حظر مؤقت

[بوفاطمه]

السلام عليكم ورحمة الله وبركاته...
مساءالخير ،كيف أمسيتو.
من راي يتم حظر مؤقت .
الكل يبدي برأيه لو تكرمتو .

[Rider]

أنا معاك على الاقل من الساعه 9 مساء إلى 5 صباحا لمدة اسبوع ويتقيم الوضع وبعد مع نهاية الأسبوع يكون حظر شبه كلي يعني لي يطلع يكون للحاجة واذا مافيه حظر اغلاق المحلات بكامل من الساعه 6 مساء

[ya3coub]

أنا معاك على الاقل من الساعه 9 مساء إلى 5 صباحا لمدة اسبوع ويتقيم الوضع وبعد مع نهاية الأسبوع يكون حظر شبه كلي يعني لي يطلع يكون للحاجة واذا مافيه حظر اغلاق المحلات بكامل من الساعه 6 مساء

السنة اللي فاتت تم التجهيز على اعلى مستوى و ابتدو بأول شي التصاريح للناس و الفئات اللي مسموح لهم التنقل.

انا ضد و بقوة الحضر الجزئي


يا كامل يا مافي

انا حضر جزئي من 9 الى 5 و من 7 دوام لين الله يشوف متى تقريبا 5.

بعني بيضيع يومي فالزحمة ما قدرت اسوي شي لنفسي بسبب الحضر.

انا مع دوام الوزارات يصير مسائي و منها يرتاحون فالفترة الصباحية و ناس تداوم الفترة الصباحية.

او قرار بأن جهات العمل كلها تغلق ماعدا الخدمية و الخدمية اتكون فالفترة المسائية و بعدد معين.

يتم تنظيم من اللي له الحق الخروج و من وين لوين و الخ من هالكلام تصاريح عدلة مربوطة باحتراز، و الكثير من الطرق اللي ممكن تدعم هالاشياء + كبار السن و المستشفيات و البنوك.

[سهم فضة]

انا مع الحظر وبقوه ولو كان هنالك حظر جوي للرحلات السياحية واقتصاره على رحلات الشحن افضل بكثير و اامن للبلاد والعباد وعمل نفس نظام السعودية سابقا اللي بيطلع ياخذ تصريح عندنا من مطراش وتجية رسالة موافقة او رفض ،، لاان صراحة التراخي هو ما اوصلنا لما نحن علية سلامة المجتمع افضل من السلامة التجارية وتعثرها مؤقتا .

[ابو عبدالله.]

للاسف انا مش مع الحظر

الاحصائيات بتعلمهم وين الانتشار الفعلي و يسكرون هالاماكن او الافراد. مثل تجمعات العمال مثلا. او تجمعات عند السفارات و الاماكن المسببه لانتشار الفيروس

احنا نتطعم و نحترز ولا نخالط ليش انحظر بالبيت و ما اطلع ولا اقعد في مطعم ولا كورنيش


الجلوس بالبيت خيار لمن يريد
و التطعيم موجود و الي رفضه هذا خياره

كفايه علينا كل هالاحتراز و التباعد و قله الاماكن الي نقدر نروحها و الحجز المسبق بالمطاعم الخ

ان شاء الله تقل الحالات و تتعدل الامور

سامحوني بس هذا رأيي

[حمــد]

الحالات في ازدياد بشكل سريع والله يحفظ الجميع
انا مع الحظر الكامل لانه للاسف مافي اهتمام من قبل الناس

[sara jsm]

انا مع حظر الطيران او اغلاق المطارات ..
لاني اتوقع هو السبب الاول في انتشار الفايروس البريطاني والافريقي ..
اما الانتشار اللي صاير في وسط البلاد هذي بسبه ان احنا فقاعاتنا كبيرة ..
كـ عائلات ممتده ومرات في البيت الواحد يسكن اكثر من 3 عوايل من الجد والابناء الى الاحفاد ..
:
مالنا الا الدعاء لا القرار في ايدنا ولا حد بيفتكر في رأينا ..
اللهم ارفع عناء البلاء والوباء واحفظ بلادنا وبلاد المسلمين جميعاً ..

