تشققات في زوايا البيت -صورة-

[Breakaway]

السلام عليكم،
محتاج إستشارة أهل الخبرة في هذه التشققات، هل هي خطيرة وكيف يتم إصلاحها، أي مقاول صيانة تنصحوني به؟

103969

103970

103971

103972

[معماري قطري]

عليكم السلام ورحمة الله وبركاته

هذي حلها سهل حتى من عمال عاديين بس ممكن ترجع المشكلة مرة ثانية وسببها الحديد عادي من توصله الرطوبة يصدي ويستوي له ما يسمى إدماء مثل سيلان الدم من الجرح ومعاه يكسر الخرسانة وينتفخ الحديد .. في بدايات حياتي العملية واجهتني نفس المشكلة في بيت الوالد القديم الله يغفر لوالدي ووالديكم .. من حول 20 - 25 سنة وكان التأثر أكبر بكثير عمال بسيطين كسروا الخرسانة وعروا الحديد وسووا له تنظيف من الصدأ ورجعوا صبوا بلاستر قوي معاه مواد .. ألحين المشكلة راجعة والسبب الزراعة قرب الجدار والماي تتشرب منه الخرسانة ويزيد الصدأ

هذا الحل الترقيعي السهل واللي تكلفته يمكن بحدود المئات القليلة وألحين تطورت المواد وفيه مواد قوية .. كذلك ممكن تسوي تعرية وتكسير لعمق أكبر وتصب خرسانة مع خلطة مواد مقوية وهذي موجودة عند مابي اللي ملاصق للدي اتش ال في شارع سلوى وعند سيكا وعند المناعي .. وتوجد خلطة الإسمنت البلورية في بعض شركات الردي مكس بس كميتك احتمال قليلة ما يوردون لك

ضروري تعيد التبليط تسوي سلوب بعيد عن الحائط حتى ما يتجمع الماي قربه وتحفر شوي تعزل تحت وتصلح تحت .. الجزء الظاهر هذا راس المشكلة وجذورها تحت وسو حفرة تجريبية

الصيانة صعب تحديد سعرها من البداية لذلك لازم تتفق مع فورمان أمين يسوي الشغل حسب الموجود وتعطيه حقه أثناء العمل وجزء جدار مبني ملاصق للجسور الارضية ورقاب العمدان بعد اتمام التنظيف وعزل الحديد بمادة عازلة للرطوبة ممكن يكون حماية إضافية والشغل لو تم صح بيبقى بدون مشاكل لفترة طويلة 30 سنة وزود

تبغي رقم فورمان باكستاني شاطر عندي مع إني محتاجه بكرة

[معماري قطري]

واضح من الصور إن الخرسانة ضعيفة

سؤال .. كم دور البنيان وهل فيه شلوخ فوق وشكثر صار له مبني؟

لو جديد علمنا من المقاول الشرير ذيه حتى نحذر منه شغل واضح إنه رديء للغاية

[Breakaway]

عليكم السلام ورحمة الله وبركاته

هذي حلها سهل حتى من عمال عاديين بس ممكن ترجع المشكلة مرة ثانية وسببها الحديد عادي من توصله الرطوبة يصدي ويستوي له ما يسمى إدماء مثل سيلان الدم من الجرح ومعاه يكسر الخرسانة وينتفخ الحديد .. في بدايات حياتي العملية واجهتني نفس المشكلة في بيت الوالد القديم الله يغفر لوالدي ووالديكم .. من حول 20 - 25 سنة وكان التأثر أكبر بكثير عمال بسيطين كسروا الخرسانة وعروا الحديد وسووا له تنظيف من الصدأ ورجعوا صبوا بلاستر قوي معاه مواد .. ألحين المشكلة راجعة والسبب الزراعة قرب الجدار والماي تتشرب منه الخرسانة ويزيد الصدأ

هذا الحل الترقيعي السهل واللي تكلفته يمكن بحدود المئات القليلة وألحين تطورت المواد وفيه مواد قوية .. كذلك ممكن تسوي تعرية وتكسير لعمق أكبر وتصب خرسانة مع خلطة مواد مقوية وهذي موجودة عند مابي اللي ملاصق للدي اتش ال في شارع سلوى وعند سيكا وعند المناعي .. وتوجد خلطة الإسمنت البلورية في بعض شركات الردي مكس بس كميتك احتمال قليلة ما يوردون لك

