:: جلسة تداول يوم الأربعاء الموافق 25-11-2020 ::

[السيلاوي]

السلام عليكم ورحمة الله وبركاته

صبحكم الله بالخير

يوم تداول موفق للجميع

وفالكم الأخضر ان شاء الله

[لـبـيـه]

السلام عليكم ورحمة الله وبركاته

[عبدالله1977]

السلام عليكم
يوم تداول موفق بإذن الله
فالكم الاخضر اليانع

[ALZAAR]

السلام عليكم ورحمة الله وبركاته

صبحكم الله بالخير

[بوجبر]

اليوم ملاك مخازن محظوظين

[محمد ١]

السلام عليكم ورحمة الله وبركاتة

[.:: القيصر ::.]

السلام عليكم

صباح الورد

[قناص متقاعد]

السلام عليكم ورحمة الله وبركاته

صبحكم الله بالخير

يوم تداول موفق للجميع

وفالكم الأخضر ان شاء الله

وعليكم السلام والرحمه ،،، الله يصبحك بالنور والورد المنثور

متفائل بلون خطك اليوم !!

[السيلاوي]

وعليكم السلام والرحمه ،،، الله يصبحك بالنور والورد المنثور

متفائل بلون خطك اليوم !!

صباح الخير
ربنا يوفقنا جميعا

[Nasserqat]

صباح الخير و يامرحبا بالجميع

[وسمي2016]

السلام عليكم ورحمة الله وبركاته

صبحكم الله بالخير جميعا

[Abjalsulaiti]

بدا وقت الخليج الدوليه مبروك للي اقتنص السهم ب 1.50

[Abjalsulaiti]

الي يملك في دلاله

نصيحه لاتخاف امسك السهم بيسعدك سعاده لاتوصف

الله يشهد اني مااطبل

واتوقع اليوم اخر يوم للضغط على السهم

[أبو الطيب 4]

داو جونز أغلق بمستوى هو الأعلى في تاريخه
وبرنت تجاوز40¨ دولار وهو أعلى مستوى له منذ مارس
فالمفروض بإذن الله بورصتنا خضرا

[مستثمر رشيد]

ناقلات ماشاء الله مواصلة صعود

[Abjalsulaiti]

انا شريت الدوليه على 1.50

الي يشوف البيع والضغط الي كان على السهم يقول شلون احين شراء مجنون وفوق

نفس الشي دلاله شريتها على 1.90 والضغط عند هالرقم بزياده

وبتشوفون الي يضغط بيرجع يشتري فوق لاكن هو يبي دبل الكميه الي ضغط فيها

[ابو عبد الرحمن]

انا شريت الدوليه على 1.50

الي يشوف البيع والضغط الي كان على السهم يقول شلون احين شراء مجنون وفوق

نفس الشي دلاله شريتها على 1.90 والضغط عند هالرقم بزياده

وبتشوفون الي يضغط بيرجع يشتري فوق لاكن هو يبي دبل الكميه الي ضغط فيها


السلام عليكم ورحمة الله وبركاته

هل جائز التداول في دلالة أم عليها نسبة تطهير

[vip1982]

سهم دلالة محرم يا اخوان, من ترك شيئا لله عوضه الله خيرا منه

[Nasserqat]

سهم دلالة محرم يا اخوان, من ترك شيئا لله عوضه الله خيرا منه

بارك الله فيك

[.:: القيصر ::.]

مزايا :)

[أبو الطيب 4]

سهم دلالة محرم يا اخوان, من ترك شيئا لله عوضه الله خيرا منه

السنة الماضية كان سهم مختلط فيه تطهير فهل اختلفت النسب فيه حتى أصبح محرم؟

[مضارب يومي.]

صباح الخير

[.:: القيصر ::.]

الخليج الدولية ( بوووووووم )

[الغالي!]

السلام عليكم ورحمة الله وبركاته

صباح الخير
استغفرالله وسبحان الله ةالله اكبر
الربح الحقيقي

[الغالي!]

مخازن نبي الابتسامه

[نلتقي لنرتقي]

السلام عليكم ورحمة الله وبركاته

جعل الله السعادة والتوفيق حليفكم

[ali.5]

حسب تحليل اخوانا المحللين الخليج الدولية اذا تجاوزت 1.6 ريال دخول للشراء

[نلتقي لنرتقي]

كثير من الأسهم وكأنهم خجولين كخجل العذراء في خدرها

[مضارب يومي.]

كثير من الأسهم وكأنهم خجولين كخجل العذراء في خدرهاكلامك صحيح

[قناص متقاعد]

الحمدلله السوق بشكل عام اخضر بس تحسه مستحي يرتفع اكثر هههههههه

[مضارب يومي.]

الحمدلله السوق بشكل عام اخضر بس تحسه مستحي يرتفع اكثر هههههههههذا طبيعه يوم الأربعاء

[احمد77]

اليوم ملاك مخازن محظوظين

ليش اخوي بوجبر

[نلتقي لنرتقي]

جميل أن أرى من يشتري سهم واحد فقط ليعطي انطباع أن اعلى سعر للسهم وصل إلى فووووووق
مث هذا الفعل إما خداع (مذموم) أو إسعاد ملاك السهم بالتفاؤل لصعود السهم (وهذا محمود)

[ابو عبده]

جميل أن أرى من يشتري سهم واحد فقط ليعطي انطباع أن اعلى سعر للسهم وصل إلى فووووووق
مث هذا الفعل إما خداع (مذموم) أو إسعاد ملاك السهم بالتفاؤل لصعود السهم (وهذا محمود)

احيانا بيكون تكملة طلب تم تنفيذه وتبقى سهم واحد او اكثر قليلا

[.:: القيصر ::.]

البطل صناعات

[.:: القيصر ::.]

البطل صناعات

ما شاء الله


روح يا سهم الاكتتاب الخطير احلى سهم ايام الاكتتاب

ما شاء الله


كسر المؤشر ياخي لك وحشه

[Stars]

مسيعيد سيقول كلمته اليوم

[.:: القيصر ::.]

الخليج الدولية ( بوووووووم )

تمت عملية الانفجار بنجاح

[ali.5]

راح الخليج الدولية

[ali.5]

1.6 ريال كلمة السر للخليج الدولية

[Nasserqat]

الاول عشان يتحرك اظن يبيله واحد فيه كورونا يكح عليه عشان يتحرك من مكانه

[.:: القيصر ::.]

اللي متعلق في الخليج الدولية من الاخر لا تبيع (( ان شاء الله تصيب ))



نفس موضوع ناقلات (( ان شاء الله تصيب ))


ملاك الخليج الدولية موفقين والله يعوضكم خسائركم (( لا تبيعون حاليا )) (( ان شاء الله تصيب ))

[مستثمر رشيد]

ابتدا المشوار مع بروة ..... وا ياويلي من اخر المشوار

[نلتقي لنرتقي]

الاول عشان يتحرك اظن يبيله واحد فيه كورونا يكح عليه عشان يتحرك من مكانه

تحرك ههههههههههه
لكن اتمنى راعي الكورونا اللي كح على الأول يمر على الاسلامية للتأمين

[.:: القيصر ::.]

اللي متعلق في الخليج الدولية من الاخر لا تبيع (( ان شاء الله تصيب ))



نفس موضوع ناقلات (( ان شاء الله تصيب ))


ملاك الخليج الدولية موفقين والله يعوضكم خسائركم (( لا تبيعون حاليا )) (( ان شاء الله تصيب ))

اتوقع شافوا المشاركة و قالوا وهقنا ذي نطلع فيه ولا لا الحين :p:whistling:

هههههههههههههههههههههههههههههههه

[Nasserqat]

تحرك ههههههههههه
لكن اتمنى راعي الكورونا اللي كح على الأول يمر على الاسلامية للتأمين

بس يخلص بخليه يجي عندكم
القيصر هو صاحب الفكرة من يومين

[معماري قطري]

السلام عليكم ورحمة الله وبركاته

جلسة الأربعاء يبي لها تشغل حبيب الأربعاء لفايزة أحمد وتعيش الجو

[.:: القيصر ::.]

