نقل ملكية بيت - التسجيل العقاري

[S.T.Y.L.E]

السلام عليكم

شنو الاشياء اللي لازم اعرفها او اطلبها في حالة نويت اشتري بيت
من اوراق ومستندات واشياء ممكن اغفل عنها

ويعطيكم العافيه

[سعود.]

لو تاخذ استشاري يقيم لك البيت ( تشطيبات ) جودتها وركز على الضمانات التشطيب

[QATAR 77]

بالاضافة شهادة اتمام البناء لنعرفة عمر البيت

[S.T.Y.L.E]

يعطيكم العافيه
واذا فيه بعد معلومات ثانيه فيدونا

[SouthK]

تأكد من عمر بيت و خذ كل الاوراق الخاصة بالبيت بداية من التصميم و خرائط و نهاية بشهادة اتمام البناء!

ممكن تتعاقد مع شركة للتأكد من سلامة البيت انشائيا.

[معماري قطري]

تأكد من عمر بيت و خذ كل الاوراق الخاصة بالبيت بداية من التصميم و خرائط و نهاية بشهادة اتمام البناء!

ممكن تتعاقد مع شركة للتأكد من سلامة البيت انشائيا.

البيت إذا موجود وله سنة مبني أفضل من مبني توه ومخلص هو بنفسه يعلمك شفيه ووشو شعوره وشلون متماسك .. أهم شيء ما فيه شلوخ ولا بوادر شلوخ

تمشى حوله ولاحظ أي هبوط في الحوش أو ميلان جهة سور البيت هذا يعتبر مشكلة في الدفان ومشكلة مستقبلية بتتكسر عندك الجسور الأرضية من المياه وقت المطر لأن اتجاه التجمع بيكون حول البيت .. الإصلاح سهل بس أي إصلاح يقلل القيمة

بعدين مهم تجرب المياه وجريانها وتصريفها بدون ما تسيل تترس كل دورة مياه .. الأبواب كلها اغلاقها وقفلها .. الكهربة والليتات كلها والمكيفات نشغلها ونلاحظها فترة

[معماري قطري]

القصد لتكلف على نفسك .. مكتب استشاري لازم لو بيفحص يسوي كور تست لبعض الخرسانات ويطلع لك محتواها وقوتها وهذا مكلف وإحتمال المالك ما يرضى .. أما معاينة بالعين فأي شخص يقدر يعاين ويسوي كل اللي ذكرت ما يحتاج خبير

لتطبيل البلاط نحرك قطعة حديد عليه أو مطرقة ونعرف من الصوت المكان الفاضي تحت

[معماري قطري]

لو تاخذ استشاري يقيم لك البيت ( تشطيبات ) جودتها وركز على الضمانات التشطيب

لو فيه شك وتبغي تتأكد أكيد رأي أي واحد ثاني محايد ينفع

كانت عندنا بيوت أعتقد اربع والا أكثر بتنباع الواحد ب 750000 وتشطيبها عادي تجارية .. دخلتها ما عجبتني والا كنت اقدر استري اثنين وقتها للاستثمار وترددت وفكرت فيها بعض الملاحظات البسيطة .. هذي انباعت كلها وتم استثمارها من أيام مبيوع بيت بعد ما استهلك ب 4 مليون

[SouthK]

البيت إذا موجود وله سنة مبني أفضل من مبني توه ومخلص هو بنفسه يعلمك شفيه ووشو شعوره وشلون متماسك .. أهم شيء ما فيه شلوخ ولا بوادر شلوخ

تمشى حوله ولاحظ أي هبوط في الحوش أو ميلان جهة سور البيت هذا يعتبر مشكلة في الدفان ومشكلة مستقبلية بتتكسر عندك الجسور الأرضية من المياه وقت المطر لأن اتجاه التجمع بيكون حول البيت .. الإصلاح سهل بس أي إصلاح يقلل القيمة

بعدين مهم تجرب المياه وجريانها وتصريفها بدون ما تسيل تترس كل دورة مياه .. الأبواب كلها اغلاقها وقفلها .. الكهربة والليتات كلها والمكيفات نشغلها ونلاحظها فترة

شرح و لا اوضح!

