الجالية القطرية في قطر !!!

[Rider]

نعم الجالية القطرية في قطر للاسف لي قاعدين نشوفهم من احتلال واضح لغير القطريين في كل مكان في الوظائف والحدائق والمجمعات التجارية والشوارع يخلينا نقول نعم نحن صرنا جالية قطرية في بلادنا انا عارف لي بيقول عني عنصري او حتى الموضوع ممكن ينحذف لكن هاذي الحقيقة حنا عندنا خلل واضح في التركيبه السكانيه مايصير يكون الوافدين اكثر من اهل البلد قاعدين نشوف المشاكل لي تصير فالكويت بسبب الوافدين وتطاولهم على اهل البلد وهذا لي قاعد يصير عندنا قام غير القطري يتمادى ويتطول على اهل البلد للاسف القطريين بس قمنا نشوفهم يافي عرس او عزاء انا ماقول طلعوا الكل طبعا البلد محتاجه ناس يساعدون لكن بطريقة هاذي لاااا يجيك وافد يشتغل ومشغل زوجته وعياله واقربه وفي قطريين وايد قاعدين من غير وظائف غير الزحمه هو يسوق وزجته وعياله كل واحد سيارة الموضوع طويل لكن باختصار اتكلم من القهر لي اشوفه حتى مب عارفين هالوافدين وش يسون يبغون ياخذون خير البلد انتهبوا الصباح تحصلهم يفطرون فسيارتهم يعني مستعجل على الدوام انتهى

[qatari911]

البلاء مش منهم من القطري الي جابهم هذا اولا
وثانيا تشوفهم يفطرون في سياراتهم مستعجلين على الدواماتهم هذا رزقهم
تعال شوف بعض القطريين الدوام سبع وهو جاي الساعه ثمان ويجلس يسولف وتقهوى ويقراء جريده وبعدها يشوف شغله
طبعا انا اقول البعض
والي اشوفه اكثر الجاليه الاسيويه وبعدها بص حضرتك انا اعرف كل شي نصهم اذا مو كلهم مخربين الدلاله والعقارات

والوظايف فيه كثير ويطلبون قطريين لكن بعضهم يبي راتب عالي اكثر من العرض الي جاه ويبي الوظيفه سهله ولو يقدر ياخذ راتب وهو بالبيت ماعنده مشكلة اذا الحين مايداومون بحجة الكورونا

ردي مو تحامل على احد لكن هذا الواقع:ok:

[Ahmed86]

يا رجال تبي الـ 350 الف يقومون بالدولة كلها ؟! نصهم صغار سن و كبار سن و نساء حوامل الخ ، غير الوظايف اللي محد يرضى يشتغلها

في بيتك اتحداك تطرد شغالاتكم و سواقينكم و طباخينكم ، تراهم جزء من الناس اللي مسببين "الزحمه" اللي مضايقتك


التنظير سهل

[ماجد البدر]

نعم الجالية القطرية في قطر

هذا الشي طبيعي اذا كانوا كثرة و الدولة محتاجة عماله من كل النواحي و القانون يلزم الجميع


للاسف لي قاعدين نشوفهم من احتلال واضح لغير القطريين في كل مكان في الوظائف

في الوظائف فعلا هذا الشي ملاحض من البعض مع وقاحة وجراءه منهم على القطريين ولكن لاتنسى انهم يسوون هذا الشي و الوجه الاخر عند المسؤول القطري الرفيع انهم اكفاء واحسن يبينون نفسهم دائما لو اظهر نفسه موظف عادي يخاف يقيلونه ويستبدلونه و الوظيفة عنده حلم صعب جدا يستغى عنه مقارنه بالواقع الي عايشه في بلاده
لابد من دراسة تقطير الوظائف بشكل جدي اكثر و الي مانحتاجه يرجه بلده
لان الخريجيين بزياده و الاجانب ياخذون اماكن القطريي اولى نظرها لشهاداته وامكانياته و يبقى الخلل في المسؤولين الكبار للاسف الثقه في الخريج و الموظف الجديد مهزوزه وياتي الاجنبي يمثل ويبرز نفيه بالقوه ويكون هو المحبوب و القطري مايسكت عن اي اختراق للقثانون و هذا الي مايحبونه المسؤولين


والحدائق والمجمعات التجارية
المجمعات التجارية ملك للجميع منحقهم ينزلون و يتجولون ويشترون دام انهم في البلد يعملون بشكل نظامي وقانوني يسوون زحمه نعم زحمه ولكنهم شركاءنا في التنمية يدونهم يصعب تنميه البلد


والشوارع
دامهم موجودين الشوارع اكيد زحمة


يخلينا نقول نعم نحن صرنا جالية قطرية في بلادنا انا عارف لي بيقول عني عنصري

مب عنصمرية ولكن احيانا من الضيق لما تشوف كل مكان زحمة و القطريي ضايع بين الزحمة في المراكز الصحيه او غيره شفت في مركز طوارئ السد من زمان مكان مخصص للقطريين وخط للقطريين وهذا شي جميل جدا ياريت يتعمم على كل المستشفيات و المؤسسات الحكومية لان عددنا فعلا قليل ونتزاحم
مثل قسم الجوازات القطريية لايخالطهم احد فعلا مكان هادي وراقي



او حتى الموضوع ممكن ينحذف لكن هاذي الحقيقة حنا عندنا خلل واضح في التركيبه السكانيه مايصير يكون الوافدين اكثر من اهل البلد قاعدين
هذا الشي صار طبيعي في كل دول الخليج لابد من وجود البناء و عامل النظافة وعمال للشوارع هل القطريي خريج يقبل يعمل هذه الاعمال الي ظاهرها انها بسيطه لكنها مهمه و ضرورية للمجتمع




نشوف المشاكل لي تصير فالكويت بسبب الوافدين وتطاولهم على اهل البلد وهذا لي قاعد يصير عندنا قام غير القطري يتمادى ويتطول على اهل البلد للاسف القطريين بس قمنا نشوفهم يافي عرس او عزاء


نعم البعض
يتطاول على المواطن لانه يعلم علم اليقين ان هناك قانون ينصفه عكس بلده لكن دام هناك قانون لابد من احترام الوافد وكذلك القطريي ويكون للجميع كرامه وهو من حقه تكون له كرامه
ويتطاول على اهل البلد بدون حق مايصير ولا حد يقبل
ولم افهم موضوع العرس و العزاء




انا ماقول طلعوا الكل طبعا البلد محتاجه ناس يساعدون لكن بطريقة هاذي لاااا يجيك وافد يشتغل ومشغل زوجته وعياله واقربه وفي قطريين وايد قاعدين من غير وظائف غير الزحمه هو يسوق وزجته وعياله كل واحد سيارة الموضوع طويل لكن باختصار اتكلم من القهر لي اشوفه حتى مب عارفين هالوافدين وش يسون يبغون ياخذون خير البلد
المفروض ان الموظف قادم الى الدولة للعمل اتوقع مايجوز يخلي زوجته تشتغل قانونا مع ان هذا الشي منتشر وتشتغل بعد الظهر تبيع اغراض من النت وتخييط و تصمم و تحني

هم جايين للبلد للاستفادة بقدر المستطاع و التوفير بقدر المستطاع وارى اكثر جنسية تصرف وتتعمع بحياتها في الغربه العائلة الفلبينيه

بالنسبة انهم ياخذون خير بلادنا هم ياخذون خير جهدهم ووظيفتهم وهذا حقهم وعندهم افواه جائعه في بلدهم



انتهبوا الصباح تحصلهم يفطرون فسيارتهم يعني مستعجل على الدوام انتهى

صعب التحكم في كل تصرف يتصرفونه يتفطر في بيتهم في السيارة مايتفطر كيفه

[shadad]

نفس الموضوع في الامارات. شوف تعداد السكان لتعداد الاجانب. الامارات كلها صارت هنود.
هذه عماله وقاعده تشتغل وورا البلد ارتباطات وايد حاليا وفي المستقبل.

