استفسار بخصوص تصليح السيارة؟؟

[بوNasser]

السلام عليكم ورحمة الله وبركاته

باختصار: عندي لكزس 2015، اندعمت وانكسر الصطاب الخلفي (ليت الاشارة والبريك)، التأمين حولني الى كراج للتصليح.

المشكلة صاحب الكراج يقول لي سيارتك 2015 ،وما راح نركب لك جديد انتظر لين نحصل لك مستعمل. (( على كلامه هذي قوانين التأمين))

هل كلامه صحيح؟؟

ودمتم سالمين.

[sara jsm]

وعليكم السلام ..
انا مااعرف ويمكن باقي الاعضاء ماشافوا موضوعك للحين
بس حط استفسارك في هالحساب وان شاءالله تستفيد ..

https://c.top4top.io/p_1880rstop1.jpeg (https://top4top.io/)

[سعود.]

السلام عليكم ورحمة الله وبركاته

باختصار: عندي لكزس 2015، اندعمت وانكسر الصطاب الخلفي (ليت الاشارة والبريك)، التأمين حولني الى كراج للتصليح.

المشكلة صاحب الكراج يقول لي سيارتك 2015 ،وما راح نركب لك جديد انتظر لين نحصل لك مستعمل. (( على كلامه هذي قوانين التأمين))

هل كلامه صحيح؟؟

ودمتم سالمين.


مو على كيفه المعروف يركب جديد . اسحب عليه ورح كراج اخر معروف

[ابو عبدالله.]

كلامه صحيح بنظري

اذا طافت سنه يحق للتأمين تركيب قطعه تجاريه او مستعمله

لكن

اذا طلبت اصليه جديده تدفع نصف القيمه للقطعه. هذا حقك


اذا ما تبي تدفع نصف القيمه. ركب المستعمله و خلاص. دام نظيفه و اصليه اعتبرها مقبوله

[بوNasser]

السلام عليكم ورحمة الله

Sara ، سعود
لكم الشكر على التجاوب.

أبو عبدالله: للأسف هذا اللي بيصير، مع انه شي يقهر، يعني يدعم سيارتك وانت ماشي صح، وتتحمل نصف تكاليف قطع الغيار، والتأخير، وفوق هذا اذا طايف موديل سيارتك، التصليح يكون في كراج من اختيار شركات التأمين.

انا ما عندي مشكله حتى لو اصلحها على حسابي، لكن شيسوون الناس اللي سياراتهم تتضرر بشكل كبير.

تحياتي لك وللجميع.

[ابو عبدالله.]

نسيت شي

يجوز تطلب يصلحونها في وكاله بديله

يعني قانونيهم يمنعك من الوكاله. توديها وكاله الهيونداي مثلا. و تصلح عادي

قول لهم ابي وكاله بديله

السيارات الفارهه و الالماني يحولونك لوكاله بديله عادي حتى لو فولكسواجن جولف قديمه يحولونها لوكاله ثانيه

[كازانوفا]

السلام عليكم ورحمة الله وبركاته
محتاجه صبغ لسيارتي وين احسن مكان يصبغ اللون اللؤلؤي وبسعر معقول
وشكرا للجميع