[معماري قطري]

الله يعين اللي يبني واللي يشتري في هذي البلاد يا اخوي ساوث كي

نحتاج أنظمة صارمة حتى الكل يلتزم

من المشاكل اللي مرت علي واحد شرى ما يعتبر قصر كبير وبمبلغ خيالي وكان هذا من فترة طويلة والبنيان ما شاء الله للحين قائم بس قال لي عنه أحد المقاولين استوت فيها شلوخ قوية تتسع وجاية بزاوية حول 45 درجة وهذي تعتبر الأخطر ودليل هبوط في القواعد

يقول المقاول وهو زميل شغل رحمة الله عليه توفى من كم سنة .. يقول قلت للمالك باشتغل بس ما اقدر احدد كم انت تابع وشوف شغلنا وبعدين بنقول لك كم بيكلفنا حسب ما نواجه .. يقول حفرنا لتحت الأساسات وحطينا جيكات واحنا نحفر وحصلنا تواير تحت مدفونة وهي تهبط بالبنيان لأنها مرنة تنضغط سحبنا اللي نقدر عليه وحطينا دفان زين وخرسانة وأصلحنا الكراكات اللي صارت ورجع البيت من أفضل ما يمكن

المشكلة الاستشاري المصمم وأعتقد المشرف واحد من أقوى الاستشاريين والشركة اللي بنت مؤكد شركة قوية .. البيوت ثلاثة في زوايا تقاطع معروف وكل بيت حول 6000 متر مربع وانباعت قبل أيام المليون يسوى 10 على وقتنا الحالي ب 3 و ب 5 ملايين وقتها كان البيت تحصله ب 500000

مثل هذي المشكلة لو تصير في دولة متطورة قانونياً يجيبون المقاول وين ما يكون حتى بعد 10 سنين وتستوي قضية كبيرة وقوية والملاك ياخذون تعويض وترضية فوق اصلاح الضرر والمقاول عليه غرامة كبيرة من الدولة .. لذلك كل مقاول وكل مهندس محترم نفسه وشغله

أرجع وأقول العقود ضرورية وباشراف من مكاتب مختصة من الدولة وتوثيقها شرط للبنيان ومن يخالف لازم يتحاسب ويبقى موضوع الصيانة والضمان حسب كل جزء في يد المكتب الموثق وممكن يكون اونلاين والكتروني وقت الحاجة يطلبه المالك

ليش الحكومة تطلب رخصة البناء وشهادة اتمام البناء حتى تضمن ما تصير تجاوزات وتضمن حقها وليش ما يكون للملاك حق وجهة تخلصه بسرعة وليش طريق المحاكم طويل ومليء بالأذى النفسي والمادي؟

من وزير لوزير واحنا نستبشر خير سنين وسنين والمشكلة عدلية بلدية واستهلاكية تجتمع عليها عدة وزارات العدل أولها والبلدية ثانيها والكهرباء والمياه .. وممكن أشغال في بعض النواحي .. يمكن أبسط شيء فيها وزارة التجارة اللي ضبطت أمور المعدات الواضحة وضمانها .. مكتب واحد شامل فيه ممثلين متابعين وفاهمين يخلصون عقود الناس ويضيفون عليها ما هو شرعي حسب دراسات بحثية محددة ويكونون ضامنين حق الطرفين

المقاول اللي حاط مبلغ 3 ملايين ضمان وتأمين لحسن الأداء بيخاف يخلي التوقيع في يد واحد يخيط ويبيط ويلعب بالعقود لأنه يدري فيه رقابة ومتابعة وعقاب كبير للغش

صحيح بترتفع الأسعار شوي بس بترجع تنزل لو كانت المنافسة شريفة ولا يوجد مقاول على راسه ريشة

[معماري قطري]

المقاول ضروري أذكر اسمه نترحم عليه وكنا في شد وجذب وقت الشغل معاه الله يعفو عنا وعنه .. إسمه محمد وصفي شربك من أُصول فلسطينية لكن قطري الجنسية .. الله يرحمه كان محب للعمل وكل لقاءاتي معاه سوالف حول بعض المشاكل وبعض الفرص الاستثمارية وكان ما يقصر في الكلام بحرية وشفافية وبدون قيود

[SouthK]

الله يعين اللي يبني واللي يشتري في هذي البلاد يا اخوي ساوث كي

نحتاج أنظمة صارمة حتى الكل يلتزم

من المشاكل اللي مرت علي واحد شرى ما يعتبر قصر كبير وبمبلغ خيالي وكان هذا من فترة طويلة والبنيان ما شاء الله للحين قائم بس قال لي عنه أحد المقاولين استوت فيها شلوخ قوية تتسع وجاية بزاوية حول 45 درجة وهذي تعتبر الأخطر ودليل هبوط في القواعد

