الدربزاين والدرج الدائري

[ALJokar]

اخواني ياليت مساعدة بخصوص الدرج عندي دائري ومتوهق معاه وابي يكون زجاج من الصوبين وعرفت السعر حاليا من تقريبا كذا محل وفاجاني بالمبلغ المتر.

شنو تنصحوني هل فيه احد يعرف محل مناسب ويكون سعره زين.

وغير هذا ابي احد حاليا يغرس لي فلين قبل الجسر المقلوب والصب لان انا ابي يكون الزجاج في U channel من داخل الجسر المقلوب ومحتاج احد يساعدني في المرحلة هذي.

الي يعرف له محل سعره زين ومناسب ياليت يفيدني فيه.
والي يعرف له احد من برى بعد يقدر يساعدني اكون له شاكر بخصوص الفلين او الفتحة الي توضع مع صب الخرسانة المقلوبة لمكان يو شانيل.

[معماري قطري]

هذي تفاصيل المقاول المتوسط الجودة يرتبها لك لأنها شغلته .. تبي توفر في سعر الدرابزين ركب البسيط اللي بدون نقوشات وحتى بدون زجاج أعمدة طولية فيها أقل ما يمكن دزاين أو لفة ونحاس فوقه أو حديد أو ستانلس ستيل وتبي الصج محلات الدرابزين كلهم فاجرين في الأسعار لذلك انصح نسوي درج بدون درابزين وموضح طريقته في مواضيع كثيرة أهمها مراجعة المخططات المعمارية

[معماري قطري]

السعر أكيد صدمة وبيجيك سعر الرخام بعد .. انا درج بيتي كلفني الرخام والدرابزين قيمة مصعد وكنت مستخسر اركب مصعد ولو سويته بسيط ومصعد في الوسط كانت نفس التكلفة وممكن أقل

الله يعينك بس انتبه اليو شانيل حاول تاخذ نموذج من الشركة اللي تركب الدرابزين وحط في حسابك أرضية الدرج تكون حولها وشلون تفصيل تركيبها مع الارضية والا شوف اللي بيركب لك الرخام ممكن يسويها ويقص الرخام ويغطس هذي القطعة فيه

[وليف الشوق]

مثل ماتفضل اخوي معماري قطري انك تعمل الدرابزين عادي وبدون نقوشات او زخارف لين الله يفرجها وبالنسبة للزجاج انا اعرف شخص جدا" امين وعنده الامانه قبل كل شي لدرجه انه يعطيك استشارة تركب او ماتركب وممكن تتصل فيه وتساله وبالنسبة لسعره جدا" مناسب من حيث اسعار السوق ( المجموعه المشتركه للزجاج ) السيد حســام أبو حازم جوال : 55839112 العنوان طريق سلوى وبالقرب من شارع العزيزيه وبالقرب من بروسلي

[معماري قطري]

فيه نوع ثاني يتثبت من الجنب يمكن يطلع أحلى .. مر على شركة الجبر هم قديمين في هذي الشغلة ستانلس ستيل وزجاج .. أعتقد المتر الطولي حول 1200 وعند شركة الدوحة يو بي في سي يسوون بعد ستانلس ستيل بس مؤكد كله غالي بيطلع مع إنه بسيط وما فيه شغل وايد كله قص وتركيب والقطع تجيهم جاهزة

لو تقدر روح تركيا وفك نفسك اتفق معاهم بس أما تاخذ المقاسات بدقة أو يكون عندك حد يركب وتكون بنلات قابلة للتعديل بسهولة

[Q0T0R]

سلام عليكم

الدرابزين الزجاج يحتاج شركه متخصصه وبروفشنال في الموضوع ويكون عندها قسم حداده واستانلس وايضا قسم للزجاج في المصنع عشان التناسق في الشغل خصوصا اذا كان الدرج دائري ويوجد انحناءات ويحتاج زجاج سماكه عاليه ظ،ظ¤ مم وفوق ويكون تمبرت جلاس ، راجع الخاص طرشت لك رقم شركه متخصصه في الصناعيه وايضا راح ينسقون مابين المقاول في موضوع اليو تشانل قبل الصب وايضا قبل تركيب الدرج الخ ، جربتهم ممتازين وتقدر تقول لهم بغيت اشوف شغلكم السابق ، وراح تعرف الفرق...بالتوفيق

