لأهل التجربة : مكتب تصميم خرائط

[علي الدوسري]

سلام عليكم ورحمة الله وبركاته


ادور مكتب يصمم خرايط ، وانا درت مكاتب كثيرة ويغلب عليهم ان يعطيك خرايط جاهزة او انه يكون غالي جداً

الي يخبر مكتب يسوي خارييط حسب الي يبيه الزبون وتصوره وافكاره ، فياليت يفيدنا .

حتى لو كانت كان السعر غالي ولكن بشكل معقول


ولكم كل الشكر

[معماري قطري]

عليكم السلام ورحمة الله وبركاته

سؤالك واضح لأهل التجربة وانا مجرب كم مرة وبقول لك باختصار

توجد مكاتب رخيصة ومكاتب غالية وغالبيتها تعتمد تصاميم معاد تطويرها .. بالضبط مثلي انا قليل اللي أدخل في تصميم من الصفر مثل ما يقولون .. ليش نبدأ من الصفر وبامكاننا نبدأ من شيء ملموس ومنجز ونعدل عليه؟

بيتي اللي تصميمه موجود في موضوع مراجعة المخططات المعمارية هذا من خيالي ومن الصفر بس خذ تصميمه معاي وقت طويل جداً وللحين قابل للتغيير بشكل طفيف .. وصراحه أعتبر تصميمه مغامرة ومتخوف

في كل مكان في العالم فيه تصاميم دارجة ونماذج حتى في أمريكا واوروبا يطورون منها ويغيرون عليها بحدود بسيطة وعندهم ستاندرد وارقام معروفة لكل قطعة ودوم يعتمدون الإنتاج المصنعي الشامل والثابت والمخزن .. مثال الابواب والدرايش تبغي ما يسمى كآستم ميد سعره غير وزيادة وياخذ وقت تبغي نموذج ( أ ) أو ( ب ) .. الخ النماذج هذا يوصلك ممكن خلال ايام أو ساعات وتكلفته معقولة وتقدر حتى تطلبه اونلاين ومن زمان .. المسؤول عن قياس الفتحة هو المقاول وفي الغالب هو مسؤول عن التركيب ومواصفات ومواد التركيب معروفة ولا حد يتجاوز عنها

سمة المكاتب الرخيصة وقليلة الخبرة المبالغة في الحديد والخرسانات وهذي تكلفة على الفاضي ممكن ترفع سعر العظم 20% وأكثر ولو سعر العظم عندك مليون ممكن يطلع 1.2 مليون لكن عند استشاري عنده مهندس انشائي جيد ممكن يطلعه لك ب 900000 وتكون وفرت فعلياً 300000 وانت ممكن تدفع تكلفة تصميمك 100000 .. فوق هذا وفرت وجع الراس واشتغلت مع ناس مهنيين وفاهمين ومكتب له سمعته وقوته حتى لو التصميم نسخة طبق الاصل من جارك معماري أقصد لكن الإنشائي يفرق وتنسيق الخدمات يفرق والمواصفات تفرق وتعني لك توازن في كل حيثيات التصميم .. فوق هذا يكون الشغل في الموقع سلس ومرتب ولا فيه اشكاليات أما مكتب سيبها حنعملها بعدين هذا ما بيفيدك وبيضيعك وبتشوف تفاصيل ما تبغيها وبتطلب تغييرها ويحتاج شغل اضافي

شيء ثاني مهم المكتب الرخيص أو خل نقول الضعيف فيه ناس ضعاف يدورون راتب بسيط ويقدرون يشتغلون حق 10 اشخاص كل واحد ب 20000 شغل يمشي الحال ويكتفون ب 200000 مدخول سنوي أو يخلصون التصميم في ست شهور تكون مداخيلهم السنوية مضاعفة تكفي رواتبهم البسيطة وسكنهم

المكتب القوي ياخذ حقه ويعطيك حقك .. إذا عنده مهندسين وموظفين ومقر كبير وسيارات تتابع التنفيذ لازم يسعر تسعير مناسب يكفي رواتب اللي عنده وباقي التكاليف والا افضل له يقفل

