الحل معا الماي الحار؟؟ اراءكم و مقترحاتكم

[بوNasser]

السلام عليكم ورحمة الله


الموضوع باختصار يدور حول الماي الحار في البيبات، وكمية الماي اللي نهدرها لين يوصل الماي الفاتر أو البارد (للي مركبين مبردات للخزان العلوي)

اتكلم عن نفسي، انا اضطر لفتح الولف/الحنفية لمدة 2-3 دقايق لين يوصل الماي البارد، واذا من الطابق الارضي تتضاعف المدة تقريبا.

اكيد حرام كل هالكمية من الماي تروح على الفاضي، وما اعرف ايش الحل.

طبعا التدوير (water circulation) موجود بس للسخان المركزي، وما سمعت انه في تدوير للماي البارد ( ولو موجود الحين يحتاج تمديدات اضافية كثيرة).

هل من مقترحات علما بان بيبات الماي اللي عندي فوق السطح، نحاس ومغلف بالاسفنج الاسود كما هو اغلب شغل المقاولين في الالفينات ( 2002).

جزاكم الله خير

تحياتي للجميع.

[محاسب]

ان ماكان للسخان حاجه في الصيف نغلقه وبعدها يدخل فيه الماء المبرد
ونظام التدوير التابع للسخان يقوم بمهمة تدوير الماء المبرد.

[بوNasser]

ان ماكان للسخان حاجه في الصيف نغلقه وبعدها يدخل فيه الماء المبرد
ونظام التدوير التابع للسخان يقوم بمهمة تدوير الماء المبرد.

بارك الله فيك

قد يكون هذا احد الحلول لو اتفق كل اهل البيت على درجة حرارة معينة للماء.

لكن


هيهات فهناك من يريد اخذ دش بالماء البارد وهناك من يفضل الماء الساخن بل الحار احيانا.

تحياتي لك وللجميع

[سعود.]

ركب مبرد الماي ( المكيف ) ويفضل تغير النحاس الى بي بي ار
( الاخضر )

وقل لا حرارة بعد اليوم

[بوNasser]

ركب مبرد الماي ( المكيف ) ويفضل تغير النحاس الى بي بي ار
( الاخضر )

وقل لا حرارة بعد اليوم

هلا اخوي سعود

انا مركب مبرد الماي، اتكلم عن الماي اللي يكون موجود في البيبات (المعرضة لأشعة الشمس المباشرة) وقبل ما يوصل الماي البارد اللي في تانكي الماي.

بعد ما افتح الماي لمدة ثلاث الى خمس دقايق فعلا اقدر اقول:

لا حرارة بعد اليوم

تحياتي لك وللجميع

[سعود.]

اها

يمكن من النحاس لو تغيره وتركب البيبات الاخضر ( ppr ) وترفعها كمن سانتي عن خرسانه السقف اتوقع تروح المشكلة . انا نفسك عندي مبرد الماي بس الفرق اني مركب ( ppr ) ومرفوعه كمن سم عن الخرسانة وعازلها والامور طيبة وللعلم المبرد للحين ماشغلته والامور طيبة . ويمكن عندك مشكلة بنظام التدوير !!!!

[sara jsm]

سعود انا مركبه مثلك لكن الماي حااااار :sorry:

[سعود.]

سعود انا مركبه مثلك لكن الماي حااااار :sorry:

مدري وش الوضع عندك بالضبط :omen2:

عندي من درام الماي البيبات ppr معزوله فلين وصابغها ابيض ومرفوعه ع قطعه من الطابوق ( 10 سم ) كل 5 متر تقريبآ
والامور طيبة . في السابق كنت مرتاح ع المروحه في التانكي بس البزران يشتكون من الحرارة اما الان الامور فوق الممتاز . وللحين المكيف ما شغلته انتظر قرار البزران :telephone:

[معماري قطري]

انا حلي باطبقه إن شاء الله في البيت الجديد ما اقدر اطبقه ألحين بعمل التمديدات كلها تحت الأرض ومن الحوائط الوسطية بابتعد عن الأطراف وبعد بتكون بي بي آر نوعية جيدة .. ألحين البايبات نحاس وبعضها ممددة مسافة فوق السطح الغريب للرئيسي يمكن الظاهرة مترين بس والباقي حول 6 متر مغطاة ببلاستر في طبقة الحائط الخارجية لكن يوصلني الماي حار صج مب فترة طويلة حول نص دقيقة

[بوNasser]

انا حلي باطبقه إن شاء الله في البيت الجديد ما اقدر اطبقه ألحين بعمل التمديدات كلها تحت الأرض ومن الحوائط الوسطية بابتعد عن الأطراف وبعد بتكون بي بي آر نوعية جيدة .. ألحين البايبات نحاس وبعضها ممددة مسافة فوق السطح الغريب للرئيسي يمكن الظاهرة مترين بس والباقي حول 6 متر مغطاة ببلاستر في طبقة الحائط الخارجية لكن يوصلني الماي حار صج مب فترة طويلة حول نص دقيقة

مرحبا بالغالي

الظاهر انا باصبغهم ابيض واوفر فلوسي واذا ما نفع الحل بابدلهم!!!!!

https://doha2010.com/muntada/pipe%20-%201.png

https://doha2010.com/muntada/pipe%20-%204.png

تحياتي لك و للجميع.

