غسيل السيارات وتشويه المنظر العام ؟؟

[سهم فضة]

السلام عليكم ورحمة الله




لفت نظري في الاشهر الاخير وجود العديد من العمالة والكثير الكثير منهم بزي شركات سولء اصفر او اخضر او برتقالي


بشكل ملفت للنظر بين الشوارع التجارية و المحلات ومواقف السيارات


وبشكل مقزز ومشوه للمنظر الحضاري للبلد و الوجة العام

لا يكاد يخلو شارع تجاري او محلات او بنايات الا واحد امامها احد العمالة اللي لا اعلم من اين خرج لي ليغسل واصبحت ( طرارة ) اكثر من انها غسيل سيارات




وما يحززني بصراحة كا ( انسان ) وجودهم في الصيف في عز الشموس والحر و الرطوبة من اول الصبح الى اخر الليل ؟ اين قانون تحديد اوقات العمل ؟ او تشويية المنظر العام ؟

ايعقل نحن في 2020 و بنستضيف كاس العالم ومازال في عمالة في الشوارع بسطل وفوطة وتغسل انام المارة ؟؟ هل هذا وجة حضاري ؟؟ ام انه تشوية للمنظر العام ؟


اتمنى النظر ولو بعين الرحمة والشفقة ورحمتهم من لهيب الشمس و حرارة الصيف وتطبيق قانون العمل على شركاتهم او محاسبتهم انسانيا على مايحصل وما قد يحصل للعامل من ضربة شمس او هبوط

( اتمنى فقط ع الاقل اخذ الجانب الانساني بالموظوع )

[مرتبش]

عمالة هامشية مامنها فايدة للمجتمع .. يتم استغلالهم في العمل في ظروف صعبة.. اعدادهم كبيرة ومايحصلون حد يغسلون سيارته فيضايقون الناس ويلاحقونهم.
ايضا العمالة في المجمعات (الحمالية) .. لو يوفرون عربة او قاري للتسوق افضل ..اريح للشخص بدل الظل اللي يتبعه وين مايروح وفلوسكم موجودة بدل ماتخلون هالاوادم يلاحقون المتسوقين بابا شيل اغراض.

[SouthK]

اذا على الوجه الحضاري و تشويه المنظر العام فهناك اشياء كثيرة .. اما بخصوص العمالة اتفق معاك!

[السكين]

تكلمّنا في هذا الموضوع من قبل والأغلب كان يقول خل الناس تترزق ولا توقف باب رزقهم ، والجميع يعلم أن الرحمة خلقها الله أيضاً في الحيوان فما يحتاج نتكلم فيها ولكن بالفعل كما تفضلت خاصة أصحاب الزي الأصفر والذي يشبه فعلياً عمال النظافة بالبلدية طريقة وقوفهم والمشي بجانب السيارة وإستعطاف الناس - بغض النظر عن ظروفهم إن وجدت فحلها مع من يستقدمهم وإعادة النظر بعقودهم مع المسؤولين إن وجدت - بطريقة ليست أشبه بالتسول بل تسوّل بمعنى الكلمة ، لدرجة صار يروح عالسيارة ويرز وجهه بجانب شباك الحريم ويوزع إبتسامات مع حركة الفوطة ..وإذا قلت له كم يقول لك الشركة تقول 15 ريال يعني انت وكرمك ، طبعاً الخمسة والعشرة والعشرين ما تفرق مع الكثير والحمد لله البلد بلد خير سواءاً مقيم ولا مواطن فيهم الكرم والرحمة ..بس كأسلوب حضاري ما ينفع أمسك سطل ماي وفوطة ومتلثم وأقعد بالشارع وقدام المولات رايح جاي أو قدام مطعم تكون قاعد تاكل ويجيلك يطالعك ويأشر ويلح عشان يغسل في وقت الجميع يتلبد لهذه الدولة بتصوير أو بمقطع يشوه سمعتها ويعطل إنجازاتها باتهامها بإهمال حقوق العمّال.

أتمنى أن تصل وجهة نظري وشكراً للموضوع.