المكتب الضعيف إشرافه على التنفيذ عن بعد وشغله يوقع بس وتوقيعه ب 2000 ريال ويمكن أكثر شهرياً والمكتب الجيد يبذل مجهود ويشرف بناس مختصين حسب كل تخصص ويتابع معاك اجتماعات المقاولين والتخصصات اللي يشتغلون في بيتك وحتى عنده قاعة اجتماعات أو قاعات .. رحت مكتب يتواصلون اونلاين مع مكتب أمريكي ويناقشون شغل حكومي كبير على مستوى بالغط دخلوني قاعة انتظر المهندس بعدين اعتذروا مني ونقلوني لقاعة ثانية ودخل فريق كامل يتابع اونلاين وتلفزيون شكبره يبث لهم الإجتماع

طولت وصعب اختصر وفيه أشياء كثيرة ما قلتها

المكتب هو بهارات وملح طبخة البناء زيادة في مكوناته أو نقص مجبوس الدياي يستوي مكبوس دجاج

[علي الدوسري]

ياهلا اخوي معماري ، اشكرك على الرد

موضوع المكاتب الاستشاري انا للأمانة اعتبر مبتدأ فيه وسعيت فيه ولازلت ، مع العلم اني فالبداية كنت شغال مع مكتب استشارات واعتمدت الخرايط عنده ودفعت فيها مع العلم انه رايح له بتوصية ، ولكن تفاجئة بأنه راح يكلفني ، وبعد ما شفت بعد توصياتكم لبعض الاخوان تراجعت و قلت ابتدي من جديد افضل واوفر .

خذت جوله جيدة في المكاتب ، وشفت شغل على الواقع ، ولكن للامانه مواصلت لقناعه من ناحية التصميم لدرجة صرت افكر ان انا الي متطلباتي شوي مبالغ فيها .

للامانه لقيت مكاتب جيدة ولكن تحس انه .. لا ممكن احصل افضل .

يمكن افضل مكتبين مريت عليهم مكتب ال علي الي فالسد

ومكتب عيد بن حمد قريب من طوار مول

والبقيت يا انه طاير فالسما او انه تحس انه شغلهم متواضع مع العلم انه تحس انه يبي يخدمك وقدم الي انت تبي .

مع العلم اني جربت شغل كم شخص اون لاين ولكن ماشوفهم فاهمين علينا

وما عندي مشكلة كان مكتب كبير وامكانيات او صغير المهم المخرجات و يكون سعره غير مبالغ فيه


والله يكتب مافيه كل خير

[معماري قطري]

ياهلا اخوي معماري ، اشكرك على الرد

موضوع المكاتب الاستشاري انا للأمانة اعتبر مبتدأ فيه وسعيت فيه ولازلت ، مع العلم اني فالبداية كنت شغال مع مكتب استشارات واعتمدت الخرايط عنده ودفعت فيها مع العلم انه رايح له بتوصية ، ولكن تفاجئة بأنه راح يكلفني ، وبعد ما شفت بعد توصياتكم لبعض الاخوان تراجعت و قلت ابتدي من جديد افضل واوفر .

خذت جوله جيدة في المكاتب ، وشفت شغل على الواقع ، ولكن للامانه مواصلت لقناعه من ناحية التصميم لدرجة صرت افكر ان انا الي متطلباتي شوي مبالغ فيها .

للامانه لقيت مكاتب جيدة ولكن تحس انه .. لا ممكن احصل افضل .

يمكن افضل مكتبين مريت عليهم مكتب ال علي الي فالسد

ومكتب عيد بن حمد قريب من طوار مول

والبقيت يا انه طاير فالسما او انه تحس انه شغلهم متواضع مع العلم انه تحس انه يبي يخدمك وقدم الي انت تبي .

مع العلم اني جربت شغل كم شخص اون لاين ولكن ماشوفهم فاهمين علينا

وما عندي مشكلة كان مكتب كبير وامكانيات او صغير المهم المخرجات و يكون سعره غير مبالغ فيه


والله يكتب مافيه كل خير

ركز على مكتب فيه كل التخصصات وخبرة في التخصصات معماري + إنشائي + كهرباء + ميكانيك .. خلنا من صغير وكبير لو حصلت ذيلا مجتمعين وكانوا خبرة وما بتحصلهم الا في الكبير والمعروف .. انا اختصر عليك المشاوير

سهل تطلب اجتماع تعريفي بالمهندسين وتشوفهم وتناقشهم .. أوقات تبغي شغلة بسيطة من مكتب تدور اللي يخلص لك المعاملة وبس وأوقات تبغي شغل هندسي متكامل وتبغي تحاول تاخذ اشراف ومناقصة بعد ومتابعة من نفس المكتب لو امكانياته ما تساعده بتصير كأنك تعطيهم فلوس صدقة