[Rider]

يا رجال تبي الـ 350 الف يقومون بالدولة كلها ؟! نصهم صغار سن و كبار سن و نساء حوامل الخ ، غير الوظايف اللي محد يرضى يشتغلها




التنظير سهل


انا ياخوي مادري انت قطري ولا مب قطري لكن وشدخل خدم البيت والسواقين تقول لي مضايقنك من حقي اتكلم عن شي يضاقني في بلادي وترى ادري فيه كبار سن وعجائز وغيرهم انا اقصد فئات في بلادنا مايستهلون عيشون فيها احتلوا كل شي فالبلد انا مانكر فيه ناس والنعم فيهم وماقصروا معانا اما الفئات الاخيرة لي جالسين يتمادون ويتطاولون هاذي الفئة مرفوضه اذا فيه خير خل يروح بلاده ونشوف شطرته

[Rider]

نفس الموضوع في الامارات. شوف تعداد السكان لتعداد الاجانب. الامارات كلها صارت هنود.
هذه عماله وقاعده تشتغل وورا البلد ارتباطات وايد حاليا وفي المستقبل.

صحيح ياخوي بس ماقصد العمال

[Rider]

هذا الشي طبيعي اذا كانوا كثرة و الدولة محتاجة عماله من كل النواحي و القانون يلزم الجميع



في الوظائف فعلا هذا الشي ملاحض من البعض مع وقاحة وجراءه منهم على القطريين ولكن لاتنسى انهم يسوون هذا الشي و الوجه الاخر عند المسؤول القطري الرفيع انهم اكفاء واحسن يبينون نفسهم دائما لو اظهر نفسه موظف عادي يخاف يقيلونه ويستبدلونه و الوظيفة عنده حلم صعب جدا يستغى عنه مقارنه بالواقع الي عايشه في بلاده
لابد من دراسة تقطير الوظائف بشكل جدي اكثر و الي مانحتاجه يرجه بلده
لان الخريجيين بزياده و الاجانب ياخذون اماكن القطريي اولى نظرها لشهاداته وامكانياته و يبقى الخلل في المسؤولين الكبار للاسف الثقه في الخريج و الموظف الجديد مهزوزه وياتي الاجنبي يمثل ويبرز نفيه بالقوه ويكون هو المحبوب و القطري مايسكت عن اي اختراق للقثانون و هذا الي مايحبونه المسؤولين


المجمعات التجارية ملك للجميع منحقهم ينزلون و يتجولون ويشترون دام انهم في البلد يعملون بشكل نظامي وقانوني يسوون زحمه نعم زحمه ولكنهم شركاءنا في التنمية يدونهم يصعب تنميه البلد


دامهم موجودين الشوارع اكيد زحمة



مب عنصمرية ولكن احيانا من الضيق لما تشوف كل مكان زحمة و القطريي ضايع بين الزحمة في المراكز الصحيه او غيره شفت في مركز طوارئ السد من زمان مكان مخصص للقطريين وخط للقطريين وهذا شي جميل جدا ياريت يتعمم على كل المستشفيات و المؤسسات الحكومية لان عددنا فعلا قليل ونتزاحم
مثل قسم الجوازات القطريية لايخالطهم احد فعلا مكان هادي وراقي



هذا الشي صار طبيعي في كل دول الخليج لابد من وجود البناء و عامل النظافة وعمال للشوارع هل القطريي خريج يقبل يعمل هذه الاعمال الي ظاهرها انها بسيطه لكنها مهمه و ضرورية للمجتمع






نعم البعض
يتطاول على المواطن لانه يعلم علم اليقين ان هناك قانون ينصفه عكس بلده لكن دام هناك قانون لابد من احترام الوافد وكذلك القطريي ويكون للجميع كرامه وهو من حقه تكون له كرامه
ويتطاول على اهل البلد بدون حق مايصير ولا حد يقبل
ولم افهم موضوع العرس و العزاء




المفروض ان الموظف قادم الى الدولة للعمل اتوقع مايجوز يخلي زوجته تشتغل قانونا مع ان هذا الشي منتشر وتشتغل بعد الظهر تبيع اغراض من النت وتخييط و تصمم و تحني

هم جايين للبلد للاستفادة بقدر المستطاع و التوفير بقدر المستطاع وارى اكثر جنسية تصرف وتتعمع بحياتها في الغربه العائلة الفلبينيه

بالنسبة انهم ياخذون خير بلادنا هم ياخذون خير جهدهم ووظيفتهم وهذا حقهم وعندهم افواه جائعه في بلدهم




صعب التحكم في كل تصرف يتصرفونه يتفطر في بيتهم في السيارة مايتفطر كيفه

كفيت وفيت اخوي ماجد بس انتوا عارفين لي اقصدهم

[Rider]

البلاء مش منهم من القطري الي جابهم هذا اولا
وثانيا تشوفهم يفطرون في سياراتهم مستعجلين على الدواماتهم هذا رزقهم
تعال شوف بعض القطريين الدوام سبع وهو جاي الساعه ثمان ويجلس يسولف وتقهوى ويقراء جريده وبعدها يشوف شغله
طبعا انا اقول البعض
والي اشوفه اكثر الجاليه الاسيويه وبعدها بص حضرتك انا اعرف كل شي نصهم اذا مو كلهم مخربين الدلاله والعقارات

والوظايف فيه كثير ويطلبون قطريين لكن بعضهم يبي راتب عالي اكثر من العرض الي جاه ويبي الوظيفه سهله ولو يقدر ياخذ راتب وهو بالبيت ماعنده مشكلة اذا الحين مايداومون بحجة الكورونا

ردي مو تحامل على احد لكن هذا الواقع:ok:

احترام كلامك ياخوي وانا ماقلت القطريين بيسون كل شي فيه الزين والشين انا ياخوي اتكلم عن فئة معينه

[mersal]

قال رسول الله صلى الله عليه وسلم: من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا.

[Rider]

قال رسول الله صلى الله عليه وسلم: من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا.

