شهالتخبطات الإدارية ولين متى؟

[معماري قطري]

كلنا سمع عن موضوع التسجيل المسبق لدخول البلاد للمسافرين من المواطنين وشسوى من ربكة .. من المسؤول إذا احتراز نظام صحي أمني مشترك بين وزارة الصحة والداخلية؟

تضرر عائلة أو عائلتين وتعطل سفرهم شيء محبط للجميع لأننا كلنا كقطريين حكومة وشعب متكاتفين ونتأثر من اللي يصير .. بعدين أقل شيء يؤثر في سمعة البلاد ككل وينتشر ويطيرون به طيور الظلام حولنا وشوضعك يا مبتكر هذي البدعة بعد التراجع السريع اللي أُجبرت عليه؟

تخبط ثاني تكلمت عنه مرات ومرات هو مواصفات الطرق عندنا والمواقف الداخلية .. مستشفى رميلة ومستشفى حمد يعتبرون واجهات للدولة من يمر عليهم يشوف كيف التموجات في بعض الطرق هناك خصوصاً في رميلة .. أما يالجهة اللي سويتي هذي الطرق تتابعين وتصينينها كل شهر مب حتى كل سنة أو تسوين شغلج عدل مثل دول العالم كلنا في كوكب الأرض والجاذبية نفس الجاذبية والتربة متقاربة بل استويتوا تستوردون تربة وقابرو وغيره من كل مكان بدون فايدة

والتخبط دوم يسحب وراه تخبطات ارتدادية .. منطقة مجمع المناعي وما يحيط بها والمطاعم اللي انتهت صلاحيتها والناس كرهوا المرور صوبها هذي شوارعها مأساة ولها سنين ما تعدلت .. فرجاننا يعدلون منهول ويرجع يخترب ويطلعون 10 غيره لا والحفريات ما توقف كل حياتنا استوت حفريات وبمعدات بالية تعتمد على الضربات المزعجة للسكان .. ليش ما تتجهون للتفجير المدروس وبمخمدات صوت وكله ثواني بسيطة يشق الأرض حسب اللي تبغون

التركيز على مناطق كاس العالم بس للبهرجة وبعد ذي بنيانها أشوفه بدائي ويحتاج تطوير صح .. ما صار اللي نتمناه والانترلوك مفكك وقطع مرتفعة ونفس طريقة التركيب الرخيصة البدائية السابقة لا بايبات تصريف للمطر الخفيف تحت ولا خرسانة بسيطة تثبت القطع ما تهبط ولا تتفكك رمل وصف الانترلوك عليه وقول له اقعد مكانك لتتحرك

والموضوع متشعب وذو شجون وباضيف عليه أكيد

[naklan]

لا تحرق قلبك الاخطاء وارده ولكن ليش التكتم على الجرذي
الي طلع القرار وخبص الناس لو لي صلاحية ما يجلس دقيقة

ان كان اجنبي يرجع لبلده وان كان قطري لا يدخل في مشوره او راي ابدا
هذا اذا ما حولته تقاعد او حولته لحديقة الحيوانات مراقب قرود

وزارة الصحة ليش يولونهم الخيط والمخيط ووين سعادة رئيس الوزرا
وكيف مرت هالتفاهات وهل اجازها
الله يرحم ايام الشيخ عبدالله بن ناصر كان صاحب راي سديد

في الفلبين المسؤول في وزارة الصحة اسمه دوكي
صارله 6 شهور مانع الطيران والمواطنين ما يقدرون يردون
والرئيس دو ثيرتي فاتح حلجه الشور الردي مش لازم
يقتدى او يوخذ به كل 15 يوم يمدد هههههه
والمساكين متكدسين بعضهم انهيت خدماته ويبي
يرجع وبعضهم عنده وفاة

حجر صحي وانتهى الامر

[naklan]

امر مضحك حد يفرض شنقن على اهله وبلده
باقي يفرض اقامة

ثانيا انتو الي طعمتو الناس وانتو الي تعطون الشهادة بالتطعيم
يعني كمبيوتر يطلع لك كل شي ليش تسوي ابلكيشن وتسال الناس
وانت صاحب الامر

[معماري قطري]

امر مضحك حد يفرض شنقن على اهله وبلده
باقي يفرض اقامة

ثانيا انتو الي طعمتو الناس وانتو الي تعطون الشهادة بالتطعيم
يعني كمبيوتر يطلع لك كل شي ليش تسوي ابلكيشن وتسال الناس
وانت صاحب الامر

