جلسة تداول الأربعاء 18/11/2020

[بوجبر]

السلام عليكم ورحمه الله وبركاته

التداول بصمت بدء يوءتي ثمارة :app:

[مضارب يومي.]

صباح الخير

[Qtr37]

السلام عليكم
و
صباح الخير

[ALZAAR]

السلام عليكم
و
صباح الخير

[بحر شرق]

صباح الخير

[Abjalsulaiti]

ناقلات: انتقال سبع سفن للغاز الى ادارتها من شل الدوليه

جريدة الشرق

[Abjalsulaiti]

اتوقع اليوم الزخم يستمر على ناقلات

السهم حتى الربع الثالث محقق 0.16 يعني عائد فوق 5%

السهم يستاهل اسعار فوق 3.5 واتوقع نشوفها مع شراء محافظ مورغان الضخم

[محمد ١]

السلام عليكم ورحمة الله وبركاتة

[.:: القيصر ::.]

السلام عليكم

صباح الخير

[محلل استثمار]

اسعد الله صباحكم بكل خير وعافية
موفقين ان شاء الله

ونتمنى ان لا يكون السوق ضمن المشاركين في عروض الاربعاء الابيض

[يعقوب ذياب]

السلام عليكم ورحمة الله وبركاته

واسعد الله صباحكم بكل خير

[نايم سهران]

السلام عليكم ورحمة الله وبركاته

واسعد الله صباحكم بكل خير

وعليكم السلام
الله يصبحك بالنور والسرور

[محلل استثمار]

أدارة البورصة لازم تشوف حل لصفقات شراء او بيع سهم او 10 اسهم للتلاعب بالاسعار

[نايم سهران]

ههههههههههههه

[Qtr37]

في التفاصيل اشوف اسهم الطلب لاستثمار اكثر من العرض
لكن السعر ينزل
شالسبب؟؟

[Qtr37]

ونبي نشوف ارتفاع لمزايا :(

[نايم سهران]

شكله بنشوف بيع عشوائي بعد شوي !!

[فرع الشقاوة]

السلام عليكم ورحمة الله وبركاته

واسعد الله صباحكم بكل خير

وعليكم السلام ورحمة الله وبركاته
واسعد الله صباحكم جميعا

[][ الوحيد ][]

في التفاصيل اشوف اسهم الطلب لاستثمار اكثر من العرض
لكن السعر ينزل
شالسبب؟؟


لان في حد يبيع علئ سعر العرض

[Qtr37]

ومزايا تحت 1.3 .....

[.:: القيصر ::.]

اللي يصير في فودافون حرام

لكن الوعد قدام



:playball:

[يعقوب ذياب]

احتمال المؤشر يصل الى10150 ويرتد نراقب ونرتصد ونشوف

[نايم سهران]

اجاره فيها تناطح دببه وثيران

[فرع الشقاوة]

طالما التداول بسيط مفيش قلق الخير قادم ان شاءالله

[Abjalsulaiti]

ناقلات محافظ مورغان بتاكل المحافظ القطريه اكل بدون طبخ

نيء

[نايم سهران]

اجاره اصبح جاهز للاقلاع

[swairah]

لاتزعل نايم سهران اجاره انا اخذت السهم فيها 1.32 ومتكيه وصابره
فررت مني صفقات كبيره لاني حطيت كل فلوسي فيها
وردد يالليل مطولك
شكلي بسحب ميتين الف من البنك واشتري اجاره على انزل سعر اسوي نسبه وتناسب

[ضحية البورصة]

اللي يصير في فودافون حرام

لكن الوعد قدام



:playball:

صبحك الله بالخير ،، متى الدخول المناسب على السهم ولاتهون

[Abjalsulaiti]

باذن الله بتشوفون ناقلات 3.5 قبل اضافتها في msci

المحافظ القطريه ماتبيع تقتنع بقوة المحافظ الامريكيه

عندهم فايض كاش ماتفرق معاهم السعر الي بينعرض بيشترونه

[نايم سهران]

لاتزعل نايم سهران اجاره انا اخذت السهم فيها 1.32 ومتكيه وصابره
فررت مني صفقات كبيره لاني حطيت كل فلوسي فيها
وردد يالليل مطولك
شكلي بسحب ميتين الف من البنك واشتري اجاره على انزل سعر اسوي نسبه وتناسب

الله يوفقج اختي ... وان شاءالله تبيعينه باعلى سعر ...

حاليا انا ما املك في السهم نهائيا .. في اسهم اتكلم عنها لاني اتابعها وادخل فيها مضاربه واطلع...

