رسالى الى مدير المرور المحترم هذي شوارعنا فأين التوعيه

[ماجد البدر]

السلام عليكم و رحمة الله و بركاته
اللهم صل على سيدنا محمد

السيد مدير ادارة المرور المحترم تحيه طيبه وبعد
ارجوا ان يتسع صدركم لما يتم طرحه وهو لصالح العام ولنهوض بمستوى الوعي لدى السائقين عموما

ولا يخفى عليكم شوارعنا الجديدة و المسارات الرائعه التي تم افتتاحها و التي سوف تفتتح ولكن ينقصها وعي السائقين وان لم يكن هناك وعي فلا فائده من توسعه الشوارع ولا المحاور الجميله التي في بلادنا الكريمة

ملاحضات الى الشوارع ولدي مقطعين فيدو سوف اضعها لاحقا للمشاهدة المأساه التي نعيشها يوميا طريق مسيعيد وكذلك طريق الشمال واتوقع هذه ظاهره عامه في كل شوارع الدولة


وهي القيادة ببطئ على اقصى اليسار و من المعروف ان القيادة و التجاوز هو من اليسار لكن كثير من السائقين يلتزمون باخذ ثاني مسار يسار ويمشي بسرعة 60 او 80 ويعتقد انه هكذا يمشي بشكل الصحيح غير مبالي بالربكه التي يخلفها وراءه بل ويرفض اي تنبيه له بفتح الطريق الذي عادتا يتسع الى 4 الى 5 خطوط ولا يلتزم اليمين ,هناك مركبات تمشي بسرعة عاليه و البعض بسرعة متوسطه ونحتاج الى كلا المساريين اليسار ولكن تعتب اعصابك وانت تتجاوز تلك السلاحف التي لاتتزحزح
ومقتنعه بانها على صواب وانت على خطاء ولو كان الامر الى سيارة واحده او سيارتين ولكن الموضوع اصبح ظاهره واضحه بل وان اكثر الحوادث المأساويه للعوايل الذي يظن قائد المركبه انه على حق يتسبب في حادث له ولعائلته لربكه من يكون مسرع نعم السرعة سبب ولكن ايضا من يمشي ببطئ هو متسبب مباشر او غير مباشر



لذلك سيدي ارى ان من الضروري و الواجب
1-التوعيه المروريه اما بتسيير دوريات مهمتها ضبط حركة المرور في الطرق السريعة ومخالفة من يقود السيارة يسار ببطئ خارج الدوحة او حتى بداخل الدوحة
2- اللوحات الارشادية غير كافيه لايوجد لوحات تحدد السرعة لكل حاره من مسارات الشارع مثل ماهو موجود في بعض دول المجلس وتوعيتهم بهذا السلوك حيث ان معظهم قادمين من دول قيادة المركبه لديهم التجاوز عن اليمين و القيادة يمين نظام انجليزي .
4- بث برامج مكثفه وتوعيه المروريه بتفعيل ادارة التوعيه لديكم

في كل يوم وكل صباح نرى التجاوزات وتعب الاعصاب ويجب تغيير العقول قبل تغيير الشوارع وتوسعتها
بهذه المناسبة اشكر كل من اهتم بما اكتب وما اثلج صدري هو التجاوب من اشغال او من كان يهمه الامر من تقاطع الريان حين تم وضع الحواجز الاسمنتية لحماية الناس من السقوط في النفق حيث لايوجد حواجز من قبل وهذا التجاوب يشكرون عليه .

و اليكم مقطعين من الفيدو
ان شاء الله يفهم المقصد من موضوعي هذا



https://youtu.be/OmOBBMneVt4



https://youtu.be/WRj9JkA6a4Q



هذا و السلام عليكم و رحمة الله و بركاته

أ. ماجد البدر

[Rider]

والله اخوي ماجد تعبنا وحنا نتكلم عن هالموضوع لكن عمك اصمخ تدري المشكله فالاساس من مدارس تعليم السواقه وانا شايفهم بعيني المدرب يعلم السائق انه يمسك اليسار خاصه اذا كان يبغي يلف ويرجع حتى لو الدوار ولا الاشارة على بعد كيلو هذا المتعلم فالاساس جاهل بالسواقه جاي من بلاده ميح مايعرف حتى يفتح باب السيارة المفروض المرور يوجهون رسائل لمدارس التعليم اما الفائده الثانيه من القطريين وغيرهم لين يمسك اليسار ويمشي براحته هذا تاكد قاعد يلعب فالجوال وطبعا اذا انت وراه تبغي يفتح ياخذ السالفه عناد

