من عنده فكره عن محل ((((( الاصباغ التقنية ))))) الموجود بمحطة بترول المسيلة

[بومتعب]

عندي شموخ بسيطة بالسيارة واحد الاخوان ذكر لي المحل الموجود في محطة بترول المسيلة

فهل حد منكم جربه او عنده خلفيه عنه ؟؟؟؟

مع خالص شكري وتقديري

:con2: :con2: :con2:

[بوخالد2]

والله يااخوى انا مجرب عنده قد صبغ اخوى صدام المرسيدس عنده 00 وبعد لحيت الكلايسر 00 واخر الموتر الحالى الى عندي صبغ صدام البوورش 00 والله ماعليه كلام شغله نظيف توكل على الله اخووى

[بومتعب]

بو خالد جزاك الله خير وما قصرت

طيب هل هو يصبغ شموخ جسم السيارة (الحديد والا البلاستيك) ؟؟؟

لان احتمال الصدام الي عندك بلاستيك او فيبر لكن انا عندي خدوش على بانة السيارة

فهل يقدر يصبغها؟؟؟؟؟؟؟؟؟؟؟؟؟؟؟؟؟؟؟؟

[بوخالد2]

بو خالد جزاك الله خير وما قصرت

طيب هل هو يصبغ شموخ جسم السيارة (الحديد والا البلاستيك) ؟؟؟

لان احتمال الصدام الي عندك بلاستيك او فيبر لكن انا عندي خدوش على بانة السيارة

فهل يقدر يصبغها؟؟؟؟؟؟؟؟؟؟؟؟؟؟؟؟؟؟؟؟

اى يقدر يالغالي عنده بالقلم يضبطهااا 00 بس اهو مايصبغ الا اذا يحصل لون صبغه عنده ترى 00 تدرى انا يوم وديت البوورش لونها اسود لماعي مب مثل الالوان الثاني يوم حصل الصبغه صبغلي وشي ممتاز والله

[بومتعب]

ما قصرت وارحم الله والديك

باوديها عنده ان شاء الله واتوكل على الله

[لمت داون111]

صدق اخوي بوخالد2

محل ممتاز حق الشموخ والصبغ ولو عنده اختلاف بالصبغ يقولك وتعاملهم ممتاز

وللعلم حتي لو عندك جزاز فيه شموخ بسيطه بعد يصلحها لك محل خبره ما شاء الله

توكل علي الله اخوي بومتعب :)

[الــجــزيــرة]

انا انا انا واعوذ بالله من كلمة انا

وديت موتري واللون عنابي وكان مشمخ تشمخ من قبل

شي راح بالباليس وشي ماراح سواه لي مثل ماقال اخونا عندهم تقنية totch pin
شي رهيب موتري كان مشمخ من كل صوب فالبانه والرفارف والغمارة

وماشاء الله عليهم ماقصروا ردوه وكالة ومايبين انه مصبوغ

انصحك فيه اخوي الغالي

وبتلاقي أحد اصحاب المحل ( خليل ) رجال والنعم

ماقصر معاي صراحة

اتمنى لك التوفيق اخوي الغالي

[بومتعب]

الاخوة الجزيرة ولمت داون111

صراحة ماقصرتوا على النصايح كفيتوا ووفيتوا وان شاء الله انا اليوم عنده

وجزاكم الله الف خير

[الأمبراطور]

هالمحل من أحسن المحلات للبولش في قطر

بصراحه أنصحك ود الموتر عنده وبعدها شوف لمعت موترك

صدقني بيكون شي محترم

[BURBERRY]

انزين يا الربع هل هالمحل يقدر يعدل ضربة خفيفه في الباب؟؟؟

[Mercedes]

ما ذكرتوا الأسعار شباب؟

[الدم البنفسجي]

انزين يا الربع هل هالمحل يقدر يعدل ضربة خفيفه في الباب؟؟؟


نفس سؤال ممكن رد

[الــجــزيــرة]

المحل ممكن يعدل ضربات حتى لو حفر مثلا

لكن خفس ولا طعجة مثلا مايسويها

اقولك موتري كان فيه شموخ بمفتاح والحمد لله رد اوكي

مب مجرد شمخ انما حفررررررررررررر

روحوا له وترى اسعاره مناسبة جدا روحوا وانتوا شخسرانين

[الدم البنفسجي]

مشكور اخوي على الرد وتسلم

[لمت داون111]

ما ذكرتوا الأسعار شباب؟
اممم والله مب متذكر اخوي

بس مب غالي وايد يعني لو موترك فيه شموخ وشرخ بالجزاز ماظن يكلف عليك فوق الالف ريال

والسموحه علي القصور :nice: