عيادات الاسنان الحكوميه لماذا لا نزال في العصر الحجري

[ابو عبدالله.]

السلام عليكم و رحمه الله

نتمنى ان يكون الموضوع هادف و ايجابي و يناقش موضوع عيادات الاسنان الحكوميه

لنبدأ بسؤال بسيط

هل سمعتم عن طوارئ للاسنان في قطر ؟

بمعنى آخر. هل وجد احد طبيب اسنان حكومي بحاله طوارئ او بعد المساء مثلا

مع اننا نملك مستشفى مخصص للاسنان و عيادات بالمستشفيات الحكوميه و مراكز الرعايه الاوليه و طوارئ مستشفى حمد

احب ان اقول انه لا يوجد طوارئ للاسنان حتى الان و المتوفر هو طبيب بطوارئ حمد لحالات كسر الفك للحوادث فقط و اتمنى التصحيح اذا معلوماتي غير محدثه

الاسئله تنساب بالتوالي

كم المده للعثور على موعد للاسنان ؟

مع وجود هذا العدد الضخم من عيادات رميله و مراكز الرعايه الاوليه و كل عياده بها اكثر من طبيب و طبيبين و ثلاثه

زرع سن او تاج و بعض انواع العلاجات غير متوفر بعيادات الرعايه الاوليه بحسب علمي

مكتفيه بالتنظيف و الحشوات و نزع العصب و الامور البسيطه

شهور و سنوات لعلاج سن او زرع لا يأخذ سوى ربع ساعه بالقطاع الخاص و مرات تدخل و تزرع سن بنفس الوقت خلال ربع ساعه

زرع ثلاث اسنان بمركز خاص كلف اكثر من 10 الاف خلال 40 دقيقه و بالصحه و العافيه


تخيل لو حاولت ان تزرع سن بعياده حكوميه متى سيأتي دورك

هل سمع احد عن توعيه للاسنان حتى لو كان محظوظ و عالج بعياده حكوميه

هل مستوى علاج الاسنان الحكومي بالمستوى الذي نحتاجه فعلا

ماذا لو تم رفع عدد الاطباء بمقدار 8 اضافيين بالعيادات التخصصيه هل ستصل مده المواعيد الى شهور


نتمنى ان تقام دراسه عن تطوير علاج الاسنان الحكومي لانها قضيه منذ عقود و سأترك للاعضاء ابداء الرأي و نقاش جاد

[معماري قطري]

خلنا نخلص من بنيان الدول الفقيرة وبنتفرغ نعين 8 أطباء

تدري انا طلبت موعد مع التركيبات من ثلاث أو أربع سنين للحين محد كلمني لكن علاج اللثة ما قصروا فيه ومتطورين ومواعيدي كل ثلاث شهور .. المراكز الصحية فيها طبيب أسنان عام وحصلت شيبة سوري مجتهد ويده خفيفة وموعده ثاني يوم وحتى لو وضع طاريء يشوف الحالة في وقتها

المفروض في كل مركز صحي عيادة أسنان .. ما يقدرون ما عندهم سعة يسوون دور ثاني والا دور ثالث والا حتى عاشر شخسرانين

[معماري قطري]

آخر مرة حط لي الدكتور مادة تحمي الأسنان واللثة لمدة ست شهور بس تخليها في الفم لمدة ربع ساعة بعدين أقدر أغسل لكن بعدها تحس إن أسنانك غير واللثة كذلك

[sara jsm]

زمان اول اتذكر في الثمانينات يودون الطلاب بشكل دوري للصحة المدرسية عشان يشيكون على اسنانهم ..
ومرات يجيبون الاطباء نفسهم في مدارسنا ( في التسعينات ) ويشيكون وعقب يحولون اللي يحتاج لعيادة الصحة المدرسية ..
كانوا يسون حملات بشكل دوري او حتى سنوي للاسنان ..
لكن الحين يمكن مع زيادة اعداد الناس فمب ملحقين ..

انا دايما اشكر ربي ان افتحوا عيادات خاصة ..
خاصة للاسنان والحمدلله صار عندنا طواري للاسنان في عيادة ( الخراشي ونسيم الربيع )
وان شاءالله مستقبلا يكون لهم خطة لعيادات رميلة والمواعيد ..

[مرتبش]

الاهتمام غير مقبول
مواعيد رميلة تتاخر بالشهور وعيادات الصحة المدرسية مضغوطة تروح تاخذ موعد يقولون لك تعال بداية الشهر نفتح التسجيل.. تروح اول الشهر كل الدنيا هناك يبون مواعيد ابي اعرف الحكمة من تعال اول الشهر السالفة كلها كمبيوتر ليش اتعب الناس الا تعالو وروحو .
بعدين وين الجانب التوعوي غير موجود.. وين المتابعة ؟ مافي ..علاج الاسنان في المراكز طواري فقط لو الدكتور يشوف اللثة تعبانة وكم سن مسوس تشوفه يعالج لك بس اللي تشتكي منه ولايهتم بالباقي

[ابو عبدالله.]

خلنا نخلص من بنيان الدول الفقيرة وبنتفرغ نعين 8 أطباء

تدري انا طلبت موعد مع التركيبات من ثلاث أو أربع سنين للحين محد كلمني لكن علاج اللثة ما قصروا فيه ومتطورين ومواعيدي كل ثلاث شهور .. المراكز الصحية فيها طبيب أسنان عام وحصلت شيبة سوري مجتهد ويده خفيفة وموعده ثاني يوم وحتى لو وضع طاريء يشوف الحالة في وقتها

المفروض في كل مركز صحي عيادة أسنان .. ما يقدرون ما عندهم سعة يسوون دور ثاني والا دور ثالث والا حتى عاشر شخسرانين

من كم سنه حجزت موعد للاهل و طافت اربع سنوات ولما زرت رميله ابي اعرف كيف موعد ياخذ اربع سنوات

اكتشفت ان كل حجوزات المواعيد الغيت بسبب تغيير نظام المواعيد

قريبه لي و كبيره سن طلبت موعد و انتظرت شهور ولما راحت موعدها لقت الطبيبه طالعه اجازه و حولوها لطبيب غير مختص في العلاج الي طالبته فما عالجها و حولها لطبيب آخر

العلاج اصبح لعبه روليت ما تعرف وين يطيح حظك و مع من بيعالجك

سؤال اخوي معماري
هل تشوف ان كل موعد بعد ثلاث شهور شيء عادي ؟

لو قلنا ان اللثه تحتاج هالفتره للمتابعه. فهل كل مواعيد الناس تستاهل شهور للحصول عليها ؟

على فكره. بكل مركز صحي توجد عياده اسنان لكن هل بتدخل طوارئ بأي وقت ولا تنتظر لين يخلص اصحاب المواعيد الي ايضا انتظروا مده طويله عشان هالموعد

ايضا هناك وضع لا يعجبني

تقدر كقطري تروح تتعالج بأي مركز صحي بقطر . الا بعياده الاسنان لازم بمركزك الي قريب منك مش اي مركز آخر

[ابو عبدالله.]

