:: جلسة تداول يوم الإثنين الموافق 26-10-2020 ::

[السيلاوي]

السلام عليكم ورحمة الله وبركاته

صبحكم الله بالخير

ان شاء اليوم السوق يرتد والأسهم اللي نزلت أمس تعكس اتجاهها وتطلع لمت أب

[متداول صعب]

السلام عليكم ورحمة الله ..
ماله داعي الخوف و الهلع
ان شاءالله يرجع كلشي طبيعي اليوم
واتمنى الكل يعوض خسايره يارب

[مضارب يومي.]

يوم تداول موفق للجميع ان شاءالله

[الاسطوره]

السلام عليكم ورحمة الله وبركاته

موفقين ان شاءالله

[معماري قطري]

السلام عليكم ورحمة الله وبركاته

برنت الآن

41.35 -0.72 -1.71%

وأسواق آسيا نص ونص غالبيتها حمراء ومؤشرات أمريكا المستقبلية حمراء

شكل سوقنا بيكمل مسيرة الأمس

[Qtr37]

السلام عليكم ورحمة الله وبركاته

[متداول صعب]

السلام عليكم ورحمة الله وبركاته

برنت الآن

41.35 -0.72 -1.71%

وأسواق آسيا نص ونص غالبيتها حمراء ومؤشرات أمريكا المستقبلية حمراء

شكل سوقنا بيكمل مسيرة الأمس

مؤشر امريكا نازل نص في المية و البترول 1.7
شدخل يصير عندنا 8 شركات لمت داون
ليش الخوف يالربع
تكفى مانبي الصار امس يتكرر
معقوله شغل سنين يختفي في يوم واحد !!

مب كلام هاي

[محمد ١]

السلام عليكم ورحمة الله وبركاته

[Ahmed86]

صبحكم الله بالخير

ان شاء الله نشوف ارتداد لأنه اللي صار امس ماله أي مبرر

اول مره من دخلت السوق اشوف هبوط بهالشكل بدون مبرر

[وسمي2016]

السلام عليكم ورحمة الله وبركاته
صبحكم الله بالخير والمسرات جميعا

فالكم طيب ان شاءالله

[بوعليان]

فالكم طيب باذن الله اسعار اليوم اغلبها بتكون فرص لشراء اتوقع البداية نزول واقتناص فرص ومن ثم الارتفاعات متفاوته مابين 2 الى 5 بالمئه فالكم التويق

[بوجبر]

الشركات التعبانة مالها نصيب ف ارتفاعات اليوم

[مستثمر رشيد]

نصيحة ... عدم الاندفاع والشراء في بداية السوق حتى لو شفت الاسعار مغرية ....
انتظر لبعد الساعة 11:30 وبعدها اتخذ قرارك

[بحر شرق]

صباح الخير
امس نزول الموشر ماله داعي ابدا ولا يوجد هناك سبب خارجي موثر للسوق القطري و، فالكم الاخضر هذا كله تخويف وتهويش من الهوامير بياخذون اسهمكم برخص وخساره منكم والربح لهم ، انتبهوا يا المضاربين لان المستثمر ما يهمه الامر

[وسمي2016]

مصرف الريان صموده ممتاز يوم امس,,,

للمعلومه : كان مهم جدا اغلاقه بهذا السعر لانه اغلق
على مستوى لم يبلغه منذ 1 يونيو 2017,,,
https://www13.0zz0.com/2020/10/26/09/934160494.jpg

اقصى يسار الرسمه 1يونيو 2017

بأذن الله في صعود ان شاء الرزاق الكريم
والله اعلم

[متداول صعب]

معقولة ازدان مافي ولا طلب..
اللي كان قاط ملايين ف السهم شنو ذنبه..

لاحول ولاقوة الا بالله العلي العظيم

[ابومحمد 123]

السلام عليكم ورحمة الله وبركاته.
الله يوفق الجميع . الاسهم الي نزلت امس الطلبات تكاد تكون ضعيفه ومطلوبه باقل الاسعار . لذا اتوقع بداية هبوط حدود 3 % بتداول خفيف ومن ثم صعود قوي والله اعلم .

وجهة نظر

[فهـد]

غير قسمك لاتحسب انك كسبت
‏وغير رزقك ماتحوشه لوتطير

الحمدالله أولاً واخيراً

يوم موفق للجميع

[الموج الأزرق]

صباح الخير على الجميع

الشراء بالنسبة لي من اليوم ودخول اولي ما ينخاف عليه ان شاء الله

الاسهم واضحه شنهي

الله يوفقكم جميعا

[Qtr37]

"استثمار القابضة" تحدد 27 أكتوبر 2020 موعداً للإفصاح عن البيانات المالية للربع الثالث
هل متوقع ان النتايج تكون غير جيدة ويكون هذا سبب البيع بأقل سعر؟

[حوت الأسهم]

السلام عليكم ورحمة الله وبركاته

[بوفيصل68]

السلام عليكم

[على قدي]

السلام عليكم ورحمة الله

[نايم سهران]

سلام عليكم ...

في اسهم بتكمل نزول اليوم ... الكتاب واضح من عنوانه .. لكن ما اتوقع يكون لمت داون ممكن نزول من 3% إلى 5%

وان شاءالله بالمقابل اتمنى يكون في اسهم لها ارتداد قوي اليوم ...

