فتحات دكت تكييف سنترال باكج و كونسيلد سبلت او في ار اف

[Thamer_Qat]

السلام عليكم اخواني الكرام
من عنوان الموضوع هل من الأفضل تكون فتحات التكييف في اسقف الجبس جريلات مخفيه بين طبقات الجبس للسبلاي والريتيرن او جريلات واضحه طوليه لينير او مربعه ديفيوزر
رايي يقول فتحات طوليه لينير تعطي فخامه للفيلا مثل اللي في لوبي الفنادق
وراي يقولك لا وصار شي قديم ويشوه ديكورات الأسقف وايضا اندفاع الهوا للأسفل مؤذي ويحول على روس الناس.
وراي يقولك جرلات مخفيه بين طبقات الجبس في الأسقف واندفاع الهوا افقي مش عمودي وتوزيع ودوران الهوا افضل بحيث اللي جالس مايعرف من وين يجيه البراد واضيف ان ديكورات الأسقف المكلفه مازاحمتها بفتحات تكييف ظاهرة للأعين وأثرت على جمالية المكان.
وطبعا الدفيوزر المربع مستبعد ولكن توزيعه للهوا جيد وللأتجاهات الأربع بس يشوه المنظر وعادة يركبونه في المكاتب او غرف الملابس او لغرف الصغيره جدا
والعيد عليكم مبارك مقدما ودمتم سالمين

[معماري قطري]

عليكم السلام ورحمة الله وبركاته

بالنسبة للتكييف صراحة فلم رعب بالنسبة لي لأن الغش فيه كثير خصوصاً البكج والدكت سبلت .. واحد أمس يكلمني يشتكي إنه طول يومه مع عمال الصيانة ينظفون التكييف ويقول انه ميزة شغلهم كله فوق .. قلت بيتك توك ساكنه قال كل شهرين ضروري يسوون تنظيف وصيانة وهو مسوي عقد معاهم .. أحس يبالغ بس مع السبلت ما يحتاج كل هالدوشة وصيانته سهلة وتنظيف الفلتر عادي تنظفه الخدامة كل شوي

هذا رفيجي نفسه سوى ديكورات جبس حول الدرايش وعلى الجدران مكلفة وبروزات خاصة للستاير وأول ما ركب الدرايش وشغل التكييف خلاه وراح رجع ثاني يوم حصل الرطوبة متكثفة وسايلة على الجبس مخربته .. يقول أرضية البيت كلها ماي ولا يدري من وين جات الرطوبة .. السبلت نعرف إنه يسحب الرطوبة ويعطي جو صحي وباقي التكييف المفروض وبعضه يعطيك هواء خارجي نقي يجدد هواء البيت وهذي كلها مميزات ما يضبطونها شركات الغش عندنا

عن سؤالك عن فتحات الدكت أشوف المخفية عملية أكثر وما يجيك الهواء البارد مباشر في ويهك ولو تقدر سوها لكل مكان بس مهم تتأكد من مواصفات التكييف ومواصفات التركيب وتخلي استشاري مختص تكييف وفاهم يتابع العقد ويتابع تصميم التكييف ويتابع التركيب

[Thamer_Qat]

هلا ومسهلا اخوي معماري
وتوقعت انك اول من يرد على موضوعي
البكج او السنترال غالبا مايسوي رطوبه حول الدكتات ويقطر على الجبس اللي تحته الا في حاله وحده مثل ماتفضلت "غش" او المالك استرخص الشي وجاب ناس من بوطخه يصنعون ويركبون الدكتات في بيته. وبيتم يعاني طول عمره
الشركات الجيده معروفه مثل المناعي وتدمر والبحرية وغيرهم وعندهم ستاندارد ومواصفات ماينزلون عنها ودايما يدخلون في مناقصات ومباني الدولة من وزارات ومدارس ومستشفيات ومساجد وغيرها من مؤسسات الدولة وهذول مستحيل يغشون ودايما مواصفاتهم عاليه ومكلفه.
وفعلا اتفق معاك المخفي افضل وافخم واللي يدخل بيتك مايشوف اي شي يشوه ويخرب جمال ديكورات مكلفتنا وايد

[Thamer_Qat]

واعتقد كل شهرين ينظفون فلاتر مكاين البكج فوق السطح زين وطبيعي علشان الهوا الفررشش يجيك نظيف جدا ويحافظ على صحتك وصحة اسرتك الله يسلمهم
اما تنظيف الدكتات بالريبوت مره كل سنه او كل سنتين كفايه
وتنظيف الجريلات "فتحات التكييف مره كل سنه يكفي
وفعلا ماحد يدخل بيتكم للصيانه ابدا وكل الشغل فوق السطح ومعظم الشركات 24 ساعه خدمة نفس خدمة مساعدة الطريق لسيارتك من بنشر واعطال :)

[معماري قطري]

