جلسة تداول يوم الخميس 19-11-2020

[مستثمر رشيد]

بسم الله الرحمن الرحيم

نفتتح جلسة تداول هذا اليوم كل التوفيق للجميع

[.:: القيصر ::.]

السلام عليكم

صباح الخير

[ابو يهر]

صباح الخير

[بورصاوى]

السلام عليكم
خميس سعيد على الجميع أن شاء الله

[مضارب يومي.]

صباح الخير

[بوجبر]

صباح الخير

[بوجبر]

اليوم ان شاءالله سأكسب غصب طيب

[فيصل ع]

اليوم ان شاءالله سأكسب غصب طيب

إن شاءلله

[ALZAAR]

السلام عليكم

صباح الخير

[نــهــار]

السلام عليكم

بالتوفيق للجميع

[يعقوب ذياب]

السلام عليكم ورحمة الله وبركاته

واسعد الله صباحكم بكل خير

وفالكم طيب يارب

[لـبـيـه]

السلام عليكم ورحمة الله وبركاته

[ابو ملك]

السلام عليكم جميعا

[ابو ملك]

وعليكم السلام لكل من دخل

[ابو ملك]

عندي احساس نشوف اليوم لمت اب على الاقل في شركة :victory:

[فرع الشقاوة]

السلام عليكم جميعا وصباحكم سعيد ان شاء الله

[محلل استثمار]

السلام عليكم ورحمة الله وبركاته

أسعد الله صباحكم بكل خير وعافية وموفقين ان شا الله

[swairah]

صبحكم الله بالخير جميع
حولت 200 الف علشان اعوض خسارتي ومادري انشن على اي سهم اسلامي طبعا
ومشكورين على نصايحكم بوذياب وسهران وناخذ منكم شي بسيط من خبرتكم
وجزاكم الله خير

[يعقوب ذياب]

صبحكم الله بالخير جميع
حولت 200 الف علشان اعوض خسارتي ومادري انشن على اي سهم اسلامي طبعا
ومشكورين على نصايحكم بوذياب وسهران وناخذ منكم شي بسيط من خبرتكم
وجزاكم الله خير

اصبري شوي

[ابو ملك]

صبحكم الله بالخير جميع
حولت 200 الف علشان اعوض خسارتي ومادري انشن على اي سهم اسلامي طبعا
ومشكورين على نصايحكم بوذياب وسهران وناخذ منكم شي بسيط من خبرتكم
وجزاكم الله خير

استهدي بالله ، ولا تاخذك عاطفة تعويض الخسارة بالدخول في صفقة غير محسوبة.

اما اذا كنتي خلاص دارسة زين و ناوية على سهم ، ف اتمنى لك التوفيق.

[بوجبر]

مخازن:tease:

[ابو ملك]

عندي احساس نشوف اليوم لمت اب على الاقل في شركة :victory:

الظاهر افضل اسحب كلامي هههههه

[محلل استثمار]

صبحكم الله بالخير جميع
حولت 200 الف علشان اعوض خسارتي ومادري انشن على اي سهم اسلامي طبعا
ومشكورين على نصايحكم بوذياب وسهران وناخذ منكم شي بسيط من خبرتكم
وجزاكم الله خير

راجعي قسم التحليل قبل تستعجلين

[نايم سهران]

صبحكم الله بالخير جميع
حولت 200 الف علشان اعوض خسارتي ومادري انشن على اي سهم اسلامي طبعا
ومشكورين على نصايحكم بوذياب وسهران وناخذ منكم شي بسيط من خبرتكم
وجزاكم الله خير

الخبرة بوذياب والقيصر ..

الوضع ضبابي الانتظار أفضل ..

فوات ربح أفضل من خسارة رأس المال ...

[مستثمر رشيد]

ليش العروض الكبيرة في مزايا ....

هل تعمد تنزيل السهم والتخويف ..... أم أن السهم مواصل الهبوط ؟؟؟

[قطر 2030]

انشوف هل يكسر رقم الوقف او لا

1.2

[يعقوب ذياب]

تحسن للمؤشر بعد شوي

[معماري قطري]

السلام عليكم ورحمة الله وبركاته

السوق مقرر يتضامن مع الداول يقول العين ما تعلى عن الحاجب

[مستثمر رشيد]

دلالة ومزايا الاكثر نزولا الى الان

[.:: القيصر ::.]