صدق رسولنا الكريم لكن رايك في الموضوع

[معماري قطري]

البلاء مش منهم من القطري الي جابهم هذا اولا
وثانيا تشوفهم يفطرون في سياراتهم مستعجلين على الدواماتهم هذا رزقهم
تعال شوف بعض القطريين الدوام سبع وهو جاي الساعه ثمان ويجلس يسولف وتقهوى ويقراء جريده وبعدها يشوف شغله
طبعا انا اقول البعض
والي اشوفه اكثر الجاليه الاسيويه وبعدها بص حضرتك انا اعرف كل شي نصهم اذا مو كلهم مخربين الدلاله والعقارات

والوظايف فيه كثير ويطلبون قطريين لكن بعضهم يبي راتب عالي اكثر من العرض الي جاه ويبي الوظيفه سهله ولو يقدر ياخذ راتب وهو بالبيت ماعنده مشكلة اذا الحين مايداومون بحجة الكورونا

ردي مو تحامل على احد لكن هذا الواقع:ok:

ما يبي له كلام هذا الواقع

لازم الضبط والربط والمحاسبة أما انذارات وتنمسح ما سوينا شيء .. نفس الشيء اللي نكرهه في شوارعنا شوفة اللي يسوق يمشي كأنه بهيمة من أقصى اليمين يبغي يروح أقصى اليسار وما له خص في اللي وراه وبشكل قطري سريع وهذا قمة الممنوع .. أمس حادث شنيع عن اشارات استاد خليفة واحد بيلف يسار والشارع فاضي وفتحت له الإشارة ومشى والمفروض ينتبه ويوقف تداعم وجه بوجه مع سيارة شرطة مسرعة وفي طواريء .. الله أعلم إحتمال كبير فيه وفيات والله يرحمهم أو يشفيهم لو مصابين بس ملاحظ سواقة الأجانب سواقة دلع واستهتار وأكيد سواقة البعض من القطريين وأكيد البعض من الأجانب ما اقصد كلهم

[معماري قطري]

بالنسبة انهم ياخذون خير بلادنا هم ياخذون خير جهدهم ووظيفتهم وهذا حقهم وعندهم افواه جائعه في بلدهم




صعب التحكم في كل تصرف يتصرفونه يتفطر في بيتهم في السيارة مايتفطر كيفه

أوافقك في الأول أما الثاني ممنوع يا اخوي حتى شرب الشاي والقهوة في السيارة حسب قانون المرور شلون يعضض له سندويش والفلفل سايح على ثيابه .. عيبنا المرور مغمضين ولا يدرون بالقانون بعضهم والكاميرات حاطينها زينة ويعتبرونها خزينة ما تنفتح الا بأوامر معقدة ومن فوق شكثر فوق ما ادري

[shadad]

صحيح ياخوي بس ماقصد العمال

ادري ياخوي انت ما تقصدهم. ردي يشمل كل الشرايح. لا تنسى مثلا النيرس او الممرضين او الشريحه الطبيه او الكادر الطبي الكبير, ال ستاف العاديين, اذا تقصد الاجانب على الدرجات العاليه ترا هذول ما يطلعون ولا يفتكرون في الاماكن اللي انت يمكن تعاني فيها من الزحمه.
مثل ما قلت لك, هذا شي طبيعي خصوصا مع الارتبطات والخطط الحاليه للدوله اللي تخلي من الضروري الاستعانه بهذه الفئه. اذا كانت عندك مشكلة او مظهر ما عجبك بلغ عليه يا خوي عل طول الجهات المختصه وهم بيتعاملون معاهم.

احييك على غيرتك, بس الله يعين لما يجي كاس العالم وانت تدري بكلامي بدون شرح :) .

[Rider]

ادري ياخوي انت ما تقصدهم. ردي يشمل كل الشرايح. لا تنسى مثلا النيرس او الممرضين او الشريحه الطبيه او الكادر الطبي الكبير, ال ستاف العاديين, اذا تقصد الاجانب على الدرجات العاليه ترا هذول ما يطلعون ولا يفتكرون في الاماكن اللي انت يمكن تعاني فيها من الزحمه.
مثل ما قلت لك, هذا شي طبيعي خصوصا مع الارتبطات والخطط الحاليه للدوله اللي تخلي من الضروري الاستعانه بهذه الفئه. اذا كانت عندك مشكلة او مظهر ما عجبك بلغ عليه يا خوي عل طول الجهات المختصه وهم بيتعاملون معاهم.

احييك على غيرتك, بس الله يعين لما يجي كاس العالم وانت تدري بكلامي بدون شرح :) .

اكيد ادري والله عينا ردك وافي وماقصرت

[مرتبش]

نظام الاستقدام بالطريقة الحالية مايساعد على تقليل الاجانب.. تفتح اي نشاط تجاري وتستقدم عمال لتشغيله دام عندك فلوس تقدر تفتح الف محل وشركة

[Rider]

الله المستعان وترجع الايام الحلوه

[ماجد البدر]

أوافقك في الأول أما الثاني ممنوع يا اخوي حتى شرب الشاي والقهوة في السيارة حسب قانون المرور شلون يعضض له سندويش والفلفل سايح على ثيابه .. عيبنا المرور مغمضين ولا يدرون بالقانون بعضهم والكاميرات حاطينها زينة ويعتبرونها خزينة ما تنفتح الا بأوامر معقدة ومن فوق شكثر فوق ما ادري

اذا ممنوع يعني ربعنا نايميين في العسل ومثل ماقلت الكاميرات تشتغل بالامر اذا في مصيبه او شكوى رسميه تحدد الشارع و الوقت يفتحون ويشوفون التسجيل

ومثل ماكتبت في موضوعي القديم عن المرور

على فكره انا دخلت حساب وزارة الداخليه وحطيت لهم موضوعي عن تجاوزات اليمين و اليسار وبطئ القيادة عسى ان يكون هناك اي اجراء جديد

اتوقع يكون هناك اجراء على السرعة و خلاص

[معماري قطري]

اذا ممنوع يعني ربعنا نايميين في العسل ومثل ماقلت الكاميرات تشتغل بالامر اذا في مصيبه او شكوى رسميه تحدد الشارع و الوقت يفتحون ويشوفون التسجيل

ومثل ماكتبت في موضوعي القديم عن المرور

على فكره انا دخلت حساب وزارة الداخليه وحطيت لهم موضوعي عن تجاوزات اليمين و اليسار وبطئ القيادة عسى ان يكون هناك اي اجراء جديد