هلا ومسهلا اخوي معماري
وتوقعت انك اول من يرد على موضوعي
البكج او السنترال غالبا مايسوي رطوبه حول الدكتات ويقطر على الجبس اللي تحته الا في حاله وحده مثل ماتفضلت "غش" او المالك استرخص الشي وجاب ناس من بوطخه يصنعون ويركبون الدكتات في بيته. وبيتم يعاني طول عمره
الشركات الجيده معروفه مثل المناعي وتدمر والبحرية وغيرهم وعندهم ستاندارد ومواصفات ماينزلون عنها ودايما يدخلون في مناقصات ومباني الدولة من وزارات ومدارس ومستشفيات ومساجد وغيرها من مؤسسات الدولة وهذول مستحيل يغشون ودايما مواصفاتهم عاليه ومكلفه.
وفعلا اتفق معاك المخفي افضل وافخم واللي يدخل بيتك مايشوف اي شي يشوه ويخرب جمال ديكورات مكلفتنا وايد

هو ما نزلت الرطوبة من الدكتات تكثفت على قزاز الدرايش ونزلت على الديكور اللي مسويه حول الدرايش ومشتغل شغل مكلف بس هذي طبيعة هذا التكييف دوم مشاكل الصيانة صعبة وما تنحل بسهولة

[معماري قطري]

واعتقد كل شهرين ينظفون فلاتر مكاين البكج فوق السطح زين وطبيعي علشان الهوا الفررشش يجيك نظيف جدا ويحافظ على صحتك وصحة اسرتك الله يسلمهم
اما تنظيف الدكتات بالريبوت مره كل سنه او كل سنتين كفايه
وتنظيف الجريلات "فتحات التكييف مره كل سنه يكفي
وفعلا ماحد يدخل بيتكم للصيانه ابدا وكل الشغل فوق السطح ومعظم الشركات 24 ساعه خدمة نفس خدمة مساعدة الطريق لسيارتك من بنشر واعطال :)

في امريكا الفلاتر تنباع في السوبرماركت تروح وتشتري الفلتر بالرقم وتركبه بسهولة نظامهم وايد سهل بس التكييف لاحظته مزعج .. انا يهمني الصوت أكثر المنظر ألحين السبلت منظره زين وفيه منه بشكل لوحة وفيه المربع المعلق بعد شكله حلو ويدفع لكل الإتجاهات

[مطلع]

صدقت اخوي معماري فعلا فلم رعب وعالم من الغش
الشيخ اذا تعرف استشاري مختص وتخصصه تكييف افزع لي يا اخوي
ابي اركب مكيفات دكت سبلت وبكج يونت واذا ترشح شركات عندها مصداقيه ومعروفه بكون لك من الشاكرين الشيخ

[Thamer_Qat]

صدقت اخوي معماري فعلا فلم رعب وعالم من الغش
الشيخ اذا تعرف استشاري مختص وتخصصه تكييف افزع لي يا اخوي
ابي اركب مكيفات دكت سبلت وبكج يونت واذا ترشح شركات عندها مصداقيه ومعروفه بكون لك من الشاكرين الشيخ

اخوي من واقع تجربة
الرونق طريق سلوى عقب معرض السيارات اللي قبل محطة الجزيره ملاصق تقريبا بمعرض abc
شغلهم ممتاز والتزام ويمسكون دايما مشاريع كبيره وفلل وعندهم جميع الأنظمه باكج دكت سبلت وفي ار اف وجميع لبراندات اللي تبيها
اي معلومات اضافيه حاضر لك

[Thamer_Qat]

اخوي من واقع تجربة
الرونق طريق سلوى عقب معرض السيارات اللي قبل محطة الجزيره ملاصق تقريبا بمعرض abc
شغلهم ممتاز والتزام ويمسكون دايما مشاريع كبيره وفلل وعندهم جميع الأنظمه باكج دكت سبلت وفي ار اف وجميع لبراندات اللي تبيها
اي معلومات اضافيه حاضر لك

حاليا شغالين في بيتي دكتات باكج بالكامل وجزء دكت سبلت
والمدير والشريك شفقت باكستاني خبره ومتعاون جدا

[Azizuk]

كفو اخوي ثامر الحين احنا راح نسلمك العهدة عهدة قسم البناء والتشطيب ونستفيد من خبراتك

نبي همتك هالفتره بالمشاركات بالمنتدى

انت حاليا في فتره حساسه جدا لان الاعمال عندك وراء بعض متشابكه لازم تنجزها

واكيد عندك الجديد شنو نزل بالسوق

عساك على القوى ان شاءالله والله ويوفقك

[Thamer_Qat]

كفو اخوي ثامر الحين احنا راح نسلمك العهدة عهدة قسم البناء والتشطيب ونستفيد من خبراتك

نبي همتك هالفتره بالمشاركات بالمنتدى

انت حاليا في فتره حساسه جدا لان الاعمال عندك وراء بعض متشابكه لازم تنجزها

واكيد عندك الجديد شنو نزل بالسوق

عساك على القوى ان شاءالله والله ويوفقك

يطول عمرك اخوي الكريم وماعليك زود
والعين ماتعلى على الحاجب واستفدت منكم وايد انت وباقي الأخوان والخوات الله يسلمكم في هالفتره الحرجه من تشطيب البيت وتفاديت كذا مشكلة ودعوتك الكريمة لمنزلك العامر كانت مفيدة جدا لي حقيقه
وانا حاضر باللي اعرفه واقدر عليه
وبالتوفيق للجميع