صحيح ما يركبون الطيارة الا مفحوصين ومطعمين فوق هذا الفحص .. ممكن باقول مقبول للي له سنتين خارج قطر يطلب إنه يجي ويحط شهادة تطعيمه وفحصه وحتى ذيه لو فرضاً ما طعم يفحصونه ويركب الطيارة ويجي وينحجر مثل غيره لو محتاجين ضمان أو حجر منزلي أما هذا التعقيد شيء غريب ويوصف بأنه تخبط إداري

[معماري قطري]

لا تحرق قلبك الاخطاء وارده ولكن ليش التكتم على الجرذي
الي طلع القرار وخبص الناس لو لي صلاحية ما يجلس دقيقة

ان كان اجنبي يرجع لبلده وان كان قطري لا يدخل في مشوره او راي ابدا
هذا اذا ما حولته تقاعد او حولته لحديقة الحيوانات مراقب قرود

وزارة الصحة ليش يولونهم الخيط والمخيط ووين سعادة رئيس الوزرا
وكيف مرت هالتفاهات وهل اجازها
الله يرحم ايام الشيخ عبدالله بن ناصر كان صاحب راي سديد

في الفلبين المسؤول في وزارة الصحة اسمه دوكي
صارله 6 شهور مانع الطيران والمواطنين ما يقدرون يردون
والرئيس دو ثيرتي فاتح حلجه الشور الردي مش لازم
يقتدى او يوخذ به كل 15 يوم يمدد هههههه
والمساكين متكدسين بعضهم انهيت خدماته ويبي
يرجع وبعضهم عنده وفاة

حجر صحي وانتهى الامر

ولو فتحوا لهم كل الخدم بيروحون .. عندنا 5 وكانوا يبون يسافرون مع راس السنة شكلهم يبغون يكرمسون وعرفوا إنه صعب السفر وفيه تعقيدات .. ألحين لو افتحوا لهم غالبيتهم بيسافرون وبنتورط

[معماري قطري]

ما احرق قلبي ولا شيء بس هذي أشياء تستاهل الإنتقاد وضروري تصحيحها

وصلني فيديو لبيت ينبني طاح فجأة وكان الهيكل الخرساني مبني ومنتهي مع الطابوق وأتوقع وصل الكثيرين وهو في روضة الحمامة

لو كان فيه قوانين ملزمة أي شخص لازم يبني مع مقاول مرخص واستشاري متابع وفيه عقاب قوي على اللي يخالف ما بنشوف مثل هالحادث .. ممكن توفى شخص وكان ممكن تتضرر بيوت جنبه لكن شكله ما حوله شيء

ولو افترضنا اللي مشتغل له مقاول بالإسم بدون رخصة ومشى أُموره بالفهلوة مثل المتهندسين اللي يسمون نفسهم مهندسين وهم ما خلصوا ثاني ابتدائي .. هذا شلون يحاسب بدون آلية وقوانين رادعة وشلون بيطلع المالك حقه في محاكمنا اللي تاخذ عقود ولا يطلع راعي الحق منها بحقه

[Rider]

والله مافيه كلام بعد كلامك اخوي معماري التخبط مستمر على كل المستويات بس حنا مابغي نتكلم اما موضوع سجل في منصة وانت راجع بلادك هذا شي خلا الكثير يضحكون علينا ومثل ماقلتوا قالوا اطعموا تطعمنا قلنا ممكن الإجراءات تتسهل
في السفر خلآص انت متطعم بيانات المفروض في سستم وزارة الداخلية والصحة بمجرد تطلع احترازك خلآص يعتبر جواز سفرك حتى فحص كورونا ليش قبل وبعد السفر المفروض هناك اتفاقيات بين الدول المتطعم ماعليه شي الواحد لي عنده عائلة من أكثر من سبع أشخاص كم بيدفع ترى جيوبنا فضت

[sara jsm]

:taunt::taunt::taunt::taunt:

[سالم الزهران]

الموضوع يبو عبدالله (الرجل غير المناسب في المكان اللي ما يقرب له حتى من سابع جد).

اعط الخبز خبازه تصير الحياة حلوة.

