جلسة تداول يوم الاحد الموافق 18-10-2020 ::

[.:: القيصر ::.]

السلام عليكم

تمنياتي لكم بالتوفيق والربح الوفير

[BO.ABDULLA]

وعليكم السلام ورحمة الله وبركاته
يعطيك العافية يالقصير
وصباح الخير بحكم فارق التوقيت بيني وبينكم
نسال الله التوفيق للجميع

[مضارب يومي.]

السلام عليكم

تمنياتي لكم بالتوفيق والربح الوفيريوم موفق ان شاءالله

[ALZAAR]

السلام عليكم

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[ابومبارك]

اليوم مكمله لنوم الخميس

[الاسطوره]

السلام عليكم ورحمة الله وبركاته

[Qtr37]

اليوم مكمله لنوم الخميس

:swoon:

[][ الوحيد ][]

موفقين جميعاً

لكن نصيحه للكل

خصوصاً المطبلين .. خافوا الله في اعضاء المنتدى
مب لانك طبلت لسهم و تعلقت فيه تحاول تخرع العالم و تخليهم يبيعون بدون تفكير ..

[ابو ملك]

السلام عليكم

بالتوفيق للجميع

[ابو ملك]

قطر وعمان تحت الملاحظة

مستندة على دعم الترند الصاعد

نتابع البرايس اكشن

[نايم سهران]

سلام عليكم

عني متفائل اليوم جداً جداً جداً ... عنكم لا أدري :)

[صابر ومحتسب]

السلام عليكم ورحمة الله وبركاته
صباحكم سعادة واسبوع اخضر ان شاء الله ويبتدي من اليوم [emoji1303]

[Qatar40000]

[ الوحيد ][;10787087']موفقين جميعاً

لكن نصيحه للكل

خصوصاً المطبلين .. خافوا الله في اعضاء المنتدى
مب لانك طبلت لسهم و تعلقت فيه تحاول تخرع العالم و تخليهم يبيعون بدون تفكير ..

نعم اخوي الكل يتاثر حسب وضع سهه راعوا نفسية الناس الي خسرانة والي متعلقة .
الله يوفق الجميع

[بوفيصل68]

السلام عليكم

[الغالي!]

السلام عليكم ورحمة الله وبركاته
استغفر الله وسبحان الله والحمدلله

قال تعالى*:"استَعِينُواْ بِالصَّبرِ وَالصَّلاةِ إِنَّ اللَّهَ مَعَ الصَّابِرِينَ )

[بحر شرق]

صباح الخير

[ابو جود]

السلام عليكم ورحمة الله
صبحكم الله بخير وعافيه
ويارب يكون يومكم وكل اوقاتكم سعاده وتوفيق وخير ..

[ابومبارك]

ازدان الي اين ؟

[Qatar40000]

شاشة المجموعة في شي خطا تتاخر الاوامر ؟؟؟

[مستثمر رشيد]

ماشاء الله تبارك الله ... الاسهم العقارية طلوع جماعي اليوم

[مضارب متعور]

أتوقع إنماء لمت أب

[بوخميس]

شاشة المجموعة في شي خطا تتاخر الاوامر ؟؟؟

في تطبيق الجوال لحين الاسعار على اغلاق الخميس

[معماري قطري]

صبحكم الله بالخير والربح الوفير

[ابومبارك]

ياكثر ماتعور يا مضارب

[ابومبارك]

في تطبيق الجوال لحين الاسعار على اغلاق الخميس

عندي شغال من الصبح والامور طيبه

[Ahmbsol]

اليوم اعلان انماء

[الغالي!]

السيوله تعباااااااااااااااانه

[نايم سهران]

اتوقع فودافون بيودع

[Abjalsulaiti]

الشغل على دلاله وانماء

عادي يقربون لمت اب

[مستثمر رشيد]

اوعى تفتكروا أن بروة مش حتبقى اد الدنيا ....