[MAZEN37]

يمسكون الخط السريع والي جنبه على ظ¨ظ*
الشارع اربع حارات او خمسه ويعملون ربكه

[مستثمر رشيد]

ملاحظة في محلها

تعبنا واحنا نتكلم ولا فيه فايدة .... عن نفسي اكتشفت ان المسار الايمن الاخير في خط الشمال هو الفاضي وصرت اسلكه بدون تفول وهرانة ووجع راس

ولو تسوي احصائية لغالبية مستخدمي الخط اليسار الي يمشون ببطء تلقى المراهقين على الجوال و بعض الحريم للاسف الي مهما سويت انسى انها تخليك تتجاوز كأن بينها وبينك ثار ... إضافة الى بعض لدريولية حديثي السياقة الي يخافون ... واحيانا كبار السن فوق 70 سنة

[ماجد البدر]

والله اخوي ماجد تعبنا وحنا نتكلم عن هالموضوع لكن عمك اصمخ تدري المشكله فالاساس من مدارس تعليم السواقه وانا شايفهم بعيني المدرب يعلم السائق انه يمسك اليسار خاصه اذا كان يبغي يلف ويرجع حتى لو الدوار ولا الاشارة على بعد كيلو هذا المتعلم فالاساس جاهل بالسواقه جاي من بلاده ميح مايعرف حتى يفتح باب السيارة المفروض المرور يوجهون رسائل لمدارس التعليم اما الفائده الثانيه من القطريين وغيرهم لين يمسك اليسار ويمشي براحته هذا تاكد قاعد يلعب فالجوال وطبعا اذا انت وراه تبغي يفتح ياخذ السالفه عناد

صحيح والله ما ابي احدد جنسية معينه ولكن معروفني غالبيه المدربين في المداس مثل ماقلت ميح المدرب يبيله تدريب ويحتاج تغيير الثقافة له و للمتدربين و الله المستعان

[ماجد البدر]

يمسكون الخط السريع والي جنبه على ظ¨ظ*
الشارع اربع حارات او خمسه ويعملون ربكه

والله شي يقهر ان شاء الله يكون في حل قريب

[ماجد البدر]

ملاحظة في محلها

تعبنا واحنا نتكلم ولا فيه فايدة .... عن نفسي اكتشفت ان المسار الايمن الاخير في خط الشمال هو الفاضي وصرت اسلكه بدون تفول وهرانة ووجع راس

ولو تسوي احصائية لغالبية مستخدمي الخط اليسار الي يمشون ببطء تلقى المراهقين على الجوال و بعض الحريم للاسف الي مهما سويت انسى انها تخليك تتجاوز كأن بينها وبينك ثار ... إضافة الى بعض لدريولية حديثي السياقة الي يخافون ... واحيانا كبار السن فوق 70 سنة

بحسب ما اشوف هو الغالبيه اجانب فلبين و هنود مع احترامي للجميع ولكن الشي يقهر بصراحة انا لي تجربه ان هرنت وتكلمت مع الي ماسك يسار يقول لي خذ اقصى اليسار وطوف مع ان في سيارة مسرعة يسار وانا مش ملزوم اتم وراه لين يفضى الطريق وفيه اربع مسارات يفترض اني امشي بسرعة المعقوله و القانونية براحتي

و المراهقين على ما اشوف فعلا متعصبين ونحيسيين لكن هم قله
ولا عاد اوقف او اتكلم مع حد لاني ممكن ارفع صوتي او يصير شي ولا من حقي اغلط على الناس حتى لو هو مخالف يفترض فيه سلطه وقانون عليه و علي احس اني العاقل بينهم يننونا والله

شوف عيني الدورية مع الخلطه ماشية ولا لها خص في حد دورية مرور الشمال شسالفة ماتدري

[Rider]

صحيح والله ما ابي احدد جنسية معينه ولكن معروفني غالبيه المدربين في المداس مثل ماقلت ميح المدرب يبيله تدريب ويحتاج تغيير الثقافة له و للمتدربين و الله المستعان