بس يخلص بخليه يجي عندكم
القيصر هو صاحب الفكرة من يومين

هههههههههههههههه

[نلتقي لنرتقي]

السلام عليكم ورحمة الله وبركاته

جلسة الأربعاء يبي لها تشغل حبيب الأربعاء لفايزة أحمد وتعيش الجو

أشعر أن الأربعاء يحمل الأمل لأن غدا إجازة نهاية الأسبوع
والسبت تشعر بالإحباط هههههههههه

[قناص متقاعد]

قامكو مشالله صاير خفيف اليوم ههههههه

[ModarebDareb]

استيقظ ايها المارد و انفض الغبار


Sent from my iPhone using Tapatalk

[فرع الشقاوة]

ما شاءالله يا قامكو

[احمد77]

كل الاسهم ارتفعت الا سهم بوجبر صاحب الحظ السعيد

[نلتقي لنرتقي]

الأسهم تحتاج ردبول يخليها بجوانح
ممكن بعدها تطير

[.:: القيصر ::.]

صناعات
الخليج الدولية
قامكو



مسيعيد لازم تتحرك شوي


طلعوا مع طلوع النفط و ما زال للطلوع بقية ان شاء الله

نشوفه قريب باذن الله في بحر الــ 60 :)

[معماري قطري]

أشعر أن الأربعاء يحمل الأمل لأن غدا إجازة نهاية الأسبوع
والسبت تشعر بالإحباط هههههههههه

اللي مثلي الجمعة والسبت يومين مملين ما فيهم أكشن وقبل كنت انتظرهم طول الاسبوع بس التقاعد يخليك متفرغ للبورصة

[نلتقي لنرتقي]

سألني أحد الشباب ماذا تعني نتيجة الكورونا (ٌReactive)
تعني أن الشخص مصاب بالكورونا ولكنه غير معدي, ومع ذلك يجب الحيطة في التباعد ولبس الكمام
نتيجة الفحص تكون إيجابية للكورونا ولكن نسبة الماركر أكثر من 30

[معماري قطري]

صناعات
الخليج الدولية
قامكو



مسيعيد لازم تتحرك شوي


طلعوا مع طلوع النفط و ما زال للطلوع بقية ان شاء الله

نشوفه قريب باذن الله في بحر الــ 60 :)

النفط لازم بينزل شوي أو يريح بعدين بترجع تنزل بس كلها فرصة لو انتعشت الأسواق وهذا المتوقع .. وقود حول العشرين شيء عادي وصناعات فوق 15 وكانت حول 18 وبقية القطاع أكيد مع انتعاش النفط بنحصلهم متضاعفين اللي يأسس ألحين وقبل بيستفيد وايد

[نلتقي لنرتقي]

اللي مثلي الجمعة والسبت يومين مملين ما فيهم أكشن وقبل كنت انتظرهم طول الاسبوع بس التقاعد يخليك متفرغ للبورصة

الله يطول بعمرك
راحة البال خصوصا مع الجو البديع هذه الأيام رااااااااائعة

[معماري قطري]

إغلاق بورصة كورونا أمس رقم قياسي في الوفيات

World 60,088,603 +543,373 1,413,800 +11,720 41,542,762 17,132,041

[معماري قطري]

الله يطول بعمرك
راحة البال خصوصا مع الجو البديع هذه الأيام رااااااااائعة

وعمرك يالغالي

شيء أكيد الجو حلو وبدأ يبرد أمس مشيت شوي بثوب أبيض وناس وايد لابسين ثقيل في اسباير ثلجت شغلت دفاية السيارة بعدين

[.:: القيصر ::.]

