فرن كهرباء....... شوروا علي بالأفضل

[بوNasser]

السلام عليكم ورحمة الله

استخدم في المطبخ الرئيسي فرن كهربائي، وتعبت وانا كل سنتين تقريبا ابدل فرن المطبخ،

شريت فرن سيراميك من شركة المناعي، وانكسر جزء من القزاز السيراميك، من دفاشة الخدامات، بس شركة المناعي ماعندهم سبير، ولو عندهم بيكون نفس سعر الجديد، لان سطح الفرن كامل لازم يتبدل.

شريت واحد جديد (سيمنز) من المانع وبعد سنة ونص تقريبا اخترب مفتاح اختيار الاوضاع للشواية/الفرن الداخلي (فوق - تحت - مروحة .....)، كلمت الصيانة قالوا للأسف ماعندنا سبير، والشركة الام في المانيا، ماعندها لان الانتاج توقف، طيب انتوا تقولون انه جديد قبل سنة وشي شلون وقف انتاجه؟؟؟؟ ما فيه فايده اتصالات على الفاضي. طبعا هالكلام خلال فترة الحصار والربع الظاهر بضاعتهم كلها من جيران السوء.

شريت واحد من هيتاشي (ميديا) ضمان سنتين، ويعد سنة ونص ما عاد يصير حامي وايد من داخل، وهذاني مع الصيانة في صك وحك، ايجون يقولون الفرن زين بس شغل المروحة الداخلية واصبر عليه، والبيت ايقولون خلاص يصير دافي بس كلش ما يصير حار حتى معا المروحة الداخلية، ما كان جذية قبل.

الزبدة بعد هالقصة الطويلة اقترحوا على فرن كهرباء زين للاستخدام اليومي بس ( Heavy Duty) او اخذ فرن مطاعم بس هذا يبي 3Phase بالعربي كهرباء ثلاثية الأطوار 😃.

[أبورودي]

انا ساكن فى مجمع مركبين فرن ARISTON
الفرن ممتاز وفى الطهى رائع
وكيله شركه
Rodha Khalid Co

[سعود.]

جرب فرن ( بوش ) Heavy Duty

عندي من سنتين ولامور طيبة

[sara jsm]

وعليكم السلام اخوي بوناصر

خاطري اعرف ليش ماتاخذ فرن غاز !؟ دامه مطبخ رئيسي واستخدام الخدامات !؟
وكل سنتين تتعابل معاهم !! اشحادك ؟
ترى في محلات يبيعون افران نص غاز ونص كهرباء وصناعه ايطاليه ويعيشون عمر ..

:
عموما جرب ماركة Teka الالمانيه ممتازين ..

[بوNasser]

انا ساكن فى مجمع مركبين فرن ARISTON
الفرن ممتاز وفى الطهى رائع
وكيله شركه
Rodha Khalid Co

جزاك الله خير

يمكن امر عليهم، بس من البروفايل مالهم هم شركة للأدوات الصحية، و اريستون قديم في الدوحة اعتقد وكيلهم الريس .

https://doha2010.com/muntada/p1.png

https://doha2010.com/muntada/p2.png

تحياتي لك وللجميع

[بوNasser]

هلا اخوي سعود

بمر عليهم في طريق سلوى
واذا حصلت مقاس كبير وكله كهرب بيكون شي طيب
بارك الله فيك

تحياتي لك وللجميع

[بوNasser]

وعليكم السلام اخوي بوناصر

خاطري اعرف ليش ماتاخذ فرن غاز !؟ دامه مطبخ رئيسي واستخدام الخدامات !؟
وكل سنتين تتعابل معاهم !! اشحادك ؟
ترى في محلات يبيعون افران نص غاز ونص كهرباء وصناعه ايطاليه ويعيشون عمر ..

:
عموما جرب ماركة Teka الالمانيه ممتازين ..

عليكم السلام

باخليها في خاطرك ومب معلمك ليش ما اخذ غاز ��.

لا باصير طيب وباقول.

هذا مطبخ بنيته قبل كم سنة وسويت تمديد للغاز بيب نحاس تحت البلاط لين ظهر المطبخ.

بس اللي سوا التمديد كان الكهربجي والوصلات عادية مب لحام، ولا اختبرناه قبل ، فالوضع كلش ما يطمن، قلت الله الغني اركب كهرب ولا اقعد محاتاه ووسواس طول الوقت.

جربت تيكا اكل، اما افران فالكذب خيبة ما اعرف عنها شي، عموما دخلت الحين في مرحلة البحث والله الموفق. ( كلها الا فرن وحشرتكم، عيل اشبسوي لو بغيت اشتري سيارة او بيت......)

تحياتي لك وللجميع.

[سعود.]

هلا اخوي سعود

بمر عليهم في طريق سلوى
واذا حصلت مقاس كبير وكله كهرب بيكون شي طيب
بارك الله فيك

تحياتي لك وللجميع

عندهم حجم كبير 5 عيون مقاس 90x50

[sara jsm]

ههههههههه هذيك تكا اللي تاكلها مب تيكا :taunt:

http://www.qatarshares.com/vb/showthread.php?636526-%C8%ED%CA-%C7%E1%DA%E3%D1-%E3%CA%CC%CF%CF-%CD%ED%C7%DF%E3

شوف هذا موضوعي العجيب :ok:
اقرا الرد رقم 4 .. مجموعه الطيب هو الوكيل لهالماركة ...

:

انزين ليش ماتسوي تمديد جديد !؟
كلها ( بط ) في الطوفه وتخلي الغاز برع وتمد البيب داخل عند الفرن ..
اسهل واضمن والفرن الغاز ماله خراب نفس الكهربائي ..

