:: جلسة تداول يوم الإثنين الموافق 11-01-2021 ::

[السيلاوي]

السلام عليكم ورحمة الله وبركاته

صبحكم الله بالخير

يوم تداول موفق للجميع

وفالكم الأخضر ان شاء الله

[الغالي!]

صباح الخير
استغفر الله وسبحان الله وبحمده والله اكبر
اسال الله التوفيق لنا ولكم

[بورصاوى]

السلام عليكم
تداول موفق للجميع إن شاء الله

[ALZAAR]

السلام عليكم ورحمة الله وبركاته

[مهندس_قطري]

السلام عليكم ورحمة الله وبركاته

صبحكم الله بالخير والربح الوفير :yes:

[Abu-khalid]

سلام عليكم

اسال الله ان يرزقكم من فضله

بنك قطر الاول لمو فيه قبل وارفعوه شوي وبعدها شفنا اعلان ايجابي وتم تصريف كميه كبيره وتركيع السهم
مزايا نفس الشي ارتفع شوي وعقب اعلن ان في خبر ايجابي وتملك ويعدين تم تصريف كميه كبيره عند المقاومه وتركيع السهم مره اخرى


فودافون ممكن نفس الشي ؟! قبل كم يوم كان 1.360 والحين ممكن يفتح 1.420
ممكن يوصل 1.440 وعقب نشوفه تحت 1.4 بعد يوم يومين


ماتمنى لكن " وجهة نظر "

[Abu-khalid]

القصد من كلامي روح تابع تحليل السهم

اذا اخترق مقاومه خلك
اذا تبي تخفف عند مقاومه
اذا تبي تبيع كميتك عند المقاومه وتنتظر
اذا ماعندك مشكله وبتم بالسهم وبتبقى مستثمر

كلها خيارات لازم تحدد وحده منها عشان تقتنع

الله يرزق ملاكه من فضله

[.:: القيصر ::.]

السلام عليكم

صباح الخير

[Qatar40000]

السلام عليكم ورحمة الله وبركاته

صبحكم الله بالخير

[adell]

فودا له هدف ل 16 مبدئيا والله اعلم

[.:: القيصر ::.]

فودافون بس يخترق 1.420 بعدها 1.440 بعدها يفرررررررررررررررررررررررك له ان شاء الله

[Qtr37]

استثمار
مزايا
قامكو
الاجارة

شفيهم :(

[Abu-khalid]

استثمار
مزايا
قامكو
الاجارة

شفيهم :(


اختبار دعم

[أبو الطيب 4]

وضع السوق كئيب لمتى؟

[Abu-khalid]

وضع السوق كئيب لمتى؟

تطفيش صغار المضاربين

البعض يجمع والبعض يصرف

وهاي حال السوق في مفاوضات لين يشوفون حل اما دخول المحافظ القطريه بشكل اقوى وارتفاع الشركات

او بيع كميات على المحافظ الاجنبيه

الله يوفق الجميع ،

[Abu-khalid]

بنك قطر الاول شراء مخفي

هل يفعلها اليوم

نقول يارب

[حسن الخاطر]

تطفيش من القلب
السوق ممل

[Abu-khalid]

اغلب الاسهم الي داخلين فيها صغار المستثمرين

كمثال الاجاره ومزايا وبنك قطر الاول وازدان ،،، الخ

باقي لها خمس دراهم او عشر دراهم وتكسر الدعم

لكننننن


ارتدادها من هذي النقاط والي تمثل مستوى دعم

ممكن نشوف لها ارتفاعات اكثر واختبار المقاومه مره ثانيه واعتقد يخترقون المقاومه

فقط في حال الارتداد من مناطق الدعم وبسيوله عاليه

[السيلاوي]

صبحكم الله بالخير

[السيلاوي]

السوق ممكن يتحسن بعد الساعة 11
الاجانب نايميين:anger3:

[.:: القيصر ::.]

فجروا استثمار :)

[.:: القيصر ::.]

فودافون بس يخترق 1.420 بعدها 1.440 بعدها يفرررررررررررررررررررررررك له ان شاء الله

والله العظيم موضوعك سهل


بس !!!!!!!

[Abu-khalid]

والله العظيم موضوعك سهل


بس !!!!!!!