النفط لازم بينزل شوي أو يريح بعدين بترجع تنزل بس كلها فرصة لو انتعشت الأسواق وهذا المتوقع .. وقود حول العشرين شيء عادي وصناعات فوق 15 وكانت حول 18 وبقية القطاع أكيد مع انتعاش النفط بنحصلهم متضاعفين اللي يأسس ألحين وقبل بيستفيد وايد

نزل يوم وصل 45.5 الى 39

و رجع يجرب مع 46 و اخترقها

اتوقع يطول بين نطاق 56 و 52

و بعدها ان شاء الله صعود

[معماري قطري]

سألني أحد الشباب ماذا تعني نتيجة الكورونا (ٌReactive)
تعني أن الشخص مصاب بالكورونا ولكنه غير معدي, ومع ذلك يجب الحيطة في التباعد ولبس الكمام
نتيجة الفحص تكون إيجابية للكورونا ولكن نسبة الماركر أكثر من 30

قطر كانت سابقة كل الدول العربية أمس تراجعت شوي ل 98.03% من 98.04 لما قبل أمس .. البحرين سبقتنا بس أشك في ارقامهم وواضح التلاعب والوفيات كنسبة من اجمالي الإصابات قطر الثانية عالمياً في قلة الوفيات بعد سنغافورة

[معماري قطري]

نزل يوم وصل 45.5 الى 39

و رجع يجرب مع 46 و اخترقها

اتوقع يطول بين نطاق 56 و 52

و بعدها ان شاء الله صعود

بإذن الله .. انا تشبثت عدل بقطاع الصناعة والعقار والبنوك مقيم فيه من زمان والحمد لله اليوم المؤشر يمثل محفظتي يعني قريب منها

[معماري قطري]

أحس فيه شركات ناوية تلمت بس تنطر شوي

[الغالي!]

شلووووووووووون ناقلات يوم استناسنا

[ابو ملك]

ناقلات حركات تخويف سريعة بس

[ابو ملك]

عينكم على ناقلات

راح تكمل المشوار بإذن الله :fight::fight:

[ابو ملك]

صانع فودافون عليه حركات

مثبت السهم بمسمار ههههه

[الواثق بالله]

صانع فودافون عليه حركات

مثبت السهم بمسمار ههههه

هههههههههههههه مستفززززززززززززز

[احمد77]

مطلعين ناقلات شغالين بيع اليوم بعد شهور من الشراء

[فرع الشقاوة]

نفس حركة امس طلوع ونزول لبعض الاسهم

[أبو الطيب 4]

البطل صناعات

للأسف سهم محرم

[.:: القيصر ::.]

للأسف سهم محرم

صحيح

انتابعه لان له كلمة في المؤشر فقط لا غير

[qatar.1995]

استثمار والسلام هل في شراكه بينهم في مجلس الادارة اشوف سباق ارانب هذا مره وهذاك مره

[qatar.1995]

من عنده تحليل حق ازدان هذا وقت الشراء او الانتظار متهدد عليه

رايكم ونتو محللين من الخساره اذا الله كاتبها

[حسن الخاطر]

بارك الله فيك يا ابودراهم
عن استثمار اتحدث

[احمد77]

فودا تبي ترتفع بس مستحيه

[الغالي!]

من عنده تحليل حق ازدان هذا وقت الشراء او الانتظار متهدد عليه

رايكم ونتو محللين من الخساره اذا الله كاتبها

امسك فلوووووسك ابرك

[قناص متقاعد]

فودا تبي ترتفع بس مستحيه

للأسف من يرتفع السهم تنعرض طلبات بيع كبيرة .... ويرجع ينزل محتاج شراي جاد (دفيع) من الاخر

[قناص متقاعد]

اللون الأخضر صار باهت هههههههههه ماله طعم. الله كريم

[.:: القيصر ::.]

سجلت خروج من ناقلات في الوقت الحالي


الحمدلله ربح طيب


ننتظر و نشوف وضعها في الاسابيع القادمة :)

[وسمي2016]

من عنده تحليل حق ازدان هذا وقت الشراء او الانتظار متهدد عليه

رايكم ونتو محللين من الخساره اذا الله كاتبها

ربي يوفقك للربح دايم وكل منهو حاضر,,,

تشتري مستثمر والا مضارب ؟؟

[وسمي2016]

سجلت خروج من ناقلات في الوقت الحالي


الحمدلله ربح طيب


ننتظر و نشوف وضعها في الاسابيع القادمة :)

شغلك عدل

[كلمة طيبة]

ترى استثمار محسوبة على قطاع الصناعة.