[سعود.]

ههههههههه هذيك تكا اللي تاكلها مب تيكا :taunt:

http://www.qatarshares.com/vb/showthread.php?636526-%C8%ED%CA-%C7%E1%DA%E3%D1-%E3%CA%CC%CF%CF-%CD%ED%C7%DF%E3

شوف هذا موضوعي العجيب :ok:
اقرا الرد رقم 4 .. مجموعه الطيب هو الوكيل لهالماركة ...

:

انزين ليش ماتسوي تمديد جديد !؟
كلها ( بط ) في الطوفه وتخلي الغاز برع وتمد البيب داخل عند الفرن ..
اسهل واضمن والفرن الغاز ماله خراب نفس الكهربائي ..


موضوعي العجيب :happy:

كان قوي جدآ

[sara jsm]

موضوعي العجيب :happy:

كان قوي جدآ

ههههههههههه اي
بس خرب علينا كورونا :sorry:

[بوNasser]

ههههههههه هذيك تكا اللي تاكلها مب تيكا :taunt:



:

انزين ليش ماتسوي تمديد جديد !؟
كلها ( بط ) في الطوفه وتخلي الغاز برع وتمد البيب داخل عند الفرن ..
اسهل واضمن والفرن الغاز ماله خراب نفس الكهربائي ..

ياحبك حق التوهق.

من وراي جار وعن يميني جار وما لي الا اليسار. وبعد على اليسار بنينا ستور يعني ابط طوفتين مب طوفه هذا اولا.

ثانيا خزاين المطبخ ما تسمح بمرور التمديدات الا بالتكسير وشق الانفس.

الصورة تتكلم مع اني خشيت البهارات وباقي القراش ما خليت الا الزيت.

https://doha2010.com/muntada/kitchen.png

تحياتي للجميع.

[بوNasser]

عندهم حجم كبير 5 عيون مقاس 90x50

من قرادتي ماحصلت محلهم في سلوى!!!!!! وين انتقلوا بعد؟؟

[سعود.]

من قرادتي ماحصلت محلهم في سلوى!!!!!! وين انتقلوا بعد؟؟

مدري والله

دخلت جوجل ماب لهم فروع كثيره .

[sara jsm]

:happy: :happy:

شفت خط الاستواء اللي راسمه عالارض ..* تقدر تخلي تمديد البيب فوق :whistling:
باراويك انا اشلون مسويته .. عندي فرنين غاز والثاني كهرباء ..

انا ابي اقنعك بالغاز لان الخدم ماينحط في ايدهم شي كللش ..
خرابهم وايد ومثل مايقولون قبل ( مال عمك مايهمك ) عشان جذي كل سنه تبدل الفرن ..

[بوNasser]

:happy: :happy:

شفت خط الاستواء اللي راسمه عالارض ..* تقدر تخلي تمديد البيب فوق :whistling:
باراويك انا اشلون مسويته .. عندي فرنين غاز والثاني كهرباء ..

انا ابي اقنعك بالغاز لان الخدم ماينحط في ايدهم شي كللش ..
خرابهم وايد ومثل مايقولون قبل ( مال عمك مايهمك ) عشان جذي كل سنه تبدل الفرن ..

ان شاء الله كلها سنة سنتين وننفض المطبخ نفاض، الحمد لله السيولة موجوده لكن البارض/النفسية/المزاج الحالة غير متوفره. مع اني فاضي وبطالي صار لي سنه.

كحلوني (خيي وخييتك وتكرم عينك) بخزاين المطبخ وضمان سنين وما ادري شنهو وآخرتها البيبان والمفصلات بينهم عداوة محد يبي يمسك الثاني، والادراج حارنه ما تفتح الا بالقوة.

تحياتي لك وللجميع

[style]

[QUOTE=بوNasser;10826670]ان شاء الله كلها سنة سنتين وننفض المطبخ نفاض، الحمد لله السيولة موجوده لكن البارض/النفسية/المزاج الحالة غير متوفره. مع اني فاضي وبطالي صار لي سنه.

كحلوني (خيي وخييتك وتكرم عينك) بخزاين المطبخ وضمان سنين وما ادري شنهو وآخرتها البيبان والمفصلات بينهم عداوة محد يبي يمسك الثاني، والادراج حارنه ما تفتح الا بالقوة.

تحياتي لك وللجميع[/QUOTE
خذ ،، whirlpool ,, وادعي لي

[بوNasser]

[QUOTE=بوNasser;10826670]ان شاء الله كلها سنة سنتين وننفض المطبخ نفاض، الحمد لله السيولة موجوده لكن البارض/النفسية/المزاج الحالة غير متوفره. مع اني فاضي وبطالي صار لي سنه.

كحلوني (خيي وخييتك وتكرم عينك) بخزاين المطبخ وضمان سنين وما ادري شنهو وآخرتها البيبان والمفصلات بينهم عداوة محد يبي يمسك الثاني، والادراج حارنه ما تفتح الا بالقوة.

تحياتي لك وللجميع[/QUOTE
خذ ،، whirlpool ,, وادعي لي
بادعي لك حتى لو ماخذت ويرلبول، لأني تقريبا رسيت على فرن بوش.

الله يجزاك خير ويوفقك دنيا وآخره.

تحياتي لك وللجميع.

[eXpert*]

انا ساكن فى مجمع مركبين فرن ARISTON
الفرن ممتاز وفى الطهى رائع
وكيله شركه
Rodha Khalid Co

أنا اخذت هالماركة من جامبو (وكيل ال جي) وما شاء الله مب مقصر معاي .