وإضافة اخرى المشكله هالجنسيات لو فتح لك المسار طالعه فالمرايه تحصل رجع مره ثانيه لليسار خلاص صارت ثقافة للاسف عندهم وارد وقولك ياخوي مدارس التعليم هي السبب الرئيسي

[ماجد البدر]

وإضافة اخرى المشكله هالجنسيات لو فتح لك المسار طالعه فالمرايه تحصل رجع مره ثانيه لليسار خلاص صارت ثقافة للاسف عندهم وارد وقولك ياخوي مدارس التعليم هي السبب الرئيسي

صحيح كلامك ميه بالميه ورجوعه الى الخط مباشرة بعد ماتعدي يعني انها ثقافة وعدم اقتناع فتح لك بس لانك لبقت في سيارته وفتح لك وهذا شي مجرب الله المستعان

[VX.R]

انا ما يقهرني الا اللي ماسك المسار الثاني ويمشي 20 خاصة اذا كان باص او بيكب
كأن عندهم تعليمات ان المسار الثاني هو المسار الذهبي والصحيح

[SouthK]

كل كلامك اخوي على الفاضي .. دام اللي يمشي في الشارع عارف ان محد بيحاسبه فبيمشي بكيفه و طز فيك و في الشارع و الناس كلهم!

لو واحد فيهم اندعم دعمة سنعة بيستعدلون كلهم لكن العيب فينا احنا و عدم وجود رادع!

[معماري قطري]

في بعض الدول المتطور فيها المرور وقوانينه يخالف اللي يتجاوز بهذي الطريقة مخالفة كبيرة ويمكن يسجن .. أول شيء ما يحق له يلصق في اللي جدامه ولا يحق له يمر بسرعة جنونية من يمين السيارات وبينها وثاني شيء القيادة أقصى اليسار يسوي له طريق جديد هذي ممنوعة منعاً باتاً لسيارات الشرطة والاسعاف وموقف طواريء لو فيه شيء صعب تتحرك السيارة للكتف اليمين

بعدين نجي للي يمشي يسار وشوي شوي .. هذا يخالف ومخالفته سهلة وكذلك مخالفة البقية بالكيمرات ( شكلهم بيفعلونها قبل كاس العالم )

لو انا من مدير المرور باشدد المخالفات على الكل خصوصاً اللي يسوقون برعونة ( مثلي أوقات وأعترف ) واللي يلصقون في السيارات اللي جدامهم ( انا ما اسويها ) بعدين يجون اللي يسوقون بطيء .. ألمانيا والسرعة فيها مفتوحة أوقات تطلع سيارة بتتجاوز تاخذ اليسار وتعطلك فترة .. ما يحق لك تولع ليت ولا هرن وتعتبر مخالفة قوية وما يحق لك تقترب والسيارات ألحين فيها تحذير للمسافة الآمنة .. قانونها تترك ثانيتين بينك وبين اللي جدامك لو كانت سرعته 100 وسرعتك وراه قريبة هو يقطع خط وهمي لو قطعته وراه بثانية ونص انت مقترب وايد .. يعني كل سرعة لها مسافة تزيد للأمان وهذي سهلة تصيدها الكيمرات

أتابع للحالة في ألمانيا .. اللي على اليسار يتجاوز ويمشي 120 والسرعة مفتوحة حتى لو تمشي 300 لازم تخفف حتى هو يتكرم ويخلص نفسه وتقدر تطوفه .. لكن لو على الطرق السريعة عطل ومشى فترة طويلة يسار يتخالف حتى وهو يمشي 120 لو السرعة مفتوحة .. في حال الطريق سريع وزحمة مثل اللي يصير عندنا والسرعة 120 واللي ماسك يسار ما يفتح ما لك حق تقترب منه ولا تولع ليت ولا يتخالف حتى ولا تتجاوزه من يمين الا انت واصل لفة يمين

[ماجد البدر]

انا ما يقهرني الا اللي ماسك المسار الثاني ويمشي 20 خاصة اذا كان باص او بيكب
كأن عندهم تعليمات ان المسار الثاني هو المسار الذهبي والصحيح

اي والله صاج مب سيارة ولا ثنتين

[ماجد البدر]

كل كلامك اخوي على الفاضي .. دام اللي يمشي في الشارع عارف ان محد بيحاسبه فبيمشي بكيفه و طز فيك و في الشارع و الناس كلهم!