[qatar.1995]

ربي يوفقك للربح دايم وكل منهو حاضر,,,

تشتري مستثمر والا مضارب ؟؟

مضارب بس مثل السلحفاء يعني اصبر عليه شهر ال شوي

[نلتقي لنرتقي]

أسهم المضاربات أصبحن حمر النِّعم
إزدان,مزايا, الأول

[Nasserqat]

أسهم المضاربات أصبحن حمر النِّعم
إزدان, الإجاره, مزايا, الأول

:sorry:

[.:: القيصر ::.]

ليكون في خيانة اليوم في المؤشر بعد ؟؟؟


:court:

[مستثمر رشيد]

مطلعين بروة شاريين اليوم 100 الف سهم

مافي خبر منه والا منه :telephone:

[وسمي2016]

مضارب بس مثل السلحفاء يعني اصبر عليه شهر ال شوي

ادخل عليه كمضارب وخل قلبك قلب أسد
الخطوره اذا نزل تحت ال 1,40 ,,,وهذي انا اشوفها صعبه

لكن لازم تحدد ربحك من المضاربه
ولا تستطمع ,,,:deal:,,,
بالتوفيق

[مستثمر رشيد]

ادخل عليه كمضارب وخل قلبك قلب أسد
الخطوره اذا نزل تحت ال 1,40 ,,,وهذي انا اشوفها صعبه

لكن لازم تحدد ربحك من المضاربه
ولا تستطمع ,,,:deal:,,,
بالتوفيق

الوسمي صار لك فترة اخوي ماجددت احوال الطقس .... يقولون في مطرة جايتنا ان شاء الله هاليومين .... أن شاء الله تصدق التوقعات

[مستثمر رشيد]

مطلعين بروة شاريين اليوم 100 الف سهم

مافي خبر منه والا منه :telephone:

انطلق مشوار بروة يالله تعينه

[نايم سهران]

من يومين حذرت المضارب في ناقلات .. يمكن في ناس ما تقبلت الموضوع

[ابو ملك]

عينكم على ناقلات

راح تكمل المشوار بإذن الله :fight::fight:

ناقلات ممكن تختبر 3.26

ثم ترجع للصعود بإذن الله :fight:

[ابو ملك]

من يومين حذرت المضارب في ناقلات .. يمكن في ناس ما تقبلت الموضوع

خلينا نشوف 3.26 ، بعدين خير

[نايم سهران]

خلينا نشوف 3.26 ، بعدين خير

سبب النزول اليوم .. لان امس تم رش 3 مليون سهم على سعر 3.4

[احمد77]

سبب النزول اليوم .. لان امس تم رش 3 مليون سهم على سعر 3.4

في فجوة ع ثمانيه وعشرين لازم يسكرها ع حسب تحليل اخوانا

[وسمي2016]

الوسمي صار لك فترة اخوي ماجددت احوال الطقس .... يقولون في مطرة جايتنا ان شاء الله هاليومين .... أن شاء الله تصدق التوقعات

ههههه,,,كاتب عنها من تاريخ 21 /11 ,,,مشاركه رقم 29

شكلك انت منت متابع,,,,
وبحط لها متابعه بكره الخميس ,,,اذا ربي مكنني,,,


,,,بعدي بيومين انتشرت على الواتس شغلات كثيره ,,,وأخاف انهم
يقردونا ,,,,وكأنهم هم من يسوق المطر,,,,والمطر والخير بأذن الله
من رب"ن" كريم,,,,اللهم امين

[نايم سهران]

في فجوة ع ثمانيه وعشرين لازم يسكرها ع حسب تحليل اخوانا

2.840 بس ما اتوقع يرجع لها في الوقت الحالي الا اذا في نزول قوي في المؤشر ... الله اعلم

