اقترحوا علي مكتب استشارى

[راشد محمد]

صبحكم الله بالخير ..حبيت اخذ رايكم بمكتب استشارى لتصميم خرايط فلل صغيره حسب خبرتكم ..وجزاكم الله خير

[معماري قطري]

هذا جدول البلدية المحدث وتبين فيه الرخصة ودرجة المكتب وتخصصاته .. تاخذ مكتب درجة ثالثة كفاية بس لو حصلت اولى وأهم شيء فيه تخصص معماري - مدني - كهرباء - ميكانيك بتكون في المضمون وشوف الترخيص لازم ساري المفعول ما انتهت صلاحيته

فيه بعد المكاتب العالمية لازم تختار وتسوي بحث وتشوف

http://www.mme.gov.qa/cui/view.dox?id=1302&siteID=1

[SouthK]

تعاملت مع مجموعة من المكاتب .. حاليا اخترت واحد يعتبر الافضل لكن انتظر عقدهم.
اسم المكتب : سكاي لاين.
التصنيف: اول.

لكن ما اقول تعامل معاه .. شوف موقع البلدية.

[Ashrafkhamis]

اقترح مكتب الاقصي للاستشارات الهندسيه
درجه اولى واسعاره زين

[SouthK]

اقترح مكتب الاقصي للاستشارات الهندسيه
درجه اولى واسعاره زين

ما يردون على التلفون .. وش الفايدة؟

[معماري قطري]

اقترح مكتب الاقصي للاستشارات الهندسيه
درجه اولى واسعاره زين

مكتب معروف وزين ذكرتني به هذا سمعته زينة لو ما ضبطوا معاي اتحاد التخطيط باشوفه والا باشوف ابراهيم الجيدة بعد مكتبه قوي .. إخونا راشد عارف شغلته تحتاج مكتب درجة ثانية أو ثالثة بس يكون مكتمل وفيه جميع التخصصات الهندسية

[شموخ دائم]

,

,


مرحبا



مكتب سكتش

ماستر للاستشارات الهندسيه

مكتب البيت القطري


دائما النصيحه تمر على المكتب تتعرف على الإمكانيات والمهندسين
والمشاريع الي اشتغلوا فيها ونماذج من مشاريعهم
الأفضل تمر على المكاتب بالاول ومن ثم تقرر ...


1- من ناحيه السعر
2- من ناحيه الخبره وامكانيات المكتب وعدد المهندسين وتخصصاتهم
3- السمعه وتجارب الناس ورايهم بالمكتب
4- الراحه النفسيه وميولك الشخصي ارتحت لمن بعد السؤال وبعد التعرف عليهم بعد الزيارات


بالتوفيق
,

,

[ابراهيم 2012]

مكتب الريم بالسد مهندس هاني â€* ‬ 55383364 في مكتب بعد عند اشارات المناصير تعاملت معه واسعاره زينه مهندس وزيري â€* 70307474

[راشد محمد]

جزاكم الله خير

[SouthK]

بخصوص مكتب سكاي لاين اللي كتبت لك عنه انصحك لا تروح له .. المكتب طلع أي كلام.

[مطلع]

اذا تكرمتوا اذا حد يعرف مكتب اشراف هندسي على فيلا كبيرة يكون عنده جميع التخصصات وعنده امانه ويشرف على المقاول لاني بكون مشغول بسبب العمل
بكون لكم من الشاكرين وجزاكم الله خير

[النوماس]

للأسف معظم المكاتب تصاميمها وأفكارها تقليدية وحفظناها عن ظهر قلب
تعاملت من جديد مع مكتبين من اروع مايكون أفكارهم حديثة ويعطونك شكل البيت قبل لاتنفذه بأدق التفاصيل وتصاميمهم قريبة لتصاميم الفلل في الكويت
الاول :مكتب ديوان التصميم والبناء
هاتفهم 55637954 اسعارهم حلوة
الثاني مكتب بولد
هاتفهم 55402013 اسعارهم مرتفعة

[الوووعد]

للأسف معظم المكاتب تصاميمها وأفكارها تقليدية وحفظناها عن ظهر قلب
تعاملت من جديد مع مكتبين من اروع مايكون أفكارهم حديثة ويعطونك شكل البيت قبل لاتنفذه بأدق التفاصيل وتصاميمهم قريبة لتصاميم الفلل في الكويت
الاول :مكتب ديوان التصميم والبناء
هاتفهم 55637954 اسعارهم حلوة
الثاني مكتب بولد
هاتفهم 55402013 اسعارهم مرتفعة

احتاج مهندس للاشراف اذا عندك خلفيه

[معماري قطري]

اذا تكرمتوا اذا حد يعرف مكتب اشراف هندسي على فيلا كبيرة يكون عنده جميع التخصصات وعنده امانه ويشرف على المقاول لاني بكون مشغول بسبب العمل
بكون لكم من الشاكرين وجزاكم الله خير

من أيام ملتقي مهندس مصري قديم مؤسس مكتب جماعة العمارة العربية في قطر من حول 40 سنة وسئلته عن التخصصات الموجودة عندهم ولو يعملون حساب كميات قال كل شيء موجود .. اشتغلت معاه في عمارة من سنة 1998 وخلصت بناء وللحين وضعها ممتاز وهم أشرفوا وهم تابعوا المناقصة وخذت المقاول حسب توصيتهم وكان من كبار وأفضل المقاولين اللي مروا علي

تبغي رقم مديرهم راسلني خاص بارسله لك

غيرهم عندك المكتب العربي للشؤون الهندسية حق ابراهيم الجيدة مكتب قوي

وغير اتحاد قطر للتخطيط وأتوقع الكل الحين يبون شغل أغلب المشاريع خلصت أو شبه مخلصه

[بـومحمد]

ماستر للاستشارت الهندسيه
عن تجربه الله يوفقهم

[khaldoon]

لما يكون المكتب المصمم هو نفسه المكتب المشرف على البيت فأي خطأ في التصميم يتم اكتشافه خلال مرحلة التنفيذ ففريق الاشراف راح يحاول يغطي على اخطاء فريق التصميم بينه و بين المقاول لو قدر .....يعني بيرضي المقاول .... و لا يخلي المالك يدري فيه لانه المالك بيقول لفريق الاشراف يعني تصميمكم كان غلط في غلط و بيورط المكتب

اما لما يكون مكتب الاشراف غير مكتب التصميم فبتلاقي مكتب الاشراف يدور على اي غلطة في التصميم و يصعدها للمالك علشان ما يتحمل المسؤوليه مستقبلا

مع ذلك تلاقي اغلب الملاك يدورون على مكتب يصمم و يشرف على مبدأ اعطي الخبز لخبازه حتى لو اكل نصه علشان يريح نفسه من مهمة التنسيق و وجع الراس..... هالشي يسويه ملاك اكبر مشارع في البلد !!!