ضروري تعيد التبليط تسوي سلوب بعيد عن الحائط حتى ما يتجمع الماي قربه وتحفر شوي تعزل تحت وتصلح تحت .. الجزء الظاهر هذا راس المشكلة وجذورها تحت وسو حفرة تجريبية

الصيانة صعب تحديد سعرها من البداية لذلك لازم تتفق مع فورمان أمين يسوي الشغل حسب الموجود وتعطيه حقه أثناء العمل وجزء جدار مبني ملاصق للجسور الارضية ورقاب العمدان بعد اتمام التنظيف وعزل الحديد بمادة عازلة للرطوبة ممكن يكون حماية إضافية والشغل لو تم صح بيبقى بدون مشاكل لفترة طويلة 30 سنة وزود

تبغي رقم فورمان باكستاني شاطر عندي مع إني محتاجه بكرة


اشكرك اخوي معماري قطر، تشخيصك وطريقة العلاج ما شاءالله جات 100% مع تقرير مقاول صيانة، المقاول عطاني عرض سعر ب 13000 ريال تقريبا، يشمل دار ما دار البيت واجهة البيت و جانبين الفيلا حوالي 45 متر طولي، كلهم فيهم نفس المشكلة، تفاصيل الأعمال مرفقة، شرايك بعرضه؟

الفيلا صار لها عشر سنين تقريبا

[مضارب دوسري]

شبك حديد فوقه طبقة اسمنت خفيفه فوق شبك حديد ثاني ومن عقبها ينضرب كأنه بلاستر

وممكن تضرب من البدايه باسمنت مع كنكري طبقه(يصير كنه صبيه) وفوقه بلاستر

اهم شي لا شفت واحد جايب لك اسمنت ابيض او جبس وقالك تمام
كب الجبس فوق راسه


طبعا ببن طبقه وطبقه على الاقل 6 ساعات عشان يمسك

سويتها في بيت الوالد وتمام صار لها 6 سنين

والمنفذ كان عمال يوميه
حقين بلاستر قلت لهم بدل ال100 يوميتكم بعطيكم 200 ووجبة الغدا علي

في 3 ايام تم الانتهاء وخذوا ال1200 وهم فرحانين :)

[sara jsm]

اهم شي لا شفت واحد جايب لك اسمنت ابيض او جبس وقالك تمام
كب الجبس فوق راسه


بل :taunt::taunt:

:

اخوي بريك شوف اساس المشكله من وين ؟ هل يتجمع الماي في ذاك المكان ؟ او فيه زرع مثلا ؟
عشان ماتعالج من هني وترجع المشكله من هني ..
انا صارت لي نفس المشكله في بيتي قبل لا اكمل سنه فيه بسبه الماي في المنطقه اللي انا فيها ..
واستخدمت بلاستر ( عازل للماء ) وان شاءالله ماترجع لي المشكله ..

والله يسهل عليك بس لازم تشوف المشكله عشان ماتخسر اكثر من مرة ..

[مضارب دوسري]

بل :taunt::taunt:

:

اخوي بريك شوف اساس المشكله من وين ؟ هل يتجمع الماي في ذاك المكان ؟ او فيه زرع مثلا ؟
عشان ماتعالج من هني وترجع المشكله من هني ..
انا صارت لي نفس المشكله في بيتي قبل لا اكمل سنه فيه بسبه الماي في المنطقه اللي انا فيها ..
واستخدمت بلاستر ( عازل للماء ) وان شاءالله ماترجع لي المشكله ..

والله يسهل عليك بس لازم تشوف المشكله عشان ماتخسر اكثر من مرة ..

