+++ تحويل بيت شعبي قديم إلى أرض عمارات +++

[jajassim]

طريقة وإجراءات تحويل بيت شعبي قديم إلى أرض عمارات ، حواليه البيت تحول الى عمارات ؟

[style]

عندك كاش امورك بتمشي بس فيه اجراءات خرائط تصميم وموافقات
ماعندك كاش وبترهن البيت للبنك وهى يمولك هذي قصه مختلفه تماما ولا ابي اخوض في تفاصيلها لانها مزعجه وضمانات وامور كثيره .

شكرا

[معماري قطري]

أسهل طريقة تروح التخطيط وتطلب إفادة وبيعطونك مخطط الأرض والإرتدادات اللازمة وشكثر تقدر تطلع إرتفاع .. ود معاك سند الملكية وبطاقتك ويجننون يمكن حتى يطلبون الجواز .. هم ما يطلبونه بس طلباتهم غير منطقية أوقات وشكثر أوراق وفي النهاية يقولون لك حكومة الكترونية

[معماري قطري]

بعد ما يعطونك الإفادة يكونون عطوك الموافقة الأولية على إنك تخطط البنيان حسب شروطهم والإستشاري بسهولة يقدر يطبق .. طريقة ثانية تطلب الإستشاري ياخذ إفادة وبعدين يطور التصميم

[Grnas]

أسهل طريقة تروح التخطيط وتطلب إفادة وبيعطونك مخطط الأرض والإرتدادات اللازمة وشكثر تقدر تطلع إرتفاع .. ود معاك سند الملكية وبطاقتك ويجننون يمكن حتى يطلبون الجواز .. هم ما يطلبونه بس طلباتهم غير منطقية أوقات وشكثر أوراق وفي النهاية يقولون لك حكومة الكترونية

صحيج ،، حدث بيانات سند الملكية واطلب افادة ارض من البلدية وهم بيقولون لك وشو بالضبط تقدر تبني

[معماري قطري]

صحيج ،، حدث بيانات سند الملكية واطلب افادة ارض من البلدية وهم بيقولون لك وشو بالضبط تقدر تبني

اليوم كلمت واحد في العدل والتسجيل العقاري لتحديث البيانات هو قال ارسل صور البطاقات قبل بعدين طلب المخطط المساحي طلعته من التخطيط وارسلته له قال لا نبغيه بطريقة رسمية قلت زين اطلبوه بطريقة رسمية قال ياخذ شهور .. هذي حكومة الكترونية؟

هذا شغلهم وكل شيء المفروض بينهم ايميلات وشغل سريع وكل تحديث تماتيك يرسلونه .. إذا عندي السند ما له ثلاث سنين شكثر تحديثات ذيلا يسوون

واحد متصل لي الليلة يقول طلبوا منه صبغ عمارة مخلصة في 2013 تعتبر جديدة .. للفشخرة بس يبون كل شيء يلمع .. المهم يقول اتفقت ووقعت عقد بس لازم رخصة صيانة ما رضوا يعطوني يقولون جدد السند .. متاهة وكله دفع رسوم وكله حضور شخصي وفي النهاية يقولون الكتروني

[style]

قلت لكم مابي اخوض فالتفاصيل ،،وهذا انتو تقريبا عرفتو ،،لكن هذا مش كل شي ،،فيه اشياء اكثر ،،واللي بيبداء فالاجراءات بيعرف إن الموضوع تعجيزي ومضيعه وقت وتعال وروح،ولا مش هذا اللي نبيه ولازم تكون الاوراق مصدقه ،،سوالف كثيره،،بندخل على مشارف 2022 والربع روح وتعال والله حاله

شكرا

[معماري قطري]

قلت لكم مابي اخوض فالتفاصيل ،،وهذا انتو تقريبا عرفتو ،،لكن هذا مش كل شي ،،فيه اشياء اكثر ،،واللي بيبداء فالاجراءات بيعرف إن الموضوع تعجيزي ومضيعه وقت وتعال وروح،ولا مش هذا اللي نبيه ولازم تكون الاوراق مصدقه ،،سوالف كثيره،،بندخل على مشارف 2022 والربع روح وتعال والله حاله

شكرا

شغل لف ودوران .. أخيراً وصلنا لمسؤول ما قصر قال خلاص بنسوي لكم استثناء تدخلون معاملة الصيانة يدوياً وعطاني صورة للبناية اللي عدي بها من 25 سنة .. تبين ما فيها شيء وصيانتها سهلة حتى اشتراطات الدفاع المدني سهل تتطبق ومطبقينها على بناية جديدة في نفس المنطقة وعارفين الإجراءات

[معماري قطري]

شكلهم يمرون ويصورون من الخارج ويقررون هذي نزيحها من الوجود وندعي إنها آيلة للسقوط