بخصوص العمالة المنزلية

[سعود.]

امس دافع مبلغ 6500 رق . رسوم لمكتب خدم وعند وصول الخادمه بدفع 6500 رق . اجمالي المبلغ 13 الف ريال . زين بعد كم يوم من وصولها مثلآ قالت بروح لكفيل ثاني من يعوضني المبلغ !!!! واذا مافيه حل ليش مايخلون اسعار رسوم الاستقدام مبلغ بسيط ( رمزي ) .

او اي حل اخر تشفونه يكون لصالح الكفيل !!!!

[fmmja]

يمكن لو عملت عقد و حطيت فيه شروط ان العامل يكون ملزوم بالعمل لمدة انت تحددها ولا يحق له النقل لكفيل اخر.

لاكن ما ادري هل الشروط بتكون ملزمه العامل قانونيا ولا لا

[شموخ دائم]

,

,

مرحبا


الموضوع الان مسوي ضجه بقطر على تعديل القانون
أتوقع ان خدم المنازل بيكون فيها ( شرط) موافقه الكفيل السابق

والشركات هم الان المتضرر الأكبر

لين الحين انا مو مستوعب كيف ( وزاره العمل ) تضرب العقد بالحائط
وما تنتظر انتهاء العقد وهم طول عمرهم مشددين على العقد

شي غريب والله

مع ان ( قانون العمل ) المفروض يسري على الجميع
مافي شي اسمه منزل وشركه العامل هو العامل والقانون هو القانون



,

,

[المزن الرياني]

الي قاعد يصير مهزلة والله

[Rider]

حقوق العمال كله لج عيون كأس العالم هاذي الضريبه

[مضارب دوسري]

اللي صاير من الوزاره مسخررره ومهزززله

مطاعم بدات تغلق ابوابها بسبب ان مطعم اخر سحبوا الطباخين براتب اعلى !!!


هذا الامر له عواقب ستمتد الى كل المجالات الاقتصاديه

[SouthK]

أرجو تطبيق هذي القرارات على المواطن اسوة بالوافد .. دام السالفة حقوق خلهم يشملون المواطن مرة واحدة و كله في ثواب المسؤولين.

[ماجد البدر]

امس دافع مبلغ 6500 رق . رسوم لمكتب خدم وعند وصول الخادمه بدفع 6500 رق . اجمالي المبلغ 13 الف ريال . زين بعد كم يوم من وصولها مثلآ قالت بروح لكفيل ثاني من يعوضني المبلغ !!!! واذا مافيه حل ليش مايخلون اسعار رسوم الاستقدام مبلغ بسيط ( رمزي ) .

او اي حل اخر تشفونه يكون لصالح الكفيل !!!!


يقولون القانون الجديد للكفاله
لايشمل العمالة المنزلية بمن فيهم الخدم و المربية و السائق هذه الامور للشركات


طمن بالك

[SouthK]

يقولون القانون الجديد للكفاله
لايشمل العمالة المنزلية بمن فيهم الخدم و المربية و السائق هذه الامور للشركات


طمن بالك

أخوي ماجد ما تعرف وشو ممكن يصير .. بكره تلاقيهم عمموا هالقانون على الكل و عقب تلحق ما تلحق.

[حمــد]

حقهم ..

[sara jsm]

حقهم ..

حقهم !؟
واحنا وين حقنا ؟؟
الجشع مب طبيعي في مكاتب الاستقدام ..

[بومحمد المطاوعه]

اتوقع والله اعلم
اذا الخادمه تبي تنقل كفالتها على كفيل ثاني

الكفيل الثاني يدفع تكاليف استقدام الخادمه

مثال انت جبتها ب 13
يلزم انه يدفع لك 13 الف
وبعدها يحق لها تنقل الكفاله

فالسابق اي خادمه ماتبي تشتغل
الاغلبيه يسفرها
الحين مع قانون الجديد اتوقع راح يطبق هذا الشي
لان صار حق واحد من الشباب
والكفيل الجديد دفع التكاليف كامله
لكن مشكله انك راح تنتظر وتجيب خادمه اخرى

والمكاتب اسعار فلكيه الحين
الله المستعان

[monatee]

الموضوع فرش امس صاير في بيتنا

ثنتين من خداماتنا الفلبنيات
جهزوا شناطهم ولبسوا الجينز والتيشيرت
وانزلوا تحت الصاله وقالوا نبي راتبنا مال هالشهر واحنا خلاص رايحين
نقلنا الكفاله من يومين وبنروح شركة نشتغل !!
جيكنا في مطراش طلع كلامهم صحيح الكفاله منقوله واحنا ماندري ولا جانا لا خبر ولا مسج ولا اي شي
دورنا رقم الشركه اللي نقلوا لها واتصلنا لهم
كلمنا المدير ( مصري الجنسيه ) حاولنا نفهم الموضوع عدل
قال لنا تدرون ان القانون الجديد مايحتاج موافقه الكفيل لنقل الكفاله
وقلنا له نعرف ،، لكن ليش ماندري وليش مافي اشعار لنا ومن بيدفع لنا اللي دفعناه للمكتب اول مره ؟!
قال القانون يقول اذا كملت سنتين داخل الدوله مالكم تعويض للمبلغ اللي دفعتوه للمكتب ، وموضوع ليش ماجاكم مسج تفاهموا مع الجهه المختصه

وفي النهايه دفعنا راتبهم وجات سيارة الشركه وخذتهم

[sara jsm]

وهم كملوا عندكم سنتين ؟؟

[monatee]

وهم كملوا عندكم سنتين ؟؟

اي وحده 4 سنين
والثانيه سنتين وشي

[sara jsm]

اي وحده 4 سنين
والثانيه سنتين وشي

يااختي قولي الحمدلله ماراح عليج فلوس الاستقدام :ok: ماقصروا عندكم ..
اغلبهم يطقون عقب اربع او خمس شهور او اقل من سنه ..
ومحد يتضرر الا الكفيل ..

[monatee]

يااختي قولي الحمدلله ماراح عليج فلوس الاستقدام :ok: ماقصروا عندكم ..
اغلبهم يطقون عقب اربع او خمس شهور او اقل من سنه ..
ومحد يتضرر الا الكفيل ..

اوكي بس الكفيل الجديد خذاهم بارده مبرده من عندنا
احنا اللي دفعنا للمكتب ونطرناهم يوصلون وعلمناهم الشغل
وفجأه ياخذهم كفيل ثاني غصباً عنا وبدون مايدفع شي ؟؟!!!!
وهل المفروض احنا نروح نجيب غيرهم وندفع من جديد ؟!
ويمكن يرجعون يسون نفس الحركه ..

[monatee]

اليوم كلمنا وزارة العمل وجانا الرد ان مستحيل نقل الكفاله يصير من شخصي الى شركه
قلنا طيب صار والشغالات خلاص راحوا
قالوا اخذوا النموذج وكتبوا تظلم

بكره ان شاءالله بنروح المركز نشتكي وبنرفع دعوى اذا الموضوع استدعى ذلك

[مرتبش]

اعتقد في سوء تنفيذ للقانون من جهة وزارة العمل

[Rider]

اليوم كلمنا وزارة العمل وجانا الرد ان مستحيل نقل الكفاله يصير من شخصي الى شركه
قلنا طيب صار والشغالات خلاص راحوا
قالوا اخذوا النموذج وكتبوا تظلم

بكره ان شاءالله بنروح المركز نشتكي وبنرفع دعوى اذا الموضوع استدعى ذلك

لي اعرفه اختي انه مايصير نقل كفاله من شركة الى شخص اما العكس يصير وهذا متأكد منه
هو الفروض خدم المنازل مايتعاملون معاملة عمال الشركات يعني هذا شي شخصي كذا لا بيقعد سايق ولا خادمة فالبيوت وخاصه الان في زمن كورونا كل شي مغلق ومافيه عمالة تجي من برى واصحاب الشركات عندهم نقص ويستغلون العمالة البسيطه

[monatee]

لي اعرفه اختي انه مايصير نقل كفاله من شركة الى شخص اما العكس يصير وهذا متأكد منه
هو الفروض خدم المنازل مايتعاملون معاملة عمال الشركات يعني هذا شي شخصي كذا لا بيقعد سايق ولا خادمة فالبيوت وخاصه الان في زمن كورونا كل شي مغلق ومافيه عمالة تجي من برى واصحاب الشركات عندهم نقص ويستغلون العمالة البسيطه

صحيح كلامك
لكن الي صار في الواقع معانا شي ثاني
الشغالتين اللي كانوا عندنا على كفاله شخصيه وانقلوا على شركه
كيف واشلون .. مادري

[sara jsm]

اعتقد في سوء تنفيذ للقانون من جهة وزارة العمل

قالوا لها (( كتبوا تظلم !!! )) :)
مبين انهم سنوا القانون والتنفيذ الله بالخير