اصحاب الفيراري ولمبرجيني افيدونا

[naklan]

السلام عليكم ورحمة الله وبركاته

مين الاحسن لمبرجيني او فيراري وشنهي احسن الانواع
واكشخها

وشنهي مشاكلها وتعقيداتها
وهل تمشي مع مطبات الدوحة ولا تشير

وبعدين وين تقدر تدوس لها شوي والرادارات على 80
تنصحون بشراها للمقتدر ولا

الشردة نص المرجلة

تحياتي
naklan افنتدور

[naklan]

ثرى هالايام كله احلم بافنتدور 12سلندر
سودا ومن داخل بيج وادعس ريس وتطلع ضو
من الشكمان شنهو تفسير الحلم

[SouthK]

ثرى هالايام كله احلم بافنتدور 12سلندر
سودا ومن داخل بيج وادعس ريس وتطلع ضو
من الشكمان شنهو تفسير الحلم

هذي مب احلام .. وسوسة ابليس!!

[SouthK]

السلام عليكم ورحمة الله وبركاته

مين الاحسن لمبرجيني او فيراري وشنهي احسن الانواع
واكشخها

وشنهي مشاكلها وتعقيداتها
وهل تمشي مع مطبات الدوحة ولا تشير

وبعدين وين تقدر تدوس لها شوي والرادارات على 80
تنصحون بشراها للمقتدر ولا

الشردة نص المرجلة

تحياتي
naklan افنتدور

ما عندنا شوارع للسيارات الرياضية .. وفر فلوسك ابرك!

[style]

السلام عليكم ورحمة الله وبركاته

مين الاحسن لمبرجيني او فيراري وشنهي احسن الانواع
واكشخها

وشنهي مشاكلها وتعقيداتها
وهل تمشي مع مطبات الدوحة ولا تشير

وبعدين وين تقدر تدوس لها شوي والرادارات على 80
تنصحون بشراها للمقتدر ولا

الشردة نص المرجلة

تحياتي
naklan افنتدور
تقدر خذ فراري sf90 ،،،اسطوره بمعنى الكلمه

شكرا

[اللوز]

السلام عليكم ورحمة الله وبركاته

مين الاحسن لمبرجيني او فيراري وشنهي احسن الانواع
واكشخها

وشنهي مشاكلها وتعقيداتها
وهل تمشي مع مطبات الدوحة ولا تشير

وبعدين وين تقدر تدوس لها شوي والرادارات على 80
تنصحون بشراها للمقتدر ولا

الشردة نص المرجلة

تحياتي
naklan افنتدور

قبل ما تشتري هذه السيارات اسئل عن الضمان واسعار قطع الغيار
لان اللي اعرفه انه سلخ في الاسعار
بعض انواع الفراري مرتفعة وتصلح للاستخدام اليومي
بعض انواع اللمبيورجيني ما ادري اي نوع بيوقف عن التصنيع

على قولتهم اذا خاطرك في محلات تاجير فراري
اجر وارتاح من عوار الراس

[اللوز]

ما عندنا شوارع للسيارات الرياضية .. وفر فلوسك ابرك!

حلبة لوسيل
ههههههههه

[اللوز]

ثرى هالايام كله احلم بافنتدور 12سلندر
سودا ومن داخل بيج وادعس ريس وتطلع ضو
من الشكمان شنهو تفسير الحلم

علشان نفسر لك الحلم
اتجيب ديك اعور
ههههههههه

[اللوز]

هذي مب احلام .. وسوسة ابليس!!

حتى ابليس ما فكر فيها
ههههههههه

[naklan]

هذي مب احلام .. وسوسة ابليس!!

