قدرات إدارية فذة

[سالم الزهران]

تجدها عند الخليجيين بالذات، يبح صوت الموظف وهو يقترح حلول لبعض الاجراءات الإدارية اللي ما تخدم لا المواطن ولا المصلحة الحكومية (وان كان المفروض ان مصلحتهم واحدة).

ما علينا، المهم إن التطوير الاداري يحتاج شجاعة ومعرفة مع بعص، تكون خبير جبان رح ارقد ببيتكم، تكون جريء ما تدرك تبعات قراراتك ولا مبرر اتخاذها ولا تقدر تقنع الناس فيها.. شف لك شغلة ثانية.

هذا كله كلام عام ما وصلت للي ابغي اتكلم فيه اليوم وهي شخصية المدير المفلس من الانتماء للمجتمع والناس اولاََ والمفلس من الانتماء للعمل الاداري الحقيقي.

هالصنف من المسؤولين كثير ما يقترح الموظفون لديهم من اقتراحات تطور العمل الاداري الا انهم يواجهونها بالرفض لاسباب اكثرها واهية.

المهم وصلت إعادة الهيكلة و التنظيمات الجديدة ومنصات العمل عن بعد، لكن هذي تحتاج اجراءات عمل جديدة؟.... (ردينا لك يا مدير الفلس غصب).

لا وين؟

يقوم المسؤولين يتعاقدون مع شركات اجنبية، يوصل الخبراء الأجانب ويجون سيدة لمكاتب مدراء الادارات ورؤساء الاقسام.

(سؤالهم الوحيد، شنو طريقة عملكم، اجراءاتكم، الصعوبات اللي تواجهكم، اقتراحاتكم.. الخ)

يقوم هالموظف المسودن يطلع كل اقتراحاته القديم والجديد ويرفقها بتصوراته المستجده ويعطيها لميتر طوني وبيل وخذ وخل.

يقومون يعدلون عليها تعديلات طفيفة ويسلمونها للمسؤول العود ومع برزنتيشن وكمن شغلة بهار وانبهار لمستوى هالوزارة أو اننا ما توقعنا نحن الاوروبيين عندكم مثلها.. وبعدين؟

ياخذون همجة ملايين ويعودون.

والورق اللي تقدم والاقتراحات هي نفسها اللي بحت حناجر الموظفين وهم يطالبون بها!

يعني باختصار، انت اذا عربي لعربي فيك عوق.. ما يخليهم يستقبلون منك.

عقدة نقص سوت هدر وسوت إحباط وسدت أفق كل موظف يبغي يستثمر الثمان ساعات في خدمة بلده وأهله.

شكراََ لكم واعتذر للاطالة.

[بوNasser]

تجدها عند الخليجيين بالذات، يبح صوت الموظف وهو يقترح حلول لبعض الاجراءات الإدارية اللي ما تخدم لا المواطن ولا المصلحة الحكومية (وان كان المفروض ان مصلحتهم واحدة).

ما علينا، المهم إن التطوير الاداري يحتاج شجاعة ومعرفة مع بعص، تكون خبير جبان رح ارقد ببيتكم، تكون جريء ما تدرك تبعات قراراتك ولا مبرر اتخاذها ولا تقدر تقنع الناس فيها.. شف لك شغلة ثانية.

هذا كله كلام عام ما وصلت للي ابغي اتكلم فيه اليوم وهي شخصية المدير المفلس من الانتماء للمجتمع والناس اولاََ والمفلس من الانتماء للعمل الاداري الحقيقي.

هالصنف من المسؤولين كثير ما يقترح الموظفون لديهم من اقتراحات تطور العمل الاداري الا انهم يواجهونها بالرفض لاسباب اكثرها واهية.

المهم وصلت إعادة الهيكلة و التنظيمات الجديدة ومنصات العمل عن بعد، لكن هذي تحتاج اجراءات عمل جديدة؟.... (ردينا لك يا مدير الفلس غصب).