لو واحد فيهم اندعم دعمة سنعة بيستعدلون كلهم لكن العيب فينا احنا و عدم وجود رادع!

نحاول شوي نرتقي في الحوار بدل طز فيك وغيره

على العموم تقصد من امن العقاب اساء الادب مافي قوانين صارمه تصدهم ولا يحسون انهم سوو شي غلط
ثم عن الحوادث تصير لهم وما يفهمون ليش ويقول لك كنت امشي بالعدال

[SouthK]

نحاول شوي نرتقي في الحوار بدل طز فيك وغيره

على العموم تقصد من امن العقاب اساء الادب مافي قوانين صارمه تصدهم ولا يحسون انهم سوو شي غلط
ثم عن الحوادث تصير لهم وما يفهمون ليش ويقول لك كنت امشي بالعدال

أعتذر عن ردي إذا شفت فيه أي إساءة لكني فقط حاولت أنقل نظرة هذي الفئة اللامبالية!

[SouthK]

في بعض الدول المتطور فيها المرور وقوانينه يخالف اللي يتجاوز بهذي الطريقة مخالفة كبيرة ويمكن يسجن .. أول شيء ما يحق له يلصق في اللي جدامه ولا يحق له يمر بسرعة جنونية من يمين السيارات وبينها وثاني شيء القيادة أقصى اليسار يسوي له طريق جديد هذي ممنوعة منعاً باتاً لسيارات الشرطة والاسعاف وموقف طواريء لو فيه شيء صعب تتحرك السيارة للكتف اليمين

بعدين نجي للي يمشي يسار وشوي شوي .. هذا يخالف ومخالفته سهلة وكذلك مخالفة البقية بالكيمرات ( شكلهم بيفعلونها قبل كاس العالم )

لو انا من مدير المرور باشدد المخالفات على الكل خصوصاً اللي يسوقون برعونة ( مثلي أوقات وأعترف ) واللي يلصقون في السيارات اللي جدامهم ( انا ما اسويها ) بعدين يجون اللي يسوقون بطيء .. ألمانيا والسرعة فيها مفتوحة أوقات تطلع سيارة بتتجاوز تاخذ اليسار وتعطلك فترة .. ما يحق لك تولع ليت ولا هرن وتعتبر مخالفة قوية وما يحق لك تقترب والسيارات ألحين فيها تحذير للمسافة الآمنة .. قانونها تترك ثانيتين بينك وبين اللي جدامك لو كانت سرعته 100 وسرعتك وراه قريبة هو يقطع خط وهمي لو قطعته وراه بثانية ونص انت مقترب وايد .. يعني كل سرعة لها مسافة تزيد للأمان وهذي سهلة تصيدها الكيمرات

أتابع للحالة في ألمانيا .. اللي على اليسار يتجاوز ويمشي 120 والسرعة مفتوحة حتى لو تمشي 300 لازم تخفف حتى هو يتكرم ويخلص نفسه وتقدر تطوفه .. لكن لو على الطرق السريعة عطل ومشى فترة طويلة يسار يتخالف حتى وهو يمشي 120 لو السرعة مفتوحة .. في حال الطريق سريع وزحمة مثل اللي يصير عندنا والسرعة 120 واللي ماسك يسار ما يفتح ما لك حق تقترب منه ولا تولع ليت ولا يتخالف حتى ولا تتجاوزه من يمين الا انت واصل لفة يمين

اخوي معماري تأكد ان الحلول موجودة لكن وين التطبيق؟؟

[Rider]

زيادة الحين لي ملاحظة الشاحنات قاعدين نشوفهم في وقت الذروه وين القانون قبل كورونا اوقات الذورة الشاحنات ماتتحرك الحين الصباح يسبقونا

[SouthK]

في نقطة بغيت اضيفها من باب الانصاف ان البعض عنده جهل بالقوانين المرورية فالتوعية اشوفها في البداية قبل تطبيق الغرامات و ممكن يصير تحسن!

