ثقافة موظف بنك رسمي!!!!!!

[MAZEN37]

السلام عليكم
حصل موقف امامي
كنت بالبنك لمعاملة وجبت الانتظار على الكاونتر
المهم بالمختصر
جا رجال كبير بالسن وسؤاله للموظف عن سعر صرف الدولار
فجاوب الموظف السعر ثابت ثلاثه وخمس وستين
رد قاله شراء او بيع
قاله كله واحد والسعر ثابت
سؤالي
هل يعقل الموظف هذه معلوماته
لكن هالموقف يخليك تروح تسأل اكثر من موظف لانه يمكن الاقي اجابات مختلفه

[R 7 A L]

لو الموظف فتح الكمبيوتر ودخل الموقع وشاف السعر
سعر البيع والشراء وجاوب يكون أفضل

[Grnas]

الدولار مربوط بالريال فسعره ثابت ما يتغير

[سالم الزهران]

الاجابة اللي معطيها الموظف للوالد هذا مثل أي اجابة ممكن يحصلها هالشيبه في الشارع، يعني عنوته للبنك ببلاش.

[مستر بن]

.
.

سؤال لآهل الخبره فالمنتدى . . هل السعر يتغير ولا صح جوابه ؟

[معماري قطري]

.
.

سؤال لآهل الخبره فالمنتدى . . هل السعر يتغير ولا صح جوابه ؟

التغير طفيف سعر الشراء شوي أرخص من البيع .. يعني يشترون منك ب 3.63 ممكن ما ادري بالتسعيرة بالضبط ولا ادري لو ثابتة من المصرف المركزي وهذا المتوقع ويبيعون ب 3.65 وبعد تقريباً فيه كسور بسيطة على ما اعتقد

يعني شريت 10000 دولار بتدفع مبلغ بحدود 36500 ولو رجعت تبيعه في نفس الدقيقة بتخسر حول 200 - 300 ريال وممكن يقولون لك ما نشتري من حقهم

نفس الشيء لو تشتري أسهم عمولة شراء وعمولة بيع

[معماري قطري]

على ما اذكر كانت بعض الصرافات تعطيك سعر أفضل من البنك وتشتري منك بعد بسعر افضل وأظن عندهم نسبة معينة من كذا لكذا

[طلعة الروح]

كلمة ثقافة كلمة كبيره ترى ومالها علاقه هنيه، العيب من الشخص اللي مايستخدم الموقع الرسمي للبنك ويشوف اسعار الصرف ولا يقراها
من الشاشه، عندنا ثقافه اسمها الاستسهال ههههههه محد يبي يتعب ع المعلومه واذا خذ المعلومه غلط رفع السماعه ع البنك وشكوى ع الموظف اللي خسرّه مبلغ فرق العمله.

[معماري قطري]

كلمة ثقافة كلمة كبيره ترى ومالها علاقه هنيه، العيب من الشخص اللي مايستخدم الموقع الرسمي للبنك ويشوف اسعار الصرف ولا يقراها
من الشاشه، عندنا ثقافه اسمها الاستسهال ههههههه محد يبي يتعب ع المعلومه واذا خذ المعلومه غلط رفع السماعه ع البنك وشكوى ع الموظف اللي خسرّه مبلغ فرق العمله.

شجعتيني ليش ما ابحث وحصلت هذي المعلومة قبل أيام عمري سنتين عندي شوية أسنان ومبتدي أعض

18سبتمبر1966-نوفمبر 1967 ريال قطر ودبي الجنيه الإسترليني 13.3333ريال / جنيه إسترلينـي، أو ما يعادل ذلك من الذهب الخالص

كنا كل فترة لها عملتها وربطها بعملة أُخرى حتى الريال السعودي مر علينا

يوليو 2001-إلى الآن**** الريال القطري الدولار الأمريكي 3.64

وهذا الرابط

http://www.qcb.gov.qa/Arabic/PolicyFrameWork/ExchangeRatePolicy/Pages/ExchangeRatePolicy.aspx

وفي موقع آخر فيه تذبذب بسيط بحدود 0.003 في أُسبوع .. لكن متأكد إن سعر الشراء وانت تشتري من البنك غير عن سعر وانت تبيع على البنك وبعض الصرافات شوي تعطي سعر تفضيلي وصحيح ما يفرق كثير .. في مصر غير الفرق في السوق السوداء غير عن السوق الرسمي وهذا عن تجربة بعد كنت باصرف 4000 دولار سنة 1982 طلعت 3800 أيام عز الجنيه وغامرت وصرفت في السوق السوداء بدون خوف من السرقة وطلعت ب 4400 مب بالضبط بس حولها

[معماري قطري]

هذي صرافة الفردان واضحين يقولون نشتري ب 3.64 ونبيع ب 3.65

الولايات المتحدة دولار أمريكي USD 3.64 3.6500 3.65

https://www.alfardanexchange.com.qa/%D8%A3%D8%B3%D8%B9%D8%A7%D8%B1-%D8%A7%D9%84%D8%B5%D8%B1%D9%81/?lang=ar

[سالم الزهران]

امس رحت البنك ودخل حرمة كبيرة في السن، الظاهر راحت للقسم النسائي في البنك ولا افادوها.
شافها مدير الفرع تكلم احد الموظفين كانت تبغي تبيع صندوق استثماري.
قالها مدير البنك عبي النموذج ويجوز تخسرين! الحرمة معها بنية قامت عبت النموذج وقالها المدير انا برفع لك طلب استفسار عن قيمة الصندوق.. الرد ممكن يجي اخر الدوام وممكن عقب 24 ساعة، اكتبي رقم تواصل وارد لك خبر. اذا قررتي البيع انفذ لك وتتحول الفلوس لحسابك واذا كنسلتي براحتك..قالت العجوز اذا خسارة قوية ما بنبيع.

يمكن السالفة قريبة او لا لسالفة اللي يسأل عن الدولار، لكن العبرة في الموظف وانا اشهد لله ان هالمدير هو اللي شجعني اسدد مديونيتهم وكأن الحلال له.. وجزاه الله خير وكل موظف بشوش وخدوم.

[الـقـاسـي]

كلام الموظف صحيح , سعر صرف الدولار ثابت بالريال وفرق البيع والشراء طفيف جدا لايذكر لذلك أختصرها للسائل.
الدولة تضمن لك سعر 3.65 ف مايحتاج تتعب نفسك وتدور في المواقع.

[الزعيــم]

موظف بنك يقول سعر الصرف بيع وشراء نفس الشي ، اذا هذا كلامه فهو محاسب عليه مافي شي اسمه سعر الصرف والبيع نفس الشي حتى لو الفرق بسيط

[بوNasser]

الدولار مربوط بالريال فسعره ثابت ما يتغير

لازم فيه فرق، وان كان بسيط لكن كلما زاد المبلغ، كلما زاد فرق السعر.

هذي اسعار اليوم من التجاري وبنك قطر للمقارنة فقط.

103968

[dammaj77]

سعر الدولار الشراء يتارجح مابين 3.650200 الى 3.650100 و البنك يشتري منك الدولار3.6300