[احمد77]

الظاهر اسبوع الجاي الشغل بيكون ع الاسهم اللي ماتحركت واتوقع فودا من ضمنهم

[مستثمر رشيد]

ههههه,,,كاتب عنها من تاريخ 21 /11 ,,,مشاركه رقم 29

شكلك انت منت متابع,,,,

,,,بعدي بيومين انتشرت على الواتس شغلات كثيره ,,,وأخاف انهم
يقردونا ,,,,وكأنهم هم من يسوق المطر,,,,والمطر والخير بأذن الله
من رب"ن" كريم,,,,اللهم امين


شفتها .... بس هل الفرصة مازلت قائمة ..... يقول بحسب الرادار البريطاني هناك فرص قوية لامطار غزيرة شمال السعودية وكويت والعراق

[Nasserqat]

شنو تداول السوق الخاص على اليمين فوق على الكمبيوتر؟

[ابو ملك]

سبب النزول اليوم .. لان امس تم رش 3 مليون سهم على سعر 3.4

خلينا نشوف الاغلاق و ان شاء الله خير.

السهم وضعه طيب بإذن الله.

اختبار 3.26 ايجابي ان لم يتم الكسر

[وسمي2016]

شفتها .... بس هل الفرصة مازلت قائمة ..... يقول بحسب الرادار البريطاني هناك فرص قوية لامطار غزيرة شمال السعودية وكويت والعراق

بحط لها متابعه بكره الخميس اذا ربي مكنني

[ابو عبد الرحمن]

أهل ناقلات ابشروا بالخير

[مستثمر رشيد]

بحط لها متابعه بكره الخميس اذا ربي مكنني

بيض الله وجهك

[مستثمر رشيد]

مزايا ليش متروكة مسكينة ؟؟؟

[نلتقي لنرتقي]

نستودعكم الله
للأسف عملت حركة ماني بقدها
خسرت لكن الصحة بخير والحمدلله
الله يحفظكم جميع

[ابو ملك]

نستودعكم الله
للأسف عملت حركة ماني بقدها
خسرت لكن الصحة بخير والحمدلله
الله يحفظكم جميع

الله يعوضك ان شاء الله اخوي

[نايم سهران]

نستودعكم الله
للأسف عملت حركة ماني بقدها
خسرت لكن الصحة بخير والحمدلله
الله يحفظكم جميع

معوض خير ياخوي ان شاءالله

[نايم سهران]

مزايا اذا كسر 1.2 غير جيد

[الموج الأزرق]

السلام عليكم

ناقلات قرب على الهدف 3.5 ووصل 3.464 وهذا نعتبره انه حقق الهدف المرصود ،،، مبروك لمن استفاد مع اني ماحب اسهم مورجان ولا فوتسي

[مستثمر رشيد]

ناقلات تتقهقر

[الموج الأزرق]

مزايا اذا كسر 1.2 غير جيد

انت مضارب في السهم ؟

[احمد77]

خلينا نشوف الاغلاق و ان شاء الله خير.

السهم وضعه طيب بإذن الله.

اختبار 3.26 ايجابي ان لم يتم الكسر

تم كسره وبقوه الظاهر رايح للفجوة

[نايم سهران]

السلام عليكم

ناقلات قرب على الهدف 3.5 ووصل 3.464 وهذا نعتبره انه حقق الهدف المرصود ،،، مبروك لمن استفاد مع اني ماحب اسهم مورجان ولا فوتسي

ربعنا زعلانين يبغون 40 :whistling:

[نايم سهران]

انت مضارب في السهم ؟

كنت من فترة حاليا ما املك في السهم

[وسمي2016]

بيض الله وجهك

و وجهك ولكل منهو حاضر وغايب

اللهم أغثنا يا كريم

اللَّهُمَّ أَسْقِنَا غَيْثاً مُغِيثاً مَرِيئاً مَرِيعاً،
نَافِعاً، غَيْرَ ضَارٍّ، عَاجِلاً غَيْرَ آجِلٍ


