وكالة المرسيدس

[kitmat]

من ينصفني اشتريت سيارة جديده من وكالة المرسيدس وحصل فيها خلل بعد شهر وعشرين يوما والسياره ماشيه 200 كيلو فقط
حتى الان السياره صار لها عشرة ايام في الصناعيه ولا احد يتصل اويهتم ومايعرفون ايش المشكله ومتى بتخلص السياره ايش الحل تبهدلنا بهدله مالها اخر والصداع وصل حده محد مفتكر ايش هاي الشركه اللي معاملتهم زفته زفته من القلب خذو فلوسهم وخلاص كأنهم ايقولون لك اصطفل كرهت السياره لان صار لها عشرة ايام في الصناعيه ولين الحين مايندرى اشكثر بعد بتم معقوله سياره جديده جذيه شريتها علشان ارتاح ولا اتغربل وين اروح والجأ لمين افيدوني

[الزجاجي]

القانون يقول يحق لك سيارة بديلة اذا فترة تصليح السيارة اكثر من 14 يوم
خذ منهم تقرير مبدئي عن السيارة لين ربك يفرجها عليك واذا ما وفرو لك سيارة بديلة ما لك الا حماية المستهلك

[monatee]

الوكاله فعلا تعبانه كخدمات مابعد البيع
حصلت معانا ان صار خلل في القير وتحتاج اقل شي شهر في الوكاله (والسياره جديده)
الكلام معاهم بالتلفون ماينفع ولا مع الاجانب
لين حصلنا مدير قطري وتفاهمنا معاه

وطلعنا منهم بسياره جي كلاس بديلة طول فتره التصليح (شهر ونص)
وسيارتنا كانت E200 :playball:

[kitmat]

امس مسوين تدشين المرسيدس اليديد فئة اس ماتم حد ماحضر لاكن خل يخترب المرسيدس دور حد من ذيله اذا حصلت احد فيهم يرد عليك اهمه خذو الفلوس وخلاص انت اسطفل وطق راسك في الطوفه اتمنى خدمتهم ترتقي وتصير نفس البي ام تحسفت اني خذت مرسيدس كانك داخل حرب اذ اختربت السياره

[ya3coub]

الوكاله فعلا تعبانه كخدمات مابعد البيع
حصلت معانا ان صار خلل في القير وتحتاج اقل شي شهر في الوكاله (والسياره جديده)
الكلام معاهم بالتلفون ماينفع ولا مع الاجانب
لين حصلنا مدير قطري وتفاهمنا معاه

وطلعنا منهم بسياره جي كلاس بديلة طول فتره التصليح (شهر ونص)
وسيارتنا كانت E200 :playball:

حركات شسمه والله انا للأمانه اول ما خلص ضماني طلقتهم و اروح قراج الموهبة شارع 29 و اتعامل معاه للأسف جدا سيئين معنه مديرهم يحاول

[ya3coub]

من ينصفني اشتريت سيارة جديده من وكالة المرسيدس وحصل فيها خلل بعد شهر وعشرين يوما والسياره ماشيه 200 كيلو فقط
حتى الان السياره صار لها عشرة ايام في الصناعيه ولا احد يتصل اويهتم ومايعرفون ايش المشكله ومتى بتخلص السياره ايش الحل تبهدلنا بهدله مالها اخر والصداع وصل حده محد مفتكر ايش هاي الشركه اللي معاملتهم زفته زفته من القلب خذو فلوسهم وخلاص كأنهم ايقولون لك اصطفل كرهت السياره لان صار لها عشرة ايام في الصناعيه ولين الحين مايندرى اشكثر بعد بتم معقوله سياره جديده جذيه شريتها علشان ارتاح ولا اتغربل وين اروح والجأ لمين افيدوني

أخوي الأتصال ما ينفع مر عليهم و اطلب اتشوف سامح مدير مركز الصيانة عندهم محترم جدا و شوف معاه بيطلعونلك سيارة بديلة و كل السيارات الجديدة دايما اتكون فيه اعطال او خلل ما يعرفونه لا تنسى حصار 3 سنين و اغلب التدريب يمون فالأمارات بالنسبة للSales اللي يبيعون السيارة و ايضا للعمال و التقنين اللي يشتغلون عالسيارة.

و ان شاء الله تنحل مشكلتك قريب الموضوع مستفز و ينرفز أكيد بس خلك على تواصل مع سامح لأنه للأسف لا اللي تحته نائبه ولا الباقي فيهم صبر او اخلاقيات العمل بالمتابعه لأنه كلهم مضغوطين.

[معماري قطري]

الله يعين

ولدي سيارته كل شوي عندهم وتطول المشكلة مرة نسوا يصبون آيل حق الدفرنش وانكسر ويوم طلبوه خذ وقت طويل هو راح طلبه بالبريد لهم بسرعة .. طلعها من عندهم الا مشكلة السنسر والسيارة عزمها ضعيف ردها مرة ثانية ورجع دخلها من فترة طويلة بعد تنسم هواء .. سيارته غالية اي 63 وانا اشوفها كشرة ما تسوى خصوصاً وكالتها مب قد هالسيارات .. سيارتي موديل 2015 ومنتهي الضمان واصلحها عند أي عليمي والله يستر

[طلعة الروح]

لا حول ولا قوة الا بالله

ياريت بدال مايهتمون بالاعلانات يهتمون بخدمة بعد البيع والصيانه

الاعلانات مب مهمه قد الجوده الموجوده بالمنتج نفسه

الاخ صاحب الموضوع اخذ حقك كامل واطلب السياره البديله

لين تنحل وتتصلح باذن الله

في المستقبل خذلك سياره يابانيه وفك نفسك من مشاكل الالماني

[طلعة الروح]