[طلعة الروح]

كل مصايب هالبلد ومصايب شعبه المفروض يتعنون تحت عنوان::: فساد اداري مدروس:::
وصدقني كل اصحاب القرار والمسؤولين يخيطون ويبيطون ومحد يحاسبهم الا اذا شاع الخبر وانفضحوا في تويتر
وبتصير لفلفه صريحه بأن اللي قرأ القرار فهم القرار غلط وبالتالي طبقه غلط
لعبتهم اللفلفه

دولتنا دولة مؤسسات... اي نعم ، بس وقت الجد محد يعرف يشتغل ولا يحل خذوها مني كاش واولهم مسؤولهم العود عنتر

[معماري قطري]

والله مافيه كلام بعد كلامك اخوي معماري التخبط مستمر على كل المستويات بس حنا مابغي نتكلم اما موضوع سجل في منصة وانت راجع بلادك هذا شي خلا الكثير يضحكون علينا ومثل ماقلتوا قالوا اطعموا تطعمنا قلنا ممكن الإجراءات تتسهل
في السفر خلآص انت متطعم بيانات المفروض في سستم وزارة الداخلية والصحة بمجرد تطلع احترازك خلآص يعتبر جواز سفرك حتى فحص كورونا ليش قبل وبعد السفر المفروض هناك اتفاقيات بين الدول المتطعم ماعليه شي الواحد لي عنده عائلة من أكثر من سبع أشخاص كم بيدفع ترى جيوبنا فضت

اليوم دافعين 1200 حق اربع أشخاص للفحص هذي قيمة غرفتين في فندق خمس نجوم حق ليلة وحدة .. ما ادري ليش ما يركزون على التطعيم وفحص الحرارة السريع وتمشي إذا كل اللي في الطيارة مطعمين الخوف من وشو بيكون؟

[معماري قطري]

:taunt::taunt::taunt::taunt:

حي الله بنت جاسم

[معماري قطري]

كل مصايب هالبلد ومصايب شعبه المفروض يتعنون تحت عنوان::: فساد اداري مدروس:::
وصدقني كل اصحاب القرار والمسؤولين يخيطون ويبيطون ومحد يحاسبهم الا اذا شاع الخبر وانفضحوا في تويتر
وبتصير لفلفه صريحه بأن اللي قرأ القرار فهم القرار غلط وبالتالي طبقه غلط
لعبتهم اللفلفه

دولتنا دولة مؤسسات... اي نعم ، بس وقت الجد محد يعرف يشتغل ولا يحل خذوها مني كاش واولهم مسؤولهم العود عنتر

الفساد الإداري شيء أعلى الكلام عن الواضح لنا واللي هو التخبط .. كل شيء تربطه قوانين واجراءات لازم تكون سلسة وواضحة مثل موضوع التعيين واحلال المواطنين في الوظائف هذا ما زلنا نتخبط فيه وفيه ناس ماسكين وظائفهم لهم عشرات السنين وهم منتهين ووظائفهم يقوم بها الشاب القطرية أو الشابة بسهولة ويسر وكفاءة أعلى

والفساد الإداري بعد له جوانب مرئية وجوانب كثيرة مخفية وهي الأخطر والمفروض ما ننتظر لين تصير ونسن قوانين رادعة تخلي أي مسؤول أو إداري يفكر مرات قبل ليقدم على هذا التجاوز

[معماري قطري]

الموضوع يبو عبدالله (الرجل غير المناسب في المكان اللي ما يقرب له حتى من سابع جد).

اعط الخبز خبازه تصير الحياة حلوة.

تفعيل محاكم ادارية وقانونية لكل مجال مسألة ملحة والقانونيين عندنا كثيرين مخهم مجيم ويتكلم بلغة بعض البلاد العربية المتأخرة قانونياً .. ما ادري ليش ما يطورونهم ويرسلونهم دراسات عليا في بلدان متقدمة قانونياً وتشريعياً .. في عالم البناء وقوانين البناء وكل التداخلات فيه من عدة جهات المفروض فيه هيئة تنظيمية معتمدة من الخبراء في هذا المجال أقل شيء تشوف مواطن الخلل وتقترح تشريعات وقوانين تنظم العملية

المفروض مثل هذي الهيئة الإستشارية لها الحق في سن وتطوير ومتابعة القوانين الجديدة .. شارع نعاني لين يتصلح بعدها بشهر فيه عيوب والا مقاولين طلعوا على الساحة ما عندهم عمال كلش وعندهم واحد يقدر يجيب قطيع من العمال في دقايق ولا يدري بتخصصاتهم الا اللي ينقال له

