تانكي الماء

[سعود.]

سكنت بيتي الجديد من سنتين فقط شاهد قبل وبعد
ضروري التانكي يتنظف على الاقل كل سنة مره او مرتين .

https://c.top4top.io/p_1732ooz3v1.jpeg (https://top4top.io/)



https://b.top4top.io/p_1732zp4z91.jpeg (https://top4top.io/)

[سعود.]

https://i.top4top.io/p_1732fx7200.jpeg (https://top4top.io/)

كنه سطل قهوه :looking:

[doha_vip]

السلام عليكم

هل ركبت فلتر؟؟

سمعت قبل فترة عن الفلتر الرملي .. وماعرف هل يحل هذي المشكله ؟

[سعود.]

عندي سستم كامل ( تدمر ) بس فصلت الفلتر :thumbup: الفلتر زين بس اذا طاف موعد تبديل الفلتر راح يكون ماء سام جدآ .
اقرى في جوجل عن اضرار الفلاتر

[Azizuk]

زين ماسويت اخوي سعود انك نظفت الخزان ضروري التنظيف بين فترة وفترة

على طاري الفلتر الرملي سمعت ان بعد فترة يعشش في داخله دود وطحالب ولازم يتبدل الحجر الرملي اللي داخله تجي خيشه صغيره زي خيشه العيش بو 10 كيلو وماتوقع يكف سعرها ممكن يتبدل الرمل

هو مهب رمل مثل مانتصور هو حجر بلوري ناعم

والاتربة اللي تتكون داخل الخزان هذا من الغبار الناعم يدخل داخلها ويترسب اسفل الخزان

يالت حد الاعضاء عنده تجربة اكثر ومعلومات عن الفلاتر والخزانات وكيفة الحفاظ عليها والوقايه

[Azizuk]

https://i.top4top.io/p_1732fx7200.jpeg (https://top4top.io/)

كنه سطل قهوه :looking:



خوووش غسال :thumbup:

متى القهوى عااااد اهل ام صلال اهل القهوة واهل الكيف

[سعود.]

زين ماسويت اخوي سعود انك نظفت الخزان ضروري التنظيف بين فترة وفترة

على طاري الفلتر الرملي سمعت ان بعد فترة يعشش في داخله دود وطحالب ولازم يتبدل الحجر الرملي اللي داخله تجي خيشه صغيره زي خيشه العيش بو 10 كيلو وماتوقع يكف سعرها ممكن يتبدل الرمل

هو مهب رمل مثل مانتصور هو حجر بلوري ناعم

والاتربة اللي تتكون داخل الخزان هذا من الغبار الناعم يدخل داخلها ويترسب اسفل الخزان

يالت حد الاعضاء عنده تجربة اكثر ومعلومات عن الفلاتر والخزانات وكيفة الحفاظ عليها والوقايه

صادق يابو سعود


انواعه كثيرة منها الشفاف وهي الافضل تشوفها شوف العين ويتغير كل فتره . اما الانواع الثانية الي تجي مع السستم هذي ماتنشاف من الداخل ومع الوقت تجمع بكتريا ضاره وتضر خاصة ( الكلى ) وعيب الفلاتر انه اذا كان وصخ تمر عليه المياه النظيفة وتختلط معها . الفلاتر زينه بشرط متابعتها بدقه وتبديلها في الوقت المناسب . فيه مهندس قوي معروف في اليوتيوب يقول بدون فلتر لزمن افضل بشرط نظافة الخزان من فتره لفتره

[سعود.]

