية بيكون كافي لو فيه نظام فرنش درينيج يزيل المياه قبل لتلتصق بالجدران

[معماري قطري]

في اوروبا كثيرة الأمطار يستعملون طابوق لبناء البيسمنت ويعزلونه ويسوون نظام الفرنش درينيج من أيام هتلر وعندهم بيسمنت ما فيه مشاكل للحين

[ابراهيم 2012]

التسريب ممكن يكون السبب وقت الدفان حول البسمنت كان فيه حصي بالغلط بوسط الدفان شمخ العازل هاي الي انا توقعته لاكن انا قلت الحمدالله بعد ماالشركه حقنت اماكن التسريب من ثلاث شهور الحمدالله مافي اي تسريب عندي وقلت انا بسوي هاي العازل زياده امان فقط

[معماري قطري]

التسريب ممكن يكون السبب وقت الدفان حول البسمنت كان فيه حصي بالغلط بوسط الدفان شمخ العازل هاي الي انا توقعته لاكن انا قلت الحمدالله بعد ماالشركه حقنت اماكن التسريب من ثلاث شهور الحمدالله مافي اي تسريب عندي وقلت انا بسوي هاي العازل زياده امان فقط

بتسويه من داخل أو من الخارج؟

كيف عالجوا أماكن التسريب أكيد أزالوا الدفان .. اللي قلته حل طويل الأمد وأقوله وأكرره لكل واحد يبني بيسمنت لا تستخسر نظام الفرنش درينيج حتى لو ما تسوي عازل هذا أهم

[ابراهيم 2012]

من الداخل لان نفس ماقلت الحمدالله انا التسريب وقف مايحتاج احفر كل الدفان حول الفيلا واسويه وياليت اخ معماري تعطيني فكره عن نظام العازل الفرنش درينيج واي شركه الي تسويه نستفيد منك ان شاءالله بفلل اولادي

[سعود.]

كان من الافضل لو ركبت حماية للعازل مثل هذا


https://j.top4top.io/p_167908nu20.png (https://top4top.io/)

[ابراهيم 2012]

والله اخ سعود انا تعاقدت مع شركه تحت اشراف الاستشاري وهم مامقصرين اي تسريب يجي يسونه وضمان عشرين سنه دبل عازل لو حصل شي بعد التشطيب هم المسؤولين مع الاستشاري لان شغال معهم بكل مشاريعه والاستشاري نسيبي لازم اسمع كلامه مابيقصر باي شي اطلبه العازل الجديد هاي لو بسويه بيكون من عندي فقط للامان مليون بالميه بعيد عن الاستشاري

[سعود.]

باذن الله تضبط امورك

انا اتكلم بصفه عامه الافضل حماية للعازل نفسه
ونظام الفرنش درينيج

[ابراهيم 2012]

باذن الله تضبط امورك

انا اتكلم بصفه عامه الافضل حماية للعازل نفسه

ونظام الفرنش درينيج

بغيت شرح لهاي الطريقه واي شركه تسويها

[سعود.]

نفس هذا اتوقع اغلب شركات العزل عندهم

http://dcp-int.com/qa/index.php?p=prod825

[معماري قطري]

باذن الله تضبط امورك

انا اتكلم بصفه عامه الافضل حماية للعازل نفسه
ونظام الفرنش درينيج

صحيح البلاستيك ذيه فعال حتى للأساسات للي يبني حطيت له صورة قبل وعندي عينة مصورها من قريب بس للفرنش درينيج للبيايبات تحتاج تغليف بما يسمى جيوتكستايل وهو نوع من الأقمشة الصناعية يسمح بدخول الماي بدون الطمي والأتربة وللمنهول ممكن استخدام هذا البلاستيك فوق العازل وهو رخيص وايد أرخص من البورد الخشب