مكتب المها عجبني مجتهدين قعدت معاهم شوي في شغلة لواحد وكانوا فاهمين .. مكاتب صغيرة وايد متكاملة ويسوون شغل زين شوف موضوع العقود فوق فيه تفاصيل وايد

[Q0T0R]

المركز العالمي للتصميم

[علي الدوسري]

ركز على مكتب فيه كل التخصصات وخبرة في التخصصات معماري + إنشائي + كهرباء + ميكانيك .. خلنا من صغير وكبير لو حصلت ذيلا مجتمعين وكانوا خبرة وما بتحصلهم الا في الكبير والمعروف .. انا اختصر عليك المشاوير

سهل تطلب اجتماع تعريفي بالمهندسين وتشوفهم وتناقشهم .. أوقات تبغي شغلة بسيطة من مكتب تدور اللي يخلص لك المعاملة وبس وأوقات تبغي شغل هندسي متكامل وتبغي تحاول تاخذ اشراف ومناقصة بعد ومتابعة من نفس المكتب لو امكانياته ما تساعده بتصير كأنك تعطيهم فلوس صدقة

مكتب المها عجبني مجتهدين قعدت معاهم شوي في شغلة لواحد وكانوا فاهمين .. مكاتب صغيرة وايد متكاملة ويسوون شغل زين شوف موضوع العقود فوق فيه تفاصيل وايد

نقطه مهمه ان المكتب يكون فيه كل التخصصات

شالمكاتب الي تنصح فيها

[علي الدوسري]

المركز العالمي للتصميم

بمره ان شاء الله ... تسلم

[معماري قطري]

نقطه مهمه ان المكتب يكون فيه كل التخصصات

شالمكاتب الي تنصح فيها

في موضوع العقود ناقشت الموضوع بشكل شامل وفيه لستة تحدث من البلدية سنوياً حسب تطورات كل مكتب والرخصة السنوية حطيتها قبل في أحد المواضيع تابعة لوزارة البلدية .. حاولت ادخل الحين موقعهم ما يفتح

المانع ديزاين شركة قديمة ومعروفة في التصميم - الاستشاريون العرب محرم باخوم وصلوا 60 سنة شغل في قطر - جماعة العمارة العربية أعرفهم من كنت ما خذت الليسن 15 وألحين عمري 58 ومؤسس المكتب شيبة سلمه لولده يديره وهو يديره متابعة وهذا جربته في شغلة تصميم واشراف من فوق 20 سنة وللحين المبنى من أفضل ما يكون - إتحاد قطر للتخطيط هو دوم إختياري الأول ومجربهم في كم شغلة بس غاليين وشغلهم سوبر بروفشنال

هذا الوقت جيد لعمل عقد تصميم متكامل مع هذي المكاتب الكبيرة تصميم ومناقصة واشراف وانا هنا أكرر كلام كله واضح ومكتوب في موضوع العقود المثبت فوق في أول الصفحة ثاني موضوع بالضبط

جيد لأن مشاريع الدولة الكبرى كلها إنتهت أو مشارفة للانتهاء والمفاوضة ضرورية للحصول على سعر جيد وكذلك إختيار تصميم مناسب أو مقارب تقدر تعدل عليه حسب احتياجك

[سعود.]

عندك ( الاقصى للاستشارات الهندسية )
اخبره رخيص و قوي

[معماري قطري]

عندك ( الاقصى للاستشارات الهندسية )
اخبره رخيص و قوي

سمعت عن الأقصى كل خير وكم مرة

وين مكانه إخوي سعود؟

ومهم تكون عنده كل التخصصات الأساسية .. إختصاص التصميم الداخلي هذا إضافة قوية وإختصاص تجهيز حساب الكميات قليل جداً عندهم

[سعود.]