لا وين؟

يقوم المسؤولين يتعاقدون مع شركات اجنبية، يوصل الخبراء الأجانب ويجون سيدة لمكاتب مدراء الادارات ورؤساء الاقسام.

(سؤالهم الوحيد، شنو طريقة عملكم، اجراءاتكم، الصعوبات اللي تواجهكم، اقتراحاتكم.. الخ)

يقوم هالموظف المسودن يطلع كل اقتراحاته القديم والجديد ويرفقها بتصوراته المستجده ويعطيها لميتر طوني وبيل وخذ وخل.

يقومون يعدلون عليها تعديلات طفيفة ويسلمونها للمسؤول العود ومع برزنتيشن وكمن شغلة بهار وانبهار لمستوى هالوزارة أو اننا ما توقعنا نحن الاوروبيين عندكم مثلها.. وبعدين؟

ياخذون همجة ملايين ويعودون.

والورق اللي تقدم والاقتراحات هي نفسها اللي بحت حناجر الموظفين وهم يطالبون بها!

يعني باختصار، انت اذا عربي لعربي فيك عوق.. ما يخليهم يستقبلون منك.

عقدة نقص سوت هدر وسوت إحباط وسدت أفق كل موظف يبغي يستثمر الثمان ساعات في خدمة بلده وأهله.

شكراََ لكم واعتذر للاطالة.

السلام عليكم ورحمة الله
اجدت وأحسنت الطرح، بارك الله فيك
باختصار
هذه الرسوم الكاريكاتورية (من جريدة الراية القطرية) تعني الكثير:

http://www.doha2010.com/muntada/ry1.png

http://www.doha2010.com/muntada/ry2.png

http://www.doha2010.com/muntada/ry3.png

تحياتي لشخصك الكريم وللجميع.

[سالم الزهران]

الله يرحب بك اخوي بوnasser

[معماري قطري]

إيه والله نحب نعطي الغريب حتى أوقات بدون مقابل كلش

[سالم الزهران]

سبحان الله راعي الكريكاتير كنه يشتغل معنا

[sara jsm]

بوزيد مرة ثانيه ( سمي ) ولا ( سلم ) قبل لاتكتب الموضوع ..
:
هالنماذج عندنا وعندكم وفي كل العالم العربي للاسف ..
لكن اذا الدولة تعتمد على هالشهادات والخبرات فـ عيالنا من وين بياخذون الخبره اذا ماتمرسوا وعطوهم الفرص في بلادهم !!؟
:
:
على فكرة رسام الكاريكتير ( محمد عبداللطيف ) دايما يلمس مافي قلوبنا ويترجمه برسمه وبدون تجريح ..

[سالم الزهران]

معك حق يا سارة.. صحيح كلامك.. انا ما تريقت وكتبت موضوع.

[طلعة الروح]

الموضوع صار يغث اعتقد صارت عندي حساسيه من سوالف الشغل والسلطه والواسطه ووو
تعبنا والله مافي اسس الواحد يبني عليها كل شي قابل للتغيير والاستبدال ، ،
التعب مب بس انك تنسحب التعب الاكبر انك تقعد وتقاوم وتحاول تطلع من بين الف موظف
واول ماتقدم استقالتك يقولون لك فرقاك عيد وانا عندي مشكلة اسمها الملل الوظيفي السريع وماحب
حد يتفلسف علي من المسؤولين ويتدخل بشغلي بدون ماتكون عنده سالفه
الجهه ما وظفتني الا عشان تستفيد من خبراتي وقدراتي تجي انت يا مسؤول تكسر من مجاديفي ليش
اغلب مشاكلنا مع المسؤولين المباشرين اللي يتعمدون يطفشون الموظف لين مايبيع القضيه.

