جلسة تداول يوم الاثنين 28-12-2020

[مستثمر رشيد]

بسم الله الرحمن الرحيم

نفتتح جلسة تداول هذا اليوم
كل التوفيق للجميع

[ابو يهر]

صباح الخير ان شاء الله السوق أخضر

[معماري قطري]

السلام عليكم ورحمة الله وبركاته

الأسواق الآسيوية بعضها ارتفاع قوي وفي الغالب مرتفعة وبرنت شبه ثابت مع ميل للأحمر ومؤشرات الداو المستقبلية مرتفعة بسبب إقرار تحفيز مالي لمواجهة كورونا .. إيران تهدي الوضع في الخليج .. ما فيه الا رامبو البحرين في طراد متجه حق قطر ويهدد وهذا شكله بيخرب سوقنا اليوم

[ModarebDareb]

السلام عليكم و رحمة الله [emoji255]


Sent from my iPhone using Tapatalk

[ALZAAR]

السلام عليكم ورحمة الله وبركاته

[معماري قطري]

بنهاية أمس كثير قلت الوفيات والحالات الجديدة لكورونا في العالم وتم تطعيم مليونين مواطن أمريكا والكثير في باقي العالم وأتمنى قطر يسوون تعداد للتطعيم

World 81,133,837 +410,120 1,771,467 +7,041 57,282,997 22,079,373
World 80,723,717 +456,620 1,764,426 +7,177 56,901,093 22,058,198

نهاية أمس فوق ونهاية أول أمس تحت .. آخر عدد الحالات الفعالة وكنا نوصل لمعدل 13000 حالة للساعة والفرق بين أمس وأول أمس فقط 21175 بمعدل 882 حالة للساعة فرق شاسع وواضح عن 13000

[معماري قطري]

https://www.youtube.com/watch?v=D3HPjd70HSM

[وسمي2016]

السلام عليكم وصبحكم الله بالخير جميعا

فالكم الاخضر بأذن الله,,,,,,,,,

[Abu-khalid]

سلام عليكم ، اسال الله ان يرزقكم من فضله

[معماري قطري]

السلام عليكم وصبحكم الله بالخير جميعا

فالكم الاخضر بأذن الله,,,,,,,,,

عليكم السلام ورحمة الله وبركاته لك ولمن دخل وبالتوفيق للجميع

[qatar 86]

صباح الخير

[محلل استثمار]

السلام عليكم ورحمة الله وبركاته

أسعد الله صباحكم بكل خير وعافية وموفقين بإذن الله

[محلل استثمار]

مزايا من امس فيها واحد كل شوية والتاني يعرض سهم للبيع

[qatar 86]

مشتطة السلام هاليومين

[حسن الخاطر]

عقبال ما استثمار يشتط هوة كمان

[Abu-khalid]

بنك قطر الاول نبي اختراق 1.760 اليوم بين الساعه 10 - 11

[ابومبارك]

السلام يصارع ومايرتاح لين يوصل ريال

[Abu-khalid]

الى الان السيوله احسن من امس

نشوف اول ساعه ان شاء الله نتجاوز 100 مليون

[ModarebDareb]

نصف السيولة في السلام


Sent from my iPhone using Tapatalk

[ابو جود]

السلام عليكم ورحمة الله

وصبحكم الله بالخير والرضى

[ابو جود]

السلام بيع ولا شراء
تجميع ولا تصريف ؟

[معماري قطري]

ودام ما قطعوا عنها الدعم والمفروض تزور ال 4 ريال ليش مرتفعة؟

[ali.5]

نبي رأيكم بالمستثمرين

[Abu-khalid]

ازدان يتحرك وبسيوله عاليه = السيوله ترتفع وياخذ معاه بعض الشركات

[ali.5]

نبي هوامير المستثمرين تتحرك نبي اكشن

[ali.5]

شرارة مستثمرين هي 1.9 ريال اذا عدي ينطلق هذا رأي الاخوان المحللين للسهم للمراقبه

[ali.5]

ازدان الشراره 1.83 اذا عدا ينطلق رأي اخوانا المحللين

[Abu-khalid]

الخليجي بنك سيوله عاليه ، هل قريب نسمع اخبار عن الاندماج مع الريان ؟


مب دعوه للشراء لان البنك حاليا ربوي

[مستثمر رشيد]

التداول اصبح ممل مع وجود حذر وقلة في السيولة ..

اعتقد أن السوق يبحث عن اخبار تسعفه أما لفوق أو تحت

[دينالي]

التداول اصبح ممل مع وجود حذر وقلة في السيولة ..

اعتقد أن السوق يبحث عن اخبار تسعفه أما لفوق أو تحت

الناس تخاف تتدبس فوق

[مستثمر رشيد]

الناس تخاف تتدبس فوق

ياخوفي تقوم اغلب الشركات هالسنة وتتخذ من كرونا حجة لتقليل توزيعاتها على المساهمين ....

[النعيمي9]

ياخوفي تقوم اغلب الشركات هالسنة وتتخذ من كرونا حجة لتقليل توزيعاتها على المساهمين ....

ابشرك هذا ال بيصير، وان غدا لناظره لقريب
اذا كانت استثمار تذرعت بكرونا العام الماضي وما وزعت هالسنة حجتهم بتكون اقوى

[Abjalsulaiti]

هاليومين بتسمعون عن خبر اندماج الخليجي وبنك الريان

لازم قبل اغلاق السنه يطلع التقييم للاندماج

اتوقع ملاك الخليجي المستفيدين اكثر من الاندماج

ممكن سهمين الخليجي لكل سهم بنك الريان!