[Rider]

اليوم دافعين 1200 حق اربع أشخاص للفحص هذي قيمة غرفتين في فندق خمس نجوم حق ليلة وحدة .. ما ادري ليش ما يركزون على التطعيم وفحص الحرارة السريع وتمشي إذا كل اللي في الطيارة مطعمين الخوف من وشو بيكون؟
الخوف انه مافيه ربح مادي الحين مستفدين 300 بكل فحص وعليك الحسبه لكل عائلة

[سالم الزهران]

اجراءات ادفع هذي من ثمرات خصخصة البلاد، مواطن ابن الحكومة معاد فيه هالكلام، الحين تدفع وتحقف تنمية متخيل يا مؤمن؟
اللي يغبن يوم تشوف سلوكيات الناس ما تغيرت مع تغير القوانين ومتطلبات الحياة. ربنا يصلح الأحوال ويهدي الناس اجمعين

[ya3coub]

لللسف تخبط انا من الناس اللي علقت معتي متصل فالطيران و الخارجية و كملت نص الرحلة بدون pcr بعد ما تأكدو من قطر و لما وصلت اركيا فالترانزيت خلوني اصف على جنب.

الحمد الله دبرت نفسي بفحص و حجز فندقي علطول و بدلت التذكرة.

بس لو حد ثاني كان ممكن توهق.

و مع ذلك اول ما خذت نتيجة الفحص سويت التسجيل الاختياري بحكم انه سمعت المطار زحمة.

انصدم انه من قبل الدبدوب كلشي معتفس و الخروج عفيسة و اللي اخذ او ما اخذ نفس الشي للاسف.

طيب و خسايري و لو اني راجع على وقت الدوام الخ….
الموضوع كان جدا مستفز لانه كلشي اعتفس من جداون و عزايم و الخ. مرتب لها من قبل

[طبيب قطري]

التخبطات الادارية حدث ولاحرج في كل الجهات .. اقرب مثال المستشفى الكبييير اللي فتح وقدم خدماته بعد سنيين من الانتظار ولحد يومنا هذا الشكاوى ماتخلص عليهم !

[سالم الزهران]

لو المسؤول يتحرى الشكوى و ينطرها ويتلمس مواضعها مثلما يتلمس الطبيب مواضع الألم كان تعالجت كثير من المشاكل، لكن القاعدة (ما نبغي نسمع شكوى) هذي قاعدة غلط.. الله سبحانه يسمع الشكوى.. انت ما تبغي شكوى ليش؟ كامل مكمل يعني.

لا يا سيدي.. الشكوى شي طبيعي والمطلوب التعامل معها بروح طيبة.. براسك شيء طلعه علي مسؤولك مب علي أنا المراجع.. وشكراََ لتفهمك

[معماري قطري]

الخوف انه مافيه ربح مادي الحين مستفدين 300 بكل فحص وعليك الحسبه لكل عائلة


اجراءات ادفع هذي من ثمرات خصخصة البلاد، مواطن ابن الحكومة معاد فيه هالكلام، الحين تدفع وتحقف تنمية متخيل يا مؤمن؟
اللي يغبن يوم تشوف سلوكيات الناس ما تغيرت مع تغير القوانين ومتطلبات الحياة. ربنا يصلح الأحوال ويهدي الناس اجمعين

في كل العالم هذي الإجراءات والفحص تقريباً قيمته وحدة

الدولة ما قصرت بالعلاج المجاني وبأُمور كثيرة بس الفحص للي يبي يسافر والوضع خطير للحين في كل العالم ما انصح حد يسافر ولا قدر الله لو تم تشخيصه مصاب حتى لو بالغلط ما بيقدر يركب الطيارة ويرجع حتى الفندق ما بيقبل يسكنه مثل ما كان

صج صج السفر كابوس الله يبعده عن الجميع

[معماري قطري]

لو المسؤول يتحرى الشكوى و ينطرها ويتلمس مواضعها مثلما يتلمس الطبيب مواضع الألم كان تعالجت كثير من المشاكل، لكن القاعدة (ما نبغي نسمع شكوى) هذي قاعدة غلط.. الله سبحانه يسمع الشكوى.. انت ما تبغي شكوى ليش؟ كامل مكمل يعني.