[sara jsm]

وعليكم السلام

اللي يمسك سطل ولابس اصفر مب مع الشركة ..
هاي طرار ويلعب دورين مرة عامل نظافه ومرة تنظيف السيارات ..
اللي يلبسون احمر وغالباً يتجمعون حول المولات والمجمعات هذولا تبع الشركات ..
حتى يوم تبيه ينظف لك تاخذ منه قسيمة انك دافع ..
:
هالموضوع تكلمنا عنه وايد لكن للاسف وجهات النظر كثيرة ..
والدولة او البلدية تدري بذي الشي والظاهر الوضع عاجبهم مب ضارهم ..
من اسبوع رجعت شفت عمال يبيعون ماي عالاشارات :no2: الموضوع هذا اخطر في ظل هالجائحة
الله المستعان ..

[Rider]

نعم الاشياء لي مب حضاريه للاسف كثرت منها هؤلاء لي يغسلون السيارات ولي يبعون الماء على الاشارات حتى المتسولين لي ردو في الشوارع التجارية وغيرها

[بوخالد911]

معظمهم عمالة هاربة
وبعلم من الداخلية
ولا شفنا كبسات عليهم للقضاء على هذه الظاهرة السيئة.

شهر 1 هالسنة كنت في سيليين
صوب كباين المطاعم وجاني عامل يسألني اذا ابي أغسل الموتر
طلبت منه البطاقة
انصدمت لما شفت المهنة : نجار !!!

[ابو عبدالله.]

خوش شي نجار وينه هذا ههه

هذولا يدخلون اكثر مني و من غيري

قام شخص بملاحظه عامل غسيل ابو سطل وهو ياخذ فلوس بدون ما يطلبون منه غسل سياره و استوقفه وقال له ببلغ عليك تسول

و سأله كم اخذت فلوس اليوم. ؤاح مطلع 3200 وشوي ومنها نوط خمسميه
قال له مستحيل حد عطاك نوط خمسميه. قال والله حرمه عجوز قطري عطاني اياها

هذا بيوم واحد جمع تسول و غسيل بالالاف عيل بالشهر كم المبلغ الي تسوله من الناس

وانا بنفسي دوم اشوفهم ينقزون لي اول ما انزل من موتري واول شي السلام عليكم و رحمه الله و بركاته طبعا حافظينها حتى غير المسلمين. عشان يكسر خاطرك

واحد مر جنبي و سلم وانا رايح المسجد لصلاه المغرب وهو مر معاكسني و يسلم قلت له ليش تسلم وما تصلي ورايح عكس طريق المسجد الي جدامك. ضحك و راح المسجد و وقف عند المغاسل لين انا دخلت المسجد. عاد مادري صلى ولا يقص علي و راح

ما نبي نقطع ارزاقهم لكن الي صاير مهزله و منظر مقزز

هذا غير الزراعين يجلسون عند دوارات الفرجان ولو توقف و تقول تعال ابيك بشغله يطلب كثير عشان تمشي عنه

وهو ينتظر الي يوقفون ويعطونه صدقه و شغالين مضبوط

و يجلس بالشمس عشان يكسر القلوب و يتصدقون عليه والله اعلم يوميا كم يحصل

هذولا كيف دخلوا البلد اصلا و كيف يجلسون بالطريق بلا استيقاف و سؤال عن المهنه و الكفاله و ليش جالس طول اليوم بالشمس وين كفيله وحقوقه اذا كان يبيها اصلا

[سهم فضة]

خوش شي نجار وينه هذا ههه

هذولا يدخلون اكثر مني و من غيري

قام شخص بملاحظه عامل غسيل ابو سطل وهو ياخذ فلوس بدون ما يطلبون منه غسل سياره و استوقفه وقال له ببلغ عليك تسول

و سأله كم اخذت فلوس اليوم. ؤاح مطلع 3200 وشوي ومنها نوط خمسميه
قال له مستحيل حد عطاك نوط خمسميه. قال والله حرمه عجوز قطري عطاني اياها

هذا بيوم واحد جمع تسول و غسيل بالالاف عيل بالشهر كم المبلغ الي تسوله من الناس

وانا بنفسي دوم اشوفهم ينقزون لي اول ما انزل من موتري واول شي السلام عليكم و رحمه الله و بركاته طبعا حافظينها حتى غير المسلمين. عشان يكسر خاطرك

