وزارة الصحة ورقم 16000

[ALJokar]

مساء الخير ياجماعة الي قاعد يحصل معنا من وزارة غير مرضي ولا مقنع.
عددنا قليل جدا ولافيه رعاية واهتمام هذا شي يزعل.
الحاصل بيتنا يتكون من عائله كبيره من كبار ف السن ومن اشخاص معاهم امراض مزمنه وحوامل وصغار ف السن وخدم.
طلعت معانا حالات بالكارونا وتاكدت بعد النتايج كلمنا احد يجينا يفحصنا من ثلاث ايام او اكثر حتى الان لم يتم التواصل معنا نكلم 16000 يتم الانتظار ع الخط يب 20 دقيقه ع ماحد يرد والكل عنده راي وكلام واخر اتصال من شوي واحد راح وغير رقم الطلب هذا الي خلاني انجن.

[سهم فضة]

الله يعينك على مابلاك :) الله يعدي هالمرحلة على خير فقط ،، ماابغي احطمك اكثر من تجربتي السيئة مع اصابات كورونا ومستوى الاهمال اللي تلقيته والامبالاه ، ماقول غير حسبي الله ونعم الوكيل بس .

[Rider]

للأسف القطري آخر الاهتمام شغلوا العالم بكورونا والتخبط مايتوقف بس على هالشي ياخوي مسلسل التخباطات مستمر اهم شي الرياضة ماشيه لكن عادي عندهم يقطون الناس فالحجر عادي الناس تمرض عادي تموت واذا قلنا شي قالوا انتوا عكس التيار

[naklan]

الله يعينكم وتشفون باذن الله
اعزل المصابين لا يخالطون احد
واعزلو كبار السن في مكان بعيد او ملحق
الين يستجيبون لكم

اعرف عائلة انصابو وقعدو في بيتهم وشفو بعد اسبوعين
الله يسخر لكم عيال الحلال حسبنا الله ونعم الوكيل

[naklan]

طمنا اخوي الجوكر وشصار معاكم

اليوم الصبح شفت سيارة عند جيراننا فحص كورونا
فحصو وراحو
غريبة ما اهتمو بشكواكم وانتم عددكم كبير الله يشافيكم ويعافيكم
الزيارات العائلية في هذا الوقت خطر بسبب زيادة الحالات ووصولها
لارقام كبيرة العزل هو النجاة الوباء كالنار ونحن حطبها
نتفرق كي لا تجد ما تاكله

[monatee]

نفس الموضوع يتكرر في اكثر من منزل

الرعاية الصحية تعبانه
التعليم من سيئ الا اسوأ

الانجاز والارتقاء فقط في الرياضه
لو الود ودهم كل بطولات العالم تقام في قطر

[مستر بن]

.
.

ماعليكم شر يارب ،
الرقم هذا عليه ضغط كبير ولازم تعـذرهم لان بيتكم و ميتين بيت غيره يتصلون وفيهم حالات . .
ان شاء الله ماعليكم شر وطممنا . . .

.
.

انا عن نفسي اتصلت وبلغتهم ، وعقبها ب ثلاث ساعات جات السياره وشلتني . .

[Qtr37]

الضغط عليهم كبير
احنا طلعت عندنا حالة يوم الخميس وجاو يفحصون الباقي يوم السبت
المهم اللي تظهر عليه اعراض يعزل نفسه
واذا حد وايد تعبان تكلمون الاسعاف

[سهم فضة]

الضغط عليهم كبير
احنا طلعت عندنا حالة يوم الخميس وجاو يفحصون الباقي يوم السبت
المهم اللي تظهر عليه اعراض يعزل نفسه
واذا حد وايد تعبان تكلمون الاسعاف

الله لايحدك تكلمة :) يوم كلمناه عن حالة خبر خير قالو دام يمشي ويقدر يجي المستشفى خل يجي :)

ويوم بعد 14 يوم حبينا نسوي اعاده فحص للبيت قالو اسفين مانجي الا مره دام خلصتو 14 يوم مارسو حياتكم طبيعية خلاص :)

وناس تقول تطعمو بعد الشفاء من الاصابة مباشره وناس تقول لا بعد 3 شهور


مستوى التخبط اللي وصلنا له حدث ولا حرج !!

[QaTaRSouL]

حسب ما فهمته من دكتور ان التأخر في عملية الفحص بعد الابلاغ عن حالة مخالطة خاصة في نفس العائلة أفضل وقد يكون نظام متبع من قبل وزارة الصحة حيث ان الفحص بعد المخالطة المباشرة وان كان الشخص مصاب فتظهر النتيجة سلبية ( خال من كورونا ) ويحتاج الفيروس من يومين الى ثلاث ايام كي تظهر النتيجة الصحيحة بعد الفحص

[سالم الزهران]

الله يشفيكم اخوي ويحميكم والله يشد من أزركم.

الغريب هي الجهات الصحية شلون تبغي من الناس الجدية في التعامل مع الجائحة و اذا احتاجوا الناس لخدماتها ما يحصلون عندها جدية؟

[naklan]

مبين ان الموضوع جايد اخوي الجوكر
غاب فتره طويلة
الله يشافيهم جميعا وجميع
مرضى المسلمين

[bohilal191]

الضغط عليهم كبير
احنا طلعت عندنا حالة يوم الخميس وجاو يفحصون الباقي يوم السبت
المهم اللي تظهر عليه اعراض يعزل نفسه
واذا حد وايد تعبان تكلمون الاسعاف

الاعراض تطلع عقب ثلاث ايام مثلا اذا خالطت احد فيه كورونا وسويت فحص في نفس اليوم تكون النتيجة سلبية ،،،الحين عندنا في الدوام اذا خالطت احد فيه كورونا عقب ثلاث اسام يسوون فحص