نصب واحتيال من اوريدو كالعادة

[نايم سهران]

السلام عليكم

اول كانت فاتورة الانترنت 250 ريال شهري ،، بعدها اعملوا زيادة 50 ريال وصار المبلغ 300 ريال بدون سابق إنذار ..

اليوم اعملوا زيادة جديدة 23.22 ريال وصار المبلغ 323.22 ريال شهريا !!

ماخذين الموضوع مسخرة واستهتار بحقوق العملاء لان مافي لا حسيب ولا رقيب عليهم ..

مانقول غير حسبي الله ونعم الوكيل فيهم

[dammaj77]

الله يعينك ياخوي انا قاطع كل اشتراكتي معهم وحولت الى فوفو ابرك الساعات

[monatee]

وعليكم السلام

تأكد اخوي الزياده من ايش جات ، لان اسعار الباقات مثل ماهي مافي زياده عليها حاليا
حاول تعرف بنفسك وتحل لغز الفواتير ولاتعتمد على كلام موظف اوريدو لانه بيدخلك بطوفه

[Dana’1]

و عليكم السلام
تواصل معهم
وعطهم ملاحظتك وطالبهم بحقك
يكفي إنه مش من حقهم تغيير سعر باقه الإشتراك بدون اي إشعار مسبق

[المـستثمر]

تم رفع الاشتراك ل 330 ريال شهريا.

[مضارب دوسري]

كل ما توهقوا باستثماراتهم الخارجيه

قالوا من وين نعووووض ؟

من جيب عملاؤنا في وطننا الحبيب قطر

وهذا الشي يتكرر كل كم سنه

[مضارب دوسري]

مع العلم لو ما وهقوا نفسهم في استثماراتهم العالميه ورموا فلوسهم هناك


كان الحين صارت اكبر شركة اتصال في العالم ماليا
وكان قدرت تفتح بنك ينافس qnb ولمصرف

[Rider]

وانا فعلا استغرب فاتورة جوالي شهري زادت من كم شهر مع انه استخدامي عادي كلمتهم فعلا الموظف شوي ويدخل بالطوفه يعني كيف يزيدون الاسعار من غير رايي المشترك

[سهم فضة]

قال من امرك قال من نهاني


:) للاسف لايوجد عليها سلطة وحتى المنافس اللي دخل السوق وحب ينافس نشفوووه ووبفو بوجهه يوم شافوه قام يكون قاعد جماهيرية كبيره حسو بالخطر وتم ضمة لهم بطريقة غير مباشرة ليمشي على هواهم ومايريدونة

وللتاكد من كلامي ارجعو لعروضهم اول مافتحو وشوفو الفرق بين السابق والان




اما موظوع اوريدو فا حسبي الله ونعم الوكيل

تشتري رقم مميز ب 2000 وتحصل على خصم وعقب يقولك اذا تبغي الرقم مضطر تستمر معنا سنة كاملة

و من فتحت الشركة لليوم ماغيرو سياسة اللمت اللي هي اقل لمت 600 ريال :)

وكل ماقلنا سعر الباقات بتنخفض زادت :)

حتى الواتساب مكالماتة محظوره وبعض تطبيقات الاتصال المرئي:)


كل هذا لكي لاتخسر اوريدو :)

والمجلس الاعلى للاتصالات مثل الرقابة والشفافية ،، مكانك سر .

[MAZEN37]

اوريدو شركه مهمه وركيزه بقطاع الاتصالات
لكن
دور هيئة الاتصالات والرقابه عليهم كبير
السؤال ؟؟؟
هل اورويدو خذت موافقه على الزياده
هل يوجد تصريح ؟
هل عروضهم عليها موافقات ؟
ملاحظه
في بعض الشركات الانترنت مجانا عندهم
واوريدو كل سنه ترفع مبلغ الاشتراك

[وليف الشوق]

الله المستعان

[R 7 A L]

ليس دفاعاً عنهم ولا لي اي علاقة مع اوريدو كيوتل سابقاً


صار لي عشرين سنة مشترك بالفواتير ماعمري شفت زيادة بدون مبرر

من شهرين شفت زيادة في الفاتورة الشهريه انا مشترك في باقة 380
زيادة 30 ريال قلت حق شنو هذي طلع لعبة محملتها بنتي تحسب كل يوم ريال