خوش مكتب ( فل اوبشن)

الاقصي للاستشارات الهندسيه
6600 5145
https://goo.gl/maps/wUipxZbbh72tvSUe8

[معماري قطري]

خوش مكتب ( فل اوبشن)

الاقصي للاستشارات الهندسيه
6600 5145
https://goo.gl/maps/wUipxZbbh72tvSUe8

شكراً إخوي سعود

[علي الدوسري]

الله يعطيكم العافيه ، ان شاء الله اني بمرهم

وبحرص على موضوع التخصصات الي فالمكتب

كل عام وانتم بألف خير وتقبل الله طاعتكم

[معماري قطري]

وانت تدور مكتب أكيد لو بتروح لناس فاهمين بيراوونك جزء من أعمالهم وممكن حتى يودونك جولة على مشاريع يشرفون عليها وبعضها مصممينها .. هذا المكتب الواثق من نفسه

أما العادي تحصله كلام وبس بدون دليل .. سوينا لجنة مرة وزرنا مكاتب زيارة واقعية من ضمنها بعض المسجلين عالميين وعلى الورق المكتب فيه مئات الموظفين والمهندسين حول العالم لكن على الواقع عندهم إقامات ومختومة جوازاتهم وكلهم شغالين برا وفرع قطر ما فيه الا اللي يسمي نفسه المدير معاه عامل الشاي .. وفيه مكاتب يفتخرون إنهم درجة أُولى وعندهم كل التخصصات بس المشكلة شباب والخبرة 0 وعادي مهندس مدني يخلونه ينقل خرائط كهربية نقل وللأسف نظام شغل الحكومة يمشي وكأن المهندس معصوم من الخطأ ووقت الصج ما يتحاسب

[معماري قطري]

نسيت كنت مركز على إنك بعد شوف نماذج تناسب ارضك واحتياجك وعندك موضوع مراجعة التصاميم الهندسية فيه حول 34 نموذج تقدر تبني على شيء منها وتروح للمكتب جاهز باللي تبغيه توفر على نفسك وقت وجهد والمكتب يعرف شيسعر لك عليه

[علي الدوسري]

نسيت كنت مركز على إنك بعد شوف نماذج تناسب ارضك واحتياجك وعندك موضوع مراجعة التصاميم الهندسية فيه حول 34 نموذج تقدر تبني على شيء منها وتروح للمكتب جاهز باللي تبغيه توفر على نفسك وقت وجهد والمكتب يعرف شيسعر لك عليه


مافهمت نقطة النماذج ، ممكن توضحها اكثر .

بالنسبة للاحتياجات ، عندي لها ترتيب مثلاً انه عدد العائلة كذا .. و طبيعة الزيارات و بعد الترتيبات ، يعني اشياء اشوف انها ممكن تساعد المهندس في التصميم .

[النوماس]

جزاكم الله خير على الافادة .وجهة نظري ان معظم المكاتب تقدم تصاميم تقليدية ومتكررة مافيها افكار جديدة وعصرية حتى بعض المكاتب الكبيرة اللي ذكرها بو عبد الله صحيح انها تعمل خدمات وحديد وغيره بطريقة احترافية ولكن للاسف تشوف التصميم تلاقيه عادي وتقليدي مع العلم انه اهم حاجة هو التصميم .
كتحربة شخصية انا واخواني جربت مكتب ديوان التصميم والبناء وايضا مكتب جي اتش دي الاثنين ممتازين
ولكن ديوان التصميم والبناء افكارهم حلوة وغير تقليدية سواء للخرايط وتوزيع الصالات والغرف والحدائق او من ناحية شكل البيت الخارجي والاهم من كل شي هو استغلالهم للمساحات حتى السطح يقسمونه لك قسمين قسم صغير للخدمات والمكيفات و.....
وقسم اخر كبير يعملوه حديقة سطح مع جلسات وبانتري وباربكيو وسينما بحيث تكون مساحةترفيهية حلوة اضافية للفيلا واسعارهم مقبولة جدا

[سهم ماينزل]

السلام عليكم

بالنسبة للمعماري قسم بالله درت اكثر من خمس مكاتب تصميم اغلبها تصاميم عادية جدًا ولا فيها أي روح ولا استغلال للمساحات ابداً

وتعرفت على مصمم مصري في الانستجرام في السعودية وغامرت معاه للاسباب التالية:

ظ،. قبل ما يبتدي التصميم يدرس اتجاهات الارض عشان الشمس
ظ¢. يأخذ متطلباتك ويدسها وينصحك.
ظ£. يسوي فيديوهات شرح لك.
ظ¤. سعرة جدًا مناسب وعلى دفعات.