واحد مر جنبي و سلم وانا رايح المسجد لصلاه المغرب وهو مر معاكسني و يسلم قلت له ليش تسلم وما تصلي ورايح عكس طريق المسجد الي جدامك. ضحك و راح المسجد و وقف عند المغاسل لين انا دخلت المسجد. عاد مادري صلى ولا يقص علي و راح

ما نبي نقطع ارزاقهم لكن الي صاير مهزله و منظر مقزز

هذا غير الزراعين يجلسون عند دوارات الفرجان ولو توقف و تقول تعال ابيك بشغله يطلب كثير عشان تمشي عنه

وهو ينتظر الي يوقفون ويعطونه صدقه و شغالين مضبوط

و يجلس بالشمس عشان يكسر القلوب و يتصدقون عليه والله اعلم يوميا كم يحصل

هذولا كيف دخلوا البلد اصلا و كيف يجلسون بالطريق بلا استيقاف و سؤال عن المهنه و الكفاله و ليش جالس طول اليوم بالشمس وين كفيله وحقوقه اذا كان يبيها اصلا

هذا اللي فعلا يجب عملة (( كمين واعطائهم الامان و ابحثو من ورائهم ومن يجيبهم وكفيلهم هذا كم واحد بنفس الحال عنده ؟؟ الا يمكن ان تطلع كذلك عصابات تسوول و زعيم ياخذ منهم عند تجديد اقاماتهم ؟؟ يجب فتح تحقيق و بحث جدي لمعرفة جذور الخلل و من يقف ورائهم وكم واحد جايبين امثال هذا الكفيل من العمالة السائبة ؟ وفتح تحقيق و تغريمة ووضعة تحت قائمة بلاك ليست فالاستقدام وتصفية شركتة .

[سهم فضة]

+ كذلك مكاتب تشغيل العمالة بالساعات يجب اخضاعها لعمليات تفتيشية للتاكد باانها لا تؤي عمالة سائبة ،، او اعطاء اصحاب المكاتب تصريح لكل عاملة يخرج من الداخلية انها تعمل خادمة بالايجار اليومي للمكتب وتقدمها لطالب الخدمة من الزبائن ليتأكد انها على مسؤولية الشركة و عندها كرت عمل ترخيص خادمة بالساعات ومرخصة ليست عمالة هاربة تم ايوائها + يجب على ادارة البحث والمتابعة شاكرين لهم ،، الشد اكثر والتحريص اكثر لردع مثل هاذه الضواهر والحد منها .

[ابو عبدالله.]

اي والله نقاط سليمه

الفكره ممتازه لضبط الامور والا بنتم في عصر أيواء العماله السائبه

[معماري قطري]

السلام عليكم ورحمة الله




لفت نظري في الاشهر الاخير وجود العديد من العمالة والكثير الكثير منهم بزي شركات سولء اصفر او اخضر او برتقالي


بشكل ملفت للنظر بين الشوارع التجارية و المحلات ومواقف السيارات


وبشكل مقزز ومشوه للمنظر الحضاري للبلد و الوجة العام

لا يكاد يخلو شارع تجاري او محلات او بنايات الا واحد امامها احد العمالة اللي لا اعلم من اين خرج لي ليغسل واصبحت ( طرارة ) اكثر من انها غسيل سيارات




وما يحززني بصراحة كا ( انسان ) وجودهم في الصيف في عز الشموس والحر و الرطوبة من اول الصبح الى اخر الليل ؟ اين قانون تحديد اوقات العمل ؟ او تشويية المنظر العام ؟

ايعقل نحن في 2020 و بنستضيف كاس العالم ومازال في عمالة في الشوارع بسطل وفوطة وتغسل انام المارة ؟؟ هل هذا وجة حضاري ؟؟ ام انه تشوية للمنظر العام ؟


اتمنى النظر ولو بعين الرحمة والشفقة ورحمتهم من لهيب الشمس و حرارة الصيف وتطبيق قانون العمل على شركاتهم او محاسبتهم انسانيا على مايحصل وما قد يحصل للعامل من ضربة شمس او هبوط

( اتمنى فقط ع الاقل اخذ الجانب الانساني بالموظوع )

هذيلا أكيد وراهم راس قوي محد يقدر يقول له لا وصراحة منظرهم مقزز ويستجدون الخدمة بنظرات مطولة ومركزة على الواحد ويا ويل من يعطيهم مبلغ يبتلش يستوي محطة تسول لهم كل مرة

[معماري قطري]

خوش شي نجار وينه هذا ههه

هذولا يدخلون اكثر مني و من غيري

قام شخص بملاحظه عامل غسيل ابو سطل وهو ياخذ فلوس بدون ما يطلبون منه غسل سياره و استوقفه وقال له ببلغ عليك تسول

و سأله كم اخذت فلوس اليوم. ؤاح مطلع 3200 وشوي ومنها نوط خمسميه
قال له مستحيل حد عطاك نوط خمسميه. قال والله حرمه عجوز قطري عطاني اياها

هذا بيوم واحد جمع تسول و غسيل بالالاف عيل بالشهر كم المبلغ الي تسوله من الناس

وانا بنفسي دوم اشوفهم ينقزون لي اول ما انزل من موتري واول شي السلام عليكم و رحمه الله و بركاته طبعا حافظينها حتى غير المسلمين. عشان يكسر خاطرك

واحد مر جنبي و سلم وانا رايح المسجد لصلاه المغرب وهو مر معاكسني و يسلم قلت له ليش تسلم وما تصلي ورايح عكس طريق المسجد الي جدامك. ضحك و راح المسجد و وقف عند المغاسل لين انا دخلت المسجد. عاد مادري صلى ولا يقص علي و راح

ما نبي نقطع ارزاقهم لكن الي صاير مهزله و منظر مقزز

هذا غير الزراعين يجلسون عند دوارات الفرجان ولو توقف و تقول تعال ابيك بشغله يطلب كثير عشان تمشي عنه

وهو ينتظر الي يوقفون ويعطونه صدقه و شغالين مضبوط

و يجلس بالشمس عشان يكسر القلوب و يتصدقون عليه والله اعلم يوميا كم يحصل

هذولا كيف دخلوا البلد اصلا و كيف يجلسون بالطريق بلا استيقاف و سؤال عن المهنه و الكفاله و ليش جالس طول اليوم بالشمس وين كفيله وحقوقه اذا كان يبيها اصلا

الحل يا اخوي في التنظيم والتقنين

تبي تسوي شغل قانوني لذيلا خل لهم كشك واستراحة في أي مكان في طرف مواقف مثلاً بحيث يكون عليهم مسؤول يجيد التعامل ويعرف مقدرتهم .. محتاج غسيل تتصل بالمسؤول ويكون رقمه بارز ويرسل لك شخص بعدته يغسل وياخذ نصيبه .. محتاج حمالي نفس الشيء .. أما تركهم مهدودين في الشارع وعند المطاعم ليل نهار هذا شيء غلط .. عند المطعم فرضاً يبون يحطون لشخص محطة يحطون له كرسي ومظلة ومكتوب على لافتة كافة تفاصيل خدمته ومبلغه ومن يرغب يؤشر له

بعدين كلنا نشوف المواقف الفاضية وسيارات هالوقت غالبها فيها كيمرات وسنسرات ما فيه داعي يلصق ورا الصدام ويأشر وأوقات يطقطق على السيارة حتى يشجعك تتحرك والسنسر مأذيك ركبته مدخلها فيه

[R 7 A L]

تجارة مربحة

انا ابي اجيب 100 عامل واهدهم في الشوارع يغسلون السيارات ولهم 50% من الربح
شلون ؟

[مرتبش]

ياريت الدولة تتعلم من ازمة الكرونا اللي مانزال نعيشها وكيف تكدس العمال ساهم في انتشار المرض واوصلنا لاعلى نسبة انتشار في العالم.. عمال الغسيل مايقدمون خدمة لان مغاسل السيارات متوفرة في كل مكان .. البقالات متوفرة وفيها كل شي ليش بيع الماي والجرايد في الشارع.. وفي الاسواق والمجعات الحمالية مالهم داعي قاري جمعية او ماشابه يتأجر بالساعة وننتهي من السالفة

[يمامـة]

اعتقد الموضوع محصور في نقطة عدم قبول الناس
لانتشار هالفئة من العمالة.. والتركيز عن نقطة الشكل الحضاري!!
الفقر مب شكل حضاري.. فننتقد انسان حتى لو عيونه
وتصرفاته تصر على طلب الفلوس..
اما لهاطين المليارات البيبان تنفتح لهم دام ان الدولة ساكتة
عنهم ومحد يقول شكل حضاري..
ومن ثم..
محد اثبت لنا انهم مخالفين..
وعلى اي اساس نقول انهم مخالفين؟
واذا كانوا مخالفين ليش ما يتم الابلاغ عنهم؟..