ف اي زيادة الواحد يشوفها حتى لو مبلغ صغير لا يسكت يبحث ويشوف وين الخلل
الحمد لله الوضع الحين مو مثل قبل الحين اسهل انك تقدر تحاجج وتاخذ حقك

[بوطلحة]

فعلا أوريدو زادت أسعار الباقات، أنا مشترك في باقة ال300 ريال وجاتني رسالة انها صارت 330 من شهر سبعة، قالي الموظف أن من الحق الشركة مراجعة (يعني زيادة) الأسعار بحسب الاتفاقية وأوريدو عطت مستخدمينها مقابل هذه الزيادة خدمة نتفلكس لمدة ستة أشهر، قلت له ان هاذي العرض مؤقت والزيادة دايمة وبعدين غصب نشترك في خدمة النتفلكس الي ترستوا تلفوني من دعاياته؟! بس عارف للأسف أن الموظف الي يكلمني ما في يده شي فقلت له سجل شكوى عن عدم رضاي على زيادة السعر بدون مقابل.

[direction]

حد مشترك مع فودا فالانترنت المنزلي ومنطقته ما فيها شبكة فودا؟ ياريت يشارك تجربته

[ماجد البدر]

اي اشتراك في اي برنامج او في اليوتوب بريمر يزيدعليك المبلغ
ويمكن هذا الي طلع الفرق معاك

وكلامك في محله لا رقيب ولا حسيب

الرقيب عاجبه الوضع لزيادة الارباح حتى لو على حساب المستهلكين

[نايم سهران]

تم التأكد اليوم وفعلا تم زيادة 30 ريال .... اقل باقة انترنت بعذ ما كانت 200 ريال صارت 330 ريال ... الله المستعان

[حمــد]

اي والله حسبيا عليهم انا علبالي عرض او شي توني اتصل فيهم يقولون طرشنا مسجات يمكن ما وصلك صارت 330 ريال .. الله المستعان

[السيف5]

اذا فعلااا تم الزيادة على كيفهم فهذا نصب واحتيال

وانا واحد من الناس اللي متضايقين من اوريدوا ,,,,,,,,,كرمهم يطلع خارجيا ,,عروض سخية لأوريدوا برا واحنا مالنا غير الفتات
وحتى البرامج مثل الواتسب محجوب الاتصال المرئي والهاتفي ,,يعني اسلوبهم قمعي ,,

[ya3coub]

اذا فعلااا تم الزيادة على كيفهم فهذا نصب واحتيال

وانا واحد من الناس اللي متضايقين من اوريدوا ,,,,,,,,,كرمهم يطلع خارجيا ,,عروض سخية لأوريدوا برا واحنا مالنا غير الفتات
وحتى البرامج مثل الواتسب محجوب الاتصال المرئي والهاتفي ,,يعني اسلوبهم قمعي ,,

ابشرك مو ملزومين يكفي يحطون اعلان انستا و بيقولون لك اي عقد موقع عليه انه ممكن يغيرون الاسعار

صارت لي من قبل و فعليا

[MAZEN37]

انا اطالب بدخول شركه ثالثه على السوق
وعمل تسهيلات لفودافون والسماح لهم بفتح النت المنزلي انا عن نفسي بحول على فودافون

[سهم فضة]

انا اطالب بدخول شركه ثالثه على السوق
وعمل تسهيلات لفودافون والسماح لهم بفتح النت المنزلي انا عن نفسي بحول على فودافون

مافي فايدة لو تدخل 40 شركة :) دام كل شركة بيحطونها بمخباهم :) وببضيقون عليها مثل فودافون :)

[SouthK]

الشكاوى مستمرة من شركات الاتصال و الغلط على المستخدم .. ليش اصلا عندك جوال علشان تشترك في باقة؟؟؟؟
ليش ماخذ باقة اكثر من احتياجك؟؟

عندي باقة ام 50 ريال للتلفون الرئيسي اما باقي الاتصالات عندي رقم تعبئة و كارفة و الامور طيبة.

