(اللهم لا تبتلينا بعيبٍ كرهناه في غيرنا)

[LOLOO]

بصراحة الله يعز بلادنا ويديم علينا نعم رب العالمين التي لاتعد ولاتحصى
كل الوسائل الكفيلة بتيسير أمور الشعب وراحتهم تم توفيرها
لكن نسمع شكاوي كثيرة مثل تاخير المعاملات وتعسير امور المراجعين والسبب (موظف ) للأسف
على سببل المثال سمعت شكاوي كثيرة على مجمع الخدمات الحكومية وخاصة وزارة (،،،،،،،،)
(إذا يسمح ساذكر اسم الوزارة )

ولما صار عندي موضوع وارسلت المندوب قال ( ماقدرتش) خلص الوقت مع اني رايح بدري
رحت اليوم الثاني بنفسي واخذت رقم وانتظرت دوري و ماكان قدامي الا 3 ارقام
قلت الحمدلله كيف يقولون زحمة الامور طيبه ان شاءالله بخلص
لكن للاسف من الساعه 3 الى الساعه خمس ونصف
وانا انتظر مافيه الا موظفه وحده لخدمة مراجعين هذه الوزارة

لكن اي موظفة ؟!؟

(اللهم لا تبتلينا بعيبٍ كرهناه في غيرنا)

سأذكر لكم الي صار قدامي وابيكم تحكمون
ويشهد الله على مااقول
يدخل المراجع تسولف وتمزح وتضحك وتطلب له قهوة
ودخل الثاني ونفس الشي (طبعا مادخل عليها الا اثنين ) لان القعدة تطول ويتخللها الكلام والضحك والمزح الغير لائق استغفر الله العظيم مجرد كتابة الكلمة صعب لكن عشان تكونون بالصورة
وهي تقول لمرافق احد المراجعين انت مع (اعيونك النافصه )؟!؟ طبعا مارد عليها

كلمت احد الموظفين المسؤولين قلت له انجاز معاملات المراجعين اولى من شرب القهوة والسوالف شوف الموضوع وكلم الموظفة
قال لا المعاملات تحتاج وقت ؟! طبعا هذا تبرير للموظفة !!
والسكوت على مايحدث يعطي فرصة للتمادي

المهم خرج المراجع انتظرت رقمي ماطلع على الشاشه واشوفها تلم الاوراق وقفت عند الباب وقبل لااتكلم قالت خلاص خلصنا
قلت عندي رقم وانتظر من عصر وللحين ماانتهى الدوام المفروض الساعه 6 قالت مب شغلي
ليش يعطونج رقم مسؤوليتهم

طبعا الشخصية الكريمة المرحة الي كانت تقهوي وتمزح تغيرت ورفضت تخلصني
وعصبت ماعرف ليش ؟!؟!

والاخوان هناك اعتقد انهم المسؤولين جاوا يفزعون ماواحد قال خلصي المعاملة الوقت ماخلص !؟
لا طلعت انا الغلطانه ليش جيت اكلمها ؟!
سبحان الله
وعرفت ان سبب شكوى الكل والتاخير المستمر من موظف
كيف موظف يضيع جهد وزارة في تحقيق أهدافها
كيف موظف يضيع وقت مراجع بتصرفاته اللامسؤولة واللامبالاة


امنية

ان تتم مراقبة من لا يخشى مراقبة عين رب العالمين

كلمة للموظفين

قال رسول الله صلى الله عليه وسلم:
(أحب الناس إلى الله تعالى أنفعهم للناس)

كلمة للمسؤولين

(لقد كان في قصصهم عبرة لأولي الألباب )

اشتهرت خلافة عمر بن عبد العزيز بأنها الفترة التي عم خلالها العدل والرخاء في أرجاء البلاد
حيث حرص عمر بن عبد العزيز على انتقاء عماله من أهل الخير والصلاح
بالرغم من عناية عمر بن عبد العزيز في اختيار الولاة، إلا أن هذا لم يمنعه من العمل على متابعة أمر الرعية وتصريف شؤون الدولة

[Dana’1]

هذي مسؤلية الوزاره في ضبط الموظفين لأن الموظفين من خلفيات و تربيات مختلفه تلاقين المنضبط اللي ينجز العمل مثل ماهو ما طلوب و أحسن بعد و تلاقين يلف و يدور و يضيع الوقت و يحسس المراجعين أن هو المتفضل عليه بهالخدمه.. ما يدري إن هالخدمات مقدمه من الدوله عبر المؤسسات و الوزارات المختلفه وما هو إلا موظف .