الخبرة بوذياب والقيصر ..

الوضع ضبابي الانتظار أفضل ..

فوات ربح أفضل من خسارة رأس المال ...

مب خبرة ولا توهقني

[Ahmed86]

إنه السوق الزبال و القارئين بكرامة

[معماري قطري]

تحسن للمؤشر بعد شوي

أمس ارتفاعه يا اخوي كسيف بدون نفس كأنه معرس غاصبينه على عروس شينة

[نايم سهران]

مب خبرة ولا توهقني

ههههههههههههههههههههه

[مستثمر رشيد]

في مؤشرات ايجابية بدأت تلوح في الافق

[ابو ملك]

أمس ارتفاعه يا اخوي كسيف بدون نفس كأنه معرس غاصبينه على عروس شينة

هههههههه تشبيه حلو بو عبدالله

[Ahmed86]

في مؤشرات ايجابية بدأت تلوح في الافق

وين هالافق ؟ اي صوب ؟

[معماري قطري]

هههههههه تشبيه حلو بو عبدالله

طول وقته مكشر وآخر شيء ابتسم ابتسامة المهزوم

[مستثمر رشيد]

وين هالافق ؟ اي صوب ؟

لاداعي للخوف ... بدأت تظر الطلبات ... اتوقع بنشوف الاخضر قريبا أن شاء الله

[معماري قطري]

الحلو الست شركات المرتفعة كلها عندي تنسيني هم الغالبية الحمراء

[swairah]

جعلني ماخلا منكم يالطيبين :yes2:

[معماري قطري]

لاداعي للخوف ... بدأت تظر الطلبات ... اتوقع بنشوف الاخضر قريبا أن شاء الله

اللي يبيع في بداية السوق وبرخيص أما ناس تبي تسوي هلع وتشتري من تحت وما استبعد محافظ تشتغل باحتراف وتبتز صغار المستثمرين أو أشخاص متخرعين يبون يستمتعون بنهاية الاسبوع وهلا بالخميس

[معماري قطري]

جعلني ماخلا منكم يالطيبين :yes2:

الله يحفظج ويوفقج

[.:: القيصر ::.]

الاول شكله بعد شوي رالي عنده

:shy:

[Qtr37]

صباح اللون الاحمر والله المستعان

[Abo hamza]

السلام عليكم
تتوقعون ازدان بوادر ارتداد ولا السهم ناوي نزول اكثر

[نايم سهران]

شكلي بكنسل الاسهم وبفتح لي مخبز :playball:

[يعقوب ذياب]

اشوف ال 10213 اولا

[يعقوب ذياب]

ابشرو بالخير السوق يحاول يعدل

[مستثمر رشيد]

اللي يبيع في بداية السوق وبرخيص أما ناس تبي تسوي هلع وتشتري من تحت وما استبعد محافظ تشتغل باحتراف وتبتز صغار المستثمرين أو أشخاص متخرعين يبون يستمتعون بنهاية الاسبوع وهلا بالخميس

السوق الفترة الاخيرة دخلوا فيه محترفين دوليين .... من الصعب التكهن اذا كان في حالة صعود او هبوط

[فرع الشقاوة]

شكلي بكنسل الاسهم وبفتح لي مخبز :playball:

ههههههه والله فكرة حلوة احسن من حرقة الدم دى

[يعقوب ذياب]

مبرووووووووووووووووووووووك مقدما السوق بستان اخضر

[.:: القيصر ::.]

الاول شكله بعد شوي رالي عنده

:shy:

:secret:

:telephone:

[Abo hamza]

مبرووووووووووووووووووووووك مقدما السوق بستان اخضر

ما شاء الله عليك
ان شاء الله بس ازدانن يرتد اليوم
ايام طويلة من النزول المستمر

[مستثمر رشيد]

مبرووووووووووووووووووووووك مقدما السوق بستان اخضر

بإذن الله تصيب ونسرح ونمرح في البستان

[يعقوب ذياب]

اختراق ال 10213 يكون انطلاق للمؤشر ان شاء الله

[نايم سهران]

عاد البستان فيه ورد ولا شوك

[مستثمر رشيد]

انا ناصب شرخي عند بروة صار لي فترة طويلة ما باريتها

[يعقوب ذياب]

عاد البستان فيه ورد ولا شوك

الطريق سالك ورد وفل وياسمين

[.:: القيصر ::.]