زمان اول اتذكر في الثمانينات يودون الطلاب بشكل دوري للصحة المدرسية عشان يشيكون على اسنانهم ..
ومرات يجيبون الاطباء نفسهم في مدارسنا ( في التسعينات ) ويشيكون وعقب يحولون اللي يحتاج لعيادة الصحة المدرسية ..
كانوا يسون حملات بشكل دوري او حتى سنوي للاسنان ..
لكن الحين يمكن مع زيادة اعداد الناس فمب ملحقين ..

انا دايما اشكر ربي ان افتحوا عيادات خاصة ..
خاصة للاسنان والحمدلله صار عندنا طواري للاسنان في عيادة ( الخراشي ونسيم الربيع )
وان شاءالله مستقبلا يكون لهم خطة لعيادات رميلة والمواعيد ..


مراحب ساره

اذكر الصحه المدرسيه وخدمتنا كثير

لكن ازدياد السكان لا يعني انخفاض جوده العلاج او التوعيه المفروض رفع مستوى الخدمات لتواكب الحداثه و عدد السكان وكلنا نعرف الامراض الي تصير بسبب قله علاج الاسنان او صعوبه مواعيد العلاج

والله نتمنى تطور عيادات الحكومه ولو نص تطور القطاع الخاص

انا دفعت عشره الاف لزراعه ثلاث اسنان اخذتها بكج و خصم خاص و المفروض كل سن بعيادات خاصه اخرى لكل سن 9 الاف ريال

لو رحت لعياده حكوميه كم سنه عشان احصل مواعيد و زراعه ثلاث براغي و مواعيد تركيب التيجان الخ

مره رحت عياده حكوميه و سألت عن تركيب سن قالوا لي ما نركب السن الي قبل ضرس العقل مع انه مخلوع سابقا. يعني في مسافه كبيره خاليه

ليش ما تزرعونه يقولون مش ضروري فقط الاسنان الضروريه

حسيت نفسي مش في دوله متطوره هذا ضرس مهم و حتى شكليا غلط

المهم اني دفعت و ارتحت وكل اسناني كشخه :)

حاليا ولله الحمد. جهه العمل تتكفل بالعلاج و خلال سنه سويت خمس مواعيد من تنظيف و تلميع و بولش و سمكره و تاج الى آخره

الي ضايقني. ان قريبه لي وكبيره سن تعاني مسئله المواعيد للاسنان و تذكرت الي صار معاي زمان فحبيت اكتب عن الموضوع لعل و عسى تتطور الامور للافضل

لا ننكر ان هناك جيش يخدم العيادات الحكوميه و اطباء جيدين لكن. المواعيد و اجازات الاطباء او عددهم يحتاج تطوير و رفع كفاءه

[ابو عبدالله.]

الاهتمام غير مقبول
مواعيد رميلة تتاخر بالشهور وعيادات الصحة المدرسية مضغوطة تروح تاخذ موعد يقولون لك تعال بداية الشهر نفتح التسجيل.. تروح اول الشهر كل الدنيا هناك يبون مواعيد ابي اعرف الحكمة من تعال اول الشهر السالفة كلها كمبيوتر ليش اتعب الناس الا تعالو وروحو .
بعدين وين الجانب التوعوي غير موجود.. وين المتابعة ؟ مافي ..علاج الاسنان في المراكز طواري فقط لو الدكتور يشوف اللثة تعبانة وكم سن مسوس تشوفه يعالج لك بس اللي تشتكي منه ولايهتم بالباقي

يا هلا اخوي مرتبش

اتفق معاك. الاهتمام غير مقبول

مواعيد بالشهور هذا اذا لم تلغى او تفاجئ بان الطبيب فياجازه و تعيد جدوله مواعيدك

اما سالفه تعال اول الشهر اول مره اسمعها و اعتبرها اضافه مهمه للموضوع

عن التوعيه ما شفت اي توعيه بالاعلام او السوشل ميديا

شفت انواع اخرى من توعيه سرطان الصدر او القلب الخ. لكن الاسنان ما شفت

اخر توعيه كانت في برنامج افتح يا سمسم لما كنا صغار. هذا الي اذكره :)

اخوي قلت ان الطوارئ في المراكز اذا اللثه تعابنه وكم سن مسوس

بعلمك بموقف صار لي

اكثر من مره ارسل خادمه للمركز و طوارئ اسنان. وكل مره ما يدخلونها للطبيب

مره ثالوا لها الطبيب محد

و مره قالوا للخادمه الثانيه ما ندخل طوارئ الا قبل المواعيد من الصبح. روحي و تعالي بكره الصبح بدري

الغريب ان الي ما يدخلهم للطبيب هم الممرضات او الاستقبال

مع ان قانون الصحه لا يعطي الحق لتحديد حالات الطوارئ الا للطبيب يعني لازم الطبيب يشوف وهو يحدد اذا طارئه او لا

اكثر من مره اروح و احاجج الممرضات و الاستقبال و اقول لهم انتوا خالفتهم قانون الصحه و منعتوا الدخول للطبيب بدون صلاحيه

بس اقول هالكلام. تتفتح ابواب الاطباء للخادمه و تتعالج بلحظتها

حتى حالات الطوارئ تعاني فيها اذا ما تعرف حقك

[معماري قطري]

زمان اول اتذكر في الثمانينات يودون الطلاب بشكل دوري للصحة المدرسية عشان يشيكون على اسنانهم ..
ومرات يجيبون الاطباء نفسهم في مدارسنا ( في التسعينات ) ويشيكون وعقب يحولون اللي يحتاج لعيادة الصحة المدرسية ..
كانوا يسون حملات بشكل دوري او حتى سنوي للاسنان ..
لكن الحين يمكن مع زيادة اعداد الناس فمب ملحقين ..

انا دايما اشكر ربي ان افتحوا عيادات خاصة ..
خاصة للاسنان والحمدلله صار عندنا طواري للاسنان في عيادة ( الخراشي ونسيم الربيع )
وان شاءالله مستقبلا يكون لهم خطة لعيادات رميلة والمواعيد ..


فلوسج وايد انا معتمد على الحكومي

[معماري قطري]

من كم سنه حجزت موعد للاهل و طافت اربع سنوات ولما زرت رميله ابي اعرف كيف موعد ياخذ اربع سنوات

اكتشفت ان كل حجوزات المواعيد الغيت بسبب تغيير نظام المواعيد

قريبه لي و كبيره سن طلبت موعد و انتظرت شهور ولما راحت موعدها لقت الطبيبه طالعه اجازه و حولوها لطبيب غير مختص في العلاج الي طالبته فما عالجها و حولها لطبيب آخر

العلاج اصبح لعبه روليت ما تعرف وين يطيح حظك و مع من بيعالجك

سؤال اخوي معماري
هل تشوف ان كل موعد بعد ثلاث شهور شيء عادي ؟

لو قلنا ان اللثه تحتاج هالفتره للمتابعه. فهل كل مواعيد الناس تستاهل شهور للحصول عليها ؟

على فكره. بكل مركز صحي توجد عياده اسنان لكن هل بتدخل طوارئ بأي وقت ولا تنتظر لين يخلص اصحاب المواعيد الي ايضا انتظروا مده طويله عشان هالموعد

ايضا هناك وضع لا يعجبني

تقدر كقطري تروح تتعالج بأي مركز صحي بقطر . الا بعياده الاسنان لازم بمركزك الي قريب منك مش اي مركز آخر