[direction]

انا اطالب بدخول شركه ثالثه على السوق
وعمل تسهيلات لفودافون والسماح لهم بفتح النت المنزلي انا عن نفسي بحول على فودافون

فودا اوردي عندهم خدمة الانترنت المنزلي

[ya3coub]

فودا اوردي عندهم خدمة الانترنت المنزلي

نتهم المنزلي ارخص بشي بسيط بس نكبه خصوصا وقت الاجتماعات.

للاستخدتمات الاخرى ممتاز بي للاتصالات فيديو و مشاركة ملفات الشغل ما انصح فيه

[بوخالد911]

للأسف الشديد
معظم الجهات المزودة للخدمات تضع شروط وقوانين لصالحها فقط
وانت يا العميل تعال ووقع بس عند طلبك للخدمة !!!

انا مشترك بباقة 150 ريال بجوالي
وهي للحين ثابتة ولا تغيرت

وبخصوص نت البيت والخط الأرضي ثابتة على 550 ريال شهريا.

تقدر تتصل على هيئة تنظيم قطاع الاتصالات
44069938
أو
103

info@cra.gov.qa

https://www.cra.gov.qa/ar-QA/about-us

تواصل معهم وقوووول اللي تبي.

[sara jsm]

من اسبوعين وهم يتصلون لي من اكثر من رقم ..
ونفس الشي يبوني اشترك في باقة ب120 اظن ..
قلت لهم انا من سنين مع هلا ومرتاحة واعرف فلوسي وين تروح ..
لكن قالت لي وحدة منهم انتي تعبين فوق ال400 ريال كل شهر ..
قلت لها مستحيل انا اعبي 50 ولا 100 ولاعمري عبيت اكثر ..
انصدمت وغيرت الموضوع وسكرت التلفون مع باقة شكر :playball:

[MAZEN37]

والله انا اقترح بانشاء وسم على تويتر اعتراض على زيادة الرسوم على الانترنت المنزلي بالذات لانها خدمه لكل الناس مهمه وحيويه والزام اوريدو بالرجوع للاسعار القديمه حتى ايام ال ميتين وخمسين ومشاركت التويتر وتوصيله للمسؤلين
وين هيئة الاتصالات والمراقبه ودورها بمراقبة الزياده والاسعار
هذه خدمة حيويه

[MAZEN37]

فودا اوردي عندهم خدمة الانترنت المنزلي

بعض المناطق مثل اللولوه والوسيل
ليش فودافون ما تغطي كل المناطق مثل اوريدو

[الشمالي111]

من فنون النصب كلمتهم المشهوره عندنا عرض تجريبي لمدة ثلاث شهور مجاني واذا ما اعجبك كلمنا ونوقف الخدمة تعال دورني اذا تذكرتهم بعد ثلاث شهور متحملينهم لانهم هم المشغل الاقوى او لان ما فيه غيرهم

[fahd]

تجاربكم بخصوص فودافون خدمة جيجاهوم او خدمة unlimited لاني بحول عندهم بعد اكثر من 25 سنه اشتراك مع اوريدو

[السكين]

إدفع بالتي هي أحسن

الإخوان المعترضين على الشكاوي أحمد لله أنكم غير مسؤولين في أوريدو، أنا واحد من الناس باقتي ارتفعت خمسين وخمسين ثانية وصارت 350 ريال يعني مرتين زادوها بدوت علمي ولا برصالو نصية حتى، والمرة الاخيرة اتصلوا وقالوا بنرقي لك الخدمة غير محدودة مقابل 380 ريال ووافقت بعد التأكد أن الخدمة ستظل كما هي وتفاجأت بأن تفاصيل البيانات بالتطبيق مصنفة كما كانت 40 غيغا ولكن بيستمر الانترنت عندك بعدها بصورة أبطأ وهالمعلومة ما قالوها وقت الإتصال والتسويق !

[سهم فضة]

إدفع بالتي هي أحسن

الإخوان المعترضين على الشكاوي أحمد لله أنكم غير مسؤولين في أوريدو، أنا واحد من الناس باقتي ارتفعت خمسين وخمسين ثانية وصارت 350 ريال يعني مرتين زادوها بدوت علمي ولا برصالو نصية حتى، والمرة الاخيرة اتصلوا وقالوا بنرقي لك الخدمة غير محدودة مقابل 380 ريال ووافقت بعد التأكد أن الخدمة ستظل كما هي وتفاجأت بأن تفاصيل البيانات بالتطبيق مصنفة كما كانت 40 غيغا ولكن بيستمر الانترنت عندك بعدها بصورة أبطأ وهالمعلومة ما قالوها وقت الإتصال والتسويق !

