:: جلسة تداول يوم الأحد الموافق 25-10-2020 ::

[السيلاوي]

السلام عليكم ورحمة الله وبركاته

تفاءلوا بالخير تجدوه

ان شاء الله يوم تداول موفق للجميع

[تركي الشمري]

وعليكم السلام ورحمة الله وبركاته

صباح الورد

بالتوفيق للجميع إن شاء الله

[مضارب يومي.]

صباح الخير على الجميع

[محمد ١]

السلام عليكم ورحمة الله وبركاته

[بوجبر]

صبحكم الله بالخير

منور يا السيلاوي:nice::nice:

[ابو جود]

السلام عليكم ورحمة الله وبركاته

صبحكم الله بالخير

وبإذن الله يومكم خير وتوفيق
وكل الاسبوع وكل ايامكم..

[يعقوب ذياب]

السلام عليكم ورحمة الله وبركاته

واسعد الله صباحكم بكل خير

[وسمي2016]

السلام عليكم ورحمة الله وبركاته

واسعد الله صباحكم جميعا بكل خير

فالكم الاخضر بأذن الله

[متداول صعب]

صباح الخير والله يوفق الجميع..
ملاك استثمار فالكم خير باذن الله

[qatar 86]

صبحكم الله بالخير

كل التوفيق للمخازن وأهل المخازن

[Suits]

السلام عليكم ورحمة الله وبركاته

[Qtr37]

صباح الخير

[ابومبارك]

يبون يخرعون الناس في قامكو
ارجوا الصمود
السهم ماعليه خوف

[بنسل]

صبحكم الله بالخير

صدنا قامكو على 0.969

[رهيب]

بروة العقارية تعتزم إطلاق الأعمال الإنشائية لـ "مدينتُنا" و"براحة الجنوب" وتوقيع ترسية تطوير المشروعين مع شركة أورباكون لتنفيذ أعمال الإنشاءات

أعلنت مجموعة بروة العقارية عن إطلاق الأعمال الإنشائية لمشروعين جديدين على قطعتي أرض مستأجرتين من إدارة أملاك الدولة في مدينة الوكرة، الأول هو مشروع "مدينتُنا" وهو مدينة سكنية للعائلات، أما المشروع الثاني فهو "براحة الجنوب" مدينة سكنية للفئة العاملة. وذلك خلال حفل إطلاق سيتم استضافته اليوم الأحد 25 أكتوبر في موقع مشروع "مدينتُنا". وخلال حفل الإطلاق سيتم توقيع ترسية تطوير المشروعين مع شركة أورباكون للتجارة والمقاولات.
يهدف المشروعين لتقديم مستوى معيشي عالي الجودة لمختلف فئات المجتمع ضمن مدن سكنية حديثة متكاملة الخدمات.
تبلغ قيمة العقد 5,010,065,650 ريال قطري (خمسة مليارات وعشرة ملايين وخمسة وستون ألف وستمائة وخمسون ريال قطري)، على أن يتم الإنتهاء من أعمال تطوير المشروعين في مايو 2022. ومن المتوقع أن يسهم المشروعين الجديدين عند استكمالهم في زيادة الإيرادات التشغيلية للمجموعة وتعزيز النمو المستدام لعائدات المساهمين. كما تجدر الإشارة بعدم وجود تضارب مصالح.
جدير بالذكر أن مشروع "مدينتُنا" يمتد على مساحة 1,141,689 متر مربع ويستوعب 27 ألف نسمة تقريبا. سيوفر المشروع هايبر ماركت ومحلات للبيع بالتجزئة ومساجد وغيرها من خدمات المرافق العامة، لتصل إجمالي المساحة المبنية إلى 1,035,554 متر مربع تقريباً.
أما مشروع "براحة الجنوب" يمتد على أرض تبلغ مساحتها 773,457 متر مربع، تصل طاقتة الاستيعابية لحوالي 67,360 عامل، حيث يوفر هايبر ماركت ومحلات البيع بالتجزئة والمساجد وغيرها من الخدمات والمرافق العامة، لتصل إجمالي المساحة المبنية إلى 750,742 متر مربع تقريبا.

[بوخميس]

صبحكم الله بالخير

صدنا قامكو على 0.969

شغلك عدل

[qatar 86]

كفو مخازن كفو يالحزين

مثل الجبل واقف

[qatar 86]

صانع السوق أمسك السوق ولا بتروح فيها

[Qatar40000]

صباح الخير
مزايا للحين ضاغطين السهم بس اتوقع له ارتداد قريب ان شاء الله

[Ahmed86]

الوضع قمار حاليا

[متداول صعب]

مبروك استثمار .. تم زيادة الكمية
السهم قدر ع المقاومة و ماباقي شي و يكسر ال 0.6*

[بنسل]

شغلك عدل

الواحد يكون عنده كاش هاليومين يصيد فيه كم سهم للمضاربه

[فرع الشقاوة]

مبروك استثمار .. تم زيادة الكمية
السهم قدر ع المقاومة و ماباقي شي و يكسر ال 0.6*

اى مقاومة قصدك عليها مقاومة 0.6 مثل اخر جلسه ولا 0.585 مثل اليوم

[مضارب ولهان]

مبروك استثمار .. تم زيادة الكمية
السهم قدر ع المقاومة و ماباقي شي و يكسر ال 0.6*
هههههههههههههههه

[][ الوحيد ][]

تطبيل اكثر من جذي ماشفت

[Ahmed86]

مبروك استثمار .. تم زيادة الكمية
السهم قدر ع المقاومة و ماباقي شي و يكسر ال 0.6*

خاف الله ، في ناس يشوفون كلامك و يشترون

[على قدي]

الموشر يقترب من نقطه دعم 9906

[مضارب ولهان]

[ الوحيد ][;10788825']تطبيل اكثر من جذي ماشفت

هههههههه مش حالك

[فرع الشقاوة]

خاف الله ، في ناس يشوفون كلامك و يشترون

:victory: الكل قال ومفيش فايده

[بنسل]

صبحكم الله بالخير

صدنا قامكو على 0.969

بعت يربح بسيط الحمدلله

[Qtr37]

المشكلة في ناس تتكلم بدون اي خبرة
مادري على اساس
كلام فاضي

[متداول صعب]

اى مقاومة قصدك عليها مقاومة 0.6 مثل اخر جلسه ولا 0.585 مثل اليوم
0.585

[Ahmed86]

اسهم تنزل 5% بـ 900 الف ريال

و الله مصــــخــــــــــــره

[متداول صعب]

لو نزل عن 0.580 مشكله كبيرة

[بنسل]

اسهم تنزل 5% بـ 900 الف ريال

و الله مصــــخــــــــــــره

هالكلام صاير من كم جلسة
مافي اي احترام للدعوم :anger2:

[مضارب ولهان]

لو نزل عن 0.580 مشكله كبيرة

ليتني مسؤول ف المنتدى بس هههههه

[فرع الشقاوة]

لو نزل عن 0.580 مشكله كبيرة

وارد جدا ينزل

[Ahmed86]

لو نزل عن 0.580 مشكله كبيرة

و انت و الهوامير اخوياك وش تسوون ؟ قروب الواتس اب شغلوه هههههه

[مضارب ولهان]

و انت و الهوامير اخوياك وش تسوون ؟ قروب الواتس اب شغلوه هههههه
نايمين اليوم انتظر يصحون هههه

[مضارب ولهان]

شكله الريان ناويها اليوم وهالاسبوع حفله له ولا ايش رايكم

[][ الوحيد ][]

يصرف اللي عنده على هالاسعار و يعشم الناس

[الاسطوره]

[ الوحيد ][;10788825']تطبيل اكثر من جذي ماشفت

حدددده القوي

[متداول صعب]

و انت و الهوامير اخوياك وش تسوون ؟ قروب الواتس اب شغلوه هههههه

والله نحاول نسوي كونترول قد ما نقدر

[Ahmed86]

شكله الريان ناويها اليوم وهالاسبوع حفله له ولا ايش رايكم

التداول ما يشجع و لا المؤشر

احسن الناس تصبر لا تضيع فلوسها

السوق مبين مافيه سيولة و الناس مدري ليه خايفه و تبيع ! مافي اخبار سلبية الا خبر ارباح قامكو

[مضارب ولهان]

[ الوحيد ][;10788841']يصرف اللي عنده على هالاسعار و يعشم الناس

مصدق انت ماعنده الا الفلس هههه

[الاسطوره]

السلام عليكم


نحتاج القيصر + معماري + مضارب دوسري


نحتاجهم في مثل هذه الاوقات ههههه


موفقين جميعا

[Abjalsulaiti]

بنك الريان ولع

السعر كان مظلوم بدا يتحرك واخترق مقاومات قويه

[متداول صعب]

[ الوحيد ][;10788841']يصرف اللي عنده على هالاسعار و يعشم الناس

لا والله ماصرفت ولا سهم

[مضارب ولهان]

اوووبا الريان طاير ماشاء الله يستاهلون ملاكه فالهم الرقم اللي يطيب خاطرهم

[بوجبر]

لا تفوتكم قامكو

السهم علية تجميع قوي

[qatar 86]

لا تفوتكم قامكو

السهم علية تجميع قوي

من صجك ولا تطنز

[مضارب ولهان]

لا تفوتكم قامكو

السهم علية تجميع قوي
يمكن استثمار على قولة فلان ههههههه الحين بيدخلون هل القروووب ماعليك ههههه لاحد يصدقني وياخذ ترى اطقطق

[مضارب ولهان]

من صجك ولا تطنز
ماتعرف بوجبر يطقطق

[مضارب ولهان]

انفجر الريان شكله المايسترووو طامر عليه

[معماري قطري]

السلام عليكم


نحتاج القيصر + معماري + مضارب دوسري


نحتاجهم في مثل هذه الاوقات ههههه


موفقين جميعا

عليكم السلام ورحمة الله وبركاته

موجود أقرا المشاركات ووضع السوق يخليك تراقب بس اللي باع الخميس استفاد أما اليوم السوق قابل للارتداد أو قول أسهم كثيرة نزولها غير مبرر

[aaqatar]

شكله اسهم الخشخاش بترد لمكانها الطبيعي , اغترينا فيها للأسف

[Ahmed86]

انفجر الريان شكله المايسترووو طامر عليه

ما يقدر على اسهم نفس الريان

[vip1982]

السلام عليكم, لازم ماننكر الوضع العالمي لكورونا وازدياد الحالات بشكل غير مسبوق, طبيعي يأثر بالسوق بشكل سلبي.

[متداول صعب]

للعلم تم الخروج من استثمار بخسارة فادحة

[Qtr37]

استثمار .571 ولا حول ولا قوة الا بالله :)

[مضارب ولهان]

ما يقدر على اسهم نفس الريان

بيقدر لو المحافظ معاه ماتضغط على السهم

[][ الوحيد ][]

ما يقدر على اسهم نفس الريان

قاط نص مليار في المتحده .. مايقدر على الريان ؟

[مضارب ولهان]

استثمار .571 ولا حول ولا قوة الا بالله :)
هههههههههه وين وين بتشوف وبتشوف الاسبوع الجاي تاكد حوبة الناس ماراح تفكك الله يهديك ويهدينا

[][ الوحيد ][]

للعلم تم الخروج من استثمار بخسارة فادحة

تأكد ان اي حد شرا فالسهم وخسر في ذمتك

[elders]

شصاير على هذا النزول ؟؟؟
استغفر الله العظيم

[Abjalsulaiti]

الريان اذا اخترق 4.40 وراه علوم جامدده

[متداول صعب]

استثمار .571 ولا حول ولا قوة الا بالله :)

سهم زبالة .. شكله متجه على لمت داون

[مستثمر رشيد]

للعلم تم الخروج من استثمار بخسارة فادحة

الله يعوضك خير أن شاء الله ...

[Qtr37]

للعلم تم الخروج من استثمار بخسارة فادحة

ليش فادحة اذا انك شريت بالسعر النازل
ناس للاسف شرت فوق .620 بعد الارتفاع الاخير

[معماري قطري]

الريان وضعه حلو وشكله رايح لأرقام عتيق

[ابومبارك]

لي شهر وانا اسمع استثمار واستثمار
واشوفها محلك سر
دعايه وهميه

[][ الوحيد ][]

سهم زبالة .. شكله متجه على لمت داون

خلصت اللي عندك و صرفت عالمساكين اللي عشمتهم بالخير ؟*

[Ahmed86]

للعلم تم الخروج من استثمار بخسارة فادحة

نفس حركتك في السلام تقريبا ،،، اللي خليتهم يشترون بتطبيلك خصومك امام الله

سلملي على قروب الواتس اب يا هامور

[Qtr37]

هههههههههه وين وين بتشوف وبتشوف الاسبوع الجاي تاكد حوبة الناس ماراح تفكك الله يهديك ويهدينا

انا مالي خص ياخوي شكلك خربطت بيني وبين حد ثاني
انا انصدمت من النزول بالرغم اني شريت بناءا على نصيحة ناس انه بيرتفع

[][ الوحيد ][]

نفس حركتك في السلام تقريبا ،،، اللي خليتهم يشترون بتطبيلك خصومك امام الله

سلملي على قروب الواتس اب يا هامور


ودلاله

[معماري قطري]

سهم زبالة .. شكله متجه على لمت داون

باقي عندي ثلث الكمية وللحين ربح سعري فيه 555 ولو نزل عن سعري بقيمة جيدة باعدل المتوسط

[فرع الشقاوة]

سهم زبالة .. شكله متجه على لمت داون

دلوقتى سهم زباله لا حول ولا قوة الا بالله

[معماري قطري]

لي شهر وانا اسمع استثمار واستثمار
واشوفها محلك سر
دعايه وهميه

ما دام كبار ملاكها يبيعون اعرف إن وراها أخبار مب سارة

بس استثمار والسلام أسهم مضاربية انطرهم يوصلون القاع واخذ وكذلك ازدان وقتهم مب ألحين

[دينالي]

وضع السوق يذكرني بالسقوط الحر
وين ايام الاخضر والكل يحقق اهدافه

[دينالي]

سهم السينما ياطالع لمت اب يانازل لمت اب ياراقد مايتحرك

[Ahmed86]

وضع السوق يذكرني بالسقوط الحر
وين ايام الاخضر والكل يحقق اهدافه

تدري ما عندي مشكله في السقوط

لكن يوم تشوف كل شي ساقط و المؤشر نازل 0.3% بس ، هنا ترقل

[متداول صعب]

[ الوحيد ][;10788881']ودلاله

ليكون عبالكم انا اللي احرك السوق
حبيبي السوق اليوم كله متأزم

[متداول صعب]

ولا مره قلت حق احد يشتري او يبيع
انا احط رايي و انت تشتري و تخسر
شدخلني فيك
تقولي خصومك امام الله

[دينالي]

تدري ما عندي مشكله في السقوط

لكن يوم تشوف كل شي ساقط و المؤشر نازل 0.3% بس ، هنا ترقل

اعتقد ا الهبوط طبيعي بعد موجات الصعود الاخيرة والسوق له عودة
وملاحظ ان الاسواق العالمية تمشي مع بعضها ومؤشر قطر ليس استثناء الاغلب احمر الحين

[معماري قطري]

تدري ما عندي مشكله في السقوط

لكن يوم تشوف كل شي ساقط و المؤشر نازل 0.3% بس ، هنا ترقل

المؤشر كلش ما اصدقه يوم الخميس نازل 0.09% وانا محفظتي نزول 0.92%

نظام دلالة حلو يعطيك ربح أو خسارة المحفظة في اللحظة تقسمه على راسالمال الكلي تطلع النسبة

[Ahmed86]

ولا مره قلت حق احد يشتري او يبيع
انا احط رايي و انت تشتري و تخسر
شدخلني فيك
تقولي خصومك امام الله

طيب ان شاء الله

لا تطبل بس

من قالك اشتري على شورك ؟ عزتي للي يشتري على كلامك و الله !

[مستثمر رشيد]

ولا مره قلت حق احد يشتري او يبيع
انا احط رايي و انت تشتري و تخسر
شدخلني فيك
تقولي خصومك امام الله


نادر ما اتخذ قراري بناء على كلام مبني على توقعات ....

كل واحد قراره بيده هو من يتخذ قرار الشراء او البيع

ولكن الواحد احيانا تاخذه الحماسة لما يشوف سهمه يصعد

[qatar 86]

السيلاوي

حبايبك المطبلين مختفيين هاليومين :nice:

[نايم سهران]

واستعينوا بالصبر والصلاه

[معماري قطري]

ولا مره قلت حق احد يشتري او يبيع
انا احط رايي و انت تشتري و تخسر
شدخلني فيك
تقولي خصومك امام الله

إنت يا اخوي تتكلم بعدد أسهم كبير وتأكد وتجزم وقلت دلالة لو ما وصلت الاسبوع اللي راح ريالين ونص بتقطع المنتدى ولا وصلت

شوف الغالبية عمرهم ما أكدوا وبعدين كل واحد وضعه يختلف اللي يدير محفظة بعشر ملايين واللي بعشرين واللي ب 100000 وكل واحد يسترزق .. يبين منهم اللي يحط كل فلوسه في سهم ويتعدى 1% بس محد يصرح يقول باشتري ويأكد ويقول جيبوا لي شخص يبيع 5 ملايين وانت تعرف زين ان اللي بيبيع مب قايل لك تعال اشتر بيعرض في السوق

[مضارب ولهان]

انا مالي خص ياخوي شكلك خربطت بيني وبين حد ثاني
انا انصدمت من النزول بالرغم اني شريت بناءا على نصيحة ناس انه بيرتفع
لا اخوي ماقصدك السموحه اقصد متداول صعب اللي حشرني بتشوف وبتشوف الاحد والمصيبه يقول وين بتودي وجهك اقول بس حسبي الله ونعم الوكيل الحمدلله اني فاهمك

[دينالي]

في عضو نكبني في كل مره خذت بشورة ورغم انه يجيب العيد بس طريقت في التطبيل تخلي الواحد يتحمس ويشتري وافر جديا افعل الخاصية اللي ماتخليني اشوف تعليقاته
في بالنهاية انا ماقدر الوم اي عضو على خسارتي لاني انا اللي احط امر البيع والشراء والامور هذي جزء من الخبرة اللي نكتسبها

[مضارب ولهان]

ليكون عبالكم انا اللي احرك السوق
حبيبي السوق اليوم كله متأزم
ههههههههه مصدق انت من يقول ان نفكر انت اللي تحرك السوق حسستني انك جهاز قطر ههههههه اقول بس اعمل حالك ميت

[معماري قطري]

زين تخلصت من استعمار ب 573 ربح أقل من درهمين للكمية الباقية ولا انتظار الخسارة

[مضارب ولهان]

إنت يا اخوي تتكلم بعدد أسهم كبير وتأكد وتجزم وقلت دلالة لو ما وصلت الاسبوع اللي راح ريالين ونص بتقطع المنتدى ولا وصلت

شوف الغالبية عمرهم ما أكدوا وبعدين كل واحد وضعه يختلف اللي يدير محفظة بعشر ملايين واللي بعشرين واللي ب 100000 وكل واحد يسترزق .. يبين منهم اللي يحط كل فلوسه في سهم ويتعدى 1% بس محد يصرح يقول باشتري ويأكد ويقول جيبوا لي شخص يبيع 5 ملايين وانت تعرف زين ان اللي بيبيع مب قايل لك تعال اشتر بيعرض في السوق

يارجال قال اكثر من هالكلام والله ومصور لكن قلت له وعد الله حق ومن يضر الناس بينضر ولا زلت اعتب على المسؤولين ف المنتدى

[يعقوب ذياب]

في علم التحليل مافي شي اكيد
التحليل يمكن يصيب وممكن يخيب
اتمنى محد يشترى بناء على توقعات
وقرار الشراء والبيع في يدك

وما توفيقي الا من الله

وان اصبت نعمه من الله وان اخطات فهو تقصير مني

[السيلاوي]

السيلاوي

حبايبك المطبلين مختفيين هاليومين :nice:

قاعدين يطبلون في تويتر وما حد لاجمهم:secret::anger1:

[متهور]

متداول صعب :funny:

[almor3eb2]

لو نزل عن 0.580 مشكله كبيرة


على اي اساس ؟
اذا عندك شارت يدعم كلامك عن هالمستوى يا ريت تنزله
غير كذا الافضل ما يتم تحذير من ارقام بلا معنى

[Stars]

احداث يوم غدا

مؤتمرات و أحداث الملاحة
موعد اعلان نتائج مالية بلدنا
مؤتمرات و أحداث الخليجي
موعد اعلان نتائج مالية فودافون قطر
مؤتمرات و أحداث التجاري
موعد اعلان نتائج مالية دلالة

[qatar 86]

قاعدين يطبلون في تويتر وما حد لاجمهم:secret::anger1:

أشوفهم ههههههههههههه

[بوجبر]

يبيلي اشتري قامكو

[متداول صعب]

على اي اساس ؟
اذا عندك شارت يدعم كلامك عن هالمستوى يا ريت تنزله
غير كذا الافضل ما يتم تحذير من ارقام بلا معنى

مب كلامي والله
كلام محللين
ماقدر اذكر اسامي ..
كلام محللين كبار

[السيلاوي]

يبيلي اشتري قامكو

انطر يا بو جبر
مو وقته الحين

[بوجبر]

انطر يا بو جبر
مو وقته الحين


يقولون علية تجميع محافظ

ههههههههه

[معماري قطري]

في علم التحليل مافي شي اكيد
التحليل يمكن يصيب وممكن يخيب
اتمنى محد يشترى بناء على توقعات
وقرار الشراء والبيع في يدك

وما توفيقي الا من الله

وان اصبت نعمه من الله وان اخطات فهو تقصير مني

كلامك صحيح 100% التحليل أداة من أدوات توقع مسار السهم وما تقصرون في تحليلاتكم .. بعد نبغي نعرف متى نشتري ومتى قاع كل سهم ما تقصرون تنبهونا إنت وباقي الإخوان لكثير من الأسهم ولا استثني حد لا محلل ولا متداول فاهم ولا محاور اقتصادي يمدنا بمعلومات مختصرة وينبهنا لأسهم كثيرة

[qatar 86]

دمك شربات اليوم يا بوجبر :nice:

[متهور]

مب كلامي والله
كلام محللين
ماقدر اذكر اسامي ..
كلام محللين كبار

كبار = حجم بيج ماك بيف لارج كومبو (كومستاكا ) ؟؟؟ :taunt:

[معماري قطري]

احداث يوم غدا

مؤتمرات و أحداث الملاحة
موعد اعلان نتائج مالية بلدنا
مؤتمرات و أحداث الخليجي
موعد اعلان نتائج مالية فودافون قطر
مؤتمرات و أحداث التجاري
موعد اعلان نتائج مالية دلالة

متوقع دلالة + وفودافون ++ بلدنا شاك في الموضوع

[معماري قطري]

يقولون علية تجميع محافظ

ههههههههه

السهم فاشل هذا الربع بس مب معناها دوم وتجميع المحافظ معروف من كان بنص ريال

خذ المقسوم منه واجمع فيه

[يعقوب ذياب]

كلامك صحيح 100% التحليل أداة من أدوات توقع مسار السهم وما تقصرون في تحليلاتكم .. بعد نبغي نعرف متى نشتري ومتى قاع كل سهم ما تقصرون تنبهونا إنت وباقي الإخوان لكثير من الأسهم ولا استثني حد لا محلل ولا متداول فاهم ولا محاور اقتصادي يمدنا بمعلومات مختصرة وينبهنا لأسهم كثيرة

مؤشر السوق هبط وكسر خط الترند الصاعد ويوحي بنزول اكثر لحد الان مش مبين هل يرتد او يواصل الهبوط
عن نفسي اشوف التريث افضل من الدخول حاليا ولكن هذا لا يمنع من الدخول التدريجي لبعض الاسهم اللي وصلت لمناطق الدعم

[السيلاوي]

يقولون علية تجميع محافظ

ههههههههه

تجميع في تويتر :nice:

[معماري قطري]

عمق في الأحمر وعادي يوصل 1% اليوم بس الحلو السيولة قليلة عن معدل كل يوم

[السيلاوي]

مؤشر السوق هبط وكسر خط الترند الصاعد ويوحي بنزول اكثر لحد الان مش مبين هل يرتد او يواصل الهبوط
عن نفسي اشوف التريث افضل من الدخول حاليا ولكن هذا لا يمنع من الدخول التدريجي لبعض الاسهم اللي وصلت لمناطق الدعم

جزاك الله خير اخوي يعقوب
ايش رأيك في فودافون

[qatar 86]

مؤشر السوق هبط وكسر خط الترند الصاعد ويوحي بنزول اكثر لحد الان مش مبين هل يرتد او يواصل الهبوط
عن نفسي اشوف التريث افضل من الدخول حاليا ولكن هذا لا يمنع من الدخول التدريجي لبعض الاسهم اللي وصلت لمناطق الدعم

الريان اللي ماسك المؤشر حالياً

لكن لو هدا بنعمق بالأحمر وممكن نختبر 9800

[يعقوب ذياب]

ممكن يختبر 9822 واذا كسرها يروح الى 9700

[معماري قطري]

مؤشر السوق هبط وكسر خط الترند الصاعد ويوحي بنزول اكثر لحد الان مش مبين هل يرتد او يواصل الهبوط
عن نفسي اشوف التريث افضل من الدخول حاليا ولكن هذا لا يمنع من الدخول التدريجي لبعض الاسهم اللي وصلت لمناطق الدعم

جزاك الله خير متوقع يواصل وبنشوف شيصير

[فرع الشقاوة]

السهم فاشل هذا الربع بس مب معناها دوم وتجميع المحافظ معروف من كان بنص ريال

خذ المقسوم منه واجمع فيه

الناس عندها امل قامكو يبقا زاى بلدنا بتحليل مالى بسيط شوفوا عدد الاسهم والارباح فى كل شركة هايتضح بالعقل ان صعب يكون صعود قامكو بسعره الان يحصل بلدنا والله اعلم

[يعقوب ذياب]

واذا كسر 9700 يكون منطقه الارتداد بتكون مابين 9400 الى 9420

هذا والعلم عند الله

[يعقوب ذياب]

واذا كسر 9700 يكون منطقه الارتداد بتكون مابين 9400 الى 9420

هذا والعلم عند الله

طبعا مب لازم يكون اليوم ولكن خلال هالاسبوعين الا اذا جات اخبار خارجيه ممتازه

[متداول صعب]

باال السلام سوا بلنتي

[مستثمر رشيد]

اتوقع نشوف بعض الاسهم لمت دوان اليوم

[نايم سهران]

ازدان لمت داون للمره الثانيه على التوالي !

[متداول صعب]

لا حول ولا قوة الا بالله العلي العظيم..
الله يعوضنا الخساير

[نايم سهران]

اتوقع قامكو بيغلق على اللمت دوان

[مستثمر رشيد]

ازدان لمت داون للمره الثانيه على التوالي !

اتوقع قامكو تلحقه

[مستثمر رشيد]

ومزايا وراهم

[مستثمر رشيد]

من الي بيجيب المت دوان قبل ؟؟؟؟؟؟

[متداول صعب]

من خلال كلامي امس مع كبار المحللين .. ماقدر اذكر اسمه
سهم استثمار لو نزل عن المقاومة 0.580 المفروض يوصل القاع 0.5 عقب يرتد

[qatar 86]

اتوقع قامكو تلحقه

مستحيل السهم عليه تجميع محافظ

ههههههههههههههههه

[نايم سهران]

ومزايا وراهم

ودلاله وانماء ... وممكن الاول الله اعلم

[محمودعلى]

هوا ليش دوم وقت النزول ... البعض يدور حد يعلق عليه خسارتة ، الاول والاخير رزق واجتهاد . والسوق مازال بخير حتى وان صحح ولكن اللوم صحيح للي دش اسهم هوا نفسه يدري انها ما تسوى ربع ثمنها وحتى بدون ما يكون عنده رؤية مضاربيه حتى للبيع او وقف الخسارة ، بشكل عام جلسة الاحد ليست مقياس ، خروج سيولة من اسهم معينة يدعم دخولها باخرى . والفزع الزيادة مش مطلوب

[ابو جود]

لا حول ولا قوة الا بالله

الله يعوضنا خير

[معماري قطري]

الناس عندها امل قامكو يبقا زاى بلدنا بتحليل مالى بسيط شوفوا عدد الاسهم والارباح فى كل شركة هايتضح بالعقل ان صعب يكون صعود قامكو بسعره الان يحصل بلدنا والله اعلم

جمعت فيه كمية كبيرة قرب نص ريال وبعت على دفعات من 80 لين 70 درهم ورجعت خذت ثلث الكمية بمعدل 1.003 وللحين عندي .. الحمد لله طلعت توزيع كم سنة من المضاربات ذي والكمية اللي عندي ما لي نية ابيعها حتى لو ارتفع

[فرع الشقاوة]

مستحيل السهم عليه تجميع محافظ

ههههههههههههههههه
كرهت كلمة محافظ ههههه

[الاسطوره]

نشتري ولا نصبر ؟

[مستثمر رشيد]

مستحيل السهم عليه تجميع محافظ

ههههههههههههههههه


وينها ؟؟؟؟؟؟؟

[A7med]

قامكو خسرانه وفهمنا سبب النزول
انماء ليش !!

[معماري قطري]

هوا ليش دوم وقت النزول ... البعض يدور حد يعلق عليه خسارتة ، الاول والاخير رزق واجتهاد . والسوق مازال بخير حتى وان صحح ولكن اللوم صحيح للي دش اسهم هوا نفسه يدري انها ما تسوى ربع ثمنها وحتى بدون ما يكون عنده رؤية مضاربيه حتى للبيع او وقف الخسارة ، بشكل عام جلسة الاحد ليست مقياس ، خروج سيولة من اسهم معينة يدعم دخولها باخرى . والفزع الزيادة مش مطلوب

:nice: تأييدي

[فرع الشقاوة]

جمعت فيه كمية كبيرة قرب نص ريال وبعت على دفعات من 80 لين 70 درهم ورجعت خذت ثلث الكمية بمعدل 1.003 وللحين عندي .. الحمد لله طلعت توزيع كم سنة من المضاربات ذي والكمية اللي عندي ما لي نية ابيعها حتى لو ارتفع

الحمد لله ربنا يباركلك

[مستثمر رشيد]

نشتري ولا نصبر ؟

قرار الشراء في هالوقت يبيله قلب من صخر

[qatar 86]

وينها ؟؟؟؟؟؟؟

ف تويتر :nice:

[معماري قطري]

كرهت كلمة محافظ ههههه

بالعكس محد يحافظ على توازن السوق قد المحافظ وبتشوفها في المزاد في الغالب لو فيه كميات بيع كبيرة

[مستثمر رشيد]

مزايا تحاول تقاوم الداون

[نايم سهران]

يوم كارثي

[qatar 86]

الحين الفلم أشتغل

[ابو جود]

زاد الخوف .. والبيع

[مستثمر رشيد]

مسكين هامور الريان .... كان الامل يطلعه ولكن ماخدمته الظروف وكلها

[نايم سهران]

مزايا تحاول تقاوم الداون

دام كبيرهم (ازدان) راح بتلحقه لمت داون غصب

[معماري قطري]

ملاك وقود عارفين قيمته على نزول أرباحه ثابت وشوي شوي يرتفع

[متداول صعب]

7 شركات لمت داون
اكيد في شي كبير صاير
لا حول ولاقوة الا بالله العلي العظيم

[دينالي]

هوا ليش دوم وقت النزول ... البعض يدور حد يعلق عليه خسارتة ، الاول والاخير رزق واجتهاد . والسوق مازال بخير حتى وان صحح ولكن اللوم صحيح للي دش اسهم هوا نفسه يدري انها ما تسوى ربع ثمنها وحتى بدون ما يكون عنده رؤية مضاربيه حتى للبيع او وقف الخسارة ، بشكل عام جلسة الاحد ليست مقياس ، خروج سيولة من اسهم معينة يدعم دخولها باخرى . والفزع الزيادة مش مطلوب

اتفق معاك

[ابومبارك]

زاد الخوف .. والبيع

وهذا هم الي يدورونه

ليمتى النزول لا بد من الصعود

[متهور]

7 شركات لمت داون
اكيد في شي كبير صاير
لا حول ولاقوة الا بالله العلي العظيم

صحيح اتفق معك الصاير قروب الواتس نايمين

[مستثمر رشيد]

7 شركات لمت داون
اكيد في شي كبير صاير
لا حول ولاقوة الا بالله العلي العظيم

اتوقع العوامل الخارجية هي الاساس ..... خاصة كرونا و قرب الانتخابات الامريكية

ترامب يفوز معناها ارتفاع للبورصات

بايدن يفوز نكسة للبورصات

[دينالي]

السوق واضح انه في مرحلة نزول ومافي حد يضمن صمود الدعوم
من ناحية ايجابية الهبوط القوي وراه دايما صعود حلو

[][ الوحيد ][]

يلا يالمؤشر .. لكل جواد كبوه

[متداول صعب]

دلالة بعد سواها
لاحول ولاقوة الا بالله العلي العظيم

[مستثمر رشيد]

الاسهم قاعدة تقاوم تعاند في الرمق الاخير .... محد يبي يكون الاول في المت داون

[qatar 86]

الكبير كبير يا مخازن

مثل الجبل واقف

[ابو جود]

اجاره عفستنا .. مخازن ماسكه لكن مب قادرين نطلع منها فرق كبير بين عرض البيع والشراء

[مع العالم]

الحمدلله على كل حال

[نايم سهران]

في اسهم شكلها بترتد خوفوا الناس وشكله بيرجعوها خضره ... الله اعلم

[النابغة]

لا إله إلا أنت سبحانك إنا كنا من الظالمين

[معماري قطري]

سوقنا أحسن من باقي أسواق الخليج الكويت 1.6% هبوط إغبي 0.2% اللي غربينا 0.8% مصر 4.2%

[متداول صعب]

انا قاعد اجمع كمية دلالة
بس على سعر اللمت داون
دام باجر اعلان الارباح ان شاء الله يكون خير

[بوخميس]

اتوقع المحافظ الفرنسية قاعدة تبيع

[qatar 86]

الريان شوي شوي يعطينا وضعية الانسحاب التكتيكي

[نايم سهران]

القطاع العقاري اكثر نزول

[qatar 86]

اتوقع المحافظ الفرنسية قاعدة تبيع

عيل هي اللي ماسكة قامكو

[متهور]

انا قاعد اجمع كمية دلالة
بس على سعر اللمت داون
دام باجر اعلان الارباح ان شاء الله يكون خير

متي الاعتزال الشيخ

[Stars]

منتظرين استثمار على 0.540

[متداول صعب]

انا قاعد اجمع كمية دلالة
بس على سعر اللمت داون
دام باجر اعلان الارباح ان شاء الله يكون خير

بيعوني تكفى ههه

[مستثمر رشيد]

قامكو اول الواصلين

[Ahmed86]

ارقام جلسنا 8 شهور لين وصلناها في ازمة كورونا ، طارت في يومين

سوق مصخره

[Stars]

قامكو
السلام
قطر وعمان
ازدان
مزايا
اجاره
لمت داون

[نايم سهران]

قامكو لمت داون

[Qtr37]

متي الاعتزال الشيخ

هههههههه لا تعليق الواحد يقرا ويسكت احسن

[qatar 86]

لو الطبية تنزل لين 1.5

أنا برفعها لكم لين 2.4 وبدون تويتر بعد ومحافظ

[بوجبر]

نكسة غريم الأسهم هو سبب نكسة البورصة

للحين المحافظ ماشافت شي

[qatar 86]

نكسة غريم الأسهم هو سبب نكسة البورصة

للحين المحافظ ماشافت شي

لا تعاند السوق يا بوجبر

لكل شيسمونه ردت فعل مشابهه

[Ahmed86]

حوالي 12 شركة لمت داون تقريبا

ما اذكر متى صار هالشي اخر مره

[نايم سهران]

مضاربات عنيفه في الطبيه

[دينالي]

استثمار ينال لقب " سهم القلوب" عن جدارة

[ابومبارك]

تفائلوا بالخير تجدوه
بيتعدل السوق الايام الجايه ان شاء الله
مافيه شي يتم على حاله

[Stars]

منتظرين استثمار على 0.540

:fight:

[متداول صعب]

لو نزل عن 0.580 مشكله كبيرة

صدقت في ما قلت لكم
المفروض يوصل 0.5 و يرتد ف الوضع الطبيعي

[Ahmed86]

يا وجـــه اسـتح

[Qtr37]

استثمار اقل سعر الى الان وصل .538
ليش ما وصل بعد لمت داون .537 :secret:

[مضارب متعور]

La bursa de babel

[مضارب ولهان]

صدقت في ما قلت لكم
المفروض يوصل 0.5 و يرتد ف الوضع الطبيعي

ههههههههههههه انصحك ف محل يبيع طبول طيبه

[بوجبر]

:telephone:راحت فيها مخازن

[جلمود2]

اغلب الشركات لمت داون ��

[][ الوحيد ][]

العموم داون

[qatar 86]

:telephone:راحت فيها مخازن

حاط طلب على 4.6 لتعديل المتوسط

[دينالي]

كذا شركة لمت داون
مجزرة اليوم السوق

[نايم سهران]

الدور على فودافون !!

[qatar 86]

بوخميس الحين قاعد ينتف لحيتة

[مضارب ولهان]

ايش قال راح تشوف شنسوي ف استثمار الاحد هههههههه من اللي وين يودي وجه يا ،،،،،،،،،

[بوجبر]

حاط طلب على 4.6 لتعديل المتوسط

اصبر لاتشتري الحين

بانسبة لي تعديل المتوسط تحت 3 ريال

[vip1982]

سوق هش لايرتبط باي مقومات فعلية, ماذا مبرر هكذا نزول غير موضوع كورونا واللي قطر اصلا بفضل الله مسيطرة عليه.

[مضارب متعور]

الأسهم وصلت اهداف الموجة 2 التصحيحية .. مثل مزايا واجارة وإنماء .. فرص للدخول والله الموفق

[Ahmed86]

ماسكين المؤشر بالريان ووقدود و كهرباء و اوريدو و الدولي

ولا المفروض 4% داون مع العموم

[متهور]

الأسهم وصلت اهداف الموجة 2 التصحيحية .. مثل مزايا واجارة وإنماء .. فرص للدخول والله الموفق

دخول وين الشيخ ( الحيط )

[ALZAAR]

السلام عليكم ورحمة الله وبركاته

[نايم سهران]

ودلاله وانماء ... وممكن الاول الله اعلم

الاول لحقهم

[مضارب ولهان]

ملاك الريان حظك حلووووو هههههه يوم بلش يطلع خلط السوق لكن بين ان رايح باذن الله الا اذا السوق وراه نزول جامد

[يعقوب ذياب]

تذكروا ارقامي كتبتها في الجلسه

[نايم سهران]

الدور على فودافون !!

:playball: اذا كسر 1.250 بيروح لمت داون لو ما كسر ممتاز

[مضارب متعور]

دخول وين الشيخ ( الحيط )

بعدين راح تعرف

[عادل اليافعي]

نصيحة لا حد يدش الين تبدا تنزل الإعداد فامريكا وأوروبا.

[مضارب ولهان]

ماشاء الله نزول ظ،ظ¤ظ¤ نقطه ههههههه

[Ahmed86]

اعتقد مهم الواحد الحين يرجع و يشوف مستويات ما قبل كورونا و نكتبها على ورقه و نشوف وين وصل القاع عشان نعرف وين ممكن الارقام توصل


الله يعوضنا في خسايرنا الفادحة

[نايم سهران]

نصيحة لا حد يدش الين تبدا تنزل الإعداد فامريكا وأوروبا.

قصدك بدت ترتفع الاعداد !

[هاوي مضاربات]

يعني لو في سبب واضح مب مشكله بس شالاسباب

[يعقوب ذياب]

9822 و 9800 و 9700 ومابين 9400 الى 9420

كبجروا وتحياتي لكم اشوفم على خير

[عادل اليافعي]

قصدك بدت ترتفع الاعداد !

أوروبا فيها موجة ثانية صاعدة وأمريكا ما تزال في ارتفاع. قصدي لا حد يدش الحين بغرض استثماري.

[Investor89]

شسالفه!! شهالهبوط القوي

[Ahmed86]

أوروبا فيها موجة ثانية صاعدة وأمريكا ما تزال في ارتفاع. قصدي لا حد يدش الحين بغرض استثماري.

المشكله بكره لو السوق يطلع ربع في المية تحصل الكل يبي يشتري

و علقني من كراعيني

[عادل اليافعي]

المشكله بكره لو السوق يطلع ربع في المية تحصل الكل يبي يشتري

و علقني من كراعيني

فجرتني ضحك يخوي، الله يحفظك :victory:

[متداول صعب]

السموحة ماقدر ارد ع الكل ف الخاص
بس للمضاربين الجدد
نصيحة لاتدخل في هاذي الفترة الحرجة
اصبر لين يستقر الوضع و تابع مع المحللين مايقصرون

[متهور]

المشكله بكره لو السوق يطلع ربع في المية تحصل الكل يبي يشتري

و علقني من كراعيني

:sneaky: كراعين ها

[معماري قطري]

سوقنا أحسن من باقي أسواق الخليج الكويت 1.6% هبوط إغبي 0.2% اللي غربينا 0.8% مصر 4.2%

كان أحسن لكن طلع سوقنا سباق للقاع بامتياز

[Ahmed86]

السموحة ماقدر ارد ع الكل ف الخاص
بس للمضاربين الجدد
نصيحة لاتدخل في هاذي الفترة الحرجة
اصبر لين يستقر الوضع و تابع مع المحللين مايقصرون

وااااااااايد بنااااات يسألووووووني من وين هالمنتج ،،، اقولكم للأسف سووووولد آآآآوت

[متهور]

السموحة ماقدر ارد ع الكل ف الخاص
بس للمضاربين الجدد
نصيحة لاتدخل في هاذي الفترة الحرجة
اصبر لين يستقر الوضع و تابع مع المحللين مايقصرون

الشيخ يبون يعرفون متي الاعتزال وش دخل المحليلين

[فيصل ع]

وااااااااايد بنااااات يسألووووووني من وين هالمنتج ،،، اقولكم للأسف سووووولد آآآآوت

هههههههههههههههه

[متهور]

وااااااااايد بنااااات يسألووووووني من وين هالمنتج ،،، اقولكم للأسف سووووولد آآآآوت

لا الشيخ موجود في متجر متداول الصعاب

[نايم سهران]

ايام كارثيه
شهر 9 تاريخ 21
شهر 10 تاريخ 25

[qatar 86]

خبار المحافظ يالربع

[مضارب ولهان]

السموحة ماقدر ارد ع الكل ف الخاص
بس للمضاربين الجدد
نصيحة لاتدخل في هاذي الفترة الحرجة
اصبر لين يستقر الوضع و تابع مع المحللين مايقصرون
شكلك تلعب ببجي صح مجرد فضول ههههه

[متهور]

خبار المحافظ يالربع

ينتظرون متداول صعب علي الواتس اب يعطيهم اشاره الدخول

[فرع الشقاوة]

شكلك تلعب ببجي صح مجرد فضول ههههه

هههههههههههههه الله يسامحك مش قادر اضحك هو ده وقته

[فرع الشقاوة]

ينتظرون متداول صعب علي الواتس اب يعطيهم اشاره الدخول

افضلوا كده لحد ما يزهق ويمشى وساعتها مش هنلاقى حد نتونس بيه

[ابو جود]

9822 و 9800 و 9700 ومابين 9400 الى 9420

كبجروا وتحياتي لكم اشوفم على خير

جزاك الله خير
اخر رقم صحيح والا غلط مطبعي وتقصد مابين 9400الى9240

[معماري قطري]

الأسهم وصلت اهداف الموجة 2 التصحيحية .. مثل مزايا واجارة وإنماء .. فرص للدخول والله الموفق

مضاربية والسوق في نزول يمكن تواصل شوي بس لو ارتد السوق هذي أول ما ترتفع

[على قدي]

وااااااااايد بنااااات يسألووووووني من وين هالمنتج ،،، اقولكم للأسف سووووولد آآآآوت

:happy::happy:

[نايم سهران]

فودافون رايح 1.200

[مع العالم]

كثـروا من الإستغفار، وتفائلوا خير إن شاء الله

[][ الوحيد ][]

فودافون رايح 1.200


بكره اعلانهم ؟

[نايم سهران]

[ الوحيد ][;10789060']بكره اعلانهم ؟

نعم بكره

[بوجبر]

خبار المحافظ يالربع

تجمع ع 🔥 هادية

[الموج الأزرق]

السلام عليكم ورحمة الله وبركاته

كل متداول يركز على سهمه وما عليه من اي سهم ثاني

السهم حقق الهدف بيع وانتظر مستوى دخول آخر

مزايا واجاره وقامكو واعمال الأول مسيعيد قريبا سيتم الشراء ان شاء الله

هذي مجموعة اسهم اهتميت فيها حسب طلب المتابعين للفتره الماضية

مثلما هناك صعود مثلما هناك ايضا هبوط

والاسهم المذكوره حققت اهدافها المرصوده

باقي اهداف اجاره ومزايا الاستثماريه

تمتعوا بجمال الطبيعه الخضراء سويسرا

الله يوفق الجميع

[معماري قطري]

سبع شركات لمت داون عندي فيها أشكره نزول محفظتي 5% عمري ما واجهت هالوضع ما لي الا اشغل ام كلثوم يا مسهرني

[ضحية البورصة]

لا حول ولا قوة الا بالله ،،،

[Nasserqat]

تجمع ع 🔥 هادية

شكلهم علوا على النار و انفجر الجدر

[معماري قطري]

الحمد لله على هذا الحال والله يزينه

[متهور]

هههه يقولك دخول قريب من كم من يوم يقولك المؤشر مخترق 10 الف والامور في لوز هههههه

[نايم سهران]

فودافون رايح 1.200

الحين اذا كسر 1.200 بيروح لمت داون

[دينالي]

في ناس احس لو احد يقول لهم دخول بيزنطونه:secret:

[بنسل]

أغلب الاسهم اللي عاللمت داون جاها ارتفاع جنوني الفتره الاخيرة
ف كان متوقع ان النزول يكون جنوني ( وللحين ماشوفه جنوني )
الله يعين اللي اشترا من القمم ، اشوف الشراء ف هالوقت مخاطرة
بالنسبة للمؤشر ، لا تعول على المؤشر
راقب سهمك قبل المؤشر واقرب مثال لما كنا نشوف الاسهم لمت اب كل يوم
والمؤشر نازل او مرتفع 0.1%