توني اعرف هذا الشيء وما جربت علاج المركز الا مرة أما خاص أو عيادة الجيش قبل وكانوا زوينين .. ألحين كل شيء الكتروني المفروض علاج المواطن وحتى المقيم في أي مكان لكن ضروري يعينون طبيب خاص لعلاج المواطنين وضروري طبيب أو طبيبة لعلاج الأطفال

عن سؤالك عن فترة علاج اللثة هي في العادة ست شهور بس بسبب السكري كل ثلاث شهور وكافية وأعالج عند دكتورة قطرية قمة الطيب والتفاني في شغلها

[معماري قطري]

زمان اول اتذكر في الثمانينات يودون الطلاب بشكل دوري للصحة المدرسية عشان يشيكون على اسنانهم ..
ومرات يجيبون الاطباء نفسهم في مدارسنا ( في التسعينات ) ويشيكون وعقب يحولون اللي يحتاج لعيادة الصحة المدرسية ..
كانوا يسون حملات بشكل دوري او حتى سنوي للاسنان ..
لكن الحين يمكن مع زيادة اعداد الناس فمب ملحقين ..

انا دايما اشكر ربي ان افتحوا عيادات خاصة ..
خاصة للاسنان والحمدلله صار عندنا طواري للاسنان في عيادة ( الخراشي ونسيم الربيع )
وان شاءالله مستقبلا يكون لهم خطة لعيادات رميلة والمواعيد ..


ذكرتيني بأول فرق في كل شيء

المفروض مع زيادة الناس تزيد هذي الخدمات وتتطور

[بوخميس]

السالفة ما تسوى الانتظار

ألم الاسنان جدا متعب ويأثر في كل شيء فما اظن حد يتحمله

انا عن نفسي زبون عند مراكز الربيع في المنتزة، على طول ادخل ما انطر حد

والعلاجات سعرها مقبول، الحشوات بين (300-400) ريـال، والعصب بين (800-1200) ريـال.

[سالم الزهران]

سبب أي قصور في الخدمة هو تراجع المستفيد عن تصعيد الشكوى، احياناََ يقوم المدير بطلب توفير أجهزة أو فتح عيادة الخ.. لكن المسألة تتوقف في مستويات أعلى. لذلك مدير العيادة / المستشفى محبط والمراجع متذمر رغم أن الحل في الشكوى لأنها تكشف المسؤول عن التقصير.

[sara jsm]

فلوسج وايد انا معتمد على الحكومي

والله كنت باعلق عليك امس بس مسكت نفسي .. :nea::nea:
الحين انت المليونير وناطر مواعيد بالشهور !!! عيل الفقاره شيسون !!
محد خرب عليهم غيركم انتو ياعبده الدرهم والدينار :happy:

تعال باوديك تعالج على حسابي بلا مذله شهور وانت ناطر ..
وخل عنك سالفه دكتورة قطريه وطيبه .. اللي يقول دافع لها شي من جيبك :tease:

[سالم الزهران]

والله كنت باعلق عليك امس بس مسكت نفسي .. :nea::nea:
الحين انت المليونير وناطر مواعيد بالشهور !!! عيل الفقاره شيسون !!
محد خرب عليهم غيركم انتو ياعبده الدرهم والدينار :happy:

تعال باوديك تعالج على حسابي بلا مذله شهور وانت ناطر ..
وخل عنك سالفه دكتورة قطريه وطيبه .. اللي يقول دافع لها شي من جيبك :tease:

هههههه مواعيد اخونا معماري روتينية وهو مستعد انها تكون في فترة شهر وشهرين وثلاث.. وايضاََ ابو عبدالله من النوع اللي يحب يجرب الخدمات الجديدة اللي تفتح. فهذا هو الموضوع يا اخت ساره.. وانا اشوف انا مشاركتي هذي مب في صلب الموضوع لكن بدا لي اكتبها وبالنسبة للعلاج المدفوع والتجاري فاصبح متوفر وسعره مقبول داخل البلاد وبرع، لكن نحتاج زيارة وتقييم الناس اللي يقدرون يصبرون على الحكومي ويتابعون مستواه وما نعذرهم لو شافوا تقصير وسكتوا وما حد بياخذ مكن احد في العلاج.

[sara jsm]

على فكرة اخوي سالم عيادة الاسنان عندنا في الحكومي اغلبه ممتاز ..
نادر ماتشوف مركز صحي فيه اطباء غير اكفاء خاصه في الاسنان ..
لكن المثل يقول ( لا هم مثل هم العرس ولا وجع مثل وجع الضرس ) ..
فالواحد يشتري راحته خاصه ان عندنا عيادات خاصه على مستوى عالي وبلا هم وبلا وجع ..

[معماري قطري]

هههههه مواعيد اخونا معماري روتينية وهو مستعد انها تكون في فترة شهر وشهرين وثلاث.. وايضاََ ابو عبدالله من النوع اللي يحب يجرب الخدمات الجديدة اللي تفتح. فهذا هو الموضوع يا اخت ساره.. وانا اشوف انا مشاركتي هذي مب في صلب الموضوع لكن بدا لي اكتبها وبالنسبة للعلاج المدفوع والتجاري فاصبح متوفر وسعره مقبول داخل البلاد وبرع، لكن نحتاج زيارة وتقييم الناس اللي يقدرون يصبرون على الحكومي ويتابعون مستواه وما نعذرهم لو شافوا تقصير وسكتوا وما حد بياخذ مكن احد في العلاج.

يا اخوي سارة كله تحب تنسرق وانا حذر وأهم شيء ما تنسرق صحتي من مراكز جمع الفلوس المنتشرة حولنا .. بيت صغير في العزيزية باعوه ملاكه ب 22 مليون ريال على مستثمر ناوي يحوله عيادة لو مب ضامن ناس تنحلب هشكل ما دفع هالمبلغ فيه لا وعلى تقاطع اشارات يعني حده عيادات بس عيادات .. بعدين العيادات الحكومية ما يلفون ويدورون

[معماري قطري]

على فكرة اخوي سالم عيادة الاسنان عندنا في الحكومي اغلبه ممتاز ..
نادر ماتشوف مركز صحي فيه اطباء غير اكفاء خاصه في الاسنان ..
لكن المثل يقول ( لا هم مثل هم العرس ولا وجع مثل وجع الضرس ) ..
فالواحد يشتري راحته خاصه ان عندنا عيادات خاصه على مستوى عالي وبلا هم وبلا وجع ..

أكيد لو احتجت باروح ولا بمنتظر الوجع يتعبني بس العناية الدورية ضرورية ولو فيه شيء ينتظر ناخذ له موعد ونلتزم بالحضور

عشت سنين كنت اعالج عند طبيب شيبة كان لواء في الجيش المصري وتقاعد علاجه يضغط على اللثة بيده تدليك .. علاج غريب عمري ما شفته وبعدين لازم بابرة تخدير وشيء مزعج وفي عيادة الجيش نفس الشيء .. أخصائي واحد هو المختص باللثة يفتحونها لجذور السن ويومها أمر برعب كبير لين تعرفت على عيادات رميلة بسبب توقيف علاج اللثة في عيادات الجيش لسبب سفر المختص .. هذا احنا نتعكز على عكاز واحد ومكسور .. المهم طلبت تحويل لرميلة لأن واحد قال لي عن تجربته هناك وشفت الفرق بعيني

[معماري قطري]

اللثة وتآكل عظمة الفك الحاملة للأسنان من تأثيرات عدم انتظام السكر ونصيحة الدكاترة وتحذيراتهم ولعت الانذار الأحمر عندي .. التآكل يخلي الزراعة مستحيلة أوقات واللثة تسبب حتى سقوط الأسنان

[ابو عبدالله.]