صحيح كان يسوق لها انها مفتوحة اللمت وبين السطور هي فعليا 40 غيغا

وكذلك اللي يقولون اعلى باقة ب 850 اعتقد هي مجرد 500 غيغا


:) بالخط العريض انترنت مفتوح ، لكن بين السطور فهو محدود :) تقدر تسمية تحايل قانوني :)

[ya3coub]

صحيح كان يسوق لها انها مفتوحة اللمت وبين السطور هي فعليا 40 غيغا

وكذلك اللي يقولون اعلى باقة ب 850 اعتقد هي مجرد 500 غيغا


:) بالخط العريض انترنت مفتوح ، لكن بين السطور فهو محدود :) تقدر تسمية تحايل قانوني :)

من ناحية البيانات صحيح هي بلا حدود و يارب انها ما تتغير نفس الدول الثانية في لمت لكمية البيانات.

40 جيجا او اللمت اللي محطوط هذا للجوال و ليس للبيت و الاغلب اذا عندك الجدول راح تنزل السرعه من LTE الى سرعه 20 ميجا فالثانية و اهي تسمحلك انك تشوف يوتيوب و مكالمة جوال على الانترنت و stream مشاهدة النتفلكس و برامج و مواقع الافلام (اكثر ما يستهلك بيانات و يحتاج سرعه)

ايضا عندي العروض اللي للشركات و بنائا عليها تنزل السرعه بعد الاستهلاك كله يعتمد على الباقة، بس قبل توقيع لازم الواحد يقرا لانه مو اول مرك يسوونها و انا من الناس اللي تشكيت و عندي حسابات ارضية و جوال مع الشركتين اثنينهم بنفس السوء

بس اذا اوراقك و معلوماتك صحيحة مهما يلخبطون و يحاولون يتحايلون اطلب المدير و لا تدفع و خل يقنعونك.

اي عرض ما صرت اسوبه بالتلفون (اتصال او ابلكيشن)

اروح عندهم و اطلب و اوقع و اطلب نسخه من العرض مطبوعه استخدمها في حالت اي لخبطه فالفواتير

[MAZEN37]

في بريطانيا النت المنزلي مجانا
مجانا وين قسم التطوير والجوده وخدمة المجتمع والمساهمه ب .... و.... و....
يا اوريدو

[CH Engineer]

لعوزوني كل شهر اشتراكات لاعلانات ماشاركت فيها،، غير كل ماسافر تطلع لي مشكله معاهم ويدفعوني مبالغ،، سحبت عليهم وحولت على فودافون ظ£ سنوات مرتاح ادفع مبلغ الاشتراك الي اختاره

[khaldoon]

تم رفع الاشتراك ل 330 ريال شهريا.

هذا الكلام الصح.... تم الرفع من تاريخ 25/07/2020

[khaldoon]

السلام عليكم

اول كانت فاتورة الانترنت 250 ريال شهري ،، بعدها اعملوا زيادة 50 ريال وصار المبلغ 300 ريال بدون سابق إنذار ..

اليوم اعملوا زيادة جديدة 23.22 ريال وصار المبلغ 323.22 ريال شهريا !!

ماخذين الموضوع مسخرة واستهتار بحقوق العملاء لان مافي لا حسيب ولا رقيب عليهم ..

مانقول غير حسبي الله ونعم الوكيل فيهم

السبب 23 ريال انهم رفعوا السعر من تاريخ 25/07/2020 يعني بعد تجديد اشتراكك الشهري .... يمكن انت تجدد كل 18 الشهر مثلا بس الشهر التالي بتيجي 30 ريال قطري

[MAZEN37]

وين تصريح الرقابه من هيئة الاتصالات
هل هناك موافقة من حق الزبون يعرف
؟؟؟

[MAZEN37]

للرفع

[bohilal191]

السلام عليكم

اول كانت فاتورة الانترنت 250 ريال شهري ،، بعدها اعملوا زيادة 50 ريال وصار المبلغ 300 ريال بدون سابق إنذار ..

