ارتفاع الحراره و مدى تحمل البيوت و المباني

[fmmja]

السلام عليكم و رحمة الله و بركاته

بدئنا فصل الصيف و بدأت درجات الحراره بالارتفاع في دول الخليج مثل كل عام

الملاحظ في السنوات الاخيره زيادة التحذيرات من المنظمات البيئية و منظمات المناخ من اخذ التدابير اللازمة للحد من ارتفاع حرارة سطح الارض
بسبب كثرة انبعاث ثاني أكسيد الكربون مسبب مايعرف بالاحتباس الحراري

مما يعني ان درجات الحراره ستزيد في الارتفاع وكما رأينا فقد تخطت الحراره الخمسينات في قطر و بعض الدول المجاوره و اصبحت قريبه من درجات الغليان

فبالتالي نحن امام كارثه مناخية و علينا اخذ الاحتياطات اللازمة لتقليل الاضرار الى اقل المستويات

عندي بعض التساؤلات

هل المباني السكنية و المنازل تتحمل ارتفاع درجات الحراره

هل خزانات المياه الفايبر امنه ولا تتحلل و تختلط موادها مع مياه الشرب بسبب ارتفاع درجات الحرار

هل الاسلاك و الكيابل الكهربائية و المكيفات تتحمل ارتفاع درجة الحراره

و في الختام
اللهم اجرنا من نار جهنم
و صلى الله و بارك على نبينا محمد .

[معماري قطري]

اللهم آمين

عيب بيوتنا حتى في تنفيذ العزل الحراري أخطاء هندسياً وتنفيذياً .. المشكلة البعض عنده قاعدة يمشي على القديم والمعتاد في البناء

في البداية قالوا الشمس تسطع على السطح وتسبب حرارة قوية للداخل وكأن باقي الجدران ما لها علاقة والنوافذ والأبواب خصوصاً اللي تسرب هواء وغبار وحرارة .. تعاملت مع مكتب استشاري من أقوى المكاتب وكان مخطيء بتصميم الجسور تغطي الجدار الداخلي والخارجي وبينهم العازل يعني الجسر والسقف يجي بارتفاع ما يقل عن 60 سم وأوقات أكثر يخلونه بدون عزل ويكون موصل قوي للحرارة والبرودة والعزل حتى اللي في الجدران يفقد فعاليته .. كأنك عندك جدر حار في برودة تحت العشرين وانت مغطي نصه وفاتح نصه هذا طبيعي بعد شوي بيبرد .. أو نفس الشيء عندك دلة مليانة ماي مثلج وحاطها في الشمس مسكره بس نص مغطاة وتجي بعد ربع ساعة تحصل الثلج ذاب

هذا المكتب أصريت معاه على عمل الجسر 20 سم فقط على جزء الجدار الداخلي والعازل يجي وراه وبعده طابوق وعطاني عزل رهيب لدرجة المكيفات في البيت بعضها مطفية وبعضها تشتغل على 23 بالكثير وفي مكتبي 24 وأوقات يبرد أرفعها درجة .. ألحين أتابع معاهم في تصميم لصديق وذكرتهم بهذي النقطة ومهندس جديد قال من زمان نسويها .. قلت له عن النقاش اللي صار قبل وزين اعتمدوا الطريقة الصحيحة .. عاد تعال حق باقي المكاتب وكذلك شغل الحكومة كله جسور عريضة

لو بنيت مرة ثانية باسوي بيسمنت خدمي لتانكي المياه وباخلي التمديدات كلها تحت في هذا البيسمنت وحطيت أفكار تصميمي كلها في موضوع مراجعة المخططات .. غرفة تانكي مياه تحت ما تكلف شيء واللي بيبني حافر حافر للأساسات

[سعود.]

ماقصرت ابا عبدالله

بخصوص الكهرباء والكيابل : تجي اساسا معزوله وبعيدة اشعة الشمس وعندك البيوت القديمة مشاء الله امورها طيبة

المكيفات: اشعة الشمس اكيد تأثر على ادائها وتقدر تظللها عن الشمس

تانكي الماء: مصمم بطريقة تمنع نفاذ اشعة الشمس ونمو الطحالب والبكتيريا التانكي يجي 4 الى 6 طبقات وحده منها اسود قاتم . بس ضروري التوانكي تنغسل ع الاقل مرتين في السنة اذا ماعندك فلاتر والفلاتر ضروري تتبدل كل فترة لمنع تراكم الاوساخ والبكتريا .

