ممكن تفيدوني جزاكم الله خير (( رقية نسائية مطوعة ))

[سهم فضة]

السلام عليكم



يا اخوان ممكن احد جزاكم الله خير يدلني او يفيدني با ( مطوعة ) تقرا


او اذا في نساء معتمدات من وزارة الاوقاف حد يفيدني با ارقامهم

ودعواتكم لمريضنا بالشفاء يارب 🙏 وجميع مرضى المسلمين امين

وجزاكم الله خير

[sara jsm]

وعليكم السلام ..

يااخوي اللي في موقع الوزارة المصرح لهم كلهم رجال ..

https://e.top4top.io/p_1750i5cvu2.jpeg (https://top4top.io/)

دامهم مصرح فيهم فهم مضمونيين .. لا تروح عند الحريم حتى لو سمعت عن فلانه وعلانه نصحية لوجه الله ..
جيب حق المريضة احد القراء المعتمدين وخل محارمها معاها ابرك ..

والله يشفي مريضكم ومرضى المسلمين جميعا ً..

[معماري قطري]

اللهم آمين

[Rider]

السلام عليكم



يا اخوان ممكن احد جزاكم الله خير يدلني او يفيدني با ( مطوعة ) تقرا


او اذا في نساء معتمدات من وزارة الاوقاف حد يفيدني با ارقامهم

ودعواتكم لمريضنا بالشفاء يارب �� وجميع مرضى المسلمين امين

وجزاكم الله خير

الله يشفي مريضكم فيه وحده ساكنه بني هاجر ومعروفه اظن يقولون لها ام محمد بس ماعرف مكانها ايضا ممكن اي حد فالبيت يرقي المريض او المريض يرقي معروفه الرقيه الشرعيه

[وليف الشوق]

ياخوي طول عمرنا نودي حريمنا وامهاتنا وبناتنا للمطاوعه يقرون عليهم واكثر المطاوعه من الشيوخ والائمه مايمسكون البنات وخذها قاعده مني والله اعلم ( لا على المريض حرج ) والله سبحانه وتعالى شرع اشياء محلله عشان بعض الامور وعندي لك مثال : اذا اختك او بنتك او والدتك لاسمح الله لها موعد اجراء عمليه جراحية في اماكن حساسة هل انت راح تقول ابي الجراح طبيبه ؟ او اي عمليه ثانيه في جسم راح تقول ابي طبيبه ؟ استعن بالله وتوكل عليه ووديها المطاوعه المعتمدين في موقع وزارة الاوقاف وخل عنك موضوع ابي حرمه وابي مطوعه وابي وابي والمهم ان المريضه تاخذ الرقيه وللمره الثانيه اقول لك ( ماراح اي مطوع يمسك اختك او بنتك ) وحتى لو مسكها او حط ايده على راسها وفي حديث : (( أن الله يحب أن تؤتى رخصه )) وانا عن نفسي كثير وديت امي واختي لكثير من المطاوعه

[سالم الزهران]

الرقية اللي شفتها مرات ومرات ان الراقي يجلس مثل جلسة التشهد أما المريضة ويكون جنبها واحد من محارمها عشان يمسكها لو تحركت او تصرفت بطريقة ممكن تكشف سترها.. وطبعاََ الخلوة بالمريضة غير وارد اطلاقاََ. انا شفت ورحت مع ناس لرقاة كثيرين ولم اسمع بمرأة ترقي او تعالج بالقرآن.

[سالم الزهران]

الله يشفي مريضكم وسبق واشتكى بعض افراد عائلتي وجبنا لهم شيوخ والحمدلله، اغلبها نتائج فورية.