ايضا بعض المكاتب الاستشارية قويه في التصميم و ضعيفه في الاشراف و العكس صحيح حسب كفاءة و خبرة و امكانيات موظفيها في التصميم و الاشراف

[khaldoon]

اي مكتب تبي تتفق معاه على الاشراف روح شوف شغله الحالي و ليس المنتهي .... المنتهي بيكون جميل و خالص ميك اب و مخفي كل المصايب اللي بداخله

اي استشارة في الاشراف انا حاضر

[صاحي ضميره]

بكل حياط وتجربه شخصيه مكتب اشكو.. قروبهم كلهم مهندسين سودانيين

[SouthK]

بكل حياط وتجربه شخصيه مكتب اشكو.. قروبهم كلهم مهندسين سودانيين

تجربتي الشخصية مع مكتب اشكو سيئة .. الجماعة هناك شغلهم تعيس و ما انصح أحد بالتعامل معاهم!

[سعود.]

بكل حياط وتجربه شخصيه مكتب اشكو.. قروبهم كلهم مهندسين سودانيين


تجربتي الشخصية مع مكتب اشكو سيئة .. الجماعة هناك شغلهم تعيس و ما انصح أحد بالتعامل معاهم!


نفس هذا الموضوع دوم يتكرر . اغلب مكاتب الاستشارات الهندسية يكونون مقسميم المهندسين ع حسب الموقع الجغرافي . مثال : مهندس يشرف ع فلل في ( روضة الحمام ) مايشرف ع فلل في ( الوكرة ) ومهندس عن مهندس يفرق
. الا اذا اخترت المهندس بالاسم هنا كلام اخر

[SouthK]

نفس هذا الموضوع دوم يتكرر . اغلب مكاتب الاستشارات الهندسية يكونون مقسميم المهندسين ع حسب الموقع الجغرافي . مثال : مهندس يشرف ع فلل في ( روضة الحمام ) مايشرف ع فلل في ( الوكرة ) ومهندس عن مهندس يفرق
. الا اذا اخترت المهندس بالاسم هنا كلام اخر

هذا مب اسلوب احترافي للعمل .. الظاهر المكاتب الاستشارية ماشية على مبدأ الوسطاء العقاريين اللي مقسمين المناطق بينهم!

[سعود.]

هذا مب اسلوب احترافي للعمل .. الظاهر المكاتب الاستشارية ماشية على مبدأ الوسطاء العقاريين اللي مقسمين المناطق بينهم!


هذا الي حاصل هو اجراء روتيني الاستشاري صباحا ( ميداني ) من فيلا لفيلا اشراف . وفي المساء يكون في المكتب اعمال ادارية . وصدقني مافيه اي مكتب استشارات في العالم كل المهندسين في نفس المستوى في الزين وفيه الشين
سنة الحياه

[SouthK]

هذا الي حاصل هو اجراء روتيني الاستشاري صباحا ( ميداني ) من فيلا لفيلا اشراف . وفي المساء يكون في المكتب اعمال ادارية . وصدقني مافيه اي مكتب استشارات في العالم كل المهندسين في نفس المستوى في الزين وفيه الشين
سنة الحياه

اتفق معاك و على حظي اطيح في مهندسين دايخين!

[صاحي ضميره]

تجربتي الشخصية مع مكتب اشكو سيئة .. الجماعة هناك شغلهم تعيس و ما انصح أحد بالتعامل معاهم!

ليش اخوي.. قول تجربتك.. انا مع مهندس اسمه عبدالهادي للامانه ممتاززززز... وخبره.

[معماري قطري]

ليش اخوي.. قول تجربتك.. انا مع مهندس اسمه عبدالهادي للامانه ممتاززززز... وخبره.

أوقات الإنسان يسمع وعود لكن الواقع غير وأوقات يطيح الواحد مع شخص مفهي وما يشتغل صح ولا يتواصل عدل ويلف ويدور وفي شغله تجاوزات هندسية وهذي البيئة السبب فيها قلة الرقابة والمتابعة من الجهات المختصة والحساب والعقاب .. عندنا إحنا الطب والهندسة يحتاجون رقابة من ناس فاهمين وتابعين للحكومة ما يحطون لي مهندس كهرباء يدير هيئة أغلب شغلها مدني ومعماري وطرق .. وصادفت مهندس معماري حديث التخرج وغير قطري يدير مشروع طرق ملياري وهذا لا يحدث الا في قطر كعكعة المحروم

[SouthK]

ليش اخوي.. قول تجربتك.. انا مع مهندس اسمه عبدالهادي للامانه ممتاززززز... وخبره.

موقفين بخصوص التصميم صاروا .. واحد معاي و الثاني مع صديق لي!

أما اللي صار معاي فهو اني رحت لمهندس (ما راح اذكر اسمه) من المشرفبن على المكتب بناءا على توصية شخص تعامل مع المكتب و مدح فيه ... بعد ما عطيتهم المتطلبات انتظرت التصميم المبدأي و بعد انتظار طلع شيء غير صالح للسكن و فيه هدر مساحات و عدم توافق مع المتطلبات ... بعد نقاش طلعت بنتيجة انهم يبوني اوقع معاهم و عقب بيسوون لي التصميم.
كشخص مب ضد ان المكتب يطلب توقيع عقد لكن على الاقل عطني فكرة عن مستوى المصممين.
هذا غير اني و ان قاعد مع المهندس كم شخص داشوا يتهاوشون و عندهم مشاكل مع المكتب و مؤكد اني ما راح اتكلم عنهم بعد ما شفت ردة فعل المهندسين معاهم .. طلعت بنتيجة ان المكتب ما راح يصمل معاي!

في نفس الوقت المكتب كان مشرف على بيت واحدة من العائلة و شفت مستوى الاشراف عندهم و تفاعلهم مع مراحل التنفيذ و التعديلات اللي يطلبها المالك واللي ما راح اخوض فيها .. يمكن كان عندهم ضغط أو خلل في الادارة لكن في النهاية انا عميل و جيت على السمعة و للاسف اللي شفته كان مغاير و إن كنت على معرفة شخصية بصاحب المكتب لكن هذا ما يمنع التطرق للسلبيات اللي شفتها!

أما موقف صديقي فاعتذر عن طرحه لحفظ خصوصية الصديق و اني مب مطلع على كل التفاصيل لاني لمرحلة معينة كنت معاه و عقب تركته مع المكتب و ما يحتاي اتكلم عن موقفه اللي كان سلبي!

في اشياء لاحظتها في اغلب مكاتب الاستشارات .. دفعاتهم 50% قبل ما يبتدون بشيء و كلهم يصممون حسب اشتراطات البلدية و أي شيء خارج ما تطلبه البلدية للرخصة ما يسوونه .. رحت كذا مكتب و عرضت عليهم المطلوب و السواد الاعظم من المكاتب رفض بحجة ان طلباتي خارج متطلبات البلدية للرخصة ..

حصلت مكاتب توفر رسمات تفصيلية للتصميم و عندهم ابداع و افكار و حتى في مكاتب خارج قطر عندها استعداد تقدم خدمات على مستوى مميز و السعر مؤكد بيكون أعلى لكن المقابل هو المطلوب.

ما راح اتكلم عن محدودية و تدني مستوى المكاتب و حتى انعدام الابداع عن الغالبية منهم المعتمد على مبدأ القص و اللصق لكن نرجو العثور على مكتب يصمم بشوية ذمة و طلباتنا تراها بسيطة!