بسسس

بيخترق 1.420
لكن مابيقدر على 1.440

يمقن اي يمقن لا

والله اتمنى يخترق 1.440 ويغلق فوقها
ويفرح ملاكها

لكن مع الاعلانات الايجابيه الي صارت تيجي مع ارتفاع السهم ماتفائل

[هاوي مضاربات]

الله يهديه اللي شار علينا ف مزايا

[Abu-khalid]

الاجاره عند نقطة دعم ماكسرها من فترره طويله

هل يكسرها بسيوله اقل من 3 مليون ؟!

الي يفكر يدخل ع السهم يدخل بنص الكميه عند هالاسعار وعقب اذا كسر يعدل متوسط

او لايدخل ينتظررر يكسرها

الخياررر عندكم

[Abu-khalid]

الاجاره عند نقطة دعم ماكسرها من فترره طويله

هل يكسرها بسيوله اقل من 3 مليون ؟!

الي يفكر يدخل ع السهم يدخل بنص الكميه عند هالاسعار وعقب اذا كسر يعدل متوسط

او لايدخل ينتظررر يكسرها

الخياررر عندكم

لو كنت املك كاش كنت دخلت ، بس كل واحد يتحمل قراره هههههه

[Abu-khalid]

ازدان عند نقطة دعم ماكسررررها من فتره طويله

1.750

هل يكسرها وهمي ويرجع يرتد

نراقب اتمنى كسر وهمي

[Abu-khalid]

ازدان عند نقطة دعم ماكسررررها من فتره طويله

1.750

هل يكسرها وهمي ويرجع يرتد

نراقب اتمنى كسر وهمي

لم يكسرها الى الان الحمدالله

[فرع الشقاوة]

تطفيش صغار المضاربين

البعض يجمع والبعض يصرف

وهاي حال السوق في مفاوضات لين يشوفون حل اما دخول المحافظ القطريه بشكل اقوى وارتفاع الشركات

او بيع كميات على المحافظ الاجنبيه

الله يوفق الجميع ،

طب لما يطفش صغار المستثمرين اومال هايكسب من مين

[Abu-khalid]

السيوله ضعيفه الى الان*تعتبر

[الاسطوره]

نشتري ولا نصبر ياجماعة ؟

[Abu-khalid]

طب لما يطفش صغار المستثمرين اومال هايكسب من مين

من صغار مستثمرين جدد

[Abu-khalid]

نشتري ولا نصبر ياجماعة ؟

اذا تقكر تشتري ، شوف هل السهم عند دعم ولا مقاومه

راقب سلوكه مع الدعم وقرر تشتري او لا

السؤال اذا الواحد ماشترى عند دعم متى يشتري ؟!

" ممكن السهم يكسر الدعم طبعا "

زين هل السهم يوزع وبياناته جيده

كلها امور ترجع لك

هل عندك كاش تعدل متوسطك
ولا عادي لو نزل تنتظر يرجع لسعرك ومتوقع بياناته تكون ايجابيه مستقبلاً

هنا بيع واشتري

[Abu-khalid]

الاجاره شراء مخفي وعند نقطة دعم 1.220

[Ahmed86]

نشتري ولا نصبر ياجماعة ؟

من جدك؟

اللي في السوق ودهم انهم مكيشين

[.:: القيصر ::.]

نشتري ولا نصبر ياجماعة ؟

اصبر
:)

[.:: القيصر ::.]

فودافون بس يخترق 1.420 بعدها 1.440 بعدها يفرررررررررررررررررررررررك له ان شاء الله

طيروا العرض ماله ذبحنا :)

زززززهقنا مع هالسهم السلحفاة

[مضارب يومي.]

بطىء و ممل

[Abu-khalid]

طيروا العرض ماله ذبحنا :)

زززززهقنا مع هالسهم السلحفاة

يعلمك الصبر هههههه اسال مجرب ، مالك الا انتظار اعلانه

[Abu-khalid]

الاجاره شراء مخفي وعند نقطة دعم 1.220

الاجاره والعوده اعلى 1.25

نقدر نقول جاهز ؟

[Abu-khalid]

في سيولة شراء ، اشوفها جيده لكن مب نفس اليومين الي سبقو

ننتظر الاغلاق واخر ساعه ومدى جدية السيوله في الشراء

[qatar.1995]

اختبار دعم

استثمار دعم على كم من ست اشهور وهذا سعرها فوق حبه وتحت ٣ حبات هي وختها السلام

الدعم اسبوعين ثلاثه لكن ٦ شهور

احس ان الصانع مايرغب في الصعود عشان مايفتح الباب لمساهمين ينافسونه

هذا الى نحتاج له تحليل

[ضحية البورصة]