خوووش غسال :thumbup:

متى القهوى عااااد اهل ام صلال اهل القهوة واهل الكيف


والله لي الشرف تزورنا البيت بيتك

[معماري قطري]

موضوع مهم ومفيد ويدق ناقوس وقاموس الخطر

انا مهمل في تنظيف الفلتر وأكيد حان وقته .. شرايكم في الحل المثالي لتنظيف التوانكي بدال تانكي واحد نركب اثنين مفصولين بينهم بيب ومحبس نسكره ونستعمل تانكي واحد وقت الحاجة للتنظيف ويبقى عندنا الثاني شغال ووقت ينتهي التنظيف نحول على النظيف ونغلق الثاني ونغسله بعدين نفتحهم على بعض .. التكلفة سمعت إنها وحدة لخزانين 1500 أو خزان واحد 3000

[معماري قطري]

والله لي الشرف تزورنا البيت بيتك

انا من زمان ما مريت ام صلال وبوسعود جاري من شوي بعيد حول 2 كيلو عادي بيمرني وباجيك معاه

[معماري قطري]

انا خزان الحوش كلش ما نظفته الحين 16 أو 17 سنة .. تتوقعون شاحصل فيه؟

زين ابغي رقم الشركة اخوي سعود أرسله ولا تهون بس شغله لو يقطعون الماي وبيتنا استهلاكه كبير

[سعود.]

موضوع مهم ومفيد ويدق ناقوس وقاموس الخطر

انا مهمل في تنظيف الفلتر وأكيد حان وقته .. شرايكم في الحل المثالي لتنظيف التوانكي بدال تانكي واحد نركب اثنين مفصولين بينهم بيب ومحبس نسكره ونستعمل تانكي واحد وقت الحاجة للتنظيف ويبقى عندنا الثاني شغال ووقت ينتهي التنظيف نحول على النظيف ونغلق الثاني ونغسله بعدين نفتحهم على بعض .. التكلفة سمعت إنها وحدة لخزانين 1500 أو خزان واحد 3000

حلو للي عنده مساحه كافية

[سعود.]

انا من زمان ما مريت ام صلال وبوسعود جاري من شوي بعيد حول 2 كيلو عادي بيمرني وباجيك معاه

هذي والله اساعه المباركة

[سعود.]

انا خزان الحوش كلش ما نظفته الحين 16 أو 17 سنة .. تتوقعون شاحصل فيه؟

زين ابغي رقم الشركة اخوي سعود أرسله ولا تهون بس شغله لو يقطعون الماي وبيتنا استهلاكه كبير

شغل منزلي الله يحيك :nice: عندي الصبيان طيور شلوى

الماي فرغته في حديقة البيت :strong

[سعود.]

https://i.top4top.io/p_1732cwp1k0.jpeg (https://top4top.io/)

للمعلومية
الاسلاك باللون الاسود بيبات التبريد ( مكيف ) تبريد الماء مع اني مرتاح مع المروحه للخزان بس البزران يتضايقون من حرارة الماء صيفآ .

[Azizuk]

انا خزان الحوش كلش ما نظفته الحين 16 أو 17 سنة .. تتوقعون شاحصل فيه؟

زين ابغي رقم الشركة اخوي سعود أرسله ولا تهون بس شغله لو يقطعون الماي وبيتنا استهلاكه كبير


هذا رقم واحد بيجي وبيغسل لك الخزان والسعر على حسب حجم الخزان

55804450

اسم الشركة الفيتري

https://g.top4top.io/p_1733ngbbj0.png (https://top4top.io/)

[Azizuk]

والله لي الشرف تزورنا البيت بيتك

عزيز وغالي ياسعود معروفين اهل ام صلال اهل الكرم والجود

تسلم ماتقصر

[معماري قطري]

هذا رقم واحد بيجي وبيغسل لك الخزان والسعر على حسب حجم الخزان

55804450

اسم الشركة الفيتري

https://g.top4top.io/p_1733ngbbj0.png (https://top4top.io/)

مشكور يا بو سعود ويا سعود إثنينكم فتحتوا عيوننا

[سعود.]

خوش محل كلمتهم

تنظيف 1000 جلون 250 رق
800 جلون 200 رق

وعندهم ميزيه زينه يفرغون التوانكي في الزرع للي عنده ومعهم مطور سحب هوز 30 متر او في الصرف الصحي .

