أبواب ممتازه للباب الرئسي

[Dana’1]

السلام عليكم
استفساري عن أفضل منجره للأبواب بداية من جودة الخشب إلى التصميم و الصبغ و التركيب

أنا شفت أبواب بموقع علي بابا طبعا بجودات و صناعات مختلفه في الهندي و الصيني و الأمريكي و أوربي
حتى الضمانات مختلفه بعض الابواب ضمانها سنه و ثانيه 5 سنوات و أخرى تصل إلى 11 سنه
طبعا تعدد تصاميم و الوان و أنواع الخشب بعضها

هل أحد من الأعضاء أو يعرف من جرب أبواب هالموقع؟ وكيف كانت التجربه؟

و جزاكم الله خير

[Dana’1]

معليش بالخطأ كتبته بالاستراحه مع الخطأ الإملائي طبعا الباب الرئيسي عاد إن كان فيه أخطاء غيرها تجاوزوها أهم شي الاستفسار و اضح^_^
و شكرا

[سالم الزهران]

الباب الرئيسي داخلي حق الفلة مثلاََ او خارجي حق الحوش؟

[Dana’1]

باب الفيلا لان غالبا هو اللي يكون خشب

[سالم الزهران]

باب الفيلا لان غالبا هو اللي يكون خشب

حتى انا توقعت بس لان الناس رجعت تسوي ابواب خشب للاحواش بالطراز التراثي، باب بدروازه.

عموماََ باب الفيلا ما يحير وممكن تفصلون اظنه افضل لانكم بتحصلون موديلات كثير.

اما المستورد فيبغي له دقة لان السعر يعتمد على نوع الخشب وسماكته و اذا هو معالج او لا.

[سعود.]

اذا مدخل الفيلا الافضل الباب يكون upvc
الخشب فقط لغرف النوم
الخشب موب عازل ويدخل غبار ويتأثر بعوامل الطقس

[شموخ دائم]

,

,


مرحبا


من الأفضل ان الأبواب تاخذونهم من بلدك او منطقتك

اكبر مشكله هي ( المقاسات ) عاده يكون القياس مو مضبوط ويحتاج تعديل
اما تعديل بالباب نفسه يضبطه النجار او الحداد حسب النوع
اما تعديل الأطراف في الفيلا نفسها

لذلك الطلب من الخارج فيه ( مغامره ) لها مشاكلها

خاصه اذا مع التعديل ازل الصبغ ويحتاج صبغ ( تجميلي )
بيكون مشكله أيضا لعدم تطابق اللون وتجانسه مع اللون الأصلي


الأفضل تختارون الشكل من الانترنت مثلا
ومنجره معروفه ( محليه ) تقوم بعمل التنفيذ

والخيارات كثيره

أبواب خشب
أبواب حديد مشغول
المنيوم صب وقص ليزر
أبواب ubvc


كلن وحسب ميزانيته وحسب ديكور البيت


لذلك ماانصح طلب الأبواب من الخارج او خاصه موقع علي بابا
بيكلف الشحن وهناك نسبه 30% ما يوصلك بنفس الفنش ونفس الصور للأسف


طلبنا مره شبابيك من نوع خاص ودخلنا بمشكله المقاسات والجوده
ومره طلبنا اثاث وطلع الفنش مو ذاك الزود والصور فيها جوده والمنتج غير جيد
مع اني مرفق الخرائط التفصيله وشخص اخترها بنفسه

بالنسبه لي كانت تجربه ( سيئه ) للأسف

وهناك ناس جابت أشياء كثيره وتوفقوا فيها



,

,
,

[سالم الزهران]

تنبيه اخونا شموخ في محلة من ناحية المقاسات، واتوقع أي انسان بيشتري أبواب اونلاين لابد توصله قبل التشطيب النهائي عشان يسوي التعديل على الفتحات مب على الأبواب.