[Abjalsulaiti]

الله يذكر المحلل عقاب بالخير

قال دلاله بيبدا تصحيح ويروح 1.50 وبعدها يرتد للهدف 2.70 بعدها 3

فعلا صحح السهم مع اخر نزله للسوق وحاليا ارتد

واجتماعات صارت عن تطبيق مدرس وعرضه على الفيصل للقابضه

كل هذا له دلالات يادلاله

[نايم سهران]

لاتزعل نايم سهران اجاره انا اخذت السهم فيها 1.32 ومتكيه وصابره
فررت مني صفقات كبيره لاني حطيت كل فلوسي فيها
وردد يالليل مطولك
شكلي بسحب ميتين الف من البنك واشتري اجاره على انزل سعر اسوي نسبه وتناسب

دائما الي خسران في سهم يحاول ينتقم من السهم وهاي يخسر الواحد زياده ..

حلو الخسران يعدل متوسطه .. لكن موب شرط على نفس السهم ...

اذا انتي شايفته ايجابي وبيرجع راس مالج ... شي راجع لج ..

لكن ممكن تعدلين المتوسط عن طريق الدخول في اسهم ثانيه ...

فقط وجهة نظر والقرار لج

[vip1982]

الله يذكر المحلل عقاب بالخير

قال دلاله بيبدا تصحيح ويروح 1.50 وبعدها يرتد للهدف 2.70 بعدها 3

فعلا صحح السهم مع اخر نزله للسوق وحاليا ارتد

واجتماعات صارت عن تطبيق مدرس وعرضه على الفيصل للقابضه

كل هذا له دلالات يادلاله

دلالة على شو اخي الكريم. لاتورط الناس بدلالات غير موجودة, السهم نازل ثلاثة بالمئة والتدوال عليه ثلاثة مية ألف بس.

[الوهم]

صباح الخير اين المحللين انقذونا من هذا الدمار

[Ahmed86]

دلالة على شو اخي الكريم. لاتورط الناس بدلالات غير موجودة, السهم نازل ثلاثة بالمئة والتدوال عليه ثلاثة مية ألف بس.

اي و الله !
فوق انه سهم محرم

[مستثمر رشيد]

اذا واحد مسك السكين وهي ساقطة .... شيسوي؟؟؟

[يعقوب ذياب]

الامور طيبه شويات ويتحسن المؤشر

[نايم سهران]

كثير الي كانو يطبلون حق اسهم وورطوا الناس فيها ... شردوا ولا واحد فيهم موجود ...

الي يبغي يطبل يطبل حق سهمه لكن لا يحاول يقنع الناس انها تشتري ...

[qatar 86]

كثير الي كانو يطبلون حق اسهم وورطوا الناس فيها ... شردوا ولا واحد فيهم موجود ...

الي يبغي يطبل يطبل حق سهمه لكن لا يحاول يقنع الناس انها تشتري ...

الله على أخلاقك يا أبو مكه

:app2:

[نايم سهران]

الله على أخلاقك يا أبو مكه

:app2:

هههههههههههههههههه

[Abjalsulaiti]

دلالة على شو اخي الكريم. لاتورط الناس بدلالات غير موجودة, السهم نازل ثلاثة بالمئة والتدوال عليه ثلاثة مية ألف بس.

اخوي هذا تحليل فني من المحلل عقاب

نزول السهم شوي مب معناتها نهاية الدنيا

ماضربت حد على يده قلت له اشتر!

الايام بينا باذن الله ونشوف فيها ارتفاع اولا وانا راح اخزن كلامك عشان بعد فتره ارجع لك وانت خزن كلامي

[مستثمر رشيد]

كثير الي كانو يطبلون حق اسهم وورطوا الناس فيها ... شردوا ولا واحد فيهم موجود ...

الي يبغي يطبل يطبل حق سهمه لكن لا يحاول يقنع الناس انها تشتري ...

خير مثال جلسة التداول .... وقت النزول مشاركات قليلة واحباط .... وقت الارتفاع مشاركات كثيرة وتفاعل

[السيلاوي]

كثير الي كانو يطبلون حق اسهم وورطوا الناس فيها ... شردوا ولا واحد فيهم موجود ...

الي يبغي يطبل يطبل حق سهمه لكن لا يحاول يقنع الناس انها تشتري ...