هههههههه

ما عليك بعض الوسسة تطرب راعيها
خاصة في هالسوالف طرب

[naklan]

تقدر خذ فراري sf90 ،،،اسطوره بمعنى الكلمه

شكرا


تسلم اخوي السيارة جميلة عندك معلومات وافيه عنها
هل هي نص كهربائية او ماذا
لك كل الشكر

[naklan]

قبل ما تشتري هذه السيارات اسئل عن الضمان واسعار قطع الغيار
لان اللي اعرفه انه سلخ في الاسعار
بعض انواع الفراري مرتفعة وتصلح للاستخدام اليومي
بعض انواع اللمبيورجيني ما ادري اي نوع بيوقف عن التصنيع

على قولتهم اذا خاطرك في محلات تاجير فراري
اجر وارتاح من عوار الراس

علشان جذية نزلت الموضوع لزيادة المعلومات والاطلاع
سمعت تبديل ايل لمبرغيني حول 5000
وبعض الاطارات يوصل 20الف
مادري صح او مبالغة
لكن اكيد سيارة ب 2/5مليون بتكون مكلفة
بس الجميل ان الضمان يغطي الى 7الاف كيلو

[naklan]

علشان نفسر لك الحلم
اتجيب ديك اعور
ههههههههه

وبعدين اسويه صالونه واكله
اخاف انا اصير احول هههههههه

[naklan]

ما عندنا شوارع للسيارات الرياضية .. وفر فلوسك ابرك!

كلامك صحيح لا شوارع تتكيف مع هالنوع من السيارات
ولا جو يساعد على التمتع فيها
الله المستعان

[style]

تسلم اخوي السيارة جميلة عندك معلومات وافيه عنها
هل هي نص كهربائية او ماذا
لك كل الشكر
يوتوب عندك فيه كل التفاصيل ،، صحيح نص كهربائيه 1000حصان ،،لكن السعر هههههه
بس موتر صح.
https://youtu.be/A4orCB71BgY
الفرق 1000 حصان بين السيارتين ههههههه

[معماري قطري]

تعجبني يا نكلان

الشيطان يوسوس لي خذت قبل الميني طلعت فاترة بس ونيسة صغيرة سيتين اللي يسمونها رودستر من تضرب مطب بسيط أو حفرة ويا مكثرهم في شوارعنا تقول كارثة صايرة .. بعدين خذت اس 500 كوبيه وللحين عندي .. خذته مستعمل موديل 2015 ماشي 16000 بس وألحين وصل 32000 وله عندي حول 3 سنين .. قومة في 4 ثواني لين 100 ودوسات يتجاوب معاك لأقصى حد

جربت ال اي 63 عند ولدي ما حسيت فرق كبير وجربت الاس 65 الصالون 12 سلندر عند ولدي بعد ثقيل وسخيف صراحة ما ادري ليش صانعينه .. خذ بعده بي ام ام 2 ذي مينونة وسريعة

الإس إصبر شوي بينزلون الكوبيه الجديد وشوف لو تاخذ كشف أحلى وإحتمال يرجعون للإس إل مرة ثانية وقفوه فترة وميزته سقف حديد وينفتح للأجواء الزينة ومريح والقوة مناسبة ما تحتاج توصل لمكينة مضغوطة مثل الفراري واللمبرغيني وسيارة ضيقة من داخل ومب مريحة مثل المرسدس ومشاكلها وايد .. حتى المرسدس الاي ام جي بكافة أنواعه المكينة مضغوطة ومشاكلها وايد .. حدك 500 8 سلندر أو حتى ال 6 الجديد قوي كفاية

لو تبغي اس كوبيه فيه معروضين وحاول تصيد اللي كشف وايد أحلى للأجواء الحلوة بعض الأوقات مع شوية دوسات تحس بالهواء يداعب أحاسيسك .. أسويها أوقات في سيارتي مع فتح الدرايش

[معماري قطري]

جربت سواقة البنتلي كوبيه ما عجبني مثل المرسدس

بعدين الحلم أكيد هذا يذكرك بالشباب وأيامه

[style]

روح جرب ( club sport) bmw m2 cs وقولي راييك،،هذي صج مجنونه.
عندي وحده لكن صج سياره مجنونه .. بس غاليه تقريبا 400 الف ريال .. طبعا مافي حد بيدفع هذا المبلغ في سياره مثل هذي
لكن؟؟؟ موتر صعب. وزن 1500 كيلو ،،، قوه 500 حصان.

[SouthK]

حلبة لوسيل
ههههههههه

مغلقة لغير اصحاب الواسطة!