[SouthK]

أوقات الإنسان يسمع وعود لكن الواقع غير وأوقات يطيح الواحد مع شخص مفهي وما يشتغل صح ولا يتواصل عدل ويلف ويدور وفي شغله تجاوزات هندسية وهذي البيئة السبب فيها قلة الرقابة والمتابعة من الجهات المختصة والحساب والعقاب .. عندنا إحنا الطب والهندسة يحتاجون رقابة من ناس فاهمين وتابعين للحكومة ما يحطون لي مهندس كهرباء يدير هيئة أغلب شغلها مدني ومعماري وطرق .. وصادفت مهندس معماري حديث التخرج وغير قطري يدير مشروع طرق ملياري وهذا لا يحدث الا في قطر كعكعة المحروم

أوجزت و ما عندي تعقيب!

[معماري قطري]

موقفين بخصوص التصميم صاروا .. واحد معاي و الثاني مع صديق لي!

أما اللي صار معاي فهو اني رحت لمهندس (ما راح اذكر اسمه) من المشرفبن على المكتب بناءا على توصية شخص تعامل مع المكتب و مدح فيه ... بعد ما عطيتهم المتطلبات انتظرت التصميم المبدأي و بعد انتظار طلع شيء غير صالح للسكن و فيه هدر مساحات و عدم توافق مع المتطلبات ... بعد نقاش طلعت بنتيجة انهم يبوني اوقع معاهم و عقب بيسوون لي التصميم.
كشخص مب ضد ان المكتب يطلب توقيع عقد لكن على الاقل عطني فكرة عن مستوى المصممين.
هذا غير اني و ان قاعد مع المهندس كم شخص داشوا يتهاوشون و عندهم مشاكل مع المكتب و مؤكد اني ما راح اتكلم عنهم بعد ما شفت ردة فعل المهندسين معاهم .. طلعت بنتيجة ان المكتب ما راح يصمل معاي!

في نفس الوقت المكتب كان مشرف على بيت واحدة من العائلة و شفت مستوى الاشراف عندهم و تفاعلهم مع مراحل التنفيذ و التعديلات اللي يطلبها المالك واللي ما راح اخوض فيها .. يمكن كان عندهم ضغط أو خلل في الادارة لكن في النهاية انا عميل و جيت على السمعة و للاسف اللي شفته كان مغاير و إن كنت على معرفة شخصية بصاحب المكتب لكن هذا ما يمنع التطرق للسلبيات اللي شفتها!

أما موقف صديقي فاعتذر عن طرحه لحفظ خصوصية الصديق و اني مب مطلع على كل التفاصيل لاني لمرحلة معينة كنت معاه و عقب تركته مع المكتب و ما يحتاي اتكلم عن موقفه اللي كان سلبي!

في اشياء لاحظتها في اغلب مكاتب الاستشارات .. دفعاتهم 50% قبل ما يبتدون بشيء و كلهم يصممون حسب اشتراطات البلدية و أي شيء خارج ما تطلبه البلدية للرخصة ما يسوونه .. رحت كذا مكتب و عرضت عليهم المطلوب و السواد الاعظم من المكاتب رفض بحجة ان طلباتي خارج متطلبات البلدية للرخصة ..

حصلت مكاتب توفر رسمات تفصيلية للتصميم و عندهم ابداع و افكار و حتى في مكاتب خارج قطر عندها استعداد تقدم خدمات على مستوى مميز و السعر مؤكد بيكون أعلى لكن المقابل هو المطلوب.

ما راح اتكلم عن محدودية و تدني مستوى المكاتب و حتى انعدام الابداع عن الغالبية منهم المعتمد على مبدأ القص و اللصق لكن نرجو العثور على مكتب يصمم بشوية ذمة و طلباتنا تراها بسيطة!

بعد إخوي ساوث كي فيه مكاتب تسوي شغل مميز وغير عن الدارج وبعضهم وصلوا العالمية وغطوا عليها مثل مكتب ابراهيم الجيدة وما امدحه لمعرفة أو شيء إلتقيته يمكن مرتين بس الرجال وفريقه أعماله تشهد له .. فيه فريق ثاني يقوده رسام متولع بالبناء القديم وموثق للتراث البحريني جاء قطر واستوى قطري وأدار مشاريع كثيرة عيبه يفتقد للتأهيل المعماري الخالص ويحب الرسم لأجل الرسم .. يمكن لدرجة معينة يتشابه مع خالي وخالي رسام هاوي ويشارك في معارض وعنده لوحة انباعت بسعر كبير ما أذكره إسمها أم الحنايا .. شفت تصميمه لبيته رسم من خيال رسام وأفكار خاصة به ولا قدرت أجادله .. مقتنع بالبيت الأرضي ومقتنع بالكتل والتغيير في الإرتفاعات

مكتب اتحاد قطر للتخطيط بعد ما توفى المعماري اللي كان يديره ضعف معمارياً لكنه مكتب قوي في باقي التخصصات واللي يهم باقي التخصصات وسعره غالي .. لازم أرسل لهم تصميمي أشوف إذا بيخلصونه أو لا

من فترة سافرت على أساس أشوف مكتب استشاري يكمل باقي التخصصات في الأردن وما كنت أصلاً مقتنع بالعملية من الأساس بس لي صديق من أيام الدراسة هناك وعنده مكتب ولي قريب 30 سنة ما شفته على الطبيعة .. رحت وتلاقيت معاه وما قصر ناقش معاي تصميم في نقاط انا مفكر فيها بعمق وواصل للحل الحالي .. وكانت فكرتي إني أشوف المكتب والمهندسين اللي معاه بس طلع مسكر مكتبه وحسب كلامه يدور موقع ثاني وعقده يقارب أسعار الدوحة وبدون الرخصة الرخصة علي أشوف مكتب يطلعها وهو قبل قايل لي نعرف ناس في قطر .. المهم شلت الفكرة من بالي واعتذرت له بأني غيرت رايي والتصميم في قطر بيكون أسهل والمكتب بيتقبل المسؤولية والمتابعة سهلة .. حتى عقده كان فيه أشياء كثيرة تكلمنا عنها وانها بيتضمنها العقد في الكتابة ما انضافت .. وكان يبغي ملاحظاتي على العقد وصعب انا تناقشت في كل شيء وأرجع اطلب اضافته وكأني أطلب طلب خاص والكلام ما صار له يومين ما يلحق ينسى من هشكل قلت حق نفسي كشكها ما تعرضهاش

[صاحي ضميره]

أوقات الإنسان يسمع وعود لكن الواقع غير وأوقات يطيح الواحد مع شخص مفهي وما يشتغل صح ولا يتواصل عدل ويلف ويدور وفي شغله تجاوزات هندسية وهذي البيئة السبب فيها قلة الرقابة والمتابعة من الجهات المختصة والحساب والعقاب .. عندنا إحنا الطب والهندسة يحتاجون رقابة من ناس فاهمين وتابعين للحكومة ما يحطون لي مهندس كهرباء يدير هيئة أغلب شغلها مدني ومعماري وطرق .. وصادفت مهندس معماري حديث التخرج وغير قطري يدير مشروع طرق ملياري وهذا لا يحدث الا في قطر كعكعة المحروم

اتفق معاك..