الموضوع مب مفهوم ولا له تفسير..
واي تفسير ممكن نطرحه بيندرج تحت بند
اعتقد ويتراوى لي..
لذلك..

اصر على النظر لامثال هؤلاء بالكثير من الرحمة..
مب شرط تعطيه 100 ريال او ورقة زرقة..
ممكن تعطيه
ريال. مطارة ماي.. قوطي عصير.. تفاحة..
واذا الحكومة والجهات المسؤولة شايفتهم مخالفين
فهي المسؤولة عن انتشارهم... لانهم واضحين للعين
مب قمل ما ينشافون الا بالتفلي..

وشكرا لكم..

[معماري قطري]

اعتقد الموضوع محصور في نقطة عدم قبول الناس
لانتشار هالفئة من العمالة.. والتركيز عن نقطة الشكل الحضاري!!
الفقر مب شكل حضاري.. فننتقد انسان حتى لو عيونه
وتصرفاته تصر على طلب الفلوس..
اما لهاطين المليارات البيبان تنفتح لهم دام ان الدولة ساكتة
عنهم ومحد يقول شكل حضاري..
ومن ثم..
محد اثبت لنا انهم مخالفين..
وعلى اي اساس نقول انهم مخالفين؟
واذا كانوا مخالفين ليش ما يتم الابلاغ عنهم؟..

الموضوع مب مفهوم ولا له تفسير..
واي تفسير ممكن نطرحه بيندرج تحت بند
اعتقد ويتراوى لي..
لذلك..

اصر على النظر لامثال هؤلاء بالكثير من الرحمة..
مب شرط تعطيه 100 ريال او ورقة زرقة..
ممكن تعطيه
ريال. مطارة ماي.. قوطي عصير.. تفاحة..
واذا الحكومة والجهات المسؤولة شايفتهم مخالفين
فهي المسؤولة عن انتشارهم... لانهم واضحين للعين
مب قمل ما ينشافون الا بالتفلي..

وشكرا لكم..

العتب إختي على اللي يابهم وهدهم وعلى الحكومة اللي سمحت بهذي المهزلة والمناظر

يبون يسوون خير ويشغلون الناس يشغلونهم في ورشة زراعية أو صناعية ويعطونهم راتب يسد حاجتهم

[مرتبش]

العتب إختي على اللي يابهم وهدهم وعلى الحكومة اللي سمحت بهذي المهزلة والمناظر

يبون يسوون خير ويشغلون الناس يشغلونهم في ورشة زراعية أو صناعية ويعطونهم راتب يسد حاجتهم

اتفق 100%

[يمامـة]

ارجع واسأل.. يا اخوي المعماري
ليش مهملين في الشوارع؟
ومن المسؤول؟
لحين الحصول على اجابة على هالاسئلة..
اشوف كوجهة نظر شخصية نرحم حالهم..
فهم في غربة ويستحقون العطف والشفقة والرحمة..
ويابخت اللي نمى بذرة الرحمة في قلبه..
ما بنقول نقطوا عليهم خمسميات او اميات او
خمسينات..
كلها 10 ريالات او 5 ريالات لاهي منقصة من رزقنا
ولاهي اللي بتغنيه.. واللي ما يبي يعطيه بيزات
ياخذ لهم ماي بريال .. عصير.. كوب شاي..

اما النظر لهم كأنهم اشكال مب حضارية..
هالاشكال منتشرة في كل دول العالم
المتحضر وغير المتحضر..
ويحز في النفس لما تشوف الكافر في بلاد الكفر
المتحضر يتبرع لامثال هؤلاء في الشوارع..
واحنا نشمئز منهم ونشوفهم خربوا
برستيج تطورنا..

وشكرا لكم..