[SouthK]

كلامك صحيح لا شوارع تتكيف مع هالنوع من السيارات
ولا جو يساعد على التمتع فيها
الله المستعان

الله كريم!

[naklan]

تعجبني يا نكلان

الشيطان يوسوس لي خذت قبل الميني طلعت فاترة بس ونيسة صغيرة سيتين اللي يسمونها رودستر من تضرب مطب بسيط أو حفرة ويا مكثرهم في شوارعنا تقول كارثة صايرة .. بعدين خذت اس 500 كوبيه وللحين عندي .. خذته مستعمل موديل 2015 ماشي 16000 بس وألحين وصل 32000 وله عندي حول 3 سنين .. قومة في 4 ثواني لين 100 ودوسات يتجاوب معاك لأقصى حد

جربت ال اي 63 عند ولدي ما حسيت فرق كبير وجربت الاس 65 الصالون 12 سلندر عند ولدي بعد ثقيل وسخيف صراحة ما ادري ليش صانعينه .. خذ بعده بي ام ام 2 ذي مينونة وسريعة

الإس إصبر شوي بينزلون الكوبيه الجديد وشوف لو تاخذ كشف أحلى وإحتمال يرجعون للإس إل مرة ثانية وقفوه فترة وميزته سقف حديد وينفتح للأجواء الزينة ومريح والقوة مناسبة ما تحتاج توصل لمكينة مضغوطة مثل الفراري واللمبرغيني وسيارة ضيقة من داخل ومب مريحة مثل المرسدس ومشاكلها وايد .. حتى المرسدس الاي ام جي بكافة أنواعه المكينة مضغوطة ومشاكلها وايد .. حدك 500 8 سلندر أو حتى ال 6 الجديد قوي كفاية

لو تبغي اس كوبيه فيه معروضين وحاول تصيد اللي كشف وايد أحلى للأجواء الحلوة بعض الأوقات مع شوية دوسات تحس بالهواء يداعب أحاسيسك .. أسويها أوقات في سيارتي مع فتح الدرايش


الرغبة اخوي معماري في هالسيارتين للمبرقيني او فراري
وبعده بورش جي تي 3 ار اس
السيارات الرياضية خيار ثاني وليس سيارة رئيسية
الاستعمال في بعض الاوقات وليس كل الاوقات
تحياتي يا زعيم

[naklan]

جربت سواقة البنتلي كوبيه ما عجبني مثل المرسدس

بعدين الحلم أكيد هذا يذكرك بالشباب وأيامه

طبعا احنا نتشبب
ومعزم ما اخلي شي للورثة
الا وانتم كرامة زنوبة مقاس 43

[naklan]

روح جرب ( club sport) bmw m2 cs وقولي راييك،،هذي صج مجنونه.
عندي وحده لكن صج سياره مجنونه .. بس غاليه تقريبا 400 الف ريال .. طبعا مافي حد بيدفع هذا المبلغ في سياره مثل هذي
لكن؟؟؟ موتر صعب. وزن 1500 كيلو ،،، قوه 500 حصان.

ماشاء الله طيارة بس بعيده عن
رغبتي في تجربة فراري اولمبرقيني
قبل ما تصير السيارات كهربائية
بالكامل

[قطر833]

السلام عليكم ورحمة الله وبركاته

مين الاحسن لمبرجيني او فيراري وشنهي احسن الانواع
واكشخها

وشنهي مشاكلها وتعقيداتها
وهل تمشي مع مطبات الدوحة ولا تشير

وبعدين وين تقدر تدوس لها شوي والرادارات على 80
تنصحون بشراها للمقتدر ولا

الشردة نص المرجلة

تحياتي
naklan افنتدور

كشخه ، وكيل ، استعمال، صيانه ، سيرفس ، راحة بال ، جروبات وطلعات وتجمعات ، سعر مابعد البيع ، كلها الفراري تتفوق وعلى جميع السيارات السوبر سبورت، بشرط خلك على 488 او التربيتو او السوبر فاست فقط هذول الي اسعارهم تمسك ،،النصيحه الاخيرة شوارعنا تقولك روح حق الفرويل وعيش لان الفراري والي مثلها عندك كتارا واللؤلؤة والوسيل ماااااافي غيرهم شوارع الدوحه والمطبات والحفر بتبهدلك مطبه وحده تكنسلك الطلعه ،، المبلغ الي بتدفعه حطه في فرويل اذا الدعوى كشخه وتمشي*،