اليوم اعملوا زيادة جديدة 23.22 ريال وصار المبلغ 323.22 ريال شهريا !!

ماخذين الموضوع مسخرة واستهتار بحقوق العملاء لان مافي لا حسيب ولا رقيب عليهم ..

مانقول غير حسبي الله ونعم الوكيل فيهم

عن اي باقة تتكلم اخوي

[راعي الحلال]

فقط سعر اشتراك الباقة الاساسية للانترنت المنزلي اللي سرعته 50 جيغا كان الاشتراك ب 300 ريال شهرياً والحين صار 330 ريال بدون اي اضافات او تحسينات في الباقة بالاضافة الى عدم قبول اي اعتراض او شكوى بخصوص هذا الموضوع من قبل شركة اوريدو .... طبعاً عني انا امس سجلت شكوى ضدهم في الهيئة العامة لتنظيم الاتصالات انهم زادوا سعر الاشتراك بدون اخطار مسبق وبدون موافقة وبدون زيادة في سرعة انت او اي تحسينات، وننتظر الرد اذا كان في رد [emoji28]

[MAZEN37]

للرفع
يا هيئة الاتصالات
سؤال من حق الزبون ونحتاج للاجابه
مشروعية رفع رسم الاشتراك الشهري ثلاثين ريال للانترنت الارضي هل تمت الموافقه عليه ؟

[MAZEN37]

هيئة تنظيم الاتصالات هي الجهة المسئولة عن تنظيم*قطاع الاتصالات في دولة قطر وقد أنشئت بموجب القرار الأميري رقم (42) لسنة 2014. وفي الإطار عينه، تتولى الهيئة المستقلة تنظيم قطاع الاتصالات وتكنولوجيا المعلومات وقطاع البريد والنفاذ إلى الإعلام الرقمي. كما تعمل الهيئة على تشجيع ودعم قطاع اتصالات مفتوح وتنافسي لضمان توفير خدمات اتصالات مبتكرة ومتقدمة وموثوق بها مع الالتزام الكامل بتحقيق التوازن بين حقوق المستهلكين وتلبية احتياجات مقدمي الخدمة.*

[طلعة الروح]

جاني مسج منهم بيزيدون الفاتوره خمس وسبعين ريال اعتبارا من فبراير القادم عشان الفايف جي

[monatee]

انا بعد
جاني مسج سيتم زياده مبلغ الباقه الي مشتركه فيها
من 380 ريال الى 400 ريال ، من اول فبراير

[طلعة الروح]

المشكله الشبكه لا زالت فور جي
ومن وكالة يقولون سمعت ان الفايف جي مجرد اسم للشبكة
الجديده ولا يوجد شي اسمه فايف جي في الخليج وفعليا مامنه فايده
اذا بيزيدون الفاتوره على شي احنا مانستفيد منه
نرجو من ادارة اوريدو اعادة النظر في زيادة الرسوم

[monatee]

اختي طلعة الروح

الفايف جي موجوده وسرعتها اعلى بفرق كبير عن الفور جي
عندي ايفون 12 وجربت السرعه وفعلا موجوده
لكن الاستفادة منها قليله لانها تستنزف بطارية الجوال بشكل مش طبيعي
ف الاغلب مسكر شبكة الفايف جي

واللي يتصفح بجواله او يستخدم البرامج العادية المعتادة مابيحس بالفرق
الفرق في سرعة التنزيل تبين

وبعد مايبرر ان اوريدو بين فترة وفتره تزيد الفواتير
بكل دول العالم المكالمات والانترنت يرخص ( وبعض الدول ابلاش )
واحنا لازلنا نسعر المكالمه اذا كانت من تلفون ارضي لين جوال

[طلعة الروح]

اختي طلعة الروح

الفايف جي موجوده وسرعتها اعلى بفرق كبير عن الفور جي
عندي ايفون 12 وجربت السرعه وفعلا موجوده
لكن الاستفادة منها قليله لانها تستنزف بطارية الجوال بشكل مش طبيعي
ف الاغلب مسكر شبكة الفايف جي

واللي يتصفح بجواله او يستخدم البرامج العادية المعتادة مابيحس بالفرق
الفرق في سرعة التنزيل تبين