[SouthK]

بعد إخوي ساوث كي فيه مكاتب تسوي شغل مميز وغير عن الدارج وبعضهم وصلوا العالمية وغطوا عليها مثل مكتب ابراهيم الجيدة وما امدحه لمعرفة أو شيء إلتقيته يمكن مرتين بس الرجال وفريقه أعماله تشهد له .. فيه فريق ثاني يقوده رسام متولع بالبناء القديم وموثق للتراث البحريني جاء قطر واستوى قطري وأدار مشاريع كثيرة عيبه يفتقد للتأهيل المعماري الخالص ويحب الرسم لأجل الرسم .. يمكن لدرجة معينة يتشابه مع خالي وخالي رسام هاوي ويشارك في معارض وعنده لوحة انباعت بسعر كبير ما أذكره إسمها أم الحنايا .. شفت تصميمه لبيته رسم من خيال رسام وأفكار خاصة به ولا قدرت أجادله .. مقتنع بالبيت الأرضي ومقتنع بالكتل والتغيير في الإرتفاعات

مكتب اتحاد قطر للتخطيط بعد ما توفى المعماري اللي كان يديره ضعف معمارياً لكنه مكتب قوي في باقي التخصصات واللي يهم باقي التخصصات وسعره غالي .. لازم أرسل لهم تصميمي أشوف إذا بيخلصونه أو لا

من فترة سافرت على أساس أشوف مكتب استشاري يكمل باقي التخصصات في الأردن وما كنت أصلاً مقتنع بالعملية من الأساس بس لي صديق من أيام الدراسة هناك وعنده مكتب ولي قريب 30 سنة ما شفته على الطبيعة .. رحت وتلاقيت معاه وما قصر ناقش معاي تصميم في نقاط انا مفكر فيها بعمق وواصل للحل الحالي .. وكانت فكرتي إني أشوف المكتب والمهندسين اللي معاه بس طلع مسكر مكتبه وحسب كلامه يدور موقع ثاني وعقده يقارب أسعار الدوحة وبدون الرخصة الرخصة علي أشوف مكتب يطلعها وهو قبل قايل لي نعرف ناس في قطر .. المهم شلت الفكرة من بالي واعتذرت له بأني غيرت رايي والتصميم في قطر بيكون أسهل والمكتب بيتقبل المسؤولية والمتابعة سهلة .. حتى عقده كان فيه أشياء كثيرة تكلمنا عنها وانها بيتضمنها العقد في الكتابة ما انضافت .. وكان يبغي ملاحظاتي على العقد وصعب انا تناقشت في كل شيء وأرجع اطلب اضافته وكأني أطلب طلب خاص والكلام ما صار له يومين ما يلحق ينسى من هشكل قلت حق نفسي كشكها ما تعرضهاش

بارك الله فيك يا الغالي .. فيه مكاتب مميزة عندنا لكن ما تعلن عن نفسها و ما ادري السبب.
بخصوص المكاتب خارج قطر تواصلت مع مكاتب في الكويت و السعودية و الكل ابدى استعداد و جهوزية للتصميم حتى ان مكتب كويتي سألته عن الرخصة فعطاني ارقام ناس صمموا عنده و تواصلت معاهم و الكل لما سألته عن المكتب و ليش تعامل معاه قال ان المكاتب عندنا تعبانة و ما عندهم ابداع و نقاط مختلفة ما له اعي نتطرق لها.

في مكتب كويتي فاتح له فرع في قطر .. سعره غالي وايد لكن يعطيك تصميم متكامل و شغله فوق الممتاز في اي مشروع يمسكه تصميم و تنفيذ!

[معماري قطري]

بارك الله فيك يا الغالي .. فيه مكاتب مميزة عندنا لكن ما تعلن عن نفسها و ما ادري السبب.
بخصوص المكاتب خارج قطر تواصلت مع مكاتب في الكويت و السعودية و الكل ابدى استعداد و جهوزية للتصميم حتى ان مكتب كويتي سألته عن الرخصة فعطاني ارقام ناس صمموا عنده و تواصلت معاهم و الكل لما سألته عن المكتب و ليش تعامل معاه قال ان المكاتب عندنا تعبانة و ما عندهم ابداع و نقاط مختلفة ما له اعي نتطرق لها.

في مكتب كويتي فاتح له فرع في قطر .. سعره غالي وايد لكن يعطيك تصميم متكامل و شغله فوق الممتاز في اي مشروع يمسكه تصميم و تنفيذ!

تصميم وتنفيذ هذا ينطبق عليه قصاب والجلوة في يده لا ويحسبون زيارات المختصين من الكويت عليك .. للي بيدفع أكيد مب مهم لكن اللي بيحاول يسوي الممكن بأفضل سعر ممكن وبيقارن بين البدائل وبيتعب شوي هذا غير

عندي صديق في البحرين مصمم بيته بحدود ال 50000 ريال وبيته ما شاء الله متميز بس بعد القوانين التخطيطية نافعتهم وعجبني البيت متصل بالملحق بسقف واحد ومسوي المطبخ الخارجي بعرض 3 متر .. 1.2 متر للكبتات من جهتين و 1.8 متر مساحة حركة وسطية وهذي مساعدة للحركة بحدود خطوتين طوال أو ثلاث خطوات قصار .. عرض علي المساعدة في اتمام تصميم بيتي بس بعد شفتها صعبة ألحين بين الإتفاق مع المانع للتصميم ومكتب اتحاد قطر للتخطيط والمكتبين مجربين من فوق الثلاثين سنة في شغلات تصميم واشراف كثيرة .. ما يصير تبي سيارة زينة وتروح وكالة شيري والا ام جي الصينية

[SouthK]

تصميم وتنفيذ هذا ينطبق عليه قصاب والجلوة في يده لا ويحسبون زيارات المختصين من الكويت عليك .. للي بيدفع أكيد مب مهم لكن اللي بيحاول يسوي الممكن بأفضل سعر ممكن وبيقارن بين البدائل وبيتعب شوي هذا غير

عندي صديق في البحرين مصمم بيته بحدود ال 50000 ريال وبيته ما شاء الله متميز بس بعد القوانين التخطيطية نافعتهم وعجبني البيت متصل بالملحق بسقف واحد ومسوي المطبخ الخارجي بعرض 3 متر .. 1.2 متر للكبتات من جهتين و 1.8 متر مساحة حركة وسطية وهذي مساعدة للحركة بحدود خطوتين طوال أو ثلاث خطوات قصار .. عرض علي المساعدة في اتمام تصميم بيتي بس بعد شفتها صعبة ألحين بين الإتفاق مع المانع للتصميم ومكتب اتحاد قطر للتخطيط والمكتبين مجربين من فوق الثلاثين سنة في شغلات تصميم واشراف كثيرة .. ما يصير تبي سيارة زينة وتروح وكالة شيري والا ام جي الصينية

التكلفة العالية حاجز للتعاقد مع بعض المكاتب .. لما المكتب يطلب 200 الف للتصميم بحد ذاته فهذا سعر مبالغ فيه و إن كان اللي يقدمه مميز .. مكاتب ثانية تطلب من 30 لين 70 ألف و تتفاوت الخدمات اللي كلها في النهاية تعطيك نفس النتيجة لكن بتفاوت في الجودة و هذا مقبول لحد ما ... في مكتب طلب 340 ألف للتصميم و حجته ان مهندسينه بريطانيين و طبعا ما خليته بدون قصف جبهته هو بمهندسينه برئيس بلدية لندن و مدير مطار هيثرو .. آخر اثنين جاو فوق البيعة!