[qatari911]

صحيح كلمك
ويحسسونك انك جاي تشحذ من عندهم علشان تخلص المعاملات هذا غير الي يقفل المكتب قبل نهاية الدوام بساعتين وعذره خلص الوقت او السستم عطلان مايعرف ان في شي اسمه امانه في الشغل ويحلل راتبه الي ياخذه
ومرات يقولون المندوب يخلصها مايحتاج تجي وبالاخير توظف مندوب عندك او تستعين بمندوب يخلص شغلك وتدفع فلوس لتعبه مع ذلك يرجع المندوب ماسوى شي لانهم مايخلصونه او يقولون له لازم حضور الكفيل <<<<<كأنك ماسويت شي
هذا غير حجة الكورونا بعض الوزارات ماتدخل مراجعيين بحجة الكورونا وبعض الموظفيين حتى مايرد على التيلفون للاستفسار او يحل مشكله
غير الي جالس بالبيت ويداوم عن بعد بحجة الكورونا وهو هايت من مكان الى مكان ومن غير كمام ههههههههههههه شر البليه مايضحك

[سالم الزهران]

في الكرت يكتبون (الوقت المتوقع لإنجاز معاملتك كذا كذا)..لكن الحضارة تجبر الناس يشوفون الغلط ويسكتون؟ اشلون تكلم! هذا هو؟ الحين الغلط يرد على المراجع.

عذراََ للاستطراد، لكن جاني المدير يوم من الأيام قال ليش موظفينك يطلعون، قلت له عفواََ اللي يطلعون اثنين وخبرهم عندكم.. اذا انت تدور شيء عندي قل سيده، قام يتشعب ويسولف على ملاحظات ثانية مثل التدخين الخ.

رديته للنقطه الاساسية، فلان وفليتان.. قلت له هذيلا ارفع لك اليوم اوراقهم وتتخذ فيهم اجراء، اما اذا تبغي اكتب لك وانت تردهم عندي الوجه في الوجه ما يصير! قام يتكلم بعفويه.

فأحياناََ انا ودي اطرد موظف لكن صاحب الصلاحية يرفض! فكثير من الموظفين مفروضين علينا فرض وللأسف اني تحدثت بها الطريقة لكن الواقع مرير.

[حمــد]

عدل كلامك وهم كثر
انا صارلي موقف مع احدا الخدمات الحكوميه جا رقمي بعد عناء .. جلست جدام الموظفه تمين ربع ساعه انتظر تخلص سالفتها ويا زميلتها .. انه هاي مب مكان مناسب لطموحاتها انها تخصصها يصلح مع الخارجيه مب هني وانا شقاعده اسوي هني اخلص ورق هاي مب مستواي . وانا بداخلي اضحك .. هاي المستوي يلي مب عاحبج مقصره فيه شلون لو تخصصج ههههه واخترها طبعت الورقه وخذت الرسوم يعني كل السالفه دقيقه بالكثير
وغير المراكز الصحيه حدث ولا حرج..

[LOLOO]

هذي مسؤلية الوزاره في ضبط الموظفين لأن الموظفين من خلفيات و تربيات مختلفه تلاقين المنضبط اللي ينجز العمل مثل ماهو ما طلوب و أحسن بعد و تلاقين يلف و يدور و يضيع الوقت و يحسس المراجعين أن هو المتفضل عليه بهالخدمه.. ما يدري إن هالخدمات مقدمه من الدوله عبر المؤسسات و الوزارات المختلفه وما هو إلا موظف .

(هذي مسؤلية الوزاره في ضبط الموظفين )
بالضبط هذا الحل الوحيد ��

[LOLOO]

صحيح كلمك
ويحسسونك انك جاي تشحذ من عندهم علشان تخلص المعاملات هذا غير الي يقفل المكتب قبل نهاية الدوام بساعتين وعذره خلص الوقت او السستم عطلان مايعرف ان في شي اسمه امانه في الشغل ويحلل راتبه الي ياخذه
ومرات يقولون المندوب يخلصها مايحتاج تجي وبالاخير توظف مندوب عندك او تستعين بمندوب يخلص شغلك وتدفع فلوس لتعبه مع ذلك يرجع المندوب ماسوى شي لانهم مايخلصونه او يقولون له لازم حضور الكفيل <<<<<كأنك ماسويت شي
هذا غير حجة الكورونا بعض الوزارات ماتدخل مراجعيين بحجة الكورونا وبعض الموظفيين حتى مايرد على التيلفون للاستفسار او يحل مشكله
غير الي جالس بالبيت ويداوم عن بعد بحجة الكورونا وهو هايت من مكان الى مكان ومن غير كمام ههههههههههههه شر البليه مايضحك

للاسف هذا الي قاعد يصير ويتكرر

[LOLOO]

في الكرت يكتبون (الوقت المتوقع لإنجاز معاملتك كذا كذا)..لكن الحضارة تجبر الناس يشوفون الغلط ويسكتون؟ اشلون تكلم! هذا هو؟ الحين الغلط يرد على المراجع.