ليش دائما نتكلم عن البحث على الراحه و سرعه الخدمه و ندفع بالاخير

الحين مش علاج الاسنان الحكومي يكلف الدوله عشرات الملايين اذا مش مئات من رواتب و مباني و تشغيل و رخص طبيه و ادويه و موظفين و خبراء و مدراء اداريين الخ

يعني الدوله تدفع واحنا ندفع

عيل من الي يستفيد من العلاج الحكومي ؟

و ليش فاتحينه اصلا

مش آن الاوان نفتح مراكز للاسنان غير رميله نسوي لها فروع متخصصه بمراكز الشفاء الحكومي. هالمراكز مساحاتها كبيره و ارضها ضخمه. نحط مبنى دورين فيه عشر غرف للاسنان. حتى بيخدم لما بعد 2030 و ازدياد السكان مستقبلا

دفعني جزء من التكلفه انا راضي بس عطني علاج بوقت مقبول
ولا تدفعني لزراعه سن 9 الاف و 7 الاف بالقطاع الخاص

سرطان الصدر سوو له عيادات متخصصه بفروع مراكز الشفاء مثل مركز روضه الخيل
مش امراض اللثه و الاسنان نسبتها اكبر من سرطان الصدر و اهم لتطوير عياداتها

كل ما اكلم حد عن الاسنان يقول اروح للخاص و افك عمري صارت الرواتب مش للادخار و تطوير الدخل و الاستثمار في تعليم الابناء. صارت للعلاج بالخاص

[ماجد البدر]

المراكز الصحية فيها عيادة اسنان للحالات العادية واذا تعقد الموضوع يتم عمل تحويل لمستشفى رميلة والمعدات و الاطباء متطورين جدا ويعيبهم المواعيد وخاصة اول موعد ثم بحسب الحاله وما تستدعي ينظم لك المواعيد او يفترض يكون بهذه الطريقة

بالنسبة الى طبيب اسنان لحالات الطوارى اتوقع مافي غير قيم الطوارئ العالم في مستشفى حمد و الوكرة

المطلوب تسريع المواعيد بشكل جدي لكل الحالات و الطارئة و العادية لطب الاسنان

[sara jsm]

سرطان الصدر سوو له عيادات متخصصه بفروع مراكز الشفاء مثل مركز روضه الخيل
مش امراض اللثه و الاسنان نسبتها اكبر من سرطان الصدر و اهم لتطوير عياداتها


اكيد مو من صجك تقارن السرطان بالاسنان !!؟
ترى في النهايه اياً كان الالم عندك في اسنانك او لثتك تقدر تاخذ بروفين من الصيدليه ويسكن لك الالم لين تحصل موعد في المركز الصحي ..

[ابو عبدالله.]

صباح الفل

ههههه شدعوه بكون اقصد هذا

لا طبعآ

قصدت ان هناك توعيه صحيه في اكثر من شي. الا الاسنان

هذه احد النقاط كقصور او سلبيه برأيي في مجال علاج الاسنان عندنا

و فاتحين عياده متخصصه لسرطان الصدر

و الاسنان تحتاج عيادات متخصصه في مراكز الشفاء

خصوصا ان عدد المحتاجين لخدمات الاسنان اكثر من محتاجي سرطان الصدر او الكشف المبكر

[ابو عبدالله.]

المراكز الصحية فيها عيادة اسنان للحالات العادية واذا تعقد الموضوع يتم عمل تحويل لمستشفى رميلة والمعدات و الاطباء متطورين جدا ويعيبهم المواعيد وخاصة اول موعد ثم بحسب الحاله وما تستدعي ينظم لك المواعيد او يفترض يكون بهذه الطريقة

بالنسبة الى طبيب اسنان لحالات الطوارى اتوقع مافي غير قيم الطوارئ العالم في مستشفى حمد و الوكرة

المطلوب تسريع المواعيد بشكل جدي لكل الحالات و الطارئة و العادية لطب الاسنان

مرحبا اخوي ماجد

اسمح لي اغير شوي في السيناريو الذي تقوله

المراكز فيها عيادات لكن حتى لو حالتك عاديه يبي لك فتره مش بسيطه لموعد و بقول شهر على اقل تقدير. واذا الطبيب في اجازه سيعاد جدوله موعدك

التحويل الى رميله عبر المراكز و رميله يرفضون اعطائك موعد لو تروح دايركت لهم. لازم عبر المركز الصحي

مادري ليش هل هي توفير لوقت اطباء رميله. و. بالنهايه طبيب رميله بيعيد الكشف عليك و تقييم الاسنان. يعني زيارتك للمركز الطبي ما كانت مهمه فعلا فقط ضمان انك وصلت رميله و عندك مشكله اسنان فعليه
هل انا بروح رميله اتغشمر مثلا. اكيد ابي زراعه او تاج. الخ

ثاني نقطه. نعم الاطباء و المعدات بمستوى ممتاز. لكن هل فعلا بتشوف طبيب او بتستفيد من المعدات

ولا بتنتظر شهور و شهور

اولا تزور رميله و تعطيهم التحويل و تنتظر اتصال لتحديد موعد للطبيب

الاتصال بيجيك بعد فتره. يا ايام يا اسابيع

الموعد بيجيك بعد شهور كأول موعد و طبعا اول موعد. فحوصات و كشف لتحديد المشكله الفعليه
بعدها موعد لاول جلسه علاج و طبعا بعد فتره مش بسيطه

و بين موعد و موعد اسابيع او شهور

هذا اذا انت محظوظ وكل شيء مشى مثل ما نقول

اذا غير محظوظ بتحضر مواعيد و تكتشف ان الطبيب في اجازه او دوره او او او

اما تتحول على طبيب آخر ما يعرف مشكلتك او غير مختص بعلاجها و بيعيد تحويلك لطبيبك الاول يعني تأجل الموعد الي كنت تنتظره فتره

نتفق ان علاجهم زين لكن ممكن المراجع يموت قبل لا يخلص علاجه —- طبعا اتغشمر
لكن نظريا زراعه سن ممكن تتجاوز سنه و اكثر فما بالك بزراعه اثنين او ثلاثه مثلا

بعلمك بنقطه اخرى

من زمان زرتهم فقط اسأل
تركيب سن قبل سن العقل قال لي طبيب ما نركب سن خلفي لانه غير ضروري. معان سنالعقل خلعته قبل و ضل فراغ كبير بسبب سقوط السن الي قبله