الغير مقبول هو رفض الخروج من دائرة النمطية في التصميم و التفكير و التحايل بأي طريقة للكسب ..

كل مكتب همه الرخصة .. شيء طبيعي ان المكتب ينجز لك الرخصة لكن التصميم مب بس رخصة .. تتكلم مع هالمكاتب و عمك أصمخ (تعبير مجازي و نسأل الله أن يجيره) .. في مكتب مرموق لكن تعيس سوى شركة لادارة المشاريع بنفس فكرة شركة مناقصات و عالج أوجه النقص لكن عقلية الادارة مب لمكتب هندسي و خاصة ان المدير مب مهندس .. يعني الخبز من هالخباز محروق!

بيوت البحرين صايرة مثل بيوت الكويت .. مساحة ارض صغيرة لكن دراسة متأنية و استغلال مساحات ممتاز .. عندنا الاراضي كبيرة لكن المكاتب لازم تترس لك الالرض حتى لو ما تبي ..

لو اعرض التصاميم اللي سوتها لي المكاتب يمكن يرتفع الضغط عندك و يصيدك خازباز!!

حزات يا الغالي الشيري و الام جي تطلع منهم منتجات جيدة لكن مب عندنا ... في بلادهم ما يحتاي لكن عندنا ارخص واسوأ المنتجات!

[معماري قطري]

التكلفة العالية حاجز للتعاقد مع بعض المكاتب .. لما المكتب يطلب 200 الف للتصميم بحد ذاته فهذا سعر مبالغ فيه و إن كان اللي يقدمه مميز .. مكاتب ثانية تطلب من 30 لين 70 ألف و تتفاوت الخدمات اللي كلها في النهاية تعطيك نفس النتيجة لكن بتفاوت في الجودة و هذا مقبول لحد ما ... في مكتب طلب 340 ألف للتصميم و حجته ان مهندسينه بريطانيين و طبعا ما خليته بدون قصف جبهته هو بمهندسينه برئيس بلدية لندن و مدير مطار هيثرو .. آخر اثنين جاو فوق البيعة!

الغير مقبول هو رفض الخروج من دائرة النمطية في التصميم و التفكير و التحايل بأي طريقة للكسب ..

كل مكتب همه الرخصة .. شيء طبيعي ان المكتب ينجز لك الرخصة لكن التصميم مب بس رخصة .. تتكلم مع هالمكاتب و عمك أصمخ (تعبير مجازي و نسأل الله أن يجيره) .. في مكتب مرموق لكن تعيس سوى شركة لادارة المشاريع بنفس فكرة شركة مناقصات و عالج أوجه النقص لكن عقلية الادارة مب لمكتب هندسي و خاصة ان المدير مب مهندس .. يعني الخبز من هالخباز محروق!

بيوت البحرين صايرة مثل بيوت الكويت .. مساحة ارض صغيرة لكن دراسة متأنية و استغلال مساحات ممتاز .. عندنا الاراضي كبيرة لكن المكاتب لازم تترس لك الالرض حتى لو ما تبي ..

لو اعرض التصاميم اللي سوتها لي المكاتب يمكن يرتفع الضغط عندك و يصيدك خازباز!!

حزات يا الغالي الشيري و الام جي تطلع منهم منتجات جيدة لكن مب عندنا ... في بلادهم ما يحتاي لكن عندنا ارخص واسوأ المنتجات!

هذا مساحة أرضه كبيرة وباني نصها ومخلي الباقي حديقة وللمستقبل .. أعتقد فوق ال 3000 .. عن عرض المخططات شفت كثير منها واشتغلت عليها في موضوع مراجعة المخططات المعمارية .. وبالنسبة للتصاميم بين مكتب عادي ومكتب مختص تفرق وتفرق كثير والأسباب وايد عددتها مرات وهذا اللي يخليني أتجه لمكتب قوي .. يمكن الشخص العادي ما يلاحظها وبعدين يعاني منها .. ومنها تسعير عالي للعظم بسبب زيادة الخرسانات والحديد وهذا شيء سهل يسويه أي مهندس مبتديء وقليل خبرة .. يبالغ في حساباته للأوزان ويقلل حساباته لقوة الهيكل وكأن جاذبيتنا غير عن جاذبية العالم والمالك بدال ما يدفعها للاستشاري يدفع فوقها للمقاول ويدفع تعب ومعاناة من مشاكل وأخطاء وممكن بلاوي إنشائية كراكات وتقوسات بسبب الأوزان اللي المصمم بالغ فيها

الكهرباء رغم اني درست شبكات البيوت لكن ما مارستها عملي ونسيتها مهمة للغاية ومهم تحديد مواصفات مناسبة من مهندس مختص وهذا ما تحصله الا عند استشاري قوي وخبرة وكلامي ونصيحتي عامة للكل حتى يستفيدون

كلامك عن الكسب وغير مقبول ردي عليه كيف تتوقع مكتب يشتغل بذمة وما يلف ويدور يعيشون مهندسينه اللي رواتبهم عالية ب 20000 شهرياً وهو يقضي وقت طويل في تصميم بيتك والتفرغ له؟ معادلة صعبة أما بيفرض عليك تصميم سابق بيغير بس الإسم وهذا ما فيه شيء يصير حتى في أمريكا .. أو بيلعب مع المقاول وقت التنفيذ وكثير مكاتب تسوي هذا الشيء في قطر والسبب فاتحين لهم المجال لا حسيب ولا رقيب

تبي تصميم متعوب عليه ومميز لازم تدفع قيمته تبي كلام ووعود وايد بياعين الكلام

بعدين خلنا نكون واقعيين ونسال أنفسنا شبيفيدني فيه تصميمي فذ ومميز وماركة وحصري لي انا بس؟ أحد الأشخاص وزير سابق في قطر الله يرحمه توفى شاب بنى بيت غريب وبتصميم غير ومميز وخذ عليه براءة سجله في هيئة دولية حتى محد يقلد أفكاره .. الحكومة استملكت بيته وهدمته وكانت فيه نوايا يبنون مشابه له واستوت سالفة واشتكى ورفض وبس توفى فجأة وراح عن أملاكه ومن ضمنها برج مميز .. كلنا نهايتنا حفرة والمفروض نفكر في تصميم مقبول ومعقول ومريح لنا وغير مكلف تكلفة فوق طاقتنا ونبتعد عن موضوع الأجمل والأعلى والأغلى والأفضل

[qatari911]