دلالة انتهى

[نايم سهران]

الطريق سالك ورد وفل وياسمين

الله يبشرك بالخير ... سوف نقطف الورد والياسمين :nice:

[.:: القيصر ::.]

الاول يبي له تأكيد شوي بس و يكون منتهي

[Nasserqat]

الاول يبي له تأكيد شوي بس و يكون منتهي

كلمهم نبي اغلاق يسر الخاطر في الويكند :weeping:

[مستثمر رشيد]

حلو التدرج في تقليص المؤشر

[معماري قطري]

مبرووووووووووووووووووووووك مقدما السوق بستان اخضر

اللعبة من البداية واضحة .. ودي الكل يحفظ أسهمه التوزيعات قريبة ووقتها يقرر يبيع أو ياخذ المقسوم

[نايم سهران]

شكله الورد والياسمين محشي بالشوك ههههههههه

[نايم سهران]

محشي**

[ابومبارك]

واضح انه بستان اخضر فسفوري

[نايم سهران]

راحت ايام لمت اب يومين وثلاث :rolleyes2:

[بنسل]

شكله الورد والياسمين محشي بالشوك ههههههههه


محشي كوسه

[نايم سهران]

محشي كوسه

كوسه بعد زين ههههه

[فرع الشقاوة]

راحت ايام لمت اب يومين وثلاث :rolleyes2:

كله جاى تانى بس الصبر كل وقت وله اذان

[نايم سهران]

محاولة لكسر مجاديف فودافون وتركيعه

[Nasserqat]

استاذنكم تسجيل خروج بدري الامتحانات في الجامعة من يوم الاحد و كورس تخرج دعواتكم و نشوفكم الاسبوع الجاي و الله يرزق الجميع كل خير

[نايم سهران]

محاولة لكسر مجاديف فودافون وتركيعه

ان شاءالله بيصير العكس ويكسرون راسه

[نايم سهران]

استاذنكم تسجيل خروج بدري الامتحانات في الجامعة من يوم الاحد و كورس تخرج دعواتكم و نشوفكم الاسبوع الجاي و الله يرزق الجميع كل خير

موفق ان شاءالله تمنياتي لك بالتوفيق والنجاح

[Nasserqat]

موفق ان شاءالله تمنياتي لك بالتوفيق والنجاح

اجمعين ان شاء الله

[بو درين]

استاذنكم تسجيل خروج بدري الامتحانات في الجامعة من يوم الاحد و كورس تخرج دعواتكم و نشوفكم الاسبوع الجاي و الله يرزق الجميع كل خير

بالتوفيق والنجاح ان شاء الله

[دينالي]

في الطبية واحد طالب سهم واحد بس
يبي يرفع السهم بالغصب

[يعقوب ذياب]

لو دريت ما قلت 10213 مسمار جحا

[يعقوب ذياب]

ما علينا المهم

10213
10235
10253
للمراقبه ونشوف لين نهايه التداول

[مستثمر رشيد]

سيولة ضعيفة وتداول ممل
السوق يفتقد لصانع ومحافظ حقيقية

[معماري قطري]

ودام تبي توصل خانة ال 8 وما تعرف شتسوي بس شكل السهم اتجاه واحد صوبها نزل والا ما نزل وقبل نهاية السنة إن شاء الله

[معماري قطري]

هبي بيرثدي للجميع بمناسبة قرب 2021 بس امسكوا حسين الجسمي ليسوي اغنية جديدة مب ناقصين

[نايم سهران]

هبي بيرثدي للجميع بمناسبة قرب 2021 بس امسكوا حسين الجسمي ليسوي اغنية جديدة مب ناقصين

هههههههههه

[بوجبر]

الشركات العقارية تغرق

[.:: القيصر ::.]