[سهم فضة]

هذا وانت تقولين يا يمامة ان الكافر في بلاد الكفار يتبرع لمثل هاؤلاء

ليش مايكون المسلم في بلد المسلمين مايحن قلبه وهو جايبهم وحاطهم فالشموس و الحر ودرجة حرارة 50 ،، وينة ووين الرحمة كا انسان انتزعت من قلب هذا المسلم اللي تقول عنة الرحمة من اجل ان ينقاسم مع هذا الفقير حتى لقمة عيشة !! هذا مقطوط بالشارع بالعج و الحر و الشمس و المسلم اللي جايبة قاعد بمكتبة بالمكيف و التي بوي يخدم علية يجيب لة الماء البارد ومالذ وطاب من انواع القهوه و الشاي !!!


عن اي مسلم تحدثيني اخت يمامة ؟

[مرتبش]

هذا وانت تقولين يا يمامة ان الكافر في بلاد الكفار يتبرع لمثل هاؤلاء

ليش مايكون المسلم في بلد المسلمين مايحن قلبه وهو جايبهم وحاطهم فالشموس و الحر ودرجة حرارة 50 ،، وينة ووين الرحمة كا انسان انتزعت من قلب هذا المسلم اللي تقول عنة الرحمة من اجل ان ينقاسم مع هذا الفقير حتى لقمة عيشة !! هذا مقطوط بالشارع بالعج و الحر و الشمس و المسلم اللي جايبة قاعد بمكتبة بالمكيف و التي بوي يخدم علية يجيب لة الماء البارد ومالذ وطاب من انواع القهوه و الشاي !!!


عن اي مسلم تحدثيني اخت يمامة ؟

صحيح الاتجار بالبشر ما جات من فراغ.. الاتجار من جهتين يستغلون العمالة في بلدانهم بالرسوم وشراء الفيزا ومن الكفلاء اللي عقودهم شي والواقع شي اخر.

[dammaj77]

ذا شغل نصب واحتيال وغسل اموال
س ؟هل تتواجد هذه الظاهرة بالدول الاوروبية ويكونوا منتشرين بالشوارع والمحلات التجارية ابي افهم بس ليه عندنا بالدول العربية منتشرة عندنا بكثرة ؟ المتاجرة بالعمالة

[يمامـة]

هذا وانت تقولين يا يمامة ان الكافر في بلاد الكفار يتبرع لمثل هاؤلاء

ليش مايكون المسلم في بلد المسلمين مايحن قلبه وهو جايبهم وحاطهم فالشموس و الحر ودرجة حرارة 50 ،، وينة ووين الرحمة كا انسان انتزعت من قلب هذا المسلم اللي تقول عنة الرحمة من اجل ان ينقاسم مع هذا الفقير حتى لقمة عيشة !! هذا مقطوط بالشارع بالعج و الحر و الشمس و المسلم اللي جايبة قاعد بمكتبة بالمكيف و التي بوي يخدم علية يجيب لة الماء البارد ومالذ وطاب من انواع القهوه و الشاي !!!


عن اي مسلم تحدثيني اخت يمامة ؟

اخوي سهم فضة
تعتقد احنا لنا يد بالوضع اللي هم عليه هالعمالة؟

اذا هناك عديم الضمير والانسانية
متربع ومتفشخر في مكانه وكل شي
يوصله مثل ما تقول وهو تحت المكيف..
تبينا نشاركه ونطالب بمنع التصدق او التبرع
لامثال هالعمالة في الشوارع؟
هل بيدي مثلا شي اسويه يرحمهم من هالوضع؟
عني بكل صراحة اعترف اني انسانة عاجزة
في حل مشكلتهم.. واحمل الدولة والجهات
المختصة دراسة اوضاعهم..
هل هم عمالة سائبة كما يدعي البعض؟
هل هم عمالة هاربة؟
هل هم تابعين شركات؟
واذا كانوا تابعين شركات
ليش مافي عقوبة تطال هالشركات
اللي مب قاديرين يوفروم لهم ينوفروم نظيف
وادوات تنظيف نظيفة. وقاطينهم في عز الحر
يدورون سيارة يمسحونها؟!!
بقول لك
الى حين الوقوف على كل المشاكل
السابقة وحلها..