[naklan]

كشخه ، وكيل ، استعمال، صيانه ، سيرفس ، راحة بال ، جروبات وطلعات وتجمعات ، سعر مابعد البيع ، كلها الفراري تتفوق وعلى جميع السيارات السوبر سبورت، بشرط خلك على 488 او التربيتو او السوبر فاست فقط هذول الي اسعارهم تمسك ،،النصيحه الاخيرة شوارعنا تقولك روح حق الفرويل وعيش لان الفراري والي مثلها عندك كتارا واللؤلؤة والوسيل ماااااافي غيرهم شوارع الدوحه والمطبات والحفر بتبهدلك مطبه وحده تكنسلك الطلعه ،، المبلغ الي بتدفعه حطه في فرويل اذا الدعوى كشخه وتمشي*،

اشكرك اخوي قطر833 على المعلومات القيمة
والنصائح المفيدة وكلام كله صحيح

[naklan]

قاعد اتفرج على تيك توك
لمبرقيني في دبي وسط الزحام واقف وراعيها
قاعد يضغط لها ريس وولعت عند السطاب ليت
والناس تدق له هرن وهو يضغط ريسات ومستطرب
وما يدري عن الحريق مشى السيد وهو مشى
والسيارة مولعه والله اعلم شصار

[سالم الزهران]

نقول اللهم ان فيها خير لاخونا الغالي نكلان يسرها وان فيها ضرر فاصرفه عنها واقسم له الخير يا كريم.

[معماري قطري]

روح جرب ( club sport) bmw m2 cs وقولي راييك،،هذي صج مجنونه.
عندي وحده لكن صج سياره مجنونه .. بس غاليه تقريبا 400 الف ريال .. طبعا مافي حد بيدفع هذا المبلغ في سياره مثل هذي
لكن؟؟؟ موتر صعب. وزن 1500 كيلو ،،، قوه 500 حصان.

عند ولدي الصغير لا ويعترف إنه مزودها

[معماري قطري]

قاعد اتفرج على تيك توك
لمبرقيني في دبي وسط الزحام واقف وراعيها
قاعد يضغط لها ريس وولعت عند السطاب ليت
والناس تدق له هرن وهو يضغط ريسات ومستطرب
وما يدري عن الحريق مشى السيد وهو مشى
والسيارة مولعه والله اعلم شصار

شفته له مقطع ثاني وهم يطفون ما تبقى منها خلاص سكراب ويترجى راعي الكراج يشتريها ويمكن يعطيه فلوس حتى ياخذها

[معماري قطري]

نقول اللهم ان فيها خير لاخونا الغالي نكلان يسرها وان فيها ضرر فاصرفه عنها واقسم له الخير يا كريم.

عرفت حق نكلان يبي يعيش ما تبقى من الشباب وهذي بوادر الإنحراف

[style]

عند ولدي الصغير لا ويعترف إنه مزودها
خل يروح الوكاله ،،،الخليج الغربي فرع البي ام دبليو ويشوفها ،،موجوده عندهم اخر وحده للبيع ،،على فكره ارتفع سعرها الان 435000 ريال،،الموتر مش مزود وكاله يعني stock هذي بس داون بايب وشارج بايب مع برمجه محترمه تروح فوق ال 650 حصان اذا مش اكثر .
https://youtu.be/jIO3qIrQKLI
شكرا

[اللوز]

شفته له مقطع ثاني وهم يطفون ما تبقى منها خلاص سكراب ويترجى راعي الكراج يشتريها ويمكن يعطيه فلوس حتى ياخذها

جان اتصلي اركب على الموتر شنبر وبالون

[SouthK]

جان اتصلي اركب على الموتر شنبر وبالون

هذا لامبرجيني اخوي مب كروزر!!!!
مشكلة شباب الدوحة حتى لو تعطيهم تيدا ركبوا عليها شنبر!!!!!!