يقول المقاول وهو زميل شغل رحمة الله عليه توفى من كم سنة .. يقول قلت للمالك باشتغل بس ما اقدر احدد كم انت تابع وشوف شغلنا وبعدين بنقول لك كم بيكلفنا حسب ما نواجه .. يقول حفرنا لتحت الأساسات وحطينا جيكات واحنا نحفر وحصلنا تواير تحت مدفونة وهي تهبط بالبنيان لأنها مرنة تنضغط سحبنا اللي نقدر عليه وحطينا دفان زين وخرسانة وأصلحنا الكراكات اللي صارت ورجع البيت من أفضل ما يمكن

المشكلة الاستشاري المصمم وأعتقد المشرف واحد من أقوى الاستشاريين والشركة اللي بنت مؤكد شركة قوية .. البيوت ثلاثة في زوايا تقاطع معروف وكل بيت حول 6000 متر مربع وانباعت قبل أيام المليون يسوى 10 على وقتنا الحالي ب 3 و ب 5 ملايين وقتها كان البيت تحصله ب 500000

مثل هذي المشكلة لو تصير في دولة متطورة قانونياً يجيبون المقاول وين ما يكون حتى بعد 10 سنين وتستوي قضية كبيرة وقوية والملاك ياخذون تعويض وترضية فوق اصلاح الضرر والمقاول عليه غرامة كبيرة من الدولة .. لذلك كل مقاول وكل مهندس محترم نفسه وشغله

أرجع وأقول العقود ضرورية وباشراف من مكاتب مختصة من الدولة وتوثيقها شرط للبنيان ومن يخالف لازم يتحاسب ويبقى موضوع الصيانة والضمان حسب كل جزء في يد المكتب الموثق وممكن يكون اونلاين والكتروني وقت الحاجة يطلبه المالك

ليش الحكومة تطلب رخصة البناء وشهادة اتمام البناء حتى تضمن ما تصير تجاوزات وتضمن حقها وليش ما يكون للملاك حق وجهة تخلصه بسرعة وليش طريق المحاكم طويل ومليء بالأذى النفسي والمادي؟

من وزير لوزير واحنا نستبشر خير سنين وسنين والمشكلة عدلية بلدية واستهلاكية تجتمع عليها عدة وزارات العدل أولها والبلدية ثانيها والكهرباء والمياه .. وممكن أشغال في بعض النواحي .. يمكن أبسط شيء فيها وزارة التجارة اللي ضبطت أمور المعدات الواضحة وضمانها .. مكتب واحد شامل فيه ممثلين متابعين وفاهمين يخلصون عقود الناس ويضيفون عليها ما هو شرعي حسب دراسات بحثية محددة ويكونون ضامنين حق الطرفين

المقاول اللي حاط مبلغ 3 ملايين ضمان وتأمين لحسن الأداء بيخاف يخلي التوقيع في يد واحد يخيط ويبيط ويلعب بالعقود لأنه يدري فيه رقابة ومتابعة وعقاب كبير للغش

صحيح بترتفع الأسعار شوي بس بترجع تنزل لو كانت المنافسة شريفة ولا يوجد مقاول على راسه ريشة

اخوي معماري انا اتفق معاك في ما ذكرت لكن السوق القطري عبارة عن مكب قمامة .. قريتها عدل : مكب قمامة!

الجودة نادرة في السوق و اذا لقيتها بتكون بسعر مبالغ فيه و مع هذا بعد مب بالمستوى المطلوب!

ممكن هناك من يقدم جودة عالية لكن ما يشتغل على الاعلان و الدعاية و الاسباب مجهولة ..

أما بخصوص القوانين فاغسل يدك لأن دام المواطن جاهل بحقوقه و القانون غير مدروس فهذا الحال اللي تشوفه عندنا .. هناك حلول لمشاكل البنيان على الوضع القانوني الحالي لكن تبي من يبادر و المبادرة ليست حكومية و انت اخبر مني بالمواضيع ذي بحكم ما مر عليك من مشاريع!