[Azizuk]

هو الافضل انك تسكر محبس الماي عن التانكي لين يوصل الربع بعدين اتصل عليهم يجونك ينظفون الخزان بدل ماتخسر الماي

بس عااااد اعمل حسابك مهب تسكر الماي وتتصل :telephone: ويقول لك انا مشغول لا قبلها بيوم اتفق معاهم وخذ موعد موكد انهم بيجونك

[سعود.]

هو الافضل انك تسكر محبس الماي عن التانكي لين يوصل الربع بعدين اتصل عليهم يجونك ينظفون الخزان بدل ماتخسر الماي

بس عااااد اعمل حسابك مهب تسكر الماي وتتصل :telephone: ويقول لك انا مشغول لا قبلها بيوم اتفق معاهم وخذ موعد موكد انهم بيجونك


صادق لان اغلبهم يقولون كذا سكر الولف الرئيسي الي جاي من الشارع واذا وصل الربع نجيك . انا سكرته وفرغت الماي في الحديقة حول ساعه تقريبا يصب الماء :looking:*

[بوNasser]

صادق لان اغلبهم يقولون كذا سكر الولف الرئيسي الي جاي من الشارع واذا وصل الربع نجيك . انا سكرته وفرغت الماي في الحديقة حول ساعه تقريبا يصب الماء :looking:*

ما شاء الله

انا قبل فترة شريت مضخة سحب من الشركة البحرية (اظن بحدود 800 او اقل شوي) ويركب عليها هوز اظن مقاس 2 او 2ظ«5 انش (بعد من عندهم خذت الهوز)، نفس مال الدناكر بس اضعف طبعا.

انزل الدينمة في الخزان وينشفط الماي ما شاء الله بسرعة ولأن المضخة تنزل لين القاع، اول ما ينشفط الماي الحلي والوسخ.

باقي التنظيف على الصبيان، والشغله استانسوا عليها وداروا على خزانات البيت كلها نظفوها.

مثل هذي المضخة (الدينمه)

https://i.ebayimg.com/images/g/vx4AAOSw-mtdvSNS/s-l400.jpg

تحياتي للجميع

[سعود.]

شغل عدل

ممكن رقمهم

[Azizuk]

شغل عدل

ممكن رقمهم


البحرية موقعهم مشاهد مدرسة حفصه بشارع الهندسة وتحت عمارة المالكي محلهم او جنبه

[سعود.]

البحرية موقعهم مشاهد مدرسة حفصه بشارع الهندسة وتحت عمارة المالكي محلهم او جنبه

مشكور اخوي بو سعود

[سالم الزهران]

افكار حلوه، قبل اسبوع سافرت وقابلت واحد من الاهل في مبنى توه مخلصه وكان فيه هوى عاصف خلانا ما نكمل جولتنا، المهم قال لي استاذنك بقفل باب السطح بتأكد منه. قلت له انتبه بعد للخزانات لو فاضيه بيحركها الهوى وتكسر البيبات.

قال لي (ما عندي خزانات) كله الحي هذا نظام مباشر من العداد للبيت.

حقيقة استغربت رغم انها موجودة في بيتي بس منطقتنا غير.. وكل طريقه تختلف عن الاخرى من ناحية سلبياتها وايجابياتها.

[معماري قطري]

افكار حلوه، قبل اسبوع سافرت وقابلت واحد من الاهل في مبنى توه مخلصه وكان فيه هوى عاصف خلانا ما نكمل جولتنا، المهم قال لي استاذنك بقفل باب السطح بتأكد منه. قلت له انتبه بعد للخزانات لو فاضيه بيحركها الهوى وتكسر البيبات.

قال لي (ما عندي خزانات) كله الحي هذا نظام مباشر من العداد للبيت.

حقيقة استغربت رغم انها موجودة في بيتي بس منطقتنا غير.. وكل طريقه تختلف عن الاخرى من ناحية سلبياتها وايجابياتها.