[سالم الزهران]

https://j.top4top.io/p_17763ihzl0.jpg (https://top4top.io/)

هذا الباب مدخل رئيسي حق بيت أحد الزملاء، الورشة هذي حتى اللمسات النهائية على الأبواب تسويها عقب التركيب في البيت، مثل تركيب المقابض والوجه الأخير حق الحماية.

هذي الصورة مبين تركيب الباب قبل التشطيبات الأخيرة للحواف. اللي حط الفوم عفس الدنيا.

أيضاََ هذا البيت بعد استشرنا فيه الاخ معماري اذا يشوف مشاركتي هذي.

اعتذر ان خرجت عن الموضوع اخت دانه

[Dana’1]

سالم الزهران
صادق شفت أبواب خارجيه شي فخم وشي بسيط و جميل من الخشب في أحد الدول العربيه
أنا أحب الخشب و أفضله على الحديد للباب الفيلا بس الأهم يكون بجوده و شغل ممتازين

و الباب الحالي خشب اتمنى لو نعدل عليه أفضل من استبداله بس مانعرف منجره ونجارين ممتازين بصراحه

الله يسهل يا رب شكرا للرد

[سالم الزهران]

اذا هو خشب فممكن التعديل عليه ويمكن اخراجه في أحسن صورة..مشكلة المنجرة تحب تاخذ مقاولة كاملة وعدد كبير من الأبواب.. لذلك يجوز يعطونكم سعر فوق لو قبلوا يشتغلون.

[Dana’1]

اذا مدخل الفيلا الافضل الباب يكون upvc
الخشب فقط لغرف النوم
الخشب موب عازل ويدخل غبار ويتأثر بعوامل الطقس

يجوز كلامك صحيح عن اليوبي في سي و الخشب الردئ بالجوده والصناعه والتركيب

لكن إذا الخشب ممتاز و الشغل ممتاز بالعكس جدا أفضل و يعمر حتى أكثر من اليوبي في سي( أكبر فوق بينهم الخشب يتصين و اليوبي في سي ما يمديك لو اختربت قطعه مشكله بالذات المقابض )

طبعا فكرتي عن الخشب نتيجه أبواب شفتها لها 30 سنه و زياده لو تشوفها تقول توها مركبه ماشاءالله بارك الله
و الشي الثاني ممكن يعتمد على عمق المدخل نفسه كل ماصار الباب تحت ظل صار أفضل له اما اذا عالشمس مباشره وبالذات بالاجواء عندنا يخترب بسرعه كلون وييبوسه فيبغاله صيانه دوريه
ودهن

شكرا للمشاركه

[Dana’1]

,

,


مرحبا


من الأفضل ان الأبواب تاخذونهم من بلدك او منطقتك

اكبر مشكله هي ( المقاسات ) عاده يكون القياس مو مضبوط ويحتاج تعديل
اما تعديل بالباب نفسه يضبطه النجار او الحداد حسب النوع
اما تعديل الأطراف في الفيلا نفسها

لذلك الطلب من الخارج فيه ( مغامره ) لها مشاكلها

خاصه اذا مع التعديل ازل الصبغ ويحتاج صبغ ( تجميلي )
بيكون مشكله أيضا لعدم تطابق اللون وتجانسه مع اللون الأصلي


الأفضل تختارون الشكل من الانترنت مثلا
ومنجره معروفه ( محليه ) تقوم بعمل التنفيذ

والخيارات كثيره

أبواب خشب
أبواب حديد مشغول
المنيوم صب وقص ليزر
أبواب ubvc


كلن وحسب ميزانيته وحسب ديكور البيت


لذلك ماانصح طلب الأبواب من الخارج او خاصه موقع علي بابا
بيكلف الشحن وهناك نسبه 30% ما يوصلك بنفس الفنش ونفس الصور للأسف


طلبنا مره شبابيك من نوع خاص ودخلنا بمشكله المقاسات والجوده
ومره طلبنا اثاث وطلع الفنش مو ذاك الزود والصور فيها جوده والمنتج غير جيد
مع اني مرفق الخرائط التفصيله وشخص اخترها بنفسه

بالنسبه لي كانت تجربه ( سيئه ) للأسف

وهناك ناس جابت أشياء كثيره وتوفقوا فيها



,

,
,

مرحبا شموخ دائم
صحيح كلامك بخصوص القياسات وهذا بعد مخلينا نتردد

من زمان كان توهم هابين بالابواب التركيه الصنع دي اتش مدري اتش دي شي زي كذا اسمها
خشب مضغوط. هي من زمان موجىده بس اقصد بالجديد هبتها
كان أحد مشاكلها اللي ذكروها ان صعب صيانتها لانها خشب مضغوط وبقشره مدري ايش ضد الحراره وووو الدعايه طويله و عريضه
و سبحان الله صارت أمور خارج ارادة المحل و ما قدر يجيبها من المصنع هناك غير ان التأخير كان بسبب ان احد الابواب اخذوا قياس غلط
هذا وهو محل متخصص بالأبواب و يتعامل مع مصنع متخصص بالابواب حتى كان ياخذ القياس بالليز !!

الخيارات الي ذكرتها زينه و أنا بصراحه أميل للخشب لكن ممكن نشوف غيره

شكرا لك عالشرح الوافي ماقصرت

[sara jsm]

مرحبا اختي الدانه ..
شكلج بس تبين تسوين صيانه لان بابكم قوي وحرام يتبدل ..
باطرش لج رقم عالخاص حق منجرة كل اللي يشتغلون فيها فنانيين وعندهم قسم صيانه الابواب الخشبيه ..
:
بس فكرة انج تاخذين باب من موقع عالنت*،مب
مضمونه واخوي شموخ كفى ووفى باهم الاسباب ..
:
الله يوفقكم

[Dana’1]

اذا هو خشب فممكن التعديل عليه ويمكن اخراجه في أحسن صورة..مشكلة المنجرة تحب تاخذ مقاولة كاملة وعدد كبير من الأبواب.. لذلك يجوز يعطونكم سعر فوق لو قبلوا يشتغلون.

اي خشب شزينه قبل لا يصبغونه بعروقه كان مصبوغ لاباس بصبغه و جاك ثاني مع انه مان مبدع بصبغ الجدران و و الرسم عالجدران بس ما ادري ايش جاه على الباب وصبغه طير ملامحه كلها و الله المستعان

[Dana’1]

https://j.top4top.io/p_17763ihzl0.jpg (https://top4top.io/)

هذا الباب مدخل رئيسي حق بيت أحد الزملاء، الورشة هذي حتى اللمسات النهائية على الأبواب تسويها عقب التركيب في البيت، مثل تركيب المقابض والوجه الأخير حق الحماية.

هذي الصورة مبين تركيب الباب قبل التشطيبات الأخيرة للحواف. اللي حط الفوم عفس الدنيا.

أيضاََ هذا البيت بعد استشرنا فيه الاخ معماري اذا يشوف مشاركتي هذي.

اعتذر ان خرجت عن الموضوع اخت دانه

الله يبارك له خذ راحتك الموضوع موضوعك و للجميع
أهم شي الاداره تكون موافقه

[sara jsm]

تذكرت .. محل المتحدة عندهم ابواب خشبيه ..
قوية وصلبه وخشبها ممتاز بس اسعارهم فوق ال25 الف

[Dana’1]

مرحبا اختي الدانه ..
شكلج بس تبين تسوين صيانه لان بابكم قوي وحرام يتبدل ..
باطرش لج رقم عالخاص حق منجرة كل اللي يشتغلون فيها فنانيين وعندهم قسم صيانه الابواب الخشبيه ..
:
بس فكرة انج تاخذين باب من موقع عالنت*،مب
مضمونه واخوي شموخ كفى ووفى باهم الاسباب ..
:
الله يوفقكم

مراحب سارة اللهم آمين الله يوفقك والجميع جزاك الله خير
صحيح وهذا السبب في اني كتبت هالموضوع

لكن الظاهر اننا بنكتفي بعمل صيانه للباب و الله يسهل يا رب

شكرا للرد

[سالم الزهران]

الخشب ممكن تنزل طبقة الدهان اللي عليه ويرجع يتنظف بمواد مخففة تفتح المسامات للصبغة (وليس الصبغ أو الدهان).
الصبغة هذه الوان طبيعية مع جملوكا يتم التحكم في اختيار اللون و درجته من قبل النجار ويصبغ الباب يدوي بأدوات بسيطة وبطرق تقليدية (قطعة قطن أو اسفنج بحري) الخ.

تظهر ملامح الباب ويبين نوع الخشب وياخذ لون مناسب من درجات العسلي الفاتح حتى درجة البني.

الباب الخشب زين لكنه ضحية لقلة وجود الحرفيين.

[Dana’1]

الخشب ممكن تنزل طبقة الدهان اللي عليه ويرجع يتنظف بمواد مخففة تفتح المسامات للصبغة (وليس الصبغ أو الدهان).
الصبغة هذه الوان طبيعية مع جملوكا يتم التحكم في اختيار اللون و درجته من قبل النجار ويصبغ الباب يدوي بأدوات بسيطة وبطرق تقليدية (قطعة قطن أو اسفنج بحري) الخ.

تظهر ملامح الباب ويبين نوع الخشب وياخذ لون مناسب من درجات العسلي الفاتح حتى درجة البني.

الباب الخشب زين لكنه ضحية لقلة وجود الحرفيين.

صحيح كلامك وهذي ميزة الخشب تقدر تعيد ترتب أموره
لكن مشكلتي هي من الممتاز اللي بيرتبه أخر و احد حاول طمس المعالم و غدا يجيب الكآبه
و بصراحه مافيه عماله و حرفيين يشتغلون صح .. و إن وجد قليل و شخصيا ما أعرف
اللي اشتغل على أبواب البيت ممتاز لكن المشكله الصباغين اللي كان يتعامل معهم عزلوا فلا رقم تواصل و لا غيره

و بإذن الله تتيسر
شكرا لك و شكرا لكل من شاركنا الحلول
جزاكم الله خير

[معماري قطري]

باب الفيلا لان غالبا هو اللي يكون خشب

أكبر خطأ تركبينه خشب حتى لو سولد أو مصمت يهتري ويتغير ويحتاج صيانة مكلفة

مجلس الفريج عندنا مركبين أبواب خشب أول شيء ثقيلة وغالية وفيها مسامير نحاسية على التشكيلة التراثية القديمة وفوقها ليوان مظلل بعد .. خلال فترة بسيطة تغير اللون وشوي الخشب تآكل وتجرح وتشرب رطوبة .. سوينا صيانة المسامير بعضها ما ركبت صح وبعضها انكسرت

ما فيه أحسن من اليو بي في سي وفيه يو بي سي خشبي ومب لاصق الصبغة منه وفيه وفيه قطعة كاملة بدون قزاز وفيه اللي فيه قزاز وتصاميم كثيرة .. فيه أنواع تجي بلاصق من برا يكون أبيض يقاوم الشمس والعوامل الجوية ولونه ما يتغير ومن داخل لاصق أو جلاد خشبي شكله حلو مكشوف لأن مؤكد بيجي بدون ستارة ويعزل الغبار والحرارة والصوت

[معماري قطري]

يجوز كلامك صحيح عن اليوبي في سي و الخشب الردئ بالجوده والصناعه والتركيب

لكن إذا الخشب ممتاز و الشغل ممتاز بالعكس جدا أفضل و يعمر حتى أكثر من اليوبي في سي( أكبر فوق بينهم الخشب يتصين و اليوبي في سي ما يمديك لو اختربت قطعه مشكله بالذات المقابض )