النتيجة بعد انتهاء التصميم والمراجعة: الصراحة تصميم كل من شافه قال روعة لا مكتب ولا صديق.

يأخذ على المتر ثلاثه دولار واذا تبي مع المعماري تنفيذي يزيد نص دولار

(فقط معماري).

انسان محترم وخبره وفاهم جدًا ودفعاته مريحه

من تجربه

[معماري قطري]

السلام عليكم

بالنسبة للمعماري قسم بالله درت اكثر من خمس مكاتب تصميم اغلبها تصاميم عادية جدًا ولا فيها أي روح ولا استغلال للمساحات ابداً

وتعرفت على مصمم مصري في الانستجرام في السعودية وغامرت معاه للاسباب التالية:

ظ،. قبل ما يبتدي التصميم يدرس اتجاهات الارض عشان الشمس
ظ¢. يأخذ متطلباتك ويدسها وينصحك.
ظ£. يسوي فيديوهات شرح لك.
ظ¤. سعرة جدًا مناسب وعلى دفعات.

النتيجة بعد انتهاء التصميم والمراجعة: الصراحة تصميم كل من شافه قال روعة لا مكتب ولا صديق.

يأخذ على المتر ثلاثه دولار واذا تبي مع المعماري تنفيذي يزيد نص دولار

(فقط معماري).

انسان محترم وخبره وفاهم جدًا ودفعاته مريحه

من تجربه

عليكم السلام ورحمة الله وبركاته

قوانين السعودية فيها راحة أكثر وإذا صمم لك بدون ما يدري بقوانين تخطيطنا بتواجهك مشكلة كبيرة في الموافقة الأولية

بالنسبة لإتجاه الشمس وين ما يكون ما عندك مشكلة لو سويت بيتك معزول عزل جيد وركزت الدرايش وين تكون ودرست تصميمها صح .. وايد شفت تصاميم خارجية فيها فكرة وفيها شغل بس مستحيل تستوي عندنا .. مثال أخير واحد مصمم في تركيا وقال لي تصميم حلو وفيه وفيه يوم شفته مسوي له بيسمنت مساحته أكبر من البيت 1200 تقريباً بس البيسمنت .. غرفة الخدم أصغر شيء 17 في 6 .. صالات خيالية بدون عمود ما ادري شلون بتنبني .. يوم جيت اركبه على أرضه طلع شوي خارج الحدود ومب شوي مستملك الشارع وهذا قليل من كثير .. تعال للصالات وكلها مفتوحة على بعض وكل صالة مسميها اسم فاملي هول وستنغ ايريا وحتى كتابته بالانجليزي أحرف غلط .. مواقف السيارات تحت الأرض مع إن أرضه كبيرة وسهل يرتبها فوق ويتخلص من شغل قوي ومكلف تحت الأرض .. لا والمواقف وايد ضيقة وصعب تدخل السيارة وتطلع ومتأكد بتكون فيه مزرعة أعمدة ما يوضحها في المعماري

أوقات انت تحتد على بناء تقليدي ومجرب لكن تحط فيه شوية تغييرات تخليه شرح ومريح

[معماري قطري]

جزاكم الله خير على الافادة .وجهة نظري ان معظم المكاتب تقدم تصاميم تقليدية ومتكررة مافيها افكار جديدة وعصرية حتى بعض المكاتب الكبيرة اللي ذكرها بو عبد الله صحيح انها تعمل خدمات وحديد وغيره بطريقة احترافية ولكن للاسف تشوف التصميم تلاقيه عادي وتقليدي مع العلم انه اهم حاجة هو التصميم .
كتحربة شخصية انا واخواني جربت مكتب ديوان التصميم والبناء وايضا مكتب جي اتش دي الاثنين ممتازين
ولكن ديوان التصميم والبناء افكارهم حلوة وغير تقليدية سواء للخرايط وتوزيع الصالات والغرف والحدائق او من ناحية شكل البيت الخارجي والاهم من كل شي هو استغلالهم للمساحات حتى السطح يقسمونه لك قسمين قسم صغير للخدمات والمكيفات و.....
وقسم اخر كبير يعملوه حديقة سطح مع جلسات وبانتري وباربكيو وسينما بحيث تكون مساحةترفيهية حلوة اضافية للفيلا واسعارهم مقبولة جدا

