المساعد الشخصي الرقمي

مشاهدة النسخة كاملة : محل بيع الرخام


Nasserhamad
02-12-2020, 08:01 PM
السلام عليكم .
ابحث عن محل ممتاز للبيع الرخام ايطالي وتكون اسعاره طيبه... ارجو منكم المساعده وانتم اهلها ....وشكراً للجميع
sara jsm
02-12-2020, 08:53 PM
وعليكم السلام ..

محل الامانه عندهم رخام ايطالي ..
فروعهم ( شارع المطار / طريق سلوى )
وبالتوفيق
Azizuk
02-12-2020, 11:47 PM
نصيحة اخو ياتركب رخام درجة اولى والا لا تركب

وانصح بقوى بالبورسلان

في بورسلان احلى من الرخام بمليون مره وارخص بالسعر
SouthK
03-12-2020, 11:46 AM
نصيحة اخو ياتركب رخام درجة اولى والا لا تركب

وانصح بقوى بالبورسلان

في بورسلان احلى من الرخام بمليون مره وارخص بالسعر

انا انصح بنفس الشي .. حتى الرخام بيلعوزك لو انصب عليه شي!

في بورسلان يسمونه بديل الرخام .. شكله مرتب و سعره ممتاز مقارنة بالرخام
Nasserhamad
03-12-2020, 04:28 PM
جزاكم الله خير على المساعدة والنصيحة
SouthK
09-12-2020, 08:02 AM
جزاكم الله خير على المساعدة والنصيحة

حاضرين.

اذا ودك بعطيك رقم شركة تورد بورسلان ايطالي بديل الرخام بسعر ممتاز!
ابراهيم 2012
09-12-2020, 07:58 PM
حاضرين.

اذا ودك بعطيك رقم شركة تورد بورسلان ايطالي بديل الرخام بسعر ممتاز!
ممكن الرقم بغيت بورسلان للدرج
ALJokar
10-12-2020, 11:50 PM
حاضرين.

اذا ودك بعطيك رقم شركة تورد بورسلان ايطالي بديل الرخام بسعر ممتاز!

اي والله ياليت تفيدنا بالرقم الله يجزاك خير انا افضل البورسلان ع الرخام ومتردد اني اركبه ع الدرج خايف من التكسر
معماري قطري
11-12-2020, 01:18 AM
اي والله ياليت تفيدنا بالرقم الله يجزاك خير انا افضل البورسلان ع الرخام ومتردد اني اركبه ع الدرج خايف من التكسر

لا تتردد فيه بورسلان سمك كبير وحتى العادي لو تركب على بلاستر معمول زين ولاصق مناسب إنسى ينكسر .. الأطراف ركبها ستانلس ستيل أو أي نوع ستيل أو نحاس
SouthK
14-12-2020, 08:14 AM
ابرهيم و الجوكر تبشرون و الله .. شوفوا الخاص و قولوا انكم من طرف بو خالد و الرجل أبد ما يقصر معاكم.
SouthK
14-12-2020, 08:22 AM
لا تتردد فيه بورسلان سمك كبير وحتى العادي لو تركب على بلاستر معمول زين ولاصق مناسب إنسى ينكسر .. الأطراف ركبها ستانلس ستيل أو أي نوع ستيل أو نحاس

اوجزت!
Nasserhamad
29-12-2020, 07:46 PM
حاضرين.

اذا ودك بعطيك رقم شركة تورد بورسلان ايطالي بديل الرخام بسعر ممتاز!

ايوالله اذا ممكن الرقم . جزاك الله خير
ولد المنصور
30-12-2020, 08:15 PM
انا اتعامل مع محل شوش للرخام من عشر سنوات وماعليهم ولا ملاحظه فووق الممتاز
مغاسل درج ارضيات ...
بوNasser
31-12-2020, 08:44 AM
ابرهيم و الجوكر تبشرون و الله .. شوفوا الخاص و قولوا انكم من طرف بو خالد و الرجل أبد ما يقصر معاكم.

