الديفيندر الجديد ....... وكثرة عروض البيع [الأرشيف]

مشاهدة النسخة كاملة : الديفيندر الجديد ....... وكثرة عروض البيع

مستثمر رشيد

11-08-2020, 07:30 AM

ya3coub

11-08-2020, 08:03 AM

السلام عليكم ورحمة الله وبركاته

برغم عمر السيارة الصغير كموديل وشكل جديد كليا الا انني الاحظ زيادة في عروض البيع كمستعمل خاصة وان اغلب السيارات المعروضة لم تتعدى سوى كيلومترات محدودة ....

سؤالي لمن جرب السيارة او ممن لديه احد من معارفه اشتراها ..... ماهي مميزاتها وعيوبها .... ؟؟؟؟؟؟

مع جزيل الشكر

سيارة جميلة و صغيرة و عملية،

ربعنا يحبون كلشي جديد و محد توقعها تاخذ هالرواج بحكم التغير الجذري اللي صار عليها.

كان من المتوقع انه سيتم التعامل مع الدفندر نفس ما صار مع الدسكفري سيارة عريقه لها تاريخ و صارت ناعمه بكل شي بس الدفندر ولو انه اصغر بس اثبت وجوده فالبر من تقارير الكاتبي فالسعودية و بريطانين و اوربيين فاليوتيوب.

زود عن ذلك المحبين و اللي يبي شي جديد و مو غالي جدا كانت لهم الاولوية و الوقت فالحجز المبكر و اول ما وصلت السيارات و وزعوها الصور كانت كشخه و جميلة و شكله مقبول فالشارع و الحركة الذكية بدو بال 110 "اربع ابواب" فالعين تقبلته في قراجات علطول اشتغلو عليه تعديلات الصبغ بين رنقات و علامات لمسات بسيطه و الموتر يطلع مميز فهبو فيه الناس.

سبب البيع الزايد و اغلبهم ٤ سلندر تجارة حال الرنج سبورت و الفوج اول ما ينزلون لاخر شكلين دايما في بيع للحجوزات و حب تملك من الاوائل لسيارة جديدة، تلقى الناس راحت خذت اللي فالوكالة و عقب فتره بسيطه اكشخو فيه استانسو اسبوعين اعرضوه للبيع بربح او بدون الخسارة المعتادة لاي سيارة مستعملة.

و قريبا لانه فاتحين حجوزات ال90 "باب واحد" راح يتكرر نفس الشي

فمو انه السيارة فيها عيوب كشكل مصندقه بس انسيابة اكثر من الشكل السابق، و البعض يقول شكل الموتر ما يصلح للمواطن الخليجي بل للعربي او الاجنبب اكثر، اما عيوب مصنعية او الاستعمال ما سمعت اي احد من اللي عندهم اشتكى منه بالعكس اعزف ناس بنطرون الباب ينزل و عندهم البابين اصلن و عاجبتني السيارك و قوية ال6 سلندر

Rider

11-08-2020, 10:27 AM

انا اشوفها سيارة اجانب أكثر يعني القطري ماظن بيكشخ فيها ومثل ماقال اخوي يعقوب ربعنا يحبون كلشي جديد من باب التجربه السيارة حلوه لكن انا مب مقتنع فيها كمنظر
بصراحة المواتر مايستاهل حد يقط فيه فلوس

SouthK

12-08-2020, 07:58 AM

انا سقت السيارة ذي ... هي عبارة عن صندوق متحرك لا يصلح لنمط سواقتنا!

Rider

12-08-2020, 11:36 AM

انا سقت السيارة ذي ... هي عبارة عن صندوق متحرك لا يصلح لنمط سواقتنا!

ههههههه حلوه ياخوي صندوق متحرك

SouthK

12-08-2020, 12:31 PM

ههههههه حلوه ياخوي صندوق متحرك

تحس كأنك تسوق رنج 81 باب جير عادي .. التشبيه متعوب عليه!

Rider

12-08-2020, 12:41 PM

تحس كأنك تسوق رنج 81 باب جير عادي .. التشبيه متعوب عليه!

اصلا واضح من شكل السيارة ماتصلح لنا الاجانب يبونها

كنغ المضاربة

18-08-2020, 07:50 PM

سعرها مبالغ فية صراحة في سيارات بالسوق افضل وسعرها مناسب اكثر

اللوز

23-08-2020, 10:02 AM

انا رحت لهم الوكالة وقالوا لين الحين ما بلشنا بالحجز
وفجأة طلعت المواتر
شلون !!!!