مابعد موافقة لجنة الزواج من الاجانب

[yazeen]

السلام عليكم و رحمة الله وبركاته

انا اخوكم عضو جديد, كنت حاب استفسر عن شي لعلكم تفيدوني ..
انا قدمت على طلب الزواج من أجبينة مايقارب ال 7 أشهر و قابلت اللجنة و بحمد الله حصلت الموافقة , و تم إرسال ملفي لمعالي الوزير " وزير الداخلية ", و بعد متابعة تقارب ال 3 اشهر بعد موافقة اللجنة للحين ما وافق الوزير على طلبي.!!
و لأسباب إجتماعية منها كون أمي أجنبية , مادري ليش الطلب لحين موقف, و ماعرف شللي و شلعلي ..؟
اذا كان ف الامكان كونكم إخوه أفاضل, مساعدتي بطرح إقتراحاتكم او خبراتكم في الموضوع لعل و عسى يوجد شخص مر بنفس حالتي او يساعدني؟ .. او اذا يقدر يفيدني جم المدة الي ممكن أخذها بعد موافقة اللجنة , لموافقة الوزير ؟
و الحمدلله ماعندي واسطة لكن معي رب العالمين و علاقاتي محدودة جداً ..!

برجاء و انا أخوكم عدم إخراج الموضوع عن سياقه , و عدم الخوض في أنفس بعضنا البعض .. ويزاكم الله خير

أحبُّ الناس إلى الله أنفعهم للناس

[سهم فضة]

تزوجها برع وجيبها زيارة وغيرها بعدها الى اقامة ناس واجد مسوية كذا

اهم شي انك متزوجها في بلدها

[fmmja]

قدم طلب مقابلة الوزير او من ينوب عنه وشرح له الوضع وان شاء الله ما يقصرون

و بالمبارك مقدما

[معماري قطري]

الله ييسر أُمورك وبالمبارك

[yazeen]

سهم فضة:
شكرا اخوي على تعليقك, لكن هالحل غير مرغوب فيه لانه و انا للحين على البر و معاملتي معقده سبحان الله و تأخرت, مابالك اذا سويت نفس ماقلت و دخل ف الموضوع اطفال و غيره ... لكن الله المستعان, و صح كلامك واجد الي مسوين هالشكل, لكن للاسف اكثرهم ماقدرو يوثقون عقدوهم بعدين.

[yazeen]

معماري قطري: اللهم امين و الفال لاولادكم جميع أن شاء الله

[yazeen]

fmmja : حاولت لكن قالو ممنوع بسبب الوضع الحالي و الامور الاحترازية !!

[sara jsm]

اخوي لازم تنتظر .. هالموافقات تاخذ شهور
يمكن ست او تسع شهور ..
واذا ماتيسرت يمكن خيره .. اهم شي لاتنسى انك عالبر للحين ..
ولا تبهدل عمرك ومستقبلك وعيالك ..
الله يوفقك يارب ..

[Qtr37]

الحمدلله طلعت الموافقة في سبع شهور
اعرف ناس ينتظرون من سنين الله يعينهم

[نفسي عزيزه]

الله يوفقك في حلك وترحالك

[mE mYself & i]

انا مقدم من زمان بيصير لي سنه وكل ما اراجعهم يقولون مبررات غير مقبوله

ياريت حد يفيدني ايش المبررات اللي يقبلونها ؟

[sara jsm]

انا مقدم من زمان بيصير لي سنه وكل ما اراجعهم يقولون مبررات غير مقبوله
ياريت حد يفيدني ايش المبررات اللي يقبلونها ؟

اذا كنت فوق الثلاثين ..
اذا كنت متزوج قبل وماتوفقت ..
اذا بعيد الشر فيك اعاقة جسدية ..
اذا كنت بتتزوج اجنبيه لكنها من اقاربك ( الدرجة الاولى )
:
عاد اذا تشتغل في مكان حساس جيش والذي منو .. انسى الموافقة :pic:

وبعدين العمر يخلص بتنتظر اشكثر .. الزواج لو فيه خير ربي بيقدمه وييسره ..
في بعض العراقيل تكون خيره للانسان وهو مايدري ..
:
الله يوفقكم ويرزقكم الزوجات الصالحات والذرية الصالحة ..

[الكواري 1972]

بالتوفيق ان شاء الله

مالك غير الدعاء والصبر

[سالم الزهران]

اذا كنت فوق الثلاثين ..
اذا كنت متزوج قبل وماتوفقت ..
اذا بعيد الشر فيك اعاقة جسدية ..
اذا كنت بتتزوج اجنبيه لكنها من اقاربك ( الدرجة الاولى )
:
عاد اذا تشتغل في مكان حساس جيش والذي منو .. انسى الموافقة :pic:



هذي بعد من الشروط اللي ما أنزل الله بها من سلطان
واللي تطبق على ناس وناس
لكن في العموم انت تنجح في الزواج من بعيد طالما أنك تعرف ثقافتهم، اما اذا ما عرفت ثقافتهم فلو هي بنت بلادك ما راح ترتاح.

نقول الله يوفق الجميع.. وبصراحة في نفسي شيء لا يعلمه الا الله على بنات البلاد اللي تبغي تعيش سندريلا وهي يمكن ما تعرف تسوي باجلا.

المهم الشباب بيصل نسبة منهم للعزوف عن الزواج كله..والتأخر اللي نشوفه اليوم من المؤشرات على هذا الظن.

[كازانوفا]

ادعي الله يسخرلك عباده الصالحين
اذا توقعت اوراقك عند الله سبحانه وتعالى بتتوقع عند اهل الارض
بس خلصناااااا

[yazeen]

شكرا لردودكم و تعاونكم و الله المستعان