عذراََ للاستطراد، لكن جاني المدير يوم من الأيام قال ليش موظفينك يطلعون، قلت له عفواََ اللي يطلعون اثنين وخبرهم عندكم.. اذا انت تدور شيء عندي قل سيده، قام يتشعب ويسولف على ملاحظات ثانية مثل التدخين الخ.

رديته للنقطه الاساسية، فلان وفليتان.. قلت له هذيلا ارفع لك اليوم اوراقهم وتتخذ فيهم اجراء، اما اذا تبغي اكتب لك وانت تردهم عندي الوجه في الوجه ما يصير! قام يتكلم بعفويه.

فأحياناََ انا ودي اطرد موظف لكن صاحب الصلاحية يرفض! فكثير من الموظفين مفروضين علينا فرض وللأسف اني تحدثت بها الطريقة لكن الواقع مرير.

السكوت على الغلط مشكلتنا
حنا ماندعي المثالية لكن لابد من ايقاف السلوكيات الخطأ وتصحيحها لعدم التمادي فيها
والساكت عن الحق شيطان اخرس

[LOLOO]

عدل كلامك وهم كثر
انا صارلي موقف مع احدا الخدمات الحكوميه جا رقمي بعد عناء .. جلست جدام الموظفه تمين ربع ساعه انتظر تخلص سالفتها ويا زميلتها .. انه هاي مب مكان مناسب لطموحاتها انها تخصصها يصلح مع الخارجيه مب هني وانا شقاعده اسوي هني اخلص ورق هاي مب مستواي . وانا بداخلي اضحك .. هاي المستوي يلي مب عاحبج مقصره فيه شلون لو تخصصج ههههه واخترها طبعت الورقه وخذت الرسوم يعني كل السالفه دقيقه بالكثير
وغير المراكز الصحيه حدث ولا حرج..

شر البلية مايضحك
والله مشكلة الثقة الزايده

[معماري قطري]

من حقج تذكرين اسم الوزارة .. الغالبية يشيدون بوزارة الداخلية ولا يشيدون بوزارة العدل مثلاً ومن حقهم .. إنتي ما تشهرين بمحل تجاري ممكن يخسر بسبتج إنتي تنتقدين شغل موظف يمثل وزارة في مركز خدمات معين وتنبهين المسؤولين عن هذا الوضع .. والمفروض يسهلون التبليغ عن شكوى وعند مجلس الوزراء ومنه يحولون الشكوى للوزارة المختصة .. ألحين حتى البلاغ صعب والتلفونات محد يرد عليها

[معماري قطري]

عني انا رحت كم مرة ما حصلت الا كل خير وتجاوب طيب من أخواتي الموظفات قطريات والا مقيمات خليجيات .. بس تصير حالات شاذة في مركز ما والمفروض آلية التبليغ في وقتها سهلة وآلية التحقق من الوضع وحله سهلة بعد ولازم وجود مسؤول يحل هذي الأُمور

[LOLOO]

من حقج تذكرين اسم الوزارة .. الغالبية يشيدون بوزارة الداخلية ولا يشيدون بوزارة العدل مثلاً ومن حقهم .. إنتي ما تشهرين بمحل تجاري ممكن يخسر بسبتج إنتي تنتقدين شغل موظف يمثل وزارة في مركز خدمات معين وتنبهين المسؤولين عن هذا الوضع .. والمفروض يسهلون التبليغ عن شكوى وعند مجلس الوزراء ومنه يحولون الشكوى للوزارة المختصة .. ألحين حتى البلاغ صعب والتلفونات محد يرد عليها

الحمدلله يعني ماظلمت احد والكلام الي قلته يتفق عليه الجميع
(صدق مشاركتك ريحتني )
وهذا الي صار كلمت المسؤول واستمع لي ووعدني راح يشوف الموضوع وماقام يدافع عن الغلط ويبرر مثل مايسوون ضعاف الشخصية انصار الباطل

[LOLOO]

عني انا رحت كم مرة ما حصلت الا كل خير وتجاوب طيب من أخواتي الموظفات قطريات والا مقيمات خليجيات .. بس تصير حالات شاذة في مركز ما والمفروض آلية التبليغ في وقتها سهلة وآلية التحقق من الوضع وحله سهلة بعد ولازم وجود مسؤول يحل هذي الأُمور