السلام عليكم و رحمة الله جميعا ،،، ناقلات ل وين ؟

[qatar.1995]

تحليل ازدان الله يحفظكم

فلوسنا راحت ونطالع قطاع العقارات المفروض يستبدل معا الانفراج

قطاع مهم بعد المصالحه


لكن ازدان تمشي عكس السير


الدليل من المصالحه وهي حمرررررررا

لحد الان

[Abu-khalid]

ازدان كسر 1.750

نتمنى الاسهم المضاربيه مايلحقونه بالكسر

[Abu-khalid]

الريان لو رجع مره ثانيه فوق 4،6 ياحلاووه بنشوف صعود اقوى باذن الله

خاصه واتوقع دخول سيوله اجنبيه علييه بشكل اكبر

[Abu-khalid]

بنك قطر الاول شراء مخفي على 1.7 هل يصمد ؟

شد ياكابتن

[Abu-khalid]

تحليل ازدان الله يحفظكم

فلوسنا راحت ونطالع قطاع العقارات المفروض يستبدل معا الانفراج

قطاع مهم بعد المصالحه


لكن ازدان تمشي عكس السير


الدليل من المصالحه وهي حمرررررررا

لحد الان

الله يعوضك هاي السهم مجنون واكبر المحللين مايضبط التحليل معاه واذا ضبط مره فشل مرتين

السهم عادي يكسر الدعم ويرجع لمت اب

يمكن تقولون ابالغ لكن كم مره يحسسك بيغلق لمت داون ويرتد ارتداد قوي بسيوله مجنونه

[قناص متقاعد]

يارب يوقف البيع في ازدان

[Abu-khalid]

الي عاجبني في مزايا والاجاره للحين ماكسرو الدعم بالرغم من كسر ازدان للدعم

الفتره الاخيره كانو اذا ارتفع يلحقونه والعكس صحيح

[.:: القيصر ::.]

يعلمك الصبر هههههه اسال مجرب ، مالك الا انتظار اعلانه

يالغالي انا صابر معاه من 2017 الحصار يوم نزل المتوسط عندي 0.861

و ابي 100% ابي ابيع ان شاء الله 1.6

[Abu-khalid]

يالغالي انا صابر معاه من 2017 الحصار يوم نزل المتوسط عندي 0.861

و ابي 100% ابي ابيع ان شاء الله 1.6

الله يرزقك من واسع فضله ويحقق مطلبك

[Qtr37]

مزايا السعر مناسب للدخول؟

[.:: القيصر ::.]

الله يرزقك من واسع فضله ويحقق مطلبك

امين اجمعين

[Abu-khalid]

ماشاء الله السيوله في الساعه الثانيه اقوى من الاولى

نراقب اخر ساعه ونص

هل دور الاسهم المضاربيه ؟

[Abu-khalid]

الريان اعتقد خلاص النداء الاخير

[معماري قطري]

وضع السوق كئيب لمتى؟

بانتظار اشتغال محرك الإعلانات والتوزيعات وبكرة البداية بإذن الله ونتمنى الخير

[Abu-khalid]

نبي العوده فوق 4.6 بالريان وعقبها نتفاهم مع 4.7

[Abu-khalid]

الريان ادري عنده نقطه نحيسه لكن يقدر يخترقها باذن الله 4.580

[معماري قطري]

ماشاء الله السيوله في الساعه الثانيه اقوى من الاولى

نراقب اخر ساعه ونص

هل دور الاسهم المضاربيه ؟

الأسهم المضاربية بتنوخ وبتريح فترة وبترجع قوية بعد التوزيعات غير اللي بتطلع عنها أخبار ايجابية واحتمال توزيعات هذي بتنتعش

[Abu-khalid]

الأسهم المضاربية بتنوخ وبتريح فترة وبترجع قوية بعد التوزيعات غير اللي بتطلع عنها أخبار ايجابية واحتمال توزيعات هذي بتنتعش

اعتقد قبل الاعلان ممكن نشوف في جوله اخيره

[Abu-khalid]

مزايا السعر مناسب للدخول؟

انا اشوف الاجاره جيده ومزايا جيده

الاجاره افضلها لان توزع ، مزايا افضله لانه سريع واخف بالانطلاق

اخوي هاي وجهة نظر وشراءك وبيعك راجع لك

[Abu-khalid]