هذا مساحة أرضه كبيرة وباني نصها ومخلي الباقي حديقة وللمستقبل .. أعتقد فوق ال 3000 .. عن عرض المخططات شفت كثير منها واشتغلت عليها في موضوع مراجعة المخططات المعمارية .. وبالنسبة للتصاميم بين مكتب عادي ومكتب مختص تفرق وتفرق كثير والأسباب وايد عددتها مرات وهذا اللي يخليني أتجه لمكتب قوي .. يمكن الشخص العادي ما يلاحظها وبعدين يعاني منها .. ومنها تسعير عالي للعظم بسبب زيادة الخرسانات والحديد وهذا شيء سهل يسويه أي مهندس مبتديء وقليل خبرة .. يبالغ في حساباته للأوزان ويقلل حساباته لقوة الهيكل وكأن جاذبيتنا غير عن جاذبية العالم والمالك بدال ما يدفعها للاستشاري يدفع فوقها للمقاول ويدفع تعب ومعاناة من مشاكل وأخطاء وممكن بلاوي إنشائية كراكات وتقوسات بسبب الأوزان اللي المصمم بالغ فيها

الكهرباء رغم اني درست شبكات البيوت لكن ما مارستها عملي ونسيتها مهمة للغاية ومهم تحديد مواصفات مناسبة من مهندس مختص وهذا ما تحصله الا عند استشاري قوي وخبرة وكلامي ونصيحتي عامة للكل حتى يستفيدون

كلامك عن الكسب وغير مقبول ردي عليه كيف تتوقع مكتب يشتغل بذمة وما يلف ويدور يعيشون مهندسينه اللي رواتبهم عالية ب 20000 شهرياً وهو يقضي وقت طويل في تصميم بيتك والتفرغ له؟ معادلة صعبة أما بيفرض عليك تصميم سابق بيغير بس الإسم وهذا ما فيه شيء يصير حتى في أمريكا .. أو بيلعب مع المقاول وقت التنفيذ وكثير مكاتب تسوي هذا الشيء في قطر والسبب فاتحين لهم المجال لا حسيب ولا رقيب

تبي تصميم متعوب عليه ومميز لازم تدفع قيمته تبي كلام ووعود وايد بياعين الكلام

بعدين خلنا نكون واقعيين ونسال أنفسنا شبيفيدني فيه تصميمي فذ ومميز وماركة وحصري لي انا بس؟ أحد الأشخاص وزير سابق في قطر الله يرحمه توفى شاب بنى بيت غريب وبتصميم غير ومميز وخذ عليه براءة سجله في هيئة دولية حتى محد يقلد أفكاره .. الحكومة استملكت بيته وهدمته وكانت فيه نوايا يبنون مشابه له واستوت سالفة واشتكى ورفض وبس توفى فجأة وراح عن أملاكه ومن ضمنها برج مميز .. كلنا نهايتنا حفرة والمفروض نفكر في تصميم مقبول ومعقول ومريح لنا وغير مكلف تكلفة فوق طاقتنا ونبتعد عن موضوع الأجمل والأعلى والأغلى والأفضل

معماري قطري جزاك الله خير والله يكتب اجرك على ماتكتبه من معلومات مهمه من غير قصور بباقي الاعضاء

ممكن ترشح لان المكاتب القويه في التصاميم والاشراف والمكاتب القويه في التنفيذ

وجزاك الله خير

[معماري قطري]

معماري قطري جزاك الله خير والله يكتب اجرك على ماتكتبه من معلومات مهمه من غير قصور بباقي الاعضاء

ممكن ترشح لان المكاتب القويه في التصاميم والاشراف والمكاتب القويه في التنفيذ

وجزاك الله خير

ألحين بيكون تركيزي على 3 مكاتب منها اتحاد قطر للتخطيط والمانع للتصميم والإستشاريون العرب - محرم باخوم وبفاضل بينها وبنقل لكم النتيجة

عندك بعد كمكتب قوي إضافي مكتب ابراهيم الجيدة أعتقد المكتب العربي للشؤون الهندسية .. وسمعت عن مكتب بدرية كافود .. الأخيرين إدارة قطرية وأول إثنين إدارة هندية والوسطي إدارة مصرية ومكتب متأسس من زمان في مصر يعتبر دولي .. فيه مكتب أردني اسمه باجوس فيه له فرع في قطر وفرع في الأردن سمعت عنه وقال لي اللي راح ما ارتاح لهم

[معماري قطري]

أكيد فيه المكاتب الدولية القوية مثل مونسيل وأتكنز و وايت يونغ وسوديتيغ ما ادري لو شغالين للحين والا طلعوا وهو فرنسي مصمم مشروع كبير جداً في قطر ( العديد ) .. وفيه مكتب قديم اسمه غآلف ديزاين كونسبت هذا فنان في المعماري موقعه قبل جسر بو عبود بشوي وانت متجه للمطار من الدوحة

لستة المكاتب وتحديثها سنوي تنحط في موقع البلدية بس عيبها ما فيها تفاصيل وتقييم من البلدية ومن العملاء ( كله يحسبونه تشهير عايشين في قرون ما قبل النت والمعلومات السهلة ) .. باختصار اختصاص المكتب ومتى تنتهي رخصته ودرجته

[SouthK]

ألحين بيكون تركيزي على 3 مكاتب منها اتحاد قطر للتخطيط والمانع للتصميم والإستشاريون العرب - محرم باخوم وبفاضل بينها وبنقل لكم النتيجة

عندك بعد كمكتب قوي إضافي مكتب ابراهيم الجيدة أعتقد المكتب العربي للشؤون الهندسية .. وسمعت عن مكتب بدرية كافود .. الأخيرين إدارة قطرية وأول إثنين إدارة هندية والوسطي إدارة مصرية ومكتب متأسس من زمان في مصر يعتبر دولي .. فيه مكتب أردني اسمه باجوس فيه له فرع في قطر وفرع في الأردن سمعت عنه وقال لي اللي راح ما ارتاح لهم

أكيد عندك خبرة لكن مكتب من اللي ذكرتهم ما انصحك تروح له .. أنا رحت له واتفقنا و عقب عرض السعر وصلني اغلى ب 20 ألف بحجة غلط التسعير .. هذا أولها و الله يجيرنا من آخرها!
مكتب محرم بخوم قوي جدا و مثله المكتب العربي لكن ما يهم الاسم اكثر من الجودة و كامك بتدفع مبلغ و قدره لازم يكون المكتب كفو!

[qatari911]

ألحين بيكون تركيزي على 3 مكاتب منها اتحاد قطر للتخطيط والمانع للتصميم والإستشاريون العرب - محرم باخوم وبفاضل بينها وبنقل لكم النتيجة

عندك بعد كمكتب قوي إضافي مكتب ابراهيم الجيدة أعتقد المكتب العربي للشؤون الهندسية .. وسمعت عن مكتب بدرية كافود .. الأخيرين إدارة قطرية وأول إثنين إدارة هندية والوسطي إدارة مصرية ومكتب متأسس من زمان في مصر يعتبر دولي .. فيه مكتب أردني اسمه باجوس فيه له فرع في قطر وفرع في الأردن سمعت عنه وقال لي اللي راح ما ارتاح لهم


جزاك الله خير





أكيد عندك خبرة لكن مكتب من اللي ذكرتهم ما انصحك تروح له .. أنا رحت له واتفقنا و عقب عرض السعر وصلني اغلى ب 20 ألف بحجة غلط التسعير .. هذا أولها و الله يجيرنا من آخرها!
مكتب محرم بخوم قوي جدا و مثله المكتب العربي لكن ما يهم الاسم اكثر من الجودة و كامك بتدفع مبلغ و قدره لازم يكون المكتب كفو!