[sara jsm]

يااخي سولهم كفر او مظله المنيوم منها حمايه ومنها يعيش لك عمر ..

[معماري قطري]

مرحبا بالغالي

الظاهر انا باصبغهم ابيض واوفر فلوسي واذا ما نفع الحل بابدلهم!!!!!

https://doha2010.com/muntada/pipe%20-%201.png

https://doha2010.com/muntada/pipe%20-%204.png

تحياتي لك و للجميع.

ولك أجمل تحية

العازل ذيه ضعيف وإحتمال العازل ما يسوي شيء لأن الحرارة تكون قوية وتنتقل بالتدريج لين تتساوى حرارة المياه في البايبات مع حرارة الجو

لو عندك دكتات جانبية مسكرة معناها الحرارة تجيك من البايبات من فوق وتقدر تجرب حل سهل أما تشتري قطع خيش اللي تستعمل للبناء وتغطسها في ماي مع جبس وتلف البايبات بها بس بسمك جيد وتعطيك عزل زين أو تشوف الفوم اللي يجي جاهز ينفتح ويغطي البيبات .. إحتمال لو ما نفعت هذي الطريقة تحتاج حق تدوير للمياه بس للقطعة اللي فوق وهذا بيكون حل مضمون وسهل كلها وصلة وتدوير من آخر البايب للتانكي بس مهم تحط صمام الإتجاه الواحد يخلي المياه تدور باتجاه واحد ما ترجع في نفس الإتجاه .. بتزيد شوي البايبات عندك فوق ولو عندك دكتات تقدر تفتحها تقدر تسوي التدوير لين قرب مدخل البايب لدورة المياه تدوير مع عزل البيبات ضروري بيعطيك ماي بارد سرعة وما اعتقد بيكلفك ونفس الوقت الصخان يشتغل ويعطيك ماي صاخن لو احتجت

[معماري قطري]

فيه خيش يجي جاهز معاه مثل الشمع عازل قوي بس شغلته مزعجة خصوصاً لو بتسوي عليه بلاستر يبقع شوي لو البلاستر مب سميك وانا استخدمته ولا لي نية أكرر الجبس وايد أفضل وأكيد بيكون أرخص

[سعود.]

فيه خيش يجي جاهز معاه مثل الشمع عازل قوي بس شغلته مزعجة خصوصاً لو بتسوي عليه بلاستر يبقع شوي لو البلاستر مب سميك وانا استخدمته ولا لي نية أكرر الجبس وايد أفضل وأكيد بيكون أرخص

على طارى الخيش هذي مصورها قبل كمن سنة في مجلس واحد من الربع جيته العصر بصيف وكان الماء بارد وطلع السبب كما في الصورة أدناه
ومركب البيبات الزرقاء مع انه مانحتاجها في المنازل

https://j.top4top.io/p_1965t7mg20.jpeg (https://top4top.io/)

[بوNasser]

يااخي سولهم كفر او مظله المنيوم منها حمايه ومنها يعيش لك عمر ..

اختي

على تشكيلة السطح عندي وتوزيع البيبات ووحدات التكييف صعب احط مظلة الا اذا للسطح كامل وهذا مستبعد كفاية الحوش كله (تقريبا) مظلل.

[بوNasser]

اخوي معماري

جزاك الله خير، انا كنت اظن ان التدوير لازم يوصل لين مدخل دورات المياه، اما انه يكون فوق السطح بس فهذي فكرة سهلة التنفيذ.

[بوNasser]

بالنسبة للخيش نعم، اخبر ركبت مكيفات متسوبيشي سبليت ولفو بيبات الغاز بالعازل وبعدها بالخيش معا اسمنت ابيض او جبس ما اذكر.

بس الحين كلهم يستخدمون تيب اسود او ابيض وخلاص.

[معماري قطري]

على طارى الخيش هذي مصورها قبل كمن سنة في مجلس واحد من الربع جيته العصر بصيف وكان الماء بارد وطلع السبب كما في الصورة أدناه
ومركب البيبات الزرقاء مع انه مانحتاجها في المنازل

https://j.top4top.io/p_1965t7mg20.jpeg (https://top4top.io/)

الخيش ذيه خفيف لو بتسويه تقدر تتحكم في شكثر تلف على البايب وتزيد الجبس فيه يستوي سميك .. الجبس عازل لإنتقال الحريق حتى ورخيص تاخذ لك يمكن كيسين يكفونك وأي حد حتى السايق ممكن يسويه باشرافك أو إنت والعيال لو لكم في الشغل اليدوي

التظليل بيخفف الحرارة المباشرة على البايبات بعد بس الحل الفعال هو السيركيوليشن مع العزل الجيد هذا مؤكد بيكون مرضي 100% أو ممكن 95%

[معماري قطري]

اخوي معماري

جزاك الله خير، انا كنت اظن ان التدوير لازم يوصل لين مدخل دورات المياه، اما انه يكون فوق السطح بس فهذي فكرة سهلة التنفيذ.

وجزاك الله بالمثل ولا تنسانا علمنا شصار معاك

يستوي بس لو بايباتك في دكت بسهولة بتقدر توصل التدوير للمدخل وبتوفر نص دقيقة يجيك الماي حار ولو في الحائط مثل حالتي ومغطاة ببلاستر بسيط التدوير بينفعك فوق أقل شيء تكون البايبات باردة وبتختصر الدقيقتين ماي حار لتحت النص دقيقة