انا اشوف الاجاره جيده ومزايا جيده

الاجاره افضلها لان توزع ، مزايا افضله لانه سريع واخف بالانطلاق

اخوي هاي وجهة نظر وشراءك وبيعك راجع لك

ما املك فيهم

[مضارب دوسري]

السلام عليكم
بروه بدت تعطي اشارات ونوايا طيبه

تحليلها في موضوعها

[مضارب دوسري]

انا اشوف الاجاره جيده ومزايا جيده

الاجاره افضلها لان توزع ، مزايا افضله لانه سريع واخف بالانطلاق

اخوي هاي وجهة نظر وشراءك وبيعك راجع لك

الاجاره توزع صح
لكن غالب توزيعها يكون زكاة عن السهم
حاول تربط بين قيمة التوزيع وقيمة الزكاه عن السهم الواحد الاعوام الماضيه

[Abu-khalid]

السلام عليكم
بروه بدت تعطي اشارات ونوايا طيبه

تحليلها في موضوعها

وعليكم السلام ، انا خلاص الحين ماقدر اعلق عندكم مضارب ، وحش الجلسه والله

قالكم التفتو لبروه ، شتنطرون ؟

[مضارب دوسري]

وعليكم السلام ، انا خلاص الحين ماقدر اعلق عندكم مضارب ، وحش الجلسه والله

قالكم التفتو لبروه ، شتنطرون ؟

حبيب حبيب يالغالي

والله مداوم شفتها بدت تعطي اشارات وتمشي على التحليل قلت اذكر بها للتركيز عالسهم ومتابعة المقاومات القادمه

[Abu-khalid]

الاجاره توزع صح
لكن غالب توزيعها يكون زكاة عن السهم
حاول تربط بين قيمة التوزيع وقيمة الزكاه عن السهم الواحد الاعوام الماضيه

توزيعها نص ريال ، يعتبر لو اخرجنا 2.5 ايضاً جيد وافضل من اي وديعه

صحيح بعد الاعلان بينزل ، لكن كمستثمر جيد

واعتقد في حال اعلانه توزيع خمسين درهم ممكن نشوف ارتفاع طفيف

[Abu-khalid]

الريان يتفاوض مع 4.580 ، ها عقب 12 يتجاوزها ونشوف 4.6 ؟

[مضارب دوسري]

توزيعها نص ريال ، يعتبر لو اخرجنا 2.5 ايضاً جيد وافضل من اي وديعه

صحيح بعد الاعلان بينزل ، لكن كمستثمر جيد

واعتقد في حال اعلانه توزيع خمسين درهم ممكن نشوف ارتفاع طفيف

لا يالغالي الزكاه تختلف
2.5% يخرجها المضارب من اجمالي ماله
اما المقتني او المستثمر فالزكاه لها حسبه اخرى
راجع قسم الاسهم فالمواضيع المثبته راح تجد قيم الشيخ القره داغي وايضا قيم صندوق الزكاه

[Abu-khalid]

لا يالغالي الزكاه تختلف
2.5% يخرجها المضارب من اجمالي ماله
اما المقتني او المستثمر فالزكاه لها حسبه اخرى
راجع قسم الاسهم فالمواضيع المثبته راح تجد قيم الشيخ القره داغي وايضا قيم صندوق الزكاه

اقل من 0.25 ، الزكاه كما هو مذكور 0.227

بعد المراجعه للجدول

[مضارب دوسري]

العام الماضي كانت زكاتها 0.0227 ريال عن السهم
هذي تعتبر اقل قيمه لها منذ سنوات يمكن لان اموال الاكتتاب انخفضت

سابقا كانت تصل الى 0.37_0.45 ريال قبل التجزئه لما كان عندهم كاش اكثر من 950 مليون ريال

[ضحية البورصة]

بو محمد مساك الله بالخير

[Abu-khalid]

عقبال ال 10800 يا اخوان ونشوف الاسهم المضاربيه ارتدادها طيب

[مضارب دوسري]

بو محمد مساك الله بالخير

هلا وغلااااااا
مسا النور

[ضحية البورصة]

هلا وغلااااااا
مسا النور
هلا اخوي هلا بالحبيب ،، الراي في ناقلات ،،

[مضارب دوسري]