بضل طول عمري كل ما افتح فمي يبين فراغ بهذا الحجم

هذا الكلام في رميله و تعليق شخصي من طبيب بنقول و لسن واحد فقط

لكن تعال للخاص وشوف فرق الخدمه و المواعيد و العلاج

السبت زرت الخاص يوم الاثنين ركب لي ثلاث براغي زراعه خلال 40 دقيقه و خلال اربع اشهر و نص ركب لي الاسنان الالمانيه الي عليها ضمان

ثلاثه اسنان غيرت و حسنت شكل الفك للابد و جوده حياه افضل لي كشكل و راحه نفسيه و سرعه علاج و حتى بالاكل ارتحت حتى توعيه كيف تفرش اسنانك و تنظفها و تعتني بها اذا انت ناسي افضل الطرق بيعلمك

لو اني ما قدرت ادفع القيمه و اضطريت اروح رميله كم سنه بضل بمواعيد قد تتغير بحسب اجازات الطبيب او امور اخرى و الفتره بين موعد و اخر لثلاث زرعات

بطول عليك شوي

انا غيرت جهه عملي من سنه تقريبا

و جهتي الجديده عندهم علاج الاسنان بدأت من شهرين او ثلاثه معاهم و الحين مخلص تنظيف و تغيير حشوات و تركيب تاج و قريبا بركب تاج ثاني
هذه تركب لاي سن منزوع العصب كحمايه طويله للسن

ليش كل مكان غير الحكومي نرتاح بمواعيده و نخلص و نتعالج و نلقى توصيات صحيه
التاجين ما كنت اعرف اني احتاجهم لان السنين بحشوات دائمه لكن الطبيب قال خلني اسوي تاجين عشان تدوم العمر كله

حد بالحكومي بيقول لك سو الافضل لكل الاسنان ولا بس بيعالج الي تحتاجه و بس

طيب انا الله وفقني و لقيت العلاج لكل شي احتاجه. و الناس الي مب في جهه عمل توفر علاج او رواتبهم لا تسمح بالخاص و المتقاعدين و كبار السن

في حالات ما يعلم فيها الا الله لكن تنفر من مواعيد و عراقيل العلاج الحكوميو لسنوات

لازم الواحد يقول آي يا ضرسي عشان يفكر يدخل افعوانيه علاج الاسنان يا حكومي يا خاص مكلف

احنا و لله الحمد عندنا مليارات تنفق على الصحه و مستشفيات و مراكز كثيره و تخصصات و معدات تنعد من افضل الدول

ايش ناقصنا عشان نحط علاج الاسنان و مواعيده و انتشاره بشكل افضل و يلبي حاجات المجتمع

[سالم الزهران]

انا اذا سمحتوا لي بعد بضيف ملاحظة، الزحمة يا اخوان نصف سببها اداري، يعني الطبيب نفسه ما وده يستقبل كثير من المرضى لانهم ما يستاهل انهم يكررون حجز موعد متابعة. لكن الطبيب يخاف يرد المريض.. والتنسيق والثقة ما بين الطبيب والمدير الطبي والاداري شبه مفقوده.

يعني بتحصلون كثير مراجعين مب مضطرين للعلاج وللدخول للطبيب ومع ذلك يشتكي من الاسنان ويحجز موعد ويزاحم غيره اللي لهم متابعة وحالتهم حرجة.

فيه نسبة كبيرة من المراجعين وخصوصاََ النساء يراجعون بدون هدف، واللي اشتغل في المجال الطبي يعرف قصدي.
فهل كل الحالات في الاسنان تستدعي انك تصل للطبيب الاخصائي وتواصل مواعيد؟ غير صحيح بالمرة

[سالم الزهران]

قد يتساءل البعض ويقول يعني أحد بيروح للعيادة وهو مب مريض! اقول لك وبكل ثقة (نعم). واعرف ناس يسألون بعضهم (ها مريت على الطبيب الفلاني..) تعال فيه غيره يمدحونه فلان مسوي ضرس عنده!

[ابو عبدالله.]

صبحكم الله بالخير

فرحنا بأخبار امس و اليوم

خبر الامس عن الاعداد لفتح عيادات الاسنان بالمراكز الصحيه

و خبر اليوم عن قرب اطلاق حمله توعيه للاسنان على مستوى الدوله عبر شبكات التواصل و غيرها

مجهود يشكرون عليه بأعادة فتح العيادات و سرد الخدمات المقدمه عبرها

و محله التوعيه متزامنه مع فتح العيادات

كل ما ينقصنا هو تنظيم افضل لعيادات الجراحه و الزرع و خفض شهور الانتظار و زياده عدد الاطباء او فتح افرع لرميله

او رفع مستوى العيادات بالمراكز لتقديم خدمات الزراعه و الجراحه و الحالات المحصوره في رميله

اتمنى ان نجد دخول الحالات الطارئه برؤيه الطبيب و ليس تحديد الحالات عبر الممرضات او المنع من قبل الاستقبال لانها حالات تكررت مع اثنتين من الخدم عندي

مع علمي ان قانون ترخيص الممارسين المهنيين لا يعطي الحق بتحديد الحالات الطارئه الا للطبيب فقط


سواء انتقدنا اوضاع او طالبنا بتطوير معين فهذا لا يعني نكران كل الجهود و الانجازات و العمل الدئوب من قبل الجهات المختصه و طاقم الممارسين و خدماتهم الجليله للمجتمع

[معماري قطري]

مرحبا اخوي ماجد

اسمح لي اغير شوي في السيناريو الذي تقوله

المراكز فيها عيادات لكن حتى لو حالتك عاديه يبي لك فتره مش بسيطه لموعد و بقول شهر على اقل تقدير. واذا الطبيب في اجازه سيعاد جدوله موعدك

التحويل الى رميله عبر المراكز و رميله يرفضون اعطائك موعد لو تروح دايركت لهم. لازم عبر المركز الصحي

مادري ليش هل هي توفير لوقت اطباء رميله. و. بالنهايه طبيب رميله بيعيد الكشف عليك و تقييم الاسنان. يعني زيارتك للمركز الطبي ما كانت مهمه فعلا فقط ضمان انك وصلت رميله و عندك مشكله اسنان فعليه
هل انا بروح رميله اتغشمر مثلا. اكيد ابي زراعه او تاج. الخ

ثاني نقطه. نعم الاطباء و المعدات بمستوى ممتاز. لكن هل فعلا بتشوف طبيب او بتستفيد من المعدات

ولا بتنتظر شهور و شهور

اولا تزور رميله و تعطيهم التحويل و تنتظر اتصال لتحديد موعد للطبيب

الاتصال بيجيك بعد فتره. يا ايام يا اسابيع

الموعد بيجيك بعد شهور كأول موعد و طبعا اول موعد. فحوصات و كشف لتحديد المشكله الفعليه
بعدها موعد لاول جلسه علاج و طبعا بعد فتره مش بسيطه

و بين موعد و موعد اسابيع او شهور

هذا اذا انت محظوظ وكل شيء مشى مثل ما نقول

اذا غير محظوظ بتحضر مواعيد و تكتشف ان الطبيب في اجازه او دوره او او او

اما تتحول على طبيب آخر ما يعرف مشكلتك او غير مختص بعلاجها و بيعيد تحويلك لطبيبك الاول يعني تأجل الموعد الي كنت تنتظره فتره

نتفق ان علاجهم زين لكن ممكن المراجع يموت قبل لا يخلص علاجه —- طبعا اتغشمر
لكن نظريا زراعه سن ممكن تتجاوز سنه و اكثر فما بالك بزراعه اثنين او ثلاثه مثلا

بعلمك بنقطه اخرى

من زمان زرتهم فقط اسأل
تركيب سن قبل سن العقل قال لي طبيب ما نركب سن خلفي لانه غير ضروري. معان سنالعقل خلعته قبل و ضل فراغ كبير بسبب سقوط السن الي قبله

بضل طول عمري كل ما افتح فمي يبين فراغ بهذا الحجم

هذا الكلام في رميله و تعليق شخصي من طبيب بنقول و لسن واحد فقط

لكن تعال للخاص وشوف فرق الخدمه و المواعيد و العلاج

السبت زرت الخاص يوم الاثنين ركب لي ثلاث براغي زراعه خلال 40 دقيقه و خلال اربع اشهر و نص ركب لي الاسنان الالمانيه الي عليها ضمان

ثلاثه اسنان غيرت و حسنت شكل الفك للابد و جوده حياه افضل لي كشكل و راحه نفسيه و سرعه علاج و حتى بالاكل ارتحت حتى توعيه كيف تفرش اسنانك و تنظفها و تعتني بها اذا انت ناسي افضل الطرق بيعلمك

لو اني ما قدرت ادفع القيمه و اضطريت اروح رميله كم سنه بضل بمواعيد قد تتغير بحسب اجازات الطبيب او امور اخرى و الفتره بين موعد و اخر لثلاث زرعات

بطول عليك شوي

انا غيرت جهه عملي من سنه تقريبا

و جهتي الجديده عندهم علاج الاسنان بدأت من شهرين او ثلاثه معاهم و الحين مخلص تنظيف و تغيير حشوات و تركيب تاج و قريبا بركب تاج ثاني
هذه تركب لاي سن منزوع العصب كحمايه طويله للسن

ليش كل مكان غير الحكومي نرتاح بمواعيده و نخلص و نتعالج و نلقى توصيات صحيه
التاجين ما كنت اعرف اني احتاجهم لان السنين بحشوات دائمه لكن الطبيب قال خلني اسوي تاجين عشان تدوم العمر كله

حد بالحكومي بيقول لك سو الافضل لكل الاسنان ولا بس بيعالج الي تحتاجه و بس

طيب انا الله وفقني و لقيت العلاج لكل شي احتاجه. و الناس الي مب في جهه عمل توفر علاج او رواتبهم لا تسمح بالخاص و المتقاعدين و كبار السن

في حالات ما يعلم فيها الا الله لكن تنفر من مواعيد و عراقيل العلاج الحكوميو لسنوات

لازم الواحد يقول آي يا ضرسي عشان يفكر يدخل افعوانيه علاج الاسنان يا حكومي يا خاص مكلف

احنا و لله الحمد عندنا مليارات تنفق على الصحه و مستشفيات و مراكز كثيره و تخصصات و معدات تنعد من افضل الدول

ايش ناقصنا عشان نحط علاج الاسنان و مواعيده و انتشاره بشكل افضل و يلبي حاجات المجتمع

تجربتي مع مركز العسيري كانت موفقة رحت وطلبت تحويل لرميلة لعلاج اللثة وكانت عندي مواعيد قبل بس ما ادري ليش قطعوها .. المهم قلت ابي فحص وتنظيف قالوا خذ موعد .. تخيلت بيعطوني موعد بعد فترة بس عطوني ثاني يوم ووقت مناسب ويوم رحت موعدي دخلت بالضبط على الوقت والطبيب كان شيبة وفاهم قال مب اختصاصي تنظيف اللثة بس باحاول قد استطاعتي وكان شغله مسكت حتى حصل موعدي في رميلة بسرعة ويوم رحت ما اشتغلت الدكتورة على أسناني وايد

أشوف الطب بكل فروعه في قطر تطور تطور كبير وعجبوني هالمرة في الحد من وباء كورونا وفي قلة الوفيات

[sara jsm]

قد يتساءل البعض ويقول يعني أحد بيروح للعيادة وهو مب مريض! اقول لك وبكل ثقة (نعم). واعرف ناس يسألون بعضهم (ها مريت على الطبيب الفلاني..) تعال فيه غيره يمدحونه فلان مسوي ضرس عنده!

معليش اخوي بوزيد عندنا مافي مجال لهالنوعية من الناس ..
لان السالفه مب حلوى وتعال ذوق . .. هذي مواعيد تاخذها وتتسجل بالكمبيوتر ولين دخل عالدكتور هو اللي يحدد هالشخص يحتاج موعد اخر او لا .. مافي لعبه ..

:

صبحكم الله بالخير
فرحنا بأخبار امس و اليوم
خبر الامس عن الاعداد لفتح عيادات الاسنان بالمراكز الصحيه
و خبر اليوم عن قرب اطلاق حمله توعيه للاسنان على مستوى الدوله عبر شبكات التواصل و غيرها


والله حاسه انك تدري بهالخبر من قبل مايعلنون عنه ههههههههه
عشان جذي منزل هالموضوع :looking:

[معماري قطري]

إختي سارة أي رأي أو موضوع نقاشي ينشر هنا أو في أي وسيلة يلتفتون له خصوصاً جميع الوزراء يتابعون هذي الوسائل ويتصرفون بسرعة بإهتمام ودفع من كبار هرم السلطة سمو الأمير ونائبه ومعالي رئيس مجلس والوزراء .. وانا أشوف أي شخص ينتقد ما يستنقص بل يسعى للكمال وبدون الناقدين والملاحظين وحتى الحالمين بلادنا ما تتطور

[ابو عبدالله.]

والله و تالله ما ادري زين هههههه

لو قرأتي تعليقاتي السابقه بتلقين تعليقي عن وحده كبيره سن عانت من هالسالفه و ضربت وتر عندي و ذكرتني بخادمتين ما دخلوهم على الطبيب مع انهم طوارئ

و ذكرتني بتكاليف دفعتها للخاص لزرع ثلاث اسنان العام الماضي و احد هالاسنان قال لي طبيب برميله هذا ما نزرعه لانه غير مهم و حتى ذكر ان زراعه عظم بالعاده مطلوب قبل زرع سن بالفك العلوي. وهذا الكلام طلع غير كلش بالخاص. لا زراعه عظم و اي سن بيركبونه ما عندهم هذا مهم وهذا غير مهم

انا نزلت الخير امانه عن حدوث ابديت بعلاج الاسنان لكن ايضا ذكرت ان لا يزال تطوير مطلوب لتوزيع اختصاصات رميله على قروع المراكز الصحيه او استنساخ رميله لاكثر من فرع لخفض مده المواعيد و تقليل سلبيات ان طبيب يطلع اجازه و المريض يعاد جدوله مواعيده الطويله اصلا

نبي خلع ضرس العقل بنفس الاسبوع مش شهر و شهرين و ثلاثه
نبي زراعه سن بأقل من شهر مش ثلاث و ست و تسع شهور

ما نطلب المستحيل فقط بعض ايجابيات القطاع الخاص او يحولونا للخاص و يتعاقدون معاهم يدفعون التكاليف دام العلاج ياخذ شهور و سنين

ما تدرين ساره
يمكن الموضوع حرك مياه راكده و ممكن تحصل تغييرات كبيره تفرح المجتمع كامل و نفتك و يدعون لها كبار السن و غيرهم

[سالم الزهران]

معليش اخوي بوزيد عندنا مافي مجال لهالنوعية من الناس ..
لان السالفه مب حلوى وتعال ذوق . .. هذي مواعيد تاخذها وتتسجل بالكمبيوتر ولين دخل عالدكتور هو اللي يحدد هالشخص يحتاج موعد اخر او لا .. مافي لعبه ..



معليش بس هذا الكلام حاصل بغض النظر عن عندنا وعندكم، الكلام هذا سلوك موجود عند شريحة كبيرة من المراجعين.

بل اقدر اقول لك تغاضي عن هذيلا، وشوفي اللي يزاحم الناس في علاج خارج البلد وهو مب مستاهل.

خليني اذكر شي صار معي، كنت اراجع بأمر علاج عشان يعطوني تذاكر للوالد ولمرافقه.
الشخص اللي دخل معي شاب وشابه مسافرين المانيا ع حساب الدولة والغرض موضوع تجميلي

يعني مب قلب ولا عظام ولا غيره.
شابه عمرها ما وصل 30 واشرط لك تتعالج برى وكله موضوع تافه. واللي عنده مرض خطير او شي كايد.. يمسك سراه وهو ساكت.

[ابو عبدالله.]

اعتقد ان اخونا سالم كان يقصد ان البعض يروح للعيادات للتجربه او بس عشان مدحوها

بالشغل. سمعت زميله قالت بروح عياده كذا للاسنان. يمدحون شغلهم للتلبيس و التبييض الخ

يعني مش علاج فعلي. فقط تجميلي و عشان حد تعرفه مدح العياده مع انها مكلفه جدا و معروفه بالدوحه

يمكن ما فهمتي مقصده هذا عشان جذي قلتي ما في ناس تروح للعلاج بدون سبب

اخوي سالم اذا بتقبل مني نصيحه

احنا بزمن يموج بعضهم في بعض و ذكر اي اوضاع بدون وجود اثبات قانوني يخلي الجهات و الافراد يلاحقون المعلق بالقانون

مجرد نصيحه عن ذكر اوضاع قد يراها مسؤول نقد خارج الحريه الشخصيه و اتهام موجهه لجهه محدده

مجرد نصيحه بتعديل تعليقك السابق و انت حر طبعا

[sara jsm]

انا فاهمة قصده .. لكن هذا النظام يمكن قبل ..
لكن من صارت المواعيد كلها بالكمبيوتر وتاخذها من ( الكول سنتر ) فمافي اولويه حق المعارف نفس قبل لان الدخول صار بالرقم الصحي ... لو ماعندك موعد مستحيل يدخلونك او تتسجل في نفس اللحظة ..
:
ومن ناحية الواحد يروح عشان سمع عن دكتور فلان او علان هذي تصير بالعيادات الخاصه ..
لان الحكومي حتى تجميل ولا تبيض ماعندهم .. فقط علاج ..

احنا نتكلم عن الحكومي مب الخاص ..

[معماري قطري]

والله و تالله ما ادري زين هههههه

لو قرأتي تعليقاتي السابقه بتلقين تعليقي عن وحده كبيره سن عانت من هالسالفه و ضربت وتر عندي و ذكرتني بخادمتين ما دخلوهم على الطبيب مع انهم طوارئ

و ذكرتني بتكاليف دفعتها للخاص لزرع ثلاث اسنان العام الماضي و احد هالاسنان قال لي طبيب برميله هذا ما نزرعه لانه غير مهم و حتى ذكر ان زراعه عظم بالعاده مطلوب قبل زرع سن بالفك العلوي. وهذا الكلام طلع غير كلش بالخاص. لا زراعه عظم و اي سن بيركبونه ما عندهم هذا مهم وهذا غير مهم

انا نزلت الخير امانه عن حدوث ابديت بعلاج الاسنان لكن ايضا ذكرت ان لا يزال تطوير مطلوب لتوزيع اختصاصات رميله على قروع المراكز الصحيه او استنساخ رميله لاكثر من فرع لخفض مده المواعيد و تقليل سلبيات ان طبيب يطلع اجازه و المريض يعاد جدوله مواعيده الطويله اصلا

نبي خلع ضرس العقل بنفس الاسبوع مش شهر و شهرين و ثلاثه
نبي زراعه سن بأقل من شهر مش ثلاث و ست و تسع شهور

ما نطلب المستحيل فقط بعض ايجابيات القطاع الخاص او يحولونا للخاص و يتعاقدون معاهم يدفعون التكاليف دام العلاج ياخذ شهور و سنين

ما تدرين ساره
يمكن الموضوع حرك مياه راكده و ممكن تحصل تغييرات كبيره تفرح المجتمع كامل و نفتك و يدعون لها كبار السن و غيرهم

تحس إنهم يدفعونك للخاص دفع وتحس فيه مستفيدين والا الدولة ما تقصر

كذلك أذكر الدكتورة السورية اللي في مستشفى رميلة والمراجع السوري اللي جاي لها يوم جات الممرضة نقز يبغي يدخل قبلي قالت له الأولوية للي لهم مواعيد .. قمت أمشي مشية الطاؤوس نافخ صدري ما دخلت الا وزعتني الدكتورة بعذر تافه واستلمت اللي بعدي شيء واضح ويحتاجون رقابة ادارية صارمة والمشكلة حقك يالقطري ضايع مع هؤلاء قليلي الذمة والضمير

[معماري قطري]

اعتقد ان اخونا سالم كان يقصد ان البعض يروح للعيادات للتجربه او بس عشان مدحوها

بالشغل. سمعت زميله قالت بروح عياده كذا للاسنان. يمدحون شغلهم للتلبيس و التبييض الخ

يعني مش علاج فعلي. فقط تجميلي و عشان حد تعرفه مدح العياده مع انها مكلفه جدا و معروفه بالدوحه

يمكن ما فهمتي مقصده هذا عشان جذي قلتي ما في ناس تروح للعلاج بدون سبب

اخوي سالم اذا بتقبل مني نصيحه

احنا بزمن يموج بعضهم في بعض و ذكر اي اوضاع بدون وجود اثبات قانوني يخلي الجهات و الافراد يلاحقون المعلق بالقانون

مجرد نصيحه عن ذكر اوضاع قد يراها مسؤول نقد خارج الحريه الشخصيه و اتهام موجهه لجهه محدده

مجرد نصيحه بتعديل تعليقك السابق و انت حر طبعا

أيام دراستي يا بو عبدالله في أمريكا تعبثت في أسناني دكتورة يا اخوي اللي تقوله موافق عليه وشلت لي ضرس عقل بس تبهدلت كم يوم انتفخ وجهي وخذت مضاد فترة ولا قدرت آكل .. بهرتني وفتنتني ألحين عندي شوية عقل

[معماري قطري]

انا فاهمة قصده .. لكن هذا النظام يمكن قبل ..
لكن من صارت المواعيد كلها بالكمبيوتر وتاخذها من ( الكول سنتر ) فمافي اولويه حق المعارف نفس قبل لان الدخول صار بالرقم الصحي ... لو ماعندك موعد مستحيل يدخلونك او تتسجل في نفس اللحظة ..
:
ومن ناحية الواحد يروح عشان سمع عن دكتور فلان او علان هذي تصير بالعيادات الخاصه ..
لان الحكومي حتى تجميل ولا تبيض ماعندهم .. فقط علاج ..

احنا نتكلم عن الحكومي مب الخاص ..

زين شنفسر اللي يصير من بعض الجنسيات؟

من أيام عندي موعد اعتيادي لطبيب العيون وما حصل بالطيب وجيت جلست قبل موعدي والا زحمة خيالية حتى قطرة توسعة العين خذت وقت غير معتاد .. شوي الا هندي جاي وقعد كنت منتبه للموجودين وهذا بعدي بفترة جاه ممرض هندي ما شفته قبل كله ممرضات غير وأغلبه فلبينيات .. سولف معاه شوي وواضح من اسلوب الكلام إنه بيخلصه ومتفاهم معاه بس وقام ولا رجع وهذا يدخلونه بين المواعيد ويخلصونه بس بالمعرفة وتحصلين المعرفة إنه من نفس الجنسية

كذلك علمتني أُم العيال عن واحد يدخل الناس بدون مواعيد ويسجل إنهم جاوا وإنتوا الحريم لكم هذي الحركات .. تعطيه خمسين ريال بعد ما توصل وهو يرتب لك دخولك للعيادة في العيادات الخارجية في مستشفى حمد وسويتها معاه مرة مضطر

[sara jsm]

ماابي اطول في هالسالفه لكن كل انسان يشوف الامر من ناحيته ..
انت تقول هالشكل لانك مريت ببعض المواقف اللي بنيت عليها هالرأي ..
وانا مرت علي بعض هالمواقف لكن اعتبرتها حالات فرديه وماعميت فيها مؤسسه كامله او قسم صحي كامل ..
فـ كل واحد ونظرته .. معلوم :thumbup1:

[سالم الزهران]

اخوي بو عبدالله اشكرك ونصيحتك في محلها.. انا حاولت اوصل فكره ولا توفقت.

[ابو عبدالله.]

دام ما وفقت فتوقف هههههه

[ابو عبدالله.]

أيام دراستي يا بو عبدالله في أمريكا تعبثت في أسناني دكتورة يا اخوي اللي تقوله موافق عليه وشلت لي ضرس عقل بس تبهدلت كم يوم انتفخ وجهي وخذت مضاد فترة ولا قدرت آكل .. بهرتني وفتنتني ألحين عندي شوية عقل

شغل امريكا المفروض زين ��

[ابو عبدالله.]

زين شنفسر اللي يصير من بعض الجنسيات؟

من أيام عندي موعد اعتيادي لطبيب العيون وما حصل بالطيب وجيت جلست قبل موعدي والا زحمة خيالية حتى قطرة توسعة العين خذت وقت غير معتاد .. شوي الا هندي جاي وقعد كنت منتبه للموجودين وهذا بعدي بفترة جاه ممرض هندي ما شفته قبل كله ممرضات غير وأغلبه فلبينيات .. سولف معاه شوي وواضح من اسلوب الكلام إنه بيخلصه ومتفاهم معاه بس وقام ولا رجع وهذا يدخلونه بين المواعيد ويخلصونه بس بالمعرفة وتحصلين المعرفة إنه من نفس الجنسية

كذلك علمتني أُم العيال عن واحد يدخل الناس بدون مواعيد ويسجل إنهم جاوا وإنتوا الحريم لكم هذي الحركات .. تعطيه خمسين ريال بعد ما توصل وهو يرتب لك دخولك للعيادة في العيادات الخارجية في مستشفى حمد وسويتها معاه مرة مضطر

تبون كل شي بالمسطره و منتظم. لازم اخطاء او تسليك بسيط و امور فرديه تصير بكل مكان

خلو الناس تعيش :)

[ابو عبدالله.]

هذا موضوع جديد عن التسليك و التخليص السريع. خلونا على علاج الاسنان عشان الفائده من الموضوع تعم { تسليك }

[طلعة الروح]

الاسنان مشكلتها مشكلة وانا اشوف ان الواحد يدفع ويخلص
اذا مايقدر يصبر على مواعيد الرميله والحاله ماتستحمل الانتظار
الواحد يتوكل على الله ويستثمر في اسنانه عند الطبيب الصح
وركزوا على كلمة الصح واللي العلاج ونوعية المواد عنده من الاخر
لا تستخسرون تروحون عند واحد علاجه غالي بس شغله نظيف
علما اني جربت علاج رميله وجربت الخاص
الموضوع كله يعتمد على شغلتين اليد اللي تشتغل وجودة المواد المستخدمه

[ابو عبدالله.]

صبحك بالخير

المشكله حتى لو ما قدرت تروح رميله

الحاص ما تعرف جوده المواد. كلن يمدح نفسه

الي يقولون عنه زين و جيد يكلفك زرع السن 9 الاف و شوي
و غيره زين و جوده ب 4200
ولد عمي كان بيزرع سنين ب 16 الف و شوي و علموه ربعه عن عياده زينه و كلفوه 8400 بس

وانا رحت بعده و زرعت ثلاث اسنان ب 10 الاف عطاني جمله :)

وقال لي للعمر كله وان صار شي تعال بس

و زرت عياده بعملي الجديد و قالوا الزرع ممتاز و جوده عاليه هاي كوالتي

و زميلات عمل كلهم رايحين للي ابو 9الاف و شوي. انصدموا من فارق السعر لكن يقولون الغالي احسن

مب هالتكاليف كان ممكن تجنبها لو علاج الاسنان الحكومي سهل التعامل معاه

طيب الله مقدرني اعالج بالخاص غيري ايش يسوي

الوضع اخوي خلاك تقول نستثمر بالأسنان. ليش نستثمر ليش ما نقول عندنا علاج اسنان حكومي جيد و راقي مثل كل انواع العلاج الاخرى مثل عيادات الصحه و العافيه و مستشفى القلب و الكلى و سرطان الصدر

في كل شيء راقيين اشمعنى الاسنان لا

[طلعة الروح]

يمكن لانه الاسنان شغله حيويه والضغط عليها من كبار وصغار
والحالات كثيره يوميه وطارئه وشبه طارئه وشبه دائمه
لذلك مايلحقون الاطباء هناك على الشغل والمواعيد مستحيل تخلص عندهم
انا مب ضد الانتظار اذا الموضوع يستحمل يعني مثلا الزراعة
عقب مايجيك الدور بتدخل وبياخذون مقاسات وبتنطر موعد الجراحه
وعقب الزراعه طبيعي بتنطر مده قبل ما يتركب الضرس التركيب
بعض الاشياء الاخرى مانقدر ننتظر ونضطر للحل الاسهل بس اختاروا عدل المكان
لان وايد عيادات اسنان تجاريه وماتستاهل يندفع فيهم ريال الواحد يخرب اسنانه ع الفاضي