اتوقع يكون هناك اجراء على السرعة و خلاص

بإذن الله تكون الإدارة الحالية للمرور مفتحة وتنتبه لهذي الملاحظات

أذكر في تامبا - فلوريدا - أمريكا إعتمدوا نظام التصوير عند الإشارات بكاميرات رادارية تراقب السرعة ومن يتجاوز الخط ومن يقطع الإشارة وهي توها متحولة حمراء .. وكنت من ضمن اللي صورتهم الكاميرا ليلاً وواضح شلون الفلاش برق ولا كان يعتبر خطأ مني وقاموا الناس على هذا الإجراء واشتكوا وأعادوا ضبط الكاميرات بحيث تسمح بالمرور حتى لو تحولت الإشارة للأحمر ومثل ما كان في السابق .. الناس هناك يوقفون على الخط لو جاوا قطر كلهم مخالفات لكن مع ذلك قمة الإلتزام في تغيير المسار وفي الوقوف التام عند اشارة قف وفي قوانين المرور الأُخرى والأهم مثل الرعونة والسياقة بقرب ومضايقة الآخرين وتعتبر جريمة تستوجب السجن أوقات وشروع في القتل .. عندنا للأسف يركزون على الصغاير وكأن القانون لا يحدث ولا يغير

المهم كنت متوقع تجيني مخالفة دسمة .. لكن تم الغاء كل المخالفات وتغيير توقيت الكاميرات .. كل هذا خلال شهر وبصورة سريعة وبعد ملاحظة زيادة حوادث الاصطدام والزحمة على الإشارات واستمعوا لشكاوي الناس

[طلعة الروح]

البلاء مش منهم من القطري الي جابهم هذا اولا
وثانيا تشوفهم يفطرون في سياراتهم مستعجلين على الدواماتهم هذا رزقهم
تعال شوف بعض القطريين الدوام سبع وهو جاي الساعه ثمان ويجلس يسولف وتقهوى ويقراء جريده وبعدها يشوف شغله
طبعا انا اقول البعض
والي اشوفه اكثر الجاليه الاسيويه وبعدها بص حضرتك انا اعرف كل شي نصهم اذا مو كلهم مخربين الدلاله والعقارات

والوظايف فيه كثير ويطلبون قطريين لكن بعضهم يبي راتب عالي اكثر من العرض الي جاه ويبي الوظيفه سهله ولو يقدر ياخذ راتب وهو بالبيت ماعنده مشكلة اذا الحين مايداومون بحجة الكورونا

ردي مو تحامل على احد لكن هذا الواقع:ok:

ودي اعرف وين هالاماكن اللي فيها كل هالفراغه ابي اشتغل معاهم بصراحه :)
في مكان عملي ما الحق اشرب الكوفي او الشاي يبرد من ضغط الشغل

[ابو عبدالله.]

مولع النقاش :)


تغيير و حصل و بيكبر و كل دول العالم نفسنا
لندن ما فيها انجليز كلهم مهاجرين و جنسيات اخرى
الخليج و غيره نفس الشيء

سواء قطري و غير قطري. فيهم الصالح و الطالح

قبولنا بالتغيير او عدمه ما بيغير الواقع لكن ممكن نجهز انفسنا للتغير بأقل الاضرار

اتفق مع اخونا رايدر البعض ما لهم لزمه و تو خبر بجريده اليوم يقول مشكله العماله السائبه من اولوياتنا
يعني في اعداد لا تخدم ولا منها فائده و الضرر منها معروف

في قضايا كلنا نعرفها مثل مكاتب تجلب عماله بدون وظيفه حقيقيه و تسرحها و ياخذون منها فلوس مقابل احضارهم لقطر و بعشرات الالاف لكل شخص

شي بعقد و شي بفيزا زياره و يدبر نفسه بعدها الخ

العمليه تحتاج تنظيم قبل لا نسفر العماله السائبه نوقف احضارها من الابواب الخلفيه اولا

بتستقدم موظف تسمح بزوجه و ابناء مش العائله كلها الاب و الام و الاجداد

حتى انه يطلب خامه من نفس جنسيته بأسم قطري و ينقل كفالتها عليه بعد الوصول وهي قريبته اصلا

مدن هنديه انتقلت عندنا مش موظفين بس. وهذا مثال و قس عليه بعض الجنسيات الاخرى


في وافدين يجيب امه و ابوه زياره و يوصلون بالليل و الصبح بمستشفى حمد للعلاج. وانا مش ضد العلاج لكن تنظم العمليه عشان احنا ما نتعب بالشهور للمواعيد و العلاج و مليارات العلاج الي تنصرف تكون عادله للكل مش نضطر نروح خاص و ندفع و غيرنا يوصل بالطياره زياره و يتعالج بمئات الالاف

الله يشفيهم ولا يبلانا لكن العدل و الانصاف مطلوب

في وافدين يستفيدون من دعم الدوله وهم ليسوا اهل له
موظف حكومي يتفنش و يروح لقطاع خاص و يرفض يستلم نهايه الخدمه كم الف ريال. عشان يضل ابناءه بمدارس حكوميه مدفوعه من الدوله و ما يبين انه يشتغل بقطاع خاص و تكاليف كل ابن بعشرات الالاف سنويا

انت تدفع بمدرسه خاصه عشرات الالاف و الاخ ابنه بمدرسه حكوميه مجانا وما يستحق الدعم اصلا

اتمنى محد ينتقد رأيي وانا مع اي موظف شريف و وافد محترم ماشي صح و نفتخر بوجوده بيننا و حتى منهم اخذوا الجنسيه القطريه ولا يزعل هالشي

لكن الي جالس بلا شغل يتصيد الفلل المقسمه و يعيش على ظهر وافد اخر و الي يدخل ابنائه مدارس حكوميه وهو لا يستحق و الي يدخل زياره بس عشان علاج بمئات الالاف

نظم العمليه و عندك ربط الكتروني تقدر تعرف هذا يشتغل فعلا ولا دلال و تاجر شنطه غير رسمي
واحد راتبه ينزل من شركه تأمين خاصه و عياله بمدارس حكوميه سهل تصيد التلاعب و تجبره يدخلهم مدارس خاصه و لكل جاليه مدارسهم بأسعار مقبوله


تصدقون ان واحد اوروبي على كفاله زوجته فاتح بزنس تمشيه الكلاب اعزكم الله و دخل شهري بعشرات الالاف وهو بالسجلات لا يعمل

يبين بحسابه البنكي الدخل المهول يا تجبره يفتح رسمي و سجل و يدفع رسوم يا توقفه عن نشاطه الغير رسمي

[Rider]

والجاي للأسف امر نعم كانوا يعيشون معانا وافدين وانا اتكلم السبعينات والثمانينات وحتى التسعينات قمة الاحترام ويستاهلون كل خير سؤ معلمين او مهندسين او أي جهة حكومية لكن لي الحين لي عايشين معانا الا من رحم ربي مايستاهلون يعيشون على ترب قطر

[طلعة الروح]

عجبتني شغلة تمشية الكلاب منها رياضه وحرق سعرات حرارية
ومنها راتب حبيت المشروع خل يشغلني معاه الاوروبي

[ابو عبدالله.]

هههههه روح اللؤلؤه و اسأل اي واحد عنده كلب عزكم الله بيعلمك عن الاوروبي

[طلعة الروح]

البلاء مش منهم من القطري الي جابهم هذا اولا
وثانيا تشوفهم يفطرون في سياراتهم مستعجلين على الدواماتهم هذا رزقهم
تعال شوف بعض القطريين الدوام سبع وهو جاي الساعه ثمان ويجلس يسولف وتقهوى ويقراء جريده وبعدها يشوف شغله
طبعا انا اقول البعض
والي اشوفه اكثر الجاليه الاسيويه وبعدها بص حضرتك انا اعرف كل شي نصهم اذا مو كلهم مخربين الدلاله والعقارات

والوظايف فيه كثير ويطلبون قطريين لكن بعضهم يبي راتب عالي اكثر من العرض الي جاه ويبي الوظيفه سهله ولو يقدر ياخذ راتب وهو بالبيت ماعنده مشكلة اذا الحين مايداومون بحجة الكورونا

ردي مو تحامل على احد لكن هذا الواقع:ok:

من خلال قرائتي للمشهد في جهات تجيب موظفين من برع
لا خبره ولا ذيك الشهاده والعرض يكون بمسمى وظيفي مدير
والقطري اللي حاك نفسه وخبره وشهادات لو يموت ماياخذ هالمسمى
الخلل يكمن في ان الاوفرات تطلع من عند نفس الجنسيات في الموارد البشريه
ويوافق عليها المسؤول القطري
اللي يتابع السير الذاتيه في مواقع التوظيف المشهوره بيشوف العجب العجاب
القطري الاكاديمي والخبره يتم تهميشه بالمؤسسه ورفض طلباته بالنقل لاقسام اخرى
بحجة احنا الاداره واحنا كيفنا
لكن يجيك واحد قطري خريج ثانويه ينحط مدير قسم بمكالمة تلفون وحده لمجرد انه الواو شغال
وتلاقيه من جهه لجهه طالع وداخل ومضبط وضعه
اللي ابي اوصله انا ما الوم الاجانب الوم المسؤول القطري اللي ساكت ويوقع حسب مصالحه
الشخصيه واكاد اجزم انهم يطبقون القانون فقط اذا الشي ما يتعارض مع مصالحهم او بشي
مايضرهم

[Rider]

من خلال قرائتي للمشهد في جهات تجيب موظفين من برع
لا خبره ولا ذيك الشهاده والعرض يكون بمسمى وظيفي مدير
والقطري اللي حاك نفسه وخبره وشهادات لو يموت ماياخذ هالمسمى
الخلل يكمن في ان الاوفرات تطلع من عند نفس الجنسيات في الموارد البشريه
ويوافق عليها المسؤول القطري
اللي يتابع السير الذاتيه في مواقع التوظيف المشهوره بيشوف العجب العجاب
القطري الاكاديمي والخبره يتم تهميشه بالمؤسسه ورفض طلباته بالنقل لاقسام اخرى
بحجة احنا الاداره واحنا كيفنا
لكن يجيك واحد قطري خريج ثانويه ينحط مدير قسم بمكالمة تلفون وحده لمجرد انه الواو شغال
وتلاقيه من جهه لجهه طالع وداخل ومضبط وضعه
اللي ابي اوصله انا ما الوم الاجانب الوم المسؤول القطري اللي ساكت ويوقع حسب مصالحه
الشخصيه واكاد اجزم انهم يطبقون القانون فقط اذا الشي ما يتعارض مع مصالحهم او بشي
مايضرهم

كلام صحيح واقعي

[معماري قطري]

من خلال قرائتي للمشهد في جهات تجيب موظفين من برع
لا خبره ولا ذيك الشهاده والعرض يكون بمسمى وظيفي مدير
والقطري اللي حاك نفسه وخبره وشهادات لو يموت ماياخذ هالمسمى
الخلل يكمن في ان الاوفرات تطلع من عند نفس الجنسيات في الموارد البشريه
ويوافق عليها المسؤول القطري
اللي يتابع السير الذاتيه في مواقع التوظيف المشهوره بيشوف العجب العجاب
القطري الاكاديمي والخبره يتم تهميشه بالمؤسسه ورفض طلباته بالنقل لاقسام اخرى
بحجة احنا الاداره واحنا كيفنا
لكن يجيك واحد قطري خريج ثانويه ينحط مدير قسم بمكالمة تلفون وحده لمجرد انه الواو شغال
وتلاقيه من جهه لجهه طالع وداخل ومضبط وضعه
اللي ابي اوصله انا ما الوم الاجانب الوم المسؤول القطري اللي ساكت ويوقع حسب مصالحه
الشخصيه واكاد اجزم انهم يطبقون القانون فقط اذا الشي ما يتعارض مع مصالحهم او بشي
مايضرهم

عشت سنين في شغلي اطالب بالتحديث وبقاعة اجتماعات نسوي فيها عرض لأي مشروع برزنتيسيون اللي يسمونه ربعنا الهنود .. بدال ما مشكلة إدارية تافهة تحصل وتتغطى لأسباب عدة وممكن تحصل لشخص ثاني ليش ما نناقشها ونناقش أسباب حصولها وطرق تفاديها

كل اللي نحتاجه ساعة اسبوعياً لا غير .. ما رضوا بإقتراحي ذيه

كنت إذا بغيت أمشي تصميم أو فكرة تغييرية لشغلة معينة أشوف واحد من العاديين وفي الغالب من الجنسيات العربية أو مندوب جهة معينة وأعطيه فكرتي ومقترحي وأحذره يعلم إنه مني ويتزحلق الموضوع زحلقة طبيعية خالية من الشوائب .. أما لو انا ادخل في نقاش ياكلوني

[معماري قطري]

مولع النقاش :)


تغيير و حصل و بيكبر و كل دول العالم نفسنا
لندن ما فيها انجليز كلهم مهاجرين و جنسيات اخرى
الخليج و غيره نفس الشيء

سواء قطري و غير قطري. فيهم الصالح و الطالح

قبولنا بالتغيير او عدمه ما بيغير الواقع لكن ممكن نجهز انفسنا للتغير بأقل الاضرار

اتفق مع اخونا رايدر البعض ما لهم لزمه و تو خبر بجريده اليوم يقول مشكله العماله السائبه من اولوياتنا
يعني في اعداد لا تخدم ولا منها فائده و الضرر منها معروف

في قضايا كلنا نعرفها مثل مكاتب تجلب عماله بدون وظيفه حقيقيه و تسرحها و ياخذون منها فلوس مقابل احضارهم لقطر و بعشرات الالاف لكل شخص

شي بعقد و شي بفيزا زياره و يدبر نفسه بعدها الخ

العمليه تحتاج تنظيم قبل لا نسفر العماله السائبه نوقف احضارها من الابواب الخلفيه اولا

بتستقدم موظف تسمح بزوجه و ابناء مش العائله كلها الاب و الام و الاجداد

حتى انه يطلب خامه من نفس جنسيته بأسم قطري و ينقل كفالتها عليه بعد الوصول وهي قريبته اصلا

مدن هنديه انتقلت عندنا مش موظفين بس. وهذا مثال و قس عليه بعض الجنسيات الاخرى


في وافدين يجيب امه و ابوه زياره و يوصلون بالليل و الصبح بمستشفى حمد للعلاج. وانا مش ضد العلاج لكن تنظم العمليه عشان احنا ما نتعب بالشهور للمواعيد و العلاج و مليارات العلاج الي تنصرف تكون عادله للكل مش نضطر نروح خاص و ندفع و غيرنا يوصل بالطياره زياره و يتعالج بمئات الالاف