[مستر بن]

للاسف انا مش مع الحظر

الاحصائيات بتعلمهم وين الانتشار الفعلي و يسكرون هالاماكن او الافراد. مثل تجمعات العمال مثلا. او تجمعات عند السفارات و الاماكن المسببه لانتشار الفيروس

احنا نتطعم و نحترز ولا نخالط ليش انحظر بالبيت و ما اطلع ولا اقعد في مطعم ولا كورنيش


الجلوس بالبيت خيار لمن يريد
و التطعيم موجود و الي رفضه هذا خياره

كفايه علينا كل هالاحتراز و التباعد و قله الاماكن الي نقدر نروحها و الحجز المسبق بالمطاعم الخ

ان شاء الله تقل الحالات و تتعدل الامور

سامحوني بس هذا رأيي


.
.

في حالة كان الحجر كلي اسبوعين ، الفايروس يضعف ويختفي . .

[monatee]

يا حظر كلي ، ولا خلونا مثل ما احنا
اما جزئي وتصير الزحمه عند الاماكن المفتوحه مافي فايده

قرار اغلاق العيادات الخاصه راح يسبب زحمه للمستشفيات الحكوميه

سابقا:
تقليل ساعات الوزارات الخدميه سبب زحمه في ساعاتها المفتوحه
اغلاق المحلات سبب زحمه في المحلات الاستهلاكيه وصارت مونبري كالتمشايه في اللؤلؤه
اغلاق معظم افرع البنوك سبب زحمه وطوابير للافرع المفتوحه
اغلاق المجمعات والاماكن الترفيه سبب زحمه في الحدائق والشوراع والكورنيش ولوسيل وشارع الرفاع

لو سهل الانسان يحبس نفسه مابيكون السجن عقوبه المجرم

[طلعة الروح]

المفروض تكون في احصائيات على الاماكن الموبوئه المسؤوله عن اغلب الاصابات الداخليه
معقوله محد قاعد يحلل من وين جايه هالاصابات
مايصير الغلق بدون نتيجه او بدون ماتعرف من وين الخلل
هل قام المسؤلون عن القرارات برصد الحالات وتحليل للنتائج
قبل مانقرر الحظر من عدمه

يعني معقوله اللي يسافر ويرجع البلد وينقل اي مرض بدون معرفه
مافي اي مشاكل عليه وله الحريه
واللي بيروح يتمشى شوي فالمجمع بالاحترازات او يدور فالسياره تقو عليه القيامه وماتقعد

[monatee]

المفروض تكون في احصائيات على الاماكن الموبوئه المسؤوله عن اغلب الاصابات الداخليه
معقوله محد قاعد يحلل من وين جايه هالاصابات
مايصير الغلق بدون نتيجه او بدون ماتعرف من وين الخلل
هل قام المسؤلون عن القرارات برصد الحالات وتحليل للنتائج
قبل مانقرر الحظر من عدمه

يعني معقوله اللي يسافر ويرجع البلد وينقل اي مرض بدون معرفه
مافي اي مشاكل عليه وله الحريه
واللي بيروح يتمشى شوي فالمجمع بالاحترازات او يدور فالسياره تقو عليه القيامه وماتقعد

التجمعات العائليه و مصليات المجمعات :)

[سعود.]

اعتقد مع توقيف الدراسة راح تقل الاصابات

[ZURICH]

الوضع الحالي يتطلب الإنتباة
الواجب من الجميع الحرص والإنتباة
عيالنا غاليين علينا

[مضارب جديد]

طبعا الفيروس اصلة المطار

لكن تاجر الجملة والموزع هو المدارس

[Rider]

والمدارس اغلقت وصار التعليم عن بعد والاغلاقات جايه في الطريق بس سؤالي كيف ماستفدنا من التجربة الاولى لكورونا بلد صغير وتعدد السكان قليل ونقول نظام صحي جيد جدا كيف أنهر الوضع الصحي بهذي الطريقة وهناك عدم سيطره والله يستر من القادم لحد يقول كل العالم مافيه مقارنة بين تعداد السكان في قطر والبلدان لي سكانها بالملايين
وآلله شي محزن ضحينا بالسكان من أجل الرياضات لي استضفنها من شهر 1 وهذا الثمن قاعدين ندفعه