وانا اتفق معك 100٪
وهذا الكلام الي قلته للمسؤول جميع الموظفات للامانه ملتزمات جدا
ما حولن المكان لمجلس سوالف وقهوه
الموظفه في المكتب المجاور خلال الساعتين خلصت من المراجعين مايقارب العشره بينما الاخت ماخلصت الا اثنين ورفضت تخلصني لانها تعبت ؟!؟!(ماعرف وش تعبها بالضبط)
ومثل ماقلت وجود مسؤول ينعمل له حساب
ومراقب للعمل ملتزم وجاد مب ياخذ ( شوكليت )من مكتب الموظفات وياكله في الممرات بين المراجعين

[معماري قطري]

وانا اتفق معك 100ظھ
وهذا الكلام الي قلته للمسؤول جميع الموظفات للامانه ملتزمات جدا
ما حولن المكان لمجلس سوالف وقهوه
الموظفه في المكتب المجاور خلال الساعتين خلصت من المراجعين مايقارب العشره بينما الاخت ماخلصت الا اثنين ورفضت تخلصني لانها تعبت ؟!؟!(ماعرف وش تعبها بالضبط)
ومثل ماقلت وجود مسؤول ينعمل له حساب
ومراقب للعمل ملتزم وجاد مب ياخذ ( شوكليت )من مكتب الموظفات وياكله في الممرات بين المراجعين

المفروض كل وزير يعين أصحاب ذمة ومنتبهين ويراعون الناس وينضمون العمل .. المسؤول أو المراقب لسير العمل عليه مسؤولية كبيرة ولازم إختياره بعناية ولازم يكون خبرة

[Rider]

في كل مكان تلقى الزين والشين لكن لي دائما يكون في خدمة الجهمور لابد يكون متفاني ومخلص في عمله ولا يضيع وقته فالسوالف الجانيه وضحك مادام رضيت تكون في الواجهة تأكد انك تعكس الصوره سواء ايجابيه او سلبيه عن وزارتك او هيئة او مؤسستك لكن حنا مانعمم ولكن نقول البعض

[sara jsm]

الصراحة اهنيج على اعصابج :confused:
الله يعينا على هالاشكال لازم يعطون كل الموظفين اللي يتعاملون مع الجمهور دورات دينيه في تحليل الراتب ..
ودورات في التعامل مع الناس باسلوب لبق ..

[LOLOO]

المفروض كل وزير يعين أصحاب ذمة ومنتبهين ويراعون الناس وينضمون العمل .. المسؤول أو المراقب لسير العمل عليه مسؤولية كبيرة ولازم إختياره بعناية ولازم يكون خبرة

المفروض كل مسؤول يراقب ويتراقب
ولاينسكت للمخالف والغير ملتزم بفوانين العمل

[LOLOO]

في كل مكان تلقى الزين والشين لكن لي دائما يكون في خدمة الجهمور لابد يكون متفاني ومخلص في عمله ولا يضيع وقته فالسوالف الجانيه وضحك مادام رضيت تكون في الواجهة تأكد انك تعكس الصوره سواء ايجابيه او سلبيه عن وزارتك او هيئة او مؤسستك لكن حنا مانعمم ولكن نقول البعض

صحيح
يعني هالوزارة بالذات باذله مجهود لخدمة الجمهور وشوف سبب سوء السمعة لدى المراجعين في المكان المذكور ؟!
موظفة

[LOLOO]

الصراحة اهنيج على اعصابج :confused:
الله يعينا على هالاشكال لازم يعطون كل الموظفين اللي يتعاملون مع الجمهور دورات دينيه في تحليل الراتب ..
ودورات في التعامل مع الناس باسلوب لبق ..

والله ياسارا هالنوعية بالذات ماتخلي عندي هدوء اعصاب
لكن سمعتي مقولة (ناس تحشمها وناس تحشم نفسك منها) هالسياسة انا متبعتها
وبعد مااحب اسكت عن الحق عشان مااكون( شيطان اخرس)
اتمنى اي شخص يواجهه هالنوعية مايسكت لها*

[طلعة الروح]

المفروض ينفضحون في تويتر لو الوزاره لها منصه على تويتر خاصة انج اشتكيتي عند المسؤول ولا حل المشكله في وقتها،
لو الجهه خاصه كان صارت مشاكل للموظف وانذار وتوصل لانهاء الخدمات بعد

[LOLOO]

المفروض ينفضحون في تويتر لو الوزاره لها منصه على تويتر خاصة انج اشتكيتي عند المسؤول ولا حل المشكله في وقتها،
لو الجهه خاصه كان صارت مشاكل للموظف وانذار وتوصل لانهاء الخدمات بعد

اي والله المفروض ماينسكت لهم لان الموضوع زاد عن حده
لكن صار الواحد يتجنب هالمواقف ويسكت ويشتري صحته لان النوعيات هذي ماوصلت لها الدرجة من الوقاحة الا لأنها تأمن العقاب