صحيح من العقد مبين ان سلوب البلاط مش مضبوط
يقدر صاحب البيت بانه يركب بلاط داير البيت بشكل مرتفع عن باقي بلاط الحوش كحل يعتبر اوفر ماديا (الظاهر اللي ركب بلاط الحوش اخترع فكرة ان يخلي السلوب على البيت مب على السور فالمناطق الجانبية)

لفت نظري الماده الكيميائيه اللي في كل عقد اشوفها وعادة مافيه ماده كيميائيه سطل بيتومين اسود ب 60 ريال ويقولون ماده كيميائيه (سطل اليتومين افضل شي فيه مناسب لطرد الحشرات من المجاري اعزكم الله ومن دخولهم للبيت لفترات تتراوح من 4 الى 6 شهور)

[مضارب دوسري]

واضح من الصور إن الخرسانة ضعيفة

سؤال .. كم دور البنيان وهل فيه شلوخ فوق وشكثر صار له مبني؟

لو جديد علمنا من المقاول الشرير ذيه حتى نحذر منه شغل واضح إنه رديء للغاية

للأسف فكرة البناء التجاري صارت مثل المرض الخبيث المنتشر في كثير من الفلل وكلها على بعضها لتوفير ما يقارب 80 الى 120 الف من سعر البناء ويجي المواطن يشتري بيت للاستثمار او للسكن ويحصل البناء تجاري)
في نفس الوقت التاجر اللي بنى الارض كان يقدر يبني صح ويبيع بسعر اعلى من سعر بيعه ب 80_120 الف ويكسب دعاء اللي يشتري منه

[Breakaway]

شبك حديد فوقه طبقة اسمنت خفيفه فوق شبك حديد ثاني ومن عقبها ينضرب كأنه بلاستر

وممكن تضرب من البدايه باسمنت مع كنكري طبقه(يصير كنه صبيه) وفوقه بلاستر

اهم شي لا شفت واحد جايب لك اسمنت ابيض او جبس وقالك تمام
كب الجبس فوق راسه


طبعا ببن طبقه وطبقه على الاقل 6 ساعات عشان يمسك

سويتها في بيت الوالد وتمام صار لها 6 سنين

والمنفذ كان عمال يوميه
حقين بلاستر قلت لهم بدل ال100 يوميتكم بعطيكم 200 ووجبة الغدا علي

في 3 ايام تم الانتهاء وخذوا ال1200 وهم فرحانين :)

اشكرك أخوي الدوسري على هذه المعلومات

[Breakaway]

بل :taunt::taunt:

:

اخوي بريك شوف اساس المشكله من وين ؟ هل يتجمع الماي في ذاك المكان ؟ او فيه زرع مثلا ؟
عشان ماتعالج من هني وترجع المشكله من هني ..
انا صارت لي نفس المشكله في بيتي قبل لا اكمل سنه فيه بسبه الماي في المنطقه اللي انا فيها ..
واستخدمت بلاستر ( عازل للماء ) وان شاءالله ماترجع لي المشكله ..

والله يسهل عليك بس لازم تشوف المشكله عشان ماتخسر اكثر من مرة ..

أساس المشكلة كانت أن مقاول البنيان كان تعييييس وسيء والأستشاري اتعس منه ):
بالنسبة للماي مافيه مجال يتجمع فيه، فيه سلوب مناسب

شكرا يا سارا

[مضارب دوسري]

سو تشييك احترازي
عالحمامات والمنهولات اذا فيه تسريب او شي او بايبات الصرف الصحي فالمجاري
والله يوفقك وييسر لك


وتقدر دام المقاول كان تعيس
البلاطه الاولى اللي داير البيت تنشال و10 الى 15 سم تنحفر وتتعبى اسمنت مع كنكري وفوقهم يكون البلاط ومنسوب البلاطه بعد ذلك تكون اعلى من منسوب بلاط الحوش ولو 2سم وبشكل سلوب باتجاه البلاط القديم
على الاقل لتقليل اكبر قدر ممكن من وصول الماء مستقبلا

مع ملاحظة شكل التربه تحت البلاط اذا مبين عليها جايها ماي او ناشفه

[معماري قطري]

اشكرك اخوي معماري قطر، تشخيصك وطريقة العلاج ما شاءالله جات 100% مع تقرير مقاول صيانة، المقاول عطاني عرض سعر ب 13000 ريال تقريبا، يشمل دار ما دار البيت واجهة البيت و جانبين الفيلا حوالي 45 متر طولي، كلهم فيهم نفس المشكلة، تفاصيل الأعمال مرفقة، شرايك بعرضه؟

الفيلا صار لها عشر سنين تقريبا

سامحني يا اخوي على التأخير

تعرية الحديد والشغل سليم بس عليك بالمواد ومواصفاتها والضمان

تقدر لو حبيت تسوي طريقة مضارب بس مهم تشتري المواد بنفسك وتتابع العمال ولو تجيب فورمان زين .. شغل المقاول اتوقع يسويه من فوق بدون حفر وهنا بتكون مشكلة .. لازم تحدد معاه إن الحفر يكون لين الوصول لين نهاية الجسور الارضية وبداية الطابوق اللي تحت الجسور والعزل بعدين يكون بربرايزد بتومين غاطين أو ثلاثة وبعده بلاستيك سميك ويتم الدفان بدفان ناعم حتى ما يخدش البلاستيك

باقي الشغل صحيح والسعر معقول لا تستهون فيه بس توصيف العمل ضروري وتوصيف المواد

[معماري قطري]

صحيح من العقد مبين ان سلوب البلاط مش مضبوط
يقدر صاحب البيت بانه يركب بلاط داير البيت بشكل مرتفع عن باقي بلاط الحوش كحل يعتبر اوفر ماديا (الظاهر اللي ركب بلاط الحوش اخترع فكرة ان يخلي السلوب على البيت مب على السور فالمناطق الجانبية)

لفت نظري الماده الكيميائيه اللي في كل عقد اشوفها وعادة مافيه ماده كيميائيه سطل بيتومين اسود ب 60 ريال ويقولون ماده كيميائيه (سطل اليتومين افضل شي فيه مناسب لطرد الحشرات من المجاري اعزكم الله ومن دخولهم للبيت لفترات تتراوح من 4 الى 6 شهور)

المادة الكيميائية حق تغطية الحديد بعد تنظيفه من الصدأ لأن مهما سويت وسكرت بخرسانة الرطوبة بتوصل مع مرور الوقت والصدأ بيتكرر وبتصير المشكلة مرة ثانية .. صحيح البيتومين سعره ولا شيء وحتى كل المواد الباقية من بلاستيك اقصى سمك سعره تافه لين المواد الإسمنتية والخلطات القوية اللي تنصب بدال الخرسانة المنتهية أقوى منها وأفضل من صبيات الردي مكس وتنخلط في الموقع لو الكمية قليلة لو كبيرة ممكن يحتاج ردي مكس

أوقات تكون الخرسانة تحت هشة ووقت التكسير تتفكك كأنها تراب وتحتاج استبدال ومبلغ ال 13000 ما يكفي بيحتاج 4 أضعافه في هذي الحالة واحتمال يحتاج جيكات تدعيم أو تكسير منطقة منطقة واستبدال خرسانتها كاملة .. كله يعتمد على الحفر والفحص المبدئي وبعدين يبين معانا حجم الشغل

وإحتمال ثاني يكون الشغل المحتاجين له بسيط جداً وكم عامل وشوية اسمنت وشبك بلاستر تفي بالغرض

[معماري قطري]

بل :taunt::taunt:

:

اخوي بريك شوف اساس المشكله من وين ؟ هل يتجمع الماي في ذاك المكان ؟ او فيه زرع مثلا ؟
عشان ماتعالج من هني وترجع المشكله من هني ..
انا صارت لي نفس المشكله في بيتي قبل لا اكمل سنه فيه بسبه الماي في المنطقه اللي انا فيها ..
واستخدمت بلاستر ( عازل للماء ) وان شاءالله ماترجع لي المشكله ..

والله يسهل عليك بس لازم تشوف المشكله عشان ماتخسر اكثر من مرة ..

غريبة خلال سنة بينت الشلوخ وين الإشراف والشغل الجيد؟

نصيحة لكل اللي يبنون بدال ما يسوون الجسور الارضية بعرض الجدار 20 سم يسوونها بعرض 30 سم حتى تكون مغطية الحديد عدل ويركبون حديد مغلف .. انا عندي الجدران الخارجية 40 سم والجسور الارضية يمكن شوي أعرض مع رؤوس الأعمدة كانت اللي تحت الأرض أعرض ب 5 سم من كل الجهات حتى نضمن تغطية مناسبة للحديد اللي هو مغلف أصلاً لكل البيت فوق وتحت وبعد كانت الأعمدة الخارجية كلها بعرض الحائط .. بس الجسور العلوية سويتها بعرض 20 سم على الطابوق الداخلي حتى العزل الحراري يستمر وراها .. وتكلفة بيتي كانت مشابهة لتكلفة البيوت اللي تنبني ذاك الوقت بدون كل هذا ولي ولد عم بنى معاي وكلف نفس الشيء وبدون ذي المواصفات