لاااااااااااااااااااااااااااااااا.......

دي حتبقى وبكرة تشوفوا

[Ahmed86]

الوضع تحريج

[Qtr37]

استثمار :sorry:

[نايم سهران]

ازدان مش مفتكر في احد ...

[][ الوحيد ][]

ازدان وحشششش
استثمار كتكوووت

[نايم سهران]

مزايا باي باي

[معماري قطري]

إزدان بدأ يجر القطاع العقاري

[Ahmed86]

المجموعه

الشاشة اسعار
و السوق خسب الاوامر اسعار
و السوق حسب الاسعار اسعار
و الجوال اسعار
و موقع بورصة قطر اسعار

و كلهم مختلفين !!!

و تاليتها معكم ؟!؟!؟!؟؟!؟

[Qatar40000]

مزايا باي باي

[بنسل]

صبحكم الله بالخير

حد يرشح لي شركة وساطة ممتازة جزاكم الله خير

[متداول صعب]

دلالة الساعه
11:30 pm
ان شاء الله

[Nasserqat]

صبحكم الله بالخير

حد يرشح لي شركة وساطة ممتازة جزاكم الله خير

صارلي شهرين مع دلالة و اموري طيبة الحمدلله انصحك عن تجربتي الشخصية

[بنسل]

صارلي شهرين مع دلالة و اموري طيبة الحمدلله انصحك عن تجربتي الشخصية

جزاك الله خير اخوي

[معماري قطري]

ما اشك في ان أرباح قامكو تفشل

[Abjalsulaiti]

استثمار عند منطقة دعم قويه

والسهم يرتفع ويصحح وماينزل عن المقاومات الي اخترقها

السهم صاير عليه تداول يومي كبير وهذا ممتاز

قيمته الدفتريه قريب ريال

والشركة تحقق ارباح برغم كرونا حتى لوفي تراجع

اتوقع نسمع عليها اخبار ايجابيه خصوصا مع قرب كاس العالم

السعر رخيص ومامنه خوف

[Nasserqat]

جزاك الله خير اخوي

يجزيك بمثله يارب

[نايم سهران]

مزايا تجميع على 1.210

[معماري قطري]

صارلي شهرين مع دلالة و اموري طيبة الحمدلله انصحك عن تجربتي الشخصية

انا لي سنين معاهم ومن أفضل الشركات

المفروض المجموعة تتحول مساهمة وتتطور أكثر ما ادري ليش ما تستوي مساهمة

[نايم سهران]

قامكو تجميع على 1.069

[معماري قطري]

مزايا تجميع على 1.210

آخر كمية خذتها ب 126 درعمت لو صابر كنت حصلته بسعر أحسن بس معدلي الحمد لله تحت للحين

[فرع الشقاوة]

استثمار عند منطقة دعم قويه

والسهم يرتفع ويصحح وماينزل عن المقاومات الي اخترقها

السهم صاير عليه تداول يومي كبير وهذا ممتاز

قيمته الدفتريه قريب ريال

والشركة تحقق ارباح برغم كرونا حتى لوفي تراجع

اتوقع نسمع عليها اخبار ايجابيه خصوصا مع قرب كاس العالم

السعر رخيص ومامنه خوف
ملاكه غير مستغلينه صح تحس انه ماله صانع

[Nasserqat]

انا لي سنين معاهم ومن أفضل الشركات

المفروض المجموعة تتحول مساهمة وتتطور أكثر ما ادري ليش ما تستوي مساهمة

صادق يامعماري وانت الي دليتني عليها قبل شهرين مانسى و الله يجزاك الخير على هالنصيحة الطيبة بارك الله فيك اخوي

[نايم سهران]

آخر كمية خذتها ب 126 درعمت لو صابر كنت حصلته بسعر أحسن بس معدلي الحمد لله تحت للحين

السهم تجميع من كم يوم متعمدين ينزلونه ... ان شاءالله بيفرحنا

[كلمة طيبة]

استثمار ، تصفية حسابات عند منطقة 620.