طبعا فكرتي عن الخشب نتيجه أبواب شفتها لها 30 سنه و زياده لو تشوفها تقول توها مركبه ماشاءالله بارك الله
و الشي الثاني ممكن يعتمد على عمق المدخل نفسه كل ماصار الباب تحت ظل صار أفضل له اما اذا عالشمس مباشره وبالذات بالاجواء عندنا يخترب بسرعه كلون وييبوسه فيبغاله صيانه دوريه
ودهن

شكرا للمشاركه

المجلس اللي ذكرته الظل مغطي حول 4 أمتار بس ما فيه فايدة ولا خذوا 3 سنين الا آثار الشيخوخة مبينة عليهم .. حتى باب دورة المياه انشلخ من الوسط مع إنه مصمت واستوت فيه فتحة حول ملم وشوي

[سعود.]

اتوقع طلبك تحصلينة في محل ( ليزر استديو )

ابواب فخمة خرافيه upvc تجي بأشكال كنها خشب بصراحه ماشفت اي محل في الدوحه نفسه بس السعر جدآ غالي

Laser Studio ليزر استوديو
الدوحة
4417 3852
https://goo.gl/maps/EgseKescWtnpo4TE7

[sara jsm]

هي تبي تسوي صيانه للباب الخشب ..
اذا عندكم ارقام نجاريين شطار اكتبوه هني ..
او اسامي مناجر ممكن يسون صيانه للبيبان ..

[Dana’1]

اتوقع طلبك تحصلينة في محل ( ليزر استديو )

ابواب فخمة خرافيه upvc تجي بأشكال كنها خشب بصراحه ماشفت اي محل في الدوحه نفسه بس السعر جدآ غالي

Laser Studio ليزر استوديو
الدوحة
4417 3852
https://goo.gl/maps/EgseKescWtnpo4TE7

جزاك الله خير وفعلا فيه من المعارف من مدح شغله
و بإذن الله خير
شكرا لك

[Dana’1]

هي تبي تسوي صيانه للباب الخشب ..
اذا عندكم ارقام نجاريين شطار اكتبوه هني ..
او اسامي مناجر ممكن يسون صيانه للبيبان ..

صحيح هو إذا فيه مجال و أحد يعدل الصبغ و الرتوش يكون تمام
لكن اذا اضطرينا للتغير فالخيارات أيضا تثري الموضوع

[Dana’1]

أكبر خطأ تركبينه خشب حتى لو سولد أو مصمت يهتري ويتغير ويحتاج صيانة مكلفة

مجلس الفريج عندنا مركبين أبواب خشب أول شيء ثقيلة وغالية وفيها مسامير نحاسية على التشكيلة التراثية القديمة وفوقها ليوان مظلل بعد .. خلال فترة بسيطة تغير اللون وشوي الخشب تآكل وتجرح وتشرب رطوبة .. سوينا صيانة المسامير بعضها ما ركبت صح وبعضها انكسرت

ما فيه أحسن من اليو بي في سي وفيه يو بي سي خشبي ومب لاصق الصبغة منه وفيه وفيه قطعة كاملة بدون قزاز وفيه اللي فيه قزاز وتصاميم كثيرة .. فيه أنواع تجي بلاصق من برا يكون أبيض يقاوم الشمس والعوامل الجوية ولونه ما يتغير ومن داخل لاصق أو جلاد خشبي شكله حلو مكشوف لأن مؤكد بيجي بدون ستارة ويعزل الغبار والحرارة والصوت


المجلس اللي ذكرته الظل مغطي حول 4 أمتار بس ما فيه فايدة ولا خذوا 3 سنين الا آثار الشيخوخة مبينة عليهم .. حتى باب دورة المياه انشلخ من الوسط مع إنه مصمت واستوت فيه فتحة حول ملم وشوي

جزاك الله خير عالرد الوافي ما قصرت أخونا معماري و أكيد التجارب غير

وصحيح بما يخص الصيانه المكلفه للخشب و غيرها من المشاكل اللي تتطلب حل عاجل و صيانه دوريه

شكرا لك