كلام سليم يا نايم سهران

[مستثمر رشيد]

استثمار ومزايا .... عاد لقواعده سالما .... وكانك يابوزيد ماغزيت

[محلل استثمار]

اسعد الله صباحكم بكل خير وعافية
موفقين ان شاء الله

ونتمنى ان لا يكون السوق ضمن المشاركين في عروض الاربعاء الابيض

تنزيلات الاربعاء الابيض

[vip1982]

اخوي هذا تحليل فني من المحلل عقاب

نزول السهم شوي مب معناتها نهاية الدنيا

ماضربت حد على يده قلت له اشتر!

الايام بينا باذن الله ونشوف فيها ارتفاع اولا وانا راح اخزن كلامك عشان بعد فتره ارجع لك وانت خزن كلامي

طبيعي كل شي ينزل يرد يرتفع, لكن تعقيبي على كلامك انه هناك دلالات ارتداد, اين هي هذه الدلالات والسهم بالنازل ومافي سيولة. في ناس تشوف المنتدى وتتأثر بالكلام المكتوب فيه, لذلك يجب ان نكون دقيقين شوي

[يعقوب ذياب]

استعدوا للاقلاع ان شاء الله

[نايم سهران]

دلالة على شو اخي الكريم. لاتورط الناس بدلالات غير موجودة, السهم نازل ثلاثة بالمئة والتدوال عليه ثلاثة مية ألف بس.

مالي علاقه في الاخ السليطي الي ذكر الكلام ....

لكن أغلب المحللين قالوا دلاله بيروح فوق 27 ... الله اعلم

الشركة اسهمها قليله وسهل التحكم فيها عن طريق الهامور ...

يعني يرفعها وينزلها على كيفه ...

نفس الكلام انقال عن الطبيه انها بتروح 33 و 45 ولين يومك هاي والسهم خسر اكثر من 30% من القمة !!

حاليا الاوضاع حولينا مش مساعدة ... لكن اذا الامور استقرت صحيح كثير اسهم لها اهداف وطلعات قويه ان شاءالله ...

وحاليا بما ان الاوضاع ضبابية ... الوضع كله مضاربي

[Abjalsulaiti]

كل الي قلته سهم دلاله له تحليل فني من المحلل عقاب يستهدف 3

ومجلس ادارة دلاله اجتمعو مع رئيس الفيصل القابضه وشرحوا له البرنامج ووين وصل وتقدمه عالميا

ومعروف عن شركة الفيصل القابضه تستحوذ على مشاريع ناجه

كل هذه احتمالات

اذا بيعت تطبيق مدرس حرام بعد هذه مشكله ثانيه

هذه كلها دلالات مافي شي اكيد

وشكرا

[Nasserqat]

نايم سهران تسمح لي اقول انه سهمي الاول قلص ثلاثة بالمية وله لا هههههه اتغشمر معاك ياخوي
و صباح الخير على الجميع

[بنسل]

استعدوا للاقلاع ان شاء الله

اقلاع بالاسهم القياديه ؟
اغلب اللي هني ف الاسهم المضاربيه

[هاوي مضاربات]

الاول ممكن

[نايم سهران]

خير مثال جلسة التداول .... وقت النزول مشاركات قليلة واحباط .... وقت الارتفاع مشاركات كثيرة وتفاعل

اي والله انك صادق .... الله المستعان

[نايم سهران]

كلام سليم يا نايم سهران

منور يالسيلاوي ... :tooth:

[Abjalsulaiti]

يعقوب شسالفة الخليج الدوليه تراه ملغ

[Abjalsulaiti]

المحافظ القطريه ماتستحي كل الدعم الي يجيكم من حكومة قطر

وانت شغالين بيع للاجانب وتنزلون السوق

[swairah]

دائما الي خسران في سهم يحاول ينتقم من السهم وهاي يخسر الواحد زياده ..

حلو الخسران يعدل متوسطه .. لكن موب شرط على نفس السهم ...

اذا انتي شايفته ايجابي وبيرجع راس مالج ... شي راجع لج ..

لكن ممكن تعدلين المتوسط عن طريق الدخول في اسهم ثانيه ...