في أمريكا مجلات التصميم تنباع أو توزع مجاناً .. تختار التصميم اللي يعجبك بالإضافات اللي تبغيها والمواصفات وتطلبها بالانترنت توصلك بالرخصة الخاصة بولايتك وموقعك وبتكلفة تافهة .. عندي إحدى المجلات هذي ومشروحة فيها طريقة الطلب والتكلفة والتكاليف الإضافية لأي نسخة زيادة .. يجيك الشغل مع العقد مع التفاصيل الداخلية وشغل كامل حتى باسم القطعة وماركتها والتسعير يجيك قريب للسعر الحقيقي .. تبي شيء خاص وغير بالكامل بعد عندهم وهذا يشتغلون عليه حسب رغبتك وأرضك بس الغالب نماذج مجربة ومعروفة

[سهم ماينزل]

عليكم السلام ورحمة الله وبركاته

قوانين السعودية فيها راحة أكثر وإذا صمم لك بدون ما يدري بقوانين تخطيطنا بتواجهك مشكلة كبيرة في الموافقة الأولية

بالنسبة لإتجاه الشمس وين ما يكون ما عندك مشكلة لو سويت بيتك معزول عزل جيد وركزت الدرايش وين تكون ودرست تصميمها صح .. وايد شفت تصاميم خارجية فيها فكرة وفيها شغل بس مستحيل تستوي عندنا .. مثال أخير واحد مصمم في تركيا وقال لي تصميم حلو وفيه وفيه يوم شفته مسوي له بيسمنت مساحته أكبر من البيت 1200 تقريباً بس البيسمنت .. غرفة الخدم أصغر شيء 17 في 6 .. صالات خيالية بدون عمود ما ادري شلون بتنبني .. يوم جيت اركبه على أرضه طلع شوي خارج الحدود ومب شوي مستملك الشارع وهذا قليل من كثير .. تعال للصالات وكلها مفتوحة على بعض وكل صالة مسميها اسم فاملي هول وستنغ ايريا وحتى كتابته بالانجليزي أحرف غلط .. مواقف السيارات تحت الأرض مع إن أرضه كبيرة وسهل يرتبها فوق ويتخلص من شغل قوي ومكلف تحت الأرض .. لا والمواقف وايد ضيقة وصعب تدخل السيارة وتطلع ومتأكد بتكون فيه مزرعة أعمدة ما يوضحها في المعماري

أوقات انت تحتد على بناء تقليدي ومجرب لكن تحط فيه شوية تغييرات تخليه شرح ومريح

كان مصمم ذكي دخل يشوف القوانيين عندنا في قطر وخليته يتواصل مع مهندس في قطر يسأل ووصلت للي أبيه معماريًا معاه

وكل من شاف تصميمه مدحه أمانة رجل ذكي ومحترم واذا كان فيه ملاحظات على تصميمه من البعض كان من باب الذوق في بعض الجزئيات

[معماري قطري]

مافهمت نقطة النماذج ، ممكن توضحها اكثر .

بالنسبة للاحتياجات ، عندي لها ترتيب مثلاً انه عدد العائلة كذا .. و طبيعة الزيارات و بعد الترتيبات ، يعني اشياء اشوف انها ممكن تساعد المهندس في التصميم .

مر الموضوع بتعرف شلون .. النموذج هو تصميم معين زاوية مثلاً أو مستطيل والصالة في زاوية أو أي شكل يناسب الأرض اللي عندك وانفتاحها على شارع أو شارعين

المهم واللي تقدر تعرف عليه تلبيته لإحتياجاتك هو توزيع الأرض والغرف والباقي من زخرفة وبروزات معمارية هذي أي واحد ممكن يتفنن فيها حتى مصمم واجهات الحجر ممكن يبدع لك ويغير بيتك بالكامل أو يكون إتجاهك للكتل والبساطة اللي تخلي بيتك ما يكون ممل ويكون فيه جمال عملي وبدون تكاليف اضافية

[معماري قطري]

كان مصمم ذكي دخل يشوف القوانيين عندنا في قطر وخليته يتواصل مع مهندس في قطر يسأل ووصلت للي أبيه معماريًا معاه

وكل من شاف تصميمه مدحه أمانة رجل ذكي ومحترم واذا كان فيه ملاحظات على تصميمه من البعض كان من باب الذوق في بعض الجزئيات

زين والله شيء مفرح والله يوفقك هذا يسوي شغله صح

[سهم ماينزل]

زين والله شيء مفرح والله يوفقك هذا يسوي شغله صح

والله يا اخوي اول مرة احط تصميم واجلس مع الاهل وما يكون عندنا ملاحظات غير بسيطة جدًا والزين في المصمم يقول اي تعديل حاضر قبل بعد اثناء لا تترددون ومقارنة بالاسعار فسعره ممتاز خاصة مع شغله

وتسلم وتراك من أهم من الشخصيات اللي نقرأ لهم في البناء وجزاك الله خيراً

[معماري قطري]

زين في حالتك إخوي سهم ما ينزل أفضل تتفق مع مكتب في قطر يخلص الرخصة بس وتتفق مع المصمم يكمل باقي التخصصات خصوصاً الإنشائي لو عندهم مصمم زين بيصمم لك هيكل اقتصادي ومتزن .. الكهربة مشكلة هناك أعتقد 115 فولت وعندنا 225 هم نظام أمريكي وإحنا اوروبي تقدر تكملها أو تسويها في قطر

[سهم ماينزل]

زين في حالتك إخوي سهم ما ينزل أفضل تتفق مع مكتب في قطر يخلص الرخصة بس وتتفق مع المصمم يكمل باقي التخصصات خصوصاً الإنشائي لو عندهم مصمم زين بيصمم لك هيكل اقتصادي ومتزن .. الكهربة مشكلة هناك أعتقد 115 فولت وعندنا 225 هم نظام أمريكي وإحنا اوروبي تقدر تكملها أو تسويها في قطر

لا هو فقط عليه المعماري والتنفيذي

أما الانشائي والميكانيكا والكهرباء مع استشاري في قطر والجهة صوب مكتب دوحة العز أتمنى أن تمشي الأمور بحسب ما أتمنى المكتب في الدوحة حط 3 ملاحظات بسيطة جدًا تحتاج استثناء او تعديلها دون المساس بأي جوهر

[معماري قطري]

والله يا اخوي اول مرة احط تصميم واجلس مع الاهل وما يكون عندنا ملاحظات غير بسيطة جدًا والزين في المصمم يقول اي تعديل حاضر قبل بعد اثناء لا تترددون ومقارنة بالاسعار فسعره ممتاز خاصة مع شغله

وتسلم وتراك من أهم من الشخصيات اللي نقرأ لهم في البناء وجزاك الله خيراً

موفقين وهذا اللي أنصح به الجميع رأي الأهل وحتى العيال وحتى لو كانوا صغار مهم ولازم نشوف المخططات على تلفزيون كبير وواضح وهذا سهل ألحين

[معماري قطري]

لا هو فقط عليه المعماري والتنفيذي

أما الانشائي والميكانيكا والكهرباء مع استشاري في قطر والجهة صوب مكتب دوحة العز أتمنى أن تمشي الأمور بحسب ما أتمنى المكتب في الدوحة حط 3 ملاحظات بسيطة جدًا تحتاج استثناء او تعديلها دون المساس بأي جوهر

كنت أتمنى لو مسوي الإنشائي عنده ويشوف مهندس شاطر لأن عندنا وايد مبالغات ندفع قيمتها بدون فايدة .. حتى عند بعض مكاتبهم هذي الظاهرة موجودة .. بقية الأُمور بإذن الله بتمشي

[علي الدوسري]

السلام عليكم

بالنسبة للمعماري قسم بالله درت اكثر من خمس مكاتب تصميم اغلبها تصاميم عادية جدًا ولا فيها أي روح ولا استغلال للمساحات ابداً

وتعرفت على مصمم مصري في الانستجرام في السعودية وغامرت معاه للاسباب التالية:

ظ،. قبل ما يبتدي التصميم يدرس اتجاهات الارض عشان الشمس
ظ¢. يأخذ متطلباتك ويدسها وينصحك.
ظ£. يسوي فيديوهات شرح لك.
ظ¤. سعرة جدًا مناسب وعلى دفعات.

النتيجة بعد انتهاء التصميم والمراجعة: الصراحة تصميم كل من شافه قال روعة لا مكتب ولا صديق.

يأخذ على المتر ثلاثه دولار واذا تبي مع المعماري تنفيذي يزيد نص دولار

(فقط معماري).