[SouthK]

المقاول ضروري أذكر اسمه نترحم عليه وكنا في شد وجذب وقت الشغل معاه الله يعفو عنا وعنه .. إسمه محمد وصفي شربك من أُصول فلسطينية لكن قطري الجنسية .. الله يرحمه كان محب للعمل وكل لقاءاتي معاه سوالف حول بعض المشاكل وبعض الفرص الاستثمارية وكان ما يقصر في الكلام بحرية وشفافية وبدون قيود

راحوا الطيبين .. الله يرحمه!

[معماري قطري]

اخوي معماري انا اتفق معاك في ما ذكرت لكن السوق القطري عبارة عن مكب قمامة .. قريتها عدل : مكب قمامة!

الجودة نادرة في السوق و اذا لقيتها بتكون بسعر مبالغ فيه و مع هذا بعد مب بالمستوى المطلوب!

ممكن هناك من يقدم جودة عالية لكن ما يشتغل على الاعلان و الدعاية و الاسباب مجهولة ..

أما بخصوص القوانين فاغسل يدك لأن دام المواطن جاهل بحقوقه و القانون غير مدروس فهذا الحال اللي تشوفه عندنا .. هناك حلول لمشاكل البنيان على الوضع القانوني الحالي لكن تبي من يبادر و المبادرة ليست حكومية و انت اخبر مني بالمواضيع ذي بحكم ما مر عليك من مشاريع!

بالعكس يا اخوي تعديل القوانين تحتاج مجهود حكومي كبير .. إذا الحكومة تعاني في مشاريعها وأوقات كثيرة تطلع وراء البحار تتفق مع شركة خارجية تخلصها والأتراك أثبتوا وجودهم وغيرهم أكيد العالم متروس بس إحنا يالمواطنين ضايعين بين قوانين مايعة وحقوق ضايعة ومقاولين يسوون كل شيء ومهندسين بعضهم ما يدخل من الباب من السمنة من قعدته في المكتب ويقول لك انا ما اروح موقع وأوقع بمعرفتي .. خبرك بعض الناس ذمتهم بحر

[SouthK]

بالعكس يا اخوي تعديل القوانين تحتاج مجهود حكومي كبير .. إذا الحكومة تعاني في مشاريعها وأوقات كثيرة تطلع وراء البحار تتفق مع شركة خارجية تخلصها والأتراك أثبتوا وجودهم وغيرهم أكيد العالم متروس بس إحنا يالمواطنين ضايعين بين قوانين مايعة وحقوق ضايعة ومقاولين يسوون كل شيء ومهندسين بعضهم ما يدخل من الباب من السمنة من قعدته في المكتب ويقول لك انا ما اروح موقع وأوقع بمعرفتي .. خبرك بعض الناس ذمتهم بحر

القانون ضايع .. الاحوط انك تحط عقد يحميك و تعرف لك محامي لسانه طويل و تاخذ احتياطاتك .. غير جذي هاجر ابرك لك!

[معماري قطري]

القانون ضايع .. الاحوط انك تحط عقد يحميك و تعرف لك محامي لسانه طويل و تاخذ احتياطاتك .. غير جذي هاجر ابرك لك!

إذا بنقعد على قوانين ومحاماة وقضاء ساحبينه سحب من دول عربية متدهورة قضائياً عمرنا ما بنتطور .. إحنا هنا نناقش ونتكلم عن تطوير العملية العمرانية والهندسية أُمور واضحة 1 + 1 = 2 وانا صار لي فترة أتكلم عن هذا لعل وعسى يكون فيه أقل صدى لأن هذا هو السبب الرئيسي للتردي عندنا في موضوع المقاولات والهندسة والبناء

ألحين أعاني في موضوع صيانة 3 عقارات طالبة صيانتهم البلدية أو الهدم على نفقة المالك .. رخصة الصيانة بروحها قصة طويلة وروح يمين وروح يسار .. لا ويبغون تعهد إن ما نطالب بأي قص مستقبلي وكلام كلش ما يدخل العقل

[SouthK]

إذا بنقعد على قوانين ومحاماة وقضاء ساحبينه سحب من دول عربية متدهورة قضائياً عمرنا ما بنتطور .. إحنا هنا نناقش ونتكلم عن تطوير العملية العمرانية والهندسية أُمور واضحة 1 + 1 = 2 وانا صار لي فترة أتكلم عن هذا لعل وعسى يكون فيه أقل صدى لأن هذا هو السبب الرئيسي للتردي عندنا في موضوع المقاولات والهندسة والبناء