انادي بأعلى صوتي
انظروا لهم نظرة رحمةوشفقة
هذول ناس متغربين.. ناس عزيزين في بلادهم
كريمين عند عيالهم واهلهم..
ما تغرب علشان ننظر له كأنه آفة تشوه
المنظر الحضاري او تخرب البرستيج المتحضر
في بلادنا..
هذيلا ضحايا ومن حقهم علينا نرأف بحالهم..
واللي خايف ان الواحد من هذيلا يغتنون
من فلوس العيايز او اهل الخير.. ابي اقول له
هذا رزق ربنا ساقه له.. فهل تعتقد كل يوم بيلقى
نفس المبلغ؟
واذا حصل نفس المبلغ كل يوم..
شلي ينقص من جيبك؟
او شلي بيزيد على جيبك لو ما محد عطاه؟
مب عاجبتتي لغة النظر لهم انهم شكل غير متحضر
وذمهم والقاء اللوم كله عليهم والتشجيع على عدم التصدق لهم.
لكني ما عندي مانع تنحل مشاكلهم ويردون بلادهم..

[حمــد]

صحيح هذيله ضحايا وليسوا سبب المشكله
للكن لااسف البعض يمسك في الضعيف والقوي كانه مب شايفه!!

[Abdulraman]

صحيح هذيله ضحايا وليسوا سبب المشكله
للكن لااسف البعض يمسك في الضعيف والقوي كانه مب شايفه!!

كلام سليم اتفق معاك

[Rider]

ياخوي الموضوع ماجاء على العمالة تعال شوف السواقيين لي غسلون سيارات معازيبهم بعض السيارات خارج البيت والاخرى داخل البيت شوف كمية الماء لي فالشارع عند بيتنا من كم يوم هندي يغسل السيارات قلت له اشفيك غرقت الشارع قال بابا هو يقول قلت له روح قول حق بابا اذا ماعنده فلوس يودي السيارة المغسله بعطيه طبعا غير غسل البيوت والماء فالشارع كلها ماناظر تشوه المنظر العام

[Abdulraman]

ياخوي الموضوع ماجاء على العمالة تعال شوف السواقيين لي غسلون سيارات معازيبهم بعض السيارات خارج البيت والاخرى داخل البيت شوف كمية الماء لي فالشارع عند بيتنا من كم يوم هندي يغسل السيارات قلت له اشف فيك غرقت الشارع قال بابا هو يقول قلت له روح قول حق بابا اذا ماعنده فلوس يودي السيارة المغسله بعطيه طبعا غير غسل البيوت والماء فالشارع كلها ماناظر تشوه المنظر العام

فيها مخالفه
كهرماء شغالين مخالفات وغرامات

[Rider]

فيها مخالفه
كهرماء شغالين مخالفات وغرامات

يارجال ماشفنا مخالفات سنيين وحنا في المنطقة ولا حد جاء يخالف الظاهر هم يهتمون في المناطق الراقية اما الريان وضواحيه ماحد يسال

[ALJokar]

يا اخي الدولة مهيب عاجزة عن التفتيش وتوقف كل واحد عند حده.
لكن الي نشوفه تجاوزات باسماء ناس ماهي خايفة عن القانون الي يردع اي واحد يفكر يسوي نفسهم.

مكاتب تاجير الخدم بالساعات او الايدي العاملة الماهرة او شبة ماهرة من فنية او ادارية
اغلبهم هاربين ولاعليهم رقيب او حسيب.

ومن ضمنهم الناس السائبة ف الشوارع والمحلات التجارية يغسلون لك بفوطة وسخة وماء وسخ وكلكم شفتوهم منتشرين الفترة الاخيرة بكثرة.

وتوهم متكلمين ف الموضوع حاليا ف تويتر هروب الايدي العاملة للاسف لاغلب الشركات الكبار والقانون عمل لصالح الشركات الكبار والصغار الي الي هم متوهقين وخسرانين وقت ومال وجهد.