جزاك الله خير

[معماري قطري]

أكيد عندك خبرة لكن مكتب من اللي ذكرتهم ما انصحك تروح له .. أنا رحت له واتفقنا و عقب عرض السعر وصلني اغلى ب 20 ألف بحجة غلط التسعير .. هذا أولها و الله يجيرنا من آخرها!
مكتب محرم بخوم قوي جدا و مثله المكتب العربي لكن ما يهم الاسم اكثر من الجودة و كامك بتدفع مبلغ و قدره لازم يكون المكتب كفو!

دوم فيه مفاوضة والخطأ في التسعير عادي مب خطأ رئيسي في الشغل وفي يدك ترفض .. المكتب العربي بعد غالي وايد واحد سعروا له مليون لتصميم عمارة تكلفتها التقديرية 50 مليون .. ماشين على 2% من قيمة التكلفة التقديرية بالضبط وهي تكلفة معقولة وطريقة معقولة لحسبة تكلفة التصميم .. بس انا أشوف وقتها والسالفة من زمان كان ممكن ينزلون لين 500000 بسبب إن كل شيء يتشابه صمم وكرر وتكسب العميل وممكن تاخذ الإشراف

[معماري قطري]

جزاك الله خير







جزاك الله خير

جزاك الله بمثله

لا تستعجل وبعد الوقت حرج لو تبغي تبني في الجو البارد

[qatari911]

جزاك الله بمثله

لا تستعجل وبعد الوقت حرج لو تبغي تبني في الجو البارد

يمكن ابني في شهر 9 على اخره اذا الله راد وقدرت اخلص التصميم وباقي الاشياء
طبعا لازم اخذ رايك مانستغني عنك انت والاعضاء الكرام

[معماري قطري]

يمكن ابني في شهر 9 على اخره اذا الله راد وقدرت اخلص التصميم وباقي الاشياء
طبعا لازم اخذ رايك مانستغني عنك انت والاعضاء الكرام

الوقت صعب لو على شهر 9 قدرت تخلص الموافقة المبدئية زين .. حسب المقاول لو ممكن يخلص لك الهيكل الخرساني في ست شهور تحتاج تبدأ شهر 9 لو أقل ممكن شهر 10 أو 11

المقاول الجاهز ومستعد بعماله ومعداته بيحفر وبيجهز الموقع خلال 10 أيام إذا ما فيه بيسمنت .. وبيسوي مسح ويحدد مواقع الأساسات هذي تحتاج يوم وممكن تحتاج استمرارية للمساح يجي من وقت لوقت يدقق .. بعدين صب خرسانة النظافة وحبيت فكرة السعوديين يسوونها لكل الموقع ويحددون عليها بالرسم حدود الأساسات .. لو سويناها على كامل الموقع استوت عندنا أرضية كاملة نظيفة .. نقول هذي يبي لها يوم مع رشها اسبوع هذا هي مرت 20 يوم .. خلالها ممكن يجهز المقاول حديد الأساسات وينقله بعدين لمكانه في موقع كل أساس مع البسكوتات .. الفورم الخشب سهل للأساسات نتفاءل نقول 3 أيام بياخذ وبين هالفترات ذي تكون مراجعة الإستشاري وانتظاره أوقات حتى يجي وحتى يوافق بدون ملاحظات وتعديلات ونفس الشيء المساح .. قول الأساسات جاهزة للصب بعد 30 يوم

صب الأساسات ورشها اسبوع أقل شيء وأسبوعين أكيد المطلوب وحتى 28 يوم اللي هو المضمون لكن فيه مواد مسرعة تضاف للخرسانة وتوصل لقوتها بسرعة حسب هذي المواد .. بعدين بنيان الطابوق اللي بتركب عليه القواعد الأرضية وملئه بالخرسانة ممكن حتى المعمولة في الموقع وعزله وعزل الأساسات وتجهيزها للدفان .. العملية بالراحة تاخذ 45 يوم لين شهر بعد ال 30 يوم الأُولى وهذا للحين ما دفنا طبقات ودفان مختار بعناية وبدون حجارة كبيرة .. تقريباً 3 شهور تروح في شغل الأساسات والدفان .. الأعمدة للدور الأرضي سهلة نوعاً ما ممكن تاخذ 20 يوم لو المقاول سريع ويقدر يفك الخشب وخلاص الطابوق ما نبنيه الا تحت الأرض ومقاوم للأملاح ومعزول زين ومحمي ببلاستيك سميك .. مرت 3 شهور و 20 يوم وبدينا نجهز للدرج ونجهز بنفس الوقت خشب السقف للدور الأرضي وتحتاج هذي حول يمكن 40 يوم ونكون كملنا 5 شهور وبنكون محظوظين لو جات مع صب الخرسانة لسقف الارضي

نسيت موضوع صبية ارضية الدور الأرضي حتى تكون صلبة وجيدة ومناسبة حق دعامات الخشب للسقف هذي سهلة وسريعة ممكن تجي بعد الدفان والدك والحمايات

أعمدة الدور الأول وهنا ممكن نبني طابوق الدور الأرضي بين الأعمدة حسب التصميم ونفس الوقت يتم الشغل للدور الأول شغل الحديد والخشب للأعمدة هنا بتاخذ العملية بحدود الشهر لين ممكن نسوي خشب سقف الأول

كل هذي الخطوات وغيرها يطلبها الاستشاري محددة بتواريخ وتوقيتات افتراضية حسب جدول سير العمل المقترح وهذا الاستشاري الأمين واللي يتابع صح .. وتنسيق شغل الكهرباء يجي من البداية وحتى يفضل الميكانيك من تمديدات وبايبات ودكتات كلها نقدر نسويها بأقل تكسير أو قص

وأكيد أفضل لنا وللإستشاري وللمقاول أكثر بأن تكون قيمة كل مرحلة يحددها المقاول بعد دراسته للمخططات والمواصفات ونناقشه فيها مثلاً ما يطلب قيمة غير واقعية لمرحلة وبنفس الوقت نفرض عليه من البداية وفي العقد دفعة محتجزة لضمان الصيانة تبقى عندنا 400 يوم أو أي وقت نختاره بعد انتهاء البناء واستلامه وهذي نستقطعها من كل دفعة مستحقة حسب نسبة تحدد في العقد مثل 5% معقولة أو أقل حسب تعقيد وقيمة مشروعنا .. مثلاً مشروع بيكلف 2 مليون ال 5% تطلع في نهاية المشروع 100000 ريال وبنفس الوقت إحنا بنكون دافعين مبلغ مقدم يبدأ به المقاول ممكن 100000 وممكن أقل أو أكثر حسب عقدنا هذا نعتبر افتراضياً مع كل دفعة نسحب منه نسبة معينة