ألحين أعاني في موضوع صيانة 3 عقارات طالبة صيانتهم البلدية أو الهدم على نفقة المالك .. رخصة الصيانة بروحها قصة طويلة وروح يمين وروح يسار .. لا ويبغون تعهد إن ما نطالب بأي قص مستقبلي وكلام كلش ما يدخل العقل

وين تبينا نتطور أو تكون عندنا كفاءات إذا القوانين من بلاد ضايع فيها القانون (على كلام أهلها) .. ما عندنا عقلية ابداعية مع العلم ان عندنا كفاءة وطنية فذة لكن غير مستغلة و مهمشة!
و اشلون تبي تكون عندنا قوانين بلدية متطورة إذا الاساس المبنية عليه صار له اكثر من 40 سنة؟ ما يرفع الضغط غير ان القوانين تنهار بعد استلام شهادة اتمام البناء و مهندسي البلدية هم نفسهم يقولون لك عدل بعد شهادة اتمام البناء!!!!

الواحد يدق له خيمة ابرك له و لا يتكل على أحد.

[معماري قطري]

كانوا قبل وايد أحسن .. كانت فيه دراسة للمخططات كلها خصوصاً الإنشائية ويحتفظون بنسخ منها معتمدة وموقعة من الإستشاري ومن مهندس البلدية المسؤول عن الشغلة حسب كل تخصص .. هذي النسخة الموجودة تعتبر وثيقة يقدرون يرجعون لها .. وكانوا يسوون اشراف عام وهذا ما يكلفهم شيء كبير ويخلي المكاتب الهندسية تصطلب لأنها متابعة من ناس مختصين

وين أول ووين ألحين .. ألحين المخططات الإنشائية قالوا مسؤولية المكتب ولا حتى يطالعونها .. كان فيه شيء بسيط من التوثيق والمفروض يطورون عليه ويخلونه لكل جزئية ومثل ما شرحت سابقاً .. فتحوا الميدان للعب المكاتب بحيث يسوون مخططات كلش تختلف عن المنفذ .. المخططات الأساسية لو نفذت يمكن تكلف مليون والواقعية تكلفتها 700000 وأقل يمكن حسب إجتهاد المهندس المشرف والمقاول ويتقاسمون الغنيمة من المالك اللي بيدفع على التصميم وحسب التسعير ولا يدري شاللي يتغير في الموقع .. لا يعرف كميات الحديد وقطره ولا يعرف ولا حتى يفكر يقيس الأساسات وبقية العناصر الإنشائية ويطابقها مع المخططات .. انا ما اسوي هالشيء

بالنسبة للي يبني له خيمة مب مرتاح مثل بيت مناسب ومريح وشكثر قصص بنيان انتهت ببنيان جيد ويعمر سنين طويلة والحمد لله بيتي الحالي منها

[SouthK]

كانوا قبل وايد أحسن .. كانت فيه دراسة للمخططات كلها خصوصاً الإنشائية ويحتفظون بنسخ منها معتمدة وموقعة من الإستشاري ومن مهندس البلدية المسؤول عن الشغلة حسب كل تخصص .. هذي النسخة الموجودة تعتبر وثيقة يقدرون يرجعون لها .. وكانوا يسوون اشراف عام وهذا ما يكلفهم شيء كبير ويخلي المكاتب الهندسية تصطلب لأنها متابعة من ناس مختصين

وين أول ووين ألحين .. ألحين المخططات الإنشائية قالوا مسؤولية المكتب ولا حتى يطالعونها .. كان فيه شيء بسيط من التوثيق والمفروض يطورون عليه ويخلونه لكل جزئية ومثل ما شرحت سابقاً .. فتحوا الميدان للعب المكاتب بحيث يسوون مخططات كلش تختلف عن المنفذ .. المخططات الأساسية لو نفذت يمكن تكلف مليون والواقعية تكلفتها 700000 وأقل يمكن حسب إجتهاد المهندس المشرف والمقاول ويتقاسمون الغنيمة من المالك اللي بيدفع على التصميم وحسب التسعير ولا يدري شاللي يتغير في الموقع .. لا يعرف كميات الحديد وقطره ولا يعرف ولا حتى يفكر يقيس الأساسات وبقية العناصر الإنشائية ويطابقها مع المخططات .. انا ما اسوي هالشيء

بالنسبة للي يبني له خيمة مب مرتاح مثل بيت مناسب ومريح وشكثر قصص بنيان انتهت ببنيان جيد ويعمر سنين طويلة والحمد لله بيتي الحالي منها

ما اختلف معاك لكن وشو اللي همش دور البلديات في الرقابة على البينان؟؟

في دولة ما البلدية تشرف على المباني و تشدد و تغلظ العقوبة على المتلاعبين و دولة ثانية (على ما وصلني) مشت في نفس السياق إلا عندنا الشغل تعبان و التلاعب وضاح و ظاهر!