انسان محترم وخبره وفاهم جدًا ودفعاته مريحه

من تجربه


اذا له حساب او طريقة للتواصل واشوف شي من شغله ياليت ترسله

[سهم ماينزل]

اذا له حساب او طريقة للتواصل واشوف شي من شغله ياليت ترسله

عنده ولكن اللي اعرضه في حسابه قليل جدًا

بطرش لك على الخاص حسابه ورقمه والله انسان في قمة الروعة ومحترم خدمني بتصميم كان في مخيلتي

[سهم ماينزل]

كان مصمم ذكي دخل يشوف القوانيين عندنا في قطر وخليته يتواصل مع مهندس في قطر يسأل ووصلت للي أبيه معماريًا معاه

وكل من شاف تصميمه مدحه أمانة رجل ذكي ومحترم واذا كان فيه ملاحظات على تصميمه من البعض كان من باب الذوق في بعض الجزئيات

وهذا جزء من شروحاته

https://f.top4top.io/m_19630ggyf1.mp4

[معماري قطري]

وهذا جزء من شروحاته

https://f.top4top.io/m_19630ggyf1.mp4

سالفة الشمس مقولة طايرين بها كثيرين .. أكيد تقدر تستغلها في الحديقة وترتيب الزراعة حول بيتك بس صمم واجهة بيتك في أي اتجاه ولا عليك .. أوقات تضطر تخلي بيتك متجه غرب لأن أرضك مواجهة غرب وصغيرة وعلى شارع واحد .. وأوقات تكون تقدر تفتح على شرق بس مضطر للجنوب وتخلي واجهة الشرق ثانوية مثل حالة تصميمي لبيتي لإتصاله بأرض ثانية غربيه .. بيت الزاوية مضطر تركز على واجهتين والأجمل كل واجهات البيت تكون متناسقة صحيح مجبور تحترم الجار وما تفتح درايش مطلة عليه بس بعد تحتاج لمتنفس لكل غرفة طول ما انت محافظ على الإرتداد المطلوب ما عندك مشكلة

كنت أتمنى تكون عندنا أحياء مخططة تخطيط غير .. مثل اللي يكون مبني على حدود الأرض وسور السقف بينه وبين الجيران عالي وممكن فيه كاميرات موجهة على سور سطح المالك حتى لو صارت سرقة تسهل اثبات من وين تسلل السارق .. يكون حوش هذي البيوت وسطها ودرايشها تطل اطلالة داخلية وجهة الشارع فقط

كذلك حي نموذجي ثاني ممكن يكون مثل المجمعات البيوت أسوارها جانبية وخلفية والأمام متصل مع ارتداد مزروع .. الخصوصية خلف البيت والواجهة مفتوحة على الشارع الداخلي

كذلك ما يسمى الكندومنيوم مثل اللي في التاون هاوسز في اللؤلؤة

[معماري قطري]

الدرايش في أي جهة لو بيتك معزول ودرايشه عزلها زين إنسى الحرارة القوية والغبار وطبقات الستاير عزلها أوقات أكبر بمراحل من الجدار .. بتبني بيت شعر والا خيمة صج دور الأرض المرتفعة وأفضل إتجاه الشرق

[معماري قطري]

ضحكني مرة أحد شيابنا الكبار قال إعزل بيتك عزل حراري فقط جهة الشمس .. إذا عندنا الحرارة توصل فوق 50 في الظل .. قلت له في الشتاء إحنا نتلحف عدل عن البرد وما نترك جزء طالع ولو تركنا جزء بنحس بضيق وبرد ونفس الشيء ينطبق على البيت دخول الحرارة سهل حتى من الجدار .. عيل ما نبني جهة الغرب كلش .. العزل الحراري للجدران مهم ومهم يكون مغلف البيت كله ما نترك مثلاً الجسور بدون عزل وهذا يصير عند كثير من الإستشاريين وبعضهم كبار يعملون الجسر على عرض الجدران لو الجدران الخارجية مزدوجة وبينها عازل يقطع اتصال العازل ويكون هذا الجسر ممر مفتوح للحرارة صيفاً والبرودة شتاءً فنحصل الأرضيات والأسقف المتصلة مع هذي الجسور تكون مثل الرديتور تشع حرارة أو برودة للداخل .. إغفال تفصيل بسيط يضيع فايدة عظيمة وشرحت طريقة العزل الصحيحة والجسور حتى بالرسم في موضوع مراجعة المخططات المعمارية للي يبي يطلع