الحنين إلى الماضي والذكريات الجميلة

[bwor]

https://youtu.be/vUQvHlogIe4

[طلعة الروح]

النفسيات تغيرت اخوي طبعا قبل بساطه واحترام

والناس كانوا على قل التعليم والتكنولوجيا الا انه فيهم سنع وادب اكثر من الحين
زادت الفلوس وزاد الانغلاق على النفس

وين اول الناس قراب من بعض وتعرف كل جيرانك اللي حولك والزيارات بين بعض
الحين ماتعرف اسامي جيرانك الا بالصدفه

الفلوس، الكبر والفشخره غير المبرره، الطمع واللهاث الزايد ورا الشغل والبزنس غيرت وايد ناس وخربت اطباعهم

بالنهايه الله خلق البشر كائنات اجتماعيه مهما الواحد ظل يكابر وينغلق يبقى المبدأ
الناس للناس.

نرجو من الجميع الرجوع الى البساطه والاساسيات قدر المستطاع.

وشاكرة لك الموضوع الجميل.

[Rider]

ايه زمن الطيبين كل شي غير عن الحين

[sara jsm]

ليتنا ماكبرنا :)
ذيك الايام كانت احلى وانظف ..

[ابو عبدالله.]

بووه وايد يفضلون قبل عن الحين

برأيي ان الحنين للماضي شي جيد لكنه امر نفسي اكثر من كونه وضع افضل سابقا

يمكن قله الزحمه او بساطه الامور شيء مفتقد الان

لكن التطور طبيعي.
مع اني بعمر ليس بالصغير و افتقد ذكرى الماضي لكن الان احنا افضل حالا من قبل بكثير ولو خيروني بفضل الوقت الحالي

مستوى الصحه افضل الان مع خدماتهم و الاسعاف و الاجهزه الخ

صرنا متعلمين مش بس دراسه حتى اطلاع و ثقافه و نمط حياه

الطموح كان محدود لمحدوديه العقليات سابقا لكن الان مش كل واحد يتمنى يصير مثل ابوه بس. يبي يكون افضل و اغنى و اصح

ترى قبل كانت الكهرباء تنقطع بعز الصيف ههههه

البيوت تخر من اول زخه مطر
ثقافه الصحه و الاسنان كانت ضعيفه جدا

لو بتمنى. بتمنى يسوون منطقه بطراز قديم مثل البيوت الي قرب الخور للتصوير و المسلسلات

فعليا شغالين على اسواق مثل سوق واقف. خلصوا الوكره و شغالين على ام صلال و الخور

لكن بيكون حلو لو يسوون منطقه على البحر بيوت و فنادق بطراز قديم و قهاوي و ممرات بدون سيارات كمنطقه سياحيه تعكس ماضي قطر و حياتنا قبل

هذه بتعجبني لكن ان كل شيء يرجع ورى و نعيش مثل قبل اشوفها تعب والله

[سالم الزهران]

لو بتمنى. بتمنى يسوون منطقه بطراز قديم مثل البيوت الي قرب الخور للتصوير و المسلسلات

فعليا شغالين على اسواق مثل سوق واقف. خلصوا الوكره و شغالين على ام صلال و الخور

لكن بيكون حلو لو يسوون منطقه على البحر بيوت و فنادق بطراز قديم و قهاوي و ممرات بدون سيارات كمنطقه سياحيه تعكس ماضي قطر و حياتنا قبل

هذه بتعجبني لكن ان كل شيء يرجع ورى و نعيش مثل قبل اشوفها تعب والله

حياك الله اخونا الحبيب بو عبدالله
اقتبست هذا الجزء من كلامك تأكيد على أهميته. والتراث القطري وجد خدمة كبيرة مشكور من تبناها. التميز شيء جميل واعتقد قطر حققت تميز تراثي كبير والى المزيد ان شاء الله.

من ناحية رأي الشخصي في الماضي فهو بغض النظر عن كونه ذكريات وصور لاماكن وشخصيات عزيزة.

لكن من ناحية الفكرة والعبرة، حصلت كثير من العبر.. منها على سبيل المثال، شايبنا رحمه الله كان يحارب حرية التعبير هذي و لا يلتفت لها.

تعلمنا وقرأنا عكس اللي عرفناه من شيباننا. لكن اليوم انا شخصياََ وجدت أن الشايب محق (في نظري) وانا اليوم ضد حرية التعبير. طبعاََ المصطلح هذا شائك وتطبيقاته واسعة لكن ممكن اقول ان حرية التعبير هي أن يتكلم الانسان دون ان يمارس على كلامه ضابط من ضوابط الدين او القيم المجتمعية.

[ابو عبدالله.]

مساكم بالخير

حريه التعبير كلنت تمارس بالخفاء و الحين تقال بالعلن

تخيل ما تقدر تنتقد وضع غير صحيح او تقصير او فساد او او

شوف كم شي تغير للافضل بسبب حريه التعبير

الحريه مش سلبيه لكن الافراد يحولونها لسلبيات معينه سواء لغرض شخصي او غيره او سوء وجهه نظر او غيرها من الاسباب

لكن هذا حق مشروع للكل ما نقدر نعطيه للبعض و نترك البعض الاخر

الي يحمينا من السلبيات هو القانون الي حدد عقوبات لاي اخلال ممكن يصير بسبب حريه البعض بالتعبير

بكل الحالات نضل افضل حالا الان من السابق

الله يغفر و يرحم الاجيال السابقه. كل شي عندهم سياسه لا تتكلم بهالامور و تحمل لا حد يسمعك

خلنا من هالموضوع. نبي قريه تراثيه على البحر خلنا نستانس ههههه

[sara jsm]

لكن بيكون حلو لو يسوون منطقه على البحر بيوت و فنادق بطراز قديم و قهاوي و ممرات بدون سيارات كمنطقه سياحيه تعكس ماضي قطر و حياتنا قبل


انت ماتدري عن فندق سوق الوكرة !!؟
ترى المكان خياااااال من غرف وخدمات ومرافق شي مرتب ومن الاخر ..
تحس انك في فرجان اول .. سكنته مرتين ولي نيه بعد :shy:

[ابو عبدالله.]

اووه

يبي له عيل

ما جربت لا واقف ولا الوكره لكن شفت غرف سوق واقف و سكنت بمشيرب

الوكره بنحطها باللسته :)

[sara jsm]

اووه

يبي له عيل

ما جربت لا واقف ولا الوكره لكن شفت غرف سوق واقف و سكنت بمشيرب

الوكره بنحطها باللسته :)

فنادق سوق واقف مافيها زود .. حالها حال اغلب الفنادق ..
لكن الوكرة غير .. كنت مسويه تغطيه عن المكان :yes:

http://www.qatarshares.com/vb/showthread.php?635105-%DD%E4%DC%DC%CF%DE-%D3%E6%DE-%C7%E1%E6%DF%DC%DC%DC%DC%D1%C9

[ابو عبدالله.]

روعه ما شاء الله

حسيت اني امر بالممرات والله

الاسعار مقبوله مقابل التجربه الحلوه و السوق و البحر

مشكوره ما شفت موضوع الفندق الا الحين