يا ربي تنصر قطرنا الغاليه,,,يارب

يا عزيز يا حكيم,,,,

اللهم أمين,

[الموج الأزرق]

ربعنا زعلانين يبغون 40 :whistling:

وانت الصادق ( 0.036 ) هذي ما ينلام صاحب الرصد عليها

نفس الحال تكرر في سهم قامكو باقي على الرصد ( 0.015 ) ... والرصد كان في وقت الهدوء وعز التشاؤم

[معماري قطري]

ناقلات ليش سموها بالانجليزي Nakilat ليش ما حطوا بدال الكي جي هشكل استوت ناكلات من الفعل نكل

[الموج الأزرق]

كنت من فترة حاليا ما املك في السهم

يعني ما تبيه ؟؟؟

[الموج الأزرق]

ناقلات ليش سموها بالانجليزي Nakilat ليش ما حطوا بدال الكي جي هشكل استوت ناكلات من الفعل نكل

هههههههههههههههههههههههههههههه

[qatar.1995]

نستودعكم الله
للأسف عملت حركة ماني بقدها
خسرت لكن الصحة بخير والحمدلله
الله يحفظكم جميع

اخوك مضروب ع راسه بكثر من 80000 الف قبل شهر مع انتكاست السوق لكن يمين يسار عدلنا اشوي اشوي والحين خساره بحدود 40000 وشوي وبعد نحاااااول انت شد حيلك وان شاء الله تعدل الخساره الى ربح

[نايم سهران]

وانت الصادق ( 0.036 ) هذي ما ينلام صاحب الرصد عليها

نفس الحال تكرر في سهم قامكو باقي على الرصد ( 0.015 ) ... والرصد كان في وقت الهدوء وعز التشاؤم

صحيح ياخوي.. ونفس الاخطاء تكرر من الجميع ... الله يسهل ان شاءالله

المشكله الدخول في القمة دائما يكون فيها خطر كبير ...

[نايم سهران]

يعني ما تبيه ؟؟؟

مستحيل ما ابغيه ههههههههه

لكن انتظر يغلق جلستين فوق 1.230 بدخله بإذن الله

[.:: القيصر ::.]

اغلاق الخليج الدولية فوق 1.6


تتفعل القنبلة :)


استبعد لكن نبي نبارك لملاكها

[قناص متقاعد]

اخوك مضروب ع راسه بكثر من 80000 الف قبل شهر مع انتكاست السوق لكن يمين يسار عدلنا اشوي اشوي والحين خساره بحدود 40000 وشوي وبعد نحاااااول انت شد حيلك وان شاء الله تعدل الخساره الى ربح

في الهوا سوا

[نايم سهران]

ان شاءالله المؤشر بيغلق على ارتفاع حلو

[معماري قطري]

فوق تداول السوق لخاص تداول المزاد كبير شكله تخارج على مستوى كبير

[.:: القيصر ::.]

اغلاق الخليج الدولية فوق 1.6


تتفعل القنبلة :)


استبعد لكن نبي نبارك لملاكها

اتوقع خميسكم بيكون فللللللللللللله

ههههههههههههههههههههه


انتظروها بكرة

[نايم سهران]

اتوقع خميسكم بيكون فللللللللللللله

ههههههههههههههههههههه


انتظروها بكرة

ملاك السينما بعد خميسهم فله

[معماري قطري]

الإغلاق عندي 0.507% أخضر بس دون الطموح ووصل فوق ال 1% خلال الجلسة

[نايم سهران]

مزايا انشالت كميات كبيره على سعر 1.201 ... شي جيد

[نايم سهران]

على قولة حوت الاسهم ..

السوق من برع اخضر ومن داخل احمر مثل البطيخ

[السيلاوي]

على قولة حوت الاسهم ..

السوق من برع اخضر ومن داخل احمر مثل البطيخ

صحيح:court:

[السيلاوي]

ان شاء الله غدا افضل

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