كيف نحمي نفسنا من الكراجات

[بوعابد7]

السلام عليكم

ياجماعه الخير الكراجات صايره تضرب بالاسعار ومافي حد يحمينا للاسف

بدلت اليوم هوز ماي الرديتر ب 1000ريال بسبب التسريب مع العلم ان سعر الهوز ب 500!! والموتر الماني

المهم قالي صاحب الكراج 500 شغل اليد وانصدمت قلتله شلون 500 انا اقدر اركبه فخمس دقايق رفض ينزل
وللاسف دفعت وادري انه انقص علي..

هل اقدر اشتكي ع الكراج في حماية المستهلك ؟ وهل يتدخلون فمثل هالحالات ؟


صح المبلغ صغير لكن من الصبح وللحين وانا مقهور من هالنصاب

[sara jsm]

وعليكم السلام

انا ماافهم بالسيارات لكنك خلاص دفعت وخلصت شغلك ..
كنت تقدر تبدل الكراج او تسال ربعك عن الافضل من حيث الشغل والدقة ..
لكنك دفعت وخلصت شغلك فـ شنو راح يسون لك حماية المستهلك !!؟

مرة ثانيه اسال عن سعر القطعه وشغل اليد قبل لان هذا حقك ..
وان دبلوا السعر عليك تالي تقدر تشتكي .. اما الحين فمااظن ..

وحتى لو المبلغ على قولتك بسيط .. لكن فلوسك مب محصلها بالشارع ..
ومب غلط تسال وتكاسر وتطلع عينهم بالسعر :nice:

[سعود.]

الحل تسال واحد ثقه وخبرة من معارفك يعطيك الزبده
قبل التوجه للكراجات .

[بوعابد7]

وعليكم السلام

انا ماافهم بالسيارات لكنك خلاص دفعت وخلصت شغلك ..
كنت تقدر تبدل الكراج او تسال ربعك عن الافضل من حيث الشغل والدقة ..
لكنك دفعت وخلصت شغلك فـ شنو راح يسون لك حماية المستهلك !!؟

مرة ثانيه اسال عن سعر القطعه وشغل اليد قبل لان هذا حقك ..
وان دبلوا السعر عليك تالي تقدر تشتكي .. اما الحين فمااظن ..

وحتى لو المبلغ على قولتك بسيط .. لكن فلوسك مب محصلها بالشارع ..
ومب غلط تسال وتكاسر وتطلع عينهم بالسعر :nice:

انا ماسالت لاني اعرف سعر القطعه 500 لكن التركيب سهل
مستوعبه اني كنت متوقع يقولي ب70 ولا 80 :)

يعطيج العافيه

[بوعابد7]

الحل تسال واحد ثقه وخبرة من معارفك يعطيك الزبده
قبل التوجه للكراجات .

صادق والله
انا مالي فالصناعيه واول مره اروح من سنيين، وفالدوحه اذا ماعندك حد تعرفه او ماتعرف فالسيارات بياكلونك الكراجات

يعطيك العافيه

[@north_star@]

شكلك رايح عند واحد حرامي ،،، عسى ماشر تبديل هوز ظ¥ظ*ظ*
المفروض انك شفت غيره ولو انت وغيرك رحت عنه عقب بينزل غصب لانه ما بيحصل زباين

[فيصل99]

طلب عروض اسعار شي ضروري
تاخذ لفه على 4 او 5 قراجات وتشوف افضل عرض سعر
دامك ركبت ودفعت وخلصت لاتحرق اعصابك خلاص
اعتبره درس تعلمت منه

[حمد 2002]

يمكن المبلغ صحيح الي خذاه منك الرجال
لانه احياننا تبديل الهوز للموتر الألماني اصعب من الياباني
واكثر الكراجات متخصصه بالياباني وتحديدا تويوتا لانها الأكثر رغبه بقطر فتحصل الأسعار ارخص والعماله الماهره فيها اكثر ..


تحياتي لك ..

حمد 2002

[الكواري 1972]

ممكن اسم الكراج لو تكرمت

[سالم الزهران]

الصراحة اني ما أسأل لكن اذا ركب القطعة اعطيه شغله.. يعني عشر دقايق ممكن سبعين ريال ممكن اربعين ريال.. واذا شفت شغلته معقده اعطيه علي قدها والاكرامية نادراََ.. ان ما عجبه وش بيسوي؟ يا ما خربوا لنا سيارات. اقل شيء لا تصير الخسارة مرتين.

ياخي اللي يعطيك السعر هو من البداية وسعر فوق.. اسحب عليه

[الغالي!]

السلام عليكم

ياجماعه الخير الكراجات صايره تضرب بالاسعار ومافي حد يحمينا للاسف

بدلت اليوم هوز ماي الرديتر ب 1000ريال بسبب التسريب مع العلم ان سعر الهوز ب 500!! والموتر الماني

المهم قالي صاحب الكراج 500 شغل اليد وانصدمت قلتله شلون 500 انا اقدر اركبه فخمس دقايق رفض ينزل
وللاسف دفعت وادري انه انقص علي..

هل اقدر اشتكي ع الكراج في حماية المستهلك ؟ وهل يتدخلون فمثل هالحالات ؟


صح المبلغ صغير لكن من الصبح وللحين وانا مقهور من هالنصاب

للاسف والمعذره انت الغلطان يفترض انك تتفق معه من البدايه ولكن طلما مااتفقت معه من البدايه مالك حق ثاني شي حماية المستهلك يقولك انا مش إختصاصي الاسعار بكم انا اختصاصي لم يقولك 500 وبعدها يقولك الف ريال غيرها مالي شغل للاسف دور حماية المستهلك مالهم دور في الاسعار