المساعد الشخصي الرقمي

مشاهدة النسخة كاملة : ~:: جهاز gpr ::~


sara jsm
05-09-2020, 04:34 PM
السلام عليكم ..

حد منكم يعرف شركة تستخدم جهاز gpr للتصوير الطبقي*..
للبيوت والاراضي !؟

ابي تجارب شخصيه واقعيه في قطر ..

:

وشكرا للجميع .. :)
معماري قطري
05-09-2020, 05:20 PM
global positioning reference

يدلعون الجي بي اس .. أكيد قصدج شركة مساحية وعندي ربع مساحين باشوف لو حد يعرف كلهم شغل حكومي .. وأتوقع ألحين أي شركة مساحية تستعمل التوتال ستيشن وأكيد المقصود بالرفرنس اللي هو النقطة المساحية القديمة اللي ياخذون منها الأبعاد والإرتفاعات والجي بي اس يعتمد على ثلاث أقمار صناعية تعطيه الإحداثيات اكس وواي وزي 100%
معماري قطري
05-09-2020, 05:24 PM
شكلج دخلتي عميق بعد ذاك المشروع 50000 متر مربع
سعود.
05-09-2020, 05:58 PM
وش هو من لحيه هذا الجهاز ؟؟؟
ahmed saleh
05-09-2020, 06:04 PM
global positioning reference

يدلعون الجي بي اس .. أكيد قصدج شركة مساحية وعندي ربع مساحين باشوف لو حد يعرف كلهم شغل حكومي .. وأتوقع ألحين أي شركة مساحية تستعمل التوتال ستيشن وأكيد المقصود بالرفرنس اللي هو النقطة المساحية القديمة اللي ياخذون منها الأبعاد والإرتفاعات والجي بي اس يعتمد على ثلاث أقمار صناعية تعطيه الإحداثيات اكس وواي وزي 100%

اعتقد يقصد Ground Penetrating Radar جهاز التصوير الطبقى
دا غيرGPS بتاع تحديد المواقع
sara jsm
05-09-2020, 06:23 PM
شكلج دخلتي عميق بعد ذاك المشروع 50000 متر مربع

اي اكتشفت ان تحت بيتي منجم وابي اتاكد اكثر :looking:

:

وش هو من لحيه هذا الجهاز ؟؟؟

هالجهاز مثل الماسح بس هو لتحت الارض ..
ممكن يوصل لين عمق 40 متر
:


اعتقد يقصد Ground Penetrating Radar جهاز التصوير الطبقى
دا غيرGPS بتاع تحديد المواقع

صحيح اخوي احمد هذا اللي اقصده ..
وانا محتاجته عشان اكشف بعض البيبات تحت البلاط ..
بدال مااكسر واعفس الدنيا .. عندي مشكله كبيرة وابي احلها بهالطريقة ..
لا الخرايط بتفيدني ولا المقاول موجود للاسف :) ..
سعود.
05-09-2020, 09:01 PM
اتوقع هذي لعبة azazuk
sara jsm
05-09-2020, 10:50 PM
اتوقع هذي لعبة azazuk

هذا من عطوه اتمام البناء وهو مب معطينا ويه .. :tooth:
والثاني ركب طبيلات جديدة وتكبر علينا :p

الله كريم :)
معماري قطري
06-09-2020, 12:37 AM
اعتقد يقصد Ground Penetrating Radar جهاز التصوير الطبقى
دا غيرGPS بتاع تحديد المواقع

غاصت في أعماق الأرض ما كفاها بحر الخور
معماري قطري
06-09-2020, 12:43 AM
والله زين ان بعض الأعضاء عندهم خبرة والمهندسة سارة كان لازم تعلمنا شيسوي هالجهاز بدال التأليف والتخمين اللي ما منه فايدة

عندي كان جهاز صغير يكشف الرطوبة بس ما يصور بوضوح .. بدائي فيه قطبين يعطي الرطوبة كنسبة مئوية راحة اليد حول 15% وجربت عند جدران حوض سباحة داخلي طلع حول 30% .. بس وين قطيته الله أعلم وجايبه من باوهاوس في ألمانيا
معماري قطري
06-09-2020, 12:59 AM
اي اكتشفت ان تحت بيتي منجم وابي اتاكد اكثر :looking:

:


هالجهاز مثل الماسح بس هو لتحت الارض ..
ممكن يوصل لين عمق 40 متر
:



صحيح اخوي احمد هذا اللي اقصده ..
وانا محتاجته عشان اكشف بعض البيبات تحت البلاط ..
بدال مااكسر واعفس الدنيا .. عندي مشكله كبيرة وابي احلها بهالطريقة ..
لا الخرايط بتفيدني ولا المقاول موجود للاسف :) ..

إذا قصدج عن بايبات دورة مياه والا مطبخ لا تحتاجين خرايط ولا شيء العملية سهلة وتحددين المسار .. بايبات الصرف من الكرسي لين البايب الطالع في الحائط أو الدكت وبايبات الصرف الثانية من الصفاية للمغسلة ومن الصفاية لبايب الجدار الثاني وفي الغالب البايبين جنب بعض في الجدار بايب الكرسي يكون قرب الزاوية والثاني جنبه

ولو تسوين إختبار ضغط بس خليه بسيط بحدود نص بار وزيدي لين فوق البار بشوي لأن بايبات الصرف ما تستحمل الضغط والضغط بيكشف أي بايب خربان بالضبط .. عاد إجراءات الإختبار أما من المنهول تحت ويسدون الصفاية وأي فتحة متصلة بها أو يسدون فتحة الكرسي عدل

في حالة المشكلة من بايب المياه بايبات المياه تكون في الجدار بارتفاع نص متر أو 60 سم وفي العادة تكون في خط أُفقي من المحابس اللي في الحائط داخل .. ويلتقي معاها خط عمودي جاي من السقف .. يعني بتلاحظين رطوبة في الجدار وممكن تتجه لتحت وبعد هذي البايبات سهل نعمل لها اختبار ضغط

إختبار الضغط يمكن يوضح لنا موقع الخلل وين لو تابعنا بعناية ونقدر نكسر ونعالج المكان بالضبط

الله يعينج ووالله شيء يحزن وفي ذمة المقاول اللي اشتغل لكم بيتكم توه جديد
sara jsm
06-09-2020, 07:52 AM
غاصت في أعماق الأرض ما كفاها بحر الخور

قول لا اله الا الله :sneaky:


والله زين ان بعض الأعضاء عندهم خبرة والمهندسة سارة كان لازم تعلمنا شيسوي هالجهاز بدال التأليف والتخمين اللي ما منه فايدة


انت الله يهديك مشتط .. :happy:
انا كاتبه للتصوير الطبقي بس انت مستعيل :nice:
sara jsm
06-09-2020, 08:03 AM
إختبار الضغط يمكن يوضح لنا موقع الخلل وين لو تابعنا بعناية ونقدر نكسر ونعالج المكان بالضبط
الله يعينج ووالله شيء يحزن وفي ذمة المقاول اللي اشتغل لكم بيتكم توه جديد

المشكله اكبر من جذي .. :(
وللاسف المقاولين ماعندهم ذمة ( اللي اشتغلوا معاي )
الله يعين ان شاءالله ..
Azizuk
06-09-2020, 09:28 AM
اتوقع هذي لعبة azazuk

يبي لها تستعين بمختبر اشعة الخليج بجهاز اكس ري :vampire:
Azizuk
06-09-2020, 09:38 AM
هذا من عطوه اتمام البناء وهو مب معطينا ويه .. :tooth:
والثاني ركب طبيلات جديدة وتكبر علينا :p

الله كريم :)



افااااااء شلون مانقدر نتكبر عليج omen

بعدين انا موجود بس مافي مواضيع تستاهل الواحد يشارك الكل على الصامت
والا انا موجود كل يوم

مافي الا الله يعطيه العافيه معماري قطر يشارك بعد لو هو يعتزل ،،،،، المنتدى عليه السلام قصدي قسم البناء الاقسام الاخرى لها ناسها بس هالقسم مايحلى الا بمعماري

في اجهزت يبيعونها في محل جنب رافكو يبيع اجهزه فحص تواصلي معاهم يمكن عندهم الجهاز

وشركة هيلتي احتمال عندهم جهاز الكشف محل هيلتي بطريق سلوى بعد مقهى البتيل

https://www.hilti.com.qa/

هذا الجهاز من هيلتي

https://d.top4top.io/p_1710ss7q40.png (https://top4top.io/)


https://d.top4top.io/p_1710oirz40.jpeg (https://top4top.io/)

وفي برنامج بالجوال تنزلينه ويكشف التسريب


هذا شركة متخصصه في معالجة العوازل والمشاكل تسريب المياة

https://h.top4top.io/p_1710kccug0.png (https://top4top.io/)
sara jsm
06-09-2020, 10:48 AM
يبي لها تستعين بمختبر اشعة الخليج بجهاز اكس ري :vampire:

الصراحة كنت ادور جهاز هالشكل بس ماحصلت ..
كان قايل لي مقاولي القبلي انه جاب الجهاز من امريكا ..
وكلمت شركة هيلتي والشركة اللي قال عنها اخوي سعود ..
بس للاسف كلهم يبيعون لكن ماعندهم حد يستخدمه .. :playball:
معماري قطري
06-09-2020, 11:35 AM
قول لا اله الا الله :sneaky:



انت الله يهديك مشتط .. :happy:
انا كاتبه للتصوير الطبقي بس انت مستعيل :nice:

مخي ترجمها Surveying شسوي بالطبقي والا الطبيقي تذكريني به بعد يقطعني وهو مشغل موسيقى ويدندن
معماري قطري
06-09-2020, 11:45 AM
افااااااء شلون مانقدر نتكبر عليج omen

بعدين انا موجود بس مافي مواضيع تستاهل الواحد يشارك الكل على الصامت
والا انا موجود كل يوم

مافي الا الله يعطيه العافيه معماري قطر يشارك بعد لو هو يعتزل ،،،،، المنتدى عليه السلام قصدي قسم البناء الاقسام الاخرى لها ناسها بس هالقسم مايحلى الا بمعماري

في اجهزت يبيعونها في محل جنب رافكو يبيع اجهزه فحص تواصلي معاهم يمكن عندهم الجهاز

وشركة هيلتي احتمال عندهم جهاز الكشف محل هيلتي بطريق سلوى بعد مقهى البتيل

https://www.hilti.com.qa/

هذا الجهاز من هيلتي

https://d.top4top.io/p_1710ss7q40.png (https://top4top.io/)


https://d.top4top.io/p_1710oirz40.jpeg (https://top4top.io/)

وفي برنامج بالجوال تنزلينه ويكشف التسريب


هذا شركة متخصصه في معالجة العوازل والمشاكل تسريب المياة

https://h.top4top.io/p_1710kccug0.png (https://top4top.io/)

الله يسلمك يا بو سعود مشكور على الشهادة ذي

يا اخوي فكرت اتصل بك اعزمك على السينما بس خفت حد يعطس

موضوع سارة بسيط .. شفت اللي يبي يشيل تريب دفان ويفكر يشتري شيول كاتربلر هذا موضوع سارة وانا عطتها مقترحات سهلة وحلول منطقية على الخاص والله يوفقها

أما شركاتنا كئيبة يا اخوي لو تبغي شيء لازم تدور وتسأل وتتعب .. شركة مثل هتلي ذي ما ادري هيلتي المفروض تحت اسمها بالعربي والانجليزي وصف لإختصاصها يسهل الوصول لها .. بعدين لازم يسوون موقع عام لكل الشركات المختصة يوضح اختصاص الشركة بالضبط واضافاتها والغاءاتها .. أوقات تروح لشركة مقاولات كهربية يقولون لك احنا حولنا عقارات والإسم نفسه ما تغير والنشاط .. شغلهم شغل مجبوس دياي وينك يالشبرمي تعطينا قصيدة عن مجبوس الدياي
معماري قطري
06-09-2020, 11:51 AM
المشكله اكبر من جذي .. :(
وللاسف المقاولين ماعندهم ذمة ( اللي اشتغلوا معاي )
الله يعين ان شاءالله ..

دوم يا اختي انصح بالاشتغال مع مقاول واحد في أغلب الأُمور تمديدات وصرف وكهرباء وتنسيق المخططات حسب شروط الدولة .. واحد من الربع نسوا يمددون له كهرباء للتكييف أثناء البناء .. إقترح عليه الاستشاري يمدد فوق السطح ويغطي البيبات بعازل .. زين لو تسربت مياه للكهرباء شيصير؟ حتى لو كشفوه التخطيط وكهرماء وقت الرخصة ممكن يطلبون تعديل وازالة
سعود.
06-09-2020, 12:30 PM
بو سعود

نبغي اسم البرنامج
sara jsm
06-09-2020, 01:02 PM
الله يسلمك يا بو سعود مشكور على الشهادة ذي
يا اخوي فكرت اتصل بك اعزمك على السينما بس خفت حد يعطس

طبعا العزايم ماتصير الا من ورى مواضيعي :playball:

موضوع سارة بسيط .. شفت اللي يبي يشيل تريب دفان ويفكر يشتري شيول كاتربلر هذا موضوع سارة وانا عطتها مقترحات سهلة وحلول منطقية على الخاص والله يوفقها


قصدك اسوي زحمة والشارع فاضي :anger3:


دوم يا اختي انصح بالاشتغال مع مقاول واحد في أغلب الأُمور تمديدات وصرف وكهرباء وتنسيق المخططات حسب شروط الدولة .. واحد من الربع نسوا يمددون له كهرباء للتكييف أثناء البناء .. إقترح عليه الاستشاري يمدد فوق السطح ويغطي البيبات بعازل .. زين لو تسربت مياه للكهرباء شيصير؟ حتى لو كشفوه التخطيط وكهرماء وقت الرخصة ممكن يطلبون تعديل وازالة