المؤشر اتوقع بيكمل نزول

[وسمي2016]

"استثمار القابضة" تحدد 27 أكتوبر 2020 موعداً للإفصاح عن البيانات المالية للربع الثالث
هل متوقع ان النتايج تكون غير جيدة ويكون هذا سبب البيع بأقل سعر؟

نتايجهم الربعين الاولين خسائر متزايده,,,,اتوقع نفس الرذم
لكنه سهم ان شاء الله فيه خير على المدى المتوسط والبعيد

والله اعلم

[متداول صعب]

وحش يا دلالة

[مستثمر رشيد]

هل تتوقعون اسهم تجيب المت دوان اليوم ؟؟؟؟؟

[مستثمر رشيد]

اعمال شكلها اول الواصلين

[qatar 86]

الطبية داون

[مستثمر رشيد]

الطبية وصلت

[Qtr37]

انا ماعندي خبرة لكن في اسهم نزولها سريع خلال 5 دقايق!! الكتاب باين من عنوانه

[qatar 86]

الاول لمت داون

[الاسطوره]

نشتري يا اخوان او لا ؟

[Ahmed86]

الطبية
الاول
اعمال
السلام
المتحدة

لمت داون

[ابو جود]

السلام عليكم ورحمة الله وبركاته
وصبحكم الله بالخير

[مضارب ولهان]

وحش يا دلالة

هههههههههههه لاتعليق اعلوم ببجي :nop::nop:

[نايم سهران]

الي ما يحط له حد حق وضع خساره يظلم نفسه ظلم عظيم

[Ahmed86]

نشتري يا اخوان او لا ؟

لا ، اصبر حسب كلام المحللين

لا تستعجل و تتورط

خل الربح يروح ولا تتحسر على الخساره

[مستثمر رشيد]

الاول المركز الثاني وصل

[بوجبر]

الأسهم المختلطة نزولها بشع

[فرع الشقاوة]

نفس فيلم امبارح الله كريم

[بنسل]

الي ما يحط له حد حق وضع خساره يظلم نفسه ظلم عظيم

صارلي كم يوم اقول هالكلام

[بوفهد2022]

قامكو راحت

[مضارب ولهان]

وحش يادلاله ههههههههه صارت وحش خجول ههههه

[Qtr37]

استثمار وصل لمت داون

[فرع الشقاوة]

لا حول ولا قوة الا بالله

[qatar 86]

شركات امس شكلها داون عدل اليوم

[نايم سهران]

قربنا من اسعار كورونا .. لو كملنا بكره نزول يعني 7 شهور راحت على الفاضي !!

[مستثمر رشيد]

مزمز!!!!!!!!!!!!

[بوجبر]

عموم الشركات العقارية وضعها المادي تعبان

[ابو جود]

لا حول ولا قوة الا بالله

[مستثمر رشيد]

ما اضن الريان يصمد ... شكله بيستسلم ويرفع الراية

[بوفهد2022]

مزايا بعد

[][ الوحيد ][]

لا تمسك السكين وهي طايحه ..

[عادل اليافعي]

انا تعبان نفسيا.

[qatar 86]

كفو مخازن

وقت الأزمات يبين معدنج يالأصيلة

[Ahmed86]

نبي خبر ، اشاعه ، كذبة ... اي شي يسبب هالانهيار بهاذي السرعه

[مستثمر رشيد]

أخ لو الكاش موجود ..... الصيد حلالي.... توقعنا نزول بس مو لهدرجة

[نايم سهران]

انا تعبان نفسيا.

معوض خير ياخوي ... قوم توضأ وصل ركعتين ... الله المستعان

[LiverC00L]

صباح الخير

ازدان 3 جلسات لمت داون

و قبلها بجلسة كان بعد نزول

Over

[بوخميس]

لو اعلنوا الحصار مرة ثانية ما يستوي جذي في البورصة

[عادل اليافعي]

مدري احس نفس الي رفعو السهم هم منزلينه.

[ابو جود]

وصلنا 9700 الهدف قبل الاخير لاخونا يعقوب ذياب
وبدأ الارتداد .. تقريبا

[بنسل]

انا تعبان نفسيا.

استثمار للحين عندك ؟
عطيتك رقم وقف الخسارة اخوي !
الله يعوضك يارب

[بوفيصل68]

85 مليون في اول ربع ساعه

[نايم سهران]

في اسهم قامت ترتد وان شاءالله يكون خير

[عادل اليافعي]

معوض خير ياخوي ... قوم توضأ وصل ركعتين ... الله المستعان

تسلم ياخوي

[][ الوحيد ][]

استثمار يحاول يرد

[معماري قطري]

مؤشر امريكا نازل نص في المية و البترول 1.7
شدخل يصير عندنا 8 شركات لمت داون
ليش الخوف يالربع
تكفى مانبي الصار امس يتكرر
معقوله شغل سنين يختفي في يوم واحد !!

مب كلام هاي

هذي وقائع وشوفة عيونك انا لا بعت ولا شريت اليوم ولا عندي نية

[Qtr37]

[ الوحيد ][;10789428']استثمار يحاول يرد

الله يهدي ملاكه

[عادل اليافعي]

استثمار للحين عندك ؟
عطيتك رقم وقف الخسارة اخوي !
الله يعوضك يارب


لا بعت امس الحمدلله. مشكور يخوي

[ابو جود]

ارتد المؤشر من 9700

نشوف اسهمنا وشرايها

ترجع معاه والا وضعها مختلف

[معماري قطري]

بإذن الله التقليص قادم والارتداد قادم وهذي حالة الأسواق

[نايم سهران]

الطبيه لها ارتداد

[][ الوحيد ][]

خذت استثمار ب.490 و ضواحيها

[معماري قطري]

[ الوحيد ][;10789428']استثمار يحاول يرد

شرايك اطلبه على اللمت داون؟ ما اتوقع يحصل

[Not Qatari]

واضح في تدخل فالسوق ويمكن ارتداد. لكن نصيحة شخص عنده دبلوم خساير فالبورصة.
فوات الربح افضل بألف مره من الدخول الآن، الدخول فالوضع الحالي نوع من المقامرة الغير محسوبة العواقب. اذا تعافى السوق ادخل.
كم بيفوتك ربح اذا ارتد السوق وصار ارتفاع جماعي للاسهم؟ 5%؟ 10%؟ مقبولة جداً في حال كان الخيار الآخر واحتماليته كبيرة انك تخسر من راس مالك.