يعني فرضاً قيمة ضمان الصيانة 5% من قيمة العقد نحتجز من كل دفعة يطلبها المقاول 5% وفوقها نعتبر إن المقاول سحب من الدفعة المقدمة نسبة معينة مقسمة على الدفعات بحيث ينتهي المبلغ المقدم مع نهاية البنيان .. يعني مقاول حتى نسهل الحسابات مراحل بناءه 10 مراحل ودفعته المقدمة 100000 وال 5% دفعة صيانة توصل ل 100000 في نهاية المشروع واستحق دفعة أولى فرضاً 50000 بيكون نفترض إنه خذ 10000 من الدفعة المقدمة ويستحق 40000 وبعد بناخذ 5% من ال 40000 نحتجزها للصيانةيطلع يستحق 38000

[معماري قطري]

مشكلتي أكتب وايد وأكرر كلام كله مذكور في موضوع العقود المثبت فوق وأي واحد يبني لازم يتابع هناك ويطالب الإستشاري بهذي الطريقة لأنها تربط المقاول بالمشروع

[qatari911]

مشكلتي أكتب وايد وأكرر كلام كله مذكور في موضوع العقود المثبت فوق وأي واحد يبني لازم يتابع هناك ويطالب الإستشاري بهذي الطريقة لأنها تربط المقاول بالمشروع

بالعكس اكتب وايد كلامك يشرح كل شي وانت مشاء الله تشرح تفاصيل التفاصيل
طيب البناء في اي وقت الي يكون ممتاز تبداء فيه وكم فترة البناء التقريبي
وجزاك الله خير

[معماري قطري]

بالعكس اكتب وايد كلامك يشرح كل شي وانت مشاء الله تشرح تفاصيل التفاصيل
طيب البناء في اي وقت الي يكون ممتاز تبداء فيه وكم فترة البناء التقريبي
وجزاك الله خير

لو قدرت تخلص تصميم قبل شهر 9 وتبدأ شهر 9 زين على الأقل ممكن يخلص الخرسانات خلال فترة الجو البارد

فيه بيت أشوفه ينبني في منطقتنا بدأ متأخر وشكله خلص صب ألحين وبادي مع الطابوق .. حسب المقاول وأكثر أهل قطر يبنون عظم ويكملون بروحهم عن طريق عقود منفصلة وهذا يطول المدة .. محد يقدر يعطيك فترة زمنية أكيدة الا تطلب تسليم مفتاح وتحط شروط قوية واستشاري جيد يتابع والمقاول يكون قوي

فترة سنتين الى ثلاث فترة معقولة وكثير اشوف تأخير عند البعض يوصل سبع سنوات والسبب في الغالب من المالك هو يورط نفسه بنفسه

[qatari911]

لو قدرت تخلص تصميم قبل شهر 9 وتبدأ شهر 9 زين على الأقل ممكن يخلص الخرسانات خلال فترة الجو البارد

فيه بيت أشوفه ينبني في منطقتنا بدأ متأخر وشكله خلص صب ألحين وبادي مع الطابوق .. حسب المقاول وأكثر أهل قطر يبنون عظم ويكملون بروحهم عن طريق عقود منفصلة وهذا يطول المدة .. محد يقدر يعطيك فترة زمنية أكيدة الا تطلب تسليم مفتاح وتحط شروط قوية واستشاري جيد يتابع والمقاول يكون قوي

فترة سنتين الى ثلاث فترة معقولة وكثير اشوف تأخير عند البعض يوصل سبع سنوات والسبب في الغالب من المالك هو يورط نفسه بنفسه


الله يسهل كل الامور

جزاك الله خير

[سعود.]

لو قدرت تخلص تصميم قبل شهر 9 وتبدأ شهر 9 زين على الأقل ممكن يخلص الخرسانات خلال فترة الجو البارد

فيه بيت أشوفه ينبني في منطقتنا بدأ متأخر وشكله خلص صب ألحين وبادي مع الطابوق .. حسب المقاول وأكثر أهل قطر يبنون عظم ويكملون بروحهم عن طريق عقود منفصلة وهذا يطول المدة .. محد يقدر يعطيك فترة زمنية أكيدة الا تطلب تسليم مفتاح وتحط شروط قوية واستشاري جيد يتابع والمقاول يكون قوي

فترة سنتين الى ثلاث فترة معقولة وكثير اشوف تأخير عند البعض يوصل سبع سنوات والسبب في الغالب من المالك هو يورط نفسه بنفسه


حديث المجالس قديمًا وحديثًا هذي السالفه ( عظم ولا تسليم مفتاح ) كلا الحالتين لها سلبيات وايجابيات وجهة نظري المتواضعة للي عنده فلوس ووقت ويقدر يدفع انه يشطب بنفسه صدق بيتعب بس في النهاية بيطلع بشي ممتاز بشرط انه يشاور أصحاب الخبرة ويبحث عن الافضل وانه يكون فاهم وعارف وشايف السوق . في الغالب هو بيت ( واحد ) راح تبنيه حط فيه تعبك وفلوسك .

[معماري قطري]

الله يسهل كل الامور

جزاك الله خير

سوينا مرة مشروع ضخم ملياري حكومي وكان عقد المقاول يخلص في وقت محدد وعليه غرامات كبيرة بسبب مشاكل لوجستية وقتها من حرب العراق وإيران وبعدين دخول المنطقة حرب تحرير الكويت المقاول تأخر وخسر كثير حسب ما ادعى ورفع قضية يطالب بمبلغ كبير فوق ال 100 مليون ريال وكسبها بعد مداولات حول 3 سنين

[معماري قطري]

حديث المجالس قديمًا وحديثًا هذي السالفه ( عظم ولا تسليم مفتاح ) كلا الحالتين لها سلبيات وايجابيات وجهة نظري المتواضعة للي عنده فلوس ووقت ويقدر يدفع انه يشطب بنفسه صدق بيتعب بس في النهاية بيطلع بشي ممتاز بشرط انه يشاور أصحاب الخبرة ويبحث عن الافضل وانه يكون فاهم وعارف وشايف السوق . في الغالب هو بيت ( واحد ) راح تبنيه حط فيه تعبك وفلوسك .

المهم في الطريقتين العقد .. والثالثة إنك تسوي بنيان للهيكل ويكون متابع متابعة جيدة ومجهز الفتحات والتمديدات ويستحسن بدون بلاستر بعدين تتفق مع مقاول قوي في التشطيب على باقي الأعمال الرئيسية + التنسيق مع المقاولين الثانيين اللي تتفق معاهم مثل تكييف وجبس ومصعد وإنارة .. الكهرباء والميكانيك هذي عليه وبعد يكون قادر ومتابع .. ودوم حساب الكميات المفصل يسهل لك وللمقاول الفاهم والإستشاري الشغل وتقدر تتابع عليه

[genuine]

السلام عليكم ورحمة الله

هل أحد فيكم جرب مكتب أشكو للاستشارات الهندسية ممكن يعطينا رأيه فيه

https://goo.gl/maps/yxspfcQztGNRTj8c8

Ashco Consulting Engineering Center

[معماري قطري]

السلام عليكم ورحمة الله

هل أحد فيكم جرب مكتب أشكو للاستشارات الهندسية ممكن يعطينا رأيه فيه

https://goo.gl/maps/yxspfcQztGNRTj8c8

Ashco Consulting Engineering Center

عليكم السلام ورحمة الله وبركاته

من اسمه يا اخوي يخوف اشكو يقول اتحداكم تشتكون ويطلع لكم حق في كعبة المرحوم