نظام جيد نفس الأمريكي يجيك الماي مضغوط وقوي من الحكومة أو شركة المياه كل اللي تحتاجه صخان مياه واستووا يسوون نوع مباشر بدون تانكي

[معماري قطري]

مشكور اخوي بو سعود

المالك من عيال عمي لو تبي خصم اكلمه لك ولو مب عاجبك شيء بيغيره .. حصلته في ايطاليا بعد سنوات طويلة ما شفته وطلع كل تركيزه على زيارة معارض المعدات هذي .. الله يذكره بالخير بعد السوزوكي الأبيض وشيل تايرين أيام علي بن طالب تغير واستوى بزنس مان

[sara jsm]

انا خزان الحوش كلش ما نظفته الحين 16 أو 17 سنة .. تتوقعون شاحصل فيه؟


اتوقع جثث :happy:

مرة كنت في محل ( محمد واخوانه ) وقالي ان المشكله مب في الفلاتر ..
المشكله في بيبات الحكومة اغلبها صينيه وتصدي وتخلي الماي حلي ..
عشان جذي يقول حطوا فلتر قبل بيب الحكومة عشان يتم الدرام نظيف .. :pic:
:
الله يعطيك العافيه اخوي سعود ماقصرت عالموضوع :thumbup1::thumbup1:

[سعود.]

افكار حلوه، قبل اسبوع سافرت وقابلت واحد من الاهل في مبنى توه مخلصه وكان فيه هوى عاصف خلانا ما نكمل جولتنا، المهم قال لي استاذنك بقفل باب السطح بتأكد منه. قلت له انتبه بعد للخزانات لو فاضيه بيحركها الهوى وتكسر البيبات.

قال لي (ما عندي خزانات) كله الحي هذا نظام مباشر من العداد للبيت.

حقيقة استغربت رغم انها موجودة في بيتي بس منطقتنا غير.. وكل طريقه تختلف عن الاخرى من ناحية سلبياتها وايجابياتها.


ممتاز

بس مصيبه اذا انقطع الماء . بعكس نظام التوانكي

[سعود.]

المالك من عيال عمي لو تبي خصم اكلمه لك ولو مب عاجبك شيء بيغيره .. حصلته في ايطاليا بعد سنوات طويلة ما شفته وطلع كل تركيزه على زيارة معارض المعدات هذي .. الله يذكره بالخير بعد السوزوكي الأبيض وشيل تايرين أيام علي بن طالب تغير واستوى بزنس مان

الف شكر لك . تسلم كنت فقط بعرف الاسعار




اتوقع جثث :happy:

مرة كنت في محل ( محمد واخوانه ) وقالي ان المشكله مب في الفلاتر ..
المشكله في بيبات الحكومة اغلبها صينيه وتصدي وتخلي الماي حلي ..
عشان جذي يقول حطوا فلتر قبل بيب الحكومة عشان يتم الدرام نظيف .. :pic:
:
الله يعطيك العافيه اخوي سعود ماقصرت عالموضوع :thumbup1::thumbup1:

الله يعافيك اختاه

[معماري قطري]

اتوقع جثث :happy:

مرة كنت في محل ( محمد واخوانه ) وقالي ان المشكله مب في الفلاتر ..
المشكله في بيبات الحكومة اغلبها صينيه وتصدي وتخلي الماي حلي ..
عشان جذي يقول حطوا فلتر قبل بيب الحكومة عشان يتم الدرام نظيف .. :pic:
:
الله يعطيك العافيه اخوي سعود ماقصرت عالموضوع :thumbup1::thumbup1:

عندي احساس إن ماينا نظيف منطقتنا كلها شخصيات مع شوية غلفج منهم انا

[Azizuk]

اتوقع جثث :happy:

مرة كنت في محل ( محمد واخوانه ) وقالي ان المشكله مب في الفلاتر ..
المشكله في بيبات الحكومة اغلبها صينيه وتصدي وتخلي الماي حلي ..
عشان جذي يقول حطوا فلتر قبل بيب الحكومة عشان يتم الدرام نظيف .. :pic:
:
الله يعطيك العافيه اخوي سعود ماقصرت عالموضوع :thumbup1::thumbup1:


قوية يامحمد واخوانه بيبات من الصين عااااد

اول مره اسمع ان البيبات صينيه وانها تصدي شكلهم يبون يبيعون الفلتر عليكم omen

بيبات المستخدمة من الخط الرئيسي الى المنزل بيبات نحاس انغليزي اصلي والخط الرئيسي بيب مقاس 6 بوصه بعد انغليزي

في السابق يركبون بيب ازرق مرن وكله ينفجر من قوة الضغط بس استبدلوه بالنحاس القديم مغلف بطبقة تحميه مقاس 1 بوصه من الخط الرئيسي

هو الافضل تركب فلتر سوى كان الرئيسي بيب صيني والا انغليزي او اي بلد الافضل فلتر وهو داخل البيت اول نقطه بعد العداد مباشرة

واذا تبي زياده حرص تركب بعد الخزان او قبل وبعد مب غلط

للوسواسي مثلي يركب في كل خزان قبل وبعد :thumbup:


المهم نبي حد يعطينا الخطوات الصحيحه بالنسبة لفلترت الماي للبيت

تحياتي للجميع

[sara jsm]

انا مااقصد البيبات كلها ..
اقصد القطع اللي توصل من الخط الرئيسي للبيت ..
مرات تخترب وغيرونها بقطع صينيه .. معلووم :sneaky:

[معماري قطري]

تهاوشوا مهندس ومهندسة الحقوا عليهم

بو سعود تحمل ثرى تدخل الخور والا بس توطوط صوب الحدود الشمالية للبلاد المهندسة اللي هناك عصابتها قوية منتشرة في المنطقة وانت نبيك ما نبيك تغيب عنا

[sara jsm]

انصحه قبل لايفوت الفوت :p

[Azizuk]

تهاوشوا مهندس ومهندسة الحقوا عليهم

بو سعود تحمل ثرى تدخل الخور والا بس توطوط صوب الحدود الشمالية للبلاد المهندسة اللي هناك عصابتها قوية منتشرة في المنطقة وانت نبيك ما نبيك تغيب عنا

لا ماعليك عصابات الخور ماتوطوط عندي

بهاجمهم بدنكر ماي وبقلب على المهندسة الخور يوم عيد الماي :tomato:

[sara jsm]

عيد الماي ههههههههههه
معماري شكله بوسعود من شلتنا ..
يالله شدو العزم شهر 4 :happy:

[معماري قطري]

عيد الماي ههههههههههه
معماري شكله بوسعود من شلتنا ..
يالله شدو العزم شهر 4 :happy:

عندي لج مشروع .. إحفري بير في بيتكم وعبي ماي سميه ماي الخور وشوفي عاد اكتبي شعار على قرشة زينة مثل ماي الخور يعطيك قوة الثور صدقيني بتستفيدين

[معماري قطري]

لا ماعليك عصابات الخور ماتوطوط عندي

بهاجمهم بدنكر ماي وبقلب على المهندسة الخور يوم عيد الماي :tomato:

ما شاء الله منطقتهم نظيفة ومرتبة بس بيباتهم لك عليها صناعة الصين وجبل علي وانت ناوي تخربها أكثر

[sara jsm]

عندي لج مشروع .. إحفري بير في بيتكم وعبي ماي سميه ماي الخور وشوفي عاد اكتبي شعار على قرشة زينة مثل ماي الخور يعطيك قوة الثور صدقيني بتستفيدين

غربل الله عدوك هههههههههههه
اول ماابلش المشروع بابيعهم عليك كلهم :happy:

[ولد المنصور]

مساء الخير على الجميع .....
فيه حل وافكر فيه ,, بركب فلتر ,, الفلتر الصغير العادي اللي بركبونه حق البرادات ,, بركبه في البيبات اللي طالعه من الخزان الى البيت ,, بحيث يوصلني ماء نظيف .
اشوفه حل ..