ملاك الاول

خلكم بس مركزين

و موفقين ان شاء الله


:thumbup:

[نايم سهران]

ملاك الاول

خلكم بس مركزين

و موفقين ان شاء الله


:thumbup:

عاد لمت اب ولا سفن اب

[ابو عبده]

السلام عليكم ورحمة الله
هل ازدان ومزايا والاجارة اكتفوا نزول ام مازال امامهم نزول تانى بعد

[فرع الشقاوة]

سيولة ضعيفة وتداول ممل
السوق يفتقد لصانع ومحافظ حقيقية

كلهم مريحين شوية بيعيدوا حسابتهم للموجه القادمة وان شاء الله خير

[swairah]

توقعاتي بعد في نزول

[Abo hamza]

رش في ازدان غير طبيعي
ان شاء الله يرتد من هنا مرة ثانية

[Qtr37]

لا تعليق بصراحة
اسهمي من نزول الى نزول

[Stars]

اتوقع في رش اليوم والله اعلم

[نايم سهران]

تناطح في مزايا

[دينالي]

يعجبني استثمار صامد لاينزل لايطلع

[نايم سهران]

ناقلات شامخ

[swairah]

حبه فوء وحبه تحت
والحياه حلوه دام حنا بصحتنا

[نايم سهران]

مزايا ودع

[مستثمر رشيد]

وين شنب مزايا الي شراء ملايين الاسهم على 1.310

[.:: القيصر ::.]

ناقلات شامخ

الى الابد ان شاء الله

اليوم فوق 3.2

[مستثمر رشيد]

ناقلت ابحرت ووصلت الى المحيط

[.:: القيصر ::.]

ان شاء الله الى ما بعد الــ 3.5

[متهور]

وين شنب مزايا الي شراء ملايين الاسهم على 1.310

سافر سويسرا يتابع المواشي

[نايم سهران]

مزايا اذا اغلق تحت 1.220 - 1.230 غير جيد

[.:: القيصر ::.]

اللهم لك الحمد


عندي شعور ناقلات

لمت اب (( دبل كيك ))

[Qtr37]

وين مشروع مزايا؟
خل ينزلون خبر ثاني مشروع ثاني يمكن يرجع فوق 1.3

[الموج الأزرق]

السلام عليكم ورحمة الله وبركاته

ملاك مزايا أمس ذكرت للمضارب كسر 1.2 خروج

مادري في ناس متهورين مب عاجبهم

السهم اموصى عليه من يوم اسعار 0.495

[swairah]

ليش سهران غير جيد فهمني

[الموج الأزرق]

ذكرت قطر للتامين للمراقبه والله يبارك للملاك

[نايم سهران]

السلام عليكم ورحمة الله وبركاته

ملاك مزايا أمس ذكرت للمضارب كسر 1.2 خروج

مادري في ناس متهورين مب عاجبهم

السهم اموصى عليه من يوم اسعار 0.495

هدي اعصابك اخوي .. لا تلومهم الي يده في النار مش نفس الي يده في الماي ..

في ناس خسرانين وصايدهم احباط ... الله يكون في عونهم ...

[نايم سهران]

ليش سهران غير جيد فهمني

غير جيد لان مقاومه ...

[swairah]

مزايا اذا اغلق تحت 1.220 - 1.230 غير جيد

ليش غير جيد فهمني

[swairah]

مقاومه ��

[الموج الأزرق]

هدي اعصابك اخوي .. لا تلومهم الي يده في النار مش نفس الي يده في الماي ..

في ناس خسرانين وصايدهم احباط ... الله يكون في عونهم ...

من كم يوم اخوي نزلت ترند هابط للسهم من شهر 4 سنة 2016 وهذا سبب التداول العالي حوله وانه ماقدر عليه ،،، كان امس فرصه انه يحافظ عليه لكن ماقدر عليه وذكرت للمضارب ينتبه
المستثمر بيكحل عينه ان شاء الله ومب فتره طويله بعد

ان شاء الله خير

[بنسل]

مقاومه ï؟½ï؟½

الدعم اذا انكسر يصير مقاومه

[فرع الشقاوة]

حبه فوء وحبه تحت
والحياه حلوه دام حنا بصحتنا

الله ينور ده الخلاصه

[نايم سهران]

مقاومه ï؟½ï؟½

سوري اقصد دعم
يوم السهم كان فوق 1.220 - 1.230 كان يعتير دعم للسهم .. الاغلاق تحتها يفتح المجال لارقام ادني