[ماجد البدر]

في بعض الدول المتطور فيها المرور وقوانينه يخالف اللي يتجاوز بهذي الطريقة مخالفة كبيرة ويمكن يسجن .. أول شيء ما يحق له يلصق في اللي جدامه ولا يحق له يمر بسرعة جنونية من يمين السيارات وبينها وثاني شيء القيادة أقصى اليسار يسوي له طريق جديد هذي ممنوعة منعاً باتاً لسيارات الشرطة والاسعاف وموقف طواريء لو فيه شيء صعب تتحرك السيارة للكتف اليمين

بعدين نجي للي يمشي يسار وشوي شوي .. هذا يخالف ومخالفته سهلة وكذلك مخالفة البقية بالكيمرات ( شكلهم بيفعلونها قبل كاس العالم )

لو انا من مدير المرور باشدد المخالفات على الكل خصوصاً اللي يسوقون برعونة ( مثلي أوقات وأعترف ) واللي يلصقون في السيارات اللي جدامهم ( انا ما اسويها ) بعدين يجون اللي يسوقون بطيء .. ألمانيا والسرعة فيها مفتوحة أوقات تطلع سيارة بتتجاوز تاخذ اليسار وتعطلك فترة .. ما يحق لك تولع ليت ولا هرن وتعتبر مخالفة قوية وما يحق لك تقترب والسيارات ألحين فيها تحذير للمسافة الآمنة .. قانونها تترك ثانيتين بينك وبين اللي جدامك لو كانت سرعته 100 وسرعتك وراه قريبة هو يقطع خط وهمي لو قطعته وراه بثانية ونص انت مقترب وايد .. يعني كل سرعة لها مسافة تزيد للأمان وهذي سهلة تصيدها الكيمرات

أتابع للحالة في ألمانيا .. اللي على اليسار يتجاوز ويمشي 120 والسرعة مفتوحة حتى لو تمشي 300 لازم تخفف حتى هو يتكرم ويخلص نفسه وتقدر تطوفه .. لكن لو على الطرق السريعة عطل ومشى فترة طويلة يسار يتخالف حتى وهو يمشي 120 لو السرعة مفتوحة .. في حال الطريق سريع وزحمة مثل اللي يصير عندنا والسرعة 120 واللي ماسك يسار ما يفتح ما لك حق تقترب منه ولا تولع ليت ولا يتخالف حتى ولا تتجاوزه من يمين الا انت واصل لفة يمين

اكثر القوانين صرامه في المانيا وهذا شي مشاهد بالفعل وبالمقابل افضل اداء للقيادة
اذكر ان في لقاء او شي عن التوعيه في المانيا او دولة اوربية واحد من العرب مخالف لم يضع حزام الامان او مشى عكس السير بالغلط

و الدورية خلفه اوفقوه وادخلوه في فان وهو خايف وقالوا له وشرحوا له مخاطر هذا الفعل وشغلوا له فيديو ارشادي ثم نصيحة ثم مخالفة هذا الشخص يروي قصته وهو في ذهول وخجل ويقارن الفرق بيننا وبينهم

اذكر ان ترتيب الاولاد في السيارة بحسب القوانين وكيف يضع الحزام في المقعد الخلفي الاكبر سنا ولاصغر كل له وضعيه قانونية للكراسي الخلفيه ولا اتكلم عن الاطفال الرضع بل الكبار في الابتدائي

[ماجد البدر]

أعتذر عن ردي إذا شفت فيه أي إساءة لكني فقط حاولت أنقل نظرة هذي الفئة اللامبالية!

الله يرضى عليك مشكور

[ماجد البدر]

زيادة الحين لي ملاحظة الشاحنات قاعدين نشوفهم في وقت الذروه وين القانون قبل كورونا اوقات الذورة الشاحنات ماتتحرك الحين الصباح يسبقونا

صحيح لايوجد جدول لهم اصبح من الماضي على ما اعتقد بعد ان توسعت الطرق اصبح من السهوله الكل يسلك طريقه او يفترض ان هذا الشي حاصل

[ماجد البدر]

في نقطة بغيت اضيفها من باب الانصاف ان البعض عنده جهل بالقوانين المرورية فالتوعية اشوفها في البداية قبل تطبيق الغرامات و ممكن يصير تحسن!

نعم التوعيه كما ذكرت سابقا في الموضوع واساس التوعيه من المدرسة تعليم القيادة التي تخرج لنا سائقين يعلمون كيف يتعاملون مع السكان ويجهلون اولوية المرور

[بوحميد]

السبب الرئيسي هو الجوال
تلاقي الوحد عايش الجو مع الجوال
سوا يصور او يتابع او يراسل
وتارك العالم الخارجي
ولا يدري عنه

[مستر بن]

.
.

اتمنى يكون في حل قريب . . .