يااخوي في امور تصير غصباً عن الواحد ..
اكيد مافي حد يحب يتبهدل هالشكل لكن مانقول الا حسبي الله ونعم الوكيل فيهم ..
sara jsm
06-09-2020, 01:03 PM
بو سعود

نبغي اسم البرنامج

:yes:
Azizuk
06-09-2020, 06:25 PM
بو سعود

نبغي اسم البرنامج


لو عندي اسم البرنامج ماراح ابخل عليكم راح انزل الاسم

بس للاسف ناسي اسمه

انت تامر اخوي وتستاهل كل خير
Azizuk
06-09-2020, 06:33 PM
هذا جهاز لكشف تسريب المياة بس مهب هذا اللي اقصده

https://j.top4top.io/p_17104x72a0.png (https://top4top.io/)

اللي اقصده برنامج تنزله على جوالك وتمرر كميرا الجوال على الحائط ويكشف لك مكان التسريب


ادخل على مقطع الفيديو باليوتيوب يوجد شرح عن عملية شراء جهاز كاشف المواسير والاسلاك

https://youtu.be/cb6YW4-X32w
سعود.
06-09-2020, 06:58 PM
اتوقع هذي لعبة azazuk

قايل لكم لعبة بوسعود .

يعطيك العافيه ماقصرت
sara jsm
06-09-2020, 08:22 PM
عزيز الجهاز اللي حطيته فناااااان والله .. :ok:
Azizuk
06-09-2020, 09:20 PM
عزيز الجهاز اللي حطيته فناااااان والله .. :ok:



ماحطيت شي جديد الحين اي شي تبينه كتبي بس في النت والا باليوتيوب وبتحصلين الحلول المناسبه
معماري قطري
07-09-2020, 12:17 AM
قصدك اسوي زحمة والشارع فاضي :anger3:



يااخوي في امور تصير غصباً عن الواحد ..
اكيد مافي حد يحب يتبهدل هالشكل لكن مانقول الا حسبي الله ونعم الوكيل فيهم ..


الله يعينج ومريت بهذي المشكلة بشكل أبسط واستغربت حلها ما خذ ساعتين يمكن ويمكن أكثر بس كان بسيط ونسيت كم كلفني مبلغ تافه .. طلع البايب النحاس مضروب بمسمار ويسرب شوي شوي

سامحيني يمكن انصح ومب وقت النصيحة حتى أي عامل مستلعن لو كانت عليه رقابة واستشاري مفتح والمقاول مهتم وسمعته زينة هالعامل الحاقد يخرب كل شيء بس بنفس الوقت كل شيء يتعدل

يمكن قلت كلامي حتى أهون اللي صاير ومثل ما وضحت لج الحل سهل ولو طبقتيه بتقولين صج ما يحتاج كل هالسالفة
sara jsm
07-09-2020, 07:39 AM
ماحطيت شي جديد الحين اي شي تبينه كتبي بس في النت والا باليوتيوب وبتحصلين الحلول المناسبه

طيب مشكور على هالجهاز القديم :sneaky:



سامحيني يمكن انصح ومب وقت النصيحة حتى أي عامل مستلعن لو كانت عليه رقابة واستشاري مفتح والمقاول مهتم وسمعته زينة هالعامل الحاقد يخرب كل شيء بس بنفس الوقت كل شيء يتعدل
يمكن قلت كلامي حتى أهون اللي صاير ومثل ما وضحت لج الحل سهل ولو طبقتيه بتقولين صج ما يحتاج كل هالسالفة

هذي المشكله كل واحد مسوي نفسه مدير ويقط الشغل على اللي تحته ..
وانا دايما اقول الذمة مطلوبه خاصة في هالمجال .. لكن للاسف نسبة كبيرة ماعندهم لاذمة ولاضمير ..
معماري قطري
08-09-2020, 07:41 PM
هذا جهاز لكشف تسريب المياة بس مهب هذا اللي اقصده

https://j.top4top.io/p_17104x72a0.png (https://top4top.io/)

اللي اقصده برنامج تنزله على جوالك وتمرر كميرا الجوال على الحائط ويكشف لك مكان التسريب


ادخل على مقطع الفيديو باليوتيوب يوجد شرح عن عملية شراء جهاز كاشف المواسير والاسلاك

https://youtu.be/cb6YW4-X32w

ما شاء الله مفيد ما انتبهت للمشاركة قبل

بس هل تتوقعون يكشف مكان تمديدات الصرف؟

أتوقع كلها بايبات بس يمكن مدفونة أعمق