[سعود.]

حل ممتاز والزين فيه انه شفاف تقدر تشوف الفلتر شوف العين بشرط التغير الدوري للفلتر .

[بوNasser]

اتوقع جثث :happy:

مرة كنت في محل ( محمد واخوانه ) وقالي ان المشكله مب في الفلاتر ..
المشكله في بيبات الحكومة اغلبها صينيه وتصدي وتخلي الماي حلي ..
عشان جذي يقول حطوا فلتر قبل بيب الحكومة عشان يتم الدرام نظيف .. :pic:
:
الله يعطيك العافيه اخوي سعود ماقصرت عالموضوع :thumbup1::thumbup1:

قبل مدة الوالد الله يعطيه الصحة والعافية، طبق هالشي وحط فلتر ماي قبل خزان الماي الأرضي اللي هو الخزان الرئيسي، يعني ماي الحكومة اول شي يمر على الفلتر بعدين يصب في الخزان.

والله ما طول كل اسبوع او عشرة ايام، تقريبا ينسد الفلتر أو هبابه يصب، وينقطع الماي عن البيت، تعب واهو يبدل الفلتر، اخرتها شله وخلى الفلتر المركزي اللي فوق السطح.

كهرماء في الجرايد يصرحون ان ماي الحكومة نظيف ومن انقى المياه، وهذا الكلام انا متأكد انه صحيح 100٪، بس اهناك عندهم في محطات التحلية. اما عقب ما يمر بشبكات التوزيع الارضية مستحيل الكلام يكون صحيح.
تحياتي للجميع

[sara jsm]

كهرماء في الجرايد يصرحون ان ماي الحكومة نظيف ومن انقى المياه، وهذا الكلام انا متأكد انه صحيح 100٪، بس اهناك عندهم في محطات التحلية. اما عقب ما يمر بشبكات التوزيع الارضية مستحيل الكلام يكون صحيح.
تحياتي للجميع

والله العظيم انا دايما اقول هالشي بس محد يصدقني ..
اصلا انا مسويه تجربه بين ماي الدوحة والخور والفرق كبير ..
وبعد مسويه تجربه بين ماي الخور في منطقتين والفرق اكبر :looking::looking:
اتوقع من التمديدات لين يوصلنا ..

[معماري قطري]

والله العظيم انا دايما اقول هالشي بس محد يصدقني ..
اصلا انا مسويه تجربه بين ماي الدوحة والخور والفرق كبير ..
وبعد مسويه تجربه بين ماي الخور في منطقتين والفرق اكبر :looking::looking:
اتوقع من التمديدات لين يوصلنا ..

صج الخور بعيدة يوصل شايل كل صدأ البيبات .. والله حالة نبني دول ثانية وننسى بيبات ماينا بدون تغيير لنوعية ما تصدي ولا تستوي فيها مشاكل

[معماري قطري]

من سمع عن مهندسي كهرماء سووا زيارات للبيوت للتأكد من نقاء المياه؟

ما ادري شتسوي مختبرات الدولة ومسؤوليها .. أمراض الكلى زايدة ولازم تحرك سريع

[sara jsm]

أمراض الكلى !!!؟
جذي الكلام كبير والوضع خطر بس مااتوقع من الماي !!

[معماري قطري]

غربل الله عدوك هههههههههههه
اول ماابلش المشروع بابيعهم عليك كلهم :happy:

باستفيد باخذ بالجملة وبابيع مفرق بضعف السعر

[معماري قطري]

أمراض الكلى !!!؟
جذي الكلام كبير والوضع خطر بس مااتوقع من الماي !!

إذا الماي فيه كميات الملوثات ذي شتتوقعين نشرب والا يوصل لأجسامنا حتى لو قليل يتراكم ويسبب مشاكل صحية كثيرة