الله يشفيهم ولا يبلانا لكن العدل و الانصاف مطلوب

في وافدين يستفيدون من دعم الدوله وهم ليسوا اهل له
موظف حكومي يتفنش و يروح لقطاع خاص و يرفض يستلم نهايه الخدمه كم الف ريال. عشان يضل ابناءه بمدارس حكوميه مدفوعه من الدوله و ما يبين انه يشتغل بقطاع خاص و تكاليف كل ابن بعشرات الالاف سنويا

انت تدفع بمدرسه خاصه عشرات الالاف و الاخ ابنه بمدرسه حكوميه مجانا وما يستحق الدعم اصلا

اتمنى محد ينتقد رأيي وانا مع اي موظف شريف و وافد محترم ماشي صح و نفتخر بوجوده بيننا و حتى منهم اخذوا الجنسيه القطريه ولا يزعل هالشي

لكن الي جالس بلا شغل يتصيد الفلل المقسمه و يعيش على ظهر وافد اخر و الي يدخل ابنائه مدارس حكوميه وهو لا يستحق و الي يدخل زياره بس عشان علاج بمئات الالاف

نظم العمليه و عندك ربط الكتروني تقدر تعرف هذا يشتغل فعلا ولا دلال و تاجر شنطه غير رسمي
واحد راتبه ينزل من شركه تأمين خاصه و عياله بمدارس حكوميه سهل تصيد التلاعب و تجبره يدخلهم مدارس خاصه و لكل جاليه مدارسهم بأسعار مقبوله


تصدقون ان واحد اوروبي على كفاله زوجته فاتح بزنس تمشيه الكلاب اعزكم الله و دخل شهري بعشرات الالاف وهو بالسجلات لا يعمل

يبين بحسابه البنكي الدخل المهول يا تجبره يفتح رسمي و سجل و يدفع رسوم يا توقفه عن نشاطه الغير رسمي

يا ريال أعرف مسري أو مصري فاتح عيادة بيطيرية مسوي فيها ورا كابينة مجمع فيها الكلب اللي يقول وووو بالعدال كلب دادي وعيال النعمة مع الكلب الهيلقي اللي ينبح من بطنه حتى حقوق الحيوان ما كشفوه ومأذينا بنباحها سنين طويلة وضد الشكاوي .. آخر شيء البلدية قالوا لي شوف لك واسطة في التجارة

[ابن الجزيرة]

الدولة العظمى الولايات المتحدة قامت نهضتها على ايدي وسواعد الاجانب

اوروبا كذلك

المانيا فيها6مليون تركي
واستقبلت مئات الالاف من اللاجئين السوريين
الالمان ليسوا اغبياء بل يستفيدوا من هذا اللاجئ المؤهل في كافة الاعمال
البلد سكانها قليل بالمقارنة بحاجتها الى عمالة
وهناك اعمال ووظائف يأنف القطري عن ممارستها
وهناك نقص في بعض المهن بل عوز مثل الاطباء والمهندسين
ما دام قبلت الدولة بدخول واقامة هؤلاء فالقبول بوجودهم واعطاءهم حقوقهم التي يكفلها القانون واحب
من يخالف هناك قانون يعاقبه
لا اعتقد ان التذمر من وجود الوافدين في الشارع او الحديقة او المستشفى شي صحي ويخدم البلد
ما دام وجوده شرعي وقانوني فتعطى له حقوقه التي كفلها القانون
مقولة (يأكلوا خير بلدنا) قول خاطيء فهم يتقاضوا اجر مقابل عمل
وجود الوافدين في المولات وغيرها جزء من حركة عجلة الاقتصاد

[Rider]

الدولة العظمى الولايات المتحدة قامت نهضتها على ايدي وسواعد الاجانب

اوروبا كذلك

المانيا فيها6مليون تركي
واستقبلت مئات الالاف من اللاجئين السوريين
الالمان ليسوا اغبياء بل يستفيدوا من هذا اللاجئ المؤهل في كافة الاعمال
البلد سكانها قليل بالمقارنة بحاجتها الى عمالة
وهناك اعمال ووظائف يأنف القطري عن ممارستها
وهناك نقص في بعض المهن بل عوز مثل الاطباء والمهندسين
ما دام قبلت الدولة بدخول واقامة هؤلاء فالقبول بوجودهم واعطاءهم حقوقهم التي يكفلها القانون واحب
من يخالف هناك قانون يعاقبه
لا اعتقد ان التذمر من وجود الوافدين في الشارع او الحديقة او المستشفى شي صحي ويخدم البلد
ما دام وجوده شرعي وقانوني فتعطى له حقوقه التي كفلها القانون
مقولة (يأكلوا خير بلدنا) قول خاطيء فهم يتقاضوا اجر مقابل عمل
وجود الوافدين في المولات وغيرها جزء من حركة عجلة الاقتصاد

احترام وجهة نظرك لكن كل شخص له وجهة نظر للعلم حنا ماقلنا شي انا اتكلم مب عن الكل عن البعض لي حرام يعيش على تراب قطر غير لي ماخذين مكان القطريين في بعض الوظائف

[طلعة الروح]

احترام وجهة نظرك لكن كل شخص له وجهة نظر للعلم حنا ماقلنا شي انا اتكلم مب عن الكل عن البعض لي حرام يعيش على تراب قطر غير لي ماخذين مكان القطريين في بعض الوظائف

اللوم ع القطري المسؤول اللي يسمح بذلك اما الاجانب طالما هم دخلوا وتوظفوا خلاص العله من القطري المسؤول
اللي يوقع على الاوفرات في الوظايف العاديه

انا صار لي سنين اقدم على وظايف في مؤسسة قطر وعمرهم ما نادوني ولا قابلوني ولما اروح اشوف عندهم في مكاتبهم وكلياتهم احصل اجانب محتلين وظايف عاديه ونفس الشي ف الجهه اللي اشتغل فيها اشوف العجب يقولون لي مافي وظايف واشوفهم عارضين الوظايف اللي المفروض مناسبتني في موقع مشهور للتوظيف وكل كم يوم ينزلون وظيفه واللي ياخذ الوظيفه اجنبي ماعنده خبره وانا بنت البلد الخبره والشهادات وحك السنين يقولون لي مافي وظايف شاغره للنقل، وللعلم كل اللي ماسكين التوظيف قطريين وانا اعرفهم وهم اللي يقولون هالكلام.

