برامج و خدمات حكوميه لا تعمل بجوالك ؟؟. تفضل

[ابو عبدالله.]

السلام عليكم

من عاش تجربه فشل طلب خدمه او عقبات من برامج حكوميه من المفترض انها تسهل اتمام المعاملات ؟

حد جرب طلب صرف صحي اعزكم الله عبر برنامج عون ؟

مهما طلبت تصلك رساله جاري البت في طلبك او طلبك قيد التنفيذ الخ.. ايام بدون اتمام الخدمه و مخالفه عبر مركز الشرطه لتسرب مياه الصرف !!!!

ملصق تنبيهي لتسرب المياه

و الطلبات عبر برنامج عون ليش ما تنفذ. بعد دفع المخالفه عرفت ان الطلبات عبر عون لا تصل لجهه التنفيذ و تأتي النصيحه بأن تتصل على 184 و تقدم الطلب عبر موظف و يسجل طلبك حتى تضمن التنفيذ

اذن لماذا نوفر الخدمه عبر عون

حتى لو فكرت في طلب الغاء المخالفه بحجه ارسال طلبات بعون. فستسمع. اداره التفتيش غير اداره التنفيذ

برنامج عون مفيد جدا لكن بعقبات غريبه

تحب تحل المشكله تعال قدم طلب ورقي لشفت الصرف بشكل منتظم كل كم يوم. طيب ليش ما تحط الخدمه بعون ليش تضل ورقيه

و المخالفه عشر الاف و خفضت كتعاون مع العميل الى 300 وليش ادفع وانت تعرف المشكله وين و تقدر تحل عقبه البرنامج بدل المخالفات

كم خدمه ممكن تطلبها ولا تنفذ. ؟؟

احصاء الحلال تعال اطلب من الاداره. طيب و برنامج عون !!!

زياره طبيب بيطري

ما يهم المده لكن خذ الطلب عبر عون دام حطيت وصله للطلب

طلب دعم مياه للحلال غير متوفر بعون تعال راجع ولا تدخل المبنى عشان كورونا و انتظر لين يحصلون موظف يجيك بالاستقبال

هذه تجارب و تطوير مطلوب لبعض الامور بما انها تخدم قطاع كبير من السكان



حد مر بتجربه او عقبه ببرنامج حكومي ممكن تفيدنا و نحترز من الوقوع بها و معرفه افضل الطرق لاتمامها ؟

نتمنى الاضافه و الفائده

[sara jsm]

:happy: :happy:
هاي نفس سالفه المواقع اللي ماتشتغل والايميلات اللي ماتوصل ..
احنا يبي لنا شوط طويل لين يعتمدون على التكنولوجيا ..
ويجعلونها جزء اساسي من حياتنا وتوفير للجهد والوقت ..
:
ترى للحين عندنا موظفين مايعرفون يستخدمون هالانظمة ..
يمكن قلة تدريب او مايعطونهم دورات كافيه ..

الله يعينا ويعينك :)

[حمــد]

صحيح كلامكم هي نفس قصه الايميلات اهمال مع انهم خدمات ممتازه جدا اذا اهتم فيها

[مضارب جديد]

السلام عليكم

من عاش تجربه فشل طلب خدمه او عقبات من برامج حكوميه من المفترض انها تسهل اتمام المعاملات ؟

حد جرب طلب صرف صحي اعزكم الله عبر برنامج عون ؟

مهما طلبت تصلك رساله جاري البت في طلبك او طلبك قيد التنفيذ الخ.. ايام بدون اتمام الخدمه و مخالفه عبر مركز الشرطه لتسرب مياه الصرف !!!!

ملصق تنبيهي لتسرب المياه

و الطلبات عبر برنامج عون ليش ما تنفذ. بعد دفع المخالفه عرفت ان الطلبات عبر عون لا تصل لجهه التنفيذ و تأتي النصيحه بأن تتصل على 184 و تقدم الطلب عبر موظف و يسجل طلبك حتى تضمن التنفيذ

اذن لماذا نوفر الخدمه عبر عون

حتى لو فكرت في طلب الغاء المخالفه بحجه ارسال طلبات بعون. فستسمع. اداره التفتيش غير اداره التنفيذ

برنامج عون مفيد جدا لكن بعقبات غريبه

تحب تحل المشكله تعال قدم طلب ورقي لشفت الصرف بشكل منتظم كل كم يوم. طيب ليش ما تحط الخدمه بعون ليش تضل ورقيه

و المخالفه عشر الاف و خفضت كتعاون مع العميل الى 300 وليش ادفع وانت تعرف المشكله وين و تقدر تحل عقبه البرنامج بدل المخالفات

كم خدمه ممكن تطلبها ولا تنفذ. ؟؟

احصاء الحلال تعال اطلب من الاداره. طيب و برنامج عون !!!