[Breakaway]

سامحني يا اخوي على التأخير

تعرية الحديد والشغل سليم بس عليك بالمواد ومواصفاتها والضمان

تقدر لو حبيت تسوي طريقة مضارب بس مهم تشتري المواد بنفسك وتتابع العمال ولو تجيب فورمان زين .. شغل المقاول اتوقع يسويه من فوق بدون حفر وهنا بتكون مشكلة .. لازم تحدد معاه إن الحفر يكون لين الوصول لين نهاية الجسور الارضية وبداية الطابوق اللي تحت الجسور والعزل بعدين يكون بربرايزد بتومين غاطين أو ثلاثة وبعده بلاستيك سميك ويتم الدفان بدفان ناعم حتى ما يخدش البلاستيك

باقي الشغل صحيح والسعر معقول لا تستهون فيه بس توصيف العمل ضروري وتوصيف المواد

تسلم أخوي معماري قطري ما قصرت، إن شاء الله بخليه يسوي لي الشغل

[معماري قطري]

تسلم أخوي معماري قطر ما قصرت، إن شاء الله بخليه يسوي لي الشغل

الله يسلمك

شوف شلون الوضع عندك مقارب لذيه


https://www.youtube.com/watch?v=LZk_pqV2oxY

بس انت تحت الارض في غالبه والضرر اللي تشوفه خارجي ما يبين شالمختفي الا بالتكسير شوي شوي وبعناية

[معماري قطري]

https://www.youtube.com/watch?v=uF08FgnXDnM

[sara jsm]

ماقصرت معماري عالشرح الوافي :nice:

[معماري قطري]

ماقصرت معماري عالشرح الوافي :nice:

المشكلة يا اختي إن المشكلة مستمرة وتتطور وحلها كان سهل من البداية

وما يبين الصدأ لين وين واصل .. شفتي المنظر في الفيديو الأخير هذا شفته في سقف غرفة في بيت الوالد القديم وقلت مستحيل يتصلح .. إخوي سوى عزل جديد للسقف وجاب عامل هندي قال له بس جيب ما ادري كم كرتون بيض واسمنت وسوى خلطة بيض واسمنت ما اذكر عاد بياض والا صفار والا كل البيض وبعد تنظيف الحديد سوى بلاستر ثاني بالخلطة وهذا من حول 20 - 23 سنة ومن ذاك الوقت للحين والبيت شامخ ويخدم ومؤجر ألحين .. كان تقديري إن لازم يهدم ويبنى مرة ثانية وكنت مخطيء خطأ كبير

ما ادري شالسر بس بعض الخلطات مع الإسمنت تكون قوية منها خلطة الرماد بالطين قبل واستخدمت قديماُ بنوعيات اسمنت بدائية

إحتمال الحديد مب متضرر وايد والصدأ بسيط واعادة صب الأجزاء المتكسرة تعطي تماسك وتغلق الفجوات وتمنع مرور الرطوبة مع العازل وينعدم الصدأ ولا تكون فيه مشاكل طول العمر بس هذا الإحتمال نعرفه لو حفرنا وعرينا الحديد في كم موقع بعدين نقرر شنسوي للباقي

[سعود.]

والله شي بيض مع الاسمنت :taunt: البيض غني للبروتين واكيد يقوي الاسمنت اذا لاعبين كمام الاجسام غذائهم الاساسي هو البروتين

[سعود.]