هلا اخوي هلا بالحبيب ،، الراي في ناقلات ،،

وصلت لاسعار تعتبر قياسا على نتائجها متضخمه

التوقعات تشير الى توزيع ما يعادل 0.125
المستثمر ينتظرها عند اسعار تكون جيده للاستثمار ولا يستعجل

اما المضارب ف يضارب مع الموجات

[ضحية البورصة]

وصلت لاسعار تعتبر قياسا على نتائجها متضخمه

التوقعات تشير الى توزيع ما يعادل 0.125
المستثمر ينتظرها عند اسعار تكون جيده للاستثمار ولا يستعجل

اما المضارب ف يضارب مع الموجات

تسلم اخوي ،، ما قصرت ،،

[الاسطوره]

منور بومحمد

رايك وتوقعك للخليج الدولية يالغالي دامك موجود ومنورنا

واسمحلنا على الازعاج

[Abu-khalid]

ان شاء الله ازدان مايغلق تحت 1.750 ويرجع فوقها ،

[مضارب دوسري]

من اسهم التوزيعات السهم اللي يعتبر عند اسعار متناسبه مع توقعات التوزيع باقي فقط بروه اللي ممكن ممكن تعطي 5%
والدولي اعتقد ممكن يوزع ما يعادل 4.3_4.6%

من اسعارهم الحاليه

[مهندس_قطري]

السلام عليكم
بروه بدت تعطي اشارات ونوايا طيبه

تحليلها في موضوعها

عليكم السلام والرحمة...شرايك في الريان وهل فعلا يتجه بخطى ثابتة الى 5 ريال؟

[مضارب دوسري]

منور بومحمد

رايك وتوقعك للخليج الدولية يالغالي دامك موجود ومنورنا

واسمحلنا على الازعاج

خلها على راحتها مع الوقت تضبط ومع الاخبار
وان شاء الله تنفك تعليقة جميع المتعلقين بالسهم هالسنه او عالاقل تشوفونه فوق ال2.2 هالسنه

[Abu-khalid]

الريان نبي نشوفك اخر ساعه فوق 4.6

ممكن ؟

[مضارب دوسري]

عليكم السلام والرحمة...شرايك في الريان وهل فعلا يتجه بخطى ثابتة الى 5 ريال؟

الله اعلم ياخوي هالسهم ما يضبط معاي تحليله للامانه

على سعره الحالي وبما انه بدو باجراءات الاندماج بعد التوافق

سعر الخليجي يعادل 4.36 ريال من سعر الريان

[.:: القيصر ::.]

ما شاء الله الملاحة تداولها عالي

[.:: القيصر ::.]

ما شاء الله الملاحة تداولها عالي

لحظة توني كاتب المشاركة


تعلم يا فوادفون تعلم هههههههههههههههههه

[السيلاوي]

نورت الجلسة اخوي مضارب دوسري

[مضارب دوسري]

نورت الجلسة اخوي مضارب دوسري

بنوورك يالحبيب الغالي

[السيلاوي]

الاجانب صحيوا والسوق تحسن

[][ الوحيد ][]

سوق ممل و يطفش الواحد ..
انا حولت امريكا بس يبلي اصرف شوي من هني عشان ازيد هناك

[Abu-khalid]

الريان قربنا نبي اغلاق فوق 4.6

[أبو الطيب 4]

[ الوحيد ][;10804108']سوق ممل و يطفش الواحد ..
انا حولت امريكا بس يبلي اصرف شوي من هني عشان ازيد هناك
خليك في الحلال

[Abu-khalid]

فالكم ال 10800 واغلاق فوقه

[Abu-khalid]

سيوله جميله ممكن نتجاوز ال 500 مليون

الحمدالله يعتبر جيد للسوق حتى لو سهمك مارتفع " انتظر "

السيوله جيده للسوق بشكل عام

[Abu-khalid]

مبروك 10800 للمشككين

والي كانو يقولون تخارج

باذن الله تشوفون اعلى بس خلو الوطني يعلن

[مستثمر رشيد]

ماشاء الله تبارك الله ...