[الزلزال]

اذا تحتاج درابزين وشغل حديد و استيل تعال خاص وفالك طيب

تحياتي

[معماري قطري]

سلام عليكم

الدرابزين الزجاج يحتاج شركه متخصصه وبروفشنال في الموضوع ويكون عندها قسم حداده واستانلس وايضا قسم للزجاج في المصنع عشان التناسق في الشغل خصوصا اذا كان الدرج دائري ويوجد انحناءات ويحتاج زجاج سماكه عاليه ظ،ظ¤ مم وفوق ويكون تمبرت جلاس ، راجع الخاص طرشت لك رقم شركه متخصصه في الصناعيه وايضا راح ينسقون مابين المقاول في موضوع اليو تشانل قبل الصب وايضا قبل تركيب الدرج الخ ، جربتهم ممتازين وتقدر تقول لهم بغيت اشوف شغلكم السابق ، وراح تعرف الفرق...بالتوفيق

زجاج سمك عالي ويكون ملدن أو Laminated اللي يجي ممسوك بلاصق خاص وقطعة بلاستيك وسطية تقوي الزجاج وبنفس الوقت تخليه متماسك لو انكسر .. وعلى تصميمه ولفاته يحتاج تصنيع للزجاج بشكل لاف

انا رايي ليش التعقيد دام البدائل موجودة أما يغير لدرابزين حجري أو حديد بسيط ممكن يطلع بحدود نص سعر الزجاج

بديل آخر الخشبي والله أعلم كم بيطلع وبديل آخر الألمنيوم وآخر الجبس أو الجي ار سي وياخذ المناسب حسب السعر

الزجاج واليو شانيل حتى ممكن لهم تفاصيل تركيب ثانية وبعد الرخام وبعض التفاصيل يجي حديد تدعيم محني من الخارج ومثبت في الجنب ويجي الزجاج نازل في قناة ألمنيوم أو حتى بلاستيك أو ستانلس ستيل بارزة مركبة بلاصق قوي فوق أرضية الدرج

[معماري قطري]

لي صديق سوى درابزين حجري وطلع حلو بس صار عيب في بعض القطع لونها فارق شوي

[معماري قطري]

الدرج اللاف حلو عليه أي دربزين وأكيد فيه شركات تتنافس بالسعر والصعوبة تكمن بس في المفاوضات والروحة والجية

[ALJokar]

مرحبا اخوي معماري ماقصرت الله يجزاك خير

[ALJokar]

مثل ماتفضل اخوي معماري قطري انك تعمل الدرابزين عادي وبدون نقوشات او زخارف لين الله يفرجها وبالنسبة للزجاج انا اعرف شخص جدا" امين وعنده الامانه قبل كل شي لدرجه انه يعطيك استشارة تركب او ماتركب وممكن تتصل فيه وتساله وبالنسبة لسعره جدا" مناسب من حيث اسعار السوق ( المجموعه المشتركه للزجاج ) السيد حســام أبو حازم جوال : 55839112 العنوان طريق سلوى وبالقرب من شارع العزيزيه وبالقرب من بروسلي

مرحبا اخوي وليد الشوق الله يجزاك خير ويعطيك العافيه كلمته وحولني ع شخص اخر يقول ماعنده الي ابيه ومنتظر رد ان شاء الله ذي الايام

[ALJokar]

سلام عليكم

الدرابزين الزجاج يحتاج شركه متخصصه وبروفشنال في الموضوع ويكون عندها قسم حداده واستانلس وايضا قسم للزجاج في المصنع عشان التناسق في الشغل خصوصا اذا كان الدرج دائري ويوجد انحناءات ويحتاج زجاج سماكه عاليه ظ،ظ¤ مم وفوق ويكون تمبرت جلاس ، راجع الخاص طرشت لك رقم شركه متخصصه في الصناعيه وايضا راح ينسقون مابين المقاول في موضوع اليو تشانل قبل الصب وايضا قبل تركيب الدرج الخ ، جربتهم ممتازين وتقدر تقول لهم بغيت اشوف شغلكم السابق ، وراح تعرف الفرق...بالتوفيق

الله يعطيك العافيه ولاقصرت احاول اتواصل مع الشركة بس مافيه رد وقاعد احاول

[ALJokar]

اخواني بخصوص الاستايل والله مستخسر اني ما اسويه يعني مسوي عليه d3 وتصميم وجايز لي
وهو الي متحدي فيه منظر البيت انه يكون الاجمل واخر شي ما اسويه.
فحاول قدر استطاعه اني اعمل الي اقدر عليه ولا اخسر فلوس التصميم الي انعمل والجهد الي راح.

للاسف هنا محلات واغلبهم مايخافون الله ف السعر الي ينعطى ابدا وياليت مواصفاتهم زينة او شغلهم زين .
صديق لي حاليا في الصين عرفته عن طريق السوشل ميديا ارسلت عليه البيانات رد علي بعرضين سعر من شركات كبيرة عندهم صدمني بالسعر صراحة لكن متخوف من المقاسات تكون غلط والتركيب لو اخذته من الصين من الي راح يركبه لي عطاني تقريبا بدون مبالغة سعر شركتين يمكن ولا نص سعر متر الي هنا ولا حتى جاء ربعه او اقل مع مواصفات افضل بكثير في الصين.

[ALJokar]

غير هذا هل لو ماقدرت اني اسوي الدربزين الزجاجي هل فيه حل اني اسكر ب سمنت بورد ع شكل الدربزين دائري وبعدين اركبه اذا توفرة الفلوس عندي

[معماري قطري]

اخواني بخصوص الاستايل والله مستخسر اني ما اسويه يعني مسوي عليه d3 وتصميم وجايز لي
وهو الي متحدي فيه منظر البيت انه يكون الاجمل واخر شي ما اسويه.
فحاول قدر استطاعه اني اعمل الي اقدر عليه ولا اخسر فلوس التصميم الي انعمل والجهد الي راح.

للاسف هنا محلات واغلبهم مايخافون الله ف السعر الي ينعطى ابدا وياليت مواصفاتهم زينة او شغلهم زين .
صديق لي حاليا في الصين عرفته عن طريق السوشل ميديا ارسلت عليه البيانات رد علي بعرضين سعر من شركات كبيرة عندهم صدمني بالسعر صراحة لكن متخوف من المقاسات تكون غلط والتركيب لو اخذته من الصين من الي راح يركبه لي عطاني تقريبا بدون مبالغة سعر شركتين يمكن ولا نص سعر متر الي هنا ولا حتى جاء ربعه او اقل مع مواصفات افضل بكثير في الصين.

يا اخوي في العادة الدرابزين يسوون لك تصميم الشركة اللي بتنفذ بس دوم المنحني لو فيه دوائر على شكل ورود تحصل النهايات مقصوصة جزئي وتطلع غلط ويكون شيء محبط .. الزجاج تصميمه سهل ومستغرب شلون دفعوك على تصميم ثري دي أكيد هذا مصمم انترير .. حتى الارتفاع 1 ونص متر كبير درانزين بيتي كان 90 ورفعته ل 110 سم بدون تكلفة اضافية بس كان من الأساس مكلف

عطتك الحلول وهذي الشركات يبي لها زيارات ومفاوضات تلفون شغل اللي عندنا ما يهتمون له والزيارة في المحل المدير يتابعهم غصب يشتغلون .. معمارياً أشوف كل الحلول ممكنة الا حل السمنت بورد

[ALJokar]