الحمدلله من قبل ومن بعد

[ya3coub]

اما المسؤول ما يكون متمكن و ما عنده الخبره و المعرفه اي شي جديد يسببله تهديد ما يصير شخص فالسلم الوظيفي اقل منه يقترح عليه تاخذه ال"انا"


للاسف اغلب اللي يشتغلون بذمه و ضمير يتحولون لناس للاسف مهملين لانه المسؤول الفاشل يولد هالناس "المغضوب عليهم". و يعمم النمطية اللي ما اتكون موجودة انما يخلقها بتصرفاته و يصيرون الموظفين يبصمون و يطلعون و انتاجية صفر ٪؜

ناس تدمر و تستهلك و تستنزف من صحتها و طاقتها و وقتها و يقصون رواتبهم و يقهرونهم و غيرهم بدون اي شي يترقون لانه يطبلون للمسؤول الكبير.

اكثر من يتكلم عن التطوير اهو اللي يحتاج التطوير بنفسه

اكثر من يتكلم عن النزاهة تلقا في نزاهته او من يوصله و يعول عل يهم نقص فالنزاهة على حساب المثالية و المجاملات للاسف

[سالم الزهران]

حياك الله اخوي العزيز يعقوب، المسؤول العود اذا بغى يزور مكان (يعطي خبر) لانه ما وده يجي يشوف الواقع. المسؤول يعطي خبر عشان الموظفين يقومون باللازم ويمثلون مسرحية الخدمة والتفاني والسهر على راحة البلاد بشكل مقبول.

يعني المسؤول يقول لهم انا جايكم (اجذبوا علي).
وهذه العبقرية يالسين نتوارثها و نسجلها علامة لنا العرب بروحنا.

[معماري قطري]

حياك الله اخوي العزيز يعقوب، المسؤول العود اذا بغى يزور مكان (يعطي خبر) لانه ما وده يجي يشوف الواقع. المسؤول يعطي خبر عشان الموظفين يقومون باللازم ويمثلون مسرحية الخدمة والتفاني والسهر على راحة البلاد بشكل مقبول.

يعني المسؤول يقول لهم انا جايكم (اجذبوا علي).
وهذه العبقرية يالسين نتوارثها و نسجلها علامة لنا العرب بروحنا.

كان مسؤولنا الكبير مب رقم 1 ولا 2 مساعد رقم 2 تحته آلاف الموظفين ومجموعة أقسام تختلف تخصصاتها .. كانت عنده دكتوراء في المحاسبة وكان قلبه على الشغل .. يبدأ شغله من فجر ويطلع من مكتبه يمشي مسافات يزور كل قسم .. أقسامنا ميزانيتها مئات الملايين مب شيء بسيط كشغل مب تجهيز ورواتب هذا شيء ثاني

والله دوم أذكره بالخير وأوقات اتصل فيه لمحبتي لعمله وله ولأخلاقه العالية وتواضعه والله يفتح عليه

تطويره كان يشوف ويسمع وبعدين يدرس ويبحث ويعطي كل مسألة وقتها وحقها .. ما طول مسكين من محبي الظلام وتمشية المصالح .. في وقته ما شفنا مسؤولينا الاداريين يسافرون لمهمات شفنا أصحاب المتابعة والشغل هم اللي يسافرون وبإختياره

تطقس حول تعاملات مالية مشبوهة ورفع تقرير عنها واستوى تحقيق تفاجأت إنه إنقلب ضده وقاعدوه .. إشتغل خاص وأنجز عمل مصنع معتبر وإحتمال مصانع ومكتب محاسبة قوي وقمت أشوف له لقاءات في التلفزيون وأدعي له لأني أحب الإنسان الفاهم غيري ما يحبه لأنه يبغي يسلك لنفسه

التطوير الإداري يحتاج هذي الخبرات والتخصصات وبنفس الوقت يحتاج شباب يشتغلون تحتهم وينفذون ما يطلبون ما تنقلب الآية تجيب واحد توه تقعده مسؤول كل شوي يسأل شيسوي وشالحل ويحركه موظف صغير في الغالب مصري والا فلبيني والا هندي ويبعد الكفاءات