وبعد مايبرر ان اوريدو بين فترة وفتره تزيد الفواتير
بكل دول العالم المكالمات والانترنت يرخص ( وبعض الدول ابلاش )
واحنا لازلنا نسعر المكالمه اذا كانت من تلفون ارضي لين جوال

تمام يعني عندي خيار ابقى على شبكة فور جي بدون مايزيدون علي الفاتوره
ولا لا هاي سؤال نوجهه لاوريدو يمكن الموبايل اللي عندي مايدعم الفايف جي
فليش ادفع على شي انا ما استفيد منه

[سالم الزهران]

الفايف جي موجودة ومستخدمة والجيل السادس شغالين عليه في بعض دول العالم.

المشكلة عندي شخصياََ من جهتين، الاولى كون استخدام اتصال سريع يسحب البطارية، هذي كلش مب مقتنع فيها وبطء الجوالات وتدهور البطاريات سببها سياسة الشركة نفسها. وكلهم بينهجون نفس النهج.

بالنسبة للمشكلة الثانية في الاتصال السريع، ان شركاتنا تعتمد مبدأ الترويض.
اليوم سرعة 100 ميجا استوت عادية في الفايف جي الا انهم ما يعطونك هالميزة الا يدفعونك مبالغ، فالفايف جي عندهم ممكن يكون 50 وممكن 100، فهم يتعمدون يخلونك متأخر وتحس بالبطء عشان تبقى تطرد وتبحث عن اشتراكات وباقات جديدة و تظل في حالة ترقب للجيل الجديد و للاسف الشيء الأكيد في الموضوع ان ما تدفعه اكثر بكثير مما تجده.

[monatee]

تمام يعني عندي خيار ابقى على شبكة فور جي بدون مايزيدون علي الفاتوره
ولا لا هاي سؤال نوجهه لاوريدو يمكن الموبايل اللي عندي مايدعم الفايف جي
فليش ادفع على شي انا ما استفيد منه

صح الخيار موجود اتمين ع الفور جي وان كان جوالج يدعم الفايف جي

[monatee]

الفايف جي موجودة ومستخدمة والجيل السادس شغالين عليه في بعض دول العالم.

المشكلة عندي شخصياََ من جهتين، الاولى كون استخدام اتصال سريع يسحب البطارية، هذي كلش مب مقتنع فيها وبطء الجوالات وتدهور البطاريات سببها سياسة الشركة نفسها. وكلهم بينهجون نفس النهج.

بالنسبة للمشكلة الثانية في الاتصال السريع، ان شركاتنا تعتمد مبدأ الترويض.
اليوم سرعة 100 ميجا استوت عادية في الفايف جي الا انهم ما يعطونك هالميزة الا يدفعونك مبالغ، فالفايف جي عندهم ممكن يكون 50 وممكن 100، فهم يتعمدون يخلونك متأخر وتحس بالبطء عشان تبقى تطرد وتبحث عن اشتراكات وباقات جديدة و تظل في حالة ترقب للجيل الجديد و للاسف الشيء الأكيد في الموضوع ان ما تدفعه اكثر بكثير مما تجده.

كلام صح 100%

اذكر قبل كم سنه في هولندا اخذت شريحه جوال مسبقة الدفع تشغل فقط الثري جي
( هولندا من الدول اللي ماتعطي السائح انترنت ب باقات كبيره او مفتوحه ، لكن السرعه مفتوحه )
اعلى باقه انترنت كنا نحصلها فقط 7 جيجا
المهم ان سرعة الثري جي عندهم ذاك الوقت اعلى من سرعه الفور جي الحالي في قطر

ف شركات الاتصال عندنا هي من تحدد لمت معين لسرعة الانترنت للمستخدمين

[طلعة الروح]

المشكله تدفع خمسمية ريال عشان الانترنت يكون غير محدود هاي بالنسبه للباقه القديمه
الباقات الجديده ال unlimited net راح يكون بتسعمية ريال
يعني الواحد يمسك مجنونه ويتم ع الباقه*اللي
عنده واللي هي اصلا اشتراكها غالي
وفوقهم زيادة عشان فايف جي اجباري عليك كمستخدم وليس اختياري وبندفع غصب
حتى لو مب محتاج هالشبكه