لا يا سيدي.. الشكوى شي طبيعي والمطلوب التعامل معها بروح طيبة.. براسك شيء طلعه علي مسؤولك مب علي أنا المراجع.. وشكراََ لتفهمك

اليوم قريت عن دولة شغلها التجسس والخبث ترسل مراجعين للدوائر الحكومية يجمعون معلومات عن القصور في الأُمور الإدارية ( هذا تجسس محمود أشوفه ) وبعدين تطبق اجراءات أو تنبيهات أو حتى عقوبات على الجهات المخالفة

في رأيي أي شكوى أو شيء ينشر تتم متابعته والتحقق منه وحتى لو بنفس اسلوب هذي الدولة ويتصحح ما يبقى عالق طول العمر

في عودتنا لمطار قطر من تركيا قبل رمضان تبهدلنا وكانت الأعداد أقل .. ألحين سهالات وسرعة وكانت الأعداد أكثر وطبقنا كل المطلوب منا .. أشوف إنهم سووا اجراء اداري صحيح وايجابي

تأخرت شنطة وبلغنا عنها وكانوا هناك قالوا ان شنطة نست الموظفة تحط عليها رقم الرحلة والوجهة .. تواصلوا معاهم سرعة وخذوا المعلومات وعنوان البيت وقالوا بنوصلها لكم للبيت وهذا بعد شغل اداري صحيح ومريح

[معماري قطري]

التخبطات الادارية حدث ولاحرج في كل الجهات .. اقرب مثال المستشفى الكبييير اللي فتح وقدم خدماته بعد سنيين من الانتظار ولحد يومنا هذا الشكاوى ماتخلص عليهم !

عيب مسؤولينا لين راحوا وهذا اذا احتدوا وراحوا يشوفون صورة غير عن اللي نشوفها وبعضهم همه نفسه ومن يعز عليه ولا يهمه التطوير للجميع

[معماري قطري]

لللسف تخبط انا من الناس اللي علقت معتي متصل فالطيران و الخارجية و كملت نص الرحلة بدون pcr بعد ما تأكدو من قطر و لما وصلت اركيا فالترانزيت خلوني اصف على جنب.

الحمد الله دبرت نفسي بفحص و حجز فندقي علطول و بدلت التذكرة.

بس لو حد ثاني كان ممكن توهق.

و مع ذلك اول ما خذت نتيجة الفحص سويت التسجيل الاختياري بحكم انه سمعت المطار زحمة.

انصدم انه من قبل الدبدوب كلشي معتفس و الخروج عفيسة و اللي اخذ او ما اخذ نفس الشي للاسف.

طيب و خسايري و لو اني راجع على وقت الدوام الخ….
الموضوع كان جدا مستفز لانه كلشي اعتفس من جداون و عزايم و الخ. مرتب لها من قبل

الله يعينك

أما تجربتنا إحنا سفرتنا كانت شوي متعبة وحر بين مطارات بدائية وصغيرة ومعانا كرسي متحرك يمكن شوي سهل علينا المرور في كل مكان يمشونا .. أما ميناء ميكونوس كأننا مشردين رحنا على الوقت وأخرونا حول ساعة وشوي كان هواء قوي والمكان حر بدون تكييف بس هواء وبعدين طابور للمركب وزحمة والترتيب لك عليه ومعانا شناط .. لين حصلنا واحد ودانا صوب المصعد ويوم مشت السفينة الهواء خضنا خض حول 4 ساعات ما يقدر يسرع

الرجعة لأثينا كانت من مطار جزيرة سانتوريني وانا امشي قلت لهم بينزلونا على درج بس زين حصلنا مصعد بس الطيارة لها درج يمكن حول 10 درجات وأم العيال عندها اصابة بصعوبة قدرت تركب .. عاد الطيارة مفاجأة كانت طيارة الذهاب حق ميكونوس كانت جديدة وكراسي جلد ريحة الجلد فيها كأنها سيارة جديدة أما العودة كانت طيارة أٌم مراوح قديمة تصرصر وهي بنفسها تسوي لنفسها مطبات .. ضيق وحارة وتكييفها تعبان مع إن الرحلة حول ساعة بس تعبتنا وايد

لو ماخذين فندق في الستي سنتر أحسن لنا بوايد والا في الشاليهات ونقدر نغير كم مكان وبمبلغ يمكن ربع تكلفة هذي السفرة وبدون مشقة وأخطار