[sara jsm]

طبعا الفيروس اصلة المطار
لكن تاجر الجملة والموزع هو المدارس

بالضبط

[مرتبش]

وايد تبالغون بالمدارس .. المستشفيات شلون والمجمعات والاعراس والمطاعم والمترو والباصات .. يلا الحين صار كل شي اونلاين وبترجعون عيالنا مايفهمون دروسهم والاونلاين فاشل .

[سعود.]

وايد تبالغون بالمدارس .. المستشفيات شلون والمجمعات والاعراس والمطاعم والمترو والباصات .. يلا الحين صار كل شي اونلاين وبترجعون عيالنا مايفهمون دروسهم والاونلاين فاشل .

اونلاين شرآ لابد منه

باذن الله فتره وتعدى . وسلامة اعيالنا اولى

[طلعة الروح]

وايد تبالغون بالمدارس .. المستشفيات شلون والمجمعات والاعراس والمطاعم والمترو والباصات .. يلا الحين صار كل شي اونلاين وبترجعون عيالنا مايفهمون دروسهم والاونلاين فاشل .


الضرورات تبيع المحظورات
ماتدري متى فجأة تلقاهم غيروا القانون في يوم وليله

[فهد الخاطر]

أفضل شيء أن يتم إغلاق المطار ورجوع نسبة العمل إلى 20% أيضاً لا ننسى كثير من الحالات لا زالت من جهات العمل ولا نعلم الذين يخالطون الموظفين من يخالطون بالخارج من مسافرين وغيره ، أتمنى النظر في موضوع نسبة العمل مرة أخرى

[MAZEN37]

انا ضد الحظر
لانه ببساطه بتصير زحمه وقت المسموح فيه الحركه
الافضل هو فتح ٢٤ ساعه لكل المحلات والاسواق وتوزيع الدوام على فترتين لتخفيف الضغط

[سعود.]

اليوم 6 حالات وفاة ( رحمهم الله )
927 حاله جديدة
اعتقد نحتاج حظر كلي

[sara jsm]

اللهم ارفع عنا البلاء ..

[مضارب جديد]

انا ضد الحظر
لانه ببساطه بتصير زحمه وقت المسموح فيه الحركه
الافضل هو فتح 24 ساعه لكل المحلات والاسواق وتوزيع الدوام على فترتين لتخفيف الضغط

كلام عين العقل

[طلعة الروح]

انا ضد الحظر
لانه ببساطه بتصير زحمه وقت المسموح فيه الحركه
الافضل هو فتح ظ¢ظ¤ ساعه لكل المحلات والاسواق وتوزيع الدوام على فترتين لتخفيف الضغط

انا بعد ضد الحظر ، بس خل تكون واقعيين اي محلات واسواق اللي راح تفتح اربعه وعشرين ساعه ؟ عمليا ومنطقيا ماراح يصير !

[fmmja]

ارجو اني احصل اجابه من خلال المؤتمر اللي بيسونه الليلة بخصوص اغلاق العيادات الخارجية و المستشفيات الخاصة

[Rider]

ارجو اني احصل اجابه من خلال المؤتمر اللي بيسونه الليلة بخصوص اغلاق العيادات الخارجية و المستشفيات الخاصة

الإجابة مثل مايقول الراوي ماخذين الدكاتره والممرضين يساعدون مرض كورونا

[معماري قطري]

انا بعد ضد الحظر ، بس خل تكون واقعيين اي محلات واسواق اللي راح تفتح اربعه وعشرين ساعه ؟ عمليا ومنطقيا ماراح يصير !

لو يعطونهم الإذن مب مقصرين وبالعكس كثيرين يتمنون وعندهم المقدرة حتى المجمعات فيها حراسات من الملل يعدون كم ليت في المجمع بعد الساعة 12 .. مب شرط 24 ساعة بالضبط بس ممكن يكونون حسب قدرتهم