الله يعين

ولدي سيارته كل شوي عندهم وتطول المشكلة مرة نسوا يصبون آيل حق الدفرنش وانكسر ويوم طلبوه خذ وقت طويل هو راح طلبه بالبريد لهم بسرعة .. طلعها من عندهم الا مشكلة السنسر والسيارة عزمها ضعيف ردها مرة ثانية ورجع دخلها من فترة طويلة بعد تنسم هواء .. سيارته غالية اي 63 وانا اشوفها كشرة ما تسوى خصوصاً وكالتها مب قد هالسيارات .. سيارتي موديل 2015 ومنتهي الضمان واصلحها عند أي عليمي والله يستر

تدري اخوي معماري ساعات اتعمد اراقب عمال الصيانه
واتوقع في اشياء تخترب على يدهم وقت الصيانه فجأه تلاقي اكسروا
شي ومايبين الا بعدين هاي غير الخرابات البسيطه اللي ممكن تعيش بدونها لكن تعال غير القطعه
اللي اصلا بتكلفك مبلغ وقدره مع شغل اليد فالوكاله وكل شي يقولون لك اخترب من طول الاستخدام
وليس من اساءة الاستخدام وياما امور شفناها وبلعنا وراها قلاصات ماي

[ya3coub]

لا حول ولا قوة الا بالله

ياريت بدال مايهتمون بالاعلانات يهتمون بخدمة بعد البيع والصيانه

الاعلانات مب مهمه قد الجوده الموجوده بالمنتج نفسه

الاخ صاحب الموضوع اخذ حقك كامل واطلب السياره البديله

لين تنحل وتتصلح باذن الله

في المستقبل خذلك سياره يابانيه وفك نفسك من مشاكل الالماني

السيارة كسيارة ما عليها كلام البلا فالوكالة عندنا غير كل هاي الأسعار الخيالية المبالغ فيها و الإهتمام السيء و السبب انه في جهات حكومية تشتري بكميات كبيرة و عقود سيرفس.

فالوكالة الكويت الأسعار ارخص ب70% من القيمة اللي فقطر و البحرين بنص السعر.

هاي شخصيا كنت استانس على سفرة الكويت ادخل السيارة سيفرس كامل فالوكالة بأسعار زهيدة جدا.


تدري اخوي معماري ساعات اتعمد اراقب عمال الصيانه
واتوقع في اشياء تخترب على يدهم وقت الصيانه فجأه تلاقي اكسروا
شي ومايبين الا بعدين هاي غير الخرابات البسيطه اللي ممكن تعيش بدونها لكن تعال غير القطعه
اللي اصلا بتكلفك مبلغ وقدره مع شغل اليد فالوكاله وكل شي يقولون لك اخترب من طول الاستخدام
وليس من اساءة الاستخدام وياما امور شفناها وبلعنا وراها قلاصات ماي

صارت معاي بأحد الوكالات و غسلتهم لأنه السيارة على يدي و محد يسوقها غيري.

للأسف هالحركة كانت قبل و الحين رجعت بقوة من كم شهر وايد يشتكون الكوتر يطلع و يرجع لشي ثاني عمره محد اشتكى منه ولا فيه شي

[طلعة الروح]

السيارة كسيارة ما عليها كلام البلا فالوكالة عندنا غير كل هاي الأسعار الخيالية المبالغ فيها و الإهتمام السيء و السبب انه في جهات حكومية تشتري بكميات كبيرة و عقود سيرفس.

فالوكالة الكويت الأسعار ارخص ب70% من القيمة اللي فقطر و البحرين بنص السعر.

هاي شخصيا كنت استانس على سفرة الكويت ادخل السيارة سيفرس كامل فالوكالة بأسعار زهيدة جدا.



صارت معاي بأحد الوكالات و غسلتهم لأنه السيارة على يدي و محد يسوقها غيري.

للأسف هالحركة كانت قبل و الحين رجعت بقوة من كم شهر وايد يشتكون الكوتر يطلع و يرجع لشي ثاني عمره محد اشتكى منه ولا فيه شي


مدام اضمنوا المبالغ الخياليه المدفوعه مسبقا من عند الجهات الحكوميه فانسى يهتمون بصغار العملاء
هاي غير التاخيرات*بسبب الضغط على مركز الصيانه واذا السياره عليها ضمان قالوله ادفع شيسوي اللي
سيارته قديمه وماعليها ضمان

[مرتبش]

عنبر اخو بلال.. للاسف كل الوكالات نفس الشي

[طلعة الروح]

عنبر اخو بلال.. للاسف كل الوكالات نفس الشي

الوكاله اللي تحترمني وتعطيني السياره نظيفه بعد الصيانه
هاي الوكاله اللي المفروض اتعامل معاها
اما وكاله ماتعرف تصلح والموضوع show وسعر غالي
وخدمة ما بعد الصيانه والمعامله مب حلوه
مافي شي يجبرني اتعامل معاها لمجرد ان السياره ك موديل
واو قدام الناس زين والتصليح والاسعار والاولويه من بيعطيني وجه
لين الواحد صادته المشاكل ما بينفعه البراند بدون خدمه عدله وصيانه

المهم ماشفنا ابديت من صاحب الموضوع ان شالله يكون انحل موضوع السياره بسلام

[kitmat]

اشكر كل من قام بالرد
الحندلله انتهت المشكله وطلعت السياره بعد ماطلعو عيونا ان شاء الله مايتكرر الموضوع ونتبهدل مره ثانيه

[كازانوفا]

السياره حلو وكل مدير احلى من الثاني بس للاسف الصيانه مصيبه