[Rider]

اللوم ع القطري المسؤول اللي يسمح بذلك اما الاجانب طالما هم دخلوا وتوظفوا خلاص العله من القطري المسؤول
اللي يوقع على الاوفرات في الوظايف العاديه

انا صار لي سنين اقدم على وظايف في مؤسسة قطر وعمرهم ما نادوني ولا قابلوني ولما اروح اشوف عندهم في مكاتبهم وكلياتهم احصل اجانب محتلين وظايف عاديه ونفس الشي ف الجهه اللي اشتغل فيها اشوف العجب يقولون لي مافي وظايف واشوفهم عارضين الوظايف اللي المفروض مناسبتني في موقع مشهور للتوظيف وكل كم يوم ينزلون وظيفه واللي ياخذ الوظيفه اجنبي ماعنده خبره وانا بنت البلد الخبره والشهادات وحك السنين يقولون لي مافي وظايف شاغره للنقل، وللعلم كل اللي ماسكين التوظيف قطريين وانا اعرفهم وهم اللي يقولون هالكلام.

وآلله ياختي كلامج صحيح بس البعض يحب يغرد للوافدين لانه مستفيد منهم

[ابن الجزيرة]

عندي كلام صريح ومن الواقع في هذا الموضوع تحديدا

لكني اعلم ان هناك من لا تعجبه الصراحة والشفافية
ولذلك الصمت خير من القول

[طلعة الروح]

الحل تنظيم دخول الاجانب للبلد من اقامات وزيارات
اعرف كل واحد شهالهدف من وجوده وحالته من الالف للياء

الوظايف العاديه يوظفون فيها الفئات المستحقه من مواطنين ومواليد وابناء القطريات
مب اعرض الوظايف حق اللي يجون برع الاولويه للي عايشين في قطر

احنا مب ضد اي اجنبي لكن مايصير كل من هب ودب يدخل وماله شغله ولا وظيفه
التشديد للجميع على احترام القوانين وفرض الاجراءات وتفعيلها لمنع المشاكل التي قد تصدر من البعض عمدا او سهوا
واي شخص يخالف الانظمه يدري انه بيتحاسب على فعله لان القانون واضح

الحد من ظاهرة زواج المواطنين والمواطنات من خارج البلد قدر الامكان

الوظايف التقنيه او اللي تحتاج خبره نادره يكون العقد عليها بالكثير من 3 لين 5 سنوات
ووضع البديل والمتدرب تحت يده حد يكون من فئات عيال البلد المذكورين اعلاه

[Rider]

عندي كلام صريح ومن الواقع في هذا الموضوع تحديدا

لكني اعلم ان هناك من لا تعجبه الصراحة والشفافية
ولذلك الصمت خير من القول

ياخوي المنتدى للكل وبالعكس رايك يهمنا ونحترمه

[كازانوفا]

ليتنا نفكر هل جهزنا نفسنا للقاء الله لان الحياة قصيره وقصيره جدا ..في حياة بالبرزخ ويوم القيامه اشوف الاهتمام بهذه الامور اهم بكثير مين راح ومين اتى ومين عاش ومين مات..
الله يثبتنا ولا يشغلنا بما لا ينفعنا ..

[معماري قطري]

الحل تنظيم دخول الاجانب للبلد من اقامات وزيارات
اعرف كل واحد شهالهدف من وجوده وحالته من الالف للياء

الوظايف العاديه يوظفون فيها الفئات المستحقه من مواطنين ومواليد وابناء القطريات
مب اعرض الوظايف حق اللي يجون برع الاولويه للي عايشين في قطر

احنا مب ضد اي اجنبي لكن مايصير كل من هب ودب يدخل وماله شغله ولا وظيفه
التشديد للجميع على احترام القوانين وفرض الاجراءات وتفعيلها لمنع المشاكل التي قد تصدر من البعض عمدا او سهوا
واي شخص يخالف الانظمه يدري انه بيتحاسب على فعله لان القانون واضح

الحد من ظاهرة زواج المواطنين والمواطنات من خارج البلد قدر الامكان

الوظايف التقنيه او اللي تحتاج خبره نادره يكون العقد عليها بالكثير من 3 لين 5 سنوات
ووضع البديل والمتدرب تحت يده حد يكون من فئات عيال البلد المذكورين اعلاه

بدوا يرتبون شوي شوي مع قانون الضمان الصحي للوافدين هذا بيقلل عدد اللي يجون زيارات بقصد العلاج المجاني وبيخفف الضغط على مستشفيات الحكومة

بيكون فيه تقليص كبير لأعداد العمال بسبب إكتمال المنشأءات الكبرى وأتمنى شركات المقاولات تحافظ على عمالها الجيدين حتى نستفيد منهم في البناء الباقي

بالنسبة للعمل تعبنا واحنا نتكلم من زمان والتقدم بطيء جداً وصحيح أعمال كثيرة يبدع فيها الوافد ويشتغل بجد وبراتب بسيط وهذي المعادلة اللي تخلي أصحاب الأعمال يفضلون الأجنبي .. من فترة وانا أدخل منطقة سكني مقابل فيلاجيو وحياة بلازا أشوف فلبينيين بأعداد كبيرة من الجنسين يروحون مشي للشغل في هذي المجمعات ومؤكد يتشاركون في السكن في هذي المنطقة

[Rider]

ليتنا نفكر هل جهزنا نفسنا للقاء الله لان الحياة قصيره وقصيره جدا ..في حياة بالبرزخ ويوم القيامه اشوف الاهتمام بهذه الامور اهم بكثير مين راح ومين اتى ومين عاش ومين مات..
الله يثبتنا ولا يشغلنا بما لا ينفعنا ..

الحمدالله اكيد الدنيا مب اكبر همنا لكن ياختي هذي مواضيع تناقش وبعد مايصير نشوف الغلط ونسكت

[كازانوفا]

الحمدالله اكيد الدنيا مب اكبر همنا لكن ياختي هذي مواضيع تناقش وبعد مايصير نشوف الغلط ونسكت

والله يا خوي لما صرت اشوف حالات الموت المفاجئ لشباب صغار بالعمر وبنات صرت احاول اطنش هم وقرف الدنيا واركز بالاخره وايش وضعنا ..لذلك اذا في غلط في اللي يحاسبهم لا تخاف ولا تقلق. الحمدلله البلد فيه قانون ..وهذا بالاخير ارزاق مكتوبه قبل خلق الخليقه بخمسين الف سنه ..
نسال الله السلامه

[Rider]

والله يا خوي لما صرت اشوف حالات الموت المفاجئ لشباب صغار بالعمر وبنات صرت احاول اطنش هم وقرف الدنيا واركز بالاخره وايش وضعنا ..لذلك اذا في غلط في اللي يحاسبهم لا تخاف ولا تقلق. الحمدلله البلد فيه قانون ..وهذا بالاخير ارزاق مكتوبه قبل خلق الخليقه بخمسين الف سنه ..
نسال الله السلامه

بارك الله فيك ياختي كلامك صحيح لكن مب اني اترك كل شي وخلي الدنيا سودا في وجهي لابد من التفأل يعني مثل الواحد يقول الله كتب رزقي خلآص انا بقعد ورزقي بيجيني وهذا كلام غلط العبد لابد يسعى علشان الله يفتح له باب رزق
لكن ياختي لا تقولين خلاص ومانبغي نتكلم ولا شي خل الناس في حالهم حنا ياختي مثل ماقلت لج هي مجرد مواضيع ناقشه لا اكثر

[طلعة الروح]

بدوا يرتبون شوي شوي مع قانون الضمان الصحي للوافدين هذا بيقلل عدد اللي يجون زيارات بقصد العلاج المجاني وبيخفف الضغط على مستشفيات الحكومة

بيكون فيه تقليص كبير لأعداد العمال بسبب إكتمال المنشأءات الكبرى وأتمنى شركات المقاولات تحافظ على عمالها الجيدين حتى نستفيد منهم في البناء الباقي

بالنسبة للعمل تعبنا واحنا نتكلم من زمان والتقدم بطيء جداً وصحيح أعمال كثيرة يبدع فيها الوافد ويشتغل بجد وبراتب بسيط وهذي المعادلة اللي تخلي أصحاب الأعمال يفضلون الأجنبي .. من فترة وانا أدخل منطقة سكني مقابل فيلاجيو وحياة بلازا أشوف فلبينيين بأعداد كبيرة من الجنسين يروحون مشي للشغل في هذي المجمعات ومؤكد يتشاركون في السكن في هذي المنطقة

اذا افترضنا بان القوانين انفرضت وسنت هل سنجد لنا مسؤول قطري عظمة في البلعوم وواصل لدرجة الاطاحه بمن هم تحت ادارته من قطريين ، هل سيعيد التاريخ نفسه من الواسطه وحب الخشم وعنصريه وقبليه؟*
هذا ما ستجيب عليه الايام، يارب يكون العصر القادم شفاف اكثر اذا مب لنا للاجيال القادمه

[سالم الزهران]

اذا افترضنا بان القوانين انفرضت وسنت هل سنجد لنا مسؤول قطري عظمة في البلعوم وواصل لدرجة الاطاحه بمن هم تحت ادارته من قطريين ، هل سيعيد التاريخ نفسه من الواسطه وحب الخشم وعنصريه وقبليه؟*
هذا ما ستجيب عليه الايام، يارب يكون العصر القادم شفاف اكثر اذا مب لنا للاجيال القادمه

مافي مسؤول عربي. مهب قطري.. عشان لا نظلم القطري.

[متبعة الحق]

انا مش قطرية ف بسألك
ايش قصدك ب "ماخذين مكان القطريين في بعض الوظائف" ؟؟
ولو مثلا انا لقيت وظيفة بشهادتي انت بتكرهني وبتشوف ان المفروض تكون الوظيفة "للقطري" ؟؟
وربنا يصلح الحال

[Rider]

انا مش قطرية ف بسألك
ايش قصدك ب "ماخذين مكان القطريين في بعض الوظائف" ؟؟
ولو مثلا انا لقيت وظيفة بشهادتي انت بتكرهني وبتشوف ان المفروض تكون الوظيفة "للقطري" ؟؟
وربنا يصلح الحال

اختي لا تفهمين الموضوع بالغلط حنا مانحرب ولا نقول كل الوافدين مايستاهلون حنا نتكلم عن فئة نعم اقولج حرام تأخذ مكان القطري وخاصة إذا تكلمنا هناك قرار صدر بخصوص تقطير الوظائف وللعلم ياختي فيه قطريين من الجنسين مب محصلين وظائف لكن اني اكره شخص لانه ماخذ وظيفة ممكن يكون عليها قطري لا طبعا

[طلعة الروح]

مافي مسؤول عربي. مهب قطري.. عشان لا نظلم القطري.

مافهمت ردك عدل

عموما مافي فايدة وللاسف القطريين مايخدمون بعض ومب على قلب واحد

تلاقي عندك في المؤسسة امية واحد من معارفك ومن هلك بس وقت الصجيه

كلن نفسي نفسي، الاجانب يطقون الحديد وهو حامي ويسوون حق بعض من نفس جنسيتهم

احنا للحين عندنا مشكله عدم وضع المسؤول الصحيح بالمكان الصحيح

فما بالك باتخاذ وبتنفيذ القرارات !

واحد من امية واحد اللي بضرب بيد من حديد ويشتغل والباقيين دايخين او ينفذون قرارات غير مسؤوله من الرئيس ولد البلد

[سالم الزهران]

السلام عليكم، المقصود ان المبادرة تقل طردياََ مع ترفيع المسؤول، كلما ترفع كلما زاد صمخ واستهبال وشغل وضع نفسي نفسي. هذا الكلام صفة عربية مقيتة لان العرب اليوم توطنت فيهم الانتهازية وضعف الشخصية.

[معماري قطري]

يطلع مسؤول قوي نادر وصدفة ويبقى فترة يزدهر كل شيء في وجوده وفجأة يغيرونه لأي سبب بواحد جديد تعيس ما له في الغنم لا صخلة ولا تيس .. هنا المشكلة مشكلتنا ادارية وتخصصية .. إذا قانونهم الهندسي يركزون على كلمة مهندس وينسون التخصصات وبعض المهندسين حتى لو ما يعرف الشغلة التخصصية ذي مثل مهندس كهربة ينعطى مشروع طرق وخلفيته الهندسية كلش غير ياخذه ويخبط فيه ويتخبط .. والإستشاريين بعضهم شباب وحديثين وأكبر شغلهم فلة 800 متر مربع يستلمون فجأة ورشة تصنيع والا تصميم مدن والا تصميم بمستوى كبير ويحتاج تخصصات هندسية عدة ويتخبطون فيه سنين ولو أنهوه أنهوه بأخطاء صعب تنحل

تروح لتوجيه الخريجين نحو التخصصات المطلوبة والحوافز تحصل يطلعون لك ناس على إنهم تربويين خلوا الطالب يختار والطالب ضايع ويدور السهل والممكن ويمكن يتخرجون آلاف في تخصص واحد يبين سهل لكن فيه تخصصات أسهل منه ومطلوبة

تخصصات مثل المحاسبة المالية وحساب الكميات نادر اللي تشوف قطري فيها .. هندسة الأمان وإدارة المستشفيات والمطارات وإدارة الكوارث وغيرها وغيرها كثير وكلها ماجستير سهل مبعدين القطري عنه والمفروض تكون مطلوبة وتعطى حوافز لمن يرغب بعد تخرجه من أي مجال تخصصي قريب

[Rider]

مافهمت ردك عدل

عموما مافي فايدة وللاسف القطريين مايخدمون بعض ومب على قلب واحد

تلاقي عندك في المؤسسة امية واحد من معارفك ومن هلك بس وقت الصجيه

كلن نفسي نفسي، الاجانب يطقون الحديد وهو حامي ويسوون حق بعض من نفس جنسيتهم

احنا للحين عندنا مشكله عدم وضع المسؤول الصحيح بالمكان الصحيح

فما بالك باتخاذ وبتنفيذ القرارات !

واحد من امية واحد اللي بضرب بيد من حديد ويشتغل والباقيين دايخين او ينفذون قرارات غير مسؤوله من الرئيس ولد البلد
وآلله كلامك اختي فعلا صحيح وهذا الواقع للأسف