فقط وجهة نظر والقرار لج

جزاك الله خير فكره ممتازه
كنت مركزه على سهم واحد كبدايه
ولكن باخذ بنصيحتك شكرا للتنبيه جعل من جابك الجنة

[مستثمر درويش]

السلام عليكم جميعا يا اخوان ان شاءالله مزايا والاجارة لهم طلعة محترمة كما حللها اغلب المحلليلن وخصوصا اخونا عتيق

[نايم سهران]

نايم سهران تسمح لي اقول انه سهمي الاول قلص ثلاثة بالمية وله لا هههههه اتغشمر معاك ياخوي
و صباح الخير على الجميع

ههههههههه مبروك عليك اخوي ...
ان شاءالله استقرار السهم عند 1.690 بيروح للاهداف المذكوره من قبل المحللين

[مستثمر رشيد]

ناقلات ولو انه حرام ..... لكن اثبت انه سهم يغرد خارج السرب

[يعقوب ذياب]

يعقوب شسالفة الخليج الدوليه تراه ملغ

ههههههههههههههههه مايبون يرفعونه له وقته امامه مقاومه عند 1.535

[يعقوب ذياب]

المؤشر احترم التحليل وصل للدعم وهو قرابه 10150 وارتد وان شاء الله يواصل التعديل والصعود لاعلى

[Nasserqat]

ههههههههه مبروك عليك اخوي ...
ان شاءالله استقرار السهم عند 1.690 بيروح للاهداف المذكوره من قبل المحللين

ان شاء الله باذن الله و الله يوفقك و يوفق جميع من يقرا

[qatar 86]

السوق بدون هلع مب شي

[مستثمر رشيد]

تقليص جميل .... بدأت بعض الاسهم تعود للاخضر

[نايم سهران]

جزاك الله خير فكره ممتازه
كنت مركزه على سهم واحد كبدايه
ولكن باخذ بنصيحتك شكرا للتنبيه جعل من جابك الجنة

ويجزاج بمثله ان شاءالله

[Abjalsulaiti]

ناقلات ولو انه حرام ..... لكن اثبت انه سهم يغرد خارج السرب

بعد ناقلات حرام

مااضن

[نايم سهران]

الحمدلله اليوم بو ذياب موجود يطمنا على المؤشر ...

بوذياب وحوت الاسهم دائما يطمنون الواحد بخصوص المؤشر ...

والقيصر مو مقصر معانا بخصوص الاسهم ...

[Abjalsulaiti]

يعقوب على الشراء القوي في ناقلات

وين تشوف هدفه

[يعقوب ذياب]

يعقوب على الشراء القوي في ناقلات

وين تشوف هدفه

احتمال تصل الى 3.3 والله اعلم بس مش ضروري اليوم

[يعقوب ذياب]

الحمدلله اليوم بو ذياب موجود يطمنا على المؤشر ...

بوذياب وحوت الاسهم دائما يطمنون الواحد بخصوص المؤشر ...

والقيصر مو مقصر معانا بخصوص الاسهم ...

جزاك الله خير والمؤشر يعكس وضعه على الاسهم بعد

كلن يراقب سهمه

[نايم سهران]

جزاك الله خير والمؤشر يعكس وضعه على الاسهم بعد

كلن يراقب سهمه

ويجزاك بمثله الله يحفظك

[يعقوب ذياب]

مازال المؤشر في جعبته صعود قرابه 25 نقطه بعد

[Abjalsulaiti]

https://d.top4top.io/p_17837eq860.jpeg (https://top4top.io/)

تفضل في اي بي شارت دلاله من بلومبرق

اذا اخترق 1.90 بيولع باذن الله

[يعقوب ذياب]

اشوفه عند 10190 حاليا

[مستثمر رشيد]

بعد ناقلات حرام

مااضن

هي من الاسهم المختلطة ولكن بسبب كبر حجم القروض الربوية التي عليها دخلت ضمن الاسهم المحرمة .... اعتقد هناك قائمة جديدة للشيخ القراداغي

[Abjalsulaiti]

ولاتنسى دلاله فيها هوامير الشمال

هههههه

[مضارب يومي.]

يبدو ان متداول صعب عاد يطبل ولكن بمسمى جديد

[نايم سهران]

ناقلات عندها فجوه عند 2.840

بس اغلاقه اليوم فوق 3.130 اعتقد بيروح للهدف 3.32

الله اعلم

[Abjalsulaiti]

يبدو ان متداول صعب عاد يطبل ولكن بمسمى جديد

تكلم دايركت ادري تقصدني

انا ماقلت بحط لكم طلبات برفعها

لاكن انا الغلطان

[مستثمر رشيد]

للاسف المؤشر رجع يعمق مرة اخرى مع سيولة وتداول ضعيف وممل

[نايم سهران]

يبدو ان متداول صعب عاد يطبل ولكن بمسمى جديد

احسن الظن ياخوي .... الله يجزاك الخير

[بوفهد 92]

جزاك الله خير والمؤشر يعكس وضعه على الاسهم بعد

كلن يراقب سهمه

بوذياب عساك عالقوة ... ايش رايك في الإجارة؟

[بنسل]