[مستثمر رشيد]

ابشرك هذا ال بيصير، وان غدا لناظره لقريب
اذا كانت استثمار تذرعت بكرونا العام الماضي وما وزعت هالسنة حجتهم بتكون اقوى

اتفق معاك .. لذلك لابد من التخفيف خاصة من الشركات الي حققت صعود من أول العام تحسبا لمثل هذه الاخبار

[adell]

الطبيه مفروض تروح فوق 23.50 طولت كثير

[وسمي2016]

هاليومين بتسمعون عن خبر اندماج الخليجي وبنك الريان

لازم قبل اغلاق السنه يطلع التقييم للاندماج

اتوقع ملاك الخليجي المستفيدين اكثر من الاندماج

ممكن سهمين الخليجي لكل سهم بنك الريان!

2,3 سهم خليجي لكل 1 سهم ريان

[Abu-khalid]

السيوله شكلها راحت بورصة تركيا ، مازالت السيوله قليله

[LiverC00L]

مساء الخير

يلا عاد انماء

واحد لمت اب :yes:

[LiverC00L]

عروض مخفية :anger3:

[Qtr37]

مساء الخير

يلا عاد انماء

واحد لمت اب :yes:
نتمنى يسوي لنا سربرايز

[حسن الخاطر]

اتفق معاك .. لذلك لابد من التخفيف خاصة من الشركات الي حققت صعود من أول العام تحسبا لمثل هذه الاخبار

لو ما وزع سعرة بينزل و ما بيكون في ثقة في السهم
الله يستر

[مستثمر رشيد]

لو ما وزع سعرة بينزل و ما بيكون في ثقة في السهم
الله يستر

في بعض الشركات جاتها ارتفاعات حلوة في اسعارها .... وخوفي تكون توزيعاتها أقل من العام بحجة الكورونا لذا التخفيف منها مطلوب ... الا في حالة ظهور اخبار ايجابية مثل المصالحة .... اتوقع ان الاسهم تواصل الصعود

[qatar 86]

دوخني صانع السلام

مادري الحين شيبي

هههههههههههههه

[قطر 2030]

السوق شكله يبي يغري اللي برع ويعلقهم ولا شسالفه !

[داود بن شطان]

السلام عليكم ورحمة الله وبركاته

[قطر 2030]

ياخوفي تقوم اغلب الشركات هالسنة وتتخذ من كرونا حجة لتقليل توزيعاتها على المساهمين ....

معقوووووول

[Abu-khalid]

اعتقد السوق ترقب بسبب المصالحه ، الكل مترقب

ولو اني اعتقد السوق كان ماشي صح بدون المصالحه

بس يمكن في حال ماتمت يكون هناك تصحيح ومن ثم استكمال الصعود باذن الله

[السيلاوي]

ما ادري ليش استثمار احسه ذيل للسلام كل ما ارتفع السلام شوي يلحقه استثمار بخجل مع العلم ان ارباح استثمار افضل بكثير من السلام بس الصانع الله يهديه

[Qtr37]

استثمار زين انه تحرك وارتفع

[elders]

الاول بيصير الأخير من كثر ما تداول عرضي

[حسن الخاطر]

ما ادري ليش استثمار احسه ذيل للسلام كل ما ارتفع السلام شوي يلحقه استثمار بخجل مع العلم ان ارباح استثمار افضل بكثير من السلام بس الصانع الله يهديه

الصانع ذبحنا و الله

[معماري قطري]

السيولة على أسهم المؤشر كثير ضعيفة وهذا معناه الإجازات العالمية مسوية شغلها وهذا سبب برود سوقنا هذا الوقت

[معماري قطري]

قبل الإغلاق عندي ربح زين كقيمة سوقية وبعده لا حولت بالماينس

[وسمي2016]

السيولة على أسهم المؤشر كثير ضعيفة وهذا معناه الإجازات العالمية مسوية شغلها وهذا سبب برود سوقنا هذا الوقت

الثلاثاء دور بكره ,,,5 يناير بأذن اللطيف الكريم
بتشوف ديمه ,,,مطرها هتان ,,,خفيف الى متوسط
تزين الجو,,,,ويليها أربعاء خضر فالسوق ماحوله خضار
بعد نتائج قمة التعاون المرتقبه,,,بأذن القوي العزيز,,,

وربي اعلم ,,,وربي كريم

ربي يوفقكم جميع

نراكم غدا على خير وسلامه,,,,

[ابو جود]

السلام عليكم ورحمة الله وبركاته

وعليكم السلام ورحمة الله وبركاته

[ابو جود]

الثلاثاء دور بكره ,,,5 يناير بأذن اللطيف الكريم
بتشوف ديمه ,,,مطرها هتان ,,,خفيف الى متوسط
تزين الجو,,,,ويليها أربعاء خضر فالسوق ماحوله خضار
بعد نتائج قمة التعاون المرتقبه,,,بأذن القوي العزيز,,,

وربي اعلم ,,,وربي كريم

نراكم غدا على خير وسلامه,,,,

الله يجزاك خير ويكتب الخير والصلاح والوئام لامة محمد

[Abu-khalid]

سبحانك اللهم وبحمدك اشهد ان لا اله الا انت استغفرك ربي واتوب اليك

فالكم طيب غداً الثلاثا

[وسمي2016]

الله يجزاك خير ويكتب الخير والصلاح والوئام لامة محمد

ملفاك الخير أخوي العزيز

ولكل منهو حاضر و غايب

,,,ربي يلطف و يستر,,,

,,,وربي لطيف خبير بعباده,,,

,,,سبحانه رب العرش العظيم,,,