ما انكر ان في مشاريع تمت على وجه ممتاز دون مشاكل لكن ابحث عن الجهة المنفذة و للدقة ابحث عن المهندس المنفذ و منا لكم!

[معماري قطري]

ما اختلف معاك لكن وشو اللي همش دور البلديات في الرقابة على البينان؟؟

في دولة ما البلدية تشرف على المباني و تشدد و تغلظ العقوبة على المتلاعبين و دولة ثانية (على ما وصلني) مشت في نفس السياق إلا عندنا الشغل تعبان و التلاعب وضاح و ظاهر!

ما انكر ان في مشاريع تمت على وجه ممتاز دون مشاكل لكن ابحث عن الجهة المنفذة و للدقة ابحث عن المهندس المنفذ و منا لكم!

العملية صعبة وصعبوها متنفذين في الدولة ومسؤولين .. متأكد إن حكومتنا ما تتمنى هذا الشيء ويمكن ما تلاحظه على المستويات العليا وهذيلا المسؤولين عن عملية البناء والتصميم والترخيص شحادهم يدوشون راسهم اللي ينقال لهم يسوونه وبالعكس يزينون الطرق السهل

هذي أمانة علمية ولا تكلمت عنها الا لأني ملاحظ التلاعب القوي .. إذا القضايا يبت فيها مهندس أوقات ما يكون مختص ومتعمق في الشغلة وهو حالف على المصحف وفي الغالب يكون ظالم المشتكي أو المشتكى عليه .. كنت أتمنى يعطون الشغلة لمكاتب مختصة ودقيقة وممكن بإشراف هذيلا المهندسين .. أما مهندس بروحه ترسله المحكمة يصور ويكتب تقريره ويحط تقديره هذي مهزلة ولا بعدها مهزلة وللأسف محصلين مهندسين ما يقولون ما نعرف والا ما نقدر نحط في ذمتنا .. يدخل الموقع في ربع ساعة يكون سوى سكان حق كل شيء حتى الحديد يشوفه داخل الخرسانة بعيونه الخارقة

بعدين لو فيه ترخيص ومتابعة ورقابة ما بيبقى الا الجيد في البناء وفي التصميم وفي الإشراف .. أي واحد بتختاره بيكون زين بدون لفة ودورة وسؤال زيد وعبيد

[معماري قطري]

السعودية سبقونا وبدوا في ترتيب عملية البناء وتشديد القوانين للأفضل حتى الإشراف العام بيطبقونه واللي هو اشراف الدولة والزيارات التفقدية والمفاجئة

المفروض انا معين استشاري ووقت الصب مر المشرف العام ولا حصله وحصل لوحة عليها اسمه ورقم تلفونه هذا الإستشاري يكون عقابه كبير ولو سووها مرة بيرتدع كل استشاري مقصر

[مرتبش]

على سالفة التقارير .. شفت تقرير لخبير الصراحة استغربت المضمون والصياغة .. الخبير كاتب الحكم وكأنه هو القاضي .. انت خبير تذكر رايك الفني فقط في الشي الل مختص فيه واللي كلفتك فيه المحكمة.
تعديل قوانين البناء بقصد حماية المواطن امر ضروري جدا.. حرام اللي نشوفه من بيوت متعطلة ومشاكل القضايا اللي ماتخلص

[معماري قطري]

ننادي في خرابة من بيسمعنا

طول ما المسؤولين ما يبون وجع الراس والشغل والزايد ولا يبون التنظيم اللي كان قبل بمراحل أفضل منه ألحين والمستفيد اللي يعرف يسرق استوت السرقة الهندسية سواء بشغل ركيك بسعر ما يسوى والا بشغل غالي وما يرتقي للي نبغيه ولا في فترة زمنية مناسبة وما يجي الا بوجع راس للملاك