تكلم دايركت ادري تقصدني

انا ماقلت بحط لكم طلبات برفعها

لاكن انا الغلطان


محشوم
ونعم فيك والله تحط لنا شارتات ومجتهد

[يعقوب ذياب]

بوذياب عساك عالقوة ... ايش رايك في الإجارة؟

الله يقويك اختراقها والتداول فوق 1.195 يستعيد قوته بعدها

[نايم سهران]

محشوم
ونعم فيك والله تحط لنا شارتات ومجتهد

بالضبط ... الله يجزاه الخير مش مقصر اخونا السليطي

[Abo hamza]

السلام عليكم
اخونا يعقوب ذياب ازدان من زمان نزول ممكن تكون فرصة الحين
جزاك الله كل خير

[يعقوب ذياب]

السلام عليكم
اخونا يعقوب ذياب ازدان من زمان نزول ممكن تكون فرصة الحين
جزاك الله كل خير

نعم سعرها ممتاز وخاصه اذا مستثمر

[Abo hamza]

نعم سعرها ممتاز وخاصه اذا مستثمر

بارك الله فيك

[يعقوب ذياب]

المؤشر على التوالي 10173
10181
10190

راقبو وشوفو

[نايم سهران]

المؤشر على التوالي 10173
10181
10190

راقبو وشوفو

من راقب المؤشر مات هماً .. اقصد تمام نراقبه ونشوف ههههههه

[يعقوب ذياب]

من راقب المؤشر مات هماً .. اقصد تمام نراقبه ونشوف ههههههه

راقب جزاك الله خير

المال عديل الروح

[نايم سهران]

راقب جزاك الله خير

المال عديل الروح

اي والله انك صادق ... يارب يقلص ويروح فوق

[يعقوب ذياب]

لا يوجد مبرر للهبوط
الوضع طبيعي واللي حصل اليوم ماهو الا تخويف وتجميع في ان واحد

[نايم سهران]

الحمدلله

[مستثمر رشيد]

ناقلات احمرت

[Nasserqat]

ان شاء الله يكون بو الدراهم طلع

[فرع الشقاوة]

اخونا يعقوب رايك فى قاكو جزاك الله خير

[نايم سهران]

تجميع محافظ :nop:

[.:: القيصر ::.]

صبحك الله بالخير ،، متى الدخول المناسب على السهم ولاتهون

الدخول المناسب يوم كان تحت 1.000

الحين نبيه يرجع يغلق فوق 1.339 بسيولة و لمدة ثلاث ايام على الاقل

عشان نكمل الى الاهداف 1.37 - 1.4 - 1.44 -1.54 ان شاء الله

هذي اهداف للاعلى


بس دام ان عليه تداول (( عبط )) فمادري متى تتحقق الاهداف

[فرع الشقاوة]

تجميع محافظ :nop:

قصدك قاكوا

[نايم سهران]

قصدك قاكوا

نعم صحيح

[Qtr37]

فعلا صحيح كلام الاخ اللي علق على مزايا واستثمار

[بوجبر]

وراء كل هبوط ارتفاااااع

[ضحية البورصة]

الدخول المناسب يوم كان تحت 1.000

الحين نبيه يرجع يغلق فوق 1.339 بسيولة و لمدة ثلاث ايام على الاقل

عشان نكمل الى الاهداف 1.37 - 1.4 - 1.44 -1.54 ان شاء الله

هذي اهداف للاعلى


بس دام ان عليه تداول (( عبط )) فمادري متى تتحقق الاهداف

مشكور اخوي رحم الله والديك ،،

[.:: القيصر ::.]

مشكور اخوي رحم الله والديك ،،

العفو والدينا ووالديك

[.:: القيصر ::.]

وراء كل هبوط ارتفاااااع

وراء كل رجل عظيم امراة

[ali.5]

ابو ذياب نبي رأيك بالخليج الدوليه متورطين فيها بخساره كبيره نبي نرجع فلوسنا ونطلع بس تداوله ضعيف

[.:: القيصر ::.]

الحمدلله انفجارات سعرية حلوة في ناقلات


تو الناس


الصبر الصبر

[نايم سهران]

ابو ذياب نبي رأيك بالخليج الدوليه متورطين فيها بخساره كبيره نبي نرجع فلوسنا ونطلع بس تداوله ضعيف

اتذكر في 2016 او 2015 ... في وحده في المنتدى دايما كانت تتكلم عن السهم انه ماراح ينزل وبيطير فوق ..

وقتها كان السهم 94 ريال تقريبا ..

