المساعد الشخصي الرقمي

مشاهدة النسخة كاملة : عن الزحمه


سعود.
17-05-2021, 12:35 AM
كما في العنوان ليش مايكون فية كاميرات شغالة 7/24 في منفذ ابوسمره وسلوى مشبوكة مباشر في اليوتيوب كما في المنفذ السعودي في البحرين ( عن الزحمه ) يقدر المسافر يشوف الوضع قبل التوجه للمنفذ . حاليا زحمه غير طبيعية في ابوسمره وسلوى البعض يقول صار لة اكثر من 4 ساعات

رابط جسر البحرين

https://youtu.be/QwMfihw84T4
مرتبش
17-05-2021, 02:10 AM
فكرة طيبة
معماري قطري
17-05-2021, 02:42 AM
شغل نظيف يبي لنا نسوي مثله وفي كم مكان
sara jsm
17-05-2021, 11:39 AM
افتحوا لهم رسمي خلاص :( :( :(
Rider
17-05-2021, 12:27 PM
عاد الناس وين رايحين المركز معروف فترة العياد زحمه غير إجراءات كورونا في المركز بطيئة اقعد فالبيت ارحم
ابو عبدالله.
18-05-2021, 12:11 PM
الس سمعته عن المركز ان صارت زحمه ولا تتوفر خدمات. لا سوبرماركت ولا دورات مياه اعزكم الله

الدخول للسعوديه للمطعمين. بدون ما تسوي مسحه لكن اذا رجعت لازم تجيب نتائج مسحه معاك تسويها 72 ساعه قبل دخولك لمركزنا. و فوق هذا يسوون لك مسحه بالمركز. شدعوه. غصب نسوي زحمه يعني

مطعم و جايب مسحه من السعوديه و بعد نلتزم بعمل مسحه بمركزنا ليش

طيب سويت مسحه و دخلت قطر و بروح ازور ناس بقطر و ثاني يوم طلعت النتيجه اني مصاب بعيد الشر. ايش فايده المسحه دام اني دخلت و خالطت ناس بالبيت و المجلس او العمل

جسر البحرين فتحوه و الي مطعم ما يحتاج مسحه هذه ميزه التطعيم. احنا ليش مركزنا يسوي فحص اجباري حتى للمطعمين


آمنا بالله. امسح. طيب حط مظلات للي ينتظر انهاء الاجراءات بالمركز مظلات مافي لا للسيارات ولا للافراد

صرفنا كثير على هالمركز. نبي خدمه على الاقل حمامات تكرمون و مظلات

دخيل الله. اكل على الاقل و الي يشتغلون بالمركز شفتات وين ياكلون

عموما. حبيت اكبر صوره الوضع بالمركز

لكن عن الكاميرات انا كمواطن ابي اشوف بث مباشر. عشان مستقبلا اذا فكرت اسافر اشوف الوضع و احدد الساعه كم اروح للمركز مش على عماها ادخل و القاه زحمه و اضيع ساعات

وايد اماكن فيها بث مباشر حتى بقطر و المركز موقع مهم لبث حي على النت
SouthK
19-05-2021, 09:58 AM
فكرة طيبة
khaldoon
19-05-2021, 08:06 PM
بمناسبة الموضوع اتشرف بالقول اني احد المهندسين اللي اشتغلوا في مركز حدود ابو سمرة سنة 2001 و 2002
sara jsm
19-05-2021, 08:10 PM
بمناسبة الموضوع اتشرف بالقول اني احد المهندسين اللي اشتغلوا في مركز حدود ابو سمرة سنة 2001 و 2002

وليش ماسويتوا دورات مياه ولا مظلات للعالم :waiting:
khaldoon
19-05-2021, 08:20 PM
وليش ماسويتوا دورات مياه ولا مظلات للعالم :waiting:


والله معاكي حق ...... انا كنت اشراف فقط من اول المشروع الى اخره و ليس تصميم ....التصميم كان من شركتنا في لبنان....اكتفوا انهم يسوون سوبرماركت و مسجد على كل من جهة المغادرين و جهة القادمين ... و مبنى vip و مبنى رئيسي في وسط المشروع و مباني للتفتيش و تقريبا ست مباني صغار للحراسة و مباني للتفتيش للسيارات و الشاحنات و ميزان شاحنات و عيادة طبية و مبنى لفحص المنتجات الغذائية اللي تأتي من خارج ..... مجموع المباني على اختلاف احجامها كانت 44 مبنى على ما اذكر بما فيهم septic tanks
sara jsm
19-05-2021, 08:34 PM
ههههههههه توك احد المهندسين :funny: الحين صرت مشرف بس :funny:
بس غريبه ان دورات المياه من الاشياء الاساسيه خاصه في طريق السفر ..
المفروض بديهياً يكون موجود ... كله منك خلدون :taunt:
khaldoon
19-05-2021, 08:38 PM
ههههههههه توك احد المهندسين :funny: الحين صرت مشرف بس :funny:
بس غريبه ان دورات المياه من الاشياء الاساسيه خاصه في طريق السفر ..
المفروض بديهياً يكون موجود ... كله منك خلدون :taunt:

مهندس مشرف على المباني من ناحية انشائية و الاعمال الخارجية بما فيها الزرع مب مراقب ههههههههه
khaldoon
19-05-2021, 10:35 PM
المركز يحتوي على سبيل المثال عشر كونترات لانهاء اجراءات الجوازات و ايضا عدد كبير من غرف المراقبة و فحص السيارات بأشعة اكس لو اشتغل بكامل طاقته الاستيعابية ....بس السؤال هو هل عمركم شوفتوا كل الكونترات تشتغل و عليها موظفين في نفس الوقت؟

نفس الحال في المطار ربما هناك 36 كونتر بس هل عمركم شوفتوا 36 موظف بيشتغل على 36 كاونتر في نفس الوقت..... هذا احد الاسباب الرئيسية لوجود الزحمة