[معماري قطري]

قامكو تجميع على 1.069

انا صابر عليه متوقع مفاجأة في ارباحه ممكن مع الربع الرابع لأن الشركات الصناعية تصنع وتخزن والتسويق في فترة الطلب بين الربع الثالث والرابع .. وفي النهاية للحين حول سعر الاكتتاب وفوق هذا طلعت منه ربح كبير سابق

[نايم سهران]

اتوقع فودافون بيودع

:nice:

[معماري قطري]

صادق يامعماري وانت الي دليتني عليها قبل شهرين مانسى و الله يجزاك الخير على هالنصيحة الطيبة بارك الله فيك اخوي

الله يوفقك أوقات أقول في نفسي لين كثروا المتداولين في دلالة بيعلق السيستم خلني ساكت بس ما اقدر اكتم النصيحة

[Nasserqat]

الله يوفقك أوقات أقول في نفسي لين كثروا المتداولين في دلالة بيعلق السيستم خلني ساكت بس ما اقدر اكتم النصيحة

اجمعين ان شاء الله ههههههه

[معماري قطري]

السهم تجميع من كم يوم متعمدين ينزلونه ... ان شاءالله بيفرحنا

ما اخاف من الشركات العقارية حتى ازدان مع إن أرباحه تعيسة بس أتوقع كلها بسبب خساير التمويل ومشروعات كثيرة انفتحت عندهم ومقبلين على طفرة ما يبي له كلام وساعتها المستثمر بيقول يا ليتني صبرت على سعر تأسيس بنص ريال

[نايم سهران]

قامكو اذا طلع منه ابو دراهم بيتحرر مثل مزايا

[فرع الشقاوة]

ما اخاف من الشركات العقارية حتى ازدان مع إن أرباحه تعيسة بس أتوقع كلها بسبب خساير التمويل ومشروعات كثيرة انفتحت عندهم ومقبلين على طفرة ما يبي له كلام وساعتها المستثمر بيقول يا ليتني صبرت على سعر تأسيس بنص ريال

طب استثمار مش يعتبر تحت الشركات العقاريه ماله تعيس ليه

[معماري قطري]

عارض سهمين في السلام ونص سهم في استثمار وللحين ما وصل سعري

[نايم سهران]

طب استثمار مش يعتبر تحت الشركات العقاريه ماله تعيس ليه

قطاع صناعي مش عقاري

[نايم سهران]

مسخرة المجموعة في الجوال عندي غير والكمبيوتر غير .. !!

[معماري قطري]

طب استثمار مش يعتبر تحت الشركات العقاريه ماله تعيس ليه

لا استثمار المفروض استصناع مقاولات هذا مصطلحها استصناع ومجال المقاولات ملاكه يعرفون شلون ضعيف والله أعلم على الأقل هذي الفترة .. انا قلت اصفى على كم درهم اللي رابحهم وأقول له باي باي وشكلي تأخرت

[ابومبارك]

انا صابر عليه متوقع مفاجأة في ارباحه ممكن مع الربع الرابع لأن الشركات الصناعية تصنع وتخزن والتسويق في فترة الطلب بين الربع الثالث والرابع .. وفي النهاية للحين حول سعر الاكتتاب وفوق هذا طلعت منه ربح كبير سابق

100% كلامك صح

[فرع الشقاوة]

لا استثمار المفروض استصناع مقاولات هذا مصطلحها استصناع ومجال المقاولات ملاكه يعرفون شلون ضعيف والله أعلم على الأقل هذي الفترة .. انا قلت اصفى على كم درهم اللي رابحهم وأقول له باي باي وشكلي تأخرت

بس كقيمة دفترية وارباح مظلوم على هالسعر

[ابومبارك]

ما اخاف من الشركات العقارية حتى ازدان مع إن أرباحه تعيسة بس أتوقع كلها بسبب خساير التمويل ومشروعات كثيرة انفتحت عندهم ومقبلين على طفرة ما يبي له كلام وساعتها المستثمر بيقول يا ليتني صبرت على سعر تأسيس بنص ريال

الاسهم العقاريه مامنها خوف

[معماري قطري]

بس كقيمة دفترية وارباح مظلوم على هالسعر

أكيد وانظلموا اللي اكتتبوا وبعضهم بكميات كبيرة وزين الغالبية انتبهوا للمطب وخذوا من تحت أو اكتتبوا بخصم 50%

[معماري قطري]

الاسهم العقاريه مامنها خوف

مستقبل العقار المفروض يكون مبهر خلال سنوات طويلة قادمة .. اللي يقهر في شركاته هو عدم الشفافية واللف والدوران ويسوون عقود كبيرة ومبالغ فيها مع شركات محسوبة على مجالس ادارتهم فالمساهم ما يحصل ربح كله انشفط وتسرب .. ببساطة نحتاج رقابة ومحاسبة لهذي الإدارات وبعدين لازم بنشوف ارباح

[نايم سهران]

الي يبغي يبيع او يشتري اليوم ينتبه ... ترى اسعار المجموعة غير عن اسعار التداول !!!

[بوعابد3]

103772

شلون جيه؟:)

[Abjalsulaiti]

تم تحويل حسابي للتداول من المجموعه الى دلاله

[معماري قطري]

سنين طويلة ادارة شركة المتحدة أنشئوا شركات خدمات خاصة تخدم الشركة المساهمة وتمص الرحيق وللمستثمر دراهم بسيطة اللي تبقى .. ألحين بعد ما اشبعوا من قطر كول والا صارت غير مجدية معاهم قرروا يبيعونها للمتحدة .. يبيعون الجمل بما حمل وشوفوا بكم بيقيمونها

[Abjalsulaiti]

شاشة اسعار دلاله شغاله 100%

[نايم سهران]

تم تحويل حسابي للتداول من المجموعه الى دلاله

صاري لي فترة اقول بحول دلالة بس هالمره خلاص الوضع مأساوي مع المجموعة .. ان شاءالله احول دلالة ابرك

[Nasserqat]

صاري لي فترة اقول بحول دلالة بس هالمره خلاص الوضع مأساوي مع المجموعة .. ان شاءالله احول دلالة ابرك

احسن شي بتسويه اما اذا بتم مع المجموعة بتتعب

[بوناصر قطرر]

صاري لي فترة اقول بحول دلالة بس هالمره خلاص الوضع مأساوي مع المجموعة .. ان شاءالله احول دلالة ابرك

اي والله صدقت

[معماري قطري]

تم تحويل حسابي للتداول من المجموعه الى دلاله

زين سويت مع إن المجموعة المفروض تتطور وتحافظ على عملائها

معرفتي بمؤسسها قوية وأعزه بس الشركة ما عجبتني وطلعت منها خلال شهر من التعقيدات وحولت لدلالة

[معماري قطري]

شاشة اسعار دلاله شغاله 100%

جرب شاشة السوق وايد أحسن وانا تعودت عليها

[نايم سهران]

احسن شي بتسويه اما اذا بتم مع المجموعة بتتعب

اي والله تعبت بما فيه الكفايه ... تخيل الفرق عندي 5000 ريال بين الجوال والكمبيوتر ههههههههههههه

[][ الوحيد ][]

سنين طويلة ادارة شركة المتحدة أنشئوا شركات خدمات خاصة تخدم الشركة المساهمة وتمص الرحيق وللمستثمر دراهم بسيطة اللي تبقى .. ألحين بعد ما اشبعوا من قطر كول والا صارت غير مجدية معاهم قرروا يبيعونها للمتحدة .. يبيعون الجمل بما حمل وشوفوا بكم بيقيمونها


الامارات كانت معاهم فالشركه
والمتحده طالبين تمويل اصلاً من بنك بقيمه 500 مليون ..
اتوقع لشراء حصه الامارات و تطوير الشركه

[معماري قطري]

أفا يا دلالة إيه الخققان دأ

[Nasserqat]

اي والله تعبت بما فيه الكفايه ... تخيل الفرق عندي 5000 ريال بين الجوال والكمبيوتر ههههههههههههه

بوق عيني عينك هههههه

[Qtr37]

غريبة انا عندي نفس الشي الكمبيوتر والجوال
المجموعة

[معماري قطري]

[ الوحيد ][;10787165']الامارات كانت معاهم فالشركه
والمتحده طالبين تمويل اصلاً من بنك بقيمه 500 مليون ..
اتوقع لشراء حصه الامارات و تطوير الشركه

كانت بسهولة يقدرون يسوون اكتتاب عام وياسسون الشركة وحتى مقاولات وخدمات كثيرة تابعة للشركة الأُم لكن التعاون مع أشخاص معينين من أي دولة وراه إننا نبي الربح لنا وبس لنا .. إذا مدير ما يوقع مع شركة تابعة له حتى لو كانت مسجلة في تورا بورا ويوقع بغالي سهل ينعرف وين راحت أرباح الشركة

الشركات العقارية مدخولها متواصل وقوي ويزيد مع الوقت لأن اللي اشتروا في اللؤلؤة يقولون دفعنا كاش وما زلنا ندفع أجار بسبب الخدمات الغالية واللي كل فترة تزيد

انا ارفع صوتي اطالب بحقي كمساهم حتى لو عندي نص سهم من حقي طول ما انا دافع فيه فلوس وابي مردود

[Qtr37]

استثمار
شكله بينزل اقل من سعر شرائي :court:

[نايم سهران]

استثمار
شكله بينزل اقل من سعر شرائي :court:

عادي اصبر عليه ... رغم اني ما املك حاليا في السهم ...

وكل المحللين قالوا دام سعره فوق 0.600 اموره طيبه .. اهم شي ما يكسر الدعم 0.580

[Qtr37]

عادي اصبر عليه ... رغم اني ما املك حاليا في السهم ...

وكل المحللين قالوا دام سعره فوق 0.600 اموره طيبه .. اهم شي ما يكسر الدعم 0.580

ندمت اني مابعت على .680

[نايم سهران]

ندمت اني مابعت على .680

680 مقاومة .. لو اغلق فوقها بيروح 0.710 بعدين 0.770

[نايم سهران]

والله من تخبط المجموعة موب عارف الاسعار ولا عارف شنو الي قاعد يصير ... الله المستعان

[:: الصياد ::]

وبعدين في قامكو نبيع بخسارة ولا نصبر عليه

[:: الصياد ::]

:telephone:

[نايم سهران]

وبعدين في قامكو نبيع بخسارة ولا نصبر عليه

مضغوط بسبب ابو دراهم حاله حال استثمار .. اليوم طلع من مزايا والسهم تحرر الحمدلله .. عقبال البقية

[:: الصياد ::]

يا رب

[نايم سهران]

يا رب

اهم شي ما يكسر الدعم 1.030

ترا عادي يوصل الدعم ويرتد يعني مافي داعي تخاف .. الا اذا سكر تحت الدعم مصيبه

[.:: القيصر ::.]

تم تحويل حسابي للتداول من المجموعه الى دلاله

شكثر المدة تاخذها لاجراءات التحويل ؟؟؟

[:: الصياد ::]

اهم شي ما يكسر الدعم 1.030

ترا عادي يوصل الدعم ويرتد يعني مافي داعي تخاف .. الا اذا سكر تحت الدعم مصيبه

الله يبشرك ويبشرنا بكل بخير

[نايم سهران]

شكثر المدة تاخذها لاجراءات التحويل ؟؟؟

بيجاوبك ان شاءالله ... بس نورت :)

[صابر ومحتسب]

اهم شي ما يكسر الدعم 1.030

ترا عادي يوصل الدعم ويرتد يعني مافي داعي تخاف .. الا اذا سكر تحت الدعم مصيبه

اعتقد المحفظة الله باعت على 1.070 الاسبوع اللي طاف عم تضغط السعر لتشتري من جديد [emoji18]

[نايم سهران]

اعتقد المحفظة الله باعت على 1.070 الاسبوع اللي طاف عم تضغط السعر لتشتري من جديد [emoji18]

لحد الان ما باعت الكميه كبيره

[ابو جود]

.
*أعلل النفس بالآمال أرقبها ¯-*

*ما أضيق العيش لولا فسحة الأملِ*

[ابو جود]

معاناه مع تحرك السوق ومعاناه مع شركات الوساطه .. ونسأل الله الفرج

[.:: القيصر ::.]

بيجاوبك ان شاءالله ... بس نورت :)

النور نورك هههههخ

[ابومبارك]

ازدان محلك سر

[معماري قطري]

شكثر المدة تاخذها لاجراءات التحويل ؟؟؟

أتوقع ممكن تشتغل مع شركتين والتحويل أو فتح حساب سهل وتطلب سحب الاسهم المتوفرة في السجل المركزي مب عند وسيط ثاني بالتلفون

ضروري تودي بطاقتك ورقم المساهم وحساب الاسهم لو عندك من السجل المركزي وألحين يبغون الآي بان مال البنك رسمي بكتاب من البنك

[مستثمر رشيد]

يلا ياهامو بروة شيل 4 مليون سهم المعروضة ...

[معماري قطري]

تخلصت من أكثر كميتي في استثمار باقي قليل بس والسلام شكله فاتني القطار

[Qtr37]

تخلصت من أكثر كميتي في استثمار باقي قليل بس والسلام شكله فاتني القطار

عقبال ما اتخلص منه
نرفزني :waiting:

[نايم سهران]

يلا ياهامو بروة شيل 4 مليون سهم المعروضة ...

بتروح بالراحه الاعلان تاريخ 27

[Nasserqat]

دلالة الساعه
11:30 pm
ان شاء الله
ماصار شي بس نزل شوي؟

[مستثمر رشيد]

بتروح بالراحه الاعلان تاريخ 27

ان شاء الله يكون اعلان ايجابي يدعم السهم

[نايم سهران]

محاولة اقلاع في قامكو .. اما نحلق عاليا او يدخلنا في اقرب طوفه

[مستثمر رشيد]

يلا ياهامو بروة شيل 4 مليون سهم المعروضة ...

محكر له على 3.521 .... ياخي قطه رابع وخلصنا

[معماري قطري]

عقبال ما اتخلص منه
نرفزني :waiting:

الله يوفقك

لي نية الدخول مرة ثانية سواء ارتفع والا نزل لو شفت بوادر دخلت

[:: الصياد ::]

محاولة اقلاع في قامكو .. اما نحلق عاليا او يدخلنا في اقرب طوفه

إن شاء الله يتحرك شويا ويرتفع

[معماري قطري]

ماصار شي بس نزل شوي؟

شكلها محاولات تصريف في دلالة تعودنا قبل ربع من أحلى ما يمكن وربع تعيس

[ابو جود]

المؤشر يحاول العوده للصعود للاهداف اللي حددها بعض الاخوه المحلللين
هذه معناه ان اسهم الموشر واسهم العوائد حاليا افضل من اسهم الدراهم

[نايم سهران]

إن شاء الله يتحرك شويا ويرتفع

اعلانهم يوم الخميس ... قبل الاعلانات اغلب الاسهم ترتفع ...

ممكن تكون فرصه حق الي يبغي يبيع حق المضاربين ويدخل سهم ثاني ..

اما المستثمر ما يهمه اذا نزل السهم بيصبر عليه ..

[نايم سهران]

مبروكين اهل بروه من الحين

[مستثمر رشيد]

مبروكين اهل بروه من الحين

ممكن الاهداف القادمة ... وهل متوقع نمو في ارباح الربع الثالث؟؟؟

[نايم سهران]

ممكن الاهداف القادمة ... وهل متوقع نمو في ارباح الربع الثالث؟؟؟

اعتقد الهدف 3.8 والهدف الثاني 4

لكن نمو الارباح الله اعلم

[مستثمر رشيد]

اعتقد الهدف 3.8 والهدف الثاني 4

لكن نمو الارباح الله اعلم

ان شاء الله يصيب التوقع

[مضارب متعور]

صافي السيولة في إنماء 3.6 مليون ريال سيولة شراء
نسبة السيولة الشرائية 90% من إجمالي السيولة

إعلانها الليلة

[متداول صعب]

ماصار شي بس نزل شوي؟

السموحه ع التأخير
واجهت بعض اعضاء القروب مشاكل في التجميع
بس الحمدالله ارتفاع طيب اليوم

[][ الوحيد ][]

ركع استثمار تركييع

[Qtr37]

[ الوحيد ][;10787219']ركع استثمار تركييع

:weeping:

[][ الوحيد ][]

الوضع فالمنتدى شكله بيصير مثل قروب القابضه ايام قبل :telephone:

[ابومبارك]

المفروض ازدان يسكر على الاقل 2.300

��

[معماري قطري]

السموحه ع التأخير
واجهت بعض اعضاء القروب مشاكل في التجميع
بس الحمدالله ارتفاع طيب اليوم

الله يستر من المشاكل ليكونون تهاوشوا بس

[معماري قطري]

[ الوحيد ][;10787219']ركع استثمار تركييع

كان المفروض ابيع ب 66 يوم وصلها بس تأخرت

شكله واضح من التداول نتائج متواضعة أو خسائر

[متداول صعب]

اووووبا لكن الطبية يابت العيد في ملاكها

[مضارب يومي.]

اووووبا لكن الطبية يابت العيد في ملاكهاالله يعوض ملاكها و انا منهم
اتمنى تكون حصلت كميتك اليوم في دلاله التى كنت ترغبها

[ابومبارك]

بكره ان شاء الله السوق بيتعدل

[معماري قطري]

الحمد لله يوم تداول مربح وعوضت جزء من نزول الاسبوع اللي راح .. اليوم 0.4758%

[متداول صعب]

الله يعوض ملاكها و انا منهم
اتمنى تكون حصلت كميتك اليوم في دلاله التى كنت ترغبها
الله يعوضك
انا امس كتبت شي عن الطبية لو انك مراجع الصفحه في التحليل الفني

[كلمة طيبة]

استغرب من اللي يتكلم عن سبب نزول سهم استثمار ويربطه بنتائجه للربع الثالث ، اللي يسمع يقول سعره فوق الاكتتاب !!!!، بنك قطر الاول خسران مليار وخمسمائة مليون يعني 75% من قيمته وسعره الحالي اعلى من استثمار، الطبية خسرانة فوق 50% من قيمتها وسعرها فوق ضعف الاكتتاب. يعني لا يوجد مكان للعقل هنا، سوى انه لعب مضاربين قررو يرفع هالسهم وينزلو ذلك السهم لا اكثر ولا اقل . بغض النظر عن اساسيه او تحليله الفني .

[معماري قطري]

استغرب من اللي يتكلم عن سبب نزول سهم استثمار ويربطه بنتائجه للربع الثالث ، اللي يسمع يقول سعره فوق الاكتتاب !!!!، بنك قطر الاول خسران مليار وخمسمائة مليون يعني 75% من قيمته وسعره الحالي اعلى من استثمار، الطبية خسرانة فوق 50% من قيمتها وسعرها فوق ضعف الاكتتاب. يعني لا يوجد مكان للعقل هنا، سوى انه لعب مضاربين قررو يرفع هالسهم وينزلو ذلك السهم لا اكثر ولا اقل . بغض النظر عن اساسيه او تحليله الفني .

آراء وتفسيرات وانت شتفسيرك؟

الأول استوت له إعادة هيكلة ووضعه يختلف بنك وكثير متورطين فيه بأسعار عالية منهم انا .. استثمار كبار ملاكه اشتروا غالبية أسهم الإكتتاب تجاوزاً وهي أصلاً لهم من الأساس وحاولوا يبيعونها اكتتاب للعامة والسهم طالع عليهم وايد أرخص وهم اللي يبيعون وأكيد معاهم مضاربين استفادوا كم درهم وباعوا منهم انا بعد

لا تستغرب آراء واستراتيجيات وكل متداول له الحرية وبإذن الله يرتفع فوق ريال

[مضارب يومي.]

الله يعوضك
انا امس كتبت شي عن الطبية لو انك مراجع الصفحه في التحليل الفني
فعلا ده اللى انت كتبته

انا ايام الطبية كانت عدد صفقاتي تقريبا 7-8 في نفس الجلسه
كان ايام السهم في نفس الجلسه يفتتح لمت اب و ينزل لمت داون و يرد لمت اب نهاية الجلسة.. و ماكنت اعلق معاكم ف المنتدى
بس بخصوص دلالة الاسبوع الجاي .. لا تشتري بس ترقب سعر 2.5 ريال اقل شي ان شاء الله

ماشاء عليك انا لاحظت فعلا اكتر من حاجه انت كتبتها وحصلت فعلا وبدأت أتباشر بيك
لدرجه انى اشتريت فى دلاله اليوم بناء على توصيتك انها اقل شىء بتوصل 2.5 ريال لانى فعلا نفسى اعوض خسايرى اللى تجاوزت ثلث رأس مالى

[متداول صعب]

فعلا ده اللى انت كتبته


ماشاء عليك انا لاحظت فعلا اكتر من حاجه انت كتبتها وحصلت فعلا وبدأت أتباشر بيك
لدرجه انى اشتريت فى دلاله اليوم بناء على توصيتك انها اقل شىء بتوصل 2.5 ريال لانى فعلا نفسى اعوض خسايرى اللى تجاوزت ثلث رأس مالى

الله يسلمك عزيزي..
بس ترا انا ما اعلم الغيب و انت لك الحرية تشتري او تبيع
انا حالي حال باقي الربع اشارككم برأيي في المنتدى
و ان شاء الله فالك خير

[مضارب يومي.]

الله يسلمك عزيزي..
بس ترا انا ما اعلم الغيب و انت لك الحرية تشتري او تبيع
انا حالي حال باقي الربع اشارككم برأيي في المنتدى
و ان شاء الله فالك خيرأكيد طبعا بعرف ان كلها اجتهادات و بالنهايه السوق هو اللى بيقول كلمته ولكن نتعشم في الله خير

[فرع الشقاوة]

استغرب من اللي يتكلم عن سبب نزول سهم استثمار ويربطه بنتائجه للربع الثالث ، اللي يسمع يقول سعره فوق الاكتتاب !!!!، بنك قطر الاول خسران مليار وخمسمائة مليون يعني 75% من قيمته وسعره الحالي اعلى من استثمار، الطبية خسرانة فوق 50% من قيمتها وسعرها فوق ضعف الاكتتاب. يعني لا يوجد مكان للعقل هنا، سوى انه لعب مضاربين قررو يرفع هالسهم وينزلو ذلك السهم لا اكثر ولا اقل . بغض النظر عن اساسيه او تحليله الفني .

علشان كده بقول مالوش حد يسال عليه