[رجل تعليم]

موضوع قيم جزاكم الله خيرا
فعلا التغيرات المناخية تسير بالعالم نحو الإحتراق نسأل الله اللطف

[معماري قطري]

ماقصرت ابا عبدالله

بخصوص الكهرباء والكيابل : تجي اساسا معزوله وبعيدة اشعة الشمس وعندك البيوت القديمة مشاء الله امورها طيبة

المكيفات: اشعة الشمس اكيد تأثر على ادائها وتقدر تظللها عن الشمس

تانكي الماء: مصمم بطريقة تمنع نفاذ اشعة الشمس ونمو الطحالب والبكتيريا التانكي يجي 4 الى 6 طبقات وحده منها اسود قاتم . بس ضروري التوانكي تنغسل ع الاقل مرتين في السنة اذا ماعندك فلاتر والفلاتر ضروري تتبدل كل فترة لمنع تراكم الاوساخ والبكتريا .

كلامك صحيح في أول نقطة بس المياه الله أعلم الوضع يخوف شوي خصوصاً مع الحرارة العالية .. يا ليت كهرماء يطورون من شروطهم شوي ويشترطون حتى نوعية من التغطية للخزان الخارجي أو غرفة وأشوف كثيرين يسوونها وحتى خرسانية وزين تذكرت باضيفها على تصميمي حتى لو الجوانب طابوق وفتحة من جهة وفوق حديد بطريقة مخفية .. البعض يسوونه تحت الأرض وبعضهم خرسانة ولي جار مسويه من زمان ولا شفته باسئله شصار معاه لا وتوقف السيارة فوقه

[بوNasser]

ماقصرت ابا عبدالله

تانكي الماء: مصمم بطريقة تمنع نفاذ اشعة الشمس ونمو الطحالب والبكتيريا التانكي يجي 4 الى 6 طبقات وحده منها اسود قاتم . بس ضروري التوانكي تنغسل ع الاقل مرتين في السنة اذا ماعندك فلاتر والفلاتر ضروري تتبدل كل فترة لمنع تراكم الاوساخ والبكتريا .

السلام عليكم ورحمة الله

على طاري التانكي وفلاتر الماي

احد منكم ركب/جرب الفلاتر المركزية مثل اللي في الصورة؟؟ وهل ينفع اركبها قبل التانكي الرئيسي ( يعني من ماي الحكومة لين الفلتر وبعدين الخزان الرئيسي) لأن الفلاتر العادية على طول تتوسخ وتنسد،

https://doha2010.com/muntada/water.png


https://mzadqatar.com/videoUploads/2020/03/24/bd4aa01a6e.mp4


طبعا كهرماء يقولون مايهم من انقى المياه ( وهذا احتمال كبير صحيح، لكن هناك عندهم في ابو فنطاس، وقبل البيبات والتمديدات اللي توصل الماي لين البيوت)

ملاحظة: عندي الفلتر المركزي الرملي، بس الرملي يبي له مكان مضلل، اما اللي في الصورة شكله عادي ينحط في الشمس، ومع ذلك ما اصدق كل شي انقال في المقطع !!!

تحياتي للجميع.

[سعود.]

كلامك صحيح في أول نقطة بس المياه الله أعلم الوضع يخوف شوي خصوصاً مع الحرارة العالية .. يا ليت كهرماء يطورون من شروطهم شوي ويشترطون حتى نوعية من التغطية للخزان الخارجي أو غرفة وأشوف كثيرين يسوونها وحتى خرسانية وزين تذكرت باضيفها على تصميمي حتى لو الجوانب طابوق وفتحة من جهة وفوق حديد بطريقة مخفية .. البعض يسوونه تحت الأرض وبعضهم خرسانة ولي جار مسويه من زمان ولا شفته باسئله شصار معاه لا وتوقف السيارة فوقه


الله يعين ويستر علينا

هذا رابط لموضوع التانكي قبل وبعد

http://www.qatarshares.com/vb/showthread.php?640135-%CA%C7%E4%DF%ED-%C7%E1%E3%C7%C1

[سعود.]

السلام عليكم ورحمة الله

على طاري التانكي وفلاتر الماي

احد منكم ركب/جرب الفلاتر المركزية مثل اللي في الصورة؟؟ وهل ينفع اركبها قبل التانكي الرئيسي ( يعني من ماي الحكومة لين الفلتر وبعدين الخزان الرئيسي) لأن الفلاتر العادية على طول تتوسخ وتنسد،

https://doha2010.com/muntada/water.png


https://mzadqatar.com/videoUploads/2020/03/24/bd4aa01a6e.mp4


طبعا كهرماء يقولون مايهم من انقى المياه ( وهذا احتمال كبير صحيح، لكن هناك عندهم في ابو فنطاس، وقبل البيبات والتمديدات اللي توصل الماي لين البيوت)

ملاحظة: عندي الفلتر المركزي الرملي، بس الرملي يبي له مكان مضلل، اما اللي في الصورة شكله عادي ينحط في الشمس، ومع ذلك ما اصدق كل شي انقال في المقطع !!!