واذا اغلق السهم تحت هالرقم يعتبر مقاومه .. واختراقها يفتح المجال لارقام اعلى

الله اعلم

[نايم سهران]

الدعم اذا انكسر يصير مقاومه

صحيح اخوي ... اقصد دعم بالغلط ذكرت انها مقاومه

[swairah]

الرعايه ليش بس المتداولين فيها 3

[hma]

من كم يوم اخوي نزلت ترند هابط للسهم من شهر 4 سنة 2016 وهذا سبب التداول العالي حوله وانه ماقدر عليه ،،، كان امس فرصه انه يحافظ عليه لكن ماقدر عليه وذكرت للمضارب ينتبه
المستثمر بيكحل عينه ان شاء الله ومب فتره طويله بعد

ان شاء الله خير

يعطيك العافية

أنت ما قصرت بالعكس أنا متابعك وما شاء الله عليك كفو

[الموج الأزرق]

يعطيك العافية

أنت ما قصرت بالعكس أنا متابعك وما شاء الله عليك كفو

الله يرزقك والجميع بعد ان شاء الله
امقصرين اخوي ومب امتابع بشكل لحظي والله

[نايم سهران]

من كم يوم اخوي نزلت ترند هابط للسهم من شهر 4 سنة 2016 وهذا سبب التداول العالي حوله وانه ماقدر عليه ،،، كان امس فرصه انه يحافظ عليه لكن ماقدر عليه وذكرت للمضارب ينتبه
المستثمر بيكحل عينه ان شاء الله ومب فتره طويله بعد

ان شاء الله خير

صحيح كلامك اخوي .. الله يعطيك العافيه

[معماري قطري]

وين شنب مزايا الي شراء ملايين الاسهم على 1.310

البعض يقرر الدخول وما يهتم يفرق عن المضارب ويصبر عادي حتى لو سنة وحتى مب شرط يبيع بعضهم يبغي يستثمر ومتوقع خلال سنتين مضاعفة راسماله وأرباح من التوزيعات وممكن يبغي يدخل مجلس الادارة

والبعض يدخل بثقة في تحليل معين يقول السهم بيوصل كذا خلال فترة كذا

والله انا مليت واسوي مقارنة بين مزايا من حيث الارباح المتوقع توزيعها وبين الميرة طلعت الميرة وايد أفضل والدولي بعد أفضل وفكرت اطلع ما دام عندي ربح سوقي زين ومن الإجارة كذلك .. شبيوزعون والسهمين محققين ربح واحد درهم ونص وواحد درهم وثلث

[معماري قطري]

استثمار محقق 3.2 درهم للثلاث ارباع مقارنة بالتعيسين الإجارة 1.5 درهم ومزايا 1.35 يعتبر ملك عليهم وصراحة عندي فيهم كلهم ومب عاجبيني كلهم والخوف من صدمة عدم التوزيع

[نايم سهران]

ازدان حاليا عند ادنى سعر يومي

[دينالي]

اتوقع الاغلاق بيكون احمر

[نايم سهران]

كالعادة نزول بدون اسباب ... طيب لو في اسباب ايش بيكون الوضع !!

[ali.5]

بسرعه نبي رأيكم بأزدان ندخل ولا توه

[الموج الأزرق]

المؤشر حقق هدف تم ذكره سابقا الخميس الماضي في الجلسه عند الرقم 10250 نقطه وزاده اشوي وهبط واشوف انه شي طبيعي حتى اللحظه

[ali.5]

ازدان ولا مزايا للمضاربه

[دينالي]

كالعادة نزول بدون اسباب ... طيب لو في اسباب ايش بيكون الوضع !!

السوق ماشي عرضي من فترة وبهالوضع صعب تحقيق ارباح وهالشي ينفر المستثمرين مؤقتا والعلم عند الله

[ali.5]

مزايا مناسبه للدخول علمونا ولا ازدان

[نايم سهران]

السوق ماشي عرضي من فترة وبهالوضع صعب تحقيق ارباح وهالشي ينفر المستثمرين مؤقتا والعلم عند الله

ينرفز المضاربين ... بالعكس المستثمر تحصله راقد ولا يدري شسالفه ... المضاربين ع اعصابهم

[نايم سهران]

مزايا مناسبه للدخول علمونا ولا ازدان

الجواب تحصله في المؤشر

[فرع الشقاوة]

الاسبوع القادم خير ان شاء الله

[.:: القيصر ::.]