بعد فترة نزل 86 ريال قالت يحلمون الي يتمنون السهم ينزل 80 ريال ...
بعدها بفترة صار السهم ب 72 ريال ..
وقام ينزل تدريجي يوم بعد يوم ...
فترة بعدين تركت البورصة بسبة الحصار ( الله لايوفقهم) ...
المهم يوم رجعت بعد فترة طويله حصلت الخليج الدوليه ب 10 ريال ...

الحمدلله مادخلت هالسهم ولا مره ... بس السعر كان صدمة لي

[Ahmed86]

اتذكر في 2016 او 2015 ... في وحده في المنتدى دايما كانت تتكلم عن السهم انه ماراح ينزل وبيطير فوق ..

وقتها كان السهم 94 ريال تقريبا ..

بعد فترة نزل 86 ريال قالت يحلمون الي يتمنون السهم ينزل 80 ريال ...
بعدها بفترة صار السهم ب 72 ريال ..
وقام ينزل تدريجي يوم بعد يوم ...
فترة بعدين تركت البورصة بسبة الحصار ( الله لايوفقهم) ...
المهم يوم رجعت بعد فترة طويله حصلت الخليج الدوليه ب 10 ريال ...

الحمدلله مادخلت هالسهم ولا مره ... بس السعر كان صدمة لي



يقولك واحد من اكبر الاخطاء في التداول افتراض انه في رقم معين لا يمكن ينكسر

[نايم سهران]

يقولك واحد من اكبر الاخطاء في التداول افتراض انه في رقم معين لا يمكن ينكسر

صحيح اخوي وبعد من الاخطاء عدم تفعيل وقف الخسارة ...

الحمدلله عندنا ع الاقل السهم ما ينزل ف اليوم اكثر من 10% كحد أقصى والعكس ...

في امريكا ماعندهم حد معين .. ممكن بين يوم وليله تصير مليونير وممكن تصير مفلس .....

[Abjalsulaiti]

الي يصير بناقلات يذكرني بالدولي الاسلامي

تداول قوي وكل يوم نقول بيوقف ويكمل لي وصل 10 ريال

[نلتقي لنرتقي]

نعم سعرها ممتاز وخاصه اذا مستثمر

السلام عليكم ورحمة الله وبركاته

سامحني يا بوذياب ولا عليك زود, ممكن توضح شلون السهم (إزدان) جيد للإستثمار
وأرباحه شبه صفر ولا توزيع خلال الثلاث سنوات مضت
وسؤالي هذا لأني أبحث عن أسهم للإستثمار لا للمضاربة
وجزاك الله عنا خير الجزاء

[يعقوب ذياب]

السلام عليكم ورحمة الله وبركاته

سامحني يا بوذياب ولا عليك زود, ممكن توضح شلون السهم (إزدان) جيد للإستثمار
وأرباحه شبه صفر ولا توزيع خلال الثلاث سنوات مضت
وسؤالي هذا لأني أبحث عن أسهم للإستثمار لا للمضاربة
وجزاك الله عنا خير الجزاء

انا لما اتكلم عن السهم اتكلم عنه كتحليل فني وليس تحليل مالي
ياما نشوف شركات تكون ارباحها جيده وينزل السهم بعد ونشوف شركات خسرانه ولكن تطلع
فالعموم سهم ازدان من واقع التحيليل الفني اصبح جاهز لتغييره مساره للصعود فهدف السهم عندي فنيا تقريبا الى 2 خلال الشهرين القادمين

[Abo hamza]

انا لما اتكلم عن السهم اتكلم عنه كتحليل فني وليس تحليل مالي
ياما نشوف شركات تكون ارباحها جيده وينزل السهم بعد ونشوف شركات خسرانه ولكن تطلع
فالعموم سهم ازدان من واقع التحيليل الفني اصبح جاهز لتغييره مساره للصعود فهدف السهم عندي فنيا تقريبا الى 2 خلال الشهرين القادمين

ما شاء الله عليك
بالذات انه نزل جامد من 2.3 الى 1.5 تقريبا
وبخصوص البيانات المالية أتوقع انه السهم جيد وبالذات مع مشاريع كأس العالم باذن الله

[فرع الشقاوة]

اخونا يعقوب رايك فى قاكو جزاك الله خير

اخونا يعقوب وما عليك امر

[.:: القيصر ::.]

الحمدلله انفجارات سعرية حلوة في ناقلات


تو الناس


الصبر الصبر

ما شاء الله


اختراق 3.2

مابي اوصف لكم شنو بعده

:playball:

[مستثمر رشيد]

الظاهر ان شنب مزايا راح ناقلات!!

[Abjalsulaiti]

الخليج الدوليه باذن الله تبدا الارتداد السهم مظلوم سعريا

[Qtr37]

الظاهر ان شنب مزايا راح ناقلات!!

خلانا وراح :(

[يعقوب ذياب]

اخونا يعقوب وما عليك امر

لم تظهر عليه بوادر ارتفاع لحد الان

[نلتقي لنرتقي]

انا لما اتكلم عن السهم اتكلم عنه كتحليل فني وليس تحليل مالي
ياما نشوف شركات تكون ارباحها جيده وينزل السهم بعد ونشوف شركات خسرانه ولكن تطلع
فالعموم سهم ازدان من واقع التحيليل الفني اصبح جاهز لتغييره مساره للصعود فهدف السهم عندي فنيا تقريبا الى 2 خلال الشهرين القادمين

بوركت وبورك ممشاك وتبوأت من الجنة مقعداً أنت وكل من قال آمين

[يعقوب ذياب]

بوركت وبورك ممشاك وتبوأت من الجنة مقعداً أنت وكل من قال آمين

جزاك الله خير ولك بالمثل

[فرع الشقاوة]

لم تظهر عليه بوادر ارتفاع لحد الان

انا بتكلم كاستثمار 6 اشهر جزاك الله الخير

[يعقوب ذياب]

تجاوزنا اول رقم اللي معاي اليوم بالتداول يذكر ارقام المؤشر

[يعقوب ذياب]

انا بتكلم كاستثمار 6 اشهر جزاك الله الخير

السهم امامه مقاومه قويه عند 1.037 وبعدها ممكن نشوف توجهاته

[يعقوب ذياب]

المؤشر على التوالي 10173
10181
10190

راقبو وشوفو

للتذكير

[معماري قطري]

انا لما اتكلم عن السهم اتكلم عنه كتحليل فني وليس تحليل مالي
ياما نشوف شركات تكون ارباحها جيده وينزل السهم بعد ونشوف شركات خسرانه ولكن تطلع
فالعموم سهم ازدان من واقع التحيليل الفني اصبح جاهز لتغييره مساره للصعود فهدف السهم عندي فنيا تقريبا الى 2 خلال الشهرين القادمين

الله يبشرك بالخير

انا حاط عيني عليه وأقول تحت الريال فرصة ما تتعوض بس متخوف إنه يتحرك قبل ليوصل الريال .. الحمد لله بعت كل كميتي فيه وهو صحيح سهم استثماري لأن ممتلكات ازدان خيالية والمفروض مدخولها خيالي .. شاللي يصير الظاهر بنوا وايد وبتمويل غالي ينعكس خساير على اسهم الشركة لكن خلال فترة بيغطون هذي الخساير .. صراحة أتمنى اشوف تحليل مالي واضح ومبسط للمساهم حتى يعرف متى يدخل الربحية والتوزيع وشكثر بتكون توزيعاته المتوقعة ل 5 سنين قادمة

[نايم سهران]

الحمدلله المؤشر بدا يقلص

[معماري قطري]

بوركت وبورك ممشاك وتبوأت من الجنة مقعداً أنت وكل من قال آمين

آميـــــ يا رب ـــــــــــن

[نايم سهران]

ما شاءالله ارقام بوذياب بالملي

[يعقوب ذياب]

المؤشر على التوالي 10173
10181
10190

راقبو وشوفو

اروح والا اقعد ههههههههههههههههههههههههههههه

[معماري قطري]

الحمدلله المؤشر بدا يقلص

وين بو جبر فتح الجلسة وباع كل أسهمه وراح وبكرة بيضحك علينا

[معماري قطري]

اروح والا اقعد ههههههههههههههههههههههههههههه

إقعد يمكن يخون بنا لو رحت

[فرع الشقاوة]

السهم امامه مقاومه قويه عند 1.037 وبعدها ممكن نشوف توجهاته

تسلم بارك الله فيك

[معماري قطري]

سوقنا ارهابي المفروض يمسكونه عن هالسوالف طول الجلسة تحت وآخرها يرتفع ما نبي خلاص يكمل أحمر أحسن

[معماري قطري]

اليوم مفرحيني الأول والتكافلي وودام وناقلات والميرة أما البقية عاقين

[دينالي]

السوق في الدقائق الاخيرة يقرب من الاخضر بس ماظنتي يسويها

[يعقوب ذياب]

مهم جدا الاغلاق فوق 10195

[معماري قطري]

لحد ألحين نزول اليوم عندي أقل من إغلاق أمس وإن شاء الله يغلق موجب

[يعقوب ذياب]

احتمال بعد يغلق المؤشر بارتفاع نقطتين او 3 نقاط

[نايم سهران]

مهم جدا الاغلاق فوق 10195

انت خلك موجود صدقني بيغلق فوقها ب 10 نقاط بس خلك موجود

[يعقوب ذياب]

الف تحيه للمؤشر

[نايم سهران]

يخاف منك المؤشر

[Ahmed86]

اسهم الفقارى لين الحين حمرا

رافعينه بالقيادات

[Abjalsulaiti]

ناقلات يخمون باي سعر ماشاء الله

[نايم سهران]

اغلب الاسهم بتقلب اخضر ان شاءالله

[.:: القيصر ::.]

ما شاء الله


اختراق 3.2

مابي اوصف لكم شنو بعده

:playball:

احاول اجهز الوصف بس اسكت احسن لي

[يعقوب ذياب]

قلت لكم هبوط بدون مبرر اثنين في واحد تخويف وتجميع

[يعقوب ذياب]

10253 خلال ال 10 دقايق للمراقبه

[ابو ملك]

باذن الله بتشوفون ناقلات 3.5 قبل اضافتها في msci

المحافظ القطريه ماتبيع تقتنع بقوة المحافظ الامريكيه

عندهم فايض كاش ماتفرق معاهم السعر الي بينعرض بيشترونه

عاشت المحافظ الامريكية (محافظ ترامب ههههه) اللي تشتري في ناقلات.

عاشت نشوف كم راح يوصل السهم

[ابو ملك]

قرب وقت بنك الاول بإذن الله

نريد نشوف الليمت اب

[نايم سهران]

محد ضبط المؤشر الا صناعات ولا الباقيين الله بالخير

[يعقوب ذياب]

محد ضبط المؤشر الا صناعات ولا الباقيين الله بالخير

مدعومه بالوطني مع الصناعات

[معماري قطري]

احاول اجهز الوصف بس اسكت احسن لي

هههه اسكت تعليقي ذكرني بشيء

[Qtr37]

انتهى ارتفاع مزايا؟؟؟

[ابو ملك]

تم قصف المؤشر بصناعات :playball:

[نايم سهران]

ان شاءالله بنغلق عند رقم بو ذياب ... بنقلص نزول وممكن ننغلق بالاحمر بحدود 15- 16 نقطه

[معماري قطري]

انتهى ارتفاع مزايا؟؟؟

ما اظن الإرتفاع الحقيقي قادم اللي صار كله نكهة بسيطة .. عاد متى الله أعلم ممكن بعد التوزيعات والا قبل على حسب لو أعلنوا بيوزعون وتوزيع يسوى .. خلاص شهر و 12 يوم وتبدأ فترة الإعلانات

[نايم سهران]

تم قصف المؤشر بصناعات :playball:

شكلي عطيته عين هههههههههههههه

[يعقوب ذياب]

احتمال يكون الاغلاق عند 10173

[نايم سهران]

احتمال يكون الاغلاق عند 10173

لا ان شاءالله عند رقمك الثاني 10195 ... :nono:

[معماري قطري]

الإغلاق بيكون أخضر بإذن الله وحول 0.2% بس بكرة خميس والغالبية يبغون يشردون من السوق

[بوجبر]

السوق يبيلة ابر بنج

[نايم سهران]

خيانه من qnb تغيرت الطلبات

[نايم سهران]

ههههههه تفائلوا دايما ... شكرا يا بوذياب

[يعقوب ذياب]

مبروووووووووووووووووووووووووووووووووووووووووووووك

[معماري قطري]

فاق توقعاتنا بس صراحة ما يسوى لصغار المستثمرين

[يعقوب ذياب]

نشوفكم بكره على خير مع السلامه

[نايم سهران]

مبروووووووووووووووووووووووووووووووووووووووووووووك

الحمدلله مبروك لك يا ملك المؤشر ههههههه

[الموج الأزرق]

سهم مزايا وقف خساره للمضارب عند 1.2

ما عليه ما نفع معاه

[معماري قطري]

محفظتي 0.1816% سالبة من هشكل ما يسوى

[وسمي2016]

فاق توقعاتنا بس صراحة ما يسوى لصغار المستثمرين

يا سلامي على اللي سلمهم سلم


,,,,,,,,:thumbup1:,,,,,,,,

[مضارب يومي.]

الحمد الله اغلاق جيد جدا وسيوله معقوله جدا
اتمنى سوقنا ينفجر غدا ان شاءالله بعد الاربعاء المنحوس