تحياتي للجميع.


ماعندي خبر عنها . بس انا اخاف من اي فلتر طويل الاجل

[معماري قطري]

السلام عليكم ورحمة الله

على طاري التانكي وفلاتر الماي

احد منكم ركب/جرب الفلاتر المركزية مثل اللي في الصورة؟؟ وهل ينفع اركبها قبل التانكي الرئيسي ( يعني من ماي الحكومة لين الفلتر وبعدين الخزان الرئيسي) لأن الفلاتر العادية على طول تتوسخ وتنسد،

https://doha2010.com/muntada/water.png


https://mzadqatar.com/videoUploads/2020/03/24/bd4aa01a6e.mp4


طبعا كهرماء يقولون مايهم من انقى المياه ( وهذا احتمال كبير صحيح، لكن هناك عندهم في ابو فنطاس، وقبل البيبات والتمديدات اللي توصل الماي لين البيوت)

ملاحظة: عندي الفلتر المركزي الرملي، بس الرملي يبي له مكان مضلل، اما اللي في الصورة شكله عادي ينحط في الشمس، ومع ذلك ما اصدق كل شي انقال في المقطع !!!

تحياتي للجميع.

تسوي مظلة صغيرة ولا شيء وتحمي أغراضك

[معماري قطري]

الله يعين ويستر علينا

هذا رابط لموضوع التانكي قبل وبعد

http://www.qatarshares.com/vb/showthread.php?640135-%CA%C7%E4%DF%ED-%C7%E1%E3%C7%C1

أذكر هذا الموضوع بس يا اخوي شغلة حق بيوتنا المعتمدة على تانكي أرضي وتانكي فوق .. خطتي بإذن الله اسوي للبيت الجديد تانكيين أرضيين وتحت مظلة وتانكيين تحت في البيسمنت وأكيد باحط فلاتر وبيكون سهل تغسل أي تانكي

[سعود.]

فكره ممتازة

الله يوفقك والمسلمين اجمعين

[معماري قطري]

السعر تقريباً محسوب على الحجم يعني تاخذ واحد 1000 غالون أو 2 كل واحد 500 تقريباً نفس السعر .. لو خذت إثنين ووصلتهم ببايب وتقدر تقفله تستخدم أي واحد منهم بنفسه تكون سهلت عملية التنظيف والغسيل حتى تقدر توقف التانكي اللي بيتنظف ايام بدون ما تتعطل .. بنفس الوقت تظليل الخزان من فوق وحمايته من ثلاث جوانب أقل شيء بيخفف الحرارة كثير وبتكون عندك شبه غرفة تقدر تستخدمها كمخزن لعدة الزراعة

مشاكل الصيانة كثيرة حتى التسريب

[طلعة الروح]

هل راح يكون في بديل لمكيفات الهواء في السنوات القادمه
ام المسأله مستبعده؟

[معماري قطري]

هل راح يكون في بديل لمكيفات الهواء في السنوات القادمه
ام المسأله مستبعده؟

الدراسات وايد وطلعت دراسة عن كفاءة نوع جديد من التكييف ولا يستهلك كهرباء لدرجة بيقدرون يكيفون شوارع كاملة وبرخيص جداً .. وإحنا نشوف التطوير كيف .. هذا المكيف بيكون صغير ولا يخترب ويعيش عمر طويل طويل

[مرتبش]

مواصفات المباني بشكل عام تتناسب مع البيئة من حرارة ورطوبة لكن سوء التركيب والعمالة الغير متخصصة مشكلة عندنا.. الاجهزة الكهربائية ايضا يجب التشديد في استيرادها مثلا في السوق الكثير منها يشتغل على فرق جهد 220 رغم ان الفولت المعتمد في قطر هو 240.
ايضا مشكلة اخرى رداءة بعض الاجهزة او المواد التقليد مادري كيف تدخل وكيف يسمح بهذا الغش

[طلعة الروح]

الدراسات وايد وطلعت دراسة عن كفاءة نوع جديد من التكييف ولا يستهلك كهرباء لدرجة بيقدرون يكيفون شوارع كاملة وبرخيص جداً .. وإحنا نشوف التطوير كيف .. هذا المكيف بيكون صغير ولا يخترب ويعيش عمر طويل طويل


اللهم امين ياريت ينفذونه اليوم قبل بكره