واذا استمر الموضوع ع نفس هذا المنوال راح يهدمون شركات صغيرة او متوسطة ف الدولة وجهد الدولة خصوصا من بنك التنمية من تطوير وتحريك السوق التجاري وجذب الشباب في العمل والتجارة

[طلعة الروح]

فعلا هذي الظاهره لازم يشوفون لها حل
ازعاج مابعده ازعاج
ويصر انك تغسل السياره عنده
واذا رفضت يعرض عليك تنظيف القزاز فقط
انا ارفض لان تنظيفهم ينرفز ومب نظيف
فاوفر على نفسي عناء التكليف والاستفزاز
لكن المشكله انتشارهم الرهيب
والازعاج المستمر بالسؤال والرد والاخذ
المفروض يعملون تحت اسم شركة من الشركات
اما اللي صاير مافيه اي تنظيم

[سهم فضة]

واخيرا

[sara jsm]

وش واخيراً !!؟
في اخبار جديدة عن هالموضوع ؟
انا اشوفهم تكاثروا بزيادة اكثر من حالات كورونا :taunt:

[طلعة الروح]

طلع قرار من التجاره والصناعه بتنظيم مسألة غسيل السيارات في الاماكن العامه والمجمعات
خطوة جيدة

[sara jsm]

زين بالبركة وان شاءالله ينقرض اللون الاورنج من كل صوب :tooth:

[دينالي]

قرار حكيم
اذكر اني في فتره من الفترات اغسل سيارتي اكثر من مره اذا رحت اكثر من مكان عشان افتك من الحنة والالحاح
العمالة السائبة قنبلة موقوته ولازم يكون لهم حل

[مرتبش]

لازم ننظر بعين الاعتبار بعد ازمة الكرونا في الوظائف العمالية اللي تحتاج عدد كبير من العمال ونحاول نقللها باستخدام تكنولوجيا افضل .. غسيل السيارات مثال .. حراسة المباني والامن اشوف ايضا اعدادهم كبيرة وفي اماكن كثيرة ماتحتاج مثل الجمعيات والمجمعات وحتى محلات الصرافة.. اعدادهم بسهولة ممكن تقليلها بالاعتماد اكثر على الكاميرات واللي هي موجودة اصلا.. الحمالية في الممجمعات ياخي وفر عربات تسوق صغيرونة ومناسبة بمبلغ بسيط وتأمين علشان يتركونها في اماكن محددة بدون تشويه للمنظر وبدون ماتشغل عمالة تمشي معاك مثل ظلك .
عمال ايقاف السيارات او الفاليه هذا نظام غريب اسكر نص مواقف المجمع واخليها vip حركات حتى البريد فيه هالخدمة العجيبة .

[معماري قطري]

بتطلع قرارات كثيرة كل ما اقترب كاس العالم علشانهم مب علشانا والا احنا لو بنكتب لين نقول بس طول ما فيه مستفيد واحد على حساب أذيتنا مب مهم .. لكن يجي واحد من برا ويقول بلاد low class هنا المشكلة الكبرى

[sara jsm]

انا للحين اشوفهم مثل قبل ..
هل حطوا القرار مع وقف التنفيذ !؟

[sara jsm]

بتطلع قرارات كثيرة كل ما اقترب كاس العالم علشانهم مب علشانا والا احنا لو بنكتب لين نقول بس طول ما فيه مستفيد واحد على حساب أذيتنا مب مهم .. لكن يجي واحد من برا ويقول بلاد low class هنا المشكلة الكبرى

من اللي بيقول جذي !!؟
ترى شفنا في الدول العربيه و شرق اسيا و اوروبا الطراره بجميع انواعها ..
على الاقل اللي عندنا يطر بس يسوي روحه يشتغل .. لكن هم عيني عينك طراره ..

[مووظف حكومي]

النساء الي لابسين عبايلات ويطرون عند جمعيات ايش وضعهم

[sara jsm]

النساء الي لابسين عبايلات ويطرون عند جمعيات ايش وضعهم

لا هذولا بس رمضان :thumbup1:

[khaldoon]

لا هذولا بس رمضان :thumbup1:

لازم يكونوا منقبات علشان ما ينعرفون و في ولد مريض بمرض خطير و زوج مشلول و الا ما يشتغل .... نفس الاسطوانه المشروخة

الله لا يسامحهم لو كانوا كذابين

[سهم فضة]

اليوم كنت رايح محل في شارع النصر التجاري لقيت مازال هنالك عمالة عالشارع التجاري تقوم بالغسيل ؟؟ هل القرار تم تنفيذه ام انه وقف التنفيذ ؟

[مرتبش]

افا .. تراجع سريع .. اتمنى عدم التراخي في تنفيذ القانون