مرحبا اخوي معماري بخصوص المتر ونص ارتفاع انا متعمد ك أمان وسيفتي للاطفال انه مايقعد يطل من فوق الى تحت

[معماري قطري]

مرحبا اخوي معماري بخصوص المتر ونص ارتفاع انا متعمد ك أمان وسيفتي للاطفال انه مايقعد يطل من فوق الى تحت

ذكرت لك اني رفعته ل 110 سم ونسيت اقول انه لهذا السبب .. الياهل من يرتفع فوق 110 يكون عاقل ويحسب العواقب صح .. مع إني تفاجأت بولدي وهو حول ال 14 - 15 ينط من بسطة الدرج المرتفعة حول مترين وستين سم على كرسي تحت .. قبضة اليد يسوونها على 90 سم ولو كان مرتفع بحدود 20 فوقها وبالكثير 30 كفاية .. لكن ولد قادر وفيه قوة وناوي يسويها يطب من فوق بيقدر حتى لو سويت مترين

[ALJokar]

غير هذا هل لو ماقدرت اني اسوي الدربزين الزجاجي هل فيه حل اني اسكر ب سمنت بورد ع شكل الدربزين دائري وبعدين اركبه اذا توفرة الفلوس عندي

طيب وشرايك بالطريقة هذي هل تنفع معاي

[معماري قطري]

طيب وشرايك بالطريقة هذي هل تنفع معاي

السمنت بورد صلب ما ينحني البليوت الخفيف ممكن والبوليكاربونيت ممكن وممكن تركب طبقتين بعد وفيه شفاف ينحني وارخص من الزجاج بوايد

[معماري قطري]

لو عندك استشاري زين بيكونون عنده ناس يعطون تكلفة مع تصميم مناسب وأقصد موردين ومنفذين

مر شركة الجبر شوف الستانلس ستيل مع الزجاج القطع المستقيمة يمكن يقدرون يسوونه بسهولة وبسعر شوي أرخص وما يحتاج لتأسيس من ألحين

[ALJokar]

مرحبا اخوي معماري ليش مو محتاجة حاليا؟ شنو قصدك؟

الاستشاري او المقاول ما يسفط لك او ينصحك الا هو مستفيد من حسابك وعليك وماخذ فايدتة
ما هو منصح لوجهه الله

[معماري قطري]

مرحبا اخوي معماري ليش مو محتاجة حاليا؟ شنو قصدك؟

الاستشاري او المقاول ما يسفط لك او ينصحك الا هو مستفيد من حسابك وعليك وماخذ فايدتة
ما هو منصح لوجهه الله

هذا استكمال لما كتبته سابق بعض تفاصيل التركيب ما تحتاج تأسيس وتركب شانيل لها .. بالنسبة للاستشاري هي قناعات وانا أي شغلة ما اسويها الا بحضوره وشهادته وأخذ رأيه كرأي ثاني وأوقات كثيرة الاستشاريين يوفرون عليك عناء البحث ويجيبون لك عدة عروض

[معماري قطري]

كنت في الفترة الأخيرة أبغي مانع صواعق وتفاصيله بعد حادثة البرق اللي بغى يتفرغ فيني ويقولون المتوسط 3000 فولت وكهربتنا 250 فولت وتنفض ولولا وجود القاطع كان أي شخص يضربه شوط يروح للآخرة .. سئلت استشاري ملتقيه بالصدفة أرسل لي التفاصيل مرسومة ورقم مقاول يسويها وهي عبارة عن قطعة نحاس فوق تجذب البرق وتفرغه عبر سلك كهربي لأرضية حديقة قريبة تكون في غالب الوقت رطبة .. هو نفس الهلال اللي ينحط على المنارة وأول مرة اعرف انه له هدف منع الصواعق

[معماري قطري]

نصيحتي للكل مب لصاحب الموضوع بس لتسأل متخصص واحد هو يوجهك حسب اللي يعرفه أو اللي عنده وبس بالعكس شوف بدائل والبدائل كثيرة والأسعار تختلف وحتى طرق التركيب كثيرة