زياره طبيب بيطري

ما يهم المده لكن خذ الطلب عبر عون دام حطيت وصله للطلب

طلب دعم مياه للحلال غير متوفر بعون تعال راجع ولا تدخل المبنى عشان كورونا و انتظر لين يحصلون موظف يجيك بالاستقبال

هذه تجارب و تطوير مطلوب لبعض الامور بما انها تخدم قطاع كبير من السكان



حد مر بتجربه او عقبه ببرنامج حكومي ممكن تفيدنا و نحترز من الوقوع بها و معرفه افضل الطرق لاتمامها ؟

نتمنى الاضافه و الفائده


انت مصدق ان هالبرامج تشتغل

هذي مثل مزاد الارقام

الدعاية شيء والواقع شيء ثاني

[مرتبش]

انطباعي نفسكم.. لكني جربت رش مبيدات من برنامج عون او البلدية.. وتقريبا عقب شهر فاجأوني بقدومهم

[sara jsm]

اجمل مفاجاة هههههههه يالله بالمبارك ..
على فكرة سوالف المبيدات او الحاويات وباقي خدماتهم فعاله للامانه على طول ..
لكن اذا تتصل لهم مب عن طريق الابليكيشن ..
حتى لما طلبنا مطب عند البيت اول شي عن طريق التطبيق وعقب مبنى اشغال تقدم اوراقك .. :)

[ابو عبدالله.]

مساكم بالخير جميعا

اعتذر عن الانقطاع. حد عنده مشكله مع موقع المنتدى ؟

انا يطلع لي مرات. الموقع ايرور ما يفتح ههههه


والله سالفه اذا البرامج الي وضعت لتقديم الخدمات ما تقدم الخدمات و رجعنا للاتصال و الاوراق و الطلبات

بعض الخدمات بالبرامج صحيح تشتغل مثل رش المبيدات و تسليك المنهول اعزكم الله و قص الحشائش و غريبه ان اخونا مرتبش تأخرت عليه هالخدمه لانا تشتغل اوكي معاي

انا عندي الصرف اهم بكثير و نبيه يشتغل بالبرنامج. مابي اتصل و اطلب

كنا نتكلم عن عدم الرد على الايميلات لكن الحين البرامج ما تقدم خدمه


يا ليت حد يشوف الموضوع و يتصرفون بالحلول

[fmmja]

حنا وين و الخدمات الاكترونية وين

من تروح تخلص معاملة اول شي يطلب منك تسوي كتاب موقع و مختوم
اذا خلصنا من موضوع الكتب بعدين يصير خير

فيه عقليات للحين عايشين فترة الثمانينات ايام الكتاتيب و مكينة الكتابه اللي في سوق واقف و ساحات الوزارات

[ابو عبدالله.]

ما يبط جبدي الا اني اطلب ببرنامج و ما يصير شي

ولما اروح اراجع اسمع جمل مثل. تعال بنفسك او الخدمه ذي ما تشتغل على البرنامج

كذا خدمه من سنتين نفس المشكله ولا تصلحت. طيب ليش حاطين ادارات اي تي و شبكه معلومات. الخ

[حمــد]

ما يبط جبدي الا اني اطلب ببرنامج و ما يصير شي

ولما اروح اراجع اسمع جمل مثل. تعال بنفسك او الخدمه ذي ما تشتغل على البرنامج

كذا خدمه من سنتين نفس المشكله ولا تصلحت. طيب ليش حاطين ادارات اي تي و شبكه معلومات. الخ

هذيله يسمونهم هدامي الانجازات لانه عندهم عقده النقص لاانه التطور بيفضحهم

[يمامـة]

عني ما جربت..
بس بوالعيال وبنتي مرات عديدة
تواصلون مع البلدية..
للامانة التواصل زي الفل واحسن بعد..
شكرا لكم

[بوعمير]

المشكلة ليست في تطبيق عون و لكن في من وكل له امر متابعه و إنجاز ما يرد لهذا التطبيق من طلبات و شكاوي. وشخصياً تجربتي نجاحة مع تطبيق عون لحد كبير إلا فيما يخص المشاكل.

[alhamza1999]

تجربتي مع مطراش سيئه
ابي اسوي اي معامله تغير رقم جواز او فقدان بطاقه او تجديد اقامه كله يرفض ويقول العمر فوق 18 عام يرجى مراجعه الاداره العامه للجوازات
ماادري بصراحه من بيستعمل البرنامج اذا هو تحت السن القانوني

[ya3coub]

مطراش كل ما يضيع جوازي او اقدم على بدل فاقد يحطلي البطاقه و اهي موجودة و اذا حطيت البطاقه يحطلي الجواز.

مطراش بعد مليء بالمشاكل و صارلي 3 سنين اشتكي بدون اي فايدة ولا اي متابعة, مؤخرا الأراضي و تقديم طلب عن طريق الوزارة ولا وزارة تعرف من المسؤول او الطلب اللي تقدم عليه.

عندهم موظفين بدالة بس ما عندهم ناس تعرف المطلوب و كله تعال و قدم.

طيب ليش اجيكم و ليش تعرضوني و موظفينكم لخطر الإصابة بالفايروس, اهم يدرون يشتغلون من البيت و انت عليك تأمن و تطور البرامج و المواقع الألكترونية و تدعم القسم التقني مو بس تطوف الناس و تأجل لهم كلشي لين يكرهون الشغلة بنفسهم

وزارة الصحة, صحتي و غيرها, حكومي, المشكلة الرئيسية الكبرى عندنا فالدوحة من سنين و إلى الأن عدم ربط كل الوزارات ببعضها