بروة نبي اختارق سلس للـ3.5 بدون شوشرة وروح وتعال ونطر لي باجر

[Qtr37]

بروة 3.5

[Abu-khalid]

اخواني الاسهم المضاربيه مب كلها كسرت الدعم

صبركم لاتستعجلو

[مستثمر رشيد]

اه يابروة ..... كنتي فين من زماااااان

[Abu-khalid]

اخوي " يعقوب ذياب " بتويتر وللامانه يحسب له

ذكر ان السوق الى 10810

السوق يسلم خد ع الرقم

[Abu-khalid]

وكذلك اخوي احمد رجب ذكر الهدف 10811

يحسب له

عشان ماننسى المحللين وممكن يتوفقو وممكن مايتوفقون

كلها ارزاق وتوافيق

[Abu-khalid]

ماشاء الله اخترق السوق 10810

شكل ربعنا مستعجلين ع 11 الف

الله يوفق الجمييييع

[Abu-khalid]

الاجاره ومزايا وبنك قطر الاول وازدان ؟

تحركو سوو شي يالله

السوق يغرددددد

[Abu-khalid]

ذكرت سنتجاوز ال 500 ملييييون

السوق الكلمه للاسهم القياديه

[السيلاوي]

اسهم العوائد هاي وقتها
هي المرتفعة والاسهم المضاربية مكان سر وهبوط

[Abu-khalid]

القيصر مبروك فودافون 1.420 واختراقه ، هل يقدر على 1.440 ؟

[الاسطوره]

مبرووووك يالقيصررر ^_*

[السيلاوي]

فودا ينطلق

[.:: القيصر ::.]

والله العظيم موضوعك سهل


بس !!!!!!!

مازلت اقول لك يا فودافون موضوعك سسسسسسسهل جدا

[.:: القيصر ::.]

القيصر مبروك فودافون 1.420 واختراقه ، هل يقدر على 1.440 ؟


مبرووووك يالقيصررر ^_*

يبارك فيكم

صدقني 1.44 نفس الماي


بس اللي يجمعون باردين :)

[Abu-khalid]

يبارك فيكم

صدقني 1.44 نفس الماي


بس اللي يجمعون باردين :)

اتمنى ذلك يالغالي ، انا كنت اشوفه بيروح بس لما شفت الخبر الايجابي عرفت ان ممكن يكون نفس مزايا وبنك قطر

وعقب تداول عرضي طوووويل

[Abu-khalid]

الريان شهالحركات 4.598 زين درهمين خلنا نلمس 4.6

بنشوف الاغلاق ينزلون س س محترم يلامسك باذذذذذن الله

[Qtr37]

هل بروة ممكن يوصل لمت اب :)

[Abu-khalid]

السيوله ولا اروع وتجاوز 500 ، جيد وباذن الله الثلاثا استمرار الحفله وعوده سريعه لكثير اسهم

يحسب للاجاره ومزايا لم يكسرو الدعم

اعتقد ازدان ممكن ارتفاع ويعاود فوق 1.750

[Abu-khalid]

السيوله ولا اروع وتجاوز 500 ، جيد وباذن الله الثلاثا استمرار الحفله وعوده سريعه لكثير اسهم

يحسب للاجاره ومزايا لم يكسرو الدعم

اعتقد ازدان ممكن ارتفاع ويعاود فوق 1.750

اقصد ازدان غداً مب اليوم

[.:: القيصر ::.]

الطلبات في جميع الاسهم حلوة

[فرع الشقاوة]

الطلبات في جميع الاسهم حلوة

ماعدا استثمار

[Abu-khalid]

الطلبات في جميع الاسهم حلوة

صحيح هاي الي اشوفه ايضاً ، لذلك ذكرت لاتستعجلون باذن الله في ارتداد للاسهم المضاربيه لان ماكسرو الدعم كلهم

[Abu-khalid]

سبحانك اللهم وبحمدك اشهد ان لا اله الا انت استغفرك ربي واتوب اليك

القادم اجمل باذن الله

[وسمي2016]

الله يا عمري قطر,,,



https://youtu.be/nMCcXSyiTgc

[وسمي2016]

لقطه,,,تسوى الكون كله

,,,و لينصرنا الله دايم الدوم

https://www2.0zz0.com/2021/01/11/13/480019804.jpg

[السيلاوي]

لقطه,,,تسوى الكون كله

,,,و لينصرنا الله دايم الدوم

https://www2.0zz0.com/2021/01/11/13/480019804.jpg

اليوم السوق وسمي

مبروك عليكم الاخضر وفالكم طيب

سبحانك اللهم وبحمدك أشهد أن لا إله إلا أنت أستغفرك اللهم وأتوب إليك

[السيلاوي]

نراكم غدا ان شاء الله