[بوجبر]

لا حد يبيع قامكو السهم عليه تجميع:tooth:

[بوفيصل68]

كثير من الاسهم ارتدت
عسى تكمل ارتدادها بقوه

[][ الوحيد ][]

شرايك اطلبه على اللمت داون؟ ما اتوقع يحصل


انا كنت حاط طلب بس حسيته مابيوصل ف قمت خذت شوي فوق .. و حاط طلب عاللمت داون مجازفه لان اعلانه بكره

[وسمي2016]

معوض خير ياخوي ... قوم توضأ وصل ركعتين ... الله المستعان

خير الكلام

جزاكم الله خير وبركه,,,أيضا سكر الشاشه
وعود عليها بعد كم يوم,,,,

ألا بذكر الله تطمئن القلوب

[ابو جود]

بعض الشركات خف البيع كثير
مثل اجاره واستثمار وبدأ الشراء

[qatar 86]

لا حد يبيع قامكو السهم عليه تجميع:tooth:

محافظ :app2:

[Special man]

ومزايا اذا ممكن حد يفيدنا
نازله تحت المتوقع

[LiverC00L]

العالم ارتدت يا ازدان :tooth:

[مضارب ولهان]

دخلنا قامكو والله يستر

[بوجبر]

ودام تحت المجهر

[نايم سهران]

ما اتوقع في شركة بتغلق لمت داون .. الله اعلم

[معماري قطري]

بين أمس واليوم نزول القيمة السوقية عندي كارثي ههههههه

[معماري قطري]

خير الكلام

جزاكم الله خير وبركه,,,أيضا سكر الشاشه
وعود عليها بعد كم يوم,,,,

ألا بذكر الله تطمئن القلوب

سكرت أول الصبح وقلت بارقد ما ياني نوم قلت اشوف الأكشن .. كل اللي عندي شوية كاش من بيعة استعمار

[Ahmed86]

و الله على الحركه اللي صارت ما اضمن ولا سهم في السوق


وش يدريني ما يروحون لأرقام القاع حقت كورونا؟؟؟؟؟

[مستثمر درويش]

السلام عليكم ورحمة الله وبركاته ليش في ناس شمتانة بنزول مزايا تحديدا ما أعرف

[مستثمر رشيد]

احتمال ارداد وهمي ... يرجى الحذر والانتظار لحد الساعة 11.30 للتأكد ... وكل واحد قراره بيده

[Ahmed86]

احتمال ارداد وهمي ... يرجى الحذر والانتظار لحد الساعة 11.30 للتأكد ... وكل واحد قراره بيده

ماله معنى لين 11:30

على ما قالو الشباب ، لا تصيد السكين و هي طايحه ، خله يطيح و تقلب الاسهم خضر و عقب ادخلو

يروح ربح و لا تعد خساير

[فهـد]

دخول المؤشر للون الاخضر اشاره اطمئنان

[معماري قطري]

دلول لها نوايا شينة

[مستثمر رشيد]

ماله معنى لين 11:30

على ما قالو الشباب ، لا تصيد السكين و هي طايحه ، خله يطيح و تقلب الاسهم خضر و عقب ادخلو

يروح ربح و لا تعد خساير

اتفق معك

[بوفيصل68]

138 مليون في 35 دقيقه
ان شاء الله تكون سيولة تجميع

[معماري قطري]

و الله على الحركه اللي صارت ما اضمن ولا سهم في السوق


وش يدريني ما يروحون لأرقام القاع حقت كورونا؟؟؟؟؟

هذا سوقنا يا اخوي له عرات لازم تأكد انت تملك اصول ما تخسر الا لين بعت وتحققت الخسارة

[LiverC00L]

نداء اخير في ازدان

[Qtr37]

بلدنا بدا يرتفع

[معماري قطري]

سوقنا حسود السوق اللي غربينا مرتفع 1.25% شوفوا سوقنا بعد شوي

[atiq]

ان شاء الله السوق بيغلق اخضر

[متداول صعب]

دلول لها نوايا شينة
لا ان شاءالله يصكر اخضر

[مضارب ولهان]

حلو ارتداد بلدنا

[حوت الأسهم]

الوضع الان افضل من امس الي الان

اذا اغلقنا قريب الاسعار الان اتوقع والله اعلم الارتداد غدا او بعد غد

[وسمي2016]

سكرت أول الصبح وقلت بارقد ما ياني نوم قلت اشوف الأكشن .. كل اللي عندي شوية كاش من بيعة استعمار

هههههههههههههه,,,والله ضحكتني من قلب

[نايم سهران]

الارتداد قوي بعد 10 دقايق

[ابو جود]

الله عليك يالمزايا… شدي

[بوخميس]

سوقنا حسود السوق اللي غربينا مرتفع 1.25% شوفوا سوقنا بعد شوي

سوقهم نزل امس 4%

[معماري قطري]

ما قدرت أقاوم شراء استثمار حن القلب

[Qtr37]

مبروك استثمار
لكن بالنسبة لي مازال السعر اقل من سعر الشراء

[نايم سهران]

الارتداد قوي بعد 10 دقايق

ممكن يكون ارتداد وهمي .. لازم ثبات علشان يبين

[معماري قطري]

لا ان شاءالله يصكر اخضر

لو عندك السهم بتكون صج متداول صعب

انا عندي ولا بعت الا استثمار ورجعت شريت كميتي من شوي

[ابو جود]

ما أصدق اجاره خضراء

[ابو جود]

من حركاتها الغريبه
ممكن الطبيه تعمل رقم ارتفاعي مجنون

[بوفهد 92]

فقلت استغفروا ربكم أنه كان غفارا

[معماري قطري]

ممكن يكون ارتداد وهمي .. لازم ثبات علشان يبين

سوقنا ما يرضى الأسواق اللي حولنا خضراء وهو أحمر

إحتمال التأثير يكون قوي لو افتتحت الأسواق العالمية على هبوط واحتمال الارتداد وارد لغالبية الأسواق وحتى النفط

[مستثمر رشيد]

ما شاء الله اللون الاخضر طلع ... ان شاء الله يستمر

[مضارب ولهان]

مضاربه سريعه ف قامكو وشرده بربح لله الحمد

[مضارب ولهان]

كل من ارتد الا دلاله ههههه من كثر هل القروب اللي نايمين الله يصحيهم بس :yu:

[معماري قطري]

كل من ارتد الا دلاله ههههه من كثر هل القروب اللي نايمين الله يصحيهم بس :yu:

باكلمهم سهرانين يلعبون ورقة البارحة

[مستثمر رشيد]

مازال الارتداد غير مؤكد ... الانتظار افضل

[معماري قطري]

السلام يركض ورا استثمار

[الواثق بالله]

مضاربة جميلة في فودافون الحمد لله
نحاول نعوض الخساير

الله يعين

[فرع الشقاوة]

مازال الارتداد غير مؤكد ... الانتظار افضل

كلام مظبوط يفوت ربح ولا يتحقق خساير

[دينالي]

ما قدرت أقاوم شراء استثمار حن القلب

مع اني ناوي ما ادخل بس شريت بكمية بسيطه من هالسهم
الله يجيب العواقب سليمه
رغم سمعته السيئة ولكن فيه جاذبية للشراء

[معماري قطري]

مازال الارتداد غير مؤكد ... الانتظار افضل

كان نزول محفظتي 40% شهر 7 .. دخلت وعدلت المتوسطات ومن أيام واصل تقريباً لنزول لا يذكر .. هدفي ال 12000 للمؤشر وفوق وقتها ممكن اجني ربح قوي خروج من نص المحفظة بس مستحيل اطلع بالكامل

[بوخميس]

محافظ :app2:

كلم ربعك في القروب يرفعون مخازن

[حوت الأسهم]

الارتداد الان هو مضاربي فقط الي الان ..

[qatar 86]

كلم ربعك في القروب يرفعون مخازن

أمس مصلحين الكامري ماعندهم فلوس الحين ناطرين الراتب

[دينالي]

شريته وعلى طول نزل

[.:: القيصر ::.]

اللهم لك الحمد افضل دخول لاستثمار اليوم على 0.490

موفقين للصامدين

الله يكتب للجميع الخير

و حتى اذا نزل لمت داون بزيد دبل الدبل نشوفكم لاحقا

[متداول صعب]

كل من ارتد الا دلاله ههههه من كثر هل القروب اللي نايمين الله يصحيهم بس :yu:

شقصدك يعني؟ الشماته مب زينه
تستانس لما تشوف غيرك يخسر؟ الله يسامحك

وانشاءالله السهم يصكر لمت اب بعد

[مضارب ولهان]

شقصدك يعني؟ الشماته مب زينه
تستانس لما تشوف غيرك يخسر؟ الله يسامحك

وانشاءالله السهم يصكر لمت اب بعد
من تشمت تقراء غلط اخوي الله يوفق ملاكه وملاك جميع الاسهم

[qatar 86]

الارتداد الان هو مضاربي فقط الي الان ..


مب مرتاح أحسه بيكمل هبوط بعد شوي

[Not Qatari]

الصبر زين، والكاش ملك

[ابو وسام 1]

‏طايحين بحركة جديدة على بعض الاسهم الرخيصة ...

يكون جامع كمية ، وإذا يبي يصرف يعرض كميات بالأعلى على أسعار متفرقه ،،،
وفجأة يشتريها بصفقه واحدة ( يشلعها ) للأعلى ليلفت نظر المضاربين ، وبعدها يعزز الطلبات ويبدأ بالتصريف ...
مشاركتي البارح

انتبهو من هالحركه

[نايم سهران]

اللهم لك الحمد افضل دخول لاستثمار اليوم على 0.490

موفقين للصامدين

الله يكتب للجميع الخير

و حتى اذا نزل لمت داون بزيد دبل الدبل نشوفكم لاحقا

كلامك صح يالقيصر..

بس الاعلان قريب والناس خايفه ...

[بوخميس]

أمس مصلحين الكامري ماعندهم فلوس الحين ناطرين الراتب

دخلوا بو جبر وياكم وحطوه ادمن

[qatar 86]

دخلوا بو جبر وياكم وحطوه ادمن

الطبقة الكادحة

[دينالي]

‏طايحين بحركة جديدة على بعض الاسهم الرخيصة ...

يكون جامع كمية ، وإذا يبي يصرف يعرض كميات بالأعلى على أسعار متفرقه ،،،
وفجأة يشتريها بصفقه واحدة ( يشلعها ) للأعلى ليلفت نظر المضاربين ، وبعدها يعزز الطلبات ويبدأ بالتصريف ...
مشاركتي البارح

انتبهو من هالحركه

الحركة ملاحظها من كم شهر وموجودة في اسهم معينه مثل دلاله

[.:: القيصر ::.]

كلامك صح يالقيصر..

بس الاعلان قريب والناس خايفه ...

يا رجل سعره 5 ريال كم بيصير يعني ريال ولا ريالين

صدقني مستعد ابيع كل اسهمي و ادز كل السيولة فيه

مااااااا يخرررررعني :)

[qatar 86]

هالحركة من سنة يدي موجودة ومستخدمة

[Qtr37]

ان شاء الله مسيعيد بعد يرتفع اكثر

[ابو وسام 1]

شوفو بلدنا صل فوق8%
والحين قوب يصير احمر

الحذر واجب

[ابو وسام 1]

شوفو بلدنا صل فوق8%
والحين قوب يصير احمر

الحذر واجب

تشوف الفرق بين سعر العرض والطلب كبير جدااا

[بحر شرق]

المتحده فرصه للشراء

[بوفيصل68]

هالحركة من سنة يدي موجودة ومستخدمة

ههههههههههههههههههههههه

[Ahmed86]

المتحده فرصه للشراء

الفرصه اذا استقر السوق

الحين ما يندرى لوين بيطيح

في ناس تعلقت خلال الربع ساعه اللي طافت بالارتداد المضاربي

[دينالي]

تبا لك يا استثمار
وقعت في الفخ مجددا

[بحر شرق]

الفرصه اذا استقر السوق

الحين ما يندرى لوين بيطيح

في ناس تعلقت خلال الربع ساعه اللي طافت بالارتداد المضاربي

ممكن،لكن الشراء على دفعات فرصه

[نايم سهران]

يا رجل سعره 5 ريال كم بيصير يعني ريال ولا ريالين

صدقني مستعد ابيع كل اسهمي و ادز كل السيولة فيه

مااااااا يخرررررعني :)

كلامك صح سعره مغري بس ممكن النتائج تأثر عليه زياده ... الله اعلم
انا اعتبره سهم مضاربي بحت حتى لو وصل 10 ريال ... لان العائد لا يذكر نهائيا

[مستثمر رشيد]

شكلنا بنرجع نشوف المت داون مرة ثانية

[ابو وسام 1]

شكلنا بنرجع نشوف المت داون مرة ثانية

الله يستر لانو حركه الارتداد تصريف

[دينالي]

شكلنا بنرجع نشوف المت داون مرة ثانية

ماظن بيكون في لمت داون مثل امس

[Abdulaziiz]

استثمار حلال او مختلط ؟

[معماري قطري]

مع اني ناوي ما ادخل بس شريت بكمية بسيطه من هالسهم
الله يجيب العواقب سليمه
رغم سمعته السيئة ولكن فيه جاذبية للشراء

والله مثلك كارهه بس ما ادري ليش رجعت له كنت مفكر في السلام أو بلدنا بس طحت فيه والحمد لله .. المهم عندي مبلغ خارج السوق ما دخلته للحين هذا احتياط لأي ظرف والحمد لله يعني عادي انسى اللي في السوق

[معماري قطري]

استثمار حلال او مختلط ؟

أعتقد حلال بس مب متأكد

[مستثمر رشيد]

والله مثلك كارهه بس ما ادري ليش رجعت له كنت مفكر في السلام أو بلدنا بس طحت فيه والحمد لله .. المهم عندي مبلغ خارج السوق ما دخلته للحين هذا احتياط لأي ظرف والحمد لله يعني عادي انسى اللي في السوق

المبلغ الاحتياطي الموجود عندك خارج السوق .... لا تدخل فيه الا وقت الازمات فقط

[Qtr37]

أعتقد حلال بس مب متأكد

مختلط

[معماري قطري]

‏طايحين بحركة جديدة على بعض الاسهم الرخيصة ...

يكون جامع كمية ، وإذا يبي يصرف يعرض كميات بالأعلى على أسعار متفرقه ،،،
وفجأة يشتريها بصفقه واحدة ( يشلعها ) للأعلى ليلفت نظر المضاربين ، وبعدها يعزز الطلبات ويبدأ بالتصريف ...
مشاركتي البارح

انتبهو من هالحركه

هالحركة موجودة من انوجد السوق والا شلون يسحبون سهم لفوق

[مستثمر رشيد]

ازدان قد يكون السهم الاقرب للمت داون

[معماري قطري]

المبلغ الاحتياطي الموجود عندك خارج السوق .... لا تدخل فيه الا وقت الازمات فقط

مفكر ادخله قبل التوزيع .. ألحين أزمة سريعة والله أعلم ممكن تتطور أكثر وضع الأسواق يخوف

[ابو وسام 1]

هالحركة موجودة من انوجد السوق والا شلون يسحبون سهم لفوق

صارت مكرره كثير الفتره اللي طافت
والذر الشديد منها بالايام

للتذكير فقط

[معماري قطري]

ازدان قد يكون السهم الاقرب للمت داون

والعكس صحيح إزدان سهم فيه زيران

[مستثمر رشيد]

والعكس صحيح إزدان سهم فيه زيران

ههههههههه..... كل شي جايز

[معماري قطري]

صارت مكرره كثير الفتره اللي طافت
والذر الشديد منها بالايام

للتذكير فقط

اللي بيحذر يبتعد عيل عن الأسهم المضاربية .. تدري كل سهم مضاربي يشتغلون عليه بذي الطريقة .. عندك ازدان شرفعه؟ نتائجه المالية مثلاً .. انا يمكن انخدعت وتوقعت خير لأني دخلت كم مجمع لإزدان وشفت عز

قريت ان ازدان مساهمين في شركات عوائد كثيرة وبملايين الأسهم شلون يحققون خساير مب عارف

[معماري قطري]

مختلط

مشكور إخوي

[دينالي]

والله مثلك كارهه بس ما ادري ليش رجعت له كنت مفكر في السلام أو بلدنا بس طحت فيه والحمد لله .. المهم عندي مبلغ خارج السوق ما دخلته للحين هذا احتياط لأي ظرف والحمد لله يعني عادي انسى اللي في السوق

انا شريته بكمية بسيطة بسعر 0.52 ونزل مباشر بعدها
اتوقع في امكانية ربح بسيطه من هالسعر ... السهم متذبذب بس اتوقع له طلعه قبل نهايه الاسبوع
بالنسبة للكاش فهو موجود للوقت المناسب بعون الله

[مستثمر رشيد]

بروة صار لها يومين تطلع بيانات صحفية عن مشاريعها على غير العادة برغم ان اعلانها لبيانات الربع الثالث بكرة

ايش تخبين يابروة ؟؟؟؟
سبع والا ....

[حوت الأسهم]

رد فقط علي بعض الاخوان في جلسه من كم يوم بخصوص اني لم اقم بتفعيل وقف الخسائر والكلام جميل والفعل لا يوجد ؟؟ظ

اخوي مين قال لك اني لم اقم بفعل وقف خسائر في محفظتي ... انا ذكرت ان سهم مخازن اخذته بسعر 5.5 (10%) من المحفظة ولم افعل وقف الخساره بسبب اني عوضت خسائره في مضاربتين بعد الشراء ونزل السعر الي اقل من 5 ريال


سبب عدم تفعيل وقف الخسائر ان السهم يتداول بشكل عرضي الي الان ولا احتاج الي وقف الخسائر ان لم يكسر القناه العرضيه الي الاسفل


التداول يجب ان يكون بتفكير واداره محفظة وليس اله كمبيوتر تفعيل مع ارقام وخسائر فقط بدون اسباب

[مستثمر رشيد]

قامكو برغم كثرة اسهمه لكن صاير جدا خفيف في الطلوع والنزول

[معماري قطري]

أسواق اوروبا افتتحت على هبوط وبعضها قاسي شكل استثمار بتتحول استعمار

وبرنت ألحين

Brent Oil 40.80 -1.27 -3.02%

[معماري قطري]

قامكو برغم كثرة اسهمه لكن صاير جدا خفيف في الطلوع والنزول

أفراد يبيعون ومحافظ تشيل

[معماري قطري]

انا شريته بكمية بسيطة بسعر 0.52 ونزل مباشر بعدها
اتوقع في امكانية ربح بسيطه من هالسعر ... السهم متذبذب بس اتوقع له طلعه قبل نهايه الاسبوع
بالنسبة للكاش فهو موجود للوقت المناسب بعون الله

الله يوفقك ويوفق الجميع

[دينالي]

ازدان والطبية قريبين من اللمت داون

[معماري قطري]

بروة صار لها يومين تطلع بيانات صحفية عن مشاريعها على غير العادة برغم ان اعلانها لبيانات الربع الثالث بكرة

ايش تخبين يابروة ؟؟؟؟
سبع والا ....

بروة ذراع الحكومة العقارية وسهم فيه خير وتوزيعاته جيدة .. مدعوم دعم قوي

[Qtr37]

أسواق اوروبا افتتحت على هبوط وبعضها قاسي شكل استثمار بتتحول استعمار
وبرنت ألحين

Brent Oil 40.80 -1.27 -3.02%


ممكن توضيح اكثر بخصوص السهم ��

[معماري قطري]

رد فقط علي بعض الاخوان في جلسه من كم يوم بخصوص اني لم اقم بتفعيل وقف الخسائر والكلام جميل والفعل لا يوجد ؟؟ظ

اخوي مين قال لك اني لم اقم بفعل وقف خسائر في محفظتي ... انا ذكرت ان سهم مخازن اخذته بسعر 5.5 (10%) من المحفظة ولم افعل وقف الخساره بسبب اني عوضت خسائره في مضاربتين بعد الشراء ونزل السعر الي اقل من 5 ريال


سبب عدم تفعيل وقف الخسائر ان السهم يتداول بشكل عرضي الي الان ولا احتاج الي وقف الخسائر ان لم يكسر القناه العرضيه الي الاسفل


التداول يجب ان يكون بتفكير واداره محفظة وليس اله كمبيوتر تفعيل مع ارقام وخسائر فقط بدون اسباب

والله ما تقصر يا اخوي

التداول دوم باستراتيجية والخسارة ما تتحقق الا بالبيع

[معماري قطري]

ممكن توضيح اكثر بخصوص السهم ï؟½ï؟½

يا اخوي الوضع العالمي للحين أحمر وسوقنا للحين ما أثبت ارتداده من هشكل اتوقع استثمار دخولي فيه غلط وله نزول .. عرضته للبيع بفرق درهمين ولا صار

[مستثمر رشيد]

بروة ذراع الحكومة العقارية وسهم فيه خير وتوزيعاته جيدة .. مدعوم دعم قوي

الله يوفق ملاكه ويسعدهم

[بحر شرق]

شراءالطبيه وتعديل المتوسط والله الموفق مع اني متوقع يوصل1.58

[مضارب ولهان]

ايش تتوقعون لاعلان بلدنا

[حوت الأسهم]

والله ما تقصر يا اخوي

التداول دوم باستراتيجية والخسارة ما تتحقق الا بالبيع

جزاك الله خير اخوي معماري

[نايم سهران]

ايش تتوقعون لاعلان بلدنا

اتوقع اعلان ايجابي وارتفاع في الارباح

[معماري قطري]

عاجبني نزول أسهم العقار وجني ربحها واللي استفاد الله يبارك له ومتوقع في الفترة الجاية عودة الارتفاعات السريعة لهذا القطاع إن ما صارت قريب بتكون بعد التوزيعات

[بحر شرق]

ايش تتوقعون لاعلان بلدنا

تحقيق ارباح مميزه هذا العام

[نايم سهران]

اليوم اعلان
الدولي
دلاله
المناعي
بلدنا
فودافون

[مضارب ولهان]

اتوقع اعلان ايجابي وارتفاع في الارباح
يدي تحكني على بلدنا ماعرف احس راح تطلع بس قاعد اتصبر واراغب كم سهم

[مضارب ولهان]

ازدان والله سهم خبل ف الطلوع والنزول ههههههه يخوف من قلب

[نايم سهران]

يدي تحكني على بلدنا ماعرف احس راح تطلع بس قاعد اتصبر واراغب كم سهم

سهم استثماري اشوفه ممتاز .. لا املك في السهم نهائيا

[مضارب ولهان]

هل يرتد ؟؟؟؟

[مضارب ولهان]

طمرنا بلدنا والله كريم

[راعي الحلال]

والله مب عارف اللي يصير تصريف او تجميع [emoji848] في بعض الاسهم شوي احط امر بيع وعقب الغيه ، وشوي احط امر شراء وعقب الغيه، لفي بينا يا دنيا [emoji28]
الحمد لله على هالحال وعلى كل حال

[V.I.P_QATAR]

خسارتي في معظم الاسهم تعدت 180 الف ريال الله يعوض علينا

[مضارب ولهان]

خسارتي في معظم الاسهم تعدت 180 الف ريال الله يعوض علينا

معوض خير اهم شي انت بخير ومن تحب الله يعوضك خير

[الغالي!]

خسارتي في معظم الاسهم تعدت 180 الف ريال الله يعوض علينا

الله يعوضنا ويعوضك خير حنا تعدينا هذا الرقم ولكن بنسبه لي مافي خوف نخلص من ترامب هاليومين

[دينالي]

عشت وشفت استثمار اخضر

[مضارب ولهان]

لو ترتد ازدان اتوقع تسحب السوق

[Qtr37]

عشت وشفت استثمار اخضر

ههههه اذكر الله خلنا نحاول نرجع راس المال بس

[متداول صعب]

أكّدت شركة دلالة سمارت – إحدى شركات دلالة للاستثمار القابضة – أن تطبيق «مدرس» للتعليم عن بُعد، أصبح حالياً واحداً من بين أكبر خمسة تطبيقات على مستوى العالم في مجال التدريس عن بُعد، والأول على مستوى المنطقة العربية.

[رشودي]

ان شاء الله السوق بيغلق اخضر

امين الله يسمع منك

[دينالي]

ههههه اذكر الله خلنا نحاول نرجع راس المال بس

هههه
شمعة خضرا مع ذيل طويل لتحت , مؤشر يوحي بصعود ان شالله
مكسب بسيط ان شالله والانسحاب طيب

[محيوس]

.
والله ما يندرا ايش موضوع هذا امر بيع 6767 في ناقلات مللنا متى بتخلص كميته ماسك السهم وكاتم على انفاسه

[مضارب ولهان]

يارب تولع ازدان ويشهد الله ولا سهم عندي بس لو راحت بتسخب السوق حاليا فقط ف بلدنا وسهم ثاني مصطرني كف هههههههه

[ابومبارك]

الظاهر ان الخير في بلدنا

[محيوس]

.
والله ما يندرا ايش موضوع هذا امر بيع 6767 في ناقلات مللنا متى بتخلص كميته ماسك السهم وكاتم على انفاسه

شكله يمكن كود بين الهوامير
خلني بعرض 6060 يمكن يطلع كود حق المت اب عندهم

[الموج الأزرق]

مزايا للمراقبه ... :app2:

[معماري قطري]

خسارتي في معظم الاسهم تعدت 180 الف ريال الله يعوض علينا

الله يعوضك ولا تعتبر خسارة الا اذا بعت انا بحدود 5 أضعاف رقمك ما اسميها خسارة نزول قيمة سوقية

[معماري قطري]

مزايا للمراقبه ... :app2:

بشرك الله بالخير

[الموج الأزرق]

بشرك الله بالخير

وياك اخوي ... الله يرزقك ما تتمنى

[متداول صعب]

يالله يادلالة نبي نصكر اخضر
و خصوصا اليوم اعلان الارباح
متوقعين خير ان شاء الله

[معماري قطري]

أكّدت شركة دلالة سمارت – إحدى شركات دلالة للاستثمار القابضة – أن تطبيق «مدرس» للتعليم عن بُعد، أصبح حالياً واحداً من بين أكبر خمسة تطبيقات على مستوى العالم في مجال التدريس عن بُعد، والأول على مستوى المنطقة العربية.

أحد زملاء الدراسة كان مديرها وألحين خبير فيها والله يوفقه .. كان سوبر دريس خلص ما ادري كم ماستر

[مضارب ولهان]

كفووو بلدنا

[يعقوب ذياب]

السلام عليكم ورحمة الله وبركاته

ومساكم الله بالخير
الحمد لله ارتد المؤشر من الرقم 9700

وفالكم طيب باذن الله

[معماري قطري]

أحد زملاء الدراسة كان مديرها وألحين خبير فيها والله يوفقه .. كان سوبر دريس خلص ما ادري كم ماستر

عاد على ايام الكمبيوترات البدائية شاشة صغيرة وأرقام كان بدعة فينا نشوفه نقول وشو ذيه ههههه ما نعرفه سنة 1987 وليد المسلم تحية له من بعيد

[مضارب ولهان]

يالله يادلالة نبي نصكر اخضر
و خصوصا اليوم اعلان الارباح
متوقعين خير ان شاء الله
ههههههههه زين الله يوفق ملاكه بعد مابعت انت

[فهـد]

المؤشر بعد الـ12:30 للمراقبه

[معماري قطري]

السلام عليكم ورحمة الله وبركاته

ومساكم الله بالخير
الحمد لله ارتد المؤشر من الرقم 9700

وفالكم طيب باذن الله

عليكم السلام ورحمة الله وبركاته

نتفائل بالخير والله يجيبه .. بورصات العالم متباينة وحتى العربية وهذا يعني ممكن نكون من فريق الخضر

[مضارب ولهان]

الوطني ولع خظر حلو

[مضارب ولهان]

احتمال شركه تسكر لمت اب مجرد توقع

[يعقوب ذياب]

عليكم السلام ورحمة الله وبركاته

نتفائل بالخير والله يجيبه .. بورصات العالم متباينة وحتى العربية وهذا يعني ممكن نكون من فريق الخضر

الله يرحم والديك اخضر بالبورصه اي اما اخضر كفريق امس الاهلي شرب 7 من السد ههههههههههههههههههههههههههههههههههههه

[مضارب ولهان]

كفو ازدان يستاهلون ملاكها

[ابو جود]

السلام عليكم ورحمة الله وبركاته

ومساكم الله بالخير
الحمد لله ارتد المؤشر من الرقم 9700

وفالكم طيب باذن الله

جزاك الله خير
وعساه يواصل قادم الايام
رغم ان اسهمنا ماشيه معاه في الاتجاه المعاكس

[يعقوب ذياب]

من ناحيه الشموع اليابانيه اعطت الشمعه الواحده ارتداد حقيقي ننتظر التاكيد باليوم الثاني

[يعقوب ذياب]

باتخصص بتحليل المؤشر هههههههههههههههههههههههههههههههههههههههههههه

[دينالي]

استثمار يرتفع
شكله بتكون له كلمه اليوم

[يعقوب ذياب]

انزين هدف الارتداد وين كرقم للمؤشر يالله نشوف قرائتكم

[مضارب ولهان]

كفو مزايا

[معماري قطري]

الله يرحم والديك اخضر بالبورصه اي اما اخضر كفريق امس الاهلي شرب 7 من السد ههههههههههههههههههههههههههههههههههههه

اف سبعة

أتذكر سوينا فريق المهندسين وكان مهندس طرق لبناني مشرف على تنفيذ الملعب جاب طين ودكه وحط العشب لا العشب نبت لأن عروقه ما تدخل في الطين ولا الماي شربته الأرض .. طلع الملعب فاشل هندسياً ولعب فريقنا وانا ما كنت معاهم مب مال كورة كلش وغلبوهم فريق ثاني 14 صفر .. ومسكين هذا المهندس بذل مجهود خرافي وكم واحد من فريقنا المهندس انكسرت رجله واصابات وطالعين بصفر .. وبعدها استوى الملعب زينة بس

[دينالي]

الموشر صفر بالميه
شكله بيخضر

[baljabari1]

سبحان الله

[فهـد]

امسكو عقلكم لاطييح

[.:: القيصر ::.]

كل من ارتد الا دلاله ههههه من كثر هل القروب اللي نايمين الله يصحيهم بس :yu:

اليوم اعلانه

واذا ارتد محد بيوقفه


والله يبعدنا عن الحرام


لكن اتوقع السهم الذهبي لسنة 2021

[الموج الأزرق]

اللي خاف من هبوط مزايا يركز في سهمه زين

[دينالي]

يالله يا استثمار ياواد يالعيب اطلع شويه

[ابو جود]

انزين هدف الارتداد وين كرقم للمؤشر يالله نشوف قرائتكم

10600

:app2:

[رشودي]

انزين هدف الارتداد وين كرقم للمؤشر يالله نشوف قرائتكم

10066

[معماري قطري]

10600

:app2:

بنقول امش يا بو رمش

[qatary1]

الحمدلله

[يعقوب ذياب]

10600

:app2:

حبه حبه هو في هدف 10212 بس خل ناخذها تدريجيا اول هدف

[معماري قطري]

فرحتني مزايا الله يفرح كل من شراها

[يعقوب ذياب]

لا لا انا اقصد اقرب هدف حاليا

[فرع الشقاوة]

يالله يا استثمار ياواد يالعيب اطلع شويه

طالع بس تداول الارتفاع بشراء عدد اسهم قليله

[ابو جود]

فرحتني مزايا الله يفرح كل من شراها

اي والله مزايا واجاره
لكن مخازن امس اسعدتنا اليوم لا

[نايم سهران]

مسيعيد للمراقبه ...

[معماري قطري]

إحلو السوق

وين بو وسام .. الحركة اللي تقول عنها تستوي بس وين بتوصلنا هالمرة الله أعلم

[يعقوب ذياب]

9933الرقم القادم باذن الله

[رشودي]

على فاصل ال خمس د 9886