لو سمحت ممكن الرقم الله يرحم والديك.
ALJokar
30-01-2021, 02:33 AM
وعليكم السلام ..

محل الامانه عندهم رخام ايطالي ..
فروعهم ( شارع المطار / طريق سلوى )
وبالتوفيق

للاسف والله يابعض المحلات رافعين اسعارهم وفرق بينهم وبين المحلات بفرق شاسع ماادري وش السبب
رحال
30-01-2021, 02:48 AM
محلات الرخام مبالغين بأسعارهم
روحو المصانع بالصناعية ارخص وافضل
sara jsm
30-01-2021, 07:47 PM
للاسف والله يابعض المحلات رافعين اسعارهم وفرق بينهم وبين المحلات بفرق شاسع ماادري وش السبب

لاحظت ان اغلب المحلات ارفعت اسعارها ويبون يعوضون خسارتهم في كورونا ..

:

محلات الرخام مبالغين بأسعارهم
روحو المصانع بالصناعية ارخص وافضل

رحت مصنع الرخام الذهبي وحطيت ايدي على راسي من فرق السعر والتنوع اللي موجود ..
واظن هو يورد حق اغلب المحلات الصغيرة ..
ALJokar
30-01-2021, 09:56 PM
بدون مبالغة من المحلات الي عطتني سعر وفرق سعرهم عن كذا محل وشطح الفرقية فوق وزود 100 الف والمشكلة ان بعد ماخذ المقاسات في الموقع هذا الي جنني في الموضوع وقاعد يمدح في سوشل ميديا ويعطي نصايح جزالله الله خير واخر شي جودة البضاعة عنده عادية وتركيبه نفس المحلات الاخرى نفس مايركبون الي مزعلني انه قطري ودي له الزود ع المحلات الي اغلبها من جنسيات عربية لكن سعره جدا غالي. اذا هو مارحمنا وما نافس ف سعره بسعر السوق او اكثر شي قليل وش نقول ع المحلات الاخرى ويلومنا التجار اذا رحنا ناخذ من برى والمشكلة اذا خذت راي المحلات يقعدون يحذرونك من انك تشتري من برى ويخوفنونك
Azizuk
30-01-2021, 11:17 PM
انا انصح بمحلات نابينا وكافود بالاول والمتحدة اللي يبي شوي غالي

نابينا عنده تنوع بالمواد والجوده والاسعار ممكن تحصل عنده من اسعار مناسبة جدا الى المتر ب 600 ريال

الحلو عند نابينا ان البضاعة متنوعه بشكل كبير واختلاف الجوده كلها ممتازة وراح تحتار في الاختيار من كثر ماكل نوع احلى من الثاني

في الامانه للديكور عنده بضاعة حلوه بس يعيبه شوي السعر غالي وكم مره اقول لهم ان اسعاركم شوي مرتفعه

على سبيل المثال متر البورسلان فل بدي بورسلان من 160 ريال الى 300 ريال

بعض المحلات تبيع عجينة البورسلان بنفس سعر الفل بدي بورسلان

بشكل عام مارح تحصل بورسلان فل بدي اقل من 120 ريال

اجود انواع البورسلان اسباني اسمه بيراندا جوده ومتانه وشكله راقي

جات فترة وكيله جلفاركو وبعدها اخذ وكالة الحطاب وحاليا ماعرف من وكيل بيراندا


https://peronda.com/en


هذا موقع الشركة اللي حاب يطلع على منتجاتهم


في شركة ايطاليه اسمها مرازي بعد جوده عاليه عندهم

https://www.marazzigroup.com/

وفِي شركة بعد ايطاليه وكيلهم المتحده اروستا

https://www.ariostea-high-tech.com/

انا واحد مقتنع بالبورسلان وافضله على الرخام
بوجبر
31-01-2021, 08:35 AM
ارتفاعات مفاجئة لمعظم مواد البناء والتشطيبات
الزجاجي
31-01-2021, 09:10 AM
ارتفاعات مفاجئة لمعظم مواد البناء والتشطيبات

الشحن بروحه زاد 3 اضعاف!