المشكلة يا اختي إن المشكلة مستمرة وتتطور وحلها كان سهل من البداية

ما اذكر عاد بياض والا صفار والا كل البيض

هههههههههههههههه

[معماري قطري]

هههههههههههههههه

هي صحيح إخوي سعود نكتة هندسية بس أذكر كنت ما اظن فيه أمل يتصلح السقف كتل وايد طايحة ويبين مثل الرمل .. كان البنيان من أيام استخدام رمل البحر إذا تذكره والبيت قديم وايد ما تخيلت هالترقيع ينفع فيه .. كنت كل ما ادخل عيني ترتكز على السقف وبقى سنوات صامد وبعد ما خلصه كأنه جديد

[sara jsm]

والله شي بيض مع الاسمنت :taunt: البيض غني للبروتين واكيد يقوي الاسمنت اذا لاعبين كمام الاجسام غذائهم الاساسي هو البروتين

هههههههههههه يمكن حديدهم معضل عشان جذي يحتاج بيض .. :happy::happy:

[معماري قطري]

والله شي بيض مع الاسمنت :taunt: البيض غني للبروتين واكيد يقوي الاسمنت اذا لاعبين كمام الاجسام غذائهم الاساسي هو البروتين

أول ما رحت أمريكا سكنت عند صديق الدراسة في الاعدادي والثانوي وكان معصقل وقتها بس يوم وصلته الا معضل وكله تمارين ومن عصير البيض النيء وريحة الشقة كلها بيض .. الله يذكره بالخير ألحين دبلوماسي كبير في أمريكا ويجي قطر أوقات وللحين عاشق للحديد

باشوف لو احصل معلومة عن هذي الطريقة ودورت قبل ما حصلت

[معماري قطري]

هههههههههههه يمكن حديدهم معضل عشان جذي يحتاج بيض .. :happy::happy:

شفتي صورة الفيديو اللي علقت عليها .. هذي حديدها أفضل حال وهذي جسر ارضي ذيك خرسانة سقف ومن الوسط يعني فيه انحناء كان .. كم كلف تصليحه يمكن مبلغ تافه .. شركة ساتكو اللي سكرت كانوا أبطال في العزل المائي وقتها وكانوا ساكنين بيت للوالد الله يغفر له في الريان مع شركة العطية لمحطة بترول قطر القديمة اللي أزالوها وسووا العزل بعد برخيص .. مع إن ساتكو مختصين كانوا في اضافات الخرسانة ومقوياتها بس هالهندي ما ادري من وين محصله إخوي والظاهر تخصصه يسوي سندويشات بيض

[sara jsm]

ههههههههههههههه بعد الهنود لعبتهم البيض
عاد الشغل بالبيض مكلف والله وحرام هذي نعمة مايصير نلعب فيها ..
بس اخوك طلع فنان اكثر منك ههههههه عسى البيت ما زفّر عقب البيض ههههههههه

[معماري قطري]

ههههههههههههههه بعد الهنود لعبتهم البيض
عاد الشغل بالبيض مكلف والله وحرام هذي نعمة مايصير نلعب فيها ..
بس اخوك طلع فنان اكثر منك ههههههه عسى البيت ما زفّر عقب البيض ههههههههه

هو إعتمد على العامل والعامل طلع صح بس صج وضع غريب

شوفي الفيديو ذيه عن البيض مع الاسمنت صحيح متماسك بس حرارة 1000 درجة شيء ما يحصل الا في حريق قوي



https://www.youtube.com/watch?v=7f0iEQF5eiA

[معماري قطري]

هذي تجربة مخبرية لطلاب جامعيين وبخلطة معينة طلعت قوة تحمل المكعب للضغط أعلى في العينات المضاف لها بياض البيض .. لكن احنا نتكلم عن قوة التصاق وثبات طول هالسنين وأكيد الخلطة كانت ناجحة 100%

في السابق شفت مبنى حكومي نفس الحال وكان تقريري إنه يهدم لأن إختبارات المختبر قوة الخرسانة 0 وكان المبنى قاعة كبيرة ووضعه صج خطر .. هذي غرفة عادية 5 في 6 كان اصلاحها ممكن وبعد للجسور الارضية مؤكد ممكن لكن شالمقادير للخلط مب معروفة والأفضل نستعمل الكيماويات الخاصة الموجودة في السوق أبسطها ألياف الفايبر مع العزل القوي لضمان عدم تسرب الرطوبة مرة ثانية مع ضمان نسوي تغطية كافية للحديد حتى لو عرضنا الجسور شوي جهة الحوش


https://www.youtube.com/watch?v=V0IeI8-fPCM

[سعود.]

والله شي

طرى علي اهل الشام بعضهم اذا جاهم مولود ( ذكر ) يدهنونه بزيت زيتون طبيعي يقولون يقوى العظام

:strong