رخام أو بورسلين للأرضيات

[koketa]

السؤال المعتاد

للمساحات الكبيرة والمداخل

شاركونا تجاربكم الرخام أو بورسلين

ولو رخام

اي نوع أفضل ؟ والاسعار ؟ والمصانع او المحلات الافضل في قطر

[معماري قطري]

لو تركب زين البورسلان خصوصاً ألحين القطع الكبيرة والأشكال الرخامية وايد أحسن ولا يتغير .. نصيحة مري على العمودي الفرع الجديد قرب مدماك وهناك شوفي المركب عندهم وشوفي مديرهم راواني قطعة الحديد اللي فيها ربلات شفط القطع ذي حتى يسهل حملها من عدة أشخاص وتركيبها .. مديرهم أحمد مصري وقديم أذكره من فوق 20 سنة

وفيه في باقي المحلات ويعرفون من يركب زين ولا تتعاملين الا مع مقاول وشرط يستلم القطع ويفحصها وينقلها ويركبها على مسؤوليته وأي قطع تتكسر عليه يوفرها

انا مجرب الرخام رويال بيج عماني انتاج ايطاليا هم يفرزونه ويعيدون تصديره كان سعره 350 في 2004 يبهت ويحتاج كحت كل فترة وحماية .. البورسلان محمي ووايد أرخص بس انتبهي للمواصفات ما يكون فيه تقوس واشترطي هذا الشيء .. جربت هندي آخر شيء بسعر 35 ريال للمتر حلو وشكل غرانيتي وطبعة متغيرة كأنه طبيعي بس فيه تقوس بسيط للحوائط طلع حلو وركبته زيرو جوينت شوفيه في مراجعة المخططات لو تحبين ومقاسه 60 في 60

[sara jsm]

للمداخل اللي تتعرض لعوامل الجو المختلفه بالنسبه لي افضل شي الجرانيت مايتغير ابد ..
اما الصالات والاماكن المغلقه فالافضل بالنسبه لي البورسلان .. رغم ان الرخام افخم واشيك ..
:
الاسعار تختلف حسب نوع القطعه صيني ولا ايطالي ولا عماني ... الخ
لازم الواحد يروح ويشوف بعينه ..
:
مصنع الرخام الذهبي عندهم تشكيله خياليه من الرخام
الدهليز وكافود والعمودي والمتحدة وبورسالينا عندهم بورسلان متنوع وجودة عاليه وهم عندهم رخام ..

المحلات كثيرة وكل واحد حسب ذوقه وقدرته ..
وبالتوفيق يارب ..

[سعود.]

الرخام ناخذه على اساس اللمعه والشكل . حاليا البورسلان يجي نفس الرخام بمقاسات كبيره تصل الى 120 سم ولمعه مدى الحياه بدون جلي ولا محلبي :app: وقوي جدآ وميزته صناعي مايشرب السوائل بعكس الرخام .

اضم صوتي لمعماري قطري

[سعود.]

عندي بالبيت الدرج الداخلي فقط رخام (عماني ) صار له سنتين وكمن شهر في اماكن صار فيها نفس الحفر الصغيره جدا ولون الدرج صار باهت جدآ . ولو يرجع الزمان كان بركب بورسلان .

[ولد المنصور]

افضل الرخام للاماكن المفتوحه مثل المجالس وصالات الضيوف والدرج ...
باقي البيت بورسلان ..
بالنسبه للمداخل جرانيت وتجنب الالوان الداكنه نصيحه ..
والمحل اللي تعاملت معاه شوش للرخام والجرانيت وممتازين ..
وكافود ونابينا عندهم بورسلان وخيرات واااايد ...

[معماري قطري]

الرخام ناخذه على اساس اللمعه والشكل . حاليا البورسلان يجي نفس الرخام بمقاسات كبيره تصل الى 120 سم ولمعه مدى الحياه بدون جلي ولا محلبي :app: وقوي جدآ وميزته صناعي مايشرب السوائل بعكس الرخام .

اضم صوتي لمعماري قطري

120 استوت المقاس العادي .. ألحين فيه 250 في 350 سم يعني لو بتركب ارضية حمام 2.5 في 3.5 تحتاج قطعة وحدة .. عيبه صعبة تسوي سلوبات وبتكتفي بالمسح والا تسوي سلوب بسيط لجهة الحائط القصير وتحط هناك تصريف طولي والا مخفي

[معماري قطري]

ذكرتني بالجلي خاطري في جلي بس دايت

[سعود.]

