نصيحتكم ( موتر فورويل للعديد )

[اللوز]

السلام عليكم
بغيت اشتري موتر للعديد
شنو تنصحوني في موتر كاستخدام وما فيه مشاكل ويمشي في العديد
طبعا الموتر يكون مستعمل والسعر يكون اقل من 50 ألف ريال

[سعود.]

نيسان حوض vtc

[@north_star@]

jeep wrangler

[Rider]

نيسان الموديلات القديمة يعني 92 وانت طالع بس ضبطه وامورك طيبه

[اللوز]

بانتظار المزيد من الآراء

[لطيف الروح]

نصيحة لوجه الله
خذ لك موتر حالته ممتازه و لو تدفع شوي زيادة
افضل من موتر كل يوم و انت في الصناعية لتصليحه من الخربات

[ابو عبدالله.]

جمس قمارتين و ركيب عليه اغراض الرحلات شنطه عزبه و محول بطاريه لكهرباء و هالامور

بينفعك للعديد و غير العديد

بالتوفيق

[ولد المنصور]

يافتك جير عادي
او مثل ماقال اخوي سعود حوض نيسان ..

[gprs]

الجمس ممتاز
والنيسان الفتك الحوض

[اللوز]

شراييكم بالنيسان اكس تريل ؟

[سعود.]

مش قوى بالرمله

اتوقع انه فقط 4 سلندر

[راعي الكورفت]

شراييكم بالنيسان اكس تريل ؟

ماينفع للعديد لعدة اسباب الموترالموتر 4 سلندر و نوعيته كروس اوفر وليس دفع رباعي وشاصيه شاصي سيارات صالون unibody وفوق هذا مافيه دبل.

[عبد الله]

شراييكم بالنيسان اكس تريل ؟

:con2::con2::con2:

[مستر بن]

.
.
.


نصيحتي لك . .
خذ لك كروزر . . ب 50 الف
بيعزك وقطع الغيار والخرابات معروفه
لكن ابعد عن الباقي لان ب خمسين الف مابتحصل موتر جديد
والله يوفقك يارب . . .

[عاشق الدمعة]

وعليكم السلام ورحمة الله وبركاته ،،،
إخذ لك جيب رانجلر jeep مضبّط ومرفّع وجاهز (حسب نوع الموتر ) وتوكل على الله:nice::nice:

[البرونزي]

نصيحة غير مواتر فئة البيك اب لاتفكر
حداق وصيد سمك وريحة زفرة واغراض ومعدات طبخ وانارة الخخخخ
كلها هالمشاكل راح تتفاداها اذا كان موترك فئة البيك اب
من ناحيتي انصحك بالتاندرا ( باب وربع ) يكفي انها تويوتا