كالعادة نزول بدون اسباب ... طيب لو في اسباب ايش بيكون الوضع !!

اذا عرفت السبب عطني خبر

[مضارب دوسري]

السلام عليكم

ناقلات عند سعر مناسب للمضارب انه يبيع

سعره الحالي 3.226

[دينالي]

ينرفز المضاربين ... بالعكس المستثمر تحصله راقد ولا يدري شسالفه ... المضاربين ع اعصابهم

كنت اقصد المضاربين
المضاربين هم روح اسواق المال واذا مافي حماس واكشن بيملون وبيرقد السوق
في ارتفاع بطيء جدا جدا للسوق واحتمال ينكسر في اي لحظه بس التداولات والمضاربات هاديه جدا جدا رغم ان السيوله لاباس بها

[نايم سهران]

اذا عرفت السبب عطني خبر

هههههههه قهر قسم بالله

[نايم سهران]

السلام عليكم

ناقلات عند سعر مناسب للمضارب انه يبيع

سعره الحالي 3.226

طلع البدر علينا ههههه ... منور

[مضارب دوسري]

السلام عليكم

ناقلات عند سعر مناسب للمضارب انه يبيع

سعره الحالي 3.226

للامانه سعره مناسب للمضارب والمستثمر انه يبيع

بس قلت للمضارب عشان ما يزعلون المستثمرين

[مضارب دوسري]

طلع البدر علينا ههههه ... منور

بنوووورك يالحبيب

[معماري قطري]

بسرعه نبي رأيكم بأزدان ندخل ولا توه

الله أعلم بس انا اشوفه آمن تحت ال 1 وما تدري ممكن لو وصله يعمق تحت بعد

[Stars]

مزايا مناسبه للدخول علمونا ولا ازدان

فوات ربح ولا وقوع خساره

[معماري قطري]

للامانه سعره مناسب للمضارب والمستثمر انه يبيع

بس قلت للمضارب عشان ما يزعلون المستثمرين

حي الله بو محمد

التفعيل حق مورغان يوم 30 نصبر ليوم التفعيل والا نبيع قبل حتى لو بيوم؟

[معماري قطري]

سوقنا ما شاء الله من سيء لأسوأ

[مضارب دوسري]

حي الله بو محمد

التفعيل حق مورغان يوم 30 نصبر ليوم التفعيل والا نبيع قبل حتى لو بيوم؟

الله يحييك يالغالي
موشرط يوم التفعيل او قبله يكون عند اعلى سعر


اسهم كثيره تفاعلت وارتفعت ويوم التفعيل كانت بعيده عن اعلى سعر وصلته قبل التفعيل باسبوع


انا اشوف السهم وصل قمه او قريب جدا من ان يصل قمته والله اعلم

[qatar 86]

اليوم ان شاءالله سأكسب غصب طيب

لاتعاند السوق يا بوجبر

[بنسل]

تعال الحين وارفع المؤشر وقول اغلاق جيد

[ضحية البورصة]

مساك الله بالخير بو محمد مبطين عنك

[مضارب دوسري]

مساك الله بالخير بو محمد مبطين عنك

بااااااااااااال
اقدددددددددددددددم
غبره يالربع

هههههههههههه مسا النوووور يالغالي منووووووور

شلونك عساك طيب


شباب 2010 :looking:

[ضحية البورصة]

ههههههه من قلب قديم ،،، شلونك بشرني عنك

[معماري قطري]

ما فتحت حساب دلالة الا الحين ونزول حول 1.1% بالضبط فوقها بشوي

[مضارب دوسري]

ههههههه من قلب قديم ،،، شلونك بشرني عنك

طيب وبخييييير

ايييه ايامك انت ومغرورقطر وروز وسداوي ودكتور قطر

راحيتوا وخليتونا :no:

[معماري قطري]

الله يحييك يالغالي
موشرط يوم التفعيل او قبله يكون عند اعلى سعر


اسهم كثيره تفاعلت وارتفعت ويوم التفعيل كانت بعيده عن اعلى سعر وصلته قبل التفعيل باسبوع


انا اشوف السهم وصل قمه او قريب جدا من ان يصل قمته والله اعلم

الله يجيب اللي فيه الخير ومشكور ورانا فرصة الاسبوع الجاي ممكن يروح شوي أعلى

[ضحية البورصة]

طيب وبخييييير

ايييه ايامك انت ومغرورقطر وروز وسداوي ودكتور قطر

راحيتوا وخليتونا :no:



هاي الدنيا وانا اخوك ،، فيكم البركه

[معماري قطري]

شكله يوم الرش العالمي واحنا ما ندري حتى ناقلات خلاص محد يبيها

[مضارب دوسري]

الله يجيب اللي فيه الخير ومشكور ورانا فرصة الاسبوع الجاي ممكن يروح شوي أعلى

فالاستثمار كيفك

فالمضاربه طمع نووووو

مهما كان الخبر قووووي و و و و و
ف مفعوله يكون مؤقت ومع مرور الوقت والرتفاع تقل الشهيه للشراء وترتفع المخاطره

نحن نتحدث عن سهم عن اعلى قممه منذ 2009

[مضارب دوسري]

هاي الدنيا وانا اخوك ،، فيكم البركه

الله يحفظكم اينما كنتم

[نايم سهران]

الله يستر من الاغلاق ..

[ضحية البورصة]

بو محمد شوف الخاص ولاتهون

[Mbi90]

السوق بيض

[مضارب دوسري]

الله يجزاكم خير رشودي وبوملك وبحر شرق

ومنور الموضوع اخوي رحال

قطر 2030 قراراتك الشخصيه لا تبنيها على اي شخص قراراتك اتخذها بنفسك وقت الارتفاع بتشوف اهداف ووقت الانخفاض بتشوف دعوم حتى لو توصل مزايا 3 ريال مثلا بتطلع تحاليل تقولك اصبر السهم يستهدف 4 و 5
اما وقت النزول ستتغير الارقام والاهداف الى دعوم وما الى ذلك

لازم دايم يكون قرارك بيدك سواء في الشراء او البيع
ولازم تتعلم التحليل ولو حبه حبه اذا يهمك راس مالك
==============


عدم تفاعل السوق امس كان عليه علامة استفهام ؟؟؟
(نفسيا) كان تداول امس غير طيب

نترك الاحلام الورديه على جنب

ونضع ارقام مقاومات ودعوم
الى نهاية الشهر يكون احسن واضمن

الدعوم الاهم
10126
10060
9930

التوازن
10154 (يعني فوق هذا الرقم يكون الوضع طبيعي تحته يفضل الواحد يكون حريص وحذر في تداولاته ويركز على الدعوم والمقاومات) يعني كل مابتعد عن الرقم فوق كان تمام كل ما ابتعد عنه تحت يرتفع الحرص والحذر

المقاومات
10300

10390_10440

نشوف وين ناوي يغلق المؤشر

[مضارب دوسري]

بو محمد شوف الخاص ولاتهون

حننونا من حناكم هههههههه

[Mbi90]

الله يستر من الاغلاق

[نايم سهران]

اتوقع نزول مش اقل من 188 نقطه

[ضحية البورصة]

حننونا من حناكم هههههههه


ثرا احنا نمشي وراكم هههههه ما عندنا الا حلالك

[مضارب دوسري]

ثرا احنا نمشي وراكم هههههه ما عندنا الا حلالك

ههههههههه الله يحفظك ويطول بعمرك

[مضارب دوسري]

كسر نقطة التوازن 10154
والدعم الاول 10126
!!!!!

[Mbi90]

كسر نقطة التوازن 10154
والدعم الاول 10126
!!!!!

وين الدعم الثاني اخوي مضارب؟

[معماري قطري]

نحمد الله على الصحة والعافية هبوط 1.06367% بالنسبة لي أفضل شوي من هبوط المؤشر

[مضارب دوسري]

وين الدعم الثاني اخوي مضارب؟

10060
ركز فالمشاركه اللي حطيتها فوق واقرا الكلام بتأني
وموجوده المشاركه من امس في موضوع شخابيط