120 استوت المقاس العادي .. ألحين فيه 250 في 350 سم يعني لو بتركب ارضية حمام 2.5 في 3.5 تحتاج قطعة وحدة .. عيبه صعبة تسوي سلوبات وبتكتفي بالمسح والا تسوي سلوب بسيط لجهة الحائط القصير وتحط هناك تصريف طولي والا مخفي

اوف هذي جديده

[معماري قطري]

اوف هذي جديده

صحيح سلابات لو تحصل حجمها رخام تحصله غالي وايد يمكن يوصل 5 أضعاف البورسلان وهذي فيه بحدود 200 للمتر

صراحة عاجبتني الفكرة وايد ومناسبة للحوائط والأرضيات بس لازم يتعاملون معاها محترفين فاهمين

[sara jsm]

عندي بالبيت الدرج الداخلي فقط رخام (عماني ) صار له سنتين وكمن شهر في اماكن صار فيها نفس الحفر الصغيره جدا ولون الدرج صار باهت جدآ . ولو يرجع الزمان كان بركب بورسلان .


انا نفسك المكان الوحيد اللي ركبت فيه رخام هو الدرج ..
واستضقت من شكله عقب ماركبوا الدرابزين واستوت فيه حفر ..
قمت غطيته كله بالسجاد وافتكت من المنظر البشع :thumbup1:

[سعود.]

انا نفسك المكان الوحيد اللي ركبت فيه رخام هو الدرج ..
واستضقت من شكله عقب ماركبوا الدرابزين واستوت فيه حفر ..
قمت غطيته كله بالسجاد وافتكت من المنظر البشع :thumbup1:



نطالب بالربيع العربي ضد ( الرخام ) الان وفورآ :telephone:

[معماري قطري]

نطالب بالربيع العربي ضد ( الرخام ) الان وفورآ :telephone:

يبي لنا

[سعود.]

يبي لنا

اخاف يخربها راعي الثورات المضاده ( الكوتش ) :eek5:

[sara jsm]

اخاف يخربها راعي الثورات المضاده ( الكوتش ) :eek5:

اذا تقصد عزيز تراه متلعوز من الرخام ..
وبغى يقشعه كله من الجلي التعبان هههههههههههه

[سعود.]

اذا تقصد عزيز تراه متلعوز من الرخام ..
وبغى يقشعه كله من الجلي التعبان هههههههههههه

لا والله ما اقصده الله يعينه قصدي سياسي :fight:

[Azizuk]

انا ضد الرخاااااام :anger2:

وانصح كل شخص يبتعد عنه الا اذا راح يركب الانواع الغاليه

الاسعار الغاليه انت تتكلم عن المتر تقريبا 800 يورو المتر في حدود 3500 ريال

السعر المذكور هذا في المصنع اذا وصل الدوحه سعره اغلى قيمة تكلفة النقل والضريبة

انصح بالبورسلان بقوى

[ALJokar]

المشكلة لو عندك وترجت وقص ماراح تعرف تركب بورسلان
وغير هذا ماتعرف مكان يقص لك عدل ويركب مضبوط تشتري من مكان ويركب لك مكان اخر والي يقص مكان بعد

[ALJokar]

وسعر البورسلان حاليا قريب الرخام وصار بعض الاحيان مشابه له

[معماري قطري]

وسعر البورسلان حاليا قريب الرخام وصار بعض الاحيان مشابه له

البورسلان كنت اخذه واوديه معمل رخام وكانت النوعيات في 2004 غالية أكثر من الحين واتكلم عن النوعيات الجيدة وجودتها أقل من هذا الوقت .. حصلت نوع 8 أو 6 ملم ب 200 ريال للمتر وقبل باعوني كمية ب 270 بورسلان مركبين عليه قشرة غرانيت طبيعي ألحين استووا يقلدونه بسهولة بتكنولوجيا ثانية وبعد بسعر تحت ال 200 بس يسوى

هذا كانت القشرة سوداء والعجينة بيج القشرة فيها عروق بيض وبنفسجية ومتدرجة حتى الوردي فيها بس طلبت حفها من الأطراف حتى ما تنكسر بقوس ربع دائرة عملوها بسهولة وتم صبغها بمادة سوداء بينت كأنها القشرة متصلة على الجوانب وبمبلغ تافه وركبتها لدرج مدخل البيت من 17 سنة للآن ما تغيرت ومعرضة لعوامل الجو الخارجية وللغسل بشكل يومي لو رخام انتهى من زمان

بالنسبة للقص لا تحتاج ووتر جت ولا شيء شوف يوتيوبيات البناء حاط كم يوتيوب حق طريقة القص وتستغرب من سرعتها وسهولتها .. ببساطة جهاز قص الزجاج وهذا متوفر وسهل تنعمل حزوز سريعة وتكسر القطعة مثل الزجاجة

[ALJokar]